Post: #1
Title: إغتصـــــــــــــــــــــــــــــــــــاب
Author: سجيمان
Date: 01-24-2011, 04:39 PM
Parent: #0
ماتت الام.. ورحلت.. تركتها حائرة!.. وقفت امام جسد امها المسجى. وهي محتارة وتخاطب الجسد فلا يرد عليها... لا تعلم ماهو الموت..رحلة الي مدينة قريبة ثم عودة كما قالو لها... ( طيب لي شنو شايلنها في عنقريب؟) قالو لها: عشان المشوار بعيد... وعشان امك ما تتعب.. عفاف فتاة في السادسة عشرة من عمرها... لكنها مصابة بتخلف عقلي... لا بتودي لا بتجيب... تقيف مزهولة امام عربية... لوري..باص.. امام اصغر محن الدنيا العابرة... فكيف الحال لو اصابتها المحن في نفسها.... ترقد وهي مطمئنة... همها من الدنيا لا شئ... تنظر اليك فلا تعلم علاما تنظر...ولماذا تنظر؟.... جاءها الحيض اول مرة... فكانت اثاره ترسم على قدميها رحلة بويضة من مبيض يرقد في جوف من لا علم له باي شئ اصابها الجزع والهلع..اختها الصغيرة طمأنتها اخذت تعلمها كيف تهتم بما ينزل منها فتلاحظها وتداريها وتدربها... فلم تعي الدرس الا بعد ثلاثة دورات متتاليات... وصلت الي العشرينات من عمرها.... ابن خالتها اخذها حين غفوة منها مستغلا غيابها عن الدنيا العاقلة وتوهانها الدائم وتخلفها العقلي فهي لن تتحدث ولن تحكي ولن تقول و ماذا تقول ... وحصل المحظور... والاخت الصغرى لا علم لها.... بذر بن الخالة البذرة في جوفها.. نمت وكبرت.. فتكورت البطن... جزعت الخت الصغرى..اخذوها الي الطبيب... اكد انها حبلى والجنين يتوسد رحمها منذ خمسة أشهر... تسألوأ... وسألوها.... من الذي دنس براءتك... وامتطى صهوة غلبك ومسكنتك...فزرع بذرة الحزن والالم لك... ولاسرتك ..لاخوتك السبعة وووالدك.. واختك الصغرى... اجابت انه هو (حمد) ود خالتي...( البيت كان فاضي نص النهار كورك لي.. وجرحني هنا... واشارت الي حيث ممنوع الاقتراب والتصوير)...اعترف حمد بما جنا... واقرّ... ترعرع الجنين اخذوها بعيدا من قريتها.... حان اقتراب مخاضها اختها خضبتها بالحناء... اتقاءا لسؤال وتساؤل الناس....متزوجة وزوجها غائب ... وقد جاءها المخاض ..وهي بالمستشفى... اخذت تصرخ وتهرول والكل يهرول خلفها مسكينة لاتعلم ما الذي الم بها...اقنعتها احداهن ان تصبر وتستلقي علي سرير الولادة في غرفة الولادة.... ولدت عفاف.... فصرخت فتاة انزلقت من جوفها وصرخت كل الدنيا .... عفاف معاقة ذهنيا تلد بنتا صغيرة تحتاجها اما و..راعية و..مربية... وعفاف لا تعلم من الدنيا الا انها رحلة لها من رحم امها الي اللحد.. ولا تدري ان ما بينهما فيه من السوء ما انتج صغيرتها... التي نزلت منها وهي تصرخ.... نامت عفاف نوما عميقا.... فتحت عيناها ونهضت وهي جزعة تبحث عن طفلتها كانت ملقاة بجانبها... اخذتها بطريقة كادت ان تتسبب في اختناق الصغيرة لولا ان هرولت اختها اليها .. وعدلت الاخت الطفلة في حضن امها حضنت عفاف الوليدة المصيبة ...وبان الفرح في عيناها واخذت تلثمها وتقبلها وتمعن النظر فيها.... اجهشت اختها في البكاء.... وبكاءا مرا... تذكرت الام التي رحلت ... وقد رحمها الله من ان تقف على ما ابتلاهم به رب العالمين .. بلاءا جاءهم من اقرب الاقربين ابن الخالة......
للاسف ..حدث حقيقي!!
|
Post: #2
Title: Re: إغتصـــــــــــــــــــــــــــــــــــاب
Author: المر
Date: 01-24-2011, 04:44 PM
Parent: #1
الرابط: علي قول ناس سودانيز؟
|
Post: #3
Title: Re: إغتصـــــــــــــــــــــــــــــــــــاب
Author: سجيمان
Date: 01-24-2011, 04:57 PM
Parent: #2
المر.... يا ود امي وابوي
ازيك
دي قصة حقيقة وانا شاهد على كل تفاصيلها........وكتبتها في عمود(الباب البجيب الريح) في جريدة التيار....
http://www.facebook.com/cgman2004
|
Post: #4
Title: Re: إغتصـــــــــــــــــــــــــــــــــــاب
Author: نور الدين عثمان
Date: 01-24-2011, 05:05 PM
Parent: #3
يادكتور مالك موجع قلبنا .... للاسف هناك الكثيرين الذين نراهم بيننا حلوين منظر ولكن دواخلهم وافعالهم اسود من الخروب وامر من الحنظل .. حسبنا الله ونعم الوكيل .
واكيد مثل هذه المسكينة لها رب يرعاها ويحاسب من انتهك حرمتها .
|
Post: #10
Title: Re: إغتصـــــــــــــــــــــــــــــــــــاب
Author: سجيمان
Date: 01-24-2011, 07:20 PM
Parent: #4
نور الدين عثمان
كيفنك يابا؟
والله انني في غاية الحزن والألم......
|
Post: #5
Title: Re: إغتصـــــــــــــــــــــــــــــــــــاب
Author: HAIDER ALZAIN
Date: 01-24-2011, 05:08 PM
Parent: #3
مالك علينا !!!
راجيين بيان الصادق المهدي عشان نحن زااتو نبييض ونحيض ..
تجي تغتصب انسانيتنا بجنس دا.. 
ــــــ
أها وعملوا اهلها شنو مع ود خالتها المسكينة دي؟
|
Post: #11
Title: Re: إغتصـــــــــــــــــــــــــــــــــــاب
Author: سجيمان
Date: 01-25-2011, 08:43 AM
Parent: #5
| Quote: أها وعملوا اهلها شنو مع ود خالتها المسكينة دي؟ |
حيدر
حسب علمي ..انو ح يعقدو ليهو عليها
|
Post: #6
Title: Re: إغتصـــــــــــــــــــــــــــــــــــاب
Author: المر
Date: 01-24-2011, 05:09 PM
Parent: #3
| Quote: وكتبتها في عمود(الباب البجيب الريح) في جريدة |
أكان كدي معليش؟ بس الايامات دي عاوزين مع كل خبر رابط
|
Post: #7
Title: Re: إغتصـــــــــــــــــــــــــــــــــــاب
Author: رانيه محمد الشيخ
Date: 01-24-2011, 05:45 PM
Parent: #6
لا حوله ولا قوة الا بالله
كييييييييفك متذكرنى ولا نسيتنى
|
Post: #8
Title: Re: إغتصـــــــــــــــــــــــــــــــــــاب
Author: أحمد ابن عوف
Date: 01-24-2011, 05:59 PM
Parent: #7
سلام يا د سجيمان
القصة ممكن تكون حقيقية جدا، لان قبل السنة تقريبا تابعت برنامج حواري على البي بي سي
والخلاف دائر من بين مؤيد ومدافع لفكرة :
ازالة الرحم من الفتيات المعاقات ذهنيا، تحسبا لتعرضهم بسهولة للاغتصاب واحالة حياة الام التعيسة اصلا الى جحيم لها ومن حولها
نسبة لطول المدة لا استحضر منطق الرافضين او المؤيدين، حتى انا لم استطع ان اكون رأي شخصي.
|
Post: #17
Title: Re: إغتصـــــــــــــــــــــــــــــــــــاب
Author: سجيمان
Date: 01-25-2011, 03:57 PM
Parent: #8
احمد بن عوف
| Quote: ازالة الرحم من الفتيات المعاقات ذهنيا، |
التقطتها... وبنيت عليها فكرة عمود......
تحياتي
|
Post: #27
Title: Re: إغتصـــــــــــــــــــــــــــــــــــاب
Author: سجيمان
Date: 01-29-2011, 11:17 AM
Parent: #8
النت زي الزفت.....
|
Post: #9
Title: Re: إغتصـــــــــــــــــــــــــــــــــــاب
Author: Abdlaziz Eisa
Date: 01-24-2011, 06:14 PM
Parent: #7
سلام
ياله من ألم...................................
|
Post: #19
Title: Re: إغتصـــــــــــــــــــــــــــــــــــاب
Author: سجيمان
Date: 01-25-2011, 08:29 PM
Parent: #9
نعم يا عبد العزيز
ألم........ألم
|
Post: #16
Title: Re: إغتصـــــــــــــــــــــــــــــــــــاب
Author: سجيمان
Date: 01-25-2011, 01:41 PM
Parent: #7
| Quote: كييييييييفك متذكرنى ولا نسيتنى |
اهلاااااااااا
(حبيبة سودانية)... واللا ..مو اياهو؟
|
Post: #18
Title: Re: إغتصـــــــــــــــــــــــــــــــــــاب
Author: رانيه محمد الشيخ
Date: 01-25-2011, 05:17 PM
Parent: #16
ايووووووووووووووه
انا دا
|
Post: #20
Title: Re: إغتصـــــــــــــــــــــــــــــــــــاب
Author: سجيمان
Date: 01-26-2011, 08:24 AM
Parent: #18
حبابك يا رانية
|
Post: #25
Title: Re: إغتصـــــــــــــــــــــــــــــــــــاب
Author: سجيمان
Date: 01-28-2011, 10:46 AM
Parent: #6
المر
اخبار زي دي.. بقت رااااااقدة... .... للاسف
|
Post: #12
Title: Re: إغتصـــــــــــــــــــــــــــــــــــاب
Author: عوض حمزة
Date: 01-25-2011, 09:07 AM
Parent: #1
د/ سجيمان
سلامات ..
ياخ مالك علينا من الصباح دا !!
انا شخصيا بكن حايم فى البوستات
دى وعرقى يخر وحاقب عكازى وسكينى
فى ضراعى .. باقى الايام دى فى دواس
جد
اها لما اشوف بوستاتك دى بجرى عليها
بى وشى حارى لى ضحكة بعد طول غياب
لقيتك كاتب ليك كلام ينفطر له الحجر
باقى مسخت على اليوم علا عافيلك بس
طلبتك بالنبى جنس دا تانى ما تسوى..
لا حولة ولا قوة الا بالله
|
Post: #13
Title: Re: إغتصـــــــــــــــــــــــــــــــــــاب
Author: ابو جهينة
Date: 01-25-2011, 09:15 AM
Parent: #12
عزيزي جدا سي جي
الشوق أعاصير
من قرأها في الباب البجيب الريح قال لي : إنه باب جاب الوجع و الفزع
أما بعد
قصة مؤثرة
الأخ المر : مع تحياتي الخالصة
| Quote: الرابط: علي قول ناس سودانيز؟ |
الرابط يكمن في سحابة المآسي التي تمطر أحداثا مشابهة
|
Post: #14
Title: Re: إغتصـــــــــــــــــــــــــــــــــــاب
Author: عثمان دغيس
Date: 01-25-2011, 10:28 AM
Parent: #13
لا حول ولا قوة إلا بالله
يا سجيمان مالك داير تسجم سوقنا ...
بالله الواحد جاييك وفاتح خشمو ومجهز دميعاتو للضحك البخلي الزول يمسك في مصارينو ويقشقش دميعاتو وتخيراتو ...
تقوم تورم فشفاشنا بالفواجع دي وبي وجع القلب ده ...!!
الله يضرو دنيا وآخرة ..
بالله الزول ده الشيئ يا كافي البلا ..إنسانيي سااااكت ولا رحمة في قلبو مافي ؟؟؟
|
Post: #15
Title: Re: إغتصـــــــــــــــــــــــــــــــــــاب
Author: ismeil abbas
Date: 01-25-2011, 12:12 PM
Parent: #14
ألأخ/سجيمان.....السلام عليكم..
ما من عادة بوستاتك.....شىء مؤلم والله لقد أصابنى إحساس بالطمام...كنت أتمنى ان تكون من نسج الخيال..الحقيقة مرة مرة كالعلقم..وجدتها حقيقة وتألمت بأن فى هذه الدنيا وحوش وقساة ....اللهم لا إعتراض فى حكمك يا الله.
|
Post: #21
Title: Re: إغتصـــــــــــــــــــــــــــــــــــاب
Author: سجيمان
Date: 01-26-2011, 10:36 AM
Parent: #15
نديها لفة
|
Post: #24
Title: Re: إغتصـــــــــــــــــــــــــــــــــــاب
Author: سجيمان
Date: 01-27-2011, 05:34 PM
Parent: #14
والله الليلة النت كعب جنس كعوبية....
لا حولاااااااا
|
Post: #26
Title: Re: إغتصـــــــــــــــــــــــــــــــــــاب
Author: سجيمان
Date: 01-28-2011, 07:08 PM
Parent: #14
عثمان دغيس
الالم هو ما جعلني اروي القصة
|
Post: #28
Title: Re: إغتصـــــــــــــــــــــــــــــــــــاب
Author: سجيمان
Date: 02-02-2011, 11:37 AM
Parent: #14
نرفعو
بعد غيبة
|
Post: #23
Title: Re: إغتصـــــــــــــــــــــــــــــــــــاب
Author: سجيمان
Date: 01-26-2011, 06:32 PM
Parent: #13
عزيزي الاعز
ابو جهينة
سلام بحجم الوطن قبال الانفصال
والله العظيم ... القصة دي داخلة علي شديد.... ومتألم جدا....
وخصوصا لما عرفت انو في كمية من نوعية الحكايات دي....
|
Post: #22
Title: Re: إغتصـــــــــــــــــــــــــــــــــــاب
Author: سجيمان
Date: 01-26-2011, 12:52 PM
Parent: #12
عوض حمزة
Quote: باقى الايام دى فى دواس
جد |
يازول.... خليك انت الكبير
|
|