دوبااي مع الراكز الضو - عزام حسن فرح - العشاري الفي دميرتو يخوجل

الزول السمح والفرقان تشكر فيهو
خاتي العيبة وعماتو بالشبال ترميهو
راكز وسط الدارة وسوط العنج يقيل فيهو
شن فايدتو لو ما لي بنات عمتو رمي ضلو يقيلن فيهو

ركاز القبيلة الضو الليهو ركزن الحكامات وغنن
ود ام خدودن الشقنقا الشلوخ وورمن
ابوهو من الصعيد جاب الاسود في قيدن يتُرن
حررم ماك اخو البنات العليهن ولاد عمك يعرضو ويبزن...

مكرر

ود عمي البيهو افتخر واباهي
سيد الناس البيهو سوطي يجاهي
الود الفحل الفي الكلام امر وناهي
ليك المعزة اللي لراسي رافع وبين القوم بيهو اضاهي

التمساح العشاري منها الفطيسة انعاف
صيدتو واردة مويتو دمها بحمرة نزّاف
ان كرّ فد مرة بيجيب الحُمر تنزاف
الراكز وسط الفرسان وقلبو ما عرف كيف بيخاف

....

تحياتي يا حيدر

عزام رجل يستحق التقدير

Quote: تحياتي يا حيدر عزام رجل يستحق التقدير

ليك التقدير صديقنا عمر عبد الله
وانت تستحق الاحترام والتقدير يا عزيز


سوق سواقتك وانساك من البائسيين ديل علاجهم بالكي بس

مودتي

اخو البنات ظاااهر ما دايرلو بصارة ..
بتعرف سماتو بلا تلبس لك نضارة..
حمرة عينو واضحة بتوقِقد شرارة..
تلقاهو وسطها وقت الخائب ينحاشى الدارة ...

قال ودالزين:

Quote: الزول السمح والفرقان تشكر فيهو خاتي العيبة وعماتو بالشبال ترميهو راكز وسط الدارة وسوط العنج يقيل فيهو شن فايدتو لو ما لي بنات عمتو رمي ضلو يقيلن فيهو

قُتْ:
السمعوهو الشُكُر الشاكِر تراهـو أسمح مِنو
ودالزين حديد وغالِب طبعو كابْ عسلو ومِنو
رب العباد زح إبْليس بِفضْلو بس براهو ومنو
سوا عوايِد أهلو فوقي دون يِظْهِرْ فضلو ومِنو

Quote: السمعوهو الشُكُر الشاكِر تراهـو أسمح مِنو ودالزين حديد وغالِب طبعو كابْ عسلو ومِنو رب العباد زح إبْليس بِفضْلو بس براهو ومنو سوا عوايِد أهلو فوقي دون يِظْهِرْ فضلو ومِنو

ابليس خاب وآدم رب العباد حفظو..
ولادو مسكو العهد وبيهو انحفظو
ظن اخوة قابيل انهم ليهو بيلفظو
علا الظن خاب ونحن بحق هابيل بنحفظو

ودالزين غنا وقال:

Quote: ركاز القبيلة الضو الليهو ركزن الحكامات وغنن ود ام خدودن الشقنقا الشلوخ وورمن ابوهو من الصعيد جاب الاسود في قيدن يتُرن حررم ماك اخو البنات العليهن ولاد عمك يعرضو ويبزن...

الغُنا سِمِح فوق الجامِع الأصول الشَرَعْ وسَنَن
ودالزين الحاكا المُبردُ جلى الحديد وسنن
قايمين كُبااااار ما فيهم صغير كسر وسَنْنْ
ساكْناهُم بِلاد يِمه.. والجوهِن وفاتو.. جَنْن

ودالزين قال نَمْه

Quote: ود عمي البيهو افتخر واباهي سيد الناس البيهو سوطي يجاهي الود الفحل الفي الكلام امر وناهي ليك المعزة اللي لراسي رافع وبين القوم بيهو اضاهي

ونميت نمه:
الزارعو القُرير عودو مو مرخي وواهي
ياني ود عمك وخالك ماني غافِل وساهي
بِحْكولْنا الكُبار عن أيامكُم والدواهي
يمه ود عمي بتوجعلو وأإنْ وزِم وآهي

ود الزين في مربعتو قال:

Quote: التمساح العشاري منها الفطيسة انعاف صيدتو واردة مويتو دمها بحمرة نزّاف ان كرّ فد مرة بيجيب الحُمر تنزاف الراكز وسط الفرسان وقلبو ما عرف كيف بيخاف

وسويتلي حتو مربوعو:
عودك مِن كريم لا لَيِن ولا ناشِف وجاف
رايِس الجميع الجد سموهو ميمًا وكاف
يضبح الشايِل وتسمع يقول هذا غَير كاف
يِمه ودالزين عديل في قولو ما بِخاف

قال ود الزين:
اخو البنات ظاااهر ما دايرلو بصارة ..
بتعرف سماتو بلا تلبس لك نضارة..
حمرة عينو واضحة بتوقِقد شرارة..
تلقاهو وسطها وقت الخائب ينحاشى الدارة ...
ــــــــ
أنا قلت:
البِشوف كرمو يِقول بتمحق مالو البوارا
الحق بقولو عديل صباح ما بِقولو موارا
بِحِل عُقدة البوش الكتير الإنشبك بدبارا
الحظ والسعد والراي يتْبعو ضُلاً مبارا

غناكم سمِّح وزين يا ود فرح ويا زين
يحفظكم رب كريم وما يسلط عليكم عين
يستركم ويجمع شملكم ويبعد الحاسدين
هذي التحية ليكم، وقطعاً، تشمل المارين

Quote: غناكم سمِّح وزين يا ود فرح ويا زين يحفظكم رب كريم وما يسلط عليكم عين يستركم ويجمع شملكم ويبعد الحاسدين هذي التحية ليكم، وقطعاً، تشمل المارين

هييييييييه
جاء ود وراق وليك ياعزام شكر
قال فيني حديث فيهو اشوف وادبّر
الوراق رجلٌ فيهو يحق التدبُر
بس لي عليهو مآخذ ارجو انك وسطنا ما تتحكر

يا الشفيع قبلها قلت عني مجهول
واني اطلش ما بعرف شن القول
قلتلك تلفوناتنا بينا هي الرسول
صنيت اضنيك عشان ما ترجع لي القول

Quote: يا الشفيع قبلها قلت عني مجهول واني اطلش ما بعرف شن القول قلتلك تلفوناتنا بينا هي الرسول صنيت اضنيك عشان ما ترجع لي القول

موضوعك صعيب ما بينقضي بجوال
مرحبتين حباب قلنا اركب تعال
نشوف بالعين ونفرح ونهني تم الفال
جرجرتك ما بتفيد نتمنى راحة البال

Quote: جاء ود وراق وليك ياعزام شكر قال فيني حديث فيهو اشوف وادبّر الوراق رجلٌ فيهو يحق التدبُر بس لي عليهو مآخذ ارجو انك وسطنا ما تتحكر

زحيت ود فرح عشان فيني تتأمر
عزام زول حكيم ما شفنا ليهو كِبر
ما شفنا فيهو بطر حتى لو شكر
ماشي الدوام هسه وما اظن ح اتأخر

Quote: البِشوف كرمو يِقول بتمحق مالو البوارا الحق بقولو عديل صباح ما بِقولو موارا بِحِل عُقدة البوش الكتير الإنشبك بدبارا الحظ والسعد والراي يتْبعو ضُلاً مبارا

السعد هيلك وبي مثلك نتخطي ونتبارا
ود الملوك الرايو مسموع ماهو محتاج دُبارا
قلت السمح و البين ونحن بيك نتبارا
ولاد العلوج لحقوك ظانيين يحوقو فينا دبارا



ـــــــ
ملحق
حررم ما بنسلمك للعُلج راسنا دون جتتك كفااارة

Quote: غناكم سمِّح وزين يا ود فرح ويا زين يحفظكم رب كريم وما يسلط عليكم عين يستركم ويجمع شملكم ويبعد الحاسدين هذي التحية ليكم، وقطعاً، تشمل المارين

كل التحايا والتقدير لكم جميعا

السبب الحماني أبارِح أجُر معاك النم
شاغِلْني الهويش السافي التُراب لِلفم
سِعْرو أكْله وكسْوة وسِعر الرُجال بِالدم
بعد الطلاق يا زول الخُموش فوق كم؟

ود وراق

Quote: غناكم سمِّح وزين يا ود فرح ويا زين يحفظكم رب كريم وما يسلط عليكم عين يستركم ويجمع شملكم ويبعد الحاسدين هذي التحية ليكم، وقطعاً، تشمل المارين

حباب النيل الفاض الما بِسو الشين
حباب الوشو صباح العيد مو بِوشين
يكْفينا رب العِباد مِن الغُراب البين
إتْلمو الصالِحين في قُرير ود زين

"إن حضر إسم النوبه..فمن المؤكد أن تتبعه بعض الإستدعاءات السطحيه التى صارت حفريات راسخة فى مخيلات المصريين,مثل(الناس السمر الطيبين.الناس المترابطين ذوى الزحام فى أعراسهم المنعشه والمحتشدين فى أحزانهم, ذوى الملابس البيضاء والمزركشه, والذين تقدم رقصاتهم اللينة وتنقش على وجوه الراقصين والراقصات الإبتسامات البلهاء التى تؤكد سطحية العقول وبدائية التحضر. سفرجية و طباخى وبوابى الأيام الخوالى)
حجاج حسن أدول, البواب والروائى والناشط العظيم.

من كتاب (أدباء نوبيون ونقاد عنصريون)
تقول لى جنوبيين وغرابه يا المؤرخ العظيم عزام؟
سيب النم والدوباى, لأنهم ما خايلات فيك, وقولك فيهم يعانى الضعف فى المخيلة والركاكه, فتش عن اهلك البتاباهم فى جبال النوبه ودارفور, لو إنت صحى نوبى. ولو كنت بتتلصق ساكت عشان"بترطن', فعوس عواستك...ونعوس معاك.
المحيرنى النوبيين أدب وفهم, إنت غواصة ولا شنو؟.

بعدين الحاجات دى ما بالمصاهره, بفطرة الله والرسول دى.

http://www.youtube.com/watch?v=tOcbujqCvnE&feature=player_detailpage

إهى إهى.

الـلـيـة الـقـلـب شـالـو الـفـرح ضماهـو
ودالـزيـن مـدح خـيـة وبـالـدرر نـمـاهـو
وعـــزام بــرق رص الـقـصيد تـمـاهــو
الـود يــدوم وشـيـن الـكلام نـنـســاهـو

محي الدين أبكر سليمان

إنت زِعِلت ولا شنو؟
ـــــــــ

Quote: بعدين الحاجات دى ما بالمصاهره, بفطرة الله والرسول دى

أهو بتكتِب بِالعربي! ومُسمي ولدك [سامي] مُبااااالغة لكِن يا ود أبكر.. طَيِب نفترِض إنو الإسلام مُتأصِل فيك، عليك ياخ بأسماء الصحابة.. سامي ده إسم عربي.. وبعدين والله ما خايِل.. يعني بفْتقِد لِلجرس.. شوف [سامي أبكر سُلَيْمان]


الفرق بيني وبينك، إني أنا بقيف وسط الدارا وأقول [أنا نوبي] إنت بتقدر تعمِل كِده

إت يا المبروك ماك عارف إنو العربى اتفرض على أبو أهلنا عشان العلام زيكم؟
أزعل من شنو؟
وازعل فوق شنو؟
أقيف وسط المومياوات وقول كلامك ده, واتحداك لو تكون شبهم.

محى الدين ابكر سليمان

Quote: إت يا المبروك ماك عارف إنو العربى اتفرض على أبو أهلنا عشان العلام زيكم؟

طَيِب ما أهو أبا "أبكر" و"يعقوب" و"آدم" و"هارون" و"تلفون" و"كوكو" إتْجاوزا مرحلة العربي الفارِض حاجاتو.. يا زول [سامي] مُمِْكِن جِدًا يتعقد بعدين.. إنت عاوزو يتعقد.. ياخ خليك منطِقي، [سامي أبكر] مُمْكِن ما تقدر تفرِض عليهو ياكُل كَـوَلْ، لكِن إسمو الحايِم بيهو ما بتديهو خِيارات كتيره.. لأن المفروض يا أخ محي الدين الزول يِكون مُتوافِق مع < ... رَكَّبَكَ> الإنْفِطار 8 علشان يقدر يِسْتمِر

محى الدين ابكر سليمان

بِخصوص الفيديو الجلبتو بِفوق، ووصف النوبِيين بِالبوابين والسفرجِية والطباخين، الحِكاية ده ما بتْسئ أي نوبي، بل هي مفخرة لنا والله والله والله، لأنها أعمال شريفة، وفي النور، مِتِل -مثلاً- إنو انا بتذكر إنو في الشعبية بحري أكان أعمال شيل جردل فضلات البشر، يقوم بِهِ مَن هُم مِن جِهاتِك، لغاية ما أصدر نميري مرسوم جمهوري بِإلغاء هذِهِ المِهنة، لِعدم إنْسانِيتِها، بِالرغم مِن إنها عمل شريف.

ونظرة المِصرِيين لِلنوبِيي أسوان خاصةً والنوبِيين عامةً، لها ما يُبرِرُها.. بعانخي وترهاقا وشباكا السوهو فوقُمْ مو هَيِن تاااب، وكُتُب التاريخ التي لا تُدرس في مِصر بتقول كِده والإنجيل برضو بأكِد كِده.. ودي شوية كُتُب لو قريتا مُمكِن جِدًا تجعلُني قبلتُك:-

(1) الشرق القديم - الدكتور عبد العزيز صالح
(2) حضارة مصر القديمة وأثارها - عبد العزيز صالح
(3) أبو سمبل معابد الشمس المشرقة - الدكتور زاهي حواس
(4) تاريخ السودان القديم - الدكتور محمد ابراهيم بكر- متوافر في مكتبه الانجلو المصرية
(5) مصر وبلاد النوبه - وولتر إمري - القاهره 1970
(6) تاريخ إفريقيا العام - جمال مختار وآخرون - المجلد الثاني - حضارات إفريقيا القديمة - اليونسكو 1985

سلامات ود الزين

عزام زولا سمح بالحيل والله

ويستاهل كل القول السمح وكلنا نعتز ونفتخر بنوبيته

الاصيله...سلام وتحيه ليك ولى ود فرح وكل المرور الكرام

كبيرنا البروف/ عبدالرحمن إبراهيم محمد قال:

Quote: الـلـيـة الـقـلـب شـالـو الـفـرح ضماهـو ودالـزيـن مـدح خـيـة وبـالـدرر نـمـاهـو وعـــزام بــرق رص الـقـصيد تـمـاهــو الـود يــدوم وشـيـن الـكلام نـنـســاهـو

إتْ الدَرت البِجينا الأبوه البخيت سماهو
بِطيب السليم* بِشوفك ومِنو يِروح سماهو
الباشندي كسا اللرِض ومِنو السعيد شماهو
بريدو ود القبيلة وبريد نِسْبتو وعماهو



ـــــــــ
السليم: الملدوغ

Quote: عزام زولا سمح بالحيل والله ويستاهل كل القول السمح وكلنا نعتز ونفتخر بنوبيته الاصيله...سلام

شكراً لدن جعفر ما قلتي الا الحق..

ـــــــ
حسُن عزاءكم

ما تشطح يا المبروك
سميت ولدى على إسم ولد الطبيب القبطى فى كوستى, جرجس,ابوى بيحبو وليهو دور كبير فى انى اكون بتلادح معاك هسع, اكون حى يعنى, وانا بحب ابوى. ولدى البعدو اسمو ابكر, انت قايل بنخجل من اسم البطل ده؟
ولمعلوميتك, سامى بيحب الكول, والعصيدة الما خمج.
بالمناسبة ما علقت على كلام حجاج, رايك شنو فى رواياته؟

ندمان البقول فوق عزي دون الناس
وندمان البقول لأخوهو واطي أساس
الناس من جمع المولى كرم وواس
عيفوهو التعنصر ورفعة الأجناس

السودان وطن فيهو الأصول متشابكه
خلطه كريمه لي كل المكارم لابكه
ريح العنصريه يمين كريهه وفاتكه
فرتقت البلاد جابت القضايا الشائكه

يا أمير فتحى
كلامك ده بيدخل فى النخاشيش
ودوباى راسو عدييل
سمح...
الا كلم نسيبك ده...ما يفلق راسنا.

أمير فتحي

Quote: السودان وطن فيهو الأصول متشابكه خلطه كريمه لي كل المكارم لابكه ريح العنصريه يمين كريهه وفاتكه فرتقت البلاد جابت القضايا الشائكه

السودان مِتِل ما قُتْ وإتْ أخوي يا أمير
وماني فوق درب العُنْصُرِية نافِخ كير
الداني جمرتي حبلي فوقو وبسيهو أجير
في السماالبلد البدعوها صُغارا تطير

ود أبكر

Quote: يا أمير فتحى كلامك ده بيدخل فى النخاشيش ودوباى راسو عدييل سمح... الا كلم نسيبك ده...ما يفلق راسنا.

بقيت شغال عِلاقات عامة.. هههه

(الغرابي) زول في عزو تب مخبور
ديل أحفاد ملوك ناس أحمد المعقور
أوو المهدي ساعة الحاره كان منصور
إن درتا الدليل أنزل ربوع دارفور

___________________________________________________________________________
دي ليك يامحي الدين ...قرايبي حيدر وعزام بديكم حقكم برضو عشان تهدو اللعب شويه

المهدي الكريم وحد بلدنا وساسا
جدودك يالأصم فوق (أم طليح) فراسا
قصدي عيال جعل دخلو المعارك وباسا
عطلو للعميل شرب الهزيمه وكاسا

___________________________________
ودي ليك ياود الزين...هييييييع

يا محيو الدين ابكر :

الجا الاروش مشيهو باين فيها
جلابية العيد بالعـفـانة ماليها
يخوجل والشتارة تب سيداً ليها
تلقاهو وسط الصلاة يظرط وقـ... ساديها

ــــــ
تعديل الشخبطة

عزام الكريم ود المحوس وقريش
ناس العركه والحوبه وقيادة الجيش
نصرو المصطفى زي البنولو عريش
ديل ناسا كرام ديل زيهم مافيش

___________________________
عزام كفااااك ولا نزيدك

الليـلـة الـكـلام خـليـتـو لـيـك يـاأب جـيـهـه
فـتـحى الـحكيـم أبـيـاتـو مـافـى شــبـيـهـا
بــطـرانة الـبـطـون رب الـعـباد يـشــفـيـها
ويــدوم عـزالأهــل فـى دارا تـبـيـت فـيـهـا

Quote: لـلـيـة الـقـلـب شـالـو الـفـرح ضماهـو ودالـزيـن مـدح خـيـة وبـالـدرر نـمـاهـو وعـــزام بــرق رص الـقـصيد تـمـاهــو الـود يــدوم وشـيـن الـكلام نـنـســاهـو

عبد الرحمن ابراهيم:

حبابك التلب القلبو ماهو الرهيف..
البروف الفي قيفو طالب العلم يقيف
ابليس ظنّ البيني وبين عزام رهييف
علا وريناهو فرق العصا من السيف

Quote: المهدي الكريم وحد بلدنا وساسا جدودك يالأصم فوق (أم طليح) فراسا قصدي عيال جعل دخلو المعارك وباسا عطلو للعميل شرب الهزيمه وكاسا

امير فتحي :

حبابك يا الخير جيتنا يا الراسي
امير البلد البيك رفعت راسي
قلت قولاً سمح غلبني فيهو اواسي
كلامك عين العقل يجبر الخاطر ويلين القاسي

يا أمير فتحى
لو علقت تانى, نسيبك المتنطع ده حيطلعنى حاجه تانيه.
كتر خيرك يازول
وقول لى نسيبك ده, نضميوه ده خارم بارم, ويختانا, عشان لحمنا مر...

شكلنا حنهبل ف البوست ده.
نوبى وعباسى؟
هو إحنا هنلائيكم فين وفين؟

Quote: شكلنا حنهبل ف البوست ده. نوبى وعباسى؟ هو إحنا هنلائيكم فين وفين؟

محيو الدين ابكر:

العبيط سأل الناس قال فيني هبالة
اتحيرو كدة كيفن يردو العِبارة
العبيط قدامن ومن خشمو جارية الريالة
الا حكمة الجدود الاهبل ما بيؤاخذو الرِجالة

...

عزيزي حيدر الزين لك التحايا مجددا

الاخ عزام فرح مشاركاته في البورد قيمة ومفيدة ولكنه يجنح في مرات الى العنصرية اتمنى ان يعتذر عن ذلك او يتخلى عن مثل هذه الكتابات التي لا تضيف له شيئا ان جودها برصانة مقدرته النحوية ودعمها بالادلة والبراهين بقدر ما تكون خصما عليه ....فالواجب ان ينطلق في كتاباته من انسانيته التي تجلب له المحبة من الاخرين....

ود أبكر

Quote: سميت ولدى على إسم ولد الطبيب القبطى فى كوستى, جرجس,ابوى بيحبو

طَيِب مُش كان أولى تسمي ولدك [كوستا] بِإعْتِبار إنو لمتكُم بعد شتات!

ياخ ايه الفوضى الخلاقة دي.. غرباوي يِنقِذو قبطي.. يسكُن في كوستي.. يسمي ولدو [سامي].. بِقول إنو العربية لُغة مفروضة عليهو فرض وبعيبني إنو بكتِب أنا بيها.. ايه ده.. ايه ده
ـــــــــ

Quote: وليهو دور كبير فى انى اكون بتلادح معاك هسع, اكون حى يعنى, وانا بحب ابوى.

دي مِن الأخطاء الحصلت في خط الإسْتِواء.. أفتكِر حركة الطبيب القبطي دي بتدخُل في كَوْنو إن <... اللهُ خَيْرُ الْمَاكِرِينَ > آل عِمران 54

ود أبكر

Quote: شكلنا حنهبل

السؤال البِفرِض نفسو بِقُوة في ها المرحلة المِفْصلِية مِن تاريخ العمود: هل في إسْتِطاعتُك شئ خِلاف هذا؟!

عُمر عبدالله فضل المولى

Quote: يجنح في مرات الى العنصرية

ده كلام بنْقال دون دليل.. مُمْكِن تقتبِس لي كلام أنا كتبتو إنت شايِف إنو عُنْصُري.. انا مُنْتظِر

ود الـزيـن سـلام مـاقـلـت إلا الـخـيـر
إنـت الـصـقـر فارد الـجـنـاح للـغـيـر
داقش الـسـمـا خالى الـجقـر فى الـبـيـر
لامى الـتـمام تبـنـى الـعشـوش للطـيـر

غايتو يا عزام عناوين كتبك دى ما تلزمنى...انت قايلنى قاعد فى مصر دى ببيع ترمس؟
يازول كلامك وصل, لكن ما تقشر بى حتة اللون الترك"وازى " ده.
ولينا طولا من ضهور خيولا.

عزام
أسد هنا, فى جنوبك وشرقك وغربك, وعبد نوبى على قول المثل؟
احرجت ابو اهلى بفهمك المبتسر لقول ادول. شفت المومياوات؟ شلك عديل...انت من ياتو ? شركس؟

بروف/ عبدالرحمن
كيف حالك؟ علك طَيِب

Quote: لامى الـتـمام تبـنـى الـعشـوش للطـيـر

قال ليك في إجْتِماع مِن إجْتِماعات "الإتِحاد الإشْتِراكي" قام جنوبي يِشكِر في نميري، قال ليهو:
- نِميري إتْ زي الديك

نِميري بدأ يِزبِد والحركة في المنصة إتْكركبت.. قام الجنوبي شرح كلامو قُبال ما أب عاج يِتْعاور:
- ونِهنا سِوْسيو صُغار، ندخُل تِهِتْ جناحو بِتاع إنتا

تشوف نِميري الإبْتِسامة لِحقت إضْنيه

ود أبكر

Quote: لكن ما تقشر بى حتة اللون الترك"وازى " ده.

ما تكفُر يا زويل..الله أعلم حَيثُ يجعل النُطف...


بعانخي جَدي القديم وأحمد تراهو في وشي
بِعِدْ في جودوي عشْرين وبِأُمي بمْشي بِوَشي
معروف بِيوتنا يا العِزة مني ما بتْطِشي
يِدْني المِتْلك مِن تقْنتي وتاكُلو في طَشي

عــزام أخــوى رد الـهـجـوم خـلـيـوه
إت الــعـلـم فـهمانـه مـالـك لــيــه
ورى الـخـلـوق زيــنـة سـموك بـيــه
خـلـى البـيـغـلت ربـى يحـكـم فــيـة

ود أبكر

Quote: وعبد نوبى

هسع أكان قُلت ليك "إنت عبد" بتْفنجِط إنت وناس بِكيلو بِإتْنين.. ما علينا.. الحِكاية دي ما بتأثِر فوقي، على الأقل "شكلي" ما بِدُل على كِده.. وبرضو "المقريزي" عِندو رأي تاني.. نشوف قال شنو:

نص المِقريزي المشهور بِمُعاهدة البقط:-

1-
( أ) عَهَد مِن الأمير عبدالله بِن سعد بِن أبي سرح لِعظيم النوبة ولِجميع أهل
مملكتِهِ .
(ب) عَهَد عقدهُ على الكبير وعلى الصغير مِن النوبة مِن حد أرض أسوان إلى حد أرض عَلَوة .

2- إن عبدالله بِن سعد بِن أبي سرح جعل لهُم أماناً وهُدنة جارِية بَينهُم وبَين المُسلِمين مِمن جاورهُم مِن أهل صعيد مِصر وغَيرِهِم مِن المُسلِمين وأهل الذِمة .

3 - إنكُم معشر النوبة آمِنون بِأمان الله وأمان رسولِهِ مُحمد (ص) على أن لا نُحارِبكُم ولا ننصُب لكُم حرباً ما أَقِمتُم على الشرائِط التي بَيننا وبَينكُم .

4-
( أ) على أن تدخُلوا بِلادُنا مُجتازين غَير مُقيمين فيها ، وندخُل بِلادُكُم مُجتازين غَير مُقيمين فيها .
(ب) وعلَيكُم حِفظ مَن نزل بِلادِكُم أو يطرُقَهُ مِن مُسلِمٍ أو مُعاهِدٍ حتى يخرُج عنكُم .

5 -
( أ) وإن علَيكُم ردُ كُلِ آبِقٍ خرج إلَيكُم مِن عبيد المُسلِمين حتى تُرِدوهُ إلى أرض الإسلام .
(ب) وعلَيكُم رد مَن لجأ إلَيكُم مِن مُسلِمٍ مُحارِبٍ لِلمُسلِمين وأن تُخرِجوهُ إلى أرض الإسلام ولا تستَميلوا علَيهِ ولا تمنعوا عنهُ . ولا تعرضوا لِمُسلِمٍ قصدِهِ وجاور فيهِ إلى أن ينصرِف عنهُ وعلَيكُم كنسِهِ وإسراجِهِ وتكرِمتِهِ .

6 - وعلَيكُم حِفظ المسجِد الذي إبتناهُ المُسلمون بِفَناء مدينتِكُم ولا تمنعوا مِنهُ مُصلِياً .

7 - وعلَيكُم في كُل سنةٍ ثلاثمائة وسِتون رأساً تَدَفعونَها إلى إمام المُسلِمين مِن أوسط رقيق بِلادِكُم غَير المُعيب ، يكون فيها ذُكران وإناث ، لَيس فيها شَيخ هرِم ولا عجوز ولا طِفل لم يبلُغ الحُلُم ، تَدَفعون ذلِك إلى والي أسوان .

8 - ولَيس على المُسلِم دفع عدوٍ عرض لكُم ولا منعِهِ عنكُم مِن حد أرض عَلَوة إلى أرض أسوان .

9 - فإن آويتُم عبداً لِمُسلِم أو قتلتُم مُسلِماً أو مُعاهِداً أو عرضَتُم المسجِد الذي إبتناهُ المُسلِمون بِفَناء مدينتِكُم بِهدمٍ أو منعتُم شيئاً مِن الثلاثمائة رأس والستين راساً ، فقد بَرِئَت مِنكُم هذِهِ الهُدنة والأمان وعُدنا نحنُ وأنتُم على السواء حتى يحكُم الله بَيننا وهو خَير الحاكِمين .

10- وعَلَينا بِذلِك عهدُ الله وميثاقِهِ وذِمةِ رسولِهِ مُحمد (ص) ولنا علَيكُم بِذلِك أعظم ما تدينون بِهِ مِن ذِمة المسيح وذِمة الحوارِيين وذِمة مَن تُعظِمونهُ مِن أهل دينكُم ومِلتِكُم . الله شاهِد بَيننا وبَينكُم على ذلِك .

كتبهُ عُمر بِن شُرحَبيل في رمضان عام 31 هـ(إنتهى)

بروف/ عبدالرحمن

Quote: عــزام أخــوى رد الـهـجـوم خـلـيـوه إت الــعـلـم فـهمانـه مـالـك لــيــه ورى الـخـلـوق زيــنـة سـموك بـيــه خـلـى البـيـغـلت ربـى يحـكـم فــيـة

"الما عِندو كبير بِشْتريلو كبير" أها ده طرفي مِن الكائِن المُتحرِك الإسمو ود أبكر.. إن شاءالله تِتْعكس عليهو مِحِل يِقبِل

ود الزين قلت السمح والزين
في ود عزاز وناس راكزين
فوق الحارة تلقاهو دخري خزين
كُت بدور شكرك ود الزين نمن تقول آمين

Quote: بروف/ عبدالرحمن "الما عِندو كبير بِشْتريلو كبير" أها ده طرفي

ولـــدنـــا عــزام:

يــاهــا الـمـحـريـة فــيـك.

تـســلـم لـيـنـا ود راجلا عــزيـز وأصــيـل
بـى عـزة نـضال شـفـت الـعـذاب والـويـل
مـاإت الأبـوك كان أسـدا جـسـور ونـبــيـل
أحـمل أبوى إتـو الهُـصـور جُـمال الـشـيـل

تــحـيـاتـى يـاعــزام

Quote: بروف/ عبدالرحمن كيف حالك؟ علك طَيِب Quote: لامى الـتـمام تبـنـى الـعشـوش للطـيـر قال ليك في إجْتِماع مِن إجْتِماعات "الإتِحاد الإشْتِراكي" قام جنوبي يِشكِر في نميري، قال ليهو:- نِميري إتْ زي الديك نِميري بدأ يِزبِد والحركة في المنصة إتْكركبت.. قام الجنوبي شرح كلامو قُبال ما أب عاج يِتْعاور: - ونِهنا سِوْسيو صُغار، ندخُل تِهِتْ جناحو بِتاع إنتا تشوف نِميري الإبْتِسامة لِحقت إضْنيه

أنــا لا أحـبـذ شــرح الـشــعـر إلا لـجـلاء الإلـتـبـاس.

فـالـشـاعـر لـه خـيـالـه والـمـتـلـقـى لـه خـيـاله وقـد يـتـطـابـقـان وقـد لايـلـتـقـيـان.

و الــمـقـصــود هــنـا الـمـدح بالـمـبـالـغـة فـى صــورة تـخـالـف الـمـعـهـود.

فـهـو مـن تـعـفـفـه وشـهامـتـه لا يـقـســو عـلـى الـطـيـر الـضـعـيـف

بل يـتـعـالـى عـن مـهـاجـمـة الـضـعـيـف ويـبـالـغ فـى ذلك حـتـى لـيــبـنـى لـهـم أعـشــاشــهـم.

وهــى صـورة لـربـمـا عـنـت لـى مـن أبـيــا ت قـرأتــهـا قـبـل نـيـف مـن ا لـســنـيـن.

لا تـحـضرنـى الأبـيــات ولـكـن مــامـعـنـاه أن ذلك الأســد الـهـصـور

عــنـدمـا نـزل إلـى الـوادى إنـزوت الـذئـاب وأبنـاء آوى (الـثـعـالـب)

وحـنـا الأســد عــلـى الـحـمـلان فــأمـنـت وركـضـت وهــو يـرعـاهـا!!!

(والـتـمـام أكــثـر الـنـبـت طـراوة فـى الأعـشـاش ويـقـال بـان بـه مـواد تـطـرد الـحـشـرات والـهـوام)

ولــربـمـا تـعـبـيـرى أقـرب إلـى أخـيـلـة عـلـي بـن الـجـهـم فـى وصـفـه للـمـتـوكل:

أنـت كـالــكــلب في حـفـاظـك لــلـود *** و كـالــتـيس فـي قــراع الـخـطـوب

والـعـتـبـى لــود الـزيــن إن كـان الـفـهـم تـجـافـى.


ولـك الـود أبــدا.

ياخى البقط دى عار على النوبيين الجد جد, ما الترك "وازيين".
الهوان الاول ان احد اطرافها ابن ابى السرح...وما ادراك.
التانى انها مهدت لانهيار وانسحاق حضارة"انت ماليك طرف فيها الا اللغه" شكلت وجه الارض يوما ما...يعنى انت فرحان هسع؟
المهم اننا طلعنا من "أوسط رقيق" تلك الحضارة, وده تقدم كويس فى وضعنا كادميين...
لكن نرجع تانى لقصة احتكارك للنوبيه, نقيف انا وانت وعيالنا قدام المومياوات ونحكمهم بالشكل, لو ما طلع ليك علاقه بسليم الاول ...انطس فى نضرى ده.
بعدين المثل هو القال ليك "عبد نوبى" ما انا...
حاولت انبهك لانك بتجرب المجرب مع اهلك المفترضين, لكن نعمل شنو؟
انا العلى بعملوا هنا, بقيف فى حلق اى واحد عاوز يصيع علينا باصولو ويركبنا.

إحتراما لكلمه الشرف لاخى احمد صالح, بطلع من هنا, لكن ما بطلع من اى موضوع فى هذا الخصوص.

يا محي ابكر يازول النقعد نتخابر قبل تطلع.. داك الليل قربت اخسر صديقاً عزيز زي خضر حسين بسببك
دحين وصلني منو كلام في حقك سمح بالحيل.. انتا زولاً عاوز تعرف حق الناس وترجعو ليهم طالبك اعتذار وبحقي
طالبني اعتذار بعد توضح لي يمين بالله قدام الخلق افتح لك اعتذرلك قدام الخلوق دي - وان ما رضاك الكلام دا اقابلك في مضاهب الدنيا دي في ملف
وزمان ومكان اعتذرك قدام شهود عدول ..
هسسع عشان النضم يكون وااضح:
انت بادرت وقلت فوقي ما قلت - ما يخصني عافيهو لله والرسول وعمري ما سائل فيهو
انتا جيت قلت الجعليين ولاد زنا واحفاد الدفتردار واي زول لونو فاتح يبقي من السلالة دي! صاح ؟
هنا كلمتك بتبقي شرف لانه البوست انحذف وانا من ربنا خلقني ما بقتبس والا اكبشر كلام زول
قلتها ودي فكرتك .. كان بها ما قلتها نشوف المشاركين في البوست مافي.. يبقي بعتذر ليك مسبقاً
كان بها وقلت اااي..
يبقي من باب الكرامة يا تسحب كلامك دا وتعتذر عنه بوضوح يا يتجيب سندك الاعتمدت عليهو
كلمتك كتير انه انا - شخصياً قصة دا منو ومن وين ما فارقة معاي ولي نسب ممتد مع كتير من اهلنا في السودان شرقاً غرباً جنوباً
ومعومات اخري قد يعرفها بعض من الاصدقاء
وانتا جيت اتبجحت هنا
فعاوز منك حاجتين:
تجي توريني متين انا قلت عليك - عبــــــد او ما لمحت ليهو - وما يخصني في زول تاني عشان ما تقول لي فلان
متين قلت ليك ما ود ناس - وما يخصني لو وجهت كلامي لغيرك وانتا خشيت في النص وعملت فيها درقة ليهو

غير كدة ما بيننا باذن الله الا كل طيب .. بس اتمني تتمتلك القدرة على اثبات او نفي ما اعلاهو
وانا حاضر وممكن ادوبي ليك عدييل لو لقيت نفسي غلطان في حقك

تحيات وتقدير - لييين ردك -

ـــــــــــ
زول ينحشر بيني وبين ( صديقي ) محيو اين ابكر لغاية ردو مافي
بعد الرد شوتو زي ما عاوزيين

Quote: والـعـتـبـى لــود الـزيــن إن كـان الـفـهـم تـجـافـى.

عمنا عبد الرحمن .. اللي الفهم مكمل ووافي ...
المتلك بنحبي لي عندو لتبروقتو ما بنجافي ..
اشيلو فوق راسي اسعي ليهو مُتشعب وحافي ..
الا لقمة العيش خلتنا لاسافير نعافي

ايه

صاحبي عزام قال الشكر في الوش انساهو
اليشكرو ويِعرض الاباليس انسباهو
قلتو لا .. حقك اوفيك ليهو واديك من الربا نِساهو
طلعت انتا فارس نظم وفي الادب رامي مرساهو

ود ابراهيم الابوهو بالرحمن ليهو باالعبادة وسمو...
المتلك ما بيُجهل ومنو المِتلنا يصنو
نحتاج نفهم مقالك عشان بالقدرو ننظمو
فكرنا في اليسواك لقينا مافي البيعدِل صِنو.


...

داك اليوم ود ابراهيم قلتلك مقالاً للحين فيهو بتدبّر..
المفترية يوم زينتها في كتوف الرجال قعدت تتحكر..
قلت الحق جافاك ودوما في نضيميها قعدت اتشوبر..
الا الحق حصحص ووضوحه معاكم ما احتاج مجهر..

Quote: موضوعك صعيب ما بينقضي بجوال مرحبتين حباب قلنا اركب تعال نشوف بالعين ونفرح ونهني تم الفال جرجرتك ما بتفيد نتمنى راحة البال

يا الشفيع.. قسم هادي رجعتي للبوست بالدراسة..
دحين يا الفحل تبقي معرفك لي بالعين هي الدراسة
الراجل في عِلمو ابواتنا قالو اختوو علم الفِراسة
فراسة الحر كلمتو وفعايلو هي الحِراسة

ايييههههه
الزمن قسي ومعرفة الرجال توريك
لو كنت حجراً صلد الطل ما بياثر فيك
عِلا الاسي وقتين يخونك اخوك المآخييك
الشر يملاك الا حمداً للملك المأخييك

أخـــى حـــيـدر الـزيــن

Quote: عمنا عبد الرحمن .. اللي الفهم مكمل ووافي ... المتلك بنحبي لي عندو لتبروقتو ما بنجافي .. اشيلو فوق راسي اسعي ليهو مُتشعب وحافي .. الا لقمة العيش خلتنا لاسافير نعافي

كـــتـر الله ألــف خــيـرك

ود الـزيــن حـبـابـك يـاللخــو الـمتـيـلـك مــافـى
للـحـق والصـلـح ســـاســاق ســلام مـابـجـافـى
ضـكـرا، دقاق صـدر، حـق نـفـسـه مـنـومعـافى
زيـن الـخـلـق فـنـان يشكل لـى سـماحو قـوافـى

الأخ حـيـدر الـزيـن إنــت قـلـت

Quote: ود ابراهيم الابوهو بالرحمن ليهو باالعبادة وسمو... المتلك ما بيُجهل ومنو المِتلنا يصنو نحتاج نفهم مقالك عشان بالقدرو ننظمو فكرنا في اليسواك لقينا مافي البيعدِل صِنو

وأقــول لـك:

جـيـتـك بالشـكر ياب تـفـه* الـبـشـرف إســمـو
حــيـدر* ســهــول خـابريــن نـتـرته* ونـظمـو
ات الـفـهـم كمـلـتـو ونـاقـص الـشـعـر بـتتـمـو
إن حـوا ولـدت يـاكا الـعــزيـز ود أبـوه وأمــو


____________________
* أب تـفـه كـنـايـة للأسـد الـمـنـتشـى الـذى شـب عـن الـطـوق
وصـبا للزعـامة فـنـفـش لـبـدته لـيـدلل عـلى ذلك

*الـحـيـدر هـو الأســد وكـنـيـة عـلى بـن أبـى طالب رضى الله عنه

*والـنـتـره هــى صـوت زئـيـر الأسـد الـمـتـحـدى

عزيزنا عبد الرحمن ابراهيم:

Quote: جـيـتـك بالشـكر ياب تـفـه* الـبـشـرف إســمـو حــيـدر* ســهــول خـابريــن نـتـرته* ونـظمـو ات الـفـهـم كمـلـتـو ونـاقـص الـشـعـر بـتتـمـو إن حـوا ولـدت يـاكا الـعــزيـز ود أبـوه وأمــو

قلت فيني مقال ماني قدر شبهو ونظمو..
عبداً ضعيف ابوهو سعي جابو من اُمو
فكر ودبر عرف الام بتبقي في بيوت عمو
جاب النَجِل وبي المتلك يا الرزين الفهم بنتمو

فــى خــضــم الـتـــنــاحــر غـــيـر الـمـجــدى

الـذى لامـنـتــصـر فــيــه غــيـر "شــيـطان" الـفـرقـة والـغـضــب؛

نــرى الألــوف فـى وطـنــنـا يــمـوتـون كـل يـوم مـن الـجـوع والـمـرض والـقــتـل

والــوطـن يــتــمـزق إربــا لأنــنـا نــمـزق كـل يـوم روابــط الـمـودة والإلـفـة بــيــنـنـا

وهــذه دعــوة صــادقـة مــن الـقــلـب لــنـبـذ شـــخـصـنـة الـخـلاف

وإســـتعـداء بـعــضــنـا الـبــعــض وكــمـا يـقـول الـمـثــل الــعامـى

"زارع الـحـســكـنـيـت والـضـريـسـه رجله مـطـعـونـة":


كلامـنـا الـقـبـبــل يـاهـلـى مـالــقـيــنـا زول يــســمـعـلــو
شـــن بـســتـفـيـد مـن سـب أخـوى وبالـبـذئ أشـتـمـلــو
خــلـونـا نــشــفى جـروح وطـن وبـكل الـوئـام نـعـمـلــو
وضـهـبـان فـكـر الولـف بـيــنا، رب الـعــبـاد يـجـمعـلــو

ولــيـدلــوا كـل مــنـا بــدلـــوه مـــن أجــل مـســتـقـبـل الـــوطــن.

ولــك الله يــاوطـــنــى!!!

ود الزين

البروف عبد الرحمن

عزام

Quote: الـلـيـة الـقـلـب شـالـو الـفـرح ضماهـو ودالـزيـن مـدح خـيـة وبـالـدرر نـمـاهـو وعـــزام بــرق رص الـقـصيد تـمـاهــو الـود يــدوم وشـيـن الـكلام نـنـســاهـو

بطلاق بقرأ وبضحك نامن وقعت من العنقريب من المحن البسووا فيها الرطانة دي

اقبلوني external examiner بس

جاييكم بالمهلة يا حيدر

Quote: بطلاق بقرأ وبضحك نامن وقعت من العنقريب من المحن البسووا فيها الرطانة دي اقبلوني external examiner بس جاييكم بالمهلة يا حيدر

قوووم لف يا لمسخوت.. وبعد ترجع ما تجيينا

نحنا قالوا ليك قدرك

المهم لف واحفظ لي حاجتك بنفسك


ـــــ
با خالد المحرب ما قلت ليك خلى ود شوراني ينوم في ترابو ...
يعني لازم تجيب لي الفرجون يجي يصحصح الكلام

أســـتــاذنـا حـيـدر ســــلام:

أنـا قـــلـت لــمـولانـا ود شــيــقـوق:

ويـــنك يــامـولانــا؟
كــنـا دايـــرنـك تـجــى تــوريــنـا رأيــك
شـــنـو فـى دوبـاى وتـربـيـع ونـم الأعـاجـم؛
وتــعـديــهـم عــلـى مـوروثـات أهــلـكـم.
أنــتــو نـايـمـيـن وثـقـافـتـكـم حـاصـل لــيـهـا Appropriation ؟
أعــمـلـوا حـسـابـكـم. فــآخـر مـعـاقــل مـوروثـاتـكـم
ســـتـصـيـر مـســتـلـبـة إن لـم تـكـن فـى خـبـر كان!!

هـــســـع نـحـن دايـــريــن الـمـســاهــمــة مـن الـجــمـيــع فــى

دعــوة شـــعـريـة لـلـجـمـيــع مـن أجــل وطـن يــمـوت!!!

Quote: نحنا قالوا ليك قدرك

ههههههها رطانة صاروا همباتة عديل

ممكن ادوبي ليكم في الطلح؟

عزام

انت وين ؟ شوف زولك حماني

ود الزين المسنوح

اها جيتكم هنا مشنق الطاقية في الهامة ودقيت كراعي تااااااااح نامن العلال عكل في السماء وعايز اقول كلامي دا وان شاء الله بعد داك بكري يودي بوستيك دا الذبالة :


تبنت حفرتها جابت الكليت والصندل
اوقدت الطلح قلبى الرهيف اتجندل
ونادت صاحبتا ناير جسيما ممندل
طبقو البوخة صنقور راسى وقف اتسندل

وقال ود البطانة

تبنت حفرتها السمحة جات تتدخّن
اوقدت الطلح جاب بوخوعكلت ######ّن
ونادت صاحبتها قعدن يمين ما نخّن
وبعد البوخة عجنن دلكتهن واتلخّن


وواحد تاني اتجنن وشنق وقال :-

تبنت حفرتها زيراً قديم وممتّن
اوقدت الطلح بوخاتو للحيل بتّن
ونادت صاحبتها ملصن دهوبن وختّن
وبعد البوخة جرن للتياب إتغتّن

Quote: انت وين ؟ شوف زولك حماني

ود القبايل ما بيقول الناس حموني..
بيقلع حمرة عين ويكسر ضنب الحرموني
الفحل سيد النيل يتوضعر قال البحر ليهو ملكوني
اشق موجو .. متلك يا شيقوق فيني ما بينوني

هييييع
الكضاب قال بقينا ليهو همباتة
حرس مالو النوم فارق عينو سباتا
استنجد بولاد جعل يبقولو حماتا..
قلنا لاو نووم ظررط نحن سداتتا..

ـــــــ
ههههه ما تزعل في السدادة دي خخخخخخ

ود شيقوق

Quote: بطلاق بقرأ وبضحك نامن وقعت من العنقريب من المحن البسووا فيها الرطانة دي اقبلوني external examiner بس

أكان رطنت بِنقبلك


العِرِفْ لَغْوَت جِنِس.. شرهُم صداهو
خابِر الندى مس الحديد صداهو
الفهم لِلعجم رب العِباد أداهو
مين مِتْلي فرقه بعيد سداهو

ود شيقوق

Quote: تبنت حفرتها زيراً قديم وممتّن اوقدت الطلح بوخاتو للحيل بتّن ونادت صاحبتها ملصن دهوبن وختّن وبعد البوخة جرن للتياب إتغتّن

بوخا نسَم.. وأيضًا علينا ودَنْ
أوْقدَ حُفْرتو وقلبي المجرَسْ حَتَنْ
مَسَح دِهْنو وفوقي التكنو إتْخَتَنْ
نار بِتحرِق مِنا كيف وشيها يتْغتَن

Quote: ود القبايل ما بيقول الناس حموني.. بيقلع حمرة عين ويكسر ضنب الحرموني الفحل سيد النيل يتوضعر قال البحر ليهو ملكوني اشق موجو .. متلك يا شيقوق فيني ما بينوني

هييييييييييييييييع كع

Quote: بوخا نسَم.. وأيضًا علينا ودَنْ أوْقدَ حُفْرتو وقلبي المجرَسْ حَتَنْ مَسَح دِهْنو وفوقي التكنو إتْخَتَنْ نار بِتحرِق مِنا كيف وشيها يتْغتَن

البت غطت حفرتها و في بوخ طيبها صاحباتها ضحكن
فاحت ريحة كببرتتها ومنها اقرانها بغرن
بكن وشافن نضييد جيدها الفيهو الدهوب نضّن
قالن ود القبيلة صحي عرف دهيبو ووين ليهو يوزن....



.......

عــزام حسـن فـرح قـال:

Quote: بوخا نسَم.. وأيضًا علينا ودَنْ أوْقدَ حُفْرتو وقلبي المجرَسْ حَتَنْ مَسَح دِهْنو وفوقي التكنو إتْخَتَنْ نار بِتحرِق مِنا كيف وشيها يتْغتَن

أمـا حـيـدر ا لـزيـن فـقـال:

Quote: البت غطت حفرتها و في بوخ طيبها صاحباتها ضحكن فاحت ريحة كببرتتها ومنها اقرانها بغرن بكن وشافن نضييد جيدها الفيهو الدهوب نضّن قالن ود القبيلة صحي عرف دهيبو ووين ليهو يوزن...

وأنـــا بــقــول:

رقــص الـدخـان فـى الـحـفــرة غـنـى ودنـدن
وكـتين نِعم سـت الـبـنـات إتـجـردن وإنـمـدن
أطـراف قــوام نـادر فـيـه الــحسـان يـتـقهــن
وبعدالدلكة والكبريت فى القرمصيـص إدّسـن

Quote: رقــص الـدخـان فـى الـحـفــرة غـنـى ودنـدن وكـتين نعم سـت الـبـنـات إتـجـردن وإنـمـدن أطـراف قــوام نـادر فـيـه الــحسـان قـــهّـــن وبعـد الدلكة والكبريت فى قرمصيـص دّسـن

حلفت لى باخوها الواحد الدغيان
ليش يا البروف تكتب تقول عيان
انت ماشفت القبيل قامت من الدخان
ضمرت من وسط عليت ورا وقدام
الكذاب يقول خلقت بلا مصران
والصادق يقول ود اريلا جيعان

لزوم التعدل

بعد صرنا على يقين ان الابيات الفوق من ابداعات البروف شخصيا

يا ريت البروف يعدل ليتوافق التعليق مع التعديل

أخـــوك أنــا يـامـولانــا.

أنــا تــربـايـة ســـوق وإتــعـامـلـت مـع كـل خـلـوق الله.

وســافـرت الـســـودان دا حـتـه حـتـة: شــمال، جـنـوب، شــرق, غــرب

شـــقـيـقـش مـاظـنـيـت.

ودى نـتيـجـة تـربـايـة الـعـروب لـى لــمـن عــاشـــرتـهـم.

أســـوى شــــنـو؟؟؟

بـس زى مـاشــايـف كلـه بالأدب.

ود شـــيــقـوق أخــوى يـعـفـيك الإلـه بـى حـكـمـته وتـدبـيـرو
مـانـى الـعــمـبـلـوق خايـس الـنـفـس سـراق قـصـايـد غــيـرو
ومادقـنوس أخـوى عـِـل كـوديـك قصيد فياض بحـر تصـويرو
نـاس الـشــعـوروالقـالـو الـشــعـر ناهـلين دوام مــن خـــيـرو



أهــا إنــت حــســـى عـارف مـعـانـى الـكـلـمـات دى كـلـهـا واللا دايــر شــــرح؟؟

أهــا إنــت حــســـى عـارف مـعـانـى الـكـلـمـات دى كـلـهـا واللا دايــر شــــرح؟؟

Quote: ومادقـنوس أخـوى عـِـل كـوديـك قصيد فياض بحـر تصـويرو

غايتو يا بروف البيت دا غلبني افهمه - اظنو مهجن بشيئ من إنديكم

أخـــوى مــولانـا ود شـــيـقــوق:


الدقــنـوس: هــو الـرأس الــفـارغ

أخــوى: يــاخــوى (يــعـنـى يـاخــوى دا مـاراســا فـارغ)

عـــل: لــكـن (لــكــنـه)

كــوديـــك: هــو جــدول الـمـاء الـذى يـجــلـب الـمـاء مـن الـنـهـر إلـى الـســاقــيـة

قـصـيــد: شــــعـر

فــيـاض: ذاخـــر بـالـمـيـاه لـدرجـة الـفـيـضـان

بــحــر تـصــويـره: يــعـنـى كالـبــحــر الـذاخــر بـالـصـور الـشــعـريـة.


مــاقــلـتـلـك يــاود شـــــيــقـوق: "مــحـل مـاتــقـبــلـوا مـابـتـغـلــبـونـــا"

والله يــســتـر عـلـى ثــقـافـتــكـم الـحـضـاريـة!!!

بــس إنــت أمـســك شـــديــد فـى كـلام عــزام أخــوى.