بورداب الإمارات يحتفون بزوار الإمارات من البورداب ...

تزدان مدن دولة الإمارات اليوم بكوكبةٍ من بورداب سودانيزاونلاين ..

وكما إعتدنا دائماً نحن بورداب الإمارات ..

فإننا نحرص على الإحتفاء والاحتفال بمقدم كل بوردابي يحل رحاله بيننا

سواءاً في زيارة .. أو عمل .. أو خلافه ..

واليوم يوجد بيننا عدد من البورداب ..

منهم الأخ أنور (البعيو) وحرمه وهم في طريقهم من الهند إلى السودان بعد رحلةٍ للعلاج ..

والأخ العزيز علاء الدين صالح من بورداب السعودية وهو في زيارة للإمارات ..

والأخت الفاضلة البوردابية هبة الماحي زوجة زميلنا سفيان نابري وهي أيضاً في زيارة ..

ونتوقع وصول المزيد خلال اليومين القادمين .. فألف مرحب بكل بوردابي زائر للإمارات ..

ونسبة لإنشغال البورداب مساء الخميس بمناسبة زواج الزملاء نهال كرار ودكين ..

ومساء الجمعة بالجمعية العمومية لرابطة نادي الهلال بالنادي السوداني بدبي ..

فقد تقرَّر الإحتفاء بالزملاء الضيوف من البورداب في مساء السبت القادم الموافق 29/1/2011

بمطعم دانيال الشارقة .. والدعوة موجَّهة لكل بورداب الإمارات الراغبين في مشاركتنا في الإحتفاء بالزملاء الكرام ..

thank you kassala

شكرا أخي عبد الله

والف مليون مراحب بضيوفنا الكرام

ونتمنى لهم اقامة طيبة

نلتقي يوم السبت ان شاء الله

عبدالله

تحياتي وتشرفنا بالزوار

Quote: ومساء الجمعة بالجمعية العمومية لرابطة نادي الهلال بالنادي السوداني بدبي .. فقد تقرَّر الإحتفاء بالزملاء الضيوف من البورداب في مساء السبت القادم الموافق 29/1/2011

المواعيد شوفوا لينا طريقة مساء الجمعة عشان نكون معاكم لانو يوم الاحد دوام والضباب ما بساعد في الرجوع في نفس الليله

مرحبتين حبابك حبيبنا عبد العزيز حسين ..

والله يا ريت لو في طريقة لتغيير الموعد .. كنَّا عملناها يا عبد العزيز ..

اجتماع رابطة نادي الهلال يوم الجمعة ..

وإنت عارف الاجتماع ده حياخد عدد كبير من البورداب ..

وإنت برضو عارف .. نحن ما بنعمل دعوة يوم السبت إلاَّ مضطرين .. زي المرة دي ..

وخايفين كان قلنا نأجل المواعيد للأسبوع الجاي .. ممكن الضيوف يسافروا ..

وجودك أنت وكل بورداب أبو ظبي يهمنا ويسعدنا ويشرفنا جداً ..

الزعيم عثمان رغيم.. معروف حمدين .. ناصر الأمين .. تيسير عووضة ..

إمتثال .. مولانا عادل سمير .. آدم موسى .. يحي عبد الكريم ..

جنابو الطيب عثمان .. وكل البورداب الآخرين .. يا ريت تشرفونا ..

والله يا عبدالله ما عارف اقول شنو

لكن الحاصل أغلب البورداب خارج أبوظبي ونحنا برضه نطمع في حضور البورداب البعدين زي الطيب عثمان يوسف وأخونا عوض في الرويس واللمات الفاتت كلها بي ظروف

وهسع أبورغيم بقى بدوي وضارب الخلا زاته ما مخبور مكانه ودا أساسي ومهم

لكن في التاريخ دا ما بضمن ليك زول يحضر من أبوظبي إلا البتتيسر أموره

والايام دي بنزل ضباب في أبوظبي وبتحصل حوادث كتيرة أو تأخير

وبرضه يوم السبت الدخول لي دبي المساء بكون صعب

وحسب علمي ناصر موجود في دبي في كورس أنا حا اكون متواجد في دبي يوم الخميس وحا أبيت لي يوم الجمعة ووممكن ننتظر اللمه دي وبتبقى لينا صعبة نمشي ونرجع يوم السبت

ياريت تراجعوا الاخوان وتغييرو التواريخ

أو ممكن اقترح ليكم نعمل اللمه دي في أبوظبي وحسب رايكم

مرحبتين وحباب الضيوف

معاكم معاكم لو ربنا سهل ....


" عمر سعد " وين ماذكرتوهو الزول ده جاااي ماتخلو يدسا منكم :)

مرحبتين حبابك يا إمتثال ..

واليوم السعيد الليلة جابك ..

أهلاً وسهلاً بيك معانا في الترحيب بضيوف الإمارات ..

ومرحبتين حباب أخونا عمر سعيد ..

يلا إنتي معانا ما تخليهو يدسا ..

ونحن في إنتظار تشريفكم لينا ..

مرحب بالضيوف الكرام ..

وربنا يسهل نكون معاكم ..

ولو ما معاكم برضو من بعيد نكون معاكم ..



شكرا عبدالله يا صاحب الجود والكرم ...

..
.
بالله اهتموا لينا بالزائرين من قطر
ديل جاينكم سايرين عديل ..
وفيهم عجائز وكبار سن وناس ركبه سايحه
ومافى داعى لذكر الاسماء ..


-------

اهم شئ التويثق والنقل المباشر ش

تبلدينا .. ما تشيهل هم بورداب قطر ديل ..

نشيلهم جوووه عيونا .. بس هم كيف يجو ..

كبارهم وصغارهم ..

وحنوثق ليك المناسبة ..

وننقلها ليك على الهواء كمان لو في طريقة ..

إنت متين حتجينا ..

زواج البوردابيين عبد العزيز دكين ونهال في الشارقة يوم الخميس

سيكون تاج حضور البورداب إلى الإمارات

ما بتقصروا يا كسلا

شكرا أخي عبدالله ونسعى غن شاء الله للحضور ...تحياتي

مرحباً بالبورداب الكرام ، وشكراً أخ كسلا علي المجهود ، وإنشاء الله معاكم .

مرحب بيك يا صداح .. وتشرِّف والله ..

مشكور الأستاذ عبدالله كسلا

وسوف نحاول الحضور رغم المشاغل ولنا لقاء قريب ان شاء الله

أووووه .. العمدة ود العُمد الحبيب عثمان أبو روف ..

مرحبتين حبابك يا عثمان ..

عارفين المشاغل .. لكن يا ريت تحاول ..

وجودك يسعدنا ويشرفنا ..

مرحب يا حلاوي ..

وجودك مهم .. إنت عمدتنا وتاج راسنا ..

وصاحب الدعوة ما بيغيب عن ضيوفو .. مش؟

وجودك مهم .. وجودك مهم ..

يا مليون مرحب بضيوف الامارات

شكرا يا كسلا


وعلى الموعد انشاءالله

شكراً يا طارق يا كوتش ..

على المرور والترحيب بالزملاء الضيوف ..

وإن شاء الله على الموعد ..

حبيبنا معاوية ..

ربنا يتتم لدكين ونهال على خير ..

ومرحبتين حباب كل البورداب في الإمارات ..

ما بنقصر معاهم تبْ إن شاء الله ..

عفاف .. إتي عارفة نحن ما بعمل دعوة يوم السبت ..

لكن المرة دي مضطرين .. وأنا عارف إنك يوم السبت شغالة ..

لكن برضو .. وجودك مهم جداً .. جداً .. جداً ...

يا ريت تحاولي ..

تسلمي إنتي يا ست الذوق والفهم ..

مرحب بريسنا أسامة إدريس ..

ونرحِّب معاك بالضيوف الكرام ..

ويوم السبت ما بعيد إن شاء الله ..

مرحب بكل الاحباب ،
في الامارات العربية المتحدة ،
حللتم أهلا ،
وطاب بكم المقام ،،
خالص تحياتي لكل ،
بورداب الامارات ،،،





عزالدين عباس الفحل
ابوظبي

شكراً جزيلاً أخونا عز الدين الفحل على المرور والترحيب بضيوفنا في الإمارات ..

ويا ريت تشرفنا بحضورك يا عز الدين ..

شكراً ليك مرة تانية ..

وفي إنتظار حضورك للشارقة إن شاء الله ..

Quote: فقد تقرَّر الإحتفاء بالزملاء الضيوف من البورداب في مساء السبت القادم الموافق 29/1/2011

كسلا يا حبيبنا

تحية للضيوف الكرام من خلال البوست

و للأسف يوم السبت دا معناتو (ما تجونا) يا ناس ابوظبي

فليكن ..

نصيحة لوجه الله , طفلنا المعجزة علاء الدين لو ما بتقدروا علي اشباع امكانياته الغذائية في مطعمكم دا بتدوهو الجوع وما بنسكت انحنا

Quote:

Quote: نصيحة لوجه الله , طفلنا المعجزة علاء الدين لو ما بتقدروا علي اشباع امكانياته الغذائية في مطعمكم دا بتدوهو الجوع وما بنسكت انحنا

افووووووووووووو يا أساسي ... ابشر بالخير عليك امان الله نحجز ليهو اسبوع فى مطعم دانيال ..

يا اساسي ياخي علاء ده أكيد عاملها لقطة للتصوير فقط ..

لكن كدي عاين لنظرة البشير دفع الله دي .. ما خد الموضوع جد

ياخ علاء ده زول جميل بكل ما تحمل الكلمة من معنى ..

وخير ممثل لبورداب السعودية ..

انت إطمئن وتأكد .. نحن ما حنقصر معاهو ولا مع غيرو إن شاء الله ..

Quote: يا اساسي ياخي علاء ده أكيد عاملها لقطة للتصوير فقط ..

ودة فعلاً الحصل بالضبط يا عبد الله
عملتها عشان أغيظ بيها ود الصايم
لكن على قول المثل: التسوّي في ود الصايم تلقا في سجم خشمك

Quote: افووووووووووووو يا أساسي ... ابشر بالخير عليك امان الله نحجز ليهو اسبوع فى مطعم دانيال ..

الأخت الفاضلة عفاف
تسلمي يا بِت الكرم والقبايل والأصول
تسريبات الفوتوليكس بتاعت أساسي في التوقيت دة تحديداً
أثناء زيارتي لدُبَي (وبعد أسبوعين كاملين من حفلة زملاء البورد بجدة)
قُصِد بها إغتيال شخصيتي الإعتبارية

سلامي لصديقتي دُرّة

والله يا حمودة بعد مرات عندك جنس حركات .. !!

شكرا أخي عبد الله

والف مليون مراحب بضيوفنا الكرام

ونتمنى لهم اقامة طيبة

حضور ان شاءالله

مودتى ..

ناصر الحبيب ..

Quote: و للأسف يوم السبت دا معناتو (ما تجونا) يا ناس ابوظبي

بالعكس يا ناصر .. نحن نتمنى وجود كل بورداب الإمارات ..

وبورداب أبو ظبي ديل بالذات .. فيهم زعيمنا أبو رغيم ..

والله العظيم وجودكم بالجد يسعدنا ويشرفنا .. بس نحن مضطرين المرة دي ..

خايفين كان أجلنا الموعد للأسبوع الجاي .. الضيوف يسافروا ..

ويومي الخميس والجمعة مزحومين زي ما شرحت أنا في مداخلة فوق ..

يا ريت تحاولوا يا ناصر .. وممكن تتأخروا شوية على الدوام يوم الأحد ..

بس عشان تكونوا معانا .. نتباهى بوجودكم وتغزرونا .. ياكم عزَّنا وأهلنا في الغربة ..

بورداب الامارات يا ناس يا ذوق
عبدالله كسلا إن شاءالله يوم شكرك ما يجئ والله ما قصرت
معاي ، مجرد إتصالك للسلام و التحية و متابعة أخباري
كان له أثر طيب في نفسي ، شكرا" و تسلم كتير يا أخوي

Quote: مرحب بالضيوف الكرام .. وربنا يسهل نكون معاكم .. ولو ما معاكم برضو من بعيد نكون معاكم .. شكرا عبدالله يا صاحب الجود والكرم ...

معقولة بس يا عفاف ؟ و إنتي اول زول رحب بي في إماراتكم دي !
و الحالة انا جاياك عديل في الشارقة من يوم الخميس ! راجعي
قرارك ولابد من وجودك و إلا بنطلع مظاهرات يوم السبت لحدي محل شغلك
و نقلعك من هناك قلع
التحية ليكم جميعا" و عليكم الله يا بورداب ابوظبي بطلًوا حركات المغتربين
دي و تعالوا نتعارف
أصلا" برنامج زي دا ما بكون كل يوم ولا كل اسبوع .. هسة انا حأكون جاية للبرنامج دا من مدينة
غياثي في المنطقة الغربية ( في أخر الدنيا) و برضو تقولوا ضباب و بكرة شغل و مش عارف إيه !
النبي ما تتأخروا علينا

Quote: معقولة بس يا عفاف ؟ و إنتي اول زول رحب بي في إماراتكم دي ! و الحالة انا جاياك عديل في الشارقة من يوم الخميس ! راجعي

مرحب بيك يا هبوية فى اي لحظة واي وقت ..

تعرفى الظروف مرات بتكون اقوي وفى اللحظات الاخيرة تحصل مستجدات ..

مع انه اكتر واحدة بكون متحمسة للقاءات الحلوه دي ..

مساء الخميس والجمعه عندي امور مهمة جدا وبكون خارج الدولة ...

بحاول بقدر الامكان تكون المهمة 24 ساعة وارجع صباح السبت باذن الله تعالى ..
ده لو ربنا قدر .. واكون معاكم ..

فى كل الاحوال لازم تكونى في بيتى لو كنت موجودة ولا لا ..

ومعكم نرحب ونحضر انشاء الله ..

عمر علي حسن

الأخ كسلا سلامات وشكرا انا حأصل دبي صباح السبت يا ريت لو تحدد الساعة وتلفون للمتابعة وأخذ الوصف لو أمكن او وضع العنوان كامل بالبوست وشكرا

الأخ يوسف سعيد علي .. أهلين ومرحب بيك في الإمارات ..

يسعدنا وجودك معانا يوم السبت ..

اتصل بي بعد وصولك لدبي على الهاتف:

0566580056

وتصل بالسلامة إن شاء الله ..

شكرا أخي عبد الله

والف مليون مراحب بضيوفنا الكرام

ونتمنى لهم اقامة طيبة

حضور ان شاءالله

مرحب بالجميع فى شارقة الامارات
...

ابو كدوووك من متين انت فى البلد !!




....

ناس ابوظبى ياخ تعالوا > كلها ساعة ونص
وممكن الناس تبدر شوية و يكون بعد صلاة المغرب > بدون وش ضاحك يا كسلا

....






هام : حموده قوم لف

طارق .. كيف تقول الناس تجي بعد صلاة المغرب ..

وتقول لي بدون وش ضاحك .. وش واحد ما كفاية ..

ألف مرحب بضيوفنا .. والعين تشيلهم قبل دانيال
حضور إن شاء الله
شكرا عبدالله كسلا
وشكرا حموده على الايميل

شكراً ليك عبد الدين للمرور والترحيب الحار بضيوفنا ..

نتقابل هناك إن شاء الله ..

الأخ عبد الله كسلا
وضيوفه الكرام
تحياتي وعبركم بنرحب بالزملاء الكرام ومنورين
والله يا عبد الله يوم السبت صعب جداً كما اشار الإخوان ناصر وعبد العزيز
ولكن بنحاول إن شاء الله نكون معاكم ربك يسهل
مرحب بيكم جميعا والإمارات مزينة بوجودكم
مرحب بيك هبة الماحي وهبة يا كسلا زولة علي النعمة بعشرة رجال
ولا عزاء لبورداب واشنطون

غايتو انا ما عندي عربية

لو ابو أحمد ودانا بنكون معاكم


ولا عزاء لناس امريكا .

مرحب بيك أخونا محمد الواثق ..

ويا أبو أحمد جيبو عليك الله وتعال معاهو ..

ولو بقيت قريب .. بنجي ونجيبك ..

أبشر ..

مرحبتين حبابك أخونا سيف اليزل ..

معليش يا سيف .. أنا شرحت الظروف فوق ..

تعالوا على نفسكم شوية عشان نشوفكم ونتعرف عليكم ..

ونباهي بيكم بورداب العالم كلو ..

أما هبة الماحي .. فواضح إنها جدعة جداً ..

ويكفي إنها زوجة الصفوة سفيان نابري ..

وبردد معاك .. لا عزاء لبورداب واشنطون

حبيبنا نادر أبو كدوك ..

شكراً ليك لمرورك وترحيبك بضيوفنا ..

وبالله رتب الأمور زي ما إتفقنا عليها ..

وجودك مهم يوم السبت يا نادر ..

نتقابل في دانيال الشارقة بإذن الله ..

تسلم يا ملك ..

يا هلا ومليون مرحبا بالريس عمر علي حسن ..

يسعدنا حضورك يا ريس ويشرفنا وجودك والله ..

وأكرم وأمير يا ريت برضو يشرفونا ..

مرحب بيك مرة تانية يا هبة في البوست بعد الترحيب بيك في الإمارات ..

يا ستي نحن ما عملنا حاجة ..

زي ما إنتي نفسك تتعرفي على الناس.. تأكدي هم نفسهم يتعرفوا عليك برضو ..

والاتصال بيك والسؤال عنك ده أبسط واجب ممكن الواحد يعملو تجاهك ..

وبالله ما تتحسسي .. إعتبري بيت عفاف زي بيتك ..

عفاف دي ست الجود والكرم .. وبيتها مفتوح وديمة مليان ضيوف ..

أتمنى إنه بورداب أبو ظبي يقدروا يجو برضو .. يا ريت والله ..

تسلمي يا ستي .. ونتقابل يوم السبت إن شاء الله ..

بورداب ابوظبى عليكم الله تعالوا

Quote: بورداب ابوظبى عليكم الله تعالوا

Quote: مرحب بيك هبة الماحي وهبة يا كسلا زولة علي النعمة بعشرة رجال ولا عزاء لبورداب واشنطون

تشكر يا سيف ياخي علي الاطراء ، لكن عليك الله بورداب واشنطون ديل ما تهيجهم
علينا ... خليها مستورة
ضروري نشوفك و زي ما قلنا بطًلوا حركات المغتربين دي و انا أصلا" طالباك مشوار ولا نسيت ؟

Quote: غايتو انا ما عندي عربية لو ابو أحمد ودانا بنكون معاكم ولا عزاء لناس امريكا .

يا واثق هسة انا عشمانة الاقيك انت و الاولاد لازم تحاول ، بعدين أبو احمد
دا انا ماشة ليهو مسافة زي الخرطوم مدني هناك في فريجينيا لازم يجئ و يجيبك معاهو

Quote: بورداب ابوظبى عليكم الله تعالوا

Quote: وبالله ما تتحسسي .. إعتبري بيت عفاف زي بيتك .. عفاف دي ست الجود والكرم .. وبيتها مفتوح وديمة مليان ضيوف ..

يا هبويه بيتى بيتك فى وجودي وعدم وجودي .. يلا تعالى منتظراك على احر من الجمر ..

وكل احبابنا فى الدوحة مرحب بيكم وبيتى بيتكم .. وفى انتظاركم ..

تسلم يا عبدالله .. يديك العافية والكرم والجود مستمد منك .





حضووووووووووووور إن شاء الله .. ربنا يبعد العوارض ..

كسلا الوريف إزيك ياخ و مشتاقين......

ألف مرحب بـــ:

Quote: الأخ أنور (البعيو) وحرمه..... والأخ العزيز علاء الدين صالح ..... والأخت الفاضلة البوردابية هبة الماحي ..... و يا ريت لو صديقي سفيان معها.... فألف مرحب بكل بوردابي زائر للإمارات.... او سيزورها في الأيام القادمة..... تشــــرفونــــا و الله...... أدخلوها بســلام آمنين......

Quote: وحسب علمي ناصر موجود في دبي في كورس أنا حا اكون متواجد في دبي يوم الخميس وحا أبيت لي يوم الجمعة

ينفعكم
لو جبتو خالد معاكم والذي منو
بجيي

Quote: Quote: مرحب بيك هبة الماحي وهبة يا كسلا زولة علي النعمة بعشرة رجال ولا عزاء لبورداب واشنطون تشكر يا سيف ياخي علي الاطراء ، لكن عليك الله بورداب واشنطون ديل ما تهيجهم علينا ... خليها مستورة ضروري نشوفك و زي ما قلنا بطًلوا حركات المغتربين دي و انا أصلا" طالباك مشوار ولا نسيت ؟ Quote: غايتو انا ما عندي عربية لو ابو أحمد ودانا بنكون معاكم ولا عزاء لناس امريكا . يا واثق هسة انا عشمانة الاقيك انت و الاولاد لازم تحاول ، بعدين أبو احمد دا انا ماشة ليهو مسافة زي الخرطوم مدني هناك في فريجينيا لازم يجئ و يجيبك معاهو Quote: بورداب ابوظبى عليكم الله تعالوا

هسع بورداب واشنطن سألوكم؟ براكم بتجيبوا سيرة البحر.

لا حول ولا قوة إلا بالله

نحنا كان عارفين ود الامين ومصطفى السني بعملو كدا كان جبناهم من زمان








غايتو الجاييكم ما ساهل ما ساهل

شيتاً نكت امتثال دي ما ساهل بالجد

يا أبوساندرا

Quote: ينفعكم لو جبتو خالد معاكم والذي منو بجيي

أنت قايل الخرخرة فوق شنو ؟

ما ياها خالد ومنو ومناوي زاتهم ديل ما بلفقوا مع يوم السبت وشغلنا شغل يهود عديل نسوي شنو؟

بعدين أنا ممنوع من سواقة عربية في الإمارات بأمر قضائي

كلو من طارق الكوتش العاوزنا نكجن الهلال زاته

شوفوا هنا ما تغيروا لينا المواعيد حا اقلب مريخابي طوالي واجي ارشكم لمن تعرفوا حاجة

Quote: هسع بورداب واشنطن سألوكم؟ براكم بتجيبوا سيرة البحر.

أهاااا كدة كويس يا سيف ؟

يا دانية ياخ بورداب واشنطون ديل أجدع ناس و الشوق بحر ماليهو حد

ما عوزين زول مايجى .. ناس ابوظبى ضرورى الحضور

الأخ الفاضل عبد الله كسلا
والأخوات الكريمات والأخوة الأعزّاء بورداب الإمارات
حقيقةً تتضاءل الكلمات أمامكم خجلاً
لأنّه لا توجد بينها كلمة تستطيع أن تصِف روعة تآخيكُم وتوادُدكُم
لم تدهشني كمية تلك المحنّة في سلام التلاقي
فبورداب الإمارات سيماهُم في قلوبهم من أثر المعزَّة البينهُم وأحلى الصلات
ياخ إنتو ناس بالجد حلوين خالص وجميلين شديد
وربّنا يخلّيكُم لبعض ولأُسركُم الحبيبة ويجمعكم في ساعات الخير دايماً
كلمات الشُكر بقدر قطرات دُبَي فاونتن لن توفيكُم حقّكُم

سُعِدتُ أيّما سعادة وتشرّفت في بداية زيارتي لمدينة دُبَي الأسبوع الماضي
وبرفقة بعض البورداب، بزيارة منزل الريّس اللواء معاش عمر علي حسن
مساعد مدير عام الشرطة الأسبق والقنصل العام في أثيوبيا ورئيس نادي الهلال السوداني في فترات سابقة
شخص حينما تستمع إليه يهبط لك صوت وردي من وحي الذاكرة:
في حضرة جلالك يطيب الجلوس.. مهذّب أمامك يكون الكلام
ما أجملها من أمسية وما أحلاها من لمّة في حضرة ذلك الرجل الوطن
التحية للريّس وأسرته الكريمة ولأبنائه أكرم ودكتور أمير

التحية للجميع
اولا الف مبروك دكين ونهال

انشاء الله معاكم

والداير لفت يا ناس ابوظبي حبابو عشرة

ده تلفوني 0502294988

التحية والتقدير لكل البودراب ومرحباً بضيوفنا الكرام في شارقة الثقافة والمحبة

الأصدقاء الأحباب بورداب الأمارت
والله أخجلتمونا بلطفكم وكرمكم
ومتشوقين جداً لإمسية السبت
للإستمتاع بصحبتكم
وأرجوأن يكون فريق الصلع كامل العدد

وعفاف الصادق
يعنى كيف ماتجى
نحن نتطلع بشوق لحضورك
وكمان تسدى خانة اختنا نعمات
وبت عوض الكريم وعائشه يكونوا معاك
وعصام على ماشايفه هنا
وود البشير وود البشرى
والعمده القردابى
وقريبي حموده
ادام الله المحبة

أقتراح يابورداب الامارات نخلي علاء الدين صالح دا براه ..رائكم شنو؟

قايتو الصورة الوضعهااساسي لعلاء الدين صالح دي بتخوف ..

عبد الله كسلا والحلاوى
نحن نيابة عن بورداب الرياض بعتنا ليكم خصيصاالباشمهندس عبد المنعم عمر
وهو بوردابى عتيق ورئيس رابطة ابناء الحلاوين بالرياض ورئيس الرابطه
الرياضيه الصالحيه بالرياض عشان يمثلنا
وهو الان فى دبى بس مالاقى ليكم راس خيت بالله اكتبو ليه تلفوناتكم هنا
وهو معاه تلفون السعوديه 0966504138125 ونازل فى فتدق فى دبى..
ده الرقم مع المفتاح اتصرفو ودقوه بمعرفتكم
مع انو دكين الوغد ما بستاهل لكن ده بعتناها عشان خاطر نهال
لووووول..
ماتتوصو بمندوبنا الله يلمكم فى السمح..
نسيت اقول ليكم عيب عبد المنعم الوحيد انو هلالابى كبير ،،،

Quote: عبد الله كسلا والحلاوى نحن نيابة عن بورداب الرياض بعتنا ليكم خصيصاالباشمهندس عبد المنعم عمر وهو بوردابى عتيق ورئيس رابطة ابناء الحلاوين بالرياض ورئيس الرابطه الرياضيه الصالحيه بالرياض عشان يمثلنا وهو الان فى دبى بس مالاقى ليكم راس خيت بالله اكتبو ليه تلفوناتكم هنا وهو معاه تلفون السعوديه 0966504138125 ونازل فى فتدق فى دبى.. ده الرقم مع المفتاح اتصرفو ودقوه بمعرفتكم مع انو دكين الوغد ما بستاهل لكن ده بعتناها عشان خاطر نهال لووووول.. ماتتوصو بمندوبنا الله يلمكم فى السمح.. نسيت اقول ليكم عيب عبد المنعم الوحيد انو هلالابى كبير ،،،

صديق الموج ود الصلوعاب
سلام واصل وتحية لتلك القرية التي تربطني بها صلة نسب ...أبشر زولك دا في معيتنا إن شاء الله ههههههه تحياتي

Quote: صديق الموج ود الصلوعاب سلام واصل وتحية لتلك القرية التي تربطني بها صلة نسب ...أبشر زولك دا في معيتنا إن شاء الله ههههههه تحياتي

عبد الرحمن الحلاوى ماتهظر
افصح ابن ..
وين يا اللخو تتشرف بيك الصلوعاب وضواحيها ياخى،،،

Quote: عبد الرحمن الحلاوى ماتهظر افصح ابن .. وين يا اللخو تتشرف بيك الصلوعاب وضواحيها ياخى،،،

ثلاث جدهن جد وهزلهن جد :سلم على عماد عبدالله الفنجري ...وبكملك الباقي

Quote: ثلاث جدهن جد وهزلهن جد :سلم على عماد عبدالله الفنجري ...وبكملك الباقي

اها عماد ده ود خالتى مدينه عديل وعبد الله ابوه برضو خالى تانى بى وين؟؟

متزوج عمتو عديييل

Quote: نصيحة لوجه الله , طفلنا المعجزة علاء الدين لو ما بتقدروا علي اشباع امكانياته الغذائية في مطعمكم دا بتدوهو الجوع وما بنسكت انحنا

أساسي أحب أطمِّنك بس يا حبيب
بعد صورة ويكيليكس دي، تاني نظامي الغذائي في أي مناسبة بوردابية
حيكون التغذية عن طريق الأنف Tube Feeding

ياشباب

عايز أعرف موقع عرس الشاب مكين وده تلفونى

0567118214

لكم الشكر

يا اخوانا حد يصحي أحمـــــــد العربـــــــــي ..

أحمـــــــــــــــــــــــــــــد

يا عربـــــــــــــــــــــــــي


لازم تكون معانا...

Quote: وهو الان فى دبى بس مالاقى ليكم راس خيت بالله اكتبو ليه تلفوناتكم هنا وهو معاه تلفون السعوديه 0966504138125 ونازل فى فتدق فى دبى.. ده الرقم مع المفتاح اتصرفو ودقوه بمعرفتكم

الاخ / صديق الموج .. تحياتى

تم الاتصال بالباشمهندس وكل تمام وماتشيل هم

ومنتظرنك انت تشرف الامارات ..

مودتى ..

Quote: تم الاتصال بالباشمهندس وكل تمام وماتشيل هم

مليون مرحب بالباشمهندس نشيلو فى الرأس ونخته فى حدقات العيون ...


شكرا درق .. ياها المحريه فيكم ..

Quote: أقتراح يابورداب الامارات نخلي علاء الدين صالح دا براه ..رائكم شنو؟ قايتو الصورة الوضعهااساسي لعلاء الدين صالح دي بتخوف ..

حمودة إنتا متأكّد إنّو إقتراحك دة بسبب الصورة بس؟
يعني ما عندو علاقة بى عشانا مع بعض بتاع امبارح في النادي؟؟

Quote: شكرا درق .. ياها المحريه فيكم ..

الاخت / عفاف .. تحياتى

دا الواجب .. وانت كمان ست الكرام وجودك مهم جدا معنا يوم السبت ..

الاخ العزيز كسلا

تحياتي


ربنا يقدرنا ونكون حضور

Quote: ونسبة لإنشغال البورداب مساء الخميس بمناسبة زواج الزملاء نهال كرار ودكين ..

اين مكان الزواج لو حبينا نشاركهم الفرح

الف مبروك للعروسين

Quote: اين مكان الزواج لو حبينا نشاركهم الفرح

*
*

يا موج يا فقري سلام عريض ،،،،
شكراً للأحباب في الأمارات علي إتصالاتهم بي ودي المحرية
فقد أخجلوني! وقد رتب معي الأخ خالد حضوري ... وذلك بعد
مجموعة مكالمات و إهتمام من الزعيم عبدالله كسلا ورسالة وصلتني
من أخونا وولدنا عبدالرحمن حلاوي فلهم التحية و التقدير .... مع إتفاقي
مع صديق الموج أن وغد الرياض دكين ما بستاهل دهـ كلو!!
لكن ياموج دكين وغد في الرياض وعريس في الأمارات .... فسر!!

لكم ودي ،،،،،،،،،،،،

فوق من اجل الحضور ...

Quote: يا هبويه بيتى بيتك فى وجودي وعدم وجودي .. يلا تعالى منتظراك على احر من الجمر ..

تسلمي يا ست الذوق ، والله حرارة ترحيبك في التلفون بس كانت بالدنيا ،
و إن شاءالله نلتقي يوم السبت .. شكرا" كتير والله

Quote: فوق من اجل الحضور ...

Quote: حيكون التغذية عن طريق الأنف

اما بالنسبه لحموده فاليكن عن طريق الاذن


....

نرحب بالجميع ونتمنى لهم اقامه طيبه
وعلى الموعد فى الزمااااان و المكان المحددين






...
ياناس ابوظبى تعالوا ياخ عشان ما تحسسونى بالذنب > لووووولز

Quote: اين مكان الزواج لو حبينا نشاركهم الفرح

بعتذر بشدة للأخوين عبد الله بابكر .. وأحمد إبراهيم عثمان لعدم ردي على تساؤلهما أعلاه نسبة إنشغالي بالأمس عن فتح البوست ..

آسف مرة أخرى يا جماعة ..

وخلونا نشوفكم ونعوِّضها يوم السبت (بكرة) في دانيال الشارقة ..

فوق

حضوررررررررررر الكل ..

بعد صلاة العشاء ،
نرجو الحرص على المواعيد
حتى نستمتع باطول وقت ممكن
مع ضيوف الامارات ,,,,,,,,,,

كانت ليلة من ليالي الف ليلية وليلة .......

شكرا لكل من حضر ..

ياسلام على الوقت الجميل ..

بورداب الامارات يديكم العافية

منتظرين الصور يا عبدالله كسلا والقرضابى ...

تعشينا وتشاوفنا وافترقنا وفي القلب عشم التلاقي ...شكرالضيوفنا وللبورداب الذين جعلوا المستحيل ممكناً وهكذا عهدناكم

عبدالله كسلا .. استقبال للضيوف وحجز المطعم

تسلم يازعيم ..

.. خالد درق .. علاء الدين صالح .. الرئيس عمر على حسن .. هبة الماحى .. صلاح عبدالله (الدوحة )

.. خالد درق .. علاء الدين صالح .. الرئيس عمر على حسن .. هبة الماحى .. صلاح عبدالله (الدوحة )

من اليمن .. أنور ( البعيو ) .. الزنجى .. عصام

وخالد درق من الخلف .

من اليمن .. صلاح عبدالله ( الدوحة ) .. طارق الكوتش .. عبدالله كسلا

من اليسر .. الزنجى .. أنور ( البعيو ) .. الرئيس عمر على حسن

من اليمن .. حمودة .. الحلاوى .. علاء الدين صالح .. خالد درق

القرضابى .. وعلاءالدين صالح

طارق الكوتش .. القرضابى .. خالد درق

عفاف الصادق .. وصلاح عبدالله ( الدوحة )

اساسى .. صاحبك علاء الدين جاهز للبلع هههههههه

كان لوجود اللواء معاش عمر علي حسن (الرئيس الأسبق لنادي الهلال العظيم) و(عضو البورض) ..

أبلغ الأثر في نفوسنا .. فقد سعدنا جداً بوجوده بيننا ..

ألف شكر لك يا ريس على تكرمك بالحضور والمشاركة معنا في الإحتفاء بضيوفنا من البورداب ..

المحتفى بها .. الأخت الزميلة هبة الماحي مع الأخت عفاف الصادق (بالثوب السوداني)..

المحتفى به الأخ علاء الدين صالح .. مع التحلية بالآيسكريم ..

(أساسي .. عندك معانا أيِّ كلام تاني) ..

المحتفى به الأخ أنور عبد الرحمن الشيخ (البعيو) في حوارٍ مع الريس عمر علي حسن ..

المحتفى به الأخ صلاح عبد الله (بورداب الدوحة) والقرضابي ..

الحلاوي .. صلاح عبدالله .. هبة الماحي ..

نصر الدين البشير وحرمه وإبنهما الظريف حازم ..

[ center]
[IMG]
على فكرة الهندي بتاع الايسكريم ده زبونا ...

سألنى قال لى ماما نفر سودانى ده سيم سيم فاملى ما انته ..اسكريم مال انا كووووووووله أكل ..




-----------------------------------
صراحة علاء الدين شخصية فى قمة الروووعه

صلاح عبدالله ( الدوحة ) .. نصر الدين البشير

حمودة .. يفكر .. اه بعد السلطة شنوا

حمودة .. صلاح عبدالله ( الدوحة ) .. خالد درق .. غفاف الصادق .. عبدالله كسلا

طارق الكوتش .. امير .. اسامة ادريس .. حمودة

حذف لتكرار

بورداب الإمارات أجمعين ...
رُفعتِ الأقلامُ وجفتِ الصُحف..

Quote: بورداب الإمارات أجمعين ... رُفعتِ الأقلامُ وجفتِ الصُحف..

صلاح عبدالله .. أجمعين ...

كانت ليلة من احلى الليالى البتستحق التوثيق ..

شرفتنا يعلم الله وسرحنا معاك فى عوالم بعييييده حفرت دواخل الذاكره ..


حمدالله على سلامتك ..

الي المحتفي بهم(الزملاء):
هبه الماحي
أنور عبدالرحمن
صلاح عبدالله
علاء الدين صالح
كانت فرصة سعيده بالجد ان التقينا في زواج (دكين و نهال)
شرفتونا و الله .... و عذرا ان لم نكن بينكم في (دانيال).

شكراً ليك كتير حبيبنا ناصر ..

بالجد كانت أمسية تأريخية ..

وكنَّا نمني أنفسنا بجمع أكبر من بورداب الإمارات ..

لكن الجايات أكتر بإذن الله ..

شكراً لجميع الإخوة المحتفى بهم ..

هبه الماحي
أنور عبدالرحمن (البعيو)
صلاح عبدالله
علاء الدين صالح

شكراً لكل الحضور من بورداب الإمارات ..

والشكر موصول للأخ أمجد البصيري الذي منعته وعكة مفاجئة عن الحضور ..

وقد إتصل بي مشكوراً في نفس الأمسية للإعتذار لكم جميعاً..

الاخوان ...والاصدقاء بورداب الامارات ....عبد الله كسلا والمجموعه الحبيبة ..
شكرا لكم وانتم تواصلون العطاء ...

الاخوة الضيوف ..حزنت جدا ان فرصة من فرص العمر للالتقاء بكم قد حرمني منها الزمن ....
ولكن اللقياء نصيب ....واكان حيين بنتلاقى ....

عفاف كيفك وانت تجملين الامسيات بعطر المحبة ....

وين بت عوض الكريم وعشوشة ...؟؟
البعيو :اتمنى ان تكونوا والمدام كما اتمناه لكم وجد زعلت لعدم مقابلتكم ...

حمودة يا صديقي ...مهضلم كدا مالك ...ما يكون من تعم (مهنة المتاعب )بعد الكورس طبعا
كل المجموعة ...افتقدكم ...واشتاقكم ...


القرضابي ....محبتي

ودمتم كما العهد

Quote: القرضابى .. الزنجى .. عبدالله كسلا

يا درق .. التعديل واجب و طني هههههه

علاء الدين صالح .. والدكتور أمير عمر على حسن ..

حمودة .. هيثم عبد العزيز .. دكتور أمير

علاء الدين .. دكتور أمير

العُمد .. حمودة .. والحلاوي ..

داليا نجم الدين حسن (بت الأحفاد 2001) شرفتنا وأسعدتنا بحضورها المميز ..

بعد غيبة وإنقطاع طويلين عن تجمعات البورداب .. وكانت بحق .. نجمة الأمسية ..

الشاب الأنيق وواجهة بورداب الإمارات .. هيثم عبد العزيز ..

داليا نجم الدين .. نصر الدين البشير ..

عائشة الفكي شقيقة صفاء الفكي (بت عوض الكريم) وهي في غاية السعادة والإنشراح (إن شاء الله دائماً) ..

صفاء (بت عوض الكريم) .. حرم الأخ أنور عبد الرحمن (البعيو) .. وبت الأحفاد 2001 ..

القرضابي .. صلاح عبد الله ..

Quote: بورداب الإمارات أجمعين ... رُفعتِ الأقلامُ وجفتِ الصُحف..

الاخ / صلاح عبدالله .. حمدالله على سلامة وصولك الى الدوحة

وبجد تشرفنا بالقاء معك وكانت لحظات جميله جدا وياسلام على شخصيتك الرائعة ودمتا بالف خير اخى ..

مودتى ..

Quote: مودتى ..

بالله يا درق ما تبقى ذي القرضابي تنزل الصورة بالقطارة ..

مع انه قرضابي ما بنزل صور خاااالص (ياربي يكون ده فلاش ساي)..




انا كمان مودتى ..

Quote: انا كمان مودتى ..

والله إنتي طارق ما غلطان عليك أبداً ..

Quote: والله إنتي طارق ما غلطان عليك أبداً ..

لووووول يا كسلا ياخ يعنى الواحد تانى ما يحكي ليك اسراره ...

اها والله الجراب كان ملييييان .. لكن تانى تشمها قدحه ..

Quote: ونتمنا القاء غريبا

الليله انا وراك وراك

تعديل تاني يا ابو الشباب .. لو سمحت




المره الجايه حا اطردك طوالي
ههههههه

شكرا ليك يا عبدالله على الترحيب دة

وبالفعل كانت امسية رايعة

وبالاخص اني طولتنا ما لاقيت الناس واتعرفنا بالبوراداب الجايين زيارة

وانشاء الله دايما ايامنا افراح

Quote: الليله انا وراك وراك

اخونا ناصر .. سلام

تم التعديل ..

وفقدناكم ..

Quote: بالله يا درق ما تبقى ذي القرضابي تنزل الصورة بالقطارة ..

الاخت / عفاف .. سلام

النت بطى جدا ..





عبدالله كسلا .. صلاح عبدالله .. خالددرق .. عفاف الصادق والسكريم

القرضابى ... الزنجى .. عبدالله كسلا

علاء الدين صالح .. هبة الماحى .. هيثم عبد العزيز .. خالد درق

الحلاوى .. دكتور امير .. عزالدين

اسامة ادريس .. دكتور امير .. عبدالله كسلا .. خالد درق

شكرا" نبيلا" لكل من ساهم في إنجاح هذا اليوم الجميل سواء بالترتيب و التنسيق
أو حتي مجرد الحضور ، شكرأ عبدالله كسلا فقد كنت بالجد رجل الساعة ، لم أراك
جالسا" إلا بعد جلس الجميع ، و ماشفتك أكلت إلا بعد ما أكل الجميع .. ربنا يديك
العافية و انا سعيدة جدا" بمعرفتك و صداقتك .

شكرا" طارق الكوتش علي التوصيلة رايح جاي رغم إنك قديت لي أضاني بالهلال الهلال
الهلال

شكرا" عفاف الصادق علي الاستقبال الحار و الترحيب بالعبارات الحميمة و كأننا أخوات

شكرا" مرة تانية للجميع و ربنا يحفظ ليكم مودتكم مع بعض

Quote: ئكان لوجود اللواء معاش عمر علي حسن (الرئيس الأسبق لنادي الهلال العظيم) و(عضو البورض) .. أبلغ الأثر في نفوسنا .. فقد سعدنا جداً بوجوده بيننا .. ألف شكر لك يا ريس على تكرمك بالحضور والمشاركة معنا في الإحتفاء بضيوفنا من البورداب ..

الشكر لكم جميعا فقد اخجلتم تواضعنا بالكرم الزائد والحفاوة والود الاصيل .
لابد من القول بان هذا تقليد يرسخ الصداقة والاخاء بين اعضاء المنبر ويتيح تقاربا لا تصنعة الكلمة المكتوبة .

لكم انا سعيد بوجودي بينكم والتعرف علي كثيرين منكم كنت اري اسماءهم ولا ادرك روعة شخصياتهم .

عمر علي حسن

خالد درق بالغت معاي لكن ! انت ما عارف إنه لي الحق الحصري في صور علاءالدين دي
و خصوصا" لما قبضناهو بالثابتة

تحياتى يابورداب الامارات فردا فردا وتحية خاصة للمحتفى بهم وصلاح عبدالله ما انكلودد فى التحية دى خالص خالص ..
طبعا دائما مميزين .تحياتى ياعبدالله كسلا ,,,



اما عمى وابوى عمر على يستحق (نجومية)اللمة دون منازع حضور انيق وجميل وتحية خاصة ليهو ....
تانى حاخاطبك الاخ العزيز جنابو عمر على

أعزّائي بورداب الإمارات.. شُكـراً
ضاع الكلام ماتت حروف اللُقيا قبال اهمِسا
معزّتي ومودّتي لكم لا تحدّها حدود وأنا سعيد بالتعرف إليكم عن قُرب
وأكثر سعادة برؤيتي لكم وأنتم على هذه الحال من الحُب والترابُط وأغلى الصلات
أمنياتي لكم أن تكونوا هكذا دوماً:
زي فرحاً يشيل مني الشقا ويزداد
وزي كلمات بتتأوّه.. تتوه لمن يجي الميعاد
وزي عيداً غِشاني وفات عاد عمّ البلد أعياد
وزي فرح البعيد العاد
وزي وطناً وكِت اشتاقلو برحل ليهو من غير زاد


لكم الحُب كل الحُب ولا شيء غير الحُب

ياااااه .. الصفوة أميرة بت الشيخ شخصياً .. يادي الهنا ..

ما حأقدر أوصف ليك مقدار سعادتي يا أميرة لمرورك بالبوست ..

ولا حأقدر أوفيك حقك من الشكر والتقدير والإمتنان لكلامتك الجميلة في حق بورداب الإمارات ..

لكن ده ما شئ غريب عليك وإنتي نوارة وصفوة بورداب الدوحة الحلوين ..

حقيقة وجود اللواء معاش عمر علي حسن بينا .. كان شئ أكثر من رائع .. وكان نجم فعلاً ..

شكراً ليك يا أميرة مرة أخرى .. وشكراً لممثلكم الأكثر من رائع .. صلاح عبد الله ..

والشكر عبركما لكل بورداب الدوحة الحلوين ..

تسلمي يا أميرة .. وإنتي فعلاً .. وبحق .. وحقيقة .. أمييييييرة ..

اسامة ادريس .. عصام .. الحلاوى

القرضابى .. خالد درق

عفاف الصادق وابنتها .. وعلاء الدين صالح

طارق الكوتش .. ومحمد البشرى ( هلال ساكت )

حمودة .. خالد درق ( صفوة )

ود البشرى .. صلاح عبدالله .. طارق الكوتش

تعديل اسم ود البشرى

طارق الكوتش .. والقرضابى ... واسامة ادريس

القرضابى .. هيثم عبدالعزيز .. الحلاوى .. عبدالله كسلا


..............................................................

قرضابى وين الصور الموجود فى الكميرا بتاعتك ؟؟؟؟؟؟؟؟؟؟

Quote: ود البشير .. صلاح عبدالله .. طارق الكوتش

ود البشري يا خالد و ليس ودالبشير ( إنت مالك الليلة ؟)


يلا عدًل عدًل بسرعة قبل ما يجيك ناصر يطردك

صلاح عبدالله .. عمر على حسن .. أنور .. عصام .. عائشة الفكى .. عفاف الصادق

الشكر لضيوفنا الكرام ولبورداب الإمارات ..سفراء السودان الشعبيين ، المتآلفين في محبة خاااالصة لكم جميعاً موفور الصحة ودوام العافية ودائماً مجتمعين في الخير

تحياتي للجميع
وترحيب (متأخر) بضيوف الأمارات علاء الدين صالح ، البعيو ،عمادة عبدالله ،هبة الماحي والعرسان
غيبة عن سودانيزاونلاين
لم تمكننا من متابعة البوست
(وإن كنت اشك في امكانية حضوري)
يا مفترين ... عزومة المراكبية دي اصلها كيفن؟؟؟
يوم السبت
و بالليل بعد العشاء
وانت شغال الأحد
وساكن الرويس
والله الا أكون (عوض عبدالله الطرابلسي ، وعندي طيارة خاصة)
...
والجايات أكثر من الرايحات
وإن شاء الله دائماً ملمومين في الخير
....
تحية خاصة اضافية (لبلدياتنا) هبة الماحي زولة غياثي
.....
....

Quote: يا مفترين ... عزومة المراكبية دي اصلها كيفن؟؟؟ يوم السبت و بالليل بعد العشاء وانت شغال الأحد وساكن الرويس والله الا أكون (عوض عبدالله الطرابلسي ، وعندي طيارة خاصة)

أخونا وحبيبنا عوض عبد الله ..

الله يعلم ما عزومة مراكبية .. لكن ظروفنا أبت وزمانا حكم ..

عادة مناسباتنا بتكون يوم الخميس أو الجمعة بالمساء .. لكن ظروف الضيوف إضطرتنا ليوم السبت ..

وبالفعل .. بعض الضيوف سافروا في مساء السبت نفسو .. والبعض في صباح الأحد ..

نعتذر بشدة لبورداب الإمارات الأخرى .. والجايات أكتر بإذن الله ..
______________
على جمبة كده: الضيف صلاح عبد الله .. مش عماد

غايتو فى الصورة دي عصام .. فتح موضوع ... ورطنى وقعد يعاين من بعيد ..

وخاصة اساذنا القدير سعادة / عمر على حسن ... كان متابع الموضوع بشغف ..

يا صلاح إن شاءالله اكون اقنعتك ..... ( قال هامش قال )


------------------------------------------------
سعيدين جدا جدا بمقابلة الرجل القامة الانيق سعادة / عمر على حسن ..
لك كل الودوالتقدير .... وكل معانى الاحترام ... ونشكرك جدا لوجودك معانا ..
ونتمنى ان لا تغيب من وسطنا لنباهى بك فى كل المحافل ...

عفاف الصادق لصلاح: يا زول إت درويش ولّ شنو؟
(دا طبعا بعد نقاش في بوست .. أب شنب بكون ما نقش فيهو حاجة)
صلاح عبد الله متمتماً: سجمنا .. أتاري نحن قاعدين في البورض دا سااااي!
عمنا عمر متابعا: أب شنب دقس .. يحلو الحلاّ بلّة
عصام: يا ربي بت الصادق دي قاعدة تقرا البورض دا كلو متين؟





_
والله يا أب شنب (سجمي) دي لافقة كيف ما ختّة اليد بتاعتكـ دي!!

تحية آآآآد كـدا هو لبورضاب الإمارات






_
خلو بالكم شوية من ود البشرى دا ياخ!
شايفو ضعفان شوية .. ولّ الرطوبة زادت؟

عفاف الصادق لصلاح: يا زول إت درويش ولّ شنو؟
(دا طبعا بعد نقاش في بوست .. أب شنب بكون ما نقش فيهو حاجة)
صلاح عبد الله متمتماً: سجمنا .. أتاري نحن قاعدين في البورض دا سااااي!
عمنا عمر متابعا: أب شنب دقس .. يحلو الحلاّ بلّة
عصام: يا ربي بت الصادق دي قاعدة تقرا البورض دا كلو متين؟


غايتو يا ود الصايم لقيتك بعاتى ...

تعرف قربتتتتته للموضوع ...


والله يا أب شنب (سجمي) دي لافقة كيف ما ختّة اليد بتاعتكـ دي!!
ههههههههه غايتو دي ما سبقك عليها زول ..




معليش ما قادره اعمل اقتباس ..

Quote: تحية آآآآد كـدا هو لبورضاب الإمارات

يا اخوي مالك بتتعزز علينا كده ما قلنا ليك تعالى دبي وهون على روحك شوية ..

بالله تعال وجيب معاك البنيات وامهم ... مهرجان دبي إبدااااع أبقى مارق ساي ..

لكن دي مبااااالغة يا ود الصايم ..

والله يا أب شنب (سجمي) دي لافقة كيف مع ختّة اليد بتاعتكـ دي!![/B]

وشوف نطيطة عيونو .. والخلعة مع كلمة سجمنا !!

إتخيلت المنظر ..

سعدنا بلقاء المحتفى بهم الكرام
أنور عبد الرحمن الشيخ والسيدة الفضلى حرمه (نسأل الله لها الشفاء والعافية)
علاء الدين صالح
صلاح عبد الله
هبة الماحي
وكنا نتمنى حضور الأخ أمجد البصيري ولكن حالت ظروفه دون ذلك
وازدانت الجلسة وازدادت روعة بوجود الريّس سعادة اللواء (م) عمر علي حسن
فرحنا بلقاء الحضور من البورداب وافتقدنا بالجد الذين لم يتمكنوا من الحضور..
وإن شاء الله ملمومين دائماً على المودة والمحبة والخير والنعيم
والحمد لله من قبل ومن بعد على فضله وكرمه..

اسامة ادريس .. القرضابى .. عمر على حسن .. طارق الكوتش ..صلاح عبدالله ( الدوحة )

( والله يا أب شنب (سجمي) دي لافقة كيف مع ختّة اليد بتاعتكـ دي!!)
تصدق يا ود الصايم ، ناس الامارات ديل طلعوا ناس حلوين بالجد..
التحية والاحترام ليهم كلهم فرداً فرداً ، وخاصة الناس الظهروا في الصوور ديل
وعلى رأسهم الزول الجميل الدينمو عبدالله كسلا..
صاحبتك عفاف طلعت خطيرة ، كتلتني بالضحك ..
أصبحت خبيرة في موضوع الهامش والمركز ، وممثليهم ..وكده..


عفاف ، تصدقي أنا ح أفكر جاد في استغلالك وابتزازك ..

الاخ / عمر سعد .. تحياتى


الحمدالله كان لنا شرف معرفتك فى زواج الاخ دكين والاخت نهال ..
منتظرين منك زيارة لبورداب دبى والامارات الشمالية ..





عبدالله كسلا ( دبى ) .. عمر سعد ( الدوحة ) .. ناصر ( ابوظبى )

ود البشري لطارق الكوتش .. الهلال الموسم دا مابجيب شي ..

طارق الكوتش .. الله يستر .. ههههههههههههه

هيثم عبدالعزيز .. الحلاوى .. حمودة شايك كان رهيب يا صفوة

خالد درق .. وبيت عوض الكريم ..

عفاف الصادق .. ضحك من الاعماق ( ربنا يجعل ايامك كلها فراح وضحك )

خالد درق .. هبة الماحى .. علاء الدين صالح

ألف تحية لزوار الإمارات وأهلنا من أعضاء وعضوات سودانيز وأسرهم




*

سعدت جداً بلقاء المحتفى بهم.....
وازدانت سعادتي بتشريف و تلبية الريّس سعادة اللواء (م) عمر علي حسن للدعوة....
فرحنا بلقاء الحضور من البورداب وافتقدنا بالجد الذين لم يتمكنوا من الحضور.....
وإن شاء الله دائماً ملمومين على المودة والمحبة.....
_________________

مشكور صديقي عبدالله كسلا على هذا التنسيق و العمل الجميل.....
و الشكر أجزله لكل البورداب الأعزاء.....

علاء الدين صالح و صلاح عبدالله و هبة الماحي و أنور عبدالرحمن (البعيو) و حرمه (نسأل الله أن يواليها بالعافية و نعمة الشفاء)....
و إلى اللقاء في لقاء جميل يجمع كل جميل من البورداب و الضيوف متى ما حلو لزيارة بلد زايد الخير (الإمارات)....

شكرا شباب عل اليوم الجميل و نرحب بالضيوف

عندي اقتراح ما عارف هل دا المكان المناسب ليه أو لأ
الدنيا شتا و الجو جميل نستفيد منه قبل الصيف ونعمل يوم عائلي في احد يام الجمعة لقادمة في الممزر بدبي أو المنتزه الوطني بالشارقة
مشاوي وكشاتين وكورة و الاولاد يلعبو وكدا
على غرار يوم سابق قبل سنتين تقريبا قضيناه في المنتزه الوطني
نسمع رايكم يا شباب

Quote: عندي اقتراح ما عارف هل دا المكان المناسب ليه أو لأ الدنيا شتا و الجو جميل نستفيد منه قبل الصيف ونعمل يوم عائلي في احد يام الجمعة لقادمة في الممزر بدبي أو المنتزه الوطني بالشارقة مشاوي وكشاتين وكورة و الاولاد يلعبو وكدا على غرار يوم سابق قبل سنتين تقريبا قضيناه في المنتزه الوطني نسمع رايكم يا شباب

الاخ / محمد البشرى .. تحياتى وجمعة مباركة

اقتراح جميل جدا واثنى ..

نسمع باقى الشباب ..

السلام عليكم
...
تم ترحيل اجازة المولد

لتصير يوم الخميس الموافق 17/02/2011

بدلاً من الموعد الأصلي الموافق الثلاثاء 15/02/2011

يعني إجازة طويلة خميس وجمعة وسبت (لبعض الناس)

....

.
للفائدة العامة :

.






.

Quote: عندي اقتراح ما عارف هل دا المكان المناسب ليه أو لأ الدنيا شتا و الجو جميل نستفيد منه قبل الصيف ونعمل يوم عائلي في احد يام الجمعة لقادمة في الممزر بدبي أو المنتزه الوطني بالشارقة مشاوي وكشاتين وكورة و الاولاد يلعبو وكدا على غرار يوم سابق قبل سنتين تقريبا قضيناه في المنتزه الوطني نسمع رايكم يا شباب

معاك يا محمد قلباً وقالباً ..

خلونا نفكر فيها يوم الجمعة القادمة 11/02/2011 أو بالكتير .. الجمعة 18/02/2011 ..

يا جماعة البوست ده كان 3 صفحات ..

والصفحة التالتة كان فيها حوالي 25 مداخلة لكنها إختفت فجأة ..

الحل شنو؟ .. يا عمي الهكر عليك الله رجع لينا صفحتنا التالتة ..

يا باشمهندس لو في حاجة ممكن تعملها .. أعملها عليك الله ..

رجعوا لينا الصفحة التالتة لو ممكن بالله ...

هيثم عبد العزيز .. خالد درق

السلام عليكم شباب

مشكور ياكسلا على نقل اعتذارى للحضور

ونتمنى المره القادمه نكون حضورا باذن الله

انا اؤيد الجمعة القادمة ... حتى يتسنى لى المشاركة

Quote: صاحبتك عفاف طلعت خطيرة ، كتلتني بالضحك .. أصبحت خبيرة في موضوع الهامش والمركز ، وممثليهم ..وكده..

شهادة من غير مهمش نعتز بها ..... اها يا صلاح كده كيف ؟

أسمع .. اتوقعنى قريبا فى مركز أصدقاء البئية فى محاضرة كااااربه ..

بس على شرط .. ما أشوفك هناك ... كفاية عصام هنا..

علاء الدين صالح .. هيثم عبد العزيز .. الزنجى .

والله يا ناس الامارات ...نسيتونا في شهرين ....
فعلا يا عفاف كنا على الهامش ...واللا مركزية ...رد ساكت كدا ما تردوه لينا
لازم الواحد يرجع بخطة كبييييييييييييييييرة ....وجديدة ....

يا جماعه ود البشرى دا مسكين كدا مالو في الصورة (وربما تراءى لي ...)
وحمودة برضو ....

....داليا نورتي المكان ....
يا عفاف ...انشغلتي بالسياسة على اقرار ندوة ابكر هامش ومركز لمن نسيتي تردي التحية ..
والله وش زعلااااان

محبتي

Quote: والله وش زعلااااان

نعماتووووووو ... والله ليك وحشه قدر ده ..

يا زوله بطلى الافكار العندك دي وتعالى صااااده .. مكانك محفوظ ..

يشهد الله الشوق مطر ... ولاماكن كوووولها مووووووووشتاقه ليك ...

Quote: يا جماعة البوست ده كان 3 صفحات .. والصفحة التالتة كان فيها حوالي 25 مداخلة لكنها إختفت فجأة

كلو من طارق الكوتش ورابطة الهلال أصلو ما عافين ليكم


أها قلبت مريخابي كيتا في رابطتكم العنصرية دي

وإنشاء الله الهلال يترشا مليون وصلاح ادريس يجهو بهق

أنامزمل أبوالقاسم

Quote: أنامزمل أبوالقاسم

بالله يا عبدالعزيز ما تجهجه لينا البوست ... خلينا فى الفرحة ..

اصلوا الهلال والمريخ موضوعهم ..................... !!




عبدالعزيز فقدناك والله ..

رئيس أمة الهلال الأسبق عمر على حسن





السلام الجمهوري





علاء الدين و المصباح السحري




عفاف الصادق
الما حمد النيل

Quote: يا جماعه ود البشرى دا مسكين كدا مالو في الصورة

هههههههههههه
ما مسكين ولا حاجة يا نعمات لكن النزول محكوم والورق ما مساعد

يا عب عزيز من اسي برمج نفسك ليوم الجمعة الجاية إن شاء الله في الممزر دبي
تفقنا على يوم الجمعة مخصوص عشان ناس ابوظبي - الكلام ليكم يا الزول و القرير -
ما تجي تعمل لينا مظاهرات بعدين و ما عافي ليكم وعاش الشهيد محمد عبد الرحمن

يا ود البشرى


يا أخي هسع نحن عاوزين نعمل ليك حفلة وداع احسن من حقتهم دي وبنرتب بتنسيق الكمندان ناصر الامين

Quote: يا عب عزيز من اسي برمج نفسك ليوم الجمعة الجاية إن شاء الله في الممزر دبي تفقنا على يوم الجمعة مخصوص عشان ناس ابوظبي - الكلام ليكم يا الزول و القرير - ما تجي تعمل لينا مظاهرات بعدين و ما عافي ليكم وعاش الشهيد محمد عبد الرحمن

يازول نحنا زاتنا دايرين حق تقرير المصير نجي نعمل اتفاقية الممزر دبي ونعمل دستور يكفل لينا الأنفصال من بورداب الامارات ونعمل فترة انتقالية وتصويت فقط لبورداب أبوظبي في الوحدة مع بورداب الامارات والانفصال وتكوين جسم بوردابي مستقل وطبعا حا اعمل ليكم فيها باقان عدييييييييل وانت خش في دور عرمان


---------

خلاص حانجي بس ما تكلموا فيصل نوبي السمين عامل كرشه الكبيرة دي

القرضابى ..

باقى الصور ماتشهتف روحنا ياخى ...

منتظرين .....

Quote: ماتشهتف روحنا ياخى ...

درق
بالطريقة دي ناصر بجيك بي سوط عنج

ههههههههههههههههه

Quote: النزول محكوم والورق ما مساعد

نعمات
أي شرح للمتون والحواشي حاضرين

مس كول بس

والله لقيتو ليك مسكين جنس مسكنة
هههههههههههه

بعدين يا نعمات .. القرضابي دا كان خرخر في الشرح أخوكـ قاعد!!

Quote:

ود الصايم ... لكن لقيت شمارك مغربل وناااااااعم ومخلوط بي شطة قبانيت ..........

Quote: من اسي برمج نفسك ليوم الجمعة الجاية إن شاء الله في الممزر دبي تفقنا على يوم الجمعة مخصوص عشان ناس ابوظبي

ممكن اجيب معاي كديستي يا ود البشري

و اللا الحيوانات الأليفة ممنوعة؟؟؟

Quote: و اللا الحيوانات الأليفة ممنوعة؟؟؟

كان ما اليفه نخليها اليفه .. اصلو نحن بنروض الاسد زاتوووووووووو ...

المهم .. انتو ما تغيبو ..

Quote: ما مسكين ولا حاجة يا نعمات لكن النزول محكوم والورق ما مساعد

هووووووووووي يا ود البشري النزول محكوم عرفناها .....

لكن الورق الما مساعد .. ده ياتو .. ورق .. لووووووول ..

اللبيب بالاشارة يفهموووووووووو.......

.

Quote: ممكن اجيب معاي كديستي يا ود البشري و اللا الحيوانات الأليفة ممنوعة؟؟؟

....
ناصر الأمين مركب مكنة سجيمان
...


...

ورقي يا عفاف ... ورقي انا دا

هوي يا قردابي و حموودي السألكم من الشرح منو اسي
ومش الكتشينة دي , دكيناها أها

Quote: ورقي يا عفاف ... ورقي انا دا

آآآآآآآآآ خلاس كان كده فهمنا ... مقبووووووووله يا ودالبشرى ..

Quote: مقبووووووووله يا ودالبشرى ..

يا عفاف ياخي الزول (اتسييك) قبيييل



غايتو المرقة مع دو البشري دا بقت تجيب الهوا .. و دا المجنن الكديسة زاتو يا عوض !!



العميد اركان حرب عبدالعزيز قائد تحالف الخالدية و النادي السياحي (نقرر مصيرنا) و اللا كيف؟

كمرت ناصر الأمين

ودالبشرى مهمش زينا نحنا عاوزين كيزان جلابة رابطة الهلال ديل

أسمع الكديسة ارخيها في اللمه دي خليها في لمتنا وحفلتنا الحا نسويها في أبوظبي انت جيب الكديسة وانا بجيب اللمبه


وتباً للهلال ورابطته بالامارات الشمالية إنشاء الله مازدا يتولى تدريب الهلال زاته


أنها ثورة حتى النصر

ناصر

Quote: غايتو المرقة مع دو البشري دا بقت تجيب الهوا

اطلع مع التريز طيب
أو أعد

غايتو خرخرة منكـ ساي .. لأنو قاصين قاصين!!

الكلام الفوق دا طبعا لود البشرى وكـدا!







أما بالنسبة لعفوف
فـ لقيتكـ تفتيحة وشايلا مفاتيحا!!

يا ياشمهندس بكرى الحاصل شنوا باقى الصفحات بتختفى ..

البوست بعد مايصل الصفحة 3 برجع من جديد الى الصفحة 2 شوف الحاصل يا باشمهندس يديك العافية

تحياتى ..

Quote: البوست بعد مايصل الصفحة 3 برجع من جديد الى الصفحة 2 شوف الحاصل يا باشمهندس يديك العافية

دي ضرايب يا درق ... انت قايل المشاركات دي مجانا؟؟


و الروايه الاخري بتقول انو عمو الهكر حايم الايام دي


و الجاتك في مشاركتك سامحتك يا مان!


يا اخوانا وين الحلاوي و القرضابي و نصر الدين ؟؟؟ مهكرين و اللا شنو؟

Quote: و الروايه الاخري بتقول انو عمو الهكر حايم الايام دي

يا ناصر .. سلام

نعمل حسابنا ولاكيف ..

اه معانا يوم الجمعة ولا ما معانا ..

مودتى ..

Quote: اه معانا يوم الجمعة ولا ما معانا ..

ان شاء الله يا خالد.. انا و عبد العزيز شبه جاهزين.
و بحاول اتصل بي الزعيم عثمان رغيم و الاحباء ادم موسي و معروف حمدين فبوجودهم تحلو الجلسات

Quote: يا ياشمهندس بكرى الحاصل شنوا باقى الصفحات بتختفى .. البوست بعد مايصل الصفحة 3 برجع من جديد الى الصفحة 2 شوف الحاصل يا باشمهندس يديك العافية

تحياتي يا بورداب الامارات يا أجدع ناس

يا جماعة الخير ماااافي مشاركات ضاعت ولا حاجة كل الحصل انه المنبر رجع لي حالته
الطبيعية و لو ملاحظين الصفحة الاولي زاتها رجعت لي وضعها الطبيعي بعد ما كانت
كااااشة و قصيرة ، اها عدد المداخلات في الصفحة الواحدة رجع لي مية مداخلة فبالتالي
بوستينا من 3 صفحات بقي صفحتين فما تقلقوا ، كل المشاركات و كل الصور موجوووودة


لقيتني كيف يا ود الصايم ما بنفع موديتييتر معاكم

Quote: بوستينا من 3 صفحات بقي صفحتين فما تقلقوا ، كل المشاركات و كل الصور موجوووودة

يا هبه طلعتي داقسه دقسة السنين .. عشرين مداخلة علي الاقل اتلحست

الهكر او بكري يتحملون كامل المسؤلية ... و لا عزاء للداقسين و الداقسات



سعدنا بلقائك يوم العرس و تحياتي يا وردة !!




الحلاوي و القرضابي و نصرالدين .. نعلكم بي خير و غير مهكككرين

Quote: يا هبه طلعتي داقسه دقسة السنين .. عشرين مداخلة علي الاقل اتلحست

معقولة ؟ سجمي خالص كان كدا ! ( واحدة زي بتاعة صلاح عبدالله ديك ) لووول

Quote: الهكر او بكري يتحملون كامل المسؤلية ... و لا عزاء للداقسين و الداقسات

بكري دا يتحمل ليكم شنو ولا شنو يا جماعة ما كفاية متحملكم إنتو !! ( لقيتني
كيف و انا بكسر تلج للريس ؟)

Quote: سعدنا بلقائك يوم العرس و تحياتي يا وردة !!

وحياة ربي انا الاسعد و كان نفسي تجئ يوم السبت داك عشان نتم باقي الونسة
لكن قدرنا عذرك و إن بقينا حيين في الدنيا دي بنتلاقي تاني إن شاءالله

Quote: الحلاوي و القرضابي و نصرالدين .. نعلكم بي خير و غير مهكككرين

معاك بنسأل و ربنا يبعد عننا جميعا" شر الهكر و التهكير ( أعوذ بالله من الشيطان الرجيم،
بسم الله الرحمن الرحيم )

صلاح عبدالله الديم زلط

أنور البعيو



محمد عبدالله الزنجي




دكتور أمير عمر على حسن




الريس أسامة ادريس و عائشة الفكي وعصام علي



طارق الكوتش هلالنا فوق

Quote: لقيتني كيف يا ود الصايم ما بنفع موديتييتر معاكم

يا جماعة ماف أي مداخلة ضاعت!
الصفحة بقت تقلب بعد 120 مداخلة!!

Quote: أما بالنسبة لعفوف فـ لقيتكـ تفتيحة وشايلا مفاتيحا!!

تفتكر يا ود الصايم يا اخوي مع العالم والخرخرة الحاصله دي نعيش كيف ..

خالد درق .. ومن الخلف علاء الدين صالح داخل شمال فى صحن العشاء .. بالهناء يا صحبى

Quote: ومن الخلف علاء الدين صالح داخل شمال فى صحن العشاء .. بالهناء يا صحبى

شنو يا حبيب خلي اخونا يتعشى

شابكينو ونسة وكلام لحد ما العشاء قرب يخلص

وفي رواية أخرى زمن اغلاق المطعم قد حان

الريس اسامة ادريس .. حمودة .. نصر الدين