Post: #1
Title: بليلة حصحاص!
Author: Yassir Tayfour
Date: 01-26-2011, 06:19 PM
Parent: #0
كان نمنا،
الحمد لله
والله أكبر والله الحمد.
وبذا نكون وفرنا حق العشاء،
وباكر لما نصحى،
الحصاص برجانا في قِدرتو،
لا بيحرق ولا بيحرد!
بنشدو تاني!
وكان نمنا، إلخ!
___
وقديماً قيل: الحاري ولا المتعشي!
|
Post: #2
Title: Re: بليلة حصحاص!
Author: Alshafea Ibrahim
Date: 01-26-2011, 06:29 PM
Parent: #1
تحياتي أخي ياسر طيفور
أشهد الله بوستك ريحني لدرجة ما تتوقعها - كلام كبار من ناس كبار - وفيه من الحكم والنعم ما هو جدير بالإعادة ومعكم أقول
--------------------------------
كان نمنا،
الحمد لله
والله أكبر والله الحمد.
وبذا نكون وفرنا حق العشاء،
وباكر لما نصحى،
الحصاص برجانا في قِدرتو،
لا بيحرق ولا بيحرد!
بنشدو تاني!
وكان نمنا، إلخ!
___
وقديماً قيل: الحاري ولا المتعشي!
--------------------------------------
دمت بألف خير ، ونوم العافية
الشفيع إبراهيم
|
Post: #3
Title: Re: بليلة حصحاص!
Author: Yassir Tayfour
Date: 01-26-2011, 07:11 PM
Parent: #2
الشفيع إبراهيم
يا أخانا في الإنتظار!
أنا يا عزيزي الشفيع خفضت سقف توقعاتي عن حال الوطن لحده الأدنى، فإن وجدت شيئاً فرحت به، وإن لم أجد شيئاً فلن أحزّن على شيءٍ لم أتوقعه إبتداءً..
|
Post: #4
Title: Re: بليلة حصحاص!
Author: الصادق ضرار
Date: 01-26-2011, 07:43 PM
Parent: #3
حاري شنو يا ياسر ؟!!
خليك كوووول نم بسلام و اصحى بردو بسلام و بس
مافيش فايدة
|
Post: #10
Title: Re: بليلة حصحاص!
Author: Yassir Tayfour
Date: 01-26-2011, 10:55 PM
| Quote: حاري شنو يا ياسر ؟!! |
حارين فجر الخلاص يا الصادق!
___
ما مشكلة يالصادق، بنوم وبكره بنشِد الحصحاص تاني.
|
Post: #5
Title: Re: بليلة حصحاص!
Author: GamarBoBa
Date: 01-26-2011, 07:51 PM
Parent: #3
| Quote: أنا يا عزيزي الشفيع خفضت سقف توقعاتي عن حال الوطن لحده الأدنى، فإن وجدت شيئاً فرحت به، وإن لم أجد شيئاً فلن أحزّن على شيءٍ لم أتوقعه إبتداءً.. |
يا يا سر
تحياتي
كان انت كان خدر ما تستعجلوا....المهدي جوكي سياسة...الميرغني سمسار كبير..نقد انطوائي عايز يسمع البرضيه بس
اليوم الوضع كان سالك لتغيير الا انو الكبار متخاذلين جدا ما بعرفوا يقروا شارع الثورة..يا ياسر الثورة بتجي بظروف موضوعية..ودي لحظتها لسة...لكن بتجي..منو الكان بصدق الحصل في تونس
هي لحظة طالما توفرت ظروف موضوعية سيكون الجميع في الشارع..حينها ح تقعد القيادات دي كنب كما ارتضوها لنفسهم...
لا تيأس يا ياسر
لو كنا قافلين علي خلاصنا في نوع ديل كنا انتحرنا زمان..
مهما كبر جبروت النظام ح يقلبها بتاع ورنيش..وبتقلبها ست شاي وبقلبها زول مظلوم وموجوع..ديل ما بقلبوها ...خلي الظلم يتراكم وخلي الأحزان تكبر..
|
Post: #6
Title: Re: بليلة حصحاص!
Author: معاوية عبيد الصائم
Date: 01-26-2011, 08:25 PM
Parent: #5
ود طيفور يا قريبى
يشهد الله ياياسر تجى انتفاضة دافرة دفر الجن والكيزان حاسين بكده شيل الصبر
الله فى
|
Post: #7
Title: Re: بليلة حصحاص!
Author: دينا خالد
Date: 01-26-2011, 08:47 PM
Parent: #6
ويأكلون الحصرم
وناس كندا يضرسسون !!
ــــــــــــــــــــ
الله ما كضب الشينة يا ياسر ..
|
Post: #8
Title: Re: بليلة حصحاص!
Author: حسبو عكاشة
Date: 01-26-2011, 08:57 PM
Parent: #7
Quote: هي لحظة طالما توفرت ظروف موضوعية سيكون الجميع في الشارع..حينها ح تقعد القيادات دي كنب كما ارتضوها لنفسهم...
لا تيأس يا ياسر
لو كنا قافلين علي خلاصنا في نوع ديل كنا انتحرنا زمان..
مهما كبر جبروت النظام ح يقلبها بتاع ورنيش..وبتقلبها ست شاي وبقلبها زول مظلوم وموجوع..ديل ما بقلبوها ...خلي الظلم يتراكم وخلي الأحزان تكبر |
ينصر دينك يا بوبا
دا الكلام القاعد اقولو للشباب المعاي
الموضوع عايز يستوي بس
|
Post: #9
Title: Re: بليلة حصحاص!
Author: Faris Mohamed
Date: 01-26-2011, 09:47 PM
Parent: #8
معاك يابوبا
وحارنك نحنا ودايرنك ياشعبنا
|
Post: #17
Title: Re: بليلة حصحاص!
Author: Yassir Tayfour
Date: 01-27-2011, 11:29 PM
Parent: #7
دينتنا
وصل اليأس حده ومداه،
يا بئسهم من قادة ينامون وشعبهم لا ينام، جوعاً ومرضاً، وحينما يخرج الشعب او يهم بالخروج، تجدينهم -القادة- يجتمعون مع النظام ويضحكون ويتاجرون..
___
وهم أول من يصحى غد الثورة فيسرقونها..
|
Post: #15
Title: Re: بليلة حصحاص!
Author: Yassir Tayfour
Date: 01-27-2011, 00:55 AM
Parent: #6
يا معاوية سلامات!
| Quote: يشهد الله ياياسر تجى انتفاضة دافرة دفر الجن والكيزان حاسين بكده شيل الصبر |
أكيد أكيد..
نتصبّر مع مجوب شريف:
وقلب الشعب أرحب من رحاب الضوء
ونبض الشعب كله حلم بداه بتم
تطلع من شقوق الأرض آلاف المدن قامات
ويطلع حتى من قلب الحجر والصى
شجر متشابك الهامات وجيلاً جاى حلو الشهد
صبايا وفتيه يمرحوا فى صباح الغد
عيونهم برقهم لماح سؤالهم رد
خفاف ولطاف وثابين أوان الجد
دفاعاً عن حياض السلم والافصاح
سلم لى عليهم
جملة حتى اللسه قبل الخلق والتكوين
صناع الحياة اليوماتى ملح الارض
نبض الشعر والموسيقى والتلوين
هدامين قلاع الخوف
كانت هذه الدراجة يوماً ما كلاشنكوف
مابين منارات السمع والشوق
نقاشين فى جدار الصمت
....
..
|
Post: #11
Title: Re: بليلة حصحاص!
Author: Yassir Tayfour
Date: 01-26-2011, 11:08 PM
Parent: #5
قمرنا
القول قولك يا صديق، وأعجب يا قمر لهؤلاء القادة الذين يجرون شعبهم للوراء ويتصدون لأحلامهم وتطلعاتهم، ولا يتقدمون. القائد الذي لا يتقدم الصفوف عليه بالجلوس ببيته..
___
غداً
حينما يطل فجر الخلاص
سوف يأتي قادة الخزلان
يجرجرون ثيابهم
يسرقون الثورة
ويقعدون بها
|
Post: #12
Title: Re: بليلة حصحاص!
Author: الخير محمد عوض
Date: 01-26-2011, 11:48 PM
Parent: #11
والله يا ياسر الحال ما بيسر والبليلة ما اكناها بلعناها بلع
الواحد بدأ يشعر انو البليلة بياكلوها ويقشو في خاطرنا نحن ديل
الواحد تاني الا يبلع ليهو حبوب وقاية من الاحباط حتين يسمع للديناصورات
ديل.
غايتو
|
Post: #13
Title: Re: بليلة حصحاص!
Author: Sabri Elshareef
Date: 01-26-2011, 11:51 PM
Parent: #12
| Quote: أنا يا عزيزي الشفيع خفضت سقف توقعاتي عن حال الوطن لحده الأدنى، فإن وجدت شيئاً فرحت به، وإن لم أجد شيئاً فلن أحزّن على شيءٍ لم أتوقعه إبتداءً.. |
نعم القول قولك يا ياسر
والله في الحلق غصه مما يحصل وبالعين دمعه من ماااال الحال
|
Post: #14
Title: Re: بليلة حصحاص!
Author: فايزودالقاضي
Date: 01-27-2011, 00:50 AM
Parent: #11
يسورة ..سلامات ...
الحال يتغير كيف اذا انتو كشباب مصرين تبقوا تٌبّع وتنتظروا السيد اوالامام يأشر ليكم عشان تعبروا عن حاجاتكم وفي زمنكم ؟!! ...ماعارف ليه الشباب عايزين يكون امعة في اشياء تخصهم هم ؟!! ...وريني متين حايجي اليوم النحن نكون فيهو نحن ونؤدي واجبنا وناخد حقوقنا بطرقنا من غير اى زول مايفرض علينا وصاياه بحكم التاريخ والكبر والرمزية وغيره ؟!!.. وميتن نحن حانبقى رموز حاضرنا اذا لم تتح لينا الفرصة ولم نخلق نحن الفرصة ؟!! ... قياداتنا سرقت حاضرنا ومصرة تحدد مستقبلنا...نحن مانسلبها تاريخها لكن كمان مايسلبونا حاضرنا ومستقبلنا ..رموزنا وقياداتنا ادت دورها سلباً وايجاباً ونحترم تاريخها ويظلون رموز ..لكن بعد ده مفروض يسلموا الراية للشباب وجيل الحاضر فالدور دورهم وللشباب نقول كفاية تبعية وابقوا انفسكم وأطلعو من حتة الموصى عليهم وكأنكم قصر ..غير كده مافي تغيير لواقعكم ولا لواقع السودان ...
|
Post: #16
Title: Re: بليلة حصحاص!
Author: Yassir Tayfour
Date: 01-27-2011, 09:51 PM
Parent: #1
|
Post: #18
Title: Re: بليلة حصحاص!
Author: دينا خالد
Date: 01-29-2011, 03:18 PM
Parent: #16
ياسرنا !!
يبدو اننا على اعتاب بليلة حمص !!
دفق الحصحاص
وعبى قدرك
تفاءلوا الخير تجدوه ..
وكان قالوا ليك ياسمين
قول اميييين ...
ـــــــــــــــ
املا .. دعنا نطعمهم العشاء الاخير !
|
|