رئيس الجهاز القضائي بنهر النيل : القضاء السوداني يتفوق مهنية واداءا على القضاء البريطاني

اوعي يكون حاسب في تقيممو دا مدثر الرشيد والقاضي المستعجل بتاع الكبجباب داك

Quote: قال أسامة حسن محمد أحمد رئيس الجهاز القضائي بولاية نهر النيل، إن السلطة القضائية بالسودان على الرغم من أنها أخذت نظامها الأساسي من القضاء البريطاني، إلا أنها تفوقت عليه مهنياً وأداءً من حيث الممارسة والإستقلالية. وأضاف أسامة حسب «الشروق» أمس، أن السلطة القضائية بالسودان تحتفظ لنفسها بوضع دستوري متميز عن رصيفاتها بالوطن العربي، أتاح لها كامل الإستقلالية عن وزارة العدل والسلطتين التنفيذية والتشريعية. وأعلن عن إستضافة رئاسة الجهاز القضائي في نهر النيل اليوم بمدينة الدامر، مؤتمر رؤساء الجهاز القضائي بالسودان الذي يستمر ليومين. وأشار إلى أن المؤتمر سيخضع أداء السلطة القضائية والقضاة بشكل عام لتقييم دقيق، ويناقش بصورة قاطعة كيفية تعيين القضاة وقضية التأخير في الفصل القضائي.وقال أسامة، إنّ مولانا جلال الدين محمد عثمان رئيس القضاء، سيفتتح منشآت جديدة للجهاز القضائي بنهر النيل تضم رئاسة الجهاز القضائي ومجمعين للمحاكم ومكاتب تسجيلات الأراضي وإستراحات ودُوراً خاصة بالقضاء، واستبعد حاجة الولاية لمحاكم. وحول تنقلات القضاة والمعايير المتبعة قال أسامة، إن التنقلات تتم وفقاً للسياق المهني والموضوعي بالقدر الذي يضمن تحقيق العدالة والمساواة، وزاد: ليس من الميسور على أي قاضٍ الإستحواذ على رضاء كل المواطنين لأن إحقاق الحق والإنحياز للعدل قد لا يتوافق ومصالح كل الأطراف.

المصدر

هسي هو في زول مشى سالو قال ليهو قارن لينا بين القضاء السوداني والقضاء البريطاني ولا ساي لقافة منو

مثلا من انعدام المهنية ان تكون لجهات خدمية محاكم خاصة بها
صديقي عندما زاره موظفو النفايات بتاعين المحلية وفرضو عليه مبلغا رآه مبالغا فيه حاول الاعتراض
ولكن اصمو اذانهم واخرها قالو لها اذا عندك اعتراض اذهب محكمة المحلية قدم اعتراضك للقاضي
ويامؤمن يا مصدق قوم امشي امحكمة بعد ما حكي للقاضي الموال وانو المبلغ ده مبالغ فيهو القاضي بكل
بساطة قال ليهو لو ما عاوز تدفع تخش الحراسة على طول طيب يا مولانا انا جيت اشتكي قال ليهو لا دي
محكمة تنفيذ فقط لا غير


وبرضو يقول مهنية ياخي كااااااااااااااااااااك

يا باشمهندس الكلام دا غلط منك والله ِ

Quote: ويناقش بصورة قاطعة كيفية تعيين القضاة وقضية التأخير في الفصل القضائي

يا ناس , شنو الكلام دا,

طريقة تعيين القضاة معروفة ..... معروفـة من زماااااااااااااااااااااان

تتناقش (بصورة قاطعة) بعد 21 سنـة ؟؟؟؟؟


أحمد الشايقي

Quote: يا باشمهندس الكلام دا غلط منك والله

بت الشيخ اوعو يكون بعد مشيتي السودان الجماعة ديل سقوك الدوا البيوسع الذمة داك

Quote: هسي هو في زول مشى سالو قال ليهو قارن لينا بين القضاء السوداني والقضاء البريطاني ولا ساي لقافة منو

الفي بطنه حرقص يا أستاذ محمد...

بالمناسبة، ملاحظة بوستاتك بقت كلها مؤخرا تحمل شعار، اضحك غيظاً

Quote: بالمناسبة، ملاحظة بوستاتك بقت كلها مؤخرا تحمل شعار، اضحك غيظاً

تصدقي يابت الحسين لما شفت العنوان عملت كليك وخشيت افهم الموضوع شنو قبل ما نظلم المولانات ديل يمكن دي اشادة من القضاء البريطاني والزول ده نقلا
اها لقيت مولانا زي الترزي البخيط لروحو اها حسيت بالغيظ وقلت ما افوتها ليهو فتشت في وشوش بكري لقيت ده اقرب واحد مع انو ما بيعبر عن حالتي حقيقة