السيد رئيس الجمهورية .. اشكم معاونيك وتابع توجيهاتك ...فقد بلغ السيل الزبى

تدفعوننا إلى العصيان المدني دفعاً..!!
الآن بعض معاونيك يحاربونا في أرزاق أولادنا.. وهذا ما لن نطيقه

تابعت تصريحكم الكريم أخي الرئيس .. وكيف انك منحت العاملين بالدولة نصف مرتب لمجابهة موجة الغلاء ، كما وجهة بإضافة مبلغ على قله هو خطوه مقدرة 100 جنيه سوداني إلى المرتبات ..

لكن كان لمعاونيك رائي أخر

أنا وليد محمد المبارك موظف بالتعليم العالي.. سبق أن رفعت شهادة مرتبي في هذا الفضاء الاسفيري .. وكنت نتيجة لذلك عرضه للتهكم والسخرية بسبب قلة المرتب الممنوح..

الآن وبعد منحتك وتوجيهك بزيادة المرتبات سمعت انه سيحدث العكس تماما !!
فكان لا بد وان نستبق الامور

1) نصف المرتب المنحة لم يعتبر منحة بل قالوا لنا انه نصف مرتب شهر واحد سيسلم مقدما فقط .. وقد استلمناه يوم 24 من شهر يناير أي مقدما عن التوقيت الذي نستلم فيه مرتباتنا يوم واحد فنحن غالبا ما نستلم مرتباتنا يوم 25 من كل شهر !!!
2) يقال انه أضيف المبلغ الذي قررتموه 100 جنيه إلى المرتب ونتيجة لذلك سحبت منح أخرى !! .. قللت بدل الوجبة وخصمت أيام العطلات ( السبت والجمعة ) ولم تكن مخصومة سابقا ... سحبت منحة الوزير .. فكانت المحصلة .. كان شيئا لم يكن .. واحتمال نقصان المرتب عن سابقه وارده

الطامة الكبرى هي الارهاصات بإيقاف التراحيل التي تنقل العاملين .. وإتباعها للنقابات !!!!
أرجو من سيادتكم متابعة توجيهاتكم وتنفيذها.. فان بعض معاونيكم يتصرفون وفق أهوائهم ويضغطون على المواطنين حتى لا تؤثر قرارات سيادتكم على امتيازات بعضهم الشخصية ..


هذا مع الشكر

الليلة الجابتك بالليل دي ما هينة
الجاتك في 100 جنيهك سامحتك

انا كنت شغال في المسبك المركزي وقوم يا عمر البشير في قبايل العيد كدة اعلن عن منحة مرتب شهر للموظفين في الدولة فرحت جدا ومشيت اشتريت الجريدة وطوالي على المدير المالي قلت يا عمنا ادينا حقنا
قال لي عمر البشير يصرح زي ما هو عايز انا لو ما جاني منشور المالية تعريفة بصرفا ما وقد كان اذ لم ياتي منشور المالية حتي الساعة

الخلاصة ركز مع منشور المالية وخليك من تصريحات البشير

يا ابو حميد

الحكاية ما الـ100 جنيه

الحكاية انو الامور وزي كانها بقت حقارة حقارة

ولا شنو ما عارف

سلامات يا وليد وربك يعين ,,

إنت بس قول الحمد لله مبلغ منحة الرئيس ما كان 500 جنيه!!

كان الناس ديل طلعوكم مديونين واليوم ضحى !!والله صحى,,


يا وليد كلامك دا لسة قاعدفى راسى وواقف قدامو اتأمل فى الحال:
,,

Quote: يا معلم نحن في يوم 16 عندي ثلاثة جنيه في جيبي واربعة شفع حلها لي ؟!

تعرف هنا أى كلام يتقال
حا يكون كلام فارغ,,

أى كلام أكيد ما عندو معنى!!
إنت تحمد الله على الصمود,,
لأن الإنهيار بقى حالة طيبعية ويعايشها الناس بشكل يومى!!

بس السؤال الحال دا حا يستمر لمتين !!!
حال الضنك والمستقبل المظلم دا!!

الشعب السودانى كله أصبح موقنا أن المعاناة هى أصل الأشياء!!!!!!

والله يا ايمن يا حبوب


الروووووووووووووووووووووووووووووووب
عديل كده


_________
اسمع ما تشوف لينا شغل معاكم في بلدكم ديك
فالهجرة اصبحت واجبة

وليد ازييك... واخبارك واخبار العيال؟

ما عارف لي انا دايما متخيلك ( شفت ) ومقرم و( مقددا) وحتى كتابة هذه السطور لسه برضو متخيلك كما ذكرت .... اللهم الا اذا كبرنا و( صغرت ) امخاننا...
يا عزيزي ( دي ما على وزن بوعزيزي ههه)
حق شنو وباطل شنو دايرو من ناس اساسهم الباطل ؟ عمر البشير ده ما منو رجا عليك الله لو منو رجا البلد تتنسل شخيت شخيت وهو يرقص ويقول الزارعنا اللجي يقلعنا ؟؟؟؟ انت قلعو منك كم حتة في بلدنا دي ما عملت اي شئ...

وبعدين

Quote: الحكاية انو الامور وزي كانها بقت حقارة حقارة

يعني انت لي اسي ما عارف انو الموضوع ده من بدايتو حقارة واستخفاف بي الشعب ولا شنو يا ولي ؟ الناس ديل حقروا بينا من اول يوم جونا مطفرين بالحيطة وهادي قعدة ..... وبعد ده يقولو ما بتكلمو الا مع البشيل بندقية ....
قلبي معاك يا وليد وربنا يورينا يوم في المفتري ....
نصيحة تحت تحت : يا ميدان الخليفة جاك زول موش كدة.

أسعد الله مساءك بالخير أخي وليد

ما عاوز أحبطك لكن معلومة مهمة عاوز أقولها ليك

زيادة الراتب ليس الحل الأمثل لمجابهة الغلاء


زيادة النقود يعني زيادة الطلب مع ثبات المعروض من السلع يؤدي الى ارتفاع الأسعار مجددا

الحل يكمن في معالجة سبب ارتفاع الأسعار من المصدر من الأول خالص

سواء ان كان الجمارك أو التجار أو أي طرف آخر

يجب وصل الخيط من مكان انقطاعه .

مرحب البشير
انا في امور الاقتصاد دي مجلي

لكن الشي الاكيد والاكيد جدا

انو مجابهة الغلاء ابدا ما بتكون بانقاص المرتبات

ولا كيف ؟

مرحب حبيبنا اسامه

يا حبه نحن مساكين ساكت وشفتنتنا كضابة


المهم

Quote: نصيحة تحت تحت : يا ميدان الخليفة جاك زول موش كدة.

طالما انو على القيادة الصادق المهدي
ما مارق

امرق لو كان في قيادة الشي ده
ود العمده
لنا مهدي
خالد عويس

او حتى محمد عادل

اي زول دم جديد وتجربة جديده انا معاه
القديم ده كله في قناعتي ما نافع ولا مختلف
ولا بجيب مريسة تامزينو

سلام يا ودالمبارك

السؤال المهم البشير دا نمن قال الكلام دا كان عندو ورقه بقرا منها
وله شالتو الهاشمية ساكت وقال تصريحه ده لكن اذا سُئِل اليوم سيكون
رايه مختلف وبين وبينك الراجل دا بغبى اسناء الهتفات وما بفرز كلامو
والايامات دا بقي يقوم سدارى .

خدر يا صديقي

الامر شخصيٌ بحت

المقصود زباي انا ده ومن هم مثلي وفي مثل موقفي

عبد المحسن سلامات

انا افهم انو توجيه السيد رئيس الجمهور لا ينفذ ويكون للاستهلاك السياسي فقط

لكن توجيهه للزيادة ينفذ بصورة عكسية دي ما قادر افهمها

بلغ الزُبي يادوب يا صاحب ؟
بالغت انت والله , ما بالغ البشير

رديت لي فوق يا خدر يا صديقي

انا ومن هم مثلي انفرط عقدنا وتاه دليلنا
فلا عشم لنا لا في حكومة ولا معارضة واصبحنا ننظر للامور من منظار شخصي فقط

فلا امل في انصلاح حال الحكومة
ولا عشم في معارضة وطنية ذات نظرة موضوعية واسعة


شفت كيف

Quote: رديت لي فوق يا خدر يا صديقي انا ومن هم مثلي انفرط عقدنا وتاه دليلنا فلا عشم لنا لا في حكومة ولا معارضة واصبحنا ننظر للامور من منظار شخصي فقط فلا امل في انصلاح حال الحكومة ولا عشم في معارضة وطنية ذات نظرة موضوعية واسعة شفت كيف

كان كدي يا صاحب , تاني ما اسمعك بتنظر في سودانيزاونلاين في قضايا تمس الآخرين






___
الآخرين تُقرأ .. الشعب السوداني

Quote: كان كدي يا صاحب , تاني ما اسمعك بتنظر في سودانيزاونلاين في قضايا تمس الآخرين

ليه ؟!

ما حق التنظير في قضيتي الشخصية مكفول للجميع ولم احجره على احد

انت هسع ما نظرت ولومتني دونا عن البشير ومعاونيه

يا شفت كيفنك يا حبيب
يوم الرحلة لو متذكر بعد نقاشنا داك
حسيت انه الهم كبير يا وليد
اربعة اطفال ربنا يخليهم ليك
مسؤولية ما ساهلة في ظل أوضاع أعرفها جيدا
يا وليد نفس النقاش الدار بينا داك
دار بيني وبين لطفي اخوي (برضو اربعة اطفال)
قال لي جيت بعد عشرين سنة غربة عشان القط في حق المدرسة لي اولادي
قال لي بفكر ارجع تاني..
حاولت ايقنو.. بس جواي ما كنت مقتنع
الغربة يا وليد برضها طاحنة وبتاكل الكثير من الانسان جواك
لكن على الاقل بتأمن قوت اولادك
غلبني اقترح عليك حل
بس عايز اقوليك جزء كبير من اهلي
لولا مساعدة الناس البرة كان لقيناهم ماتوا من الجوع
وبكرة يجي اخونا ود الباوقة يقوليك هيييييييييييييييييع الاسد النتر
طيب ياخي الاسد دة ما يوفر الحياة الكريمة لي ناسه
على المستوى الشخصي ما عندي غرض منو اليكون في القصر الجمهوري
بقدر ما يهمني أن يوفر لي حياة كريمة ويحترم رأيي وقناعاتي

يا وليد في اجازتي شفت طبقتين في السودان
والله غلبني الاكتبو

اقوليك شي
الله في

حبيبنا طارق اخبارك ياخ

والله يا حبوب بالطريقة دي وبما انه لم يوحدنا موقف سياسي
ماشين في درب ان يوحدنا الجوع


وتجربة تونس ما بعيده

وزي ما قلت الله في

يا فنان
كدي اقرأ ده لحدي ما تصبح الواطا و نتونس في الشخصي و العام
البديل المنطقي لعمر البشير
ربك يهون القواسي يا صاحب و الرزق عند ربي و ربك
امش نوم و ارمي حمولك علي الله و نتلاقي باكر

Quote: الآن بعض معاونيك يحاربونا في أرزاق أولادنا.. وهذا ما لن نطيقه

اخي وليد
تحياتي لك وللاسرة
احمد الله يا انو يادوب حاربوك في رزقك !
ياخ نحنا من قولة تيت قطعوا عيشنا
مع غيرنا آلاف من شرفاء وشريفات شعبنا
والفصل كان بيشمل الاتنين الزوج والزوجة !
الالاف ذي ما قال حميد بقوا بلا راس خيت !!
اتقطعت سبل العيش وتشردوا
ابدا ما بتمنى انو يفصولك من العمل
لكن بس كونك تشعر وتحس بذاك الاحساس بانو ماعندك دخل ومرتب
تعيش بيه اولادك عشان بس ياكلوا ويشربوا
من غير ما يتعالجوا او يمشوا مدارس
ده احساس مميت وقاتل .. وسلاح استخدموه الكيزان بتعمد ودقة
عشان تتحقق ليهم اهداف كثيرة
اتمنى من كل قلبي انو يدوك المنحة والـ 100 جنيه
وان لا تسحب منكم المنح الاخرى ويزيدو بدل الوجبة
ويرجعو ليكم خصومات ايام العطلات
وان يجنبكم الطامة الكبرى في مسألة الترحيل

اما عن طامتنا الكبرى نحن بيجي يوم نحكيها بي تفاصيل

لك احترامي الذي تعرف
خالد العبيد
مشرد وراء البحار
في اقصى جزيرة اسمها استراليا

مرحب خالد العبيد
احتراماتي ياخ

يا زول ما تشوف لينا جزيرة جمبكم ياخ

ربنا يجمع ويرد غربتكم وهجرتكم

مودتي

قريت المداخلة الاساس يا طارق في البوست المعني
وتبادر الى ذهني سوال

هل محكوم علينا ان ندور في فلك الصادق الميرغني ونقد ؟

هل عجزنا عن انتاج قادة جدد منذ منتصف الستينات ؟


لذلك يكون السوال ما هو السبب في عدم ظهور قادة جدد من نفس الاحزاب طيلة هذه الفترة قبل وبعد الانقاذ ؟
ولماذا لم يظهروا خارج منظومتها ؟

صباحات الله بخيرها
نتناقش ونتونس


في انو لو اعتبرنا انه الجبهة هي من روجت لهذا السوال ( من هو البديل ) حسب ما تفضلت

هل السوال حقيقي ومنطقي وملح غض النظر عن من اثاره واسبابه من خلف ذلك ؟

اخي الكريم وليد
رغم اني مقتع بانك مكجني وما بتريد كتاباتي
رغم انك كتير بتفطني واحيانا بتجاملني
قلت اخش اقول قولي ليك
قبل كمين سنة وكيل الضرايب كانو عاملين معاه لقاء في التلفزيون بخصو قرار الرئيس بتخفيض الضرايب قال
اولا لحد ما يجينا المنشور
بعد كدة بندرج الكلام ده في الميزانية الجديدةونشوف
يعني اذا في امكانية بينفذ بعد سنتين
انتهى كلام الوكيل
تانيا
ياتو يوم الرئيس قال كلام واتنفذ
20 سنة ما قال حاجة تخص الشعب
وعلى قلة القالوا
بيكون تصريح اعلامي
رئيسنا يا وليد رئيس تلفزيون ولقاءات جماهيرية تنتهي بي عرضة ورقصة والسلام
اصحى يا وليد وشوف رزق اولادك فالله جعل الارض ذلولا لنمشي في مناكبها

Quote: هل محكوم علينا ان ندور في فلك الصادق الميرغني ونقد ؟ هل عجزنا عن انتاج قادة جدد منذ منتصف الستينات ؟ ¿

بالنسبة للموضوع ده
انا كتبت اكتر من بوست
اخرهم
بعنوان
نحو فقه سياسي جديد
اتمنى تكون اطلعت عليه
وتقبل مودتي وكثير احترامي

مرحب دكتور محمد حسن

Quote: رغم اني مقتع بانك مكجني وما بتريد كتاباتي رغم انك كتير بتفطني واحيانا بتجاملني

حاشا لله يا دكتور
فيني عيوب كتيره يا دكتور ما من بينها القندفة والتعالي على خلق الله .. ما قاعد افط زول ..
يمكن اجامل لكن افطك ما اظن تحصل
عموما اعتقادك خاطئ انا ما مكجنك ولا حاجة .. وما اظن بناتنا في سبب يخليني اكجنك
انا مكجن صبري الشريف بس في المنبر ده
وما قاعد افطو كمان

عموما انا واريك السبب البخلي مداخلاتك تسقط سهوا شنو ؟

التكنيك الشغال بيه انت في الرد على المداخلات
بختلف من التكنيك الشغال بيه انا في متابعة البوست

ناخد مداخلتك الاخيره دي
مكتوبة بتاريخ 25 يناير الساعة الواحده بتوقيت سيرفرات بكري

المداخلة البعدها في ( الترتيب )كانت

مداخلة ابراهيم
مكتوبة يوم 24-01-2011, الساعة 10:44 م بتوقيت سيرفرات بكري

يعني مداخلتك كانت بعده بيوم وكم ساعة
لكن في ترتيب المنبر كانت قدامو

وده سببو انك ما بترد حسب الترتيب
بتختار مداخلة معينة في البوست وترد عليها عشان كده مداخلاتك بتنحشر في النص

انا طريقتي في القراية اني بتابع البوست من المكان الوقفت فيه عادة
الا في حالات نادرة الليلة كان من ضمنها
وده السبب الخلاني انتبه لمداخلتك

عموما امسحها في وشنا
ولك العتب حتى ترضى

وليد سلامي واحترامي:
يالوليد الوصل السودان للحتة دي من الفقر عدة اسباب منها
1- الطبيعة الطفيلية لسلطة الانقاذ وهي بطبعها شريحة تعمل علي زيادة الارباح من خلال الفساد والربح السريع والهروب من مواقع الانتاج
2- عدم وضع المواطن البسيط من ضمن اولوياتها
3- تقاعس الدولة عن واجباتها المتعلقة بالمواطن وتهيئته باعتباره المستهدف الاول بالتنمية والمنوط به رفع مستوي البلاد ، فدخلت الدولة نفسها مع التجار في الاستثمار والسمسرة في علاج المواطن وتعليمه وخدماته فبدلاً من ان تدعمه في هذه المجالات ظلت تضيق عليه الخناق
وهذه الاخري هي طبيعة السلطة الحاكمة ، فهي من ناحية دعمت هذه السياسة بالتقرب لمسانيدها لترفع عنهم هول المصيبة وتدخلهم كشركاء في اذية المواطن اقتصادياً ، فهم لا يعانون البتة كما هو حال المواطن ثم في كل مرة يطالبونه بالتحلي بالصبر وربط الحزام بينما سيادتهم يطلقون عنان كروشهم وسياراتهم ويستمعون بوافر العيش ووافر المتعة الدنوية .
4- عدم الاعتماد علي اي طرق علمية ونظريات اقتصادية سائدة في العالم فقط مصالح شريحتهم هي الضمان .
5- عدم ملاحقة المفسدين جعلهم يستأسدون ولا يعرون اهتمام للدولة ولا لجهازها القضائي والمحاسبي ، فما الداعي للمراجع العام اذا كانت كشوفاته المتعلقة بالفساد ترمى جانباً؟
اتمني ان الاضافة لهذه القائمة منكم ومن زوارك

ابراهيم النعمة سلامات ياخ

كل ما ذكرته صحيح تماما

كان يفعل سابقا على استحيا
ثم اصبح يفعل باستهبال وبدون استحيا

الان اصبح يفعل عيني عينك

والراجل يفتح خشمو

الاخ وليد
تحياتي


مع كامل التضامن معك



اوع تكون اتسلفت علي المنحة؟

يوم بكره جميل ضواي يا وليد













.............


يا عمر صديق

ممكن نسالك متضامن مع وليد ضد منو؟او ضد شنو؟؟

عاطف عابدون يا محترم

يديك العافية
وتشكر على الكلام الطيب يا حلو

عمر صديق
اخبارك ياخ


تشكر على التضامن يا صاحب

وفعلا استلفت وغرقت ديون

ما تكلموا ناسكم دي يبحبحوها حبه عشان ما نلخبتها ليهم

تحياتي ومودتي وليد،

***- العمال بتاعين "وزارة الاستعلامات والعمل" مشوا للوزير محمد طلعت فريد وقالوا له : ياسعادتك نحن في اول شهر نوفمبر وقبال ماتجئ مناسبة ذكري 17 نوفمبر المجيدة عاوزين من سعادتك الاذن بصرف نصف المرتب عن شهر نوفمبر عشان نحتفل بالمناسبة دي!

***- اللواء محمد طلعت كان راجل كريم جدآ واتفهم مشكلتهم، قدامو كانت في ورقة بيضاء طوالي راح كتب فيها لمدير حسابات الوزارة مايلي:

الاخ مدير الحسابات،
ارجو صرف نصف الراتب للعمال والموظفيين بالوزارة عن شهر نوفمبر اذا ان يوم 17 نوفمبر يقع في اخر الشهر!!

سلام يا وليد
الملاقاة ما اتكتبت لينا لكن الجايات اكتر لو الله مد العمر ...
تعرف لى مده ما بكتب في البورد, أهم سبب هو قفلة الراس قدام ما يحدث في البلاد و قدام ما يقابله من فعل او كلام ... أشبه بالعبث و الكوميديا الرخيصة جدآ. حالتى دى اظن انها الحالة الغالبة عند اى زول بيحاول يفكر بجدية و هم في شأن البلاد دى, و أى زول بيقول الليلة انو عندو اجابات واضحة و ناجعة لمشاكلها و اسئلتها بيكون كضاب .
عشان نتناقش عاوزك تتفق معاى في حاجه بتكون مفيده للنقاش حول الاسئلة الحقيقية و اللى هى: زح لى البورد و النت بعيد , يعنى لا أقول ليك لا تقول لى فلان او علانة قال او قالت , لو عاوز نتناقش عن ده مافي مانع لكن في وقت و مقام تانى. القاصدو انا نزح اى حاجة مبنية على ردود افعال او رأى في مواقف تمت هنا في البورد .
رايك شنو؟
سلام

Quote: (الحكاية انو الامور وزي كانها بقت حقارة حقارة)

So you woke up now
Better late than never any way

يا وليد يا وليدي كلما اجي واشوف الحاصل يتملكني اليأس
اتخيل زول ينوم قريب الصباح والقلب موجوووع
ويصحي قشه عينو من النوم يجئ هنا يقول يكون فرجت يلقاها ضاقت اكثر .
يا ربي نعمل شنو وكيف الشوره ؟؟؟؟؟
في منافينا حفينا وعرينا نلتق في قدود الكيزان وحكومه الدمار الشامل
وكل يوم الفتق يزيد لا بترقع لابنسد.
يا ولي ما في حل غير العصيان المدني ما في طريقه يا ولي غير تمرقوا الشارع ما في .

Quote: وجه الرئيس عمر البشير، وزارة المالية والاقتصاد الوطني، بصرف نصف شهر من راتب يناير في الخامس عشر من الشهر الحالي، متضمناً المنحة الشهرية للعاملين التي تم إقرارها ضمن الإجراءات الاقتصادية

Quote: أسعد الله مساءك بالخير أخي وليد ما عاوز أحبطك لكن معلومة مهمة عاوز أقولها ليك زيادة الراتب ليس الحل الأمثل لمجابهة الغلاء زيادة النقود يعني زيادة الطلب مع ثبات المعروض من السلع يؤدي الى ارتفاع الأسعار مجددا الحل يكمن في معالجة سبب ارتفاع الأسعار من المصدر من الأول خالص سواء ان كان الجمارك أو التجار أو أي طرف آخر يجب وصل الخيط من مكان انقطاعه .

ماذكره الزميل البشير هو عين الحقيقة وحتى نكون منصفين فأن السودان يواجة ازمة مالية غير مسبوقة وقد فشل في الأستدانة من اسواق المال الدولية اواخر العام الماضي لتغطية عجز ميزانية 2011 ولذلك لم يعد امام الحكومة الا اجراءات ستوجع المواطن العادي ومنها تجربة الأخ وليد. مفروض الناس تسأل نفسها لماذا يحجم بنك السودان عن نشر ارقام الأحتياطي من رصيد النقد الأجنبي كما تفعل كل دول العالم وحتى اليمن الفقيرة. لقد اساءت الحكومة التصرف فيه ايام الأنتخابات ولأغراض سياسية اخرى ادت لأنخفاض رصيد السودان من 1.58 مليار دولار عام 2006 الى 390 مليون في عام 2009 اي بنسبة 75% كما ذكر صندوق النقد الدولي وهي فضيحة بكل المقاييس لجهاز يفترض ان يكون مستقلا عن تاثير السياسيين,

وبسبب حالة عدم الشفافية هذه يحجم كثير من المستثمرين عن الأستثمار في السودان ويصعب على الحكومة الأستدانة من بنوك العالم ويرتفع بالتالي سعر الدولار وينخفض الجنيه وتصبح اسعار السلع فوق متناول الناس.

نصيحة يا وليد
رسل لينا سيرتك الذاتية وفك البيرق ، الشردة نص المرجلة وشوت لي هنا : [email protected] وتابع وبست وظائف في الامارات
تحياتي

تشكر يا حلاوي يا حبوب على البادرة الكريمة

تصدق رسلت ليك الايميل ابى يمشي و جاني راجع

شفت العوارض

هاهاهاهاهاهاهاهاهاهاهاهاهاها

Quote: تشكر يا حلاوي يا حبوب على البادرة الكريمة تصدق رسلت ليك الايميل ابى يمشي و جاني راجع شفت العوارض هاهاهاهاهاهاهاهاهاهاهاهاهاها

شوتو هنا
داك لأنو بفتحوا في المكتب [email protected]
تحيات بحجم وطن تشرتم

شكرا واصل على على الاقتباسات المفيده

يديك العافية

وليد قريبي
مسكاقمي

Quote: فقد بلغ السيل الزبى

يا دوووب
شوف المقاس يا ودالصايم

سلامات يا عصام جبرالله,,

Quote: عشان نتناقش عاوزك تتفق معاى في حاجه بتكون مفيده للنقاش حول الاسئلة الحقيقية و اللى هى: زح لى البورد و النت بعيد , يعنى لا أقول ليك لا تقول لى فلان او علانة قال او قالت , لو عاوز نتناقش عن ده مافي مانع لكن في وقت و مقام تانى. القاصدو انا نزح اى حاجة مبنية على ردود افعال او رأى في مواقف تمت هنا في البورد . رايك شنو؟

يا عصام الزول دا ما عاوز نقاش وما أتى هنا لحوار خاصة فى البوست دا!! دا بوست (الضيق) أى كلام بكون فاقد لمعناه ما دامت المشكلة قائمة,, الحل أولا وبعدها النقاش والحوار هين يا زميل,,وللأسف الحل ليس بيده ولا بيدك والمشكلة ليست مشكلة فرد أو مجموعة قليلة من الناس بل هى مشكلة بلد وشعبه بأكمله أوصله اللصوص والساسة لآخر النفق الذى إكتشفنا مؤخر خلوه حتى من جحر ضب...

تحياتى,,

دي ما البغلة الفي الإبريق زااااااااته يا وليد
ليه ما تشوف ليكـ صحفي ود حلال ودرجة خوفو معقولة يشوف باقي الوزارت والمؤسسات الحكومية ويقول للرئيس مكان البغلة
انت شكيت هنا
في ناس شالوها واتحسبوا وما عندهم زول يقولو ليهو
الشكوى الفردية لا تجدي يا ولي

يا عمران
سلامات يا حبيبنا

نسوي شنو عاد ،
البغلة صغيرة والابريق واسع
الموقف موقف جمل وثم خياط عديل

Quote: الحل يكمن في معالجة سبب ارتفاع الأسعار من المصدر من الأول خالص سواء ان كان الجمارك أو التجار أو أي طرف آخر يجب وصل الخيط من مكان انقطاعه .

تسلم يا بشير تسلم كتير

ويجب ايقاف الجبايات علي المنتجات الزراعية

وكافة مدخلات الزراعة .. وتشجيع الصناعة الوطنية

بتخفيف الضرائب عليها .. لكن وللاسف الحكومة تعتمد

علي سد عجز الموازنة علي جيب المواطن ...



وليد سلام كتير لك وللاسرة ..

عندى ليك اقامة,,,تربية سمك زينة,,

لو بقيت عليها قول عووووووووووك

اما الشغل,,,انت تفتيحة لو بتعرف كوميوتر
ود الباوقة ما بقصر معاك,,وتمبس وبقية الشلة
اساسى مدير قسم,,


تعال عارض معانا من بره احسن عليك

تحياتى

ابقوته
تربية سمك زينة
هاهاهاهاهاهاهاهاهاهاهاهاهاها

انت يا محطة خليت لقيط القطن وحش البرسيم
وعاوز تسوقني بقامة سمك زينة انا ود امدرمان

هاهاهاهاهاهاهاهاهاهاها

__________
يديك العافية يا حلو
وتشكر ياخ
بالله تمبس وود الباوقة واساسي معارضين

ديل عوارض ما معارضين

Quote: السؤال المهم البشير دا نمن قال الكلام دا كان عندو ورقه بقرا منها وله شالتو الهاشمية ساكت وقال تصريحه ده لكن اذا سُئِل اليوم سيكون رايه مختلف وبين وبينك الراجل دا بغبى اسناء الهتفات وما بفرز كلامو والايامات دا بقي يقوم سدارى .

** أبو محمد ود المُبارك..
** صباحك خير وسلام ليك وللأُسره..

## كلام أخونا عبدالمحسن الفوق دا هو الحقيقه ,, ربما تكون الريس شالتو الهاشميه والجعوليه وأداها كوز بدون معيار.. (وراحت السكره وجات الفكره) ,, يعنى بالواضح إصرفوا ليكم إنتو الموظفين الزياده ولى يصرفوا للمسوؤلين عشان يشتروا الدولارات للسفريات والذى منه..

** والله أنا من سنة 2005 بفتش فى القرار القالو بخصوص إلغاء تأشيرة الخروج :- لا موجود فى قصر جمهورى او غير جمهورى ولا غازيته , ولا وزارة داخليه , ولا ديوان نائم عام ,, ياكافى البلاء البتسألوا :- يقول ليك سمعت بيهو القرار لـــــكــــــن ..........
** تضامنى معك ومع كل صاحب حق لإينتزع حقه بالقوة..

(ودام الود بيننا)
(ابو محمد فؤاد) - الماكيكى..

مرحب ابو فؤاد الما كيكي

يا زول زمان الهاشمية كانت بتشيل ولا تنفذ تصريحاتها

الان اصبحت الهاشمية بتشيل وينفذ عكس تصريحاتها


اخبارك ؟

بخاري يا حبوب
اخبارك والاسرة

عساكم عوافي

تسلم ود شاموق

يا ايمن مالك هارش الزول

حمزاوي يا قرابة

اخوك دنقلاوي طويل هاههههاهاهاهاهها

يا وب وصل زباي

ود الصايم قصير ما تاخدو مقياس

الخالة دومة
ازيك يُمه
اريتك عافية


لو استمرت بالطريقة دي يانا مارقين مارقين

غصبا عننا حا نمرق
صيحات الجوع والحاجة من اطفالنا حا تمرقنا

Quote: So you woke up now Better late than never any way

I'm awake and attentive up more than you
And I'm usually at the forefront of everyone .. Even if you don't like that!

عصام جبر الله يا صديقي

انت تعلم تماما انك شخص خاص عندي في هذا المنبر
رغم انك ما خليتني اضمن تقريري بعبارة ( شهادت المعارض عيانا )

حبابك في اي وكت يا زول باي شروط تضعها انت

فانت زول مصدق عندي واضمن نواياك كان في حوار ولا كوار

بكري الصايخ
اخبارك يا حبوب

هاهاهاهاهاهاهاهاهاهاهاها

اذا كان يوم 17 اخر شهر
يوم 24 حا نعتبرو في الشهر الجاي

يا وليد لاني كنت معلم وابن معلم حتى الممات اقول ليك ما بتلفق ..........

سلام وليد

من يحافظ على شرفه وعفة يده مع تلك الملاليم التي تسمى مرتبات؛ هو البطل الحقيقي في زمننا البائس هذا.

لك التحية وأنسى القشير ؛ دا هو سبب الأزمة .

الأخ وليد
لك التحية
ما نقلته هنا هو حال أهلنا وأحبابنا
فى هذا الوطن الذى ضاق باهله .. الغصة
تطعن فى الحلق ونحن نجتر حال أقرب الأقربين.
لا شك أنك مع المنتصرين الذين قالوا لا لتلويث لقمة
عيشهم . ولنعمل من أجل غدا أفضل للوطن وأبناءنا .

Quote: يا ولي ما في حل غير العصيان المدني ما في طريقه يا ولي غير تمرقوا الشارع ما في .

( ياخالتو ) دوما الكلام ده قلناه من زمان مرقتونا من البلد !! أها هسه إنتى ماخايفه على وليد ده ؟؟!!
الراجل عندو أربعه بنيات يعنى محمول حمل تقيل ,,, يمرق كيف يادوما ؟؟ !!

Quote: أرجو من سيادتكم متابعة توجيهاتكم وتنفيذها.. فان بعض معاونيكم يتصرفون وفق أهوائهم ويضغطون على المواطنين حتى لا تؤثر قرارات سيادتكم على امتيازات بعضهم الشخصية ..

يابن أختى وليد ,, الشكيه لغير الله مذله ! ثم إنك عاصرت هذه الإنقاذ لمدة عشرين عاما ,, ورينى يوم واحد أخونا عمر البشير
ده كان صاحب قرار ,,, والأمثله كثيره لا داعى لحشد البوست بها .
أخونا المدعو عمر البشير هذا مريس ومتيس ,,, الذين أوردوا السودان لهذه التهلكه مجموعه من اللصوص والبلطجيه فاقدى
الذمم إبتلانا بهم الله وهم بقوة السلاح والقهر يحكموننا الآن !!!
وإلا بالله قل أين وجه المقارنه بين حكام أمثال الأزهرى والمحجوب ومبارك زروق ويحى الفضلى وعلى عبد الرحمن وحتى
عبود ونميرى ,,,, وبين شلة المتخلفين من الفاقد الأهلى أمثال نافع وعبد الرحيم محمد حسين وصلاح قوش وأمثالهم من الرجرجه
والمجرمين الذين أحكموا قبضتهم على هذا الشعب الجميل الراقى ؟؟؟!!!
أيستحق الشعب السودانى أن يحكمه أمثال هؤلاء الصعاليق ؟؟!! الإجابه بالتأكيد لا !! إذا ما العمل ؟؟؟؟!!!!
ياوليد لا يغير الله ما بقوم حتى يغيروا ما بأنفسهم ,,, والله أنا أرثى لك وأنت أب لهؤلاء الأربعه الرائعات كيف إن مرضت إحداهن
فجأه فى آخر الليل وأنت بهذا الراتب الذى أعرف تماما إنك تعدمه من ثانى يوم لإستلامك له ,, كيف يكون الحال وأنت فى ذلك الليل
وفلذة كبدك تتلوى من الألم ؟! قطعا سوف تحتاج فى ذلك الوقت لمبلغ لن يقل عن 300 جنيه لعلاج إبنتك ,, وبالتأكيد سوف تتصرف
وتقوم بعلاج إبنتك بجهد خارق كما يفعل غالبية أهلى فى السودان ,, ولكنك سوف تفعل ذلك من دمك ودموعك وربما كرامتك .!!
إنه حال ياوليد يتكرر مئات المرات فى الليله الواحده , وقد أكون أنا من الناس الذين ضاقوا تلك التجربه مرارا .
لقد قلت لى قبل ذلك ياوليد فى بوست سابق ولماذا لا تأتوا أنتم من الخارج وتخرجوا إلى الشارع وتغيروا النظام ؟؟؟ وأنا أقول لك الآن
إننا جبناء ومتخاذلين وهربنا من السودان وصرنا مناضلى كيبورد ليس إلا كما يحلو للبعض أن يسمينا ... وصار أمر السودان لايهمنا
لا من قريب ولا من بعيد وأسقطناه من حساباتنا نهائيا ,, فماذا أنتم فاعلون ؟ ,, ياوليد الجمره بتحرق الواطيها ,, وفيما يبدو إن هذه الجمره
التى تطأونها غير قابله للإطفاء إلا بيد من تحرقه ,, وبرضو ماذا أنتم فاعلون ؟ ,, وإلى متى سوف تنتظرون هذه الأحزاب لكى تخرج لكم
قيادات تنقذكم مما أنتم فيه ,,, ألا تعرفون شئ إسمه التجديد وأنتم الذين تعيشون فى عصر كله جديد ؟؟؟
وإلى متى سوف تتباكون وتولولون وتسبون فى الأحزاب ؟؟ تجاوزوها كما فعل التوانسه وأنقذوا أنفسكم وأهلكم من هذا الذل والهوان الذى
تعيشونه صباح ومساء ,,
أقول قولى هذا وأنا أعترف بأننى مناضل كيبورد ليس إلا وربما معى آخرون نتفرج عليكم ونرثى لحالكم ونحن مندهشين من طولة صبركم
على مثل هذا الدجل الذى يمارسه عليكم حتى رئيس الدوله الذى يعطيكم باليمين ويأتى نافع ليأخذ ه بالشمال !!!

تحياتى ياوليد وأتمنى أن تتبرأ من ذلك البوست الذى كتبته فى 2004 والذى إسمه جيلى أنا ,,,
وأن تبدأ حقيقة فى أن يكون جيلك هو صانع التغيير والمعجزات ,,




التعديل لفرز كلامي عن الاقتباس

الشفت
سلامات ..
كلام الرئيس وما ادراك ما كلام الرئيس ..
قبل سنوات اصدر البشير قراراً بمنع تحصيل رسوم العبور بين الولايات
ووجه وزير المالية بوضع القرار موضع التنفيذ فورا وقد كان
وشاءت الظروف انى اسافر وقابلتنا نقطة تحصيل فى الطريق وقفنا
ونحن مطمنين جداً انو ماحدفع ولا قرش أحمر ..
العسكرى تييييت صفًر وقفنا ليك ..
السلام عليكم ..
وعليكم السلام ، جانا ليك واحد لابس ملكى ومعاهو دفتر قديم وقال لينا 50 الف لوسمحتو .!
50 بتاعت شنو ياخينا .؟
بتاعت شنو كيف ؟ رسوم عبور طبعاً
لكن ياود الشيخ الرئيس ما قال الحكاية دى ممنوعة ومافى زول يبدفع رسوم عبور طرق بين الولايات ؟
ايوااااة .. داير تورينا شغلنا .؟
ابدا ماداير اوريك شغلك .. لكن البشير قال كدا ووزير المالية طلع قرار وزارى بالكلام دة .!!
تخيل قال شنو .؟
قال لى الوزير دا يبل قرارو دا فى موية ويشربوا .. ياتدفع يا نحجز العربية لحدى ماتدفعوا القروش .!
ياوليد فى كثير من الاماكن يضرب يقرارات رئاسة الجمهورية عرض الحائط ..
فدحين ياخوى بس قول الحمدلله على كل شئ ..

ازيك يا مزمل
مبروك البنية تاني في بوستينا ده

Quote: فدحين ياخوى بس قول الحمدلله على كل شئ ..

الحمد لله على كل شي
وربك يهون بس

مرحب عمنا كمال سالم

الاخبار ؟

Quote: يابن أختى وليد ,, الشكيه لغير الله مذله !

ونعم بالله

Quote: يابن أختى وليد ,, الشكيه لغير الله مذله ! ثم إنك عاصرت هذه الإنقاذ لمدة عشرين عاما ,, ورينى يوم واحد أخونا عمر البشير ده كان صاحب قرار ,,, والأمثله كثيره لا داعى لحشد البوست بها .

بالحيل صاحب قرار

زمان قبل 98 كنا مصدقين انو البشير ما عنده قرار في الحكومة دي
لحدي ما قلب ظهر المجن على الترابي

Quote: تحياتى ياوليد وأتمنى أن تتبرأ من ذلك البوست الذى كتبته فى 2004 والذى إسمه جيلى أنا ,,, وأن تبدأ حقيقة فى أن يكون جيلك هو صانع التغيير والمعجزات ,,

ابدا يا عمنا لن اتبراء منه بل افتخر به
افتخر باننا جيل علم نفسه وفرض واقعة عندما هرب الاخرون

جيل يكتب خطاب يطالب رئيس الجمهورية ان يشكم معاونية ثم يذهب ثاني يوم الى عمله ويقابل معاوني رئيس الجمهورية وعينو في عينهم مباشرة وهو يعلم تماما انهم قراءوا ما كتبه
جيل يدخل اتخابات بدون اي مقومان فقط ليقول نحن هنا لا مع اولائك او هؤلا
وحين ينسحب المرجفون
يستطيع هذا الجيل اعادة الانتخاب في الدائرة واثبات التزوير فيها ويتزع من المفوضية امر بفتح بلاغ في ممثل المؤتمر الوطني في الدائرة
جيل يحافظ على حق النقابي ويتابع حقه الدستوري لاخر الطريف

وده كله بالدرب يا عمنا
عينك عينك

بكتب الكلام ده هنا وتاني يوم بمشي المكتب واعاين في عين اجعص جعيص

افتخر بما اكتبه وما افعله ..
فهو مباشر
ولم يمليه علي حزب او بشري


مع الموده يا عمنا

دموعنا نزلت عديل كدا ياخ


ربنا يستر عليكـم



لازم يا وليد يكون عندكـ حل سريع

خصوصاً طلبات الشباب ( ربنا يحفظم ليكـ ) في زياده بمرور الأيام ..

Quote: ) نصف المرتب المنحة لم يعتبر منحة بل قالوا لنا انه نصف مرتب شهر واحد سيسلم مقدما فقط .. وقد استلمناه يوم 24 من شهر يناير أي مقدما عن التوقيت الذي نستلم فيه مرتباتنا يوم واحد فنحن غالبا ما نستلم مرتباتنا يوم 25 من كل شهر !!! 2) يقال انه أضيف المبلغ الذي قررتموه 100 جنيه إلى المرتب ونتيجة لذلك سحبت منح أخرى !! .. قللت بدل الوجبة وخصمت أيام العطلات ( السبت والجمعة ) ولم تكن مخصومة سابقا ... سحبت منحة الوزير .. فكانت المحصلة .. كان شيئا لم يكن .. واحتمال نقصان المرتب عن سابقه وارده

و الغلاء اصبح لا يطاق
لا حول و لا قوة الا بالله ... اللهم يسر و لا تعسر يا كريم


يا وليد .. امرق تعالي بي جاي يا زول .. يمكن الله يفتحها عليك و خصوصا انو البلد الايام دي فاتحة.

.

الأخ وليد.....

أقرا الكلام ده مكتوب فى بوست ( ضباط الشرطة المحالون للصالح العام.....)
فى أغسطس 2008 منقول عن عمود للصحفى الهندى عزالدين:

Quote: أربعة من ضباط الشرطة المحالين للصالح العام بأمر (الإنقاذ) في مطلع التسعينيات، حلوا ضيوفاً على مكتبي نهار أمس.. يحكون فصلاً جديداً من فصول الحزن والأسى في بلادنا .. دامعة العينين.. قصص.. وحكاوي ومآسي سردوها عن أوضاع المعاشيين والمحالين للصالح العام من ضباط الشرطة.. معاناة اقتصادية.. وضغوط اجتماعية.. ومستحقات محدودة لا تكفي لفاتورة صاحب «البقالة»..! وبين زحمة الإحباط.. لمع ضوء في نهاية النفق.. شعلة أوقدها الفريق أول «محجوب حسن سعد» مدير عام قوات الشرطة السابق. يقول الضباط: قبل أكثر من شهرين قرر الفريق «محجوب» - بموجب سلطاته كمدير عام للشرطة - تحسين أوضاع المعاشيين بالتصديق على صرف مبلغ (إضافي) يبلغ (50%) من قيمة المعاش للضباط المتقاعدين، واستمر الحال على هذا المنوال لشهرين (يناير/ فبراير)، غير أنهم - والحديث للضباط- تسامعوا بأن قراراً جديداً صدر في وزارة الداخلية بإلغاء قرار المدير السابق الفريق (المقدام) - والصفة من عندهم أيضاً- والإبقاء على المعاش الأساسي..! بل إنهم علموا أن القرار يتضمن إجراءً باسترجاع المبالغ الإضافية السابقة على أقساط..!! قال لي أحدهم: مشكلتي أن زوجتي لن تصدق أنني بعد أن تقاضيت لشهرين مبلغ (500) جنيه.. سأعود لها بـ(250) جنيهاً فقط!! وآخر يحكي لي عن شيكات آجلة كتبها لشراء سيارة بالأقساط اعتماداً على تحسينات «محجوب حسن سعد». ثم تركوا بطرفي (بياناً) باسم تجمع ضباط الشرطة المحالين للصالح العام تقول فقرته الأولى الآتي لقد بذلت قيادة الشرطة السابقة الكثير في سبيل تحسين أوضاع المعاشيين والمحالين للصالح العام بالشرطة، وقد استبشر الجميع الخير بهذه القرارات التي أتت أكلها في استقرار معاشيي الشرطة، وأسرهم إلاَّ أن الجميع فوجئوا بالرجوع عن هذه القرارات من قبل وزير الداخلية الجديد......). لن أكمل البيان. وجهتُ المحررة المسؤولة أمس بالاتصال بقيادة الشرطة الجديدة للاستفسار عن حقيقة الأمر.. فأحالها السيد المدير للمكتب الصحفي للشرطة.. الذي طلب منها الانتظار.. ومقابلة مسؤول آخر اليوم... نحن لا نريد مقابلات.. ولا اتصالات.. نحن ننتظر (تكذيباً) لهذا الخبر.. واعتباره مجرد شائعات.. وإلاَّ.. فيا حليلك يا محجوب حسن سعد..!! من اتخذت على الرجال خليفةً.. ضاعوا ومثلك لا يكاد يُضيَّع!! >

وشوف رد المكتب الصحفى بوزارة الداخلية...

عام 2008 ولم ينفذ حرفا مما جاء فيه حتى الآن !!!!!

Quote: وزارة الداخلية رئاسة قوات الشرطة السيد/ رئيس تحرير صحيفة آخر لحظة لعناية: الأستاذ/ الهندي عز الدين السلام عليكم ورحمة الله ،،، توضيح من المكتب الصحفي - رئاسة قوات الشرطة إشارة إلى ما أورده الأستاذ الهندي عز الدين في عموده شهادتي لله بصحيفة آخر لحظة العدد رقم (601) بتاريخ 1/4/2008م حول معاشيي الشرطة لا بد في هذا المقام أن نذكر العديد من الوقائع: أولاً: هناك توجيهات من السيد رئيس الجمهورية بمراجعة حالات الأشخاص الذين أحيلوا للتقاعد في الأعوام السابقة ورفع الظلم عمن وقع عليه ظلماً. ثانياً: قامت رئاسة الشرطة كغيرها من وحدات الدولة في الوزارات المختلفة بتكوين لجان لمراجعة ودراسة هذه الحالات وأصدرت بشأنها توصيات عديدة. ثالثاً: استحقاق المعاش ينظمه القانون وفق معادلة حسابية محددة ويضمن في مقترحات الفصل الأول من الميزانية السنوية ، وليس من سلطات المدير العام - حسبما ورد بالمقال - إجراء أي تعديل على معاشات الضباط أو الأفراد أو ترقية من هم بالمعاش. رابعاً: تحديد المعاش وصرفه، وعلى الرغم من أنه حق قانوني إلا أنه يجب أن تسبقه العديد من الإجراءات المالية وذلك لتحديد التكلفة المالية وكيفية التمويل. خامساً: إن تلك المعالجات بتحسين معاشات بعض الضباط تمت على حساب استحقاقات أساسية لآخرين من ضباط الصف والجنود والذين بسبب هذا الإجراء لم يصرفوا استحقاقاتهم لثلاثة أشهر مضت. سادساً: تصحيحاً لهذه الأوضاع وإحقاقاً للحق وإعمالا لقواعد العدالة ، أصدر السيد وزير الداخلية بتاريخ 26/3/2008م توجيهات بوقف هذا الإجراء لحين معالجة المسألة بصورة كلية وشاملة وحتى لا تضار فئة بسبب أخرى، وأيضاً لحين ترتيب الأمر مع الجهات المختصة بشأن التمويل. المكتب الصحفي - رئاسة قوات الشرطة

و برضو تقول لى منحة؟؟؟

هكذا هم!!!!



.

إزيك يا وليد ..

معليش أعفي لينا .. إضرابنا كان السبب في شيل حالك معانا لما نزلت شهادة مرتبك للمقارنة

طبعا أنا و كأي مؤمن صديق مشيت في نص الشهر لوزارة الصحة و زي ما كنت متوقع ما سمعوا لا بنص مرتب و لا بمنحة !!

و في الحقيقة ما كنت عاوز المنحة دي تجي !!

لأنها قطع شك ما كانت حتصلنا و حتروح في دروب الوزارة !!

فدحين أنا متكيف من المأكله الراحت ساي دي

ياخي قرارت رئيس الجمهورية الكان مفترض تتحل بيها أزمتنا الفاتت ما إتنفذ منها إلا الربع بشكل جزئي و بعد سك و تهديدات !!

عموما البركة في حرابيش الكومبيوتر و الجاتك في مرتبك سامحتك !!

مودتي
_______________
تعرف الواحد لما يبقى أخصائي
و لو كان محظوظ جدا و لقى وظيفة
مرتبه بينقص 200 جنيه !!
بيسحبوا علاوات النائب
و بيزيدوا ليك 50 جنية
يعني تقد الإمتحان أحسن مليون مرة !!

دكتور محمد قرشي

كيف يا ود توتي


شلتو حالي ياخ

حتى الان يا دكتور الاهاصات ماينص 20

ختلو لنا المية
وشالو ميه وعشرين

جنس دعم هو لمجابهة الغلاء

قر قر قر قر قر

عبد الحفيظ سلامات

الهندي عز الدين ؟!
بتبالغ ياخ

عموما المنحة اصبحت محنه

مرحب ناصر

يديك العافية يا حبوب


شكلنا مارقين مارقين

مرحب هشام ابراهيم
قلت لي حننتك
يديك العافية ياخ
الله في يا حبوب
اوان زول بتاع كمبيوتر يعني بلقى ل مخارجات
المشكلة في الموظفين التقليدين

ربك يسترها معاهم

مرحب نزار
يديك العافية

وربنا يصلح الحال

مرحب عادل
اخبارك ياخ

المرجل يغلي الان .. نطرق كل الابواب حتى لا نضطر الى اخر الحلول

مرحب شقدي


كان ما لفقت بنشتغل تاني قدر قروشهم

يا شفت دقسوك ولا انت دقست

لكن دقستك دقسه خفيييفه مع ديل

خلي بالك من اولادك يا حبيب ديل الما بيدقسوا منهم

تحياتي

ود المقبول

ازيك ياخ

يارتها لو كانت تدقيسة
ده قلع رجاله عديل


___________
اسمع مرتضى مقبول بتاع

التسجيل الشهير قريبك

وليد ....ازيك
مش قالو شر البلية ما يضحك هسه انا بضحك عليك وداير اضحكك
اخونا شيوعى كبير اول ما ناس الانقاذ ديل جو طبعا شالوه للصالح
العام منعوه يشتغل مع اى جهة حددوا اقامتو فى القرية حقتنا
لاقيتو قلت ليه كيف ياحبيب؟
قال لى انا المزعلنى الناس ديل عاملين فيها مسلمين وهنالك حديث نبوى شريف
السودان ده كلو قراه الا الجماعه ديل.. معقول يكون ما وقع فى عينهم؟
قلت ليه ياتو حديث ده؟
قال لى حديث الرسول البقول دخلت امرأة النار فى قطه لاهى اطعمتها ولاتركتها
تاكل من خشاش الارض..
والله انا عملو معاى كده وهو محامى وكان شغال محاضر فى جامعه شالوه من الجامعه
ومنعوه من مزاولة المهنة فى اى مكتب وحددوا اقامته فى القرية.
احسن انت يا وليد ما وصلت درجة قريبى ده..
نجى للكلام بتاع زيادة الرواتب وعمرها زيادة الراتب ماكانت حل جذرى لمشكلة الغلاء
لانو التضخم فى ابسط معانيه هو:نقد كتير يطارد سلع شويه،عشان كده اطلب من عمك
البشير ده يوفر ثم يدعم السلع الضرورية،يلغى منها الجمارك والضرائب المحيرة ورسوم المحليات
والبلديات والاتوات والسخف الكتير ده حتى تصل للمواطن بسعر معقول..
وقتها يمكن ان يعيش الناس على الاقل فى الحد الادنى..
لكن طالما بزيد سعر البنزين لو اداك الف خلى مية ما بتشعر بيها لانو بتاع الخضار واللبن
والدكان بجيب ليك السلع على عربات بتشتغل بالبنزين ولو زادو الوقود 30% هو بزيد على
المستهلك 70% ..
دحين نرفع معاك عقيرتنا بالمطالبه بالعيش الكريم الحر،،،

Quote: لبشير ده يوفر ثم يدعم السلع الضرورية،يلغى منها الجمارك والضرائب المحيرة ورسوم المحليات والبلديات والاتوات والسخف الكتير ده حتى تصل للمواطن بسعر معقول.. وقتها يمكن ان يعيش الناس على الاقل فى الحد الادنى.. لكن طالما بزيد سعر البنزين لو اداك الف خلى مية ما بتشعر بيها لانو بتاع الخضار واللبن والدكان بجيب ليك السلع على عربات بتشتغل بالبنزين ولو زادو الوقود 30% هو بزيد على المستهلك 70% ..

سلام وليد و بقية الاخوان
يا موج يدعم السلع كيف و هو امس في الدامر قال أنو الدعم رفع
بصورة جزئية و سيرفع بشكل كامل تدريجيا. و كيف يدعم السلع الضرورية
و هو بيقول أنو الدعم مستفيدين منو الاغنياء و انو سيرفعه لصالح
الفقراء!!!
المسألة بايظة.

Quote: طالما انو على القيادة الصادق المهدي ما مارق امرق لو كان في قيادة الشي ده ود العمده لنا مهدي خالد عويس او حتى محمد عادل اي زول دم جديد وتجربة جديده انا معاه القديم ده كله في قناعتي ما نافع ولا مختلف ولا بجيب مريسة تامزينو

أخي وليد..
صدقني..لو مارق عشان زول
أي زول..
الصادق المهدي كان أو لنا مهدي..
بقول ليك إنه أخير ما تمرق، و خليك في قعدتك دي، و أرفع نداءاتك و طلباتك للسيد رئيس الجمهورية!
لو كل زول بيفتكر إنه لو مرق بيمرق عشان شخص محدد
أو لو أي شخص مستني إنه زول تاني غيره (يمرق) و يواجه و يحل ليه مشكلته..عمرها ما بتتحل
تمرق عشان أطفالك (لو مقتنع)
لو مقتنع و بس.
أما زي كلامك الفوق ده فهو مجرد تبرير تقنع بيه نفسك، و يا ريتوا يقنعها

أو زي ما قال خالد عويس :

Quote: سكوتنا يعني مستقبلاً مظلماً تماماً بالنسبة لأطفالنا الذين يذهبون – اليوم – إلى المدارس طلباً للعلم وندفع نظير ذلك الملايين من الجنيهات، يعودون وهم في غاية الجهل. من السبب؟ لا ليس الإنقاذ هذه المرة بل (نحن)، وعلى وجه الدقة صمتنا، صمتنا الذي أغرى الطاغية بفعل كلّ شيء لكي نصبح في مستوى جهله وسطحيته. صمتنا الذي جعل الطاغية يعمد إلى تدمير مستقبل أطفالنا. لا تثوروا من أجل أنفسكم. لا تثوروا من أجل سعر رغيف الخبز الذي نضاعف أكثر من 3000 مرة من 1989 ولا سعر الوقود الذي يفوق أيّ سعر في المنطقة، ولا لمتوسط دخل الفرد الذي يقل بـ 6 آلاف دولار عن متوسط دخل الفرد (التونسي)، ولا من أجل الاهانات التي تُوجه لكم كل يوم، ولا من أجل مجانية العلاج والتعليم، ولا من أجل حتى الوطن الذي تبصرونه يتفتت وأنتم صامتون. ثوروا فقط من أجل فلذات أكبادكم، لأنكم سلمتوهم إلى (الغول) والغول سيأكلهم واحداً تلو الآخر. في ظلّ هذا النظام سيتعلمون (الجهل)، ولن ينافسوا في أسواق العمل العالمية، وستفسد أخلاقهم لأنه لا مناص أمامهم من تعلم (الرشوة) و(الفساد) و(الذل) و(تمريغ الكرامة). ثوروا من أجل فلذات أكبادكم لأن هذا فقط هو ما تبقى لنا.

مع إحترامي لرائك و خياراتك

نعتذر للجماعة الفوق ديل
خلوني ارد على اخونا بشير

Quote: أما زي كلامك الفوق ده فهو مجرد تبرير تقنع بيه نفسك، و يا ريتوا يقنعها

انا مقنتع بيه تماما
بديل اني قلت ما مارق

سارفع نداتي وطلباتي للسيد رئيس الجمهورية

لانه في قناعاتي الخصية لافرق بين الاتنين

لمن اصل مرحلة اني امرق عشان اطفالي وبس .. بالتاكيد حا امرق بصورة تلقائي

الان قناعاتي اني لو مرقت لتغير الحكومة ما حا مارق ورا زول قديم اخد فرصو بالكامل

اشكر ليك احترامك لخياراتي

مودتي

ألأخ/وليد السلام عليكم..

كلامك ده واضح وصريح ..وألله يعينك..وده حال معظم أهل السودان...عجبنى كلام طارق جبريل ده وبفكر فيهو...

Quote: قال لي جيت بعد عشرين سنة غربة عشان القط في حق المدرسة لي اولادي قال لي بفكر ارجع تاني.. حاولت ايقنو.. بس جواي ما كنت مقتنع الغربة يا وليد برضها طاحنة وبتاكل الكثير من الانسان جواك لكن على الاقل بتأمن قوت اولادك غلبني اقترح عليك حل بس عايز اقوليك جزء كبير من اهلي لولا مساعدة الناس البرة كان لقيناهم ماتوا من الجوع

الله المستعان..

الاخ /اسماعيل عباس

ربنا يلطف ويهون

تسلم

سيف النصر
ازيك ياخ

Quote: ( ياخالتو ) دوما الكلام ده قلناه من زمان مرقتونا من البلد !! أها هسه إنتى ماخايفه على وليد ده ؟؟!! الراجل عندو أربعه بنيات يعنى محمول حمل تقيل ,,, يمرق كيف يادوما ؟؟ !!

كمال سالم يا ابني انا ما بطالبهم بالخروج لاني ما معاهم لانه لو طالبتهم انا بالخروج لازم اكون معاهم هناك واقفه في خط النار معاهم عشان كدا بشوف مطالبتنا ليهم ونحن في مآمن غير اخلاقيه مع انه دا الشئ المفروض يحصل منهم لانهم هم من يعانون فنحن لا نعاني مثلهم اللهم الا المعاناه النفسيه لكين لما يشكوا من تلقاء انفسهم سوء الحال والمآل بقول ليهم والله غير الشارع ما في حل والقرار قرارهم هم
البنيات ربنا يحفظهن ويحفظه ليهن لكين لو جاعن بمرق لانه انسان دغري ونفسه عزيزه لا ح يسرق لا ح يتسول ا

salamat waleed


send me your passport copy

and forget about them

وليد
ربنا يديك الصحة والعافية ويحفظك لبياتك ووليداتك ديل عشان تربيهم بكرامة
وتغرس فيهم حب الأوطان وكرامة النفس
لكن عندي جواب لسؤالك دا

Quote: لذلك يكون السوال ما هو السبب في عدم ظهور قادة جدد من نفس الاحزاب طيلة هذه الفترة قبل وبعد الانقاذ ؟ ولماذا لم يظهروا خارج منظومتها ؟

وهو بكل بساطة لأن دورة الحياة الطبيعية للحياة السياسية توقفت بفعل فاعل وهو هذا الغول الجاثم على صدر الوطن
لو كان هناك تطور طبيعي لنتج عن تحول وتبادل للأدوار وظهور قيادات جديدة

سلامات جعفر
اخبارك يا طيب

Quote: وهو بكل بساطة لأن دورة الحياة الطبيعية للحياة السياسية توقفت بفعل فاعل وهو هذا الغول الجاثم على صدر الوطن لو كان هناك تطور طبيعي لنتج عن تحول وتبادل للأدوار وظهور قيادات جديدة

كلامك سليم
بل دي مهمتو كحكم دكتاتوري لابد وانه يهدم كل اسس تنظيمية يمكن لها مقاومته

لكن هذا لا يعفي احزابنا ومنظماتنا المدنية التي دب فيها الوهن
وحب السلطة والقيادة والكنكشة فيها من قبل قادتنا امر ظاهر جلي

ابو الخل يا صديقي
اخبارك ياخ

Quote: send me your passport copy

ارسلو ليك وين ؟

عمنا صديق اخبارك

عارف يا عمنا الشارع السوداني الان فقط اصبح متحفذ

يادوب بدت تظهر بوادر تململ في البشر

والشي الماخر الثورة اختطافها من الاحذاب كالعادة


كل ما يتململ الناس يستبقهم حزب بعلن مظاهرة املا في انه يستثمر هذا التململ وتنسب الثورة الرابطة في الناس الى ذلكم الحزب


اول ما يعلن الحزب عن مظاهرة مسيرة
الناس تقول


اووووووووف
قامو تاني لي حركاتهم
ثم يهبتو


غايتو يوم حا نقوم ننسف ليك الحكومة والمعارضة الاتنين سوا

سلمات يا شفت
ياخ نحنا زمان كبينا الجرسلين هنا
ما الذي سيحل بنا بعد الانفصال؟

ابارو يا صديقي
اخبارك ؟

الله يستر بس

اها

يا ولي سلام

Quote: اسمع مرتضى مقبول بتاع التسجيل الشهير قريبك

والله ده ما عرفتو لكن نحن مريوماب

حله حمد .....

تحياتي

تمام يا حبه
وكت ما عرفتو معانتا مافي علاقة

Quote: ارسلو ليك وين ؟

صباح الخير يا وليد


تستعد قطر لخلق اتنين مليون وظيفة لكاس العالم

وقد ارسلت لك رقم الفاكس في الماسنقر

دعنا نحاول هنا وربك يسهل

النداء الاخير ...

>>>>>

waleed

Don't give up

يعيد العافية جمال

ربك يهون ياخ ويلهمنا الصبر

استاذ وليد سلامات

اولا نعلن تضامننا معاك في محنة المرتب و المنحة
وربنا يسهل يا زول

قريت كلامك دة كلوا ما عرفت النجبضة ناوي تبقى:
مناضل كي بورد
ولا مناضل كي برد بنكهة خاصة
ولا مناتل
ولا
لا هذه ولا تلك
ولا الدنيا باجمعها تساوي مقرن النيلين

كان جيت لراي اامسك قوي في كلام خليل وناس الامارات
وكلو بامر الله





خارج النص:
بكرة يصبح ذكريات حلي داك الكنت فيه
وكل آمالي العراض وكل دربا سرت فيه

مرحب استاذه صفية

انا عاوز ابقى كابوي .. كيف معاك !!

ناس الامرات دي ملوني حنك فاضي ..
بنشوف ليك بنشوف ليك

حتى فيزة ابقوتى حقت مربي اسماك زينا ما جاتني منها صورة




_____
يا ستي اساسا الاحمال مرمية على الله
والبوست ده تنوية اكتر من انو شكوى حال

ولو لقينا حالا اصلح بنبيع القضية عاااااااااااااااااادي

يا وليد إحمد ربك ياخي ..

نحن قالوا لينا النواب مجرد متدربين و مابيشملهم قرار المنحه بتاعة المية !!

علما بأننا موظفين بأرقام وظيفية و أنا شخصيا في الدرجة السابعة !!

بالإضافة لذلك مرتبي نقص 160 جنية عبارة عن سحب لـ (بدل لبس+بديل نقدي) ..

مرة قالوا لحدي المالية ما تغذي الوزارة !!!

و مرة قالوا حنديكم ليها آخر السنة المالية !!

غايتو ..

موش إنت في نعمة بالله .. كلها 20 جنية !!

أها .. نضرب و لا نقول نحن موظفين و نتخارج في بلاد الله الواسعة !!

تحياتي

انتو لي هسع ما اضربتوا يا محمد !!

Quote: انتو لي هسع ما اضربتوا يا محمد !!

مستنيين زول عبقري يخترع لينا طريقة نضرب بيها .. تتحقق فيها الشروط :

1) ما نطلع مسيسين !!
2) ما نضر العيانيين !!
3) ما يتقال لينا إنتو مرفهين و جشعين !!

و بالعدم ..
ندعو الحكومة لصرف عدد 100 سوط عنج على راس كل طبيب .. لأنهم بيستاهلوا مادام لسه شغالين من الذلة الفاتت ..
و أنا أولهم !!



يا وليد ..
شر البلية ما يضحك !!

والله يا محمد انا غايتو بشيل حسكم كان اضربتو ..
والله ارشكم رش




_____________

بكل جدية
عليك ياقاف كل الساعات الاضافية
اشتغلوا حق الحكومة بس 8 ساعات في اليوم
5 ايام في الاسبوع

وبي جازهم بعد داك

غريبة البوست ده ما شفتو قبل كده، لكن عايز أقول ليك يا وليد ... شفت الحتة دي:

Quote: تابعت تصريحكم الكريم أخي الرئيس .. وكيف انك منحت العاملين بالدولة نصف مرتب لمجابهة موجة الغلاء ، كما وجهة بإضافة مبلغ على قله هو خطوه مقدرة 100 جنيه سوداني إلى المرتبات ..

ده المهم في الموضوع ... تصريح تتناوله الجرايد ... تهليل تكبير .... وخلاص. بعد داك لو جيتو قلتو متضايقين تكونوا ناس مستهبلين وما بتحمدو على النعمة.

الرئيس ده يتقطّع؟ ما أهو (أعلن) ليكم عن زيادات ..... عالم نكّارة.
______
الله يخلي ليك زهراتك وأمهم.

يا ابو الريش
سلامات

Quote: الرئيس ده يتقطّع؟ ما أهو (أعلن) ليكم عن زيادات ..... عالم نكّارة.

كلامك ده يعني نحمد الله انها بقت ماينص 20 بس
ولو ما تصريح الرئيس المرتب كان نقص 120 كاملة

وليد تحياتي ..

ما تشيل هم يا وجيه .. الإمور حتتغير للأفضل

وقريب الفرج يدق بابك .. بس شوية صبر

تحياتي لك وأسرتكم الكريمة

دكتور احمد

تسلم يا حبيب ، مجهوداتك مقدرة وواضحة ولا ينكرها الا من في قلبه رمد قبل عينينه

ان تحقق الامر وتغيرت الامور الى الافضل فـ لله الحمد ثم لكم من بعده
وان لم يحدث ذلك فالشكر لله اولا ثم شكرا موصلا لمجهوداتكم العظيمة

انت ما بتقصر يا حبوب

ما تشتغل بالهظار مع الاخوان في هذا البوست
فهو مزاح ليس الا

وخشمك فيه اللبن
وبانتظار اخبارك السمحة

مودتي

وليد تحياتي ..

ما تشيل هم يا وجيه .. الإمور حتتغير للأفضل

وقريب الفرج يدق بابك .. بس شوية صبر

تحياتي لك وأسرتكم الكريمة

وليد الشفت
اتمنى ان تصل هذه الرساله للسيد الرئيس فالامر يستحق فعلاً
وأرجو أن توصل هذا المقال لإحدى الصحف ليأخذ حجماً أكبر في الإنتشار

مؤونة عام من الود

Quote: بكل جدية عليك ياقاف كل الساعات الاضافية اشتغلوا حق الحكومة بس 8 ساعات في اليوم 5 ايام في الاسبوع وبي جازهم بعد داك

دي أخير منها الإضراب مع تغطية الطوارىء !!
تعرف النبطشيات و متابعة العيانيين بره زمن النبطشية
بياخد من الزول زي زمن الدوام الرسمي لو ما أكتر !!

لو إشتغلنا ليهم بالقانون بس و بزمن الحكومة ..
المستشفيات حتنهار تماما !!

غايتو ..
النشوف آخرتها

وحتى لا يبين لها اي اخر يا محمد قرشي

محمد فرح ازيك ياخ
الاخبار وكده

بما انك كمنداك كبير حسب تصنيف المنبر

عليك الله شوف لينا الشغلة دي معاك

الشفت .... هو محمد فرح براه الكمندان في تصنيفات منبر بكري .... انت نزلت صالح عام ...

.


وليد سلامات.....

Quote: عبد الحفيظ سلامات الهندي عز الدين ؟! بتبالغ ياخ عموما المنحة اصبحت محنه

أنا ما داير أقول ليك اقرا بوست (ضباط الشرطة المحالون للصالح العام....) كلو
عشان تشوف المغسة - مش بتاعت المنحة وبس - لكن داير اقول ليك -حتى الهندى
عزالدين.... الما بيغباك داك .....شوفو قال شنو؟؟؟؟ يعنى (و شهد شاهد من
أهلها) مش نحن وبس!!!!




.

مرحب عبد الحفيظ


اعتذر على الفهمان الغلط

المهم امثال الهندي و البلال هولاء يثيرون حنقي اكثر من سياسيين كثر

الظاهر كده يالفاروق

شكلي اتشلحت

....