الطـــلاب الشماليون يرفضون الذهاب لجامعات الجنوب

أكد الطلاب الشماليون المنتسبون لجامعة جوبا بالإجماع، رفضهم التام للذهاب إلى مقر الجامعة بالجنوب إلى حين ظهور نتيجة الإستفتاء وتوفيق أوضاع البلاد بصورة نهائية.وقال بيان صادر عن لجنة الإعلام باللجنة العليا لمعالجة أوضاع الطلاب الشماليين بالجامعات الجنوبية أمس، إن الطلاب صوتوا بالإجماع في إجتماع حاشد بمسرح جامعة النيلين على قيام جامعة توفيقية تضم منسوبي وطلاب الجامعات الجنوبية، وقرروا عدم الذهاب إلى الجنوب لحين إكتمال ترتيب أوضاع البلاد. ومنح الطلاب خلال الإجتماع تفويضاً كاملاً للجنة تمثل المنسوبين في اللجنة العليا لمعالجة أوضاع الشماليين بالجامعات الجنوبية. وضم الإجتماع الأساتذة والموظفين والعمال بالجامعة.

الراي العام

أخخخ اخخخخخخخخخخخخخخ من الكذب
قال الطلاب (الشمالين)!!!

Quote: أخخخ اخخخخخخخخخخخخخخ من الكذب قال الطلاب (الشمالين)!!!

سلام رضوان

وين الكذب؟؟
اخي الكريم


اخخخ من الكلام الساي دا

سلامات يافدوى..

أنا لما قلت أخخخخ من الكذب!

دا ما كان (ليك) دا للصحيفة الصفراء ناقلة الخبر وما مستغرب إنو يجي منها كلام ذي دا!

ولو إنو بلومك لأنك نقلتي الخبر مبتور، دا لو أصلآ صحيح جاء في (الرأي العام)

كان أقلاها تجيبي لينا أسماء أعضاء اللجنة وعدد الطلاب وهم منو ذاتم؟

لأنو حكاية التعميم دي مابتنطلي علينا!

معليش لكن أنا بعرف مئات الطلاب المستعدين يمشو بل ويتشرفوا بالدراسة في الجنوب!

أتمنى نكون دايمآ صادقين فيما نطرح دون أي تعاطف أعمى أو مكاسب (وهمية)

ودي وإحترامي...

طبعا استاذة فدوى ...شي طبيعي ...

بعد ان يتم طرد الجنوبيين من الشمال كما يقال ..سيطرد الشماليين من هناك ..

والحلل في عمل مقاصة ...تبديل الطلاب الجنوبيين في الجامعات الشمالية المختلفة ..بطلاب شماليين والعكس ..

Quote: طبعا استاذة فدوى ...شي طبيعي ... بعد ان يتم طرد الجنوبيين من الشمال كما يقال ..سيطرد الشماليين من هناك .. والحلل في عمل مقاصة ...تبديل الطلاب الجنوبيين في الجامعات الشمالية المختلفة ..بطلاب شماليين والعكس

سلام احمد
اري ديمقراطيه فيما يخص الجنونبيين في الشمال وعنصريه فيما يخص الشماليين في الجنوب
ليه؟؟

Quote: سلام احمد اري ديمقراطيه فيما يخص الجنونبيين في الشمال وعنصريه فيما يخص الشماليين في الجنوب ليه؟؟

هو الموضوع ما كدة ..يعني لا ديمقراطية ولا عنصرية ..بل واقع فرضته ظروف معينة ..لازم الناس تواجهها .. وهو ملف ضمن ملفات عديدة مرتبطة ببعضها ..فالمفروض البحث عن الحلول بعيدا عن ..اي مسميات ... لانو ببساطة لو انتظرنا محطة المسميات فالقطار لن يتحرك ..
مع تحياتي ..

ولا شنو ..

Quote: هو الموضوع ما كدة ..يعني لا ديمقراطية ولا عنصرية ..بل واقع فرضته ظروف معينة ..لازم الناس تواجهها .. وهو ملف ضمن ملفات عديدة مرتبطة ببعضها ..فالمفروض البحث عن الحلول بعيدا عن ..اي مسميات ... لانو ببساطة لو انتظرنا محطة المسميات فالقطار لن يتحرك .. مع تحياتي .. ولا شنو

ولا شنو
جميعها مرتبطه ببعضها البعض
يعني المواطن الجنوبي بما لا يدع مجالا للشك سيكون معزز مكرم ياخد جميع حقوقه ماله وماعليه اذا اراد البقاء في الشمال او الذهاب الي الجنوب
فلما لا يعامل المواطن الشمالي بالمثل؟؟؟

سلام يافدوى
سمعنا وقرأنا لمنسوبي اللا وطني بحرمان مجرد تواجد الجنوبي بالشمال ولو كان طفل مجهول الأبوين ، لكن لم نسمع من منسوبي حكومة الجنوب مثل تلك التصريحات ... وعليه بما أن الجنوبي أجنبي في دولة الشمال سيكون الشمالي كذلك أجنبي بالجنوب ، على الحزب الحاكم تحمل مسئولية ما زرع وقت الحصاد آتى ...
وليت الشغلانة تنتهي بأوضاع الطلاب ، هناك ما هو اسوأ وأخطر ..
الشفيع

طبعا ناس المؤمتر اللاوطنى ديل ما عاملين حساب لاى حاجة ولاهاميهم دا ..
دى من الاشياء المفترض تكون محسومة حتى قبل بداية االاستفتاء ..لكن تقول شنو
على الاقل اولادهم بتلفون ممكن يتحولو لاى جامعة ..دا اصلا لوعندهم اولاد فى الجامعات دى



لينا الله

افتكر انو تصرف طبيعي جدا وعقلاني
معقول أطلب العلم في مكان لم يتوفر فيه بعد.....
اذا كان الجنوب اكتملت بنياته وقامت جامعاته ممكن الناس تروح
وهو أقرب من الصين
أما حاليا
فهي قفزة كبيرة في الهواء

Quote: افتكر انو تصرف طبيعي جدا وعقلاني معقول أطلب العلم في مكان لم يتوفر فيه بعد..... اذا كان الجنوب اكتملت بنياته وقامت جامعاته ممكن الناس تروح وهو أقرب من الصين أما حاليا فهي قفزة كبيرة في الهواء

سلام على الكرار
كلام صحيح مازال الجنوب طفلا يحبو وهل تحصن ضدالامراض السته
ام سيكبر ويموت ولا يدفن

الله اعلم غايتو لم تظهر ملامحه بعد

Quote: طبعا ناس المؤمتر اللاوطنى ديل ما عاملين حساب لاى حاجة ولاهاميهم دا .. دى من الاشياء المفترض تكون محسومة قبل حتى بداية االاستفتاء ..لكن تقول شنو على الاقل ممكن اولادهم بتلفون ممكن يتحلو لاى جامعة ..دا اصلا لوعندهم اولاد فى الجامعات دى لينا الله

سلام اميره
في حاجات كتيره مفروض تتحسم لكن تقولي شنوبس جارييين للمعونات
عشان الرصيد البنكي يزيد وكدا...
وكان الله في عون المواطنين البسطاء من النصف التاني لينا

Quote: سلام يافدوى سمعنا وقرأنا لمنسوبي اللا وطني بحرمان مجرد تواجد الجنوبي بالشمال ولو كان طفل مجهول الأبوين ، لكن لم نسمع من منسوبي حكومة الجنوب مثل تلك التصريحات ... وعليه بما أن الجنوبي أجنبي في دولة الشمال سيكون الشمالي كذلك أجنبي بالجنوب ، على الحزب الحاكم تحمل مسئولية ما زرع وقت الحصاد آتى ... وليت الشغلانة تنتهي بأوضاع الطلاب ، هناك ما هو اسوأ وأخطر .. الشفيع

سلام الشفيع
ليس كل ما يقال حقيقي
ولكن يجب وضع نقاط وخطوط من الطرفين بأن الشعب
لا يجب أن يعاقب من الاحزاب الحاكمه في الشمال والجنوب
من اجل انقسامات جغرافيه زرعتها ايادي اسرائيليه لمصالح خاصه

Quote: من اجل انقسامات جغرافيه زرعتها ايادي اسرائيليه لمصالح خاصه

اختنا فدوى الشريف..حبابك
قلت لي زرعتها ايادي اسرائيلية؟..

اقولها ليك يا فدوى..و انت و السادة علماء السلطان اياهم.. شفتي موبايلك الشايلاهو في شنطتك..و خدمة الإتصالات القاعدة تستمتعي بيها دي انت و علماءهيئة السلطان اياها.. شركات يهودية و حايمة معاكم في الخرطوم..و قريشن القاعد تضبح ليهو الدولة السودانية كلما خطى رجلو في السودان قاعد يخدم مصالح يهودية..و امبيكي القاعدة دولتك تفرش ليهو بساط احمر لمن يخط رجل في الخرطوم.. قاعد يخدم مصالح يهودية.. و جبريل باسولي ..و على عثمان محمد طه..و نافع على نافع.. كلهم بيخدموا في المصالح اليهودية بايديهم و كرعينهم.. ليل و نهار..و بكرة و عشية..!!

اسرائيل ما عندها شغلة بانقسامات السودان.. لكن المؤتمر الوطني عندو شغلة بارضاء مصالح اسرائيل في الأرض..!

اما بناتنا و عيالنا القالوا رافضين يمشوا مع جامعة جوبا الى الجنوب.. موقفهم زي الكديس الرفضو يدوهو اللحم..و قال هو ذاتو اللحم عفن.. لأنو ما بيقدر يطولو..!!

هم مش رافضين يا فدوي.. لكن دولتك ما ح تقدر توفر ليهم رسوم تأشيرة دخول و اعانات شهرية..!!

ياخي الجنوب اب تمانية و تسعين في المية ده.. هو القال ما دايركم.. تاني النقة فوق كم..!

و نشوفك..
قال يرفضون..قال ..!!

كلام يا عوض دكام..!

كبر

Quote: اختنا فدوى الشريف..حبابك قلت لي زرعتها ايادي اسرائيلية؟..

حبابك ود امي

Quote: اقولها ليك يا فدوى..و انت و السادة علماء السلطان اياهم.. شفتي موبايلك الشايلاهو في شنطتك..و خدمة الإتصالات القاعدة تستمتعي بيها دي انت و علماءهيئة السلطان اياها.. شركات يهودية و حايمة معاكم في الخرطوم..و قريشن القاعد تضبح ليهو الدولة السودانية كلما خطى رجلو في السودان قاعد يخدم مصالح يهودية..و امبيكي القاعدة دولتك تفرش ليهو بساط احمر لمن يخط رجل في الخرطوم.. قاعد يخدم مصالح يهودية.. و جبريل باسولي ..و على عثمان محمد طه..و نافع على نافع.. كلهم بيخدموا في المصالح اليهودية بايديهم و كرعينهم.. ليل و نهار..و بكرة و عشية..!!

كيف يعني بخدموا المصالح اليهوديه اذا كان هم الد اعداء للاسلام وللدول العربيه
ولا عشان اختراعاتهم المفروض يكون العرب هم أولى الناس بيها
دا لو ما كان شفوها من العرب اساسا

Quote: اسرائيل ما عندها شغلة بانقسامات السودان.. لكن المؤتمر الوطني عندو شغلة بارضاء مصالح اسرائيل في الأرض..!

طيب العمل انقسامات السودان في الاساس منو ؟ ؟ قال ماعندها شغله
علامة تعجب تملأ الصفحة!!!!

Quote: اما بناتنا و عيالنا القالوا رافضين يمشوا مع جامعة جوبا الى الجنوب.. موقفهم زي الكديس الرفضو يدوهو اللحم..و قال هو ذاتو اللحم عفن.. لأنو ما بيقدر يطولو..!!

يطولو شنو ؟؟ بس ما يكون (اللاشئ )لانو دا المتوفر هناك حاليا

Quote: هم مش رافضين يا فدوي.. لكن دولتك ما ح تقدر توفر ليهم رسوم تأشيرة دخول و اعانات شهرية..!! ياخي الجنوب اب تمانية و تسعين في المية ده.. هو القال ما دايركم.. تاني النقة فوق كم..! و نشوفك.. قال يرفضون..قال ..!! كلام يا عوض دكام..! كبر

ان شاء الله بس يدرسوا اولادهم هناك باقي ديل هينين

Quote: الطـــلاب الشماليون يرفضون الذهاب لجامعات الجنوب

حـــــــــــردان السسسســــــــــــوووق
رفضوا رفضوا
وهم من اصلوا مشوا يقروا فيها لييه ؟؟
ما عارفنها جامعات جنوب ؟

جامعات الجنوب فى الجنوب الماشى يمشى
والقاعد يقعد
فكرة ،، ما يحولوهم فى جامعات الشمال ؟