Post: #1
Title: انا ما بَسكر من الخمر
Author: خدر
Date: 01-25-2011, 04:51 PM
Parent: #0
 هاهي حقيقة الامر انا ما بسكر من الخمر
ولا من صوت القمري لكن نظرات حبيب عمري
تسكرني وتصحيني وتحل اسري
___
سيد الروح
كلمات الشيخ عمر البنا
غناء طارق ابوعبيدة
اكوستك جيتار هيثم موسي
عود طارق ابوعبيدة
|
Post: #2
Title: Re: انا ما بَسكر من الخمر
Author: omer osman
Date: 01-25-2011, 04:56 PM
Parent: #1
الله ... الله ... الله ياطارق ياااااااااااااااااااااخ
|
Post: #3
Title: Re: انا ما بَسكر من الخمر
Author: مزمل خيرى
Date: 01-25-2011, 05:00 PM
Parent: #2
ياسلام عليك ياخدر ..
رابط حفظ بالله ..
|
Post: #5
Title: Re: انا ما بَسكر من الخمر
Author: omer osman
Date: 01-25-2011, 05:07 PM
Parent: #3
ياااخ انا داير اهدي الأغنية دي للسودان ......
واقول ليهو والله العظيم انا بريدك شدييييد ........... 
|
Post: #12
Title: Re: انا ما بَسكر من الخمر
Author: خدر
Date: 01-25-2011, 06:09 PM
Parent: #3
عمر جنابو و مزمل خيري
شكرا يا اصدقاء انو آدائي عجبكم
شايف الباشمهندس قمرنا ما قصر يا مزمل
شكرا
|
Post: #4
Title: Re: انا ما بَسكر من الخمر
Author: بله محمد الفاضل
Date: 01-25-2011, 05:07 PM
Parent: #2
أخ يا اخي
سماعات بح
بس أكيد
بتسكر وحد الثمالة كمان
تشكر يا جميل على نشر الجمال وجُمله في الآنام
|
Post: #6
Title: Re: انا ما بَسكر من الخمر
Author: GamarBoBa
Date: 01-25-2011, 05:33 PM
Parent: #4
يحفظك ويحفظ دهرك يا مولانا يا فنان
....
يا حبيب الروح لو تدري...مالكني هواك من بدري
...
الحفظ من هنا يا مزمل
http://sudanvoice.net/v2/seedalrooh.mp3
اعمل سيف آس في الميديا بلير..وإختار باث الحفظ..وشيل ملفك بهناك
_
الله لا كسبك يا وغد
|
Post: #11
Title: Re: انا ما بَسكر من الخمر
Author: مزمل خيرى
Date: 01-25-2011, 06:08 PM
Parent: #6
Quote: الحفظ من هنا يا مزمل
|
مشكور ياقمرنا..
|
Post: #14
Title: Re: انا ما بَسكر من الخمر
Author: خدر
Date: 01-25-2011, 07:13 PM
Parent: #6
يلة الفاضل
كدي اسمع و تعال
و الشكر قطعا جزيل علي المرور
ياشمهندس قمرنا
شكرا انت ياخي علي اللنك و تكبد المشاق
شايفها تعبتك لمن بقيت تنبذ 
|
Post: #7
Title: Re: انا ما بَسكر من الخمر
Author: عبدالله ابوشوارب
Date: 01-25-2011, 05:35 PM
Parent: #2
منتهي الروعة والابداع
تطريب عالي واداء يتسلل الي مسام الروح
فتهدأ، ترتاح ،، تنتشي تكاد ان تعيد التوازن الي النفوس المتأرجحة هذه الايام
تتدفق اخي طارق ليطغي الجزر الراقي علي المد السوقي
شكرا اخي طارق علي هذه الاستضافة في هذه الدوحة الغناء
|
Post: #8
Title: Re: انا ما بَسكر من الخمر
Author: لدن جعفر
Date: 01-25-2011, 05:43 PM
Parent: #7
لكن بنسكر من صوتك حد الثماله
شكرن...شكرن طارق
جملت مساءاتنا وليالينا
(كرعين عماد بى وين ياخ)
|
Post: #9
Title: Re: انا ما بَسكر من الخمر
Author: معاوية عبيد الصائم
Date: 01-25-2011, 05:59 PM
Parent: #8
Quote: يحفظك ويحفظ دهرك يا مولانا يا فنان
|
حياك الله طال عمرك الشيخ بن عبيدة
|
Post: #10
Title: Re: انا ما بَسكر من الخمر
Author: صديق الموج
Date: 01-25-2011, 06:00 PM
Parent: #8
طارق والله تطريبك يفوق حد الوصف
لكن عليك الله صلح الكوبلى الاخير
محاسنك اجل من شكرى وليست احل يعنى النقطه بتفرق معانا
وانا كان حاضر كان نقطت ليك برضو...
عليه تكون طالبنى نقطه مية دولار عدا نقدا
وانا طالبك نقطة حقت الجيم....
الله يحفظك يا حبيب،،
|
Post: #13
Title: Re: انا ما بَسكر من الخمر
Author: بكري عباس علي
Date: 01-25-2011, 07:13 PM
Parent: #10
خدر يا جميل
جمل الله ايامك
كما جملت انت ليالينا بهذا الفن الراقي
تسلم يا حبيب
|
Post: #16
Title: Re: انا ما بَسكر من الخمر
Author: طارق جبريل
Date: 01-25-2011, 07:18 PM
Parent: #13
غايتو عوقتني ما لاقيتك
هسي اشكيك لي منو
|
Post: #17
Title: Re: انا ما بَسكر من الخمر
Author: خدر
Date: 01-25-2011, 07:33 PM
Parent: #10
معاوية عبيد
انت اقعد لي في طال عمرك و طال عمري
و صاحبك ود الموج طلعني مديون
غايتو يا السعودية الفيك إتعرفت
ود الموج
والله دي نقطة غالية خلاص , لكن كلام في اضانك الغنية بتخوف
شفت كمية الوصف و النويح الفيها ده ؟
يازول انا قبلان اني طلعت مديون في شان خاطر الشيخ البنا
شديد الاعتذار لشيخنا البنا علي النقطة الغالية
|
Post: #15
Title: Re: انا ما بَسكر من الخمر
Author: خدر
Date: 01-25-2011, 07:17 PM
Parent: #8
ابوشوارب
عاجز انا والله قدام كلامك السمح
الله يجبر بخاطرك و شكري العميق
شكرا يا فنان
لدن
شكرا يا ستنا و تستاهلي الطرب يا ام قلبا اخدر
لكن مالك جايبه لينا كرعين الليمايتسماش
بجي ينجضنا اسه
|
Post: #18
Title: Re: انا ما بَسكر من الخمر
Author: خضر حسين خليل
Date: 01-25-2011, 07:35 PM
Parent: #15
| Quote: انا ما بَسكر من الخمر |
وهو كذلك يا عزيزي
|
Post: #19
Title: Re: انا ما بَسكر من الخمر
Author: خدر
Date: 01-25-2011, 07:52 PM
Parent: #18
بكري عباس
شكرا يا فنان علي الكلام السمح
الله يجبر بخاطرك و شكرا كتير
ود جبرين
يازول اشكيني لي الله ده
انا البيني و بينو عامره
مع اني لومي كتير معاهو , لكنو الغفور الرحيم
اسه في ذمتك غناي ده يوم الحشر ما بشفع لي ؟
|
Post: #20
Title: Re: انا ما بَسكر من الخمر
Author: خدر
Date: 01-25-2011, 08:33 PM
Parent: #19
احبك انا يا خدروف والله و احب تعليقاتك الذكية
|
Post: #21
Title: Re: انا ما بَسكر من الخمر
Author: الشاذلى خيرى عبد الله
Date: 01-25-2011, 08:56 PM
Parent: #20
كالعادة مافى كلام ..
تطريب عالى .. وشغل على مستوى عالى .
بس يا طارق ليه ما تطلع شريط او سى دى .. بدل كل مرة سنقل سونق ..
مودتى يا حبيب .
|
Post: #22
Title: Re: انا ما بَسكر من الخمر
Author: سلمى تاور
Date: 01-25-2011, 09:20 PM
Parent: #21
| Quote: اسه في ذمتك غناي ده يوم الحشر ما بشفع لي ؟ |
بالحيل
|
Post: #23
Title: Re: انا ما بَسكر من الخمر
Author: ناصر احمد الامين
Date: 01-25-2011, 09:26 PM
Parent: #22
يا خدر صوتك ما حلو
و الموسيقي تعبانة
و الكلمات بايخة
في داعي تتعبنا كدا !!!؟؟؟
|
Post: #24
Title: Re: انا ما بَسكر من الخمر
Author: مرتضى احمد عبد القادر
Date: 01-25-2011, 10:08 PM
Parent: #23
Quote: غناء طارق ابوعبيدة
اكوستك جيتار هيثم موسي
عود طارق ابوعبيدة |
ياخ أحب الصوت المرتاح للدين دا، والإنترو والسكونز العجيبين ديل، مالقيتو ليكم فلوت يطلع #### معاكم زياده
الـ#### ما مني من بكري 
|
Post: #25
Title: Re: انا ما بَسكر من الخمر
Author: Yassir Tayfour
Date: 01-25-2011, 10:17 PM
Parent: #24
يا مورتا قلت لي د.ن.ك طلع؟
انا نزلتها في التلفون خلي "دنو" اليطلع!
___
خدر مشتاقين والله، عليك اللعنة!
|
Post: #26
Title: Re: انا ما بَسكر من الخمر
Author: عاطف عبدون
Date: 01-25-2011, 10:28 PM
Parent: #25
اول مره القي لي شئ حلال وطاعم
........
ياخي
مشكور علي السكر الحلال
|
Post: #27
Title: Re: انا ما بَسكر من الخمر
Author: Amjed
Date: 01-25-2011, 10:53 PM
Parent: #26
المشربُ ليس بعيداً
ما جدوى ذلكَ، فأنتَ كما الاسفنجةِ
تمتصُ الحاناتِ ولا تسكر
يحزنُكَ المتبقي من عمرِ الليلِ بكاساتِ الثَملينَ
لِماذا تَركوها ؟ هل كانوا عشاقاً !
أم كانو .... بمحضِ إرادَتِهمْ كلقاءاتِ القمة؟
هل كانت بغي ليس لها أحد في هذي الدنيا الرثة؟
وَهَمستَ بدفء برئتيها الباردتين...
أيقتلكِ البردُ ؟
انا .... يقتلني نِصفُ الدفء.. وَنِصفُ المَوقِفِ اكثر
سيدتي نحن بغايا مثلكِ....
يزني القهر بنا..والدينُ الكاذِبُ.. والفكرُ الكاذبُ ..
والخبزُ الكاذبُ ..
والأشعارْ ...
ولونُ الدَمُ يُزَوَّرُ حتى في التَأبينِ رَمادِياً
ويوافقُ كلُّ الشَّعبِ أو الشَّعبُ وَلَيسَ الحَاكِمُ اعْوَر
سيدتي كيفَ يَكونُ الانسانُ شريفاً
وجهازُ الأمنِ يَمُدُ يَديهِ بِكُلِّ مَكانٍ
والقادم أخطر
|
Post: #28
Title: Re: انا ما بَسكر من الخمر
Author: Amjed
Date: 01-25-2011, 10:55 PM
يا طارق ...
كَمْ أَنْتَ تُحِبُ الخَمْرَةَ.... وَاللُّغَةَ العَرَبِيَّةَ...... وَالدُنيا
لِتُوَازِنَ بَينَ العِشْقِ وَبَينَ الرُمْانْ
هاذي الكأسُ وَأترُكُ حانَتِكَ المَسحورَةَ ..يا نادِلُ
لا تَغضَبْ... فالعاشِقُ نَشّوَانْ
إمْلأها حَتى تَتَفايَضَ فَوْقَ الخَشَبِ البُّنِّيِ
فَما أدراكَ لمِاذا هَذي اللوحةُ .. للخَمْرِ...
وَتِلّكَ لِصُنْعِ النَعْشِ.. وأُخْرى للإعلانْ.....
أملأها عَلَنا يَا مولايَ
فَما أخرُجُ مِنْ حانَتِكَ الكُبرى إلا مُنتشئً سَكْرَانْ
أصغَرُ شيءٍ يُسْكُرُني في الخَلْقِ فَكَيّفَ الإنسانْ؟
مظفر النواب
|
Post: #29
Title: Re: انا ما بَسكر من الخمر
Author: سيف اليزل الماحي
Date: 01-26-2011, 07:06 AM
Parent: #28
.
هي .. :
أنا ما بَسكر من الخمر
ولا .. :
أنا ما بفتر من الخمر ؟
ولا أنا عيوني كعبات
.
|
Post: #30
Title: Re: انا ما بَسكر من الخمر
Author: محمد عبد الماجد الصايم
Date: 01-26-2011, 07:18 AM
Parent: #29
متّعكـ الله بما تُريد!
|
Post: #31
Title: Re: انا ما بَسكر من الخمر
Author: Amira Elsheikh
Date: 01-26-2011, 07:23 AM
Parent: #29
بث
|
Post: #32
Title: Re: انا ما بَسكر من الخمر
Author: ندى عثمان حسن
Date: 01-26-2011, 07:30 AM
Parent: #31
you made my day
كما يقول الفرنجة
|
Post: #33
Title: Re: انا ما بَسكر من الخمر
Author: Baha Elhadi
Date: 01-26-2011, 08:07 AM
Parent: #32
وغد في أعلى مناحي التجلي
لمن تسخى بتعمل حاجات بتعرفها براك
قاتل الله الخمر ام الكبائر زاتو
وبرضو نشربها معاك
|
Post: #34
Title: Re: انا ما بَسكر من الخمر
Author: بخاري عثمان الامين
Date: 01-26-2011, 08:24 AM
Parent: #33
سكرت وتوهت دون خمرة
وكان أسبابي وجناتك
|
Post: #36
Title: Re: انا ما بَسكر من الخمر
Author: ابو جهينة
Date: 01-26-2011, 08:27 AM
Parent: #34
خدر
موسقت صباحي و أسكرتني دونما خمر
دمتم
|
Post: #50
Title: Re: انا ما بَسكر من الخمر
Author: خدر
Date: 01-26-2011, 10:47 AM
Parent: #36
بخاري
وجناتك ؟ اصبر لي بلاقيك في الخرطوم قريب
ختيتها ليك و نجلاء بهناك .. لقيتها ؟
ابوجهينة
شكرا يا عمدة علي الإطراء
شكرا كتير و دايما ايامك هناء
|
Post: #35
Title: Re: انا ما بَسكر من الخمر
Author: ناذر محمد الخليفة
Date: 01-26-2011, 08:26 AM
Parent: #33
يا سلام عليك يا طارق .
شغل رهيب بالجد ...
العزف دا بتاعك إنت ؟؟!!
|
Post: #37
Title: Re: انا ما بَسكر من الخمر
Author: صديق الموج
Date: 01-26-2011, 08:33 AM
Parent: #35
| Quote: العزف دا بتاعك إنت ؟؟!! |
هسه فى داعى للسؤال ده؟
الزول ده قال انا ما بسكر..
لازم تحكوها يعنى لووووووول،،،
|
Post: #51
Title: Re: انا ما بَسكر من الخمر
Author: خدر
Date: 01-26-2011, 10:52 AM
Parent: #37
شكرا يا نازر يا فنان
العود عزفي انا بالعود الجديد
(ده غير الجيت بيهو الخرطوم داك)
الاكوستك هيثم موسي
الغنوة دي كانت جام سيشن بعد التسجيل
والله يا ود الموج انت بتاع مشاكل
اسه الجاب القشر شنو اسه ؟
|
Post: #38
Title: Re: انا ما بَسكر من الخمر
Author: خالد العبيد
Date: 01-26-2011, 08:34 AM
Parent: #35
يا سلام عليك يا طارق .
|
Post: #49
Title: Re: انا ما بَسكر من الخمر
Author: خدر
Date: 01-26-2011, 10:40 AM
Parent: #33
ندي عثمان
و مرورك اسعدني كتير يا ستنا
شكرا ياخي
بهاء
ما حرمتك من شي .. صاح ؟
سيف يا صاحب و امسك عدد
|
Post: #43
Title: Re: انا ما بَسكر من الخمر
Author: خدر
Date: 01-26-2011, 09:50 AM
Parent: #31
ود الصايم
جمعا يا فنان
بت الشيخ
وانا احبك ايضا يا ستنا
|
Post: #42
Title: Re: انا ما بَسكر من الخمر
Author: خدر
Date: 01-26-2011, 09:47 AM
Parent: #29
امجد
انا ايضا يا صديقي تقتلني الانصاص
نحتفي بالحقيبة وشوارعنا لا تحمل اسماء روادها
نحتفي بالتراث و اعلامنا يعرضه علي إستحياء
السودان غني ثقافيا و ميت اعلاميا في إستلهام ذاك التراث
سيف بن ذي يزل
شيخك عمر البنا ده ما بغلط بي اخوي و اخوك
نحن البنغلط في النقل يا فنان
الخمر خليهو .. شوف دي
{قلبي حنين و انا لي سنين فاقد امري }
|
Post: #41
Title: Re: انا ما بَسكر من الخمر
Author: خدر
Date: 01-26-2011, 09:35 AM
Parent: #26
يا ابت تفة
تصدق إستعنت بصديقة عشان افك طلاسم الرسالة ؟
تلفوني كافر ياصاحب ما بعرف لغة القرآن
توقعني مساء اليوم
آتف آبدون
اشرب يا صديقي النوبي
خمرا حلال من لدن شيخنا عمر البنا
و التحيات يا صديقي
|
Post: #44
Title: Re: انا ما بَسكر من الخمر
Author: محمد عبد الماجد الصايم
Date: 01-26-2011, 09:51 AM
Parent: #41
Quote: تصدق إستعنت بصديقة عشان افك طلاسم الرسالة ؟
تلفوني كافر ياصاحب ما بعرف لغة القرآن |
ياخ الواحد بطّل يرسل عشان ما يخش في حتات ضيقة!
عزيزي خدر .. نعمل صندوق ونديكـ الصرفة الأولى مثلا؟
|
Post: #53
Title: Re: انا ما بَسكر من الخمر
Author: خدر
Date: 01-26-2011, 11:16 AM
Parent: #44
خالد
شكرا يا ود العبيد
شكرا يا زميل
يا حمودي
الكلام ده تقولوا لي زول ما عندو سامسونق S5233
انا المحيرني ابتفة لقي تلفون عربي وين ؟
|
Post: #40
Title: Re: انا ما بَسكر من الخمر
Author: خدر
Date: 01-26-2011, 09:31 AM
Parent: #24
يا ناصر
برئ يا بيه
مورتا
ههههههههههههههههه بكري شخت ليك قلت لي ؟
فعلا الاغنية محتاجة لي فلوت غاندي السنين
لكن غاندي حتل لي في باريس
قريب إنشاء الله يا مورتا تسمع حاجات احلي
|
Post: #39
Title: Re: انا ما بَسكر من الخمر
Author: خدر
Date: 01-26-2011, 09:26 AM
Parent: #22
شاذلي
ادعي لي يترفع القدم و اجي انتج كل الاعمال
الخاصة و التراثية في الخرطوم
و المودة الما بتغباك يا فنان
سلوم
الله يطمنك و يجبر بخاطرك
والمودة الما بتغباك يا ستنا
|
Post: #45
Title: Re: انا ما بَسكر من الخمر
Author: أيمن الطيب
Date: 01-26-2011, 10:09 AM
Parent: #39
يا خضر يا فنان,,
مافى كلام!!!
الكلام كمل,,
يا نسمة فى عز الهجير,,
من قلبى والله ,,
الله يديك العافية ويلمنا بيك فى يوم جميل,,
حتى لو فى بلدكم الكلها عجلات دى,,
زعلنى صديق عزيز بعد أن خلف وعده بخصوص C.D
ملعوب من نواحيكم,,
تحياتى شديد..
|
Post: #46
Title: Re: انا ما بَسكر من الخمر
Author: omer osman
Date: 01-26-2011, 10:18 AM
Parent: #45
ما بفهم في عدة الموسيقي دي كتير ...
لكن في زول ولا ناس بعملوا شغل كده وراء العود موووووبالغة 
ياخدر يااااخ قول للزول ده ولا الناس ديل الف شكر شغل نضيف 
|
Post: #54
Title: Re: انا ما بَسكر من الخمر
Author: خدر
Date: 01-26-2011, 11:22 AM
Parent: #46
ايمن الطيب
ياخي انت بس تعال و ليك علي
املاك سيديهات و غنا لمن تقول كفاي
شكرا كتير يا صاحب
يا جنابو
ده الفنان هيثم موسي
شاب حريف جدا و متميز و احساسو عالي جدا
و بالمناسبة الاغنية دي ما عملنا ليها بروفة
كلها دقيقتين انا دندنتها و هيثم دخل معاي
تخيل الهيلمانة دي كلها آلتين بس ؟
|
Post: #47
Title: Re: انا ما بَسكر من الخمر
Author: Mohammed Awad
Date: 01-26-2011, 10:24 AM
Parent: #45
قمة الابداع ياوغد
سكَرتنا معاك زاتو
|
Post: #48
Title: Re: انا ما بَسكر من الخمر
Author: سيف اليزل الماحي
Date: 01-26-2011, 10:39 AM
Parent: #47
.
ياوغد ..
الشغلانة دي داير ليها أم فتفت بتاعة الساعة ستة صباحا ديك،
والشطة الحارة الحمرا
والراس يسوي تح .. تح .. تح
أوعك تغلط وتديها حمام
نوم
.
|
Post: #52
Title: Re: انا ما بَسكر من الخمر
Author: محمد يوسف الزين
Date: 01-26-2011, 11:05 AM
Parent: #48
خطيرة
|
Post: #55
Title: Re: انا ما بَسكر من الخمر
Author: خدر
Date: 01-26-2011, 11:31 AM
Parent: #52
طبنجة
المتحيل تسكرو الغنية
ابقي طيب يا صاحب
محمد يوسف
شكرا كتير
سيف اليزل
البقرأ كلامك ده يقول انت قاعد في اوربا
المطوعين ما بقروا سودانيزاونلاين ؟
|
Post: #56
Title: Re: انا ما بَسكر من الخمر
Author: معاوية الزبير
Date: 01-26-2011, 11:50 AM
Parent: #55
فوق يا خدر
نشوف فوق دي ح تصل لي وين
بعدين أمسك في كلام سيف اليزل دا
بالمناسبة ما معنى سيف اليزل؟ أوعى يكون جماعات وكدا
|
Post: #57
Title: Re: انا ما بَسكر من الخمر
Author: أيمن الطيب
Date: 01-26-2011, 11:56 AM
Parent: #55
يا خدر Quote: ايمن الطيب
ياخي انت بس تعال و ليك علي
املاك سيديهات و غنا لمن تقول كفاي
شكرا كتير يا صاحب |
تسلم كتير يا حلو وأخوك ممتن كتيييييير وبالمناسبة دى ممكن نسمع الرائعة ( لاهاى مالك عليا ,,, لاهاى شلت عينى) فى هذه السانحة!!!
وبهديا لكل الأحباب والأهل والأصدقاء فى كل ربوع الوطن الحبيب دون فرز!!
راجع كتاب الوجوه 
|
Post: #58
Title: Re: انا ما بَسكر من الخمر
Author: خدر
Date: 01-26-2011, 02:31 PM
Parent: #57
يا ود الزبير
صاحبك سيف ده اكان باريناهو انت و انت بغتس حجرنا
شكرا يا صاحب للوقوف في مقام العارف عمر البنا
ايمن
انت ما تهدي عديييل , مالك علي الاهل و الاحباب ؟
شكرا علي ما ورد في كتاب الوش و علي الوعد
|
Post: #59
Title: Re: انا ما بَسكر من الخمر
Author: عماد شمت
Date: 01-26-2011, 03:49 PM
Parent: #58
انا ما بَسكر من الخمر
وبتسكر من شنو؟؟؟
ياسلام عليك متعتنا والله ..وذكرتني حبيبنا علي السقيد لمن كنا
بنجلس قدام النجيلة في مركز شباب السجانه ويدندن ..مابسكر ومابسكر
نسكر نحن بي صوته الجميل ...وطبعا كنا بنركز علي عزفه علي العود ..الله يطراه بالخير
سلم لي علي الحلوين وامهم كتير بالله ..
لحدي هسع ماقلت السر شنو؟؟؟
واصل ابداعاتك ...
يديك العافيه ياحبيب
|
Post: #60
Title: Re: انا ما بَسكر من الخمر
Author: خدر
Date: 01-26-2011, 08:34 PM
Parent: #59
بسكر بالغنا زي شيخي البنا ده يا عماد
والله التحية ليك و للفنان جدا , حبيبنا علي السقيد
السقيد ده السودانيين بعرفوا صوتو السمح داك بس
تخيل لو عرفوا قلبو النقي و روحو الجميلة !!
التسجيل ده مع هيثم و شهاب في ديفينتر
تعال لينا تاني ياخ
|
Post: #61
Title: Re: انا ما بَسكر من الخمر
Author: omer osman
Date: 01-27-2011, 08:34 AM
Parent: #60
|
Post: #62
Title: Re: انا ما بَسكر من الخمر
Author: هواري نمر
Date: 01-27-2011, 08:59 AM
Parent: #61
يا سيد الروح لو تدري؟؟
وهل يدري يا طارق؟
أتمني أن يدري....أتمني أن يدري...!
__
طارق ياخ
بتين نشوفك تسجيلاتك؟؟
بالله سرّع وكفانا شحتفة روح, عايزين تلفزيون وكاسيت وسي دي
لمتين يا طارق
تخلو الساحة لمن لا يعرفون الطرب والغناء.
مكــــــــــــــــــــانك لا يملآه أحد يا فنان.
تحياتي وإحترامي.
|
Post: #63
Title: Re: انا ما بَسكر من الخمر
Author: Ahmed al Qurashi
Date: 01-27-2011, 10:14 AM
Parent: #62
لقد أطربتني يا خدر
|
Post: #64
Title: Re: انا ما بَسكر من الخمر
Author: خدر
Date: 01-27-2011, 02:10 PM
Parent: #63
Quote: طارق ياخ
بتين نشوفك تسجيلاتك؟؟
بالله سرّع وكفانا شحتفة روح, عايزين تلفزيون وكاسيت وسي دي
لمتين يا طارق
تخلو الساحة لمن لا يعرفون الطرب والغناء.
مكــــــــــــــــــــانك لا يملآه أحد يا فنان.
تحياتي وإحترامي. |
اخجلتني يعلم الله يا هواري
شكرا كتير .. ممنون
احمد القرشي
شيخنا البنا لو غني ليهو
فقير الصوت , سيُطربنا
شكرا احمد علي المرور البهئ
|
Post: #65
Title: Re: انا ما بَسكر من الخمر
Author: طارق جبريل
Date: 01-27-2011, 02:36 PM
Parent: #64
يا طرووقدة اكنو شنو
نحن ناس ضهاري سااااكت يا الحبيب
بننطرب من غير نبحت
|
Post: #66
Title: Re: انا ما بَسكر من الخمر
Author: طارق جبريل
Date: 01-27-2011, 02:46 PM
Parent: #65
يمين الزول البينقرشة في الــ((الاكوستك)) دة
رقدني كداد...
الله يملاهو في العافي التخصو في المصارين
|
Post: #67
Title: Re: انا ما بَسكر من الخمر
Author: Faris Mohamed
Date: 01-27-2011, 02:51 PM
Parent: #64
دمت يا طارق
|
Post: #68
Title: Re: انا ما بَسكر من الخمر
Author: تبارك شيخ الدين جبريل
Date: 01-27-2011, 05:38 PM
Parent: #67
كل ما اشوف العنوان ... ادندن جواى ... زاد البين .. امتى تبين ... وتزيل كدرى .... اقول لا لا لا لا ... دا هوا انا ما بقدر عليهو ولا حاجة ...
والله يا طارق ابوعبيدة دخلتنا فى عالم آخر بهذه الرائعة من بيت الكلاوى ...
وهيثم الخلا اتضح انو ثعلب الصحراء فى حقيقة الأمرِ ...
غايتو الجهجهة الجهجهتونى ليها ما عافيها ليكم ...
... المهم ....
|
Post: #69
Title: Re: انا ما بَسكر من الخمر
Author: Hatim Gubara
Date: 01-27-2011, 07:15 PM
Parent: #68
حوله..
دا عذاب رسمي..
حن علينا أكتر..
|
Post: #70
Title: Re: انا ما بَسكر من الخمر
Author: طارق جبريل
Date: 01-27-2011, 07:34 PM
Parent: #69
والله يا طرووووووووق أذيتني عديييييييييييييييل
|
Post: #71
Title: Re: انا ما بَسكر من الخمر
Author: منعمشوف
Date: 01-27-2011, 08:24 PM
Parent: #70
حلوة ياخدر
لكن
ليه العود + أكوستك قيتار. ما وقع لى الكمبنيشن دا يا شاب
كانت تكون أحلى بكتير بآلة واحدة بس
وأميل أنا للقيتار والكورد فنقرينق الرهيب للعازف المجيد هيثم
مع بطء فى الرزم أكتر من كدا
وبذلك يا خدر تكون قدمت لينا قدرات صوتك الكبيرة بمصاحبة جديدة ومختلفة .. قلت شنو يا الزين
|
Post: #72
Title: Re: انا ما بَسكر من الخمر
Author: Nader Abu Kadouk
Date: 01-27-2011, 09:06 PM
Parent: #71
تطريب عالي و شغل نضيف.....
لو كان في كمان كان قتلتنا عدييييييل....
الله يديك العافيه.....
|
Post: #73
Title: Re: انا ما بَسكر من الخمر
Author: عماد شمت
Date: 01-27-2011, 09:41 PM
Parent: #72
سلام حبيبنا خدر ..
نعم الاخ الحبيب علي السقيد رجل خلوق ومحترم ومؤدب جدا
اتمني كل الفنانيين يكونوا في ادبه واحترامه لنفسه قبل الناس ..
قلت لي السر حليلو !!ام السر لانه !!!
يااخي بجيكم برواقه ان شاء الله ..ونعرف السر حبابو..
الريس طارق جبريل ..انت بكاك ده مابتخلي اصلو..اه بنوعدك انا وطارق ابوعبيده
نجيك في عقر دارك نبكيك ونأكل الحريرة قصرنا معاك بس انت كتر الصيوانات ..
تسلموا ياحبايب ..
|
Post: #74
Title: Re: انا ما بَسكر من الخمر
Author: طارق جبريل
Date: 01-29-2011, 11:58 PM
Parent: #73
Quote: الريس طارق جبريل ..انت بكاك ده مابتخلي اصلو..اه بنوعدك انا وطارق ابوعبيده
نجيك في عقر دارك نبكيك ونأكل الحريرة قصرنا معاك بس انت كتر الصيوانات ..
|
يورينا الله عاد
|
Post: #75
Title: Re: انا ما بَسكر من الخمر
Author: عمر عشاري
Date: 01-30-2011, 00:08 AM
Parent: #74
أنا غايتو ياطارق الغناء مافتح معاي
عندي مشكله في اللابتوب ولا وين ماعارف
لكن سكرت من سكر الناس
وعارفك غناي زي جوع بطني
|
Post: #76
Title: Re: انا ما بَسكر من الخمر
Author: طارق جبريل
Date: 01-30-2011, 00:15 AM
Parent: #75
يا عشاري كيفنك
يمين نص عمرك ضايع
ياخي طارق غنااااااااااااااااااي
بس ضنين ياخي
اهو البلد مليانة ألم وهو ضنين
غايتو نقع البحر بس
|
Post: #77
Title: Re: انا ما بَسكر من الخمر
Author: طارق جبريل
Date: 01-30-2011, 11:35 PM
Parent: #76
فووووووووووووق
|
Post: #78
Title: Re: انا ما بَسكر من الخمر
Author: Sabri Elshareef
Date: 02-04-2011, 11:26 PM
Parent: #77
***
|
Post: #79
Title: Re: انا ما بَسكر من الخمر
Author: omer osman
Date: 02-06-2011, 02:12 PM
Parent: #78
.
|
Post: #81
Title: Re: انا ما بَسكر من الخمر
Author: خدر
Date: 03-04-2011, 07:33 PM
Parent: #71
حاتم جبارة
شكرا كتير يا سيدي
(عجبتني صورة بروفايلك دي من زمن والله )
صورة جميلة لزمن جميل
نعومة
انت عارف اخوك مغامر كبير , التسجيل ده اصلا كان لأغنية ارمي لي مطار , و في آخر الليل بعد فترنا بقينا نتونس في الاستوديو - هيثم و شهاب و انا - , غنيت سيد الروح .. الصنة حصلت , بعد انتهيت شهوب شغل تسجيل و هيثم دخل بالانترو السامعو ده و انا شوت بعدو ميلودي عود ثم صوت (بدون بروفة سابقة) . رغم انو الشغل ما مخطط ليهو عن عمد - جيتار +عود - لكن انا شايف انو التوليفة دي انسب مع أغاني الحقيبة البتعتمد علي الشيالين الحّل محلهم الاوركسترا لاحقا , بقول الكلام ده و في بالي المحافظة علي عضم الشغل . كان ممكن نقعد لي سيد الروح و نقلب رحمها كلو , نغير حتي في لحنها الاساسي لكن في الحالة ديك بنكون بنجرب وفق منهج مختلف و اظنك تعرف يا فنان اني احتفظ للشعراء و الملحنين بحقوقهم و اجرب فيما يخصني.
|
Post: #80
Title: Re: انا ما بَسكر من الخمر
Author: خدر
Date: 03-04-2011, 07:18 PM
Parent: #68
ود جبرين
شفت الجيتار المعلوم داك !! اها هو زاتو بس مافيهو كهربا و صوتو ناااعم كده
ده الجيتار الاكوستك
مبروك الويب سايت بالمناسبة , مجهود جميل
فارس
تسلم يا فنان
تباركــ
والله دي شهادة من زول سميع .. شكرا ياخ
____
الرد الفوق دي بتاع منابر حوار
رد التلفون و الونسة والقعدة:
البتاعة دي جهجهتنا جهجهة عدوك. اخدت مننا ليل كامل
سجلناها في ربع ساعة و قعدنا باقي الليل نغني و نعيد فيها لي راحة نفسنا سااي بس اريتك لو كنت معانا
|
Post: #82
Title: Re: انا ما بَسكر من الخمر
Author: خدر
Date: 03-04-2011, 07:39 PM
Parent: #80
ود اب كدوك
لو لمينا في كمان كان رفدنا العود
جيتار + كمان + صوت
و كانت حا تطلع اجمل ..
شكرا يا صاحب
عشاري
راجع حيتطة بيتكم يا فنان
طروق
انا غايتو عماد اخوي ده لو قال لي قوم ارح المغرب
شنطتي و عودي جاهزات .. قطع شك معاك
(جدعتها لعماد في عِبو) عشان ما تزرزرني
|
Post: #83
Title: Re: انا ما بَسكر من الخمر
Author: محمود الدقم
Date: 03-05-2011, 02:47 AM
Parent: #82
Quote: ود اب كدوك
لو لمينا في كمان كان رفدنا العود
جيتار + كمان + صوت |
الحمدالله انو الجن دا ما فيهو اروكسترا/ والا كان عملتو لليل شلل كلي/ خليك حنين على اوتار العود/لقد هتكت الوتر هتك/ شكرا خدر كونك جعلتنا نشوف نجوم الضهر.
|
Post: #84
Title: Re: انا ما بَسكر من الخمر
Author: Yasier Elsayed
Date: 03-05-2011, 03:10 AM
Parent: #83
طارق الفنان الاصيل
والله ياطارق طرب مابعده
صوت اجمل من الجميل زاتو
موسيقى ونقرشة تودى الاخرة
ربنا يستر
وكلام طارق جبريل ذى ما قال من المصارين
خليك غريب دائما
|
Post: #85
Title: Re: انا ما بَسكر من الخمر
Author: خدر
Date: 03-05-2011, 01:02 PM
Parent: #84
يا دقم ..
سلامة ضلوعكم من الهتك يا فنان
شيخنا البنا هلكنا كلنا والله
ابقي طيب يا صاحب
ياسر السيد
شكرا كتير يا فنان ..
ما إتلاقينا المره الفاتت
ابقي طيب و نتلاقي قريب إنشاء الله
|
Post: #86
Title: Re: انا ما بَسكر من الخمر
Author: نورالدين بابكر بدري
Date: 03-05-2011, 01:40 PM
Parent: #85
في هذا البوست :
دارت كؤوس الهوى
والعاشقين كل صاد منهم إرتوي
إلا أنا الشوفتو صارت لي دوى
قوم يا رسول الشوق سريع
جيب لي أنا أخبار الوديع
قول ليهو عشقاُ ليك مطيع
كلفتو فوق ما يستطيع
سرى لحني فيك نخب الغرام
يا خلاصة الحياة واحترام
يا حليل هواك والإنسجام
مقتول هواك أنا من زمان
إلا أنا الشوفتو صارت لي دوى
كل التحايا يا خدر يا عميق
|
Post: #87
Title: Re: انا ما بَسكر من الخمر
Author: طارق جبريل
Date: 03-05-2011, 02:08 PM
Parent: #86
Quote: طروق
انا غايتو عماد اخوي ده لو قال لي قوم ارح المغرب
شنطتي و عودي جاهزات .. قطع شك معاك
(جدعتها لعماد في عِبو) عشان ما تزرزرني |
يعني يا طروووق قلت لي امسك في ود حلتنا دة
لقيتك ختري لكن
|
Post: #91
Title: Re: انا ما بَسكر من الخمر
Author: خدر
Date: 03-12-2011, 07:36 PM
Parent: #87
نورالدين
اديتني اكتر من حقي يا فنان
شكرا كتير ليك و للصحبة الجميلة في البوست
شكرا مليون يا نور
طروق
تتزكر قصة شفتوني امس زغت كيف ؟
اقرأها .. تمادر كتبتها علي ما ازكر فبل كم يوم
النصيحة قريبك هميم لكن برضو اخوك ما حريف عليك الله ؟
|
Post: #88
Title: Re: انا ما بَسكر من الخمر
Author: عادل نجيلة
Date: 03-05-2011, 02:08 PM
Parent: #86
شكرآ عزيزنا خدر .. ولعله العمل الموسيقي الأول أستمع إليه منذ وفاة والدتي في ديسمبر الماضي ... وبمناسبة هذا العمل الرائع ففي معيتي تسجيل من أخي على السقيد لنفس الأغنية ولكن بالعود لكم أطربني و أشجاني ;
وها أنت اليوم تزيل بعض من قبح هذا المنبر ولك الود,,
|
Post: #89
Title: Re: انا ما بَسكر من الخمر
Author: Mohammed Elhaj
Date: 03-05-2011, 07:53 PM
Parent: #88
خدر يا طارق أبوعبيدة، بتذكر ،ان جازت الذكرى،الواحد بي خرطوم رشيقة الامسيات ربما لم تكن أصلاً إلا في خاطر خلقه الاستماع إلى صوتك دا، قيا عزيزي
1 - صوتك دا كدا كيف ياخ
2- متين نشوفك/ نسمعك في خرطوم الجن دي ياخ
|
Post: #90
Title: Re: انا ما بَسكر من الخمر
Author: awad hassan
Date: 03-06-2011, 06:24 AM
Parent: #89
الأخ خدر
تحياتي وتقديري
لقد إستمعت لك في عدة ألحان
تعجبني كثيرا خامتك الصوتية
الأراء التي أوردها هنا كمستمع غير متخصص في هذا المجال .
هناك تلازم مقارنة في الإستماع والحكم لا يمكن تجنبها خاصة عندما يتم تناول أغنية معينة اكثر من فنان أعني في هذا المجال(اغاني الحقيبة) ، هذه المقارنة قد تنحاز لفنان دون الاخر وهي كما أعتقد أنها شئ طبيعي يفرضه إحساس المستمع بالعمل المعين وفق تراكم الخبرة والتجربة التي تفرز التفاعل والإحساس الذي ينعكس في الوعي الجمالي وذوق المستمع ..... قد يفرض ذلك بعض الأسئلة :-
لماذا يردد بعض الفنانين أغاني الحقيبة ؟ أطرح هذا السؤال وفي ذاكرتي : محمد وردي ( قسم بمحيك البدري) ، محمد الأمين ( بدور القلعة ) الجابري ( حليف الصون ) علي السقيد وله شريط كامل من أغاني الحقيبة من ضمنه هذه الأغنية ( سيد الروح لوتدري ) .....ألخ ؟؟
هل يعتبر ترديد أغاني الحقيبة معيار لتجربة الفنان ؟ هل هي معبر لرضاء المستمع كما يشاع عن أصالتها وقبولها ؟ هل هي ترديد للتراث فقط كأمر متبع ، أم هناك شئ اخر؟
هل ترديد أغاني الحقيبة يتطلب قدرا فنيا ومهارة معينة أم أنها سهلة التناول لذا اصبحت متاحة؟
ما هي رؤيتك لنجاح أو فشل تناول أغاني الحقيبة ( سيد الروح لوتدري في تناولك ) كمثال ؟
هل الإمكانيات الصوتية فقط تكفي لتناول أغاني الحقيبة ؟
لماذا تناولت أنت هذه الأغنية وما هو الشئ الذي تريد أن تعكسه ؟
في إعتقادي أن هذه الأغنية رغم جمال كلماتها إلا أنها رتيبة اللحن ، ما هي إضافتك ؟
ألا توافقني بأن طلوعك المتكرر بنفس التون ( لا ادري ماذا يسمي في علم الموسيقي ) يمكن أن يوصف بالرتابة والتثاؤب في المقاطع :- متين من داخل الخدري ، محاسنك أجلً عن شكري ،هاهي حقيقة الأمر ، اساهر الليل للفجر (مكررة ) محاسنك أجلَ عن شكري ( مكررة) ؟ هل كان من الممكن تجنب هذه الرتابة ؟
هاهي الاغنية كما سمعتها في زمن ماضي.. اتمني ان أكون غير مخطئ في حفظها
حبيب الروح هل تدري مالكني هواك من بدري
طال البين ...إمتي تبين وتزيل ضرري
متين من داخل الخدر تظهر وتسخر بالبدري
بشوفتك تشرح صدري اشاهد ليلة القدر
ألقي مناي في دنياي ويطيب دهري
محاسنك سيدة العصر وحايزة لتاج النصر
أعلم يارقيق الخصر بريدك زيادة عن بصري
إنت أزاي وإنت شفاي وجبر كسري
هاهي حقيقة الامر أنا مابسكر من الخمر
ولا من صوت القمري لكن نظرات سيد عمري
تسكرني وتصحيني وتحل اسري
أساهر الليل للفجر ملازم النوح والضجر
لو لاك ياظبي الحجر دمعات عيني مابتجري
قلبي حنين لي سنين فاقد صبري
محاسنك أجلَ عن شكري وهبت إليك بنات فكري
عساك تسيب المكر ولو في النوم تجيب ذكري
قلبك يريم تحن ياريم وتسيب هجري
معذرة لطول المداخلة .
أكرر إحترامي وتقديري
|
Post: #92
Title: Re: انا ما بَسكر من الخمر
Author: خدر
Date: 03-12-2011, 07:44 PM
Parent: #89
نجيلة سلامات يا صاحب
و الف رحمة و نور علي الوالدة و ربنا يتقبلها قبول حسن
و شكرا لانك دينتني السمع ده, دي كبيرة جد يا صديقي
ابقي طيب و تحياتي للاسرة و ياريت ترسل لي تسجيل السقيد ليها
ما سمعتو , طبعا بكون قعدها في مكانها
سلامات يا صاحب
محمد الحاج كيفمك يا الحبيب
في زيارتي الاخيرة للخرطوم و في جلسه الاستماع بمركز الخاتم عدلان, سألني واحد من الحضور عن
اصواتنا- نحن البنجي من اوربا ديل - و قال لي اصواتكم سمحة من شنو , من الجداد ولا من اللبن ولا من شنو ؟
فيا ود الحاج يا صديقي قول يارب نتلاقي في الخرطوم قريب و نفرح و نغني لمن ندفق
قول آمين يا فنان
|
Post: #93
Title: Re: انا ما بَسكر من الخمر
Author: خدر
Date: 03-12-2011, 07:56 PM
Parent: #92
عوض حسن سلامات
اسئلتك بخصوص تلازم المقارنة و ماهية او ضرورة تدوير ترس الحقيبة يشترك في تقديري في مسؤلية الاجابة عليه انت و انا , المستمع و الناقل. المستمع ليه ؟ لانو اجادة اغاني الحقيبة هي الضابط الاول جواهو لإجازة صوت و رفض آخر , الحقيبة يا فنان تجري عند السودانيين مجري الدم في العروق و شكرا راديو امدرمان من زمن عبيد عبدالنور (اول مذيع سوداني) و ده طبيعي في ظني لانو إذا كان الراديو هو الانترتينمنت الوحيد في الوكت داك طبيعي إذن انو نرضع الحقيبة من أثداء امهاتنا الكرام - انا علمتني الغنا امي يا عوض و شكرا تاني لراديو امدرمان - طيب كده نكون قلنا ليه تاريخيا الحقيبة هي الضابط عند المستمع السوداني (تُقرأ السوداني موش الامدرماني ) و نرجع للمسؤولية المشتركة بينا الصوت و الاودينس ,الاذن السودانية ما بتجيزك و ما بتلتفت ليك لو ما سمعتك في الحقيبة لانو متلازمة المقارنة القلتها قبيل ديك ضرورية طبيعياَ- شحتفت روحي جدا بالمناسبة بأنو السقيد غني سيد الروح و شوقتني اسمعها منو وانا عارف انو فنان مُجيد كيف - إذن لا مفر للصوت او المُغني إلا انو يغني ما يمتحنه به المستمعون السودانيون. آدآء فنانيينا الكبار للحقيبة يقع تحت بند ثراء و معاصرة اغنية الحقيبة ايضا لكن بتوضيحات علي شاكلة تجديدها و تقديمها في قوالب جديدة. هل تعلم ان لجنة إجازة الاصوات في الاذاعة السودانية قبل خروجي من السودان كان عندها لستة بأغاني الحقيبة عشان تجتاز امتحان إجازة الصوت ؟ إذن لا راد لامر الله علينا ان نرد ما رضعناهو امراَ لا فضلا .
انا تناولت (سيد الروح) لانها عاجبـاني كمستمع و كمغني و كمشروع باحث في تراث الغناء السوداني , الاغنية مكسراني لي حلقي ده و انا عادة بغني الغناء البعجبني بس بالمناسبة لاني ما بتكسب منو - رغم إحترافيتي - لكن زي ما قلت لاحد الرفاق اعلاه اني بغني الحقيبة لكن ما بغير في العضم - مع انو ممكن و ساهل - ببساطة لانها ما حقتي , انا بتناولها وفق إحساسي بيهاو إجتهاداتي الموسيقية التانية اولي بيها و اشرف ليها الحاني الخاصة.
صوتي و تبادل الاداور بين الاكوستيك و العود دورهم كسر ما سميتو رتابة لحن (سيد الروح), و الاغنية دي بالمناسبة من الاغاني الما بالسهولة تلمح الرتابة فيها لإحتشادها بأسي و حزن كبير - كعادة الاغاني السودانية - إضافة للتوصيف المُبالغ - كعادة شعر الحقيبة- في العادة عند التعامل مع الحقيبة نحن في السودان بنتابع الحكاية داخل النص, لو ملاحظ في الحفلات الناس بترقص و هي بتردد الاغنية مع المطرب رغم انو الاغنية بتكون حقيبة و اللحن واقع في خانة ما سميتو انت رتابة,إذن ممكن نقول بشجاعة انو الاذن السودانية لسه ما إتعودت علي فكرة الفارييشن في النص الشعري و اللحن - رغم إجتهادات الدارسين المُجددين - عشان كده انا شايف انو تناول العود و الاكوستك للإغنية مع إبطاء سرعة إيقاعها, كان تفكير جيد لانو ادي النص مساحتو في أذن المستمع عشان يستطعمو كلمة كلمة و حرف حرف .اها بعد ده كلو لو انا و الالتين و كل الاسي الفي القصيدة و صوتي العاجبك , لسه انت ملاحظ رتابة لحنها يبقي الرماد كال حماد
شكرا ليك انت يا عوض علي الاسئلة المُحفزة و المفيدة
|
Post: #94
Title: Re: انا ما بَسكر من الخمر
Author: Osman Musa
Date: 03-12-2011, 08:58 PM
Parent: #93
والله اجادة جد جد يا بلد .
( اسمع كلموك عن زول بروكلن المسح صاج العواسة بال NIVEA بدل الطايوق ) ؟
|
|