الثقة دي كيف ؟ البشير يقسم على تنحيه في حالة انتفاضة الشعب

قطع رئيس الجمهورية المشير عمر البشير بتنحيه عن السلطه
في حالة انتفاضة الشعب السوداني على حكومته ورهن بقاءه في سدة الحكم برضاء الناس
وقال لو خرجت الجماهير للشارع لن نهرب خارج البلاد وزاد مغلظا القسم اذا رفضنا الشعب
سنغادر الحكم ولكن لن نغادر البلاد حتى ندفن فيها

صحيفة الوان

ما اظن لو لفو العالم كلو يجدو مثلك في كل شئ

قبل قليل علمت ان السلطات الامنية اغلقت شارع مدنى من الكاملين وحتى الخرطوم ومنعت تدفق الجماهير نحو الخرطوم التى تنوى حضور حشد حزب الامة الكبير بمناسبة ذكرى سقوط الخرطوم ..دا موش منع من قيام الثورة وكيف تكون اذا كان هكذا التعامل مع الثوار..
تحياتى ليك

Quote: ما اظن لو لفو العالم كلو يجدو مثلك في كل شئ

أصدق ما قرأت أخيراً!!

سمعنا مثل هذا القسم الغليظ فيما يخص القوات الأممية.

Quote: سمعنا مثل هذا القسم الغليظ فيما يخص القوات الأممية.

سلام محمد ابو العزائم

وهل فعلت القوات الاممية ما لايرضى ؟

ازيك يا فدوى ..
كل مؤيد بحكومته معجب و من تونس متبرئ.

مصر ليست تونس

اللينك برضو مهدى لصديقي ابو عبيدة البصاص

Quote: ازيك يا فدوى .. كل مؤيد بحكومته معجب و من تونس متبرئ. مصر ليست تونس اللينك برضو مهدى لصديقي ابو عبيدة البصاص

سلام حمور
ربما حقيقية الاشياء والتفاصيل تجعل اليقين هو
الطريق الى الغضب او ثوره الشعب بقدر ما تكون الحقيقه يكون الثبات

Quote: أصدق ما قرأت أخيراً!!

سلام محمد
الكلام ساهل
لكن لو بقي فعل ببقي ليهم بمبي

من غيره يعطي لهذا الشعب معني ان يعيش وينتصر ؟؟

سلام واصل
اظن القلب اقوي ايمانا وثباتا

Quote: قبل قليل علمت ان السلطات الامنية اغلقت شارع مدنى من الكاملين وحتى الخرطوم ومنعت تدفق الجماهير نحو الخرطوم التى تنوى حضور حشد حزب الامة الكبير بمناسبة ذكرى سقوط الخرطوم ..دا موش منع من قيام الثورة وكيف تكون اذا كان هكذا التعامل مع الثوار.. تحياتى ليك

سلام الكيك
لو فرضنا حصل زي ما قلت
هل تظن هذا هو الشعب ؟؟

Quote: هل تظن هذا هو الشعب ؟؟

لا .. لا .. لا ....... حتى فتشيهم .... ما حتلقي عندهم بطاقة عضوية المؤتمر الوطني.

Quote: .. لا .. لا ....... حتى فتشيهم .... ما حتلقي عندهم بطاقة عضوية المؤتمر الوطني.

هل تظن الشعب السوداني منقاد
بل العكس تماما
يفعل ما يريد وما يحب
احضر للرئيس افتتاح واحد
وستجد ما يسر ناظريك من اصغر فئه عمرية الي اكبر فئه

سلام ..

Quote: البشير يقسم على تنحيه في حالة انتفاضة الشعب

هو لو انتفض الشعب بكون قاعد عشان يتنحى ؟!!!

Quote: وقال لو خرجت الجماهير للشارع لن نهرب خارج البلاد وزاد مغلظا القسم اذا رفضنا الشعب سنغادر الحكم ولكن لن نغادر البلاد حتى ندفن فيها

بره لاهاى وجوه باي باى... إن شاء الله ...

سلام فايز حبابك

Quote: هو لو انتفض الشعب بكون قاعد عشان يتنحى ؟!!!

تفتكر البشير حيمشي وين؟
لو بخاف كان يعمل زي ما بعمل كل رئيس وزي ما بعمل حسني مبارك كضرب مثل
يفضي الشوارع خمسه لي قدام وخمسه للخلف لانو (سيمر من هنا )
ولكن الرئيس البشير
يقف امام الملايين ويرقص على انغام الفرح ولا يخشى احد
وهذااذا دل على شئ يدل على بساطه وصدق مطلق وثقه مطلقه
في المواطن والشعب

Quote: بره لاهاى وجوه باي باى... إن شاء الله ...

اتحداها قبل كدا المحكمة الجنائيه
ولم يستطيعوا شئ
وهم قاعدين
والبشير قاعد ولا جديد يذكر

شكرا فدوى
لان الرئيس بالامس سمعته فى الدامر اراد ان يمتحن الشعب او الجماهير وقال بالحرف الواحد لو الجماهير ما دايرانا ما بنهرب بنواجه حتى ولو رجمتنا بالحجارة ما بنهرب .. واعتقد امتحان زى دا الشعب قادر على النجاح فيه ولا مش كدا ...بس تتحدى وتمنع دى فيها كلام تانى

تحياتى

تحياتي

اخت فدوى

Quote: قطع رئيس الجمهورية المشير عمر البشير بتنحيه عن السلطه في حالة انتفاضة الشعب السوداني على حكومته

ساعتها لن يكون القرار

ملك يديه

بل كثير أشياء

ستكون تحت

جزمة الشعب الثائر


د.محمد تيراب
_______________
الحق يعلوا ولا يُعلى عليه

ما أول قسم...







و لا أخر (حنث)

الاخت فدوي شريف

تحية وتقدير

Quote: ما اظن لو لفو العالم كلو يجدو مثلك في كل شئ

في دي متفق معاك ... زولنا مافي مثيلو وربنا يعينا على ما بتلانا

Quote: الثقة دي كيف ؟

سمعتو مره بقول _ بعد هجمات خليل _ الامن عينو البشوف بيها ويدو الببطش بيها
بس ما يكتر في الثقة شديد العساكر ديل في الاخر سودانيين وأكيد لاحقهم في حياتهم
ومعيشتهم شي من الرهق الفيهو الناس بسبب النظام الفاسد

-------------------------------
كل ليل وليهو أخر

هو موش ح يغادر لانو مافيش بلد ح تقبلو .. هو رئيس ما قبلو وطردو منبوذ يقبلو ؟؟


ح يتنحى دي بتكون غصبا عنو وعن الجابوهو

Quote: ما اظن لو لفو العالم كلو يجدو مثلك في كل شئ

اما هذه فصدقت او صدقتي فيها كدا الواحد اليوم يحلف انو لاقى ليهو كوز صدق

هل الواثق من محبة شعبه يزور الانتخابات؟
هل الواثق من حب شعبه بيخاف من خروجه؟ يغلق الشوارع ويهدد ويوعد ويحذر؟
البشير ليست الطاغية الوحيد الذي يهدد شعبه والذي تصور له بطانته بانه جاب الموية لعطشان وجاب اللقمة للجعان، بل هناك كثر سبقوه في هذه المهمة ..........
وسوف لن يجد ارض تأويه وهو يعرف ذلك جيداً وانا كلي يقين بانه سيختار لاهاي .......لان هذا الشعب قد وجد تحت جزمته الالام التي لن يسامحه عليها

Quote: هل تظن هذا هو الشعب ؟؟

لا أظن فالشعب لو ما بقى مع الرئيس يكون ما شعب
بكونوا يا فدوى ديل جايين من أثيوبيا أو يمكن من دولة الجنوب المجاورة

Quote: ما أول قسم... و لا أخر (حنث)

والله وتالله انك لصادق

انقلب السحر على الساحر

البشير ده مابيخجل (اى شافع فى الحله عارفوا كضاب) يقول كلا م للهتيفه مدفوعى الاجر ديل تانى يوم ناسه ذاتهم يخالفوه:
قال يوم 30 ديسمبر 2010 اخر يوم لمفاوصات الدوحه (ياراجل)
-----------------------------------------------------------
هو قايله الانتفاضه دى كيف اصلا
شعب دارفور انتفض
والجنوب (ومرق بجلده)
والنيل الازرق
وجنوب كردفان
وبورتسودان، مدنى، شندى، كجبار
_____________
ياخى انت بيان ماقادر تستحمل توزيعه
فى الاسبوع الماضى فقط عصابتك قابضه اكثر من 20 شخص بسبب توزيع بيان (فكهم لو ماخايف)
مظاهرة لا تتعدى 50 شخص تعتدوا عليهاكأنها مكونه من 10 الف

فى المثل بيقولوا:
الخواف عكازه طويله
ونفاخ
اهو انت واحد منهم
أجهزتك الامنيه دى مابتحميك حين تحين ساعتك

سعيدين تماما كون العقل الباطني للبشير حدثنا عن الرعب والخوف والرجفي الذي يتملكه من الهبة القادة بلاريب-

يافدوي صحسفة الوان دي ما بتاعت حسين خوجلي القال
شاف نافع المانافع هارب في مطار الخرطوم يوم دخول خليل
ام درمان وهو زااااتو الخلي مركوبو في جامعة الخرطوم
بئـــــــــــــــس المصدر
من الشرارة يندلع اللهيب (٢)
January 24th, 2011
في خضم الأزمة السودانية وتنامي الغضب الشعبي لا يجد المؤتمر الوطني بداً من سيل التصريحات اليومية عن عدم قدرة المعارضة على تحريك الشارع، في وقت لا تنفصل فيه المعارضة عن الشارغ الذي خرج مندداً بسياسات الحكومة.

وإنت كانت المعارضة لا تستطيع التظاهر فعلام هذا التهديد والوعيد وعسكرة الاقتصاد وتخصيص معظم الإنفاق الحكومي للأمن والدفاع ؟ ولم هذه الاعتقالات المستمرة للسياسيين بتهم معارضة النظام وتوزيع المنشورات؟ وإن كان الشارع مع الحكومة وضد المعارضة فكيف خرجت مظاهرات ديسمبر ٢٠٠٩ الحاشدة والمظاهرات التي تتوالى الآن ضد الغلاء؟

لن تتوقف التصريحات التي تهدف لطمأنة رأس المال الإسلامي الطفيلي ووكلاء الرأسمالية العالمية بقدرة النظام على الاستمرار حماية للمصالح المتبادلة، ولكن النظم الفاسدة لا تحميها التصريحات ولا الخوذات أو المدرعات، كما لا تحميها الدساتير المفصلة على الأحزاب الشمولية بغية الحكم المطلق.

لقد ظلت كل مواد الدستور الانتقالي ذات الصلة بالتحول الديمقراطي، بما في ذلك وثيقة الحقوق، معلقة في الهواء وحلت مككانها القوانين المقيدرة للحريات مثل الأمن والإجراءات الجنائية والصحافة. والحال كذلك فإن الحديث عن الشرعية ومحاولة لجم الحركة الجماهيرية وتهديدها وتخديرها لتنتظر الانتخابات “المضروبة” القادمة لن يزيد المعارضة الشعبية إلا إصراراً على استعادة الديمقراطية.

وفي كل مرة يظل الشارع هو الفيصل بين الشعوب الثائرة والحكومات المستبدة.

كلمة الميدان

اقترح عليه استشارة اختصاصي امراض نفسية لآن البعمل فيهو ده حير الطب والطبيب.... حالة النكران دي كويسة مع الشعب لأنو شكلو لحدي الان ما حاسس بالعملو فيهم وحا يستمر في نفس مرضو ده لحدي ما يلقا روحو بتعالج في لاهاي....

Quote: شكرا فدوى لان الرئيس بالامس سمعته فى الدامر اراد ان يمتحن الشعب او الجماهير وقال بالحرف الواحد لو الجماهير ما دايرانا ما بنهرب بنواجه حتى ولو رجمتنا بالحجارة ما بنهرب .. واعتقد امتحان زى دا الشعب قادر على النجاح فيه ولا مش كدا ...بس تتحدى وتمنع دى فيها كلام تانى تحياتى

سلام الكيك
ايوا والجماهير كلها وقفت وساندته
بكلمات مشجعه ومعبره كالعاده

فدوى
سلاااااااااااااااااااام كبيييييييييييييييييييييييير

Quote: الخلي مركوبو في جامعة الخرطوم

اخونا خدر
تصحيح بسيط
خلى مركوبو في جامعة امدرمان الاهلية
يا حليلو حسين
فقد البوصلة
بقى لا علماني لا اسلامي
حالتو تحنن