هشام كمال..أرجوك تبطل استفزاز....

فاتح ليك موضوع قدر الكتلة .. عن الكمان عندهم..

وحاتك يا الحبيب.. قمت من دربي..تووووووش السوق..

أشتريت لي كمنجة وأنا لا أفقه الفرق بينها والكمونية..

طبعاً صيغة مبالغة ساي دي..

أها وقعدت أجابد فيها..

وزنتها بالإنترنت..

قطعت الوتر الأخير "مي" اسمه؟؟

المهم انقطع لي مرتين..

وأركب العربية مخصوص مشوار هناااااااااك عشان أجيب وتر رقيقوني..

المراة زاتها احتارت معاي..

يعني نظام "دي مكنتك؟؟" باللاي؟؟ ههههههههههاااي

المهم..

الكلام ده ليهو زي 30 يوم تنقص ولا تزيد..

أجي من الدوام قبل أطلع الجاكيت..

أندرع ليك في المصيبة دي..

ياخي دي مرضة شنو دي اللصقتها فينا دي ياخي؟؟؟



وقلت طالما الواحد بعد كدا بقت عينو قوية ،، النضوقك الزاد

حرم تضوقوهوا حتى لو بقى مسييييخ..

النتعلم الحلاقة في روسينكم ديل..



بالجنبة كدا:

فاروق أبو حوة..

قصدت طبعا ما أعمل أي مونتاج..الحتة الأخيرة دي إهداء خاص ليك إنت وعامر الجوهري

وعبد الوهاب علي الحاج .. وآخرون لا يسع المجال لذكرهم..








هذا والإهداء طبعا موصول إلى الصديق جمال السنوسي مع صورة إلى الأخ عصام عيسى رجب..



مودتي التي تعرفون..

شكراً يا هشام ياخي..

البتاعة دي بتعمل وجع رقبة؟؟

يمكن "عامل السن" يا ربي؟؟

والله قِسَسْ..



..

أحييك على المثابره
نحنا السودانيين عادةً مابنكسب روحنا مهارات جديده بعد التلاتين
انا من شافع مشتهي أتعلم فلوت
شكلي حأتشجع بعد ده

مؤونة عام من الود

اوستاذ والله يا صاحب

وانحنا شهود علي نتاج الابداع دا

ياخي ما لقيت طريقة للان الاقيهو ,
بالتاكيد ما يزال يذكرني كلما سمع غير المغضوب عليهم ولا الضالين
اظنه يؤمن علي ذلك بضمير

التحية للاخ محمود على المثابرة وقوة العزيمة
اولا رغبتك جامحة ودي براها كفاية تخلي الزول ينحت الصخر ...
لكن عندي سؤال : قصة الاغنية دي شنو مع تعلم الادوات الموسيقية ؟ سنة 2001 اشتريت لي جيتار من ( رجب وسلسلة ) في جدة ومن دربي داك للصحراء ( كنت اعمل هناك ) حظي انو نقلو لينا استاذ بتاع رياضيات من سنار كان في كورال جامعة الخرطوم وبعزف على كم آلة كدة شاف الجيتار وبقينا ننقرش لمدة وبعدين نقلوهو تاني اها اخوك بدأ براهو من اول وجديد لكن بالات اغنية حسن عطية اول اغنية قدرت عليها كاملة ومن ديك وعيك ....
قصة الاغنية دي شنو مع تعلم الادوات الموسيقية؟.

المحمود طبعو
كيفنك يا جار

شوق شواويل




طبعاً ما سامع حاجة
الشكية لي الله
سماعات تك تاك


للضمان كدا
عارفك مجضم الداهي دا
ومحدثو لمن مدفق

أها
المافي شنو (على قول قرقراوي)


وتاني كمان
أبقى أظهر علينا ان شاء الله بالسلك

الاستاذة الفنانة منى بحـرى
اصلا" بتفتش ليها عن عازف كمان ماهـر
ماهر تاج السر .... هيييي يكـا...


عارف يا عازف الكمان ومعاك جمال السنوسى اورغن
والرفاعى ضابط ايقاع ممكن تشكلو قرووب خطير جدن
ممكن قيقراوى يغـنى ....

ود سيد أحمد
أريت حالك زين


قلت لي الرفاعي شنو


قــــــــــــــــر


وقيل فطسته ضحكة

Quote: اصلا" بتفتش ليها عن عازف كمان ماهـر ماهر تاج السر .... هيييي يكـا...

ديمو يا "لئيمو"..

الغتاتة ليك شنو يعني؟؟

منى بحري حتة واحدة؟؟

ما قدر ده كمان.. نحن يا دوبك بنقول يا "هادي" الجبل..

كاااااااااك


تحياتي وأشواقي التي تعلم..


..<<..

Quote: ومعاك جمال السنوسى اورغن

اللهّـم لا إعتراض فـي حكمك يا رب






مـحمود إزّيّك

Quote: مـحمود إزّيّك

والله كان إزيَّكْ ما عارف...


أنا عارف البوست دا بيجيب لي الهوا..

وعارف إنه في ناس هنا ممكن يحرشوا لينا دهاقنة زي لؤي ده..

وفي ناس "واصلين" ممكن يفتحوا فينا بلاغ عند عاصم الطيب قرشي

وعثمان محي الدين وأحمد باص واسماعيل عبد الجبار ..


لؤي.. إزززيَّكْ..

Quote: وفي ناس "واصلين" ممكن يفتحوا فينا بلاغ عند عاصم الطيب قرشي وعثمان محي الدين وأحمد باص واسماعيل عبد الجبار ..

ههههههههههههههه
يا مـحمود ياخـي ما تزعل
أنت مـحمّديّة القادم






الله يـجازيك يا ودّ السّنوسـي

يا بلة ..

كيفك والأسرة الكريمة.. أرجو أن تكونوا بخير..

Quote: وتاني كمان أبقى أظهر علينا ان شاء الله بالسلك

سلك شنو ياخي؟؟

تمبس الجاب الناس لينا ما جابك..


يعني المرة الجاية نجيب روضة الحاج عشان نضمن مجيئك؟؟

غايتو ظهرتها عاااااملة يا حاج..



..<<..

هي نان في ظروف انطرارية يا جار
نسوي شنو


وحاتك متلوم عارف تب
واعتذرت ليهم
وقبلو
صاح يا داليا
وتمبس في نومتو لقيتو وقال برضك عاذرني
بلسان الحكومة (خلي كان بقدر يعقِب)


ويا جار
مافي داعي تفك فيني ناس جدة
اسلن بلا سبب شايلينو معاي



غطينا يا اخي

Quote: قصة الاغنية دي شنو مع تعلم الادوات الموسيقية؟.

ومعاها عزة في هواك..

يعني عايزنا نبدأ بأغاني أبو عركي مثلاً؟؟

ههههههههههههههه


السهل الممتنع "ممتع" ومشجع..

والشجن دائماً هناك..


مودتي يا أسامة..

بالله كنت في جدة؟؟

الحي بيلاقي قالوا..




...

الاخ محمود

سلام

ياخي انت زول مثابر والله وربنا يوفقك

انا من الثانوي العام بحاول (بصورة متقطعة) اتعلم العود ولآخر مرة

مسكت فيها عود بقيم نفسي ضعيف

المسألة مرتبطة بالرغبة (والصبر)

الصبر أهم حاجة لأنو الشغلانة دي متعبة شديد في أولها

وممتعة في نهايتها

تضحك مالك يا بلـه

الرفاعى بجضم الاتنين
طبلة وبنقـــز ...

عشان تأمنوووو ...

بيني وبينك


يجوز


باقي مأهل


ومأمنين يا اخي
مأمنين تب


شنو ليك
الزول بقى قريب
أخير نخت الساتر
ويا ساتر
بس الله يسترنا من بلاوي أمير مصطفى
إن ختيناها بنسلم تب



وتبقى قِر
قَر

الأخ حمد عبد الغفار عمر يوسف..

Quote: المسألة مرتبطة بالرغبة (والصبر) الصبر أهم حاجة لأنو الشغلانة دي متعبة شديد في أولها وممتعة في نهايتها

صدقت والله..

أبشرك.. شايف "أولها" دي؟؟

نحن حنكون سنة أولى ممتدة طواااااالي..

الله يكفينا شر العوارض ووجع الرقبة الذي أخشى أن ينقلب لوجع "رغبة"..


كلامك عن (الصبر) ذكرني أغنية بتاعة صلاح ابن البادية..

يا ليالي الصبر ياتو الأمرَّ من الصبر ياتو؟؟

قالوا الصبر عاقبو الحلو..يا ليالي وين حلاتو؟؟

الله إن شاء الله حا أمشى أتمرن ليك فيها..

النت ملياااااان غناء..


شكراً ليك والله .. وشد حيلك معانا..


التعديل لإضافة حرف واحد بس..

..<<..

أساسي يا حبيب..

Quote: اظنه يؤمن علي ذلك بضمير

ككتاب الله طاهر..


أنا طبعا عندي "اللقافة"..

أها شنو .. قمت طوااااالي كلمته ليك بمخرجات المكالمة بتاعتنا أنا وإنت..


يعني هسي المسألة بعد كانت مجرد حمبكة ساكت.. يمكن تاخد منحى آخر

كمان جابت ليها صهينة.. وفي رواية .."قلة حيا"


شكراً كتير ياخي..

وحمداً لله على سلامة الرفاعي..

Quote: انا من شافع مشتهي أتعلم فلوت شكلي حأتشجع بعد ده

الأخ ود فرح..

مرحباً بك في قائمة ضحايا الاستفزاز..

وشكراً على المرور

يعني حسي عاوز تقنعني إنو النغم الحنين ده نجر اسبوع اسبوعين كدي ؟؟
يا رااااااااااااااااجل ده شغل زول فنان
خصوصاً الوااااااااااااااي الأخيرة :) :)

يا بلـه قالو فى عازف طبلة سليط اللسان
مشى مع فنان لعرس فى منطقة المحيريبا

قامو ناس الحيريبا سرقو الطبلة بتاعتو

وقف فى نص الحفلة واداهم دعـوة كاربة
والدنيا كانت خريف والسماء شايلة

قال ليهم :- انشاء الله يا ناس الحيريبا
هـــوا شـــــــطة ومـــطرة موية نـار ..

يا اخوي فنان واحد ما عندنا
كُلهن من الحلال المجاورة
ما عندك المحمود دا
أسعلو


بس باقيلي المسروق حاجة تانية خالِس



تكون شنو يا ربي


إنتو بتجيبو الكلام دا من وين


هههههه

أيواااااااا... يا بلة وعبد الدائم..

قلبتوها ماسنجر؟؟

هسي أنا يعني أشوف لي موضوع غير البوست دا؟؟


حبابكم والله.. شباب زي العسل..

بوشك
أو
قشة ما تعتر ليك


وحتى لو داير تشارك
تأخد إذن من صاحبي عبد الدائم
أو مني
أو في حالة عدم وجودنا
الاستئذان من الرفاعي حجر (هههههههههههه)

يا اخي الواحد يلقى بيت مقشوش ومرشوش وزيرو مندي
وجبنتو مدورة
لا وفوق دا كمان الهوادة
مزازيك (ميتيش السماعات يا اخي)
وداير تطيرنا مِنو
نقبل وين أنا وصاحبي
الزول داك (الجا أمبارح)
بدقنا
أخير لينا إنتا دا
حنين وبتاع حنان (مزيكا وكدا)
لا وكمان جار



جاري وأنا جاري


يا اخي وينك يا ود سيد احمد
أرح

.. مكرر..

Quote: يعني حسي عاوز تقنعني إنو النغم الحنين ده نجر اسبوع اسبوعين كدي ؟؟ يا رااااااااااااااااجل ده شغل زول فنان خصوصاً الوااااااااااااااي الأخيرة :) :)

هوووووووي يا عمران..

داير تنتحنا عين؟؟

ههههههههههههه

بعدين الواااااااااي الأخيرة دي ياتا فيهن؟؟

أخوك في المكتب والتسجيل ما عندي..وكمبيوترنا هنا "مطوع"..


المهم .. كتر خيرك والله على جيتك الغالية دي..

وتستاهل الضبيحة والله..

كن بخير دائماً..


..>>..

حت شديد..

نفض تقيل..

كاااااااااااااك

وينو "بالّاااا"؟؟


دق الرقم جلا..


الكورس لذيذين جنس لذاذة..

طربانين لما بهناك زاتو..

كاااااااااااااااااااك


الله يدينا أغنية لعبد الدائم دا..عشان تاني تحتلوا بوستات الناس "الموسيقيين"..

محمود دربك مع الكمان اخضر
اتاريك يوم المطرة جليتنا من المغنا
وياقول عبدالدائم منى بحرى دايرة كمنجست
غايتو السويتوها فينا انت وصاحبك جمال السنوسى
ماتمرق الا بفاصل معتبر تب اطارو تباريح الهوى
وتفاصيلو عامرة بنص الخازوق ومطرزة بى ضفاف لمحتك
ياحودة ياخوى غايتو مقطوعتك دى امتنعت وبشدة عن العمل لدينا
يرجى تزويدنا بشريط معتبراو سى دى مذيل بتويقعكم الصوتى الماخمج .

نور يا ود الفحلْ..

كيفك يا زول يا جميل


من سوء حظي طبعاً.. ويمكن من حسن حظك إنها ما اشتغلت معاك..

ههههههههههه


لكن معوضة إن شاء الله "لايف".. ولا يهمك يا حبوب..

أشكرك مرورك السمح

أها .. وقفنا ويييييييين؟؟؟


تشردوا يا بلة وعبد الدائم؟؟

أحيييييي أنا...

المشكلة هشام كمال زاتو ما جانا بي جاي..

وينك يا فنان؟؟

منتظرين المقطوعة البعدها


يا تعلمجى

العزيز جدا مصطفى
ياخى فرحتنى بى اصرارك والتجربة بتاعتك دى حصلت لى زى شهر وقررت اتعلم الجيتار،لفحت لى جيتار ونزلت الفديوهات بتاعة Guitar lessons بتلقاها فى اليوتيوب وقلت ياع،الليلة وصلت لى انو بقيت اعزف حوالى 15 كورد ويا سيد الغناء بالجيتار وناس بى شكل عجيب وجايب لى هوا فى البيت.
بالنسبة للبوست المعنى http://www.sudaneseonline.com/cgi-bin/sdb/2bb.cgi?seq=m...&msg=1290588605&rn=1
بفتكر الدور جاى على آلة الكمان عندنا وبعد دا ممكن الناس يتناقشوا فى الغلوتية دى.
احييك على المثابرة واتمنى اكون زيك ياخ.
خالص الود
هشام

Quote: ..............الليلة وصلت لى انو بقيت اعزف حوالى 15 كورد ............

إنت يا هشام ما حا تبطل استفزاز؟؟

بالطريقة دي .. يوم حا تكتل ليك زول أو تعمل ليهو "عاهة" مستديمة..

أحييك والله.. أتاريك من ضحايا الاستفزاز برضك؟؟

لكن طبعاً زول فنان زيك كدا.. المسألة بالنسبة ليهو بتعتبر مسألة تفوق على النفس..

واكتشاف وتجريب وتركيب موسيقي..

نحن ديل "ناس قريعتي راحت" ديل.. يانا الطالعين منها بوجع رقبة..

الله يستر..

حضورك علامة فارقة في مسيرة هذا البوست..

وبشارة كبيرة بأن القادم أحلى..

أها ننتظر تسمعنا حاجة .. إن شاء الله 3 "كورضات" بس..

طبعا في ناس لذيذين بينطقوها كدا.. وبرضو بيقولوا جيطار..

وبوليص..

واحد ظريف بتاع سربعة.. قلت ليهو الأيام دي كمنجات نضيفة..

قال لي: باللاي؟؟ كمن؟؟ جات ؟؟ جات متين كمن دي؟؟ وحا تضيفوها لمنو؟؟


اعتبرت نفسي غمران.. واحتسبت الأجر عند الله وعملت دهان لرقبتي ..


كن دائماً بخير أيها الفنان الجميل..



..>>..

Quote: منتظرين المقطوعة البعدها

مقطوعة من الراس؟؟

ولا مقطوعة من شجرة؟؟

غايتو الاجتهاد حاصل.. الدور والباقي على وجع الرقبة دا..

لو خلاني ،، ما حا يكون عندي أي مشاكل .. أبشر بالخير..

أغنية بلة كيف بس؟؟

عبد الدائم سيد أحمد.. أختاني بالله..


خلاص هاك أسمع دي وما تكلم زول غير نور الدين الفحل... طيب؟؟






لاقتكم قوة عين زي دي؟؟


..<<..

ما في زول يقترح لينا طريقة لزيادة المهارات؟

أو بالعدم خالص..ألحان مسموعة تصلح لتمارين كمنجة..


ومنها برضو رفعة للبوسطي

صباح الاستفزاز يا فنان



غايتو الأغنية الأخيرة دي
كان ما أخاف الكضب
بتكون (لمن دقيت الرقم)

بس النصيحة
غنية كاربة تب
باقي صدقو فيها
والله أخوك مِجلي جنس تِجلي (ما تَجَلي التانية ديك)
الله لا وراك



يا اخي ما تغني من كلام صاحبك البرير القصير دا
ولا بفتل فيك مصران
وأوعك تقرب من كلامي
خايفو يوديك التوج لوج

ههههههههه

العربي كان فتح يركب البرادو يتعلم الكمنجة
هههه
غايتو اديتني دفعة قوية مع اني نصف طرشاء وشتارة تامة احمد سيدي
الا من دربي دا ماشة اجيب لي كمنجة ( والمافي شنو ) ههههه
وابقى اشهر عازفة نصف صماء ههههه

ـــــــــــــ
بالجد كدا
عجبتني شديد والله

أخ
عوقتيهو يا الجندرية يا اخي
ههههههه

زولنا مُستفز
فوق الداهية الراكبا دي في رقبتا
وغيلا يكون مُستفز في حاجات تانية كمان


وأرح إتي دي زاتك وسويلك كمنجة وكمان وكمان
المافي شنو على قول قرقراوي

وأنا من دربي دا
ماش أشوف لي جركانة
وأنافس ليك جدنا (حجر) في الدلوكة
هههههههه



ويا عبد الدائم ملك مطنشنا يا اخي
وبترمي لي قدام
الماسنجر اللذيذ دا ما عجبك
ولا حردتو بطردان سيدو لينا

علي كيفك
متحكر وهاك يا ونسة
قر

أم يسار..

Quote: غايتو اديتني دفعة قوية مع اني نصف طرشاء وشتارة تامة احمد سيدي

أختاه حاشاك الصمم إن الشتارةَ من طباع العقربِ..

(بيت شعر مشهور للسرباء بن الأجرم الخنسلي وهو شاعر مات في الفرقة بين الجاهلية والإسلام التقول من قطاع الشمال)..لووول..

يعجبوك وليداتك يمة..

والكمنجة تستاهل..


أفرحنا حضوركم..

أسامة صاحبي وين؟؟

التعديل للضبط بالشكل في بيت الشعر

..>>..

يا محمود اقول ليك حاجة
تصدق انو الموسيقار عثمان محى الدين عازف الكمان
اول بداياتو فى اوائل التسعينات مع عمار السنوسى
كان عازف مبتدى واصغر اعضاء الفرقة سنا"

الان شوفو ماشاء الله

يعنى وجع الرقبة حاول تعالجو ولو تتكل على حيطة
ولا تعزف وانت راقد على جنبة .....

يا بله جركانة مياه ( العين ) والله فيها صوت تمتم عجيب

Quote: تصدق انو الموسيقار عثمان محى الدين عازف الكمان اول بداياتو فى اوائل التسعينات مع عمار السنوسى كان عازف مبتدى واصغر اعضاء الفرقة سنا"

غايتو جنس هجايم يا ديمو... قادر الله..

عثمان محيي الدين الوجيه الواحد ده؟؟

وفي أوائل التسعينات كمان؟؟

الوكت داك ..عثمان ما شاء الله عليهو.. الكمنجة كانت تتمنى تتعلمو

موش هو يتعلمها؟؟


أرجوك ما تحاول تستفزني أكتر من كده...


شوف لي أي زول تاني من الناس الطاعنين في السن.. إن شاء الله عبد الفتاح الله جابو..


كلامي دي فيهو أي مشكلة مع تراجي؟؟

..<<...

أووووووووهـ أخونا حسين ملاسي شخصيا هنا؟؟

النصيحة لله..لما شفت اسمك في البوست.. قلت الليلة الله يستر...

قلت حيكون جا لصق لينا كلمتين بالكتير تلاتة..أي واحدة فيهن أصعب من التانية..

جيت لقيتك خاتي لينا تسئيفة محيرة خالص..

ما عرفتها "برافو"... ولا "عفارم"..

ولا - ربنا يكضب الشينة - "سخرية" ..

نظام بعد ما شاب دخلوا الكُتَّابْ ..

حبابك في كل الأحوال يا حسين وأنت رجل ما ساهل والله..


..>>..

اللهم اجلعو خير..

كأني شايف ياسر طيفور أراوند..

إذا كان حسين ملاسي قد اكتفى بالتسئيفة..

أب تفة قال تعالوا أوريكم التشفير الأمو بت أعم أبو..

جابها ليكم بيضاء من غير سوء..


هسي لو فيها جعـ...اط...أو تح...

كان وريتنا مهارات ممتعة..

الله كريم غايتو..

شكراً على المداخلة الغليدة يا ياسر ياخي..


..>>...

ثكلتك الكمنجنة يا محمود.

المقصود الكمنجة!
___
خفت أعدلها في مكانها تجي تقول لي عدلت شنو!

Quote: خفت أعدلها في مكانها تجي تقول لي عدلت شنو!

طول عمرك راجل ذكي وبتفهم في الأصول يا أبو عمار..


..>>..

المافي شنو؟؟

شديت ليك أورغن محمد ولدي وعملت بيهو الخلفية الإيقاعية دي..

آآي أورغن تعبان كدا ماركة "أبو كــلــب" وأي حاجة..لكن برضو ما بطال..


تجريب شديد..

الأغنية زاتها كاسرة فيني قفص صدري من زمان خالص..








الليلة البوست دا حدو القضارف..


المافي شنو؟؟ لا حياء في العلم..

ولّا لا حياة لمن تنادي ما عارف..



..<<..

محمود مصطفى محمود..أرجوك تبطل استفزاز....


هشام كمال
عذرا ماقدرت اصلك جرى السودان شديد ولكن الحمد لله سماع الصوت عبر التلفون برضو جميل يا اخ

دكتور ابراهيم يا فنان

شرفتنا ياخي...


الاستفزاز بداهو صاحبك دا..

قلنا النشوف آخرتا شنو؟؟

وقلنا ليهو تعال أجدع "كورضات" هنا.. ولا عبرنا..


شغال بنظام "زيارة واحدة تكفي" الظاهر عليهو..



شكراً ليك كتير .. ومنتظرين جديدك..


..>>..

العزيز محمود
دى اول محاولة لعمل لحن للقصيدة الجميلة دى لمحمد عبيد الفاضلابى ودى بس بداية اللحن وبيقول

ياصاحية لا ساقط ولا منحد
دى حتة خمشتها من نص القصيدة قلت ابتدئ بيها وعادة دى طريقتى ما بعرف اعمل اغنية من بداية القصيدة يعنى ببدا بالنص ثم اعود للبداية والنهاية.
فيما يخص العزف اعتزر للمستوى المتهالك من العزف على المصيبة دى،واعد بإستمرار التمارين حتى ما اوجع اضنينكم تانى.

الاخ ابراهيم عبد الحليم
الله غالب والجايات اكتر من الرايحات
هشام

معليش ما عرفت اسجل الصوت براهو فأعزرونا ايها السادة

أهاااااااااااااا...

شايفين؟؟

الزول دا ما ناوي يجيبها البر..

صورة وصوت وجلابية وفاضلابي وجيتار؟؟

علي النعمة نحن موعودين بنفس مختلف من إبداعات هشام كمال..

طالما القصة جابت ليها ركوب جيتارات بالطريقة الشايفها دي..

حبابك..

واللحن فعلاً بديع .. وأجمل منه انفعالك بيهو وإحساسك العميق..


عليك الله واصل واصل واصل واصل واصل وااااااااااااااااصل..


كن بخير أيها الفنان الجميل..


محمود


..>>..

هوي يا هوي

محمود صاحبي ده زول فنان في كل ضروب الفن

غناااااااااااااي

ولحاااااااااااااااااان

وعزااااااااااااااف



وانا على قتاعة

حلة عباس الجابت بادي قدام في الفن

ممكن تجيب محمود قدام شديد

لكن محمود ده ما داير يغني

اتخيلو يا ناس

الزول ده في جدة دي

يوم ضرب لي تلفون

قال لي نادوني ناس قتاة ................. (قناة سودانية ما بقول اسمها ليكم) دايرني اسحل ليهم لقاء

قلت ليهو امشي وغني

اها بعد نص ساعة ضرب لي

قال لي مرقت من التسجيل ما داير

اها بالله هسه في كم زول بيغني وبيجري جري عشان يشوف ليهو طريقة يغني في التلفزيون

فرصة جات لي محمود في محله وقال لا

بالله ده ما بعني انه زول فنان وما بيغني من اجل الظهور والتلفزة


واقول ليكم حاجة

انا اول يوم لقيت فيهو محمود ده في لمة بورداب جدة

لقيتو قاعد بيغني بالعود اغنية لمصطفى سيد احمد

طوالي ضربت تلفون للاستاذ الملحن محمد سراج الدين ملحن عارفني منك ووالله ايام يا زمان وتباريح الهوى

(ماداير اقبضكم سراج ده صاحبي شديد)

المهم ختيت الموبيل قدام محمود وهو بيغني


محمد سراج بعد ما سمع قال لي ده مصطفي سيد اجمد

شريط

قلت ليهو لا ده محمود صاحبي


اها غير كده كمان تسجيلات الصوت في الكثير من اعمال الهيلاهوب



وقبلها الغناء في صالة العرض بالاذاعة السودانية

وقت الفن كان فن والسمع كان فن



تسلل:

هشام كمال ازيك ياخي وين الحي بيك

صديقي جمال الجميل




جاييك بالدرب يا حبيب..


وطبعا لا تعليق على مداخلتك المدوعلة دي..

عندك الرسيت لسة؟؟

يا سلااااااااام...راوية أباسي هنا ؟؟

Quote: عندك الرسيت لسة؟؟

بالنسبة لشنو؟؟

أو كما يقول الفنان الجميل الدكتور فيصل أحمد سعد ..


والله ما فهمت حاجة.. لكن للضمان كدا.. حبابك ومنورة البوست..




..>>..

يعني مافي أمل؟؟

حد يقول لينا يا جماعة..


..<<..

أها أنا ماشي البيت...


تخميناتكم .. اللحن القادم شنو؟؟

Quote: عندك الرسيت لسة؟؟

يا محمودنا
راوية لم تأتِ لحوار، فقل لها سلاماً سلاماً،
فهي من الذين واللاتي قال فيهم إليا أبو ماضي:
أترى الشوك في الورود وتعمى ..
أن ترى فوقه الندى إكليلا !!
والذي نفسه بغير جمال لا يرى
في الوجود شيئاً جميلاً ..
___
الزولة دي قالت ليك: رجع الكمنجة وأخلص قروشك

والله حرام عليك يا أبو عمار..

Quote: والذي نفسه بغير جمال

ياخ قول كلام تاني..

إلا راوية.. حاشاها..

أنا معاها.. لكن لسه بدري على الأحكام..

ثم إنه ياخي من حقي أعمل رايح..أو حتى غمران..موش؟؟

ثم ثالثاً.. أنا عايز ناس يستفزوني أكتر..

حبابك وحبابها والله في وقت..

والله قاعد أضحك ضحك شديد..

لما أفسدتوا علينا التمرين..

قال ريسيت قال..


كاااااااااااااااااك..


..<<..

Quote: ثم إنه ياخي من حقي أعمل رايح..أو حتى غمران..موش؟؟

تروح وين يا محمود في بورد كلو جي بي اس..
___
وكثيرون منهم ( )!

Quote: منهم ( )!

أميُّون لا يعلمون الكتاب إلا أماني؟؟؟

غايتو ياسر دا لما يقوم على التشفير.. هو زاتو قاعد يروح..

الوجع الـ...

___

تعال قول لي عدلت شنو ..
..>>..

بعد نقراش


بقيت حشاش ؟؟

بغير جمالن ياشين
أستاهل القعدت سمعت ليك غناك قبل كدا وشجعتك







__________
طبعا لم آت لحوار
الناس كلهم يشكروا فيك يشكروا فيك
قلنا ننزلك لارض الواقع شوية
لكن بالجد يجي منك
على الاقل أحسن من رجا أختي القعدت شهر كامل ماتعزف غير
عطشان تعال أشرب
والا تقولها لينا بلسانها حتى نعرفها

Quote: على الاقل أحسن من رجا أختي القعدت شهر كامل ماتعزف غير عطشان تعال أشرب والا تقولها لينا بلسانها حتى نعرفها

التحية للمبدعة رجا العباسي سليلة المبدعين العظماء...

والتي لولا تخرصات (البعض) وظلم ذوي القربى ،،

كان زمانها تعزف زاد الشجون وجميلة ومستحيلة..


يا راوية الجبل..

مداخلاتك تخدم المصالح العليا لهذا البوست..

فنرجو المزيد..



مافي غير المودة والاحترام..

..>>..

أها عاينوا دا..

Quote: بعد نقراش بقيت حشاش ؟؟

كمان جابت ليها مجانين..

الله يخلف علينا غايتو..


فاورق.. إزيَّكْ ياخي.. وسمدلالك بالحلامة..

ومخطوب البروكة وربنا يخمم على تير..


ما حشاش ولا حاجة.. قاعد أتعلم ياخ..

قاعد أطلب العلم وقد بلغت من الكبر عتيا..


..<<..

ياخ والله أنا البوست دة عجبنى جنس عجب

لانو لى سنين عددا بحلم أنى أتعلم أعزف عود (ناس البيت كلهم بضحكوا, والحاجة عندها رأى أنو دة كلام فارغ)

مع انو عندى ثقة أنى كان مسكتوا ود اللمين مايحوشنى.

يامحمود فى حاجة أسما tuner , تلقاها فى محل الإكترونيات , جيبا وصلا مع الكمنجة بتظبط ليك الأوتار دى لآمن تآمن .


الليلة دى ح أمشى اشترى عود .

Quote: يامحمود فى حاجة أسما tuner , تلقاها فى محل الإكترونيات , جيبا وصلا مع الكمنجة بتظبط ليك الأوتار دى لآمن تآمن

أهم حاجة يدوني معاها (رسيت) موش؟؟


حبابك ندى عثمان بت كبوشية..

هيييع..

نحيي فيك هذه الروح الوثابة..

ونحثك على استخدام لغة البوست...

يعني مثلاً:

بدل البوست ده عجبني..تقولي استفزاني..


العود آلة حميمة جداً.. ونحن في الخدمة..

نرسل عود مع (الرسيت)؟؟



كوني بخير..وحبابك تاني وتالت.


..>>..

*حضرتْ الموسيقى وغاب الصوتُ*

في أمسيةِ استعادة مصطفى سيد أحمد الحاضِر
استمعنا لموسيقاه وفشل الكثيرون في
تقمص (تراتيل الشجن) الشاهِقةِ في صوتِهِ
فأرهقنا النشاز...






حليلك يا ود حِلة عباس



أنا وين
دا مش بوستيني...!!


ما تجي تقول لي (تلاتة) بالله عليك

Quote: ما تجي تقول لي (تلاتة) بالله عليك

طب تلاتة بالله العظيم إنك لذيذ..

احتلالك للبوست زاتو منتهى اللذاذة..

والله يا بلة كان وما يزال هناك ترتيب لإحياء ليلة ذكرى مصطفى سيد أحمد

الموضوع داير دفرة من الجميع..وخسوساً.. الطيب برير وشلة (المسغفين) الكبار

ناس دكتور بشرى الفاضل وشخصك الجميل..


يا جمال السنوسي..

عملتوا لينا شنو في الموضوع دا ياخي؟؟


..>>..

يحول موضوع (سعافتي) المفترضة
إلى العزيز جمال السنوسي
مع الشكر الجزيل



هههههه
قال (مسعف) قال
حسا عليك الرسول اللماني جمب ناس بشرى والبرير شنو؟



عالم تدخل محلات ما محلاتا
وتقول كلام ما ياهو


أمرق يا اخينا شوف ليك محل تاني غير دا
أنا كفيل ببوستيني
كان ربك سترنا من فليق (حجر)

هههههههه



بس معاكم قلباً و.......

بلة..

نرفع ليك البوست دا حبة..

وأجرنا على الله..


بالله نسقوا لينا حكاية حفلة مصطفى دي..

أهم حاجة قبل نهاية النصف الأول من فبراير..

تمام؟؟


..<<..

مشكور يا الحبيب
نجيك في السمح
يا رب


وكيفنكم مع المطر

بلة يا بلة..في المطرة انبلا..


هاك دي مع نسخة لرجاء العباسي..

عشان تآمن..







عن نفسي..حاسي بتقدم واااااااااضح..ونغماتي على أنضف وأكثر جرأة..

(جرأة عند اللزوم؟؟) خخخخخخخخخخخ

التحية للشاعر الأنيق عبد العال السيد

وألف رحمة ونور على الحاضر مصطفى سيد أحمد


..>>..

مع محمود

نقيم ليالي بالكمان والعود

ويعزف لينا الرايع المنشود


ازيك يا صديقي وحشات كتيرات

Quote: ازيك يا صديقي وحشات كتيرات

إزيك إنت دا يا خليل ياخي...

وينك يا راجل؟؟


يعني نقعد ننتظر الدوري والبطولات الأفريقية حتى نستمتع بشوفتك؟؟


مشتاقين والله رغم الأمطار..


حفظك الله أيها الصديق الجميل..


..<<..

تنويه هام...


الألحان من هنا ولقدام إن شاء الله ح تكون "وطنية"..


تماشياً مع الروح السائدة والمزاج العام..


ابن عم كل من النظام العام والمظهر العام والصالح العام..


..<<..

Quote: تماشياً مع الروح السائدة والمزاج العام.. ابن عم كل من النظام العام والمظهر العام والصالح العام..

Laugh Out Loudly
LOL


..<<..