Post: #1
Title: صراحة بعد ده مفروض الناس تسامح المؤتمر الوطني وتبدأ معاهم صفحة جديدة من اجل الوطن
Author: فايزودالقاضي
Date: 01-23-2011, 00:53 AM
Parent: #0
الوطن فوق كل شي يااخوان....تغاضوا عن الصغاير يرحمكم الله ..
كل الجرايم الارتكبت في حق الوطن وانسانه هي جرائم قدرية ...ربنا سبحانه وتعالى مقدر من قبل ان يخلق آدم لهذه الجرايم ان تحدث في هذا العهد وهذا التاريخ ..وهي من الاقدار التى لا مفر منها...علينا ان نكون مؤمنين بالقضاء والقدر كما ورد في حديث اركان الايمان (الإيمان أن تؤمن بالله وملائكته وكتبه ورسله واليوم الآخر وتؤمن بالقَدَر خيره وشره }...
صدقوني المؤتمر الوطني جواه حاجة كويسة بس الناس ماقادرة تستوعب الحاجة دي ..وكل ماارتكبه من جرائم ماعنده يد فيها ،هو القضاء والقدر يااعزائي ..
لذلك لاتظلموا من لايملك حق التحكم في سلوكياته ولا افعاله وغضوا الطرف عن تجاوزاته من اجل هذا الوطن فالمرحلة تتطلب العفو والمسامحة... خلونا نبدأ صفحة جديدة مع المؤتمر الوطني، نجلس معاه وننسى اى حاجة حصلت لينا ولاهلنا من اجل وطنا...الناس الماتوا والله ماماتوا الا في يومهم والاتعذبوا ياهو يوم عذابهم ...والنزلوا الصالح العام واتشردت اسرهم ديل بالذات ربنا واعدهم بالجنة لانهم رضوا بقضاء الله وقدره ...ده اختبار من ربنا عايز يعرف مدى ايمانا والحمدلله الناس اخيراً وصلت لهذه القناعة الايمانية ...
شكراً لزعماءنا الدايماً بيذكرونا بالايمان بالله وبقضاءه وقدره ...
|
Post: #2
Title: Re: صراحة بعد ده مفروض الناس تسامح المؤتمر الوطني وتبدأ معاهم صفحة جديدة من اجل الوطن
Author: فايزودالقاضي
Date: 01-23-2011, 01:12 AM
Parent: #1
يجب ان نقبل توبتهم التى لم يعلنوها قرباناً لهذا الوطن ...
|
Post: #3
Title: Re: صراحة بعد ده مفروض الناس تسامح المؤتمر الوطني وتبدأ معاهم صفحة جديدة من اجل الوطن
Author: Osama Mohammed
Date: 01-23-2011, 01:57 AM
Parent: #2
الاخ فايز
مساك سعيد
بصراحة كدة انت جادي ولا بتتريق؟؟؟؟
جرائم قدرية ؟ وتوبة ؟؟؟ ابليس بتوب؟؟؟
ياخ الصالح العام( المنفعة الخاصة ) ده براهو اي زول او اي اسرة ذاقت مراراته لا يمكن ان تسامح حكومة عصابة الانقاذ . الانسان السوداني اتمسخ واصبح بعيد عن العالم الحديث وانت تجي تقول بكل سهولة يسامحوهم .... يسامحوهم على الذلة والمهانة ولا على السرقة وعلى تعليم السرقة ولا على تجهيل الناس ؟ وبعدين الوطن ده هم ليه ما ختو ليهو اعتبار ؟ هم عملو للوطن شنو عشان نسماحهم عشان الوطن ؟ هم بفهمو شنو لكلمة الوطن ؟ شالو الوطن ريال او عشرة رجعوهو لينا فريني (ابو قرشين)؟؟ لو رجعو اي قرش واي قطعة ارض واي منفعة عملوها برضو ما في حد حا يسامحمهم لأنو عمايلهم شالت الرحمة من قلوب البني ادمين...
|
Post: #4
Title: Re: صراحة بعد ده مفروض الناس تسامح المؤتمر الوطني وتبدأ معاهم صفحة جديدة من اجل الوطن
Author: هجو الأقرع
Date: 01-23-2011, 05:48 AM
Parent: #3
فايز يا خوى صباحتك بيض ، كيفك يا زول الواجبات ، شوف بطل حركات ، خلاص سمعت ان السفراء من ابناء الجنوب ، سوف يتم استبدالهم ‘ قلت خلينا نطبل شويه ، الموضوع خلص ، تم ترشيحى انا واخوك عمران ، تعرف ليه ، بتذكر البوست بتاع شنو كده ما عارف فى واحد ذكر فيهو انو اهلنا حضروا من اسبانيا ، المهم قال نحن عبيد ، اها من اليوم داك دخلنا الترشيح ، انت عليك الانتظار لغاية ما ينفصل محل تانى ، وابشر بالخير ، اها بكون عندك واسطة . ايوه تذكرت فى وظائف قناصل لسع باقيه لكن تحت تحت قالو نسكت بيها معاويه عبيد.
|
Post: #5
Title: Re: صراحة بعد ده مفروض الناس تسامح المؤتمر الوطني وتبدأ معاهم صفحة جديدة من اجل الوطن
Author: كمال سالم
Date: 01-23-2011, 06:49 AM
Parent: #4
| Quote: انت عليك الانتظار لغاية ما ينفصل محل تانى |
يا هجو حرام عليك يأخ !! إنتو عايزين تحكموا الخرطوم وشندى بس ؟؟!!
|
Post: #6
Title: Re: صراحة بعد ده مفروض الناس تسامح المؤتمر الوطني وتبدأ معاهم صفحة جديدة من اجل الوطن
Author: خالد عبد الله محمود
Date: 01-23-2011, 07:14 AM
Parent: #5
غايتو بروستد البيكـ ده غير خرب طبعكـ ما عمل ليكـ حاجة 
|
Post: #7
Title: Re: صراحة بعد ده مفروض الناس تسامح المؤتمر الوطني وتبدأ معاهم صفحة جديدة من اجل الوطن
Author: لدن جعفر
Date: 01-23-2011, 07:41 AM
Parent: #6
دا كلو من البيك (قدس الله سره)
يازول اصبح بى الله ..
ازيك يا ود القاضى..
|
Post: #9
Title: Re: صراحة بعد ده مفروض الناس تسامح المؤتمر الوطني وتبدأ معاهم صفحة جديدة من اجل الوطن
Author: Amira Elsheikh
Date: 01-23-2011, 07:48 AM
Parent: #7
تحبطون ..
تقنعنون .
تفرفرون...
تصالحون ....
تلعبون.....
تعجزون.....
تموتون ..
تتشردون ..
على كيفكم .....
___________________________
اركز ياودالقاضى ويبدو انو الجاى اصعب
|
Post: #23
Title: Re: صراحة بعد ده مفروض الناس تسامح المؤتمر الوطني وتبدأ معاهم صفحة جديدة من اجل الوطن
Author: فايزودالقاضي
Date: 01-23-2011, 10:37 AM
Parent: #9
الشقيقة الحمراء المصفرة ...اميرة بت الشيخ ...سلامات وعوداً حميداً ..
Quote: تحبطون ..
تقنعنون .
تفرفرون...
تصالحون ....
تلعبون.....
تعجزون.....
تموتون ..
تتشردون ..
على كيفكم ..... |
وتؤمنون بالله وبقدره ...
| Quote: اركز ياودالقاضى ويبدو انو الجاى اصعب |
يعني نزيد جرعة الايمان ولا كيف ؟!!
|
Post: #21
Title: Re: صراحة بعد ده مفروض الناس تسامح المؤتمر الوطني وتبدأ معاهم صفحة جديدة من اجل الوطن
Author: فايزودالقاضي
Date: 01-23-2011, 10:22 AM
Parent: #7
العزيزة لدن ...سلامات ياغالية ...
Quote: دا كلو من البيك (قدس الله سره)
يازول اصبح بى الله ..
ازيك يا ود القاضى.. |
اصبحنا بالله ونحن اكثر ايماناً بقضاءه وقدره..
|
Post: #19
Title: Re: صراحة بعد ده مفروض الناس تسامح المؤتمر الوطني وتبدأ معاهم صفحة جديدة من اجل الوطن
Author: فايزودالقاضي
Date: 01-23-2011, 10:04 AM
Parent: #6
خالد ...سلامات ...
| Quote: غايتو بروست البيكـ ده غير خرب طبعكـ ما عمل ليكـ حاجة |
بل البيك هو القربني من الله سبحانه فلولاه لما اكلت هذه الوجبة الشهية ...هي من الاقدار التي يجب ان نؤمن بها ..
|
Post: #8
Title: Re: صراحة بعد ده مفروض الناس تسامح المؤتمر الوطني وتبدأ معاهم صفحة جديدة من اجل الوطن
Author: هجو الأقرع
Date: 01-23-2011, 07:47 AM
Parent: #5
اها يا كمال يا خوى الخرطوم احلى ناس وشندى فيها بيتى ، احسن من كده نلقى وين .
|
Post: #13
Title: Re: صراحة بعد ده مفروض الناس تسامح المؤتمر الوطني وتبدأ معاهم صفحة جديدة من اجل الوطن
Author: فايزودالقاضي
Date: 01-23-2011, 09:34 AM
Parent: #4
حبيبنا هجو الاقرع ...سلامات ...
| Quote: فايز يا خوى صباحتك بيض ، كيفك يا زول الواجبات ، شوف بطل حركات ، خلاص سمعت ان السفراء من ابناء الجنوب ، سوف يتم استبدالهم ‘ قلت خلينا نطبل شويه ، الموضوع خلص ، تم ترشيحى انا واخوك عمران ، تعرف ليه ، بتذكر البوست بتاع شنو كده ما عارف فى واحد ذكر فيهو انو اهلنا حضروا من اسبانيا ، المهم قال نحن عبيد ، اها من اليوم داك دخلنا الترشيح ، انت عليك الانتظار لغاية ما ينفصل محل تانى ، وابشر بالخير ، اها بكون عندك واسطة . ايوه تذكرت فى وظائف قناصل لسع باقيه لكن تحت تحت قالو نسكت بيها معاويه عبيد. |
كل هذه اقدار ياهجو ..كون انت وعمران يتأخدوا اجدادكم من السودان وعبر الجزيرة العربية الى اسبانيا ثم اعادة توريدهم للسودان دي براها فيها حكمة ربانية تدعو للتفكر في قضاء الله وقدره ..
ــــــــــــــــــــــــــــــــ
معاوية عبيد اسمه يغنى عن نعته بالعبودية ..
|
Post: #24
Title: Re: صراحة بعد ده مفروض الناس تسامح المؤتمر الوطني وتبدأ معاهم صفحة جديدة من اجل الوطن
Author: معاوية عبيد الصائم
Date: 01-23-2011, 10:44 AM
Parent: #13
Quote: معاوية عبيد اسمه يغنى عن نعته بالعبودية ..
|
الاخ فايز (الاجنبى)
بينى وبينك القانون الجديد بعد الانتفاضة
ولمن نشوف قريبك الوزير (الاريترى)
اجانب اخر زمن
شايفك ليك فترة داخل فى شخصية
مواطن سودانى
|
Post: #27
Title: Re: صراحة بعد ده مفروض الناس تسامح المؤتمر الوطني وتبدأ معاهم صفحة جديدة من اجل الوطن
Author: فايزودالقاضي
Date: 01-23-2011, 11:16 AM
Parent: #24
معاوية عبيد* ...سلامات ..
Quote: الاخ فايز (الاجنبى)
بينى وبينك القانون الجديد بعد الانتفاضة
ولمن نشوف قريبك الوزير (الاريترى)
اجانب اخر زمن
شايفك ليك فترة داخل فى شخصية
مواطن سودانى |
وكمان شيوعي وفوق ده مؤمن بالقضاء والقدر ..
ــــــــــــــــ
*
|
Post: #10
Title: Re: صراحة بعد ده مفروض الناس تسامح المؤتمر الوطني وتبدأ معاهم صفحة جديدة من اجل الوطن
Author: فايزودالقاضي
Date: 01-23-2011, 08:33 AM
Parent: #3
اسامه ..سلامات ...
Quote: الاخ فايز
مساك سعيد
بصراحة كدة انت جادي ولا بتتريق؟؟؟؟
جرائم قدرية ؟ وتوبة ؟؟؟ ابليس بتوب؟؟؟
ياخ الصالح العام( المنفعة الخاصة ) ده براهو اي زول او اي اسرة ذاقت مراراته لا يمكن ان تسامح حكومة عصابة الانقاذ . الانسان السوداني اتمسخ واصبح بعيد عن العالم الحديث وانت تجي تقول بكل سهولة يسامحوهم .... يسامحوهم على الذلة والمهانة ولا على السرقة وعلى تعليم السرقة ولا على تجهيل الناس ؟ وبعدين الوطن ده هم ليه ما ختو ليهو اعتبار ؟ هم عملو للوطن شنو عشان نسماحهم عشان الوطن ؟ هم بفهمو شنو لكلمة الوطن ؟ شالو الوطن ريال او عشرة رجعوهو لينا فريني (ابو قرشين)؟؟ لو رجعو اي قرش واي قطعة ارض واي منفعة عملوها برضو ما في حد حا يسامحمهم لأنو عمايلهم شالت الرحمة من قلوب البني ادمين... |
يااسامه لوهم كعبين خليك انت كويس ياخي ...عامل الناس ديل معاملة الممسوس الذي لايدرك مايفعل وارفع عنهم القلم ...خلي قلبك ابيض وانسى كل آلام الماضي من اجل الوطن واجرك عند الله اكبر ..يبدو انو ايمانك بالله مهزوزو ...
تحياتي ..
|
Post: #11
Title: Re: صراحة بعد ده مفروض الناس تسامح المؤتمر الوطني وتبدأ معاهم صفحة جديدة من اجل الوطن
Author: حامد بدوي بشير
Date: 01-23-2011, 08:39 AM
Parent: #10
| Quote: كل الجرايم الارتكبت في حق الوطن وانسانه هي جرائم قدرية ...ربنا سبحانه وتعالى مقدر من قبل ان يخلق آدم لهذه الجرايم ان تحدث في هذا العهد وهذا التاريخ ..وهي من الاقدار التى لا مفر منها...علينا ان نكون مؤمنين بالقضاء والقدر |
هل هذا هو الخط التكتيكي الجديد للمؤتمر الوطني؟ وهنا برضوا مصرين على استغلال الدين وتحريفه؟؟
|
Post: #12
Title: Re: صراحة بعد ده مفروض الناس تسامح المؤتمر الوطني وتبدأ معاهم صفحة جديدة من اجل الوطن
Author: بشير أحمد
Date: 01-23-2011, 08:47 AM
Parent: #11
| Quote: هل هذا هو الخط التكتيكي الجديد للمؤتمر الوطني؟ وهنا برضوا مصرين على استغلال الدين وتحريفه؟؟ |
اها يافايز في داعي تجيب لينا الكلام في صمت خشمنا؟
__________
تحياتي يافايز
وللصغير شارون.
|
Post: #14
Title: Re: صراحة بعد ده مفروض الناس تسامح المؤتمر الوطني وتبدأ معاهم صفحة جديدة من اجل الوطن
Author: علاء الدين يوسف علي محمد
Date: 01-23-2011, 09:41 AM
Parent: #12
حبابك يا قريبي
تعال و معك آخرون
في يدّيك أميرة الشّيخ و لُدن
"ترتيب البنات ديل حسب الأقدمِيّة" 
ــــــــ
قريبك راجيك يا فايز و ما بِـتوصّى بيك
|
Post: #28
Title: Re: صراحة بعد ده مفروض الناس تسامح المؤتمر الوطني وتبدأ معاهم صفحة جديدة من اجل الوطن
Author: فايزودالقاضي
Date: 01-23-2011, 11:41 AM
Parent: #14
ياود الخالة ..سلامات ياقريب ..
Quote: حبابك يا قريبي
تعال و معك آخرون
في يدّيك أميرة الشّيخ و لُدن
"ترتيب البنات ديل حسب الأقدمِيّة"
ــــــــ
قريبك راجيك يا فايز و ما بِـتوصّى بيك |
انا زعلان منك ياقريبي لانك سايبني الفترة الفاتت دي كلها من غير ايمان وكنت بشتم حزبكم فاكر عمايلوا دي منو ومامجبور عليها بالقضاء والقدر ...لكن وكت عرفت قلت لازم اقيف مع الحق حتى ولوعلى نفسي ...
|
Post: #26
Title: Re: صراحة بعد ده مفروض الناس تسامح المؤتمر الوطني وتبدأ معاهم صفحة جديدة من اجل الوطن
Author: فايزودالقاضي
Date: 01-23-2011, 11:11 AM
Parent: #12
الحبيب ...بشير احمد ..سلامات ياغالي ...
| Quote: اها يافايز في داعي تجيب لينا الكلام في صمت خشمنا؟ |
يابشير لو الجانب الديني والدعوة كان شغال عند الحزب بتوازي مع العمل السياسي الناس كان فهمت الحاجة دي ...لكن أن تأتي اخيراً خيرٌ من ان لا تأتي ...
ـــــــــــ
شارون يبغلك السلام
|
Post: #25
Title: Re: صراحة بعد ده مفروض الناس تسامح المؤتمر الوطني وتبدأ معاهم صفحة جديدة من اجل الوطن
Author: فايزودالقاضي
Date: 01-23-2011, 10:48 AM
Parent: #11
العزيز حامد ...ٍسلامات ..
Quote: | Quote: كل الجرايم الارتكبت في حق الوطن وانسانه هي جرائم قدرية ...ربنا سبحانه وتعالى مقدر من قبل ان يخلق آدم لهذه الجرايم ان تحدث في هذا العهد وهذا التاريخ ..وهي من الاقدار التى لا مفر منها...علينا ان نكون مؤمنين بالقضاء والقدر |
هل هذا هو الخط التكتيكي الجديد للمؤتمر الوطني؟ وهنا برضوا مصرين على استغلال الدين وتحريفه؟؟ |
ياحامد مافي استغلال للدين ولا حاجة ...المؤتمر الوطني سبقنا بالايمان بالله وبقدره ..بس نحن تأخرنا شوية ,,,الحمدلله الواحد بدأ يرجع لرشده وعرف ان كل اخطاء وجرائم المؤتمر الوطني هي في مصلحة الانسان السوداني من حيث لايدري ، فقبوله لهذه الاقدار هي اجر ومغفرة ,,, ياحامد شكلك ماعارف معنى انك تتنازل عن حقوقك وحن حقوق من استأمنوك على حقوقهم من اجل الله سبحانه وتعالى ...دي درجة من الايمان عالية لايصلها الا ذو حظٍ عظيم ولااحسبك منهم ...
|
Post: #15
Title: Re: صراحة بعد ده مفروض الناس تسامح المؤتمر الوطني وتبدأ معاهم صفحة جديدة من اجل الوطن
Author: عادل الباهي عبدالرازق
Date: 01-23-2011, 09:43 AM
Parent: #1
Quote: خلونا نبدأ صفحة جديدة مع المؤتمر الوطني، نجلس معاه وننسى اى حاجة حصلت لينا ولاهلنا من اجل وطنا...الناس الماتوا والله ماماتوا الا في يومهم والاتعذبوا ياهو يوم عذابهم ...والنزلوا الصالح العام واتشردت اسرهم ديل بالذات ربنا واعدهم بالجنة لانهم رضوا بقضاء الله وقدره ...ده اختبار من ربنا عايز يعرف مدى ايمانا والحمدلله الناس اخيراً وصلت لهذه القناعة الايمانية ...
|
ود القاضي
حياك الله
مافي حاجه أسمها عفي الله عن ما سلف مازالت هناك بالحلق غصه ، أنا غايتوا عن نفسي ورب العزه مش لو أنفصل الجنوب لو أنفصلت شندي زاتا حقي مابخلي
بس هي كيف تنقلب وناسي عارفهم وحقي بأخدوا بالسكين لابنتظر محاكم ولايحزنون .بس هم كيف يمشوا
آخر نكته قالوا البشير بعد الاطاحه بي بن علي جاهوا كابوس في النوم وقال ليهوا يا البشير أنت لازم ولابد تودع الشعب السوداني ، البشير صحي من النوم وقال ليهوا هو الشعب السوداني ماشي وين الناس دي مابتمشي بأخوي وأخوك الا الدم يصل ركبه .
|
Post: #16
Title: Re: صراحة بعد ده مفروض الناس تسامح المؤتمر الوطني وتبدأ معاهم صفحة جديدة من اجل الوطن
Author: علاء الدين يوسف علي محمد
Date: 01-23-2011, 09:46 AM
| Quote: وناسي عارفهم وحقي بأخدوا بالسكين لابنتظر محاكم ولايحزنون .بس هم كيف يمشوا |
غايتو يا ود الباهي أنا أصلن أصلن أصلن
ما مِن ناسك
صاحك؟
|
Post: #18
Title: Re: صراحة بعد ده مفروض الناس تسامح المؤتمر الوطني وتبدأ معاهم صفحة جديدة من اجل الوطن
Author: عادل الباهي عبدالرازق
Date: 01-23-2011, 09:55 AM
Parent: #16
Quote: غايتو يا ود الباهي أنا أصلن أصلن أصلن
ما مِن ناسك
صاحك؟
|
العزيز علاء الدين
ياحبيب ناسي أنا عارفهم واحد الان والي ولايه والتاني وزير دفاع سابق والثالث اللبيب بالاشاره يفهم لو توفيت قبلهم أرتاحوا ولو عشت شغل الضراع بس زي ماقل نافع علي نافع.
بالجنبه وكده :-
أها يا علاءالدين تقدر تجيب لي حقي من الناس دي وبمستنداتي كمان أديني تلفونك في الخاص
شكري وتقديري
|
Post: #17
Title: Re: صراحة بعد ده مفروض الناس تسامح المؤتمر الوطني وتبدأ معاهم صفحة جديدة من اجل الوطن
Author: عمران حسن صالح
Date: 01-23-2011, 09:55 AM
الإحباط يا هجو الأقرع
نحن ما ناس تنظير في السياسة
نحن ناس معايش بنفتش على رمز ياخد بيدنا لي برَ المعايش النضيفة وهينة
نضمن معايش أهلنا بس والباقي هين
ما عندنا رمز نقيف وراهو من غير هُتاف
رمز عارفنو جايِ عشان خاطر أهلو وحاجاتم
بس
مش جايي يشبع ويكتل الباقي
وده حال ناس بلدنا القالو نحن اهل السياسة يلا زحو بعيد
|
Post: #20
Title: Re: صراحة بعد ده مفروض الناس تسامح المؤتمر الوطني وتبدأ معاهم صفحة جديدة من اجل الوطن
Author: هجو الأقرع
Date: 01-23-2011, 10:08 AM
Parent: #17
Quote: نضمن معايش أهلنا بس والباقي هين
ما عندنا رمز نقيف وراهو من غير هُتاف
|
والله يا عمران يا خوى و كلتنى فى خاطرى ، الزول انا قلت اشاغو ساكت ، معليش يا خوى .
|
Post: #22
Title: Re: صراحة بعد ده مفروض الناس تسامح المؤتمر الوطني وتبدأ معاهم صفحة جديدة من اجل الوطن
Author: Amira Elsheikh
Date: 01-23-2011, 10:36 AM
Parent: #20
Quote: تعال و معك آخرون
في يدّيك أميرة الشّيخ و لُدن
"ترتيب البنات ديل حسب الأقدمِيّة"
ــــــــ
قريبك راجيك يا فايز و ما بِـتوصّى بيك |
هوووووووى ياعلاء ما تستغل الظرف المهبب دا ..
تصريح سياسين وبكرة بتاخدو الهبوب وحنطالب ود القاقاضى يجبيك لينا من ايديدك
ولا اقول ليك انا ولدن بنجى ناخد بيدك وخلى ودالقاضى بعيد
|
Post: #30
Title: Re: صراحة بعد ده مفروض الناس تسامح المؤتمر الوطني وتبدأ معاهم صفحة جديدة من اجل الوطن
Author: طارق جبريل
Date: 01-23-2011, 11:59 AM
Parent: #22
ود اختي
فطرت شنو الليلة من الصباح
|
Post: #32
Title: Re: صراحة بعد ده مفروض الناس تسامح المؤتمر الوطني وتبدأ معاهم صفحة جديدة من اجل الوطن
Author: فايزودالقاضي
Date: 01-23-2011, 12:13 PM
Parent: #30
ياخال ..سلامات ..
Quote: ود اختي
فطرت شنو الليلة من الصباح |
بيك ..لانه بقوى الايمان بالله
|
Post: #31
Title: Re: صراحة بعد ده مفروض الناس تسامح المؤتمر الوطني وتبدأ معاهم صفحة جديدة من اجل الوطن
Author: فايزودالقاضي
Date: 01-23-2011, 12:07 PM
Parent: #17
الحبيب .. عمران ...
Quote: الإحباط يا هجو الأقرع
نحن ما ناس تنظير في السياسة
نحن ناس معايش بنفتش على رمز ياخد بيدنا لي برَ المعايش النضيفة وهينة
نضمن معايش أهلنا بس والباقي هين
ما عندنا رمز نقيف وراهو من غير هُتاف
رمز عارفنو جايِ عشان خاطر أهلو وحاجاتم
بس
مش جايي يشبع ويكتل الباقي
وده حال ناس بلدنا القالو نحن اهل السياسة يلا زحو بعيد |
الاحباط ده ياهو من علامات الايمان بالقضاء والقدر ...
ـــــــــــــــــــــ
شكراً للقراءة السليمة ..
|
Post: #29
Title: Re: صراحة بعد ده مفروض الناس تسامح المؤتمر الوطني وتبدأ معاهم صفحة جديدة من اجل الوطن
Author: فايزودالقاضي
Date: 01-23-2011, 11:58 AM
عادل الباهي ...ٍسلامات ..
| Quote: مافي حاجه أسمها عفي الله عن ما سلف مازالت هناك بالحلق غصه ، أنا غايتوا عن نفسي ورب العزه مش لو أنفصل الجنوب لو أنفصلت شندي زاتا حقي مابخلي |
ياعادل يبدو انو ايمانك بالله ضعيف ...فيها شنو لو اكلو حقك ولا عذبوك او حتى كتلوك ...ياخي حمزة عم الرسول صلى الله عليه وسلم مات من اجل هذا الدين وجدنا بلال اتعذب من اجله ...ليه بتستكثر روحك او حاجاتك من اجل الوطن الذي هو وطن الدين ..ده قدرك ياحبيب وارضى بيهو ..
او كما قلت :
الزول أن أباك من غير سبب ماتسكوا
أمسح أسموا من خارطه ضميرك حكوا
لذلك ماتسك الجماعة ...وخليها على الله ..
|
Post: #33
Title: Re: صراحة بعد ده مفروض الناس تسامح المؤتمر الوطني وتبدأ معاهم صفحة جديدة من اجل الوطن
Author: Osama Mirghani
Date: 01-23-2011, 12:13 PM
Parent: #29
من أمن العقاب أساء الأدب
|
Post: #35
Title: Re: صراحة بعد ده مفروض الناس تسامح المؤتمر الوطني وتبدأ معاهم صفحة جديدة من اجل الوطن
Author: فايزودالقاضي
Date: 01-23-2011, 12:24 PM
Parent: #33
استاذ اسامه ..سلام ..
| Quote: من أمن العقاب أساء الأدب |
مافي اساءة للادب بقدر ماهي تنفيذ اقدار ..
|
Post: #34
Title: Re: صراحة بعد ده مفروض الناس تسامح المؤتمر الوطني وتبدأ معاهم صفحة جديدة من اجل الوطن
Author: اسماء الجنيد
Date: 01-23-2011, 12:21 PM
Parent: #29
Quote: الاخ فايز
مساك سعيد
بصراحة كدة انت جادي ولا بتتريق؟؟؟؟
جرائم قدرية ؟ وتوبة ؟؟؟ ابليس بتوب؟؟؟
ياخ الصالح العام( المنفعة الخاصة ) ده براهو اي زول او اي اسرة ذاقت مراراته لا يمكن ان تسامح حكومة عصابة الانقاذ .
الانسان السوداني اتمسخ واصبح بعيد عن العالم الحديث وانت تجي تقول بكل سهولة يسامحوهم .... يسامحوهم على الذلة والمهانة ولا على السرقة وعلى تعليم السرقة ولا على تجهيل الناس ؟
وبعدين الوطن ده هم ليه ما ختو ليهو اعتبار ؟ هم عملو للوطن شنو عشان نسماحهم عشان الوطن ؟ هم بفهمو شنو لكلمة الوطن ؟ شالو الوطن ريال او عشرة رجعوهو لينا فريني (ابو قرشين)؟؟
لو رجعو اي قرش واي قطعة ارض واي منفعة عملوها برضو ما في حد حا يسامحمهم لأنو عمايلهم شالت الرحمة من قلوب البني ادمين... |
الاخ اسامة محمد تنعدل عليك شقيش ما تقبل يا خوي
سلام وتحية الاخ فايز وحسب سؤال قريبك ليك ود جبريل قالك فطرت بي شنو ؟؟
انا بقولو لا هسة على ريقو بطنو تصاصي عشان كدة جاب الكلام الاشتر ده
مع إحترامي لي رأيك لكن وحات الله الكلام الفوق ده لا بنبلع ولا بنشم ضمـــــــــــــه
التحية للجميع
|
Post: #36
Title: Re: صراحة بعد ده مفروض الناس تسامح المؤتمر الوطني وتبدأ معاهم صفحة جديدة من اجل الوطن
Author: Adam Omer
Date: 01-23-2011, 12:52 PM
Parent: #34
بدل المقدمة الطويلة دى .
كان تقول عفا أللة عما ســــــلف
|
Post: #37
Title: Re: صراحة بعد ده مفروض الناس تسامح المؤتمر الوطني وتبدأ معاهم صفحة جديدة من اجل الوطن
Author: فايزودالقاضي
Date: 01-23-2011, 01:24 PM
Parent: #36
آدم ...سلامات ..
Quote: بدل المقدمة الطويلة دى .
كان تقول عفا أللة عما ســــــلف |
لازم من المقدمة الطويلة دي يآآدم .. انت قايل الارواح الاتفقدت دي ساهلة بتمشي باربعة كلمات ..
|
Post: #38
Title: Re: صراحة بعد ده مفروض الناس تسامح المؤتمر الوطني وتبدأ معاهم صفحة جديدة من اجل الوطن
Author: حاتم كاهن
Date: 01-23-2011, 03:47 PM
Parent: #37
فايز صاحبي.. سلامات يا حبيب
بس كدي في الأول كده ال(ده) قصدت بيها شنو ؟
هل قاصد بيها الواحد وعشرين سنة القعدها المؤتمر الوطني ؟
ولّا الناس الاتكتلت واتعذبت واتشردت واتهانت وفلست واحبطت وزيتها طلع؟
قاصد بيها الجنوب الانفصل؟
ولا دارفور الاتحرقت ؟
ولا الشرق الاتسرق ؟
ولا الشمال الغرق؟
ولا الأحزاب الضعفت ؟
ولا القيادات الاتخاذلت ؟
ولا الشارع الحزين ؟
ولا حاجة تانية يا حبيب ؟
كدي عاين لي يا فايز وانت خاشي في دور محبط كده ورد علي ..ال(ده) شنو هنا
انا غايتو ما شايف لي سبب إحباط غير إنو نحنا شعب جاااااااااهز لي إنو يحبط ساي كده كهواية يعني ..
وبشوف إنو عوامل الوقت الراهن ده هي محفزة أكتر للثورة مش للإحباط ..
ده وقت بتتمايز فيهو صفوف .. وحباب البمش بي هناك .. بس شان يتفرز ..
وحباب البفضل بي جاي .. بس شان الثورة لما تقوم .. تقوم أقلاها ..نضيفة..
عارف يا فايز ..
انا كل ما أسمع بي زول من المعلق في ذمتهم سبب البلا النحنا فيهو ده ..وقاصد هنا اي زعيم سياسي فيهم..بغض النظر عن وضعو الآني معارضة كان
أو متوالي أو حليف لي مؤتمر وطني ..
كل ما أسمع بيهم قربو من المؤتمر الوطني بحمدالله .. وبقول إن شاءالله أسمع بيهم كلهم بكرة يخشو في تحالف - حكومة عريضة - جبهة عريضة أو برنامج واحد
مع المؤتمر الوطني ..
إتخيلهم معاي تجي لحظة وكل البلا ده يبقى في صايد ..
والشعب الفاضل يكون في الصايد التاني ..
دي مش حتكون رحمة ويا دوب حيكون بلا وإنجلا وحمدالله ألف على السلامة ..؟؟
.......
فايز مالك داير تحبط انت ذاتك ياخ وتزهجنا معاك
|
Post: #39
Title: Re: صراحة بعد ده مفروض الناس تسامح المؤتمر الوطني وتبدأ معاهم صفحة جديدة من اجل الوطن
Author: محمد علي شقدي
Date: 01-23-2011, 05:15 PM
Parent: #38
تهليل
( الاصبع السبابه مرتفع بمقدار ما يسمح به الفضاء المزدحم بالملائكه ونصف ابتسامة تكفي لأرضاء الشعب الصابر حد الشبع والهجيج من بعد تقربا لله واحتفاء ببيعتك وانت واحد من اهل الشرق الذين عرفوا بحق الانجاز في عهد الانقاذ )
يا اخونا في الله فايز (الهامي ) و (بصيرتي )السياسيه لم تخب ابدا لاني منذ ان عرفتك ( عبر الاثير ) وانا متاكد من ان الله سيشرح قلبك وها انت في هذا المنعطف او ما يعرف بـ(لفة الزقاق الضيق ) تبرهن انك وطني ضد العملاء وامريكا وروسيا سابقا فمرحبا بك في رحاب الحزب المنتخب شرعا
--------------------------
بس جيت متأخر شوية يا ود القاضي منصب رئيس هيئة تجميل مدينه درديب كيف معاك
|
Post: #40
Title: Re: صراحة بعد ده مفروض الناس تسامح المؤتمر الوطني وتبدأ معاهم صفحة جديدة من اجل الوطن
Author: السمانى عمارة
Date: 01-24-2011, 07:09 PM
Parent: #39
Quote:
الوطن فوق كل شي يااخوان....تغاضوا عن الصغاير يرحمكم الله ..
كل الجرايم الارتكبت في حق الوطن وانسانه هي جرائم قدرية ...ربنا سبحانه وتعالى مقدر من قبل ان يخلق آدم لهذه الجرايم ان تحدث في هذا العهد وهذا التاريخ ..وهي من الاقدار التى لا مفر منها...علينا ان نكون مؤمنين بالقضاء والقدر كما ورد في حديث اركان الايمان (الإيمان أن تؤمن بالله وملائكته وكتبه ورسله واليوم الآخر وتؤمن بالقَدَر خيره وشره }...
صدقوني المؤتمر الوطني جواه حاجة كويسة بس الناس ماقادرة تستوعب الحاجة دي ..وكل ماارتكبه من جرائم ماعنده يد فيها ،هو القضاء والقدر يااعزائي ..
لذلك لاتظلموا من لايملك حق التحكم في سلوكياته ولا افعاله وغضوا الطرف عن تجاوزاته من اجل هذا الوطن فالمرحلة تتطلب العفو والمسامحة... خلونا نبدأ صفحة جديدة مع المؤتمر الوطني، نجلس معاه وننسى اى حاجة حصلت لينا ولاهلنا من اجل وطنا...الناس الماتوا والله ماماتوا الا في يومهم والاتعذبوا ياهو يوم عذابهم ...والنزلوا الصالح العام واتشردت اسرهم ديل بالذات ربنا واعدهم بالجنة لانهم رضوا بقضاء الله وقدره ...ده اختبار من ربنا عايز يعرف مدى ايمانا والحمدلله الناس اخيراً وصلت لهذه القناعة الايمانية ...
شكراً لزعماءنا الدايماً بيذكرونا بالايمان بالله وبقضاءه وقدره ...
|
الاخ العزيز فايز ود القاضى
متابع بهدوء شديد ولا تغليق حتى الان
|
|