مع ساعة الغروب مشيت أسال عليكم ...

وين خليل يااخوانا يلحقنا بيها ..

الفنان ابراهيم حسين ..الشاعر مامتاكد منو ..
لكن بتشبه الحلنقى ...

بدل تمشى ليهم ساعات الغروب عشان تسأل عليهم ,, والحنك العاضى ده !
ماتشوفوا طريقه للإمام ده تدخلوه مصحه ولا تعملوا عليهو إنقلاب ,,,
خذلتونا والله !!

مع ساعة الغروب
مشيت اسال عليكم
حليلكم يا احبة
حليل امالنا فيكم..

رحلتو بعيد نسيتو
الريد و الحنان
الالفه الجميلة
و السعد الكان
لكن فرقتنا افدار الزماان...

يوم سافرت انت
بقيت انسان وحيد
بكيت من جوه قلبى
ربيع عهدى السعيد
متين ترجع لحبك
تبقى حياتنا عيد..

فى الليل يا حبيبى
نورك و انت ضاوى
حليلك و انت جمبى
فى الزى السماوئ
جرح الفرقه يمكن
الاياام تداوى...

يلا باقى الصوت ..خليل ..تمبس او من ينوب عنهم ..

Quote: وين خليل يااخوانا يلحقنا بيها ..

ياسسسسسسسلام
وخليل ده ياااخ غيابو وقف قلبنا ووقف عملنا الاسفيري كلوووووو
فصرنا كالتيامي وما نحن بيتامي
حسع لو كان في كان نفلك بالاغنية دي وداس ابنصات بتاعة كم مداخلة كده علي طريقته الشهيرة
لب لب لب..
وسنجلس القرفصاء حتي ياتي خليل او تمبس او احدهم من اقصي المدينة ويخلينا ندردق شووية مع البرد ده


وسنتابع

سلام يا حبيب

محمد عبدالرحمن ..

.تشتيت الكورة لزومو شنو فى هذه المرحلة الحرجة
والبلاد تمر بمنعطف خطير

اميره الشيخ ..حبابك ياخ ..مابنلقى عندك ساعة الغروب دى؟

Quote: وخليل ده ياااخ غيابو وقف قلبنا ووقف عملنا الاسفيري كلوووووو فصرنا كالتيامي وما نحن بيتامي

ياسلام على خليل ياكيكى ..ملفاتنا كلها معلقة فى انتظار
عودته ..وفى انتظار حكاوى ناس الجزيرة ..ناس العوض ودالسر
وعشه بت الضوء ..وعشمانة بت حاج مجذوب ..وغيرها من شخوص
خليل الحية ...و(بلقطلك) كمان بعض شخوص امدرمان ..ويغشى
ليك ناس ابوروف ..والكثير المثير ..

ياخ اقلاه كان لحقنا بابراهيم حسين دا ...

عمر ياحبيب ...مرحب بيك ...

غناء: ابراهيم حسين
كلمات: اسحق الحلنقي







[المطرطش]

ابوحميد ..تشكر على سرعة الاستجابة ..مع انى ماسمعت لسه ..
لما اسمع بكلمك ..وكان ماسمعت برضو بكلمك..

(ترا) دير بالك جانى ايميل بالغلط ..مفروض كان يمشى ليك
انت ..كلم بكرى يعمل ليك (جدعة) فى نهاية اسمك عشان الناس
تفرق ..

تحياتى ...