ياخي نحن ما ناقصين مساجد

Quote: وعلي صعيد مختلف كشف الوالي أن المساجد بالولايه بلغت 4500 مسجداً وتدفع الولايه شهرياً مليون جنيه لكهرباء المساجد وأن الولايه تشهد كل جمعه إفتتاح 5 مساجد جديده

Quote: وأن الولايه تشهد كل جمعه إفتتاح 5 مساجد جديده

دايرين لو لقينا شغل مرتباتنا تاكلنا وتشربنا لي يوم 30

دايرين زول يعدل بينا لو اختلفنا

دايرين زول نختارو يحكمنا

دايرين بلد بدون حرب

دايرين نتساوي نحلم ونقرا ونتداوي

دايرين الفاسد والظالم والقاتل يتحاكمو قدامنا

دايرين بلد متسامح

دايرين عدل

وقبل ما تبنوا مساجد دايرنكم تخافو من ربكم


ودايرنكم تعرفوا انو لو البصلي بتغشي

البصلو ليهو ما بتغشي

سلام يا عاطف

Quote: دايرين لو لقينا شغل مرتباتنا تاكلنا وتشربنا لي يوم 30 دايرين زول يعدل بينا لو اختلفنا دايرين زول نختارو يحكمنا دايرين بلد بدون حرب دايرين نتساوي نحلم ونقرا ونتداوي دايرين الفاسد والظالم والقاتل يتحاكمو قدامنا دايرين بلد متسامح دايرين عدل وقبل ما تبنوا مساجد دايرنكم تخافو من ربكم ودايرنكم تعرفوا انو لو البصلي بتغشي البصلو ليهو ما بتغشي

وين التناقض بين بناء المساجد و كلامك ده ؟

التناقض يا امين في انو في حاجات اولي من المساجد

التناقض في انو المواطن محتاج لي حاجات اهم من انو يكون في مسجد في كل شارع

التناقض في انو نحن اصلا ما ناقصين مساجد البلد اتعبت مساجد

والتنافض في انو الحكومه بتتفاخر بي انها بتفتتح 5 مساجد كل اسبوع

والبلد فيها ناس ما لاقين بطانيه يتغطو بيها في الشرق والغرب

التناقض في انو تبني مسجد لي الله

وانت اصلا ما شغال بي الله ولا شرعو ولا حكمو ولا خايف منو ولا شغال بيهو

أنا إعتراضي علي كلامك - كان و ما زال - علي إنو كلامك كانو بناء المساجد دي هي السبب في :
ظلم الحكومه للناس
عدم الديمقراطيه
إستمرار الحروب
عدم المساوة الحاصل ،
.... و بقية الاحن الجبتها دي و اللي ما مختلف معاك فيها انها حاصله و واقعه بسبب الحكومه : كونك تخت الكلام ده كلو في مقابل بناء المساجد و كانما إذا وقف بناء المساجد أو الصرف عليها بلاوي الحكومه دي حا تقيف هو ما يحيرني في كلامك .
لو قاصد إنو في صرف شديد - ما عارف مليون في الشهر ده بالقديم و لا الجديد ولا لكل مسجد أو كلهم مجتمعين - فالناس دي بتسرق في مال البلاد و العباد جهارا نهارا و المصروف علي المساجد - إن صح - ما بكون قطره في محيط من المال الماكول بالباطل !!
بعدين الناس دي كضابه ساي : خمسه مساجد شنو الكل أسبوع ؟ كدي ضربها براك دي في السنه ٢٦٠ مسجد يعني في الأربعه سنين الفاتو بنو ١١٠٠
مسجد و في الخرطوم بس !!! ياخي مصر معروفه ببلد الأف مئذنه و هي فيها أقل من تسعمائة مسجد و ديل يقولو ببنو أكتر من الف كل اربعه سنين ؟
بعدين المساجد في السودان بيبنوها ناس و جهات و مؤسسات داخليه و خارجيه : ما بتبنيها الحكومه !
ال bottom line بتاع كلامي يا عاطف : إنو كلامك الفوق ده كلو سمح و سليم و منطقي عدا مسالة ربطها بالمساجد دي !!

Quote: ياخي نحن ما ناقصين مساجد

سبحان الله !!!
كيف ما ناقصين مساجد ؟
دا بي ياتو فهم وبأي منطق
إنما يعمر مساجد الله من آمن بالله واليوم الآخر وأقام الصلاة وآتى الزكاة ولم يخشَ إلا الله فعسى أولئك أن يكونوا من المهتدين}

سبحان الله ، و الله العاصمة على وجه الخصوص ناقصة مساجد ، المساجد فى الاحياء ، تربى الصغار ، و تكون مكان لهم لحفظ كتاب الله ، وهى تيسر الصلاة فى الجماعة ، كثيرا من الاحياء تعانى من نقص فى المساجد ، صلاة الجمعه فى الخرطوم المساجد تكون مكتظة خاصة فى الاطراف . الدين الحنيف يحث على بناء المساجد ، بعدين الحكومة لا تتحمل كهربة المساجد ، حسب معلوماتى ناس كل مسجد هم من يدفعون كهرباء المساجد علاوة على اهل الخير .

سلام تاني يا امين


في البدايه انا قلت انو نحن ما محتاجين لي مساجد ولا ناقصينها

امسك حلتك او حلتي

مدينتك او مدينتي

اي حته في السودان الضاق دا

مثلا حضرب ليك مثال بي واقع حلتي في الكلاكله

في اربع مساجد مسافة ابعد مسجد مني 5 دقائق مشي

لكن مافي صرف صحي في مدارس ومافي اساس

مافي مستشفي

مافي مستوصف حكومي

مافي نادي بتدعمو الدوله

ومع كدا لو جا رجل بر قال حيتبرع لي بناء مسجد حيكسرو النادي وحيصادروا الميدان الفضل قدامو وحيبنو مسجد تاني


انت دا يا امين

لو ادوك كم الف دولار هل حتكون اولويتك في انك تبني مسجد؟

ولا انك تبني مستشفي او تحفر بير للمويه

اوتشتري دوا واكل للنازحين تشبعهم من جوعهم وتغطيهم من بردهم

او تبني مدرسه او تعمل صرف صحي ؟

سلام يا عاطف
انا غايتو من تبيت ما لاقانى زول داير يصلى ما لقى ليو جامع ولا زاويه ، او حتى قال بعيد منو شويه.
لكن قابلونى ناس ما لامين فى مستشفى ، مدرسه ، عمل

هجو والكباشي

ممكن تراجعوا مداخلة خالد

Quote: سلام يا عاطف انا غايتو من تبيت ما لاقانى زول داير يصلى ما لقى ليو جامع ولا زاويه ، او حتى قال بعيد منو شويه. لكن قابلونى ناس ما لامين فى مستشفى ، مدرسه ، عمل

ده كلام عسل .. وذي ماقال حميد الله بنعبدو في اية خانة
اضف الى ذلك التغول و التشويه الذي اصاب الاحيا السكنية
و التي لم يكن في تصميمها الاساسي هذا العدد من الجوامع
والزاويات
وبالمناسبة هذه الدور ما عدا صلاة الجمع فهي شبه خالية

بشكل منطقي في أولويات كتيرة أهم من المساجد!

قبل فترة قال صديقي لوبيز من جنوب السودان إنو عاوز يبني مسجد في دارفور

كمكافئة ورد جميل لأنو مجموعة من أبناء دارفور ساعدوه في بناء كنيسة بشرق الإستوائية

وقلنا ليهو بالصوت الواحد معليش حوجتنا مالمسجد الآن، محتاجين لحاجات تانية أهم!

وإتفق معانا على الحاجة البنحددها نحن.

الابن عاطف عبدون

بوستك غير موفق على الاطلاق خاصة العنوان

في ماليزيا يوجد جامع في كل منطقة
وبلعب هذا المسجد دور عظيم
حيث يعمل فيه الفرض عين وهو الصلاة وجزء عم

وتعاليم الدين الاساسية
واللغة العربية
كما اذا هناك اي معلومة غائبة يفتي فيها الامام
قديما كان يختار اسماء المواليد


تغسل فيه الجنائز ويصلى عليها

وتعقد فيه الزيجات
اي مسلم هنا لازم يدفع اشتراك الجامع


جوامع في كل مكان مافي زول اشتكى

البلد العايزة المسجد يلعب دور تنويري وديني
م بتبني في كل شارع مسجد

يمكن تنتقد ان المساجد في السودان دورها ضعيف جدا.
ويجب تنشيطها كمركز اجتماعي
ذي ما كانت زمن الرسول صز.ز

اذا كثرت المساجد او قلت في جمهورية السودان
حيكون برضوا المواطن مطحون ومظلوم
الى ان يولي من يصلح ويخاف الله.

عاطف و خالد و اسامه و رضوان ، سلام يا حلوين
ليه الأصرار علي تصوير إنو بناء المساجد مقابل حل مشاكل البلاد و العباد و ترتيب الأولويات ؟!
ببساطه كده : الحكومه ما بتبني مدارس و مستشفيات ما عشان بتبني بقروشها مساجد لكن لانها حكومه سجمانه ما من اولوياتها راحة الناس : انتو بتتكلمو كانو لو الحكومه قررت ما تصرف مليمه في مسجد : مشاكلنا كلها بتتحل !!! كانو قروش المستشفيات و المدارس و الملاعب و كل متطلبات الحياه بتمشي بنود صرف في المساجد و ده كلام ما صاح !!







------------
عندكم مشاكل مع المساجد في عضمتها : ما تتحججو بالاولويات لانها ما عندها علاقه !!

يا دكتور امين محمد سليمان الحكومه مفروض يكون عندها ترتيب اولويات وهي ليس حكومه سجمانه بل مفتحه وواعيه بتعمل في شنو لانها لو فتحت مدارس ح تخلق وعي يبقي ليها في رقبتها متل عاطف عابدون دا
لكين لما تكثر من بناء الجوامع يتزايد وعي اطاعه الحاكم المسلم ولو كان ظالما .
ممكن يا امين توضح لي ماهي ضروره بناء اربعه مساجد في حي واحد بينما تكون هناك مدرسه واحده فقيره بمعني الكلمه للطلبه الصغار بنفس الحي ؟؟؟

يا ستهم ، نظريا : المدرسه و المسجد مكملين لبعض ما متناقضين ، و واقعيا : لو في منطقه ما فيها مدرسه أو مستشفي ما لانهم شالو قروش بناء المدرسه أو المستشفي و عملو بيها مساجد !!!






------------
يا اخوانا : لو وقف بناء المساجد و تعميرها هل ده بيؤدي لبناء المدارس و المستشفيات و المراكز الثقافيه ؟
هل بناء المساجد هو السبب لعدم نشر الحريات و إشاعة الديمقراطيه و حقوق الأنسان و باقي الكلام ده ؟
انتو بتتكلمو كانما المساجد و بنائها هي العائق الأساسي للتنميه و الصحه و التعليم باقي متطلبات العيش الكريم ، فهل الأمر كذلك ؟
جاوبو لي علي الاسئله دي عشان نمشي في النقاش لقدام لانو شكل الفهم إنو مشاكلنا كلها بتتحله لمن نوقف بناء المساجد !!!

هذا سفه واهدار للمال العام

وهذا تكريس لقشور الدين مع غياب جوهره

اطعموا الناس وداووا أمراضهم أولاً

المساجد في ولاية الخرطوم 4500 مسجد ترى كم كنيسة شيدتها ذات الولاية؟ فللمسيحين صلواتهم وموتاهم أيضا

كل كنائيس الخرطوم يعود تاريخ تشييدها للعهد الاستعماري

طبيعي أن يذهب الجنوبيون إلى تأسيس وطنهم

Quote: وهذا تكريس لقشور الدين مع غياب جوهره اطعموا الناس وداووا أمراضهم أولاً

هو هكذا

Quote: نظريا : المدرسه و المسجد مكملين لبعض ما متناقضين ، و واقعيا : لو في منطقه ما فيها مدرسه أو مستشفي ما لانهم شالو قروش بناء المدرسه أو المستشفي و عملو بيها مساجد

يا ابني امين ياسمين انا منطقك دا ما سمعت به لو الجوامع دي بنتها الحكومه بتكون الحكومه دي خصصت ميزانيه للجوامع اكبر من ميزانيه المدارس والمستشفيات او اي خدمات اجتماعيه اخري ودا بيعني انهم شالوا قروش المدارس والمستشفيات دي وبنوا بيها الجوامع
والتخطيط دا مقصود تماما عشان ينتفي الدور التكاملي يا امين للجامع ويتخلق مواطن جاهل بحقوقه كانسان الا السمع والطاعه لولاه الامر .
عارف الشكيه لرب العباد
لي اكثر من اسبوع بعاني معاناه عظيمه في تصفح البورد
فلو ما رديت عليك بيكون بس غلبني افتح البوست
والله شئ مزعج ومحبط لدرجه كبيره .
الاجابه يا امين يا ابني ابنواالمدارس اولا لتتسع المدارك كي لا يدخل الناس الي الجوامع كمستمعين وحفظه للخطب التي تلقي عليهم دون وعيها وتمحيصها والتفكر فيها .
نعم الامر كذلك انت اول ما دخلتني الجامع وانا جاهل بحقوقي خلاص انت بتكون ضمنت الدنيا تنهب تلغف وانا بس اسمع في الخطب واردد من خلفك آمين آمين . ما قلنا يا امين وقفها لكين قلنا وازن بينها وبين المدارس والمستشفيات لانها اولويه عصريه .
وان كمان اهملت ديل وبنيت المساجد بس
بيكون هدفك انك تجهلني وتهضم حقي في العيش الكريم
وانت تطلب الدنيا وانا ارجى الاخرى.

Quote: عندكم مشاكل مع المساجد في عضمتها : ما تتحججو بالاولويات لانها ما عندها علاقه

انا شخصيا ما عندي مشكله مع مسجد او كنيسه او معبد
يهودي او بوذي
لانه الدخول اليها ليس اجباريا
لكين بالجد بتكلم عن جدوى وجود
خمس مآذن علي رميه حجر من بعض في منطقه فقيره تحتاح المدارس والمستشفيات .
نحن متين نفكر بعقولنا دون العاطفه الدينيه
.الجامع لن يعالج المريض
الجامع لن يعلم الجاهل العلوم التي تعلم في المدارس والتي نحتاجها لمجابهه الحياه العصريه .

الاستاذ امين والشباب والوالده دوما
سلام
اولا
اعتقد ان المساجد وبنائها اصبحت فى كثير من الاحيان مشاريع استثماريه للبعض اكثر من كونها عمل يرجى به الجزاء والثواب فى الدار الاخره .
علما بان جميع مدخلات البناء تدخل عبر بوابه الجمارك من دونها ، فتجد المستثمر لديه الف طن اسمنت لبناء زاويه ( ايعقل هذا ) .
الشى الثانى
بعيدا عن اعتقادى ان المسجد يحل محل المدرسه او العكس
فانا بشوف انو التعليم والصحه اهم من بناء المساجد ، بحيث انك
لا يمكن ان تقوم بعباده صحيحه وانت لا تمتلك نصيب وافر من التعليم .
الشى الثالث
البلد مصابه بحاله تضخم من جراء كثره المساجد - وكما ذكر اخى عاطف
كل اسبوع يتم افتتاح عدد 5 مساجد ، يعنى 240 مسجد خلال العام الواحد ، يمكن لك مقارنتها
بحجم التطور فى مجال الخدمات والصحيه ، ستجدها معدومه .
ياخى المدينه الرياضيه ابتدا العمل فيها قبل عقدين من الزمان ، بدل جامع البشير الكبير وسمح السواهو
فى كافورى دا ، فى ذمتك ما كان افيد للمجتمع لو تمو بيهو المدينه الرياضيه ، خصوصا البلد مقبله على
استضافه بطوله قاريه .
شكرا

شكرا كثيرا للاضافه من الابن خالد عبد الحليم سعيد
وربنا يكثر من نوع وعيكم دا يا شباب
ليتوفر التكامل بين الدين والدنيا للجميع

Quote: فانا بشوف انو التعليم والصحه اهم من بناء المساجد ، بحيث انك لا يمكن ان تقوم بعباده صحيحه وانت لا تمتلك نصيب وافر من التعليم . الشى الثالث البلد مصابه بحاله تضخم من جراء كثره المساجد - وكما ذكر اخى عاطف كل اسبوع يتم افتتاح عدد 5 مساجد ، يعنى 240 مسجد خلال العام الواحد ، يمكن لك مقارنتها بحجم التطور فى مجال الخدمات والصحيه ، ستجدها معدومه .

ياخي شكرا يا خالد

تمنيت أن لو كان الأخ الذي افتتح بوستاً خاصاً بهذا العنوان أن لو حدد في طرحه ما يلي :
كم عدد المساجد التي تم بنتها هذه الحكومة؟
كم عدد المساجد التي تم بناؤها من أشخاص وجمعيات خاصة داخل وخارج السودان منذ أن جاءت هذه الحكومة؟!

لو كانت هذه النقطة محددة لأغنت عن كثير من الحديث الذي دار بهذا البوست.
حسب معرفتي ومتابعتي وارتباطي بجمعيات خيرية خاصة فإنه لا مقارنة بين ما بني بالشأن الخاص وما بنته الحكومة
وقد لا يصح المقارنة أصلاً
وعلى استعداد لأن أضرب الأمثلة سواء داخل العاصمة أو الولايات. وبالصور...
وقد يكون في بعض المناطق تعدد مساجد وذلك نادر ، أما احتياج الناس للمساجد فهو كان ولا يزال
(الحكم على الشيء فرع عن تصوره)
لا يجوز أن يحكم الإنسان في أمر وهو لم يتصوره ويدرك ما يحيط به.

Quote: تمنيت أن لو كان الأخ الذي افتتح بوستاً خاصاً بهذا العنوان أن لو حدد في طرحه ما يلي : كم عدد المساجد التي تم بنتها هذه الحكومة؟ كم عدد المساجد التي تم بناؤها من أشخاص وجمعيات خاصة داخل وخارج السودان منذ أن جاءت هذه الحكومة؟!

..

Quote: وعلى استعداد لأن أضرب الأمثلة سواء داخل العاصمة أو الولايات. وبالصور...

شكرا يا عارف الركابي .. بس ابشرك .. لما كلامك يكون موزون وعلى طريقة واحد زايد واحد يساوي اتنين .. ح تطلع كوز .. امنجي .. صعلوق منابر .. جاهل سطحي .. مع احترامي ليك الشديد طبعا ..
الحمد لله الواحد طول فترة عملو في السعودية دي اختلط مع اشخاص اخيار جدا .. يحبون السودان واهل السودان دون تفرقة في لونهم ولا قبيلتهم كما يتوهم البعض هنـا ..
اشخاص خيرين .. اعرفهم جيدا .. بنوا مساجد على نفقتهم الخاصة دون زكر اسماءهم ولا يطمعون في ذلك غير الثواب من رب العباد ..
اشخاص خيرين .. ساعدوا في تعليم اسر بدعم العديد من المنشآت التعليمية .. ..من لم يساعد فيهم في بناء المساجد هذه قام بدعمها بكل ما يتعلق بها من اثاثات .. ومصاحف .. وإلخ ..
اشخاص عرفتهم هنـا ساهموا في فتح دوانكي وحفروا آبار لمياه الشرب .. وكسوا عراة .. واوقدوا نيران للقرآن وهذا هو مربط الفرس .. لان البعض هنا عندو مشكلة مع الحتة بتاعت القرآن دي .. بيتحسس عديل كدا .. تقول بسم الله الرحمن الرحيم .. تطلع كــوز وابن ستين D>>O>>G
..
غايتو انا كان الله اداني قروش .. بشوف اقرب حساب للحكومة دي اديهم القروش دي اقوليهم رشو لينا مساجد رش تقيل ..
..
من ناحية تانية .. بشوف الناس المتحسسة من حاجات الله دي .. بقوليهم اقسمو مع ناس الحكومة من قروشي دي .. وشوفو ليكم طريقة اعملو بيها بارات .. وكترو لينا من الطشمـة .. ورجعو لينا البيره ام جمـــل ..
..
والله البشوف حال شفع الخلاوي بتاعت تحفيظ القرآن في دارفور .. (لانو كلمة السر طبعا دارفور والواحد لازم يدخله عشان امورو تمشي في البورد) .. يا يشوف خلاوي الغبش في همشكوريب والشيخ الصابونابي .. وفي كركوج مسقط راس اجدادي .. الواحد يقول المثقفاتية بتاعين سودانيزاونلاين يوما ما ح يطلعوا شيرن علشان ينقصوا عدد الجامعات الكتيرة دي .. والمستشفيات الفتحته الانقاذ .. وعلى الاقل يوفروا جلاليب وبطاطين يتغطوا بيها أهــل الله ديل ..
يجيك مرتضى جعفر يقوليك .. معا عشان ننزل كلمة لا إله إلا الله من شعار جامعة الخرطوم .. تقول ليهو ليييه يا مرتضى يقوليك كدا بس ..
وتحت يكتب ليك سودان جديد ويااااااي ...

سودان جديد وياااي دي طبعا بالقديم ..

Quote: كم عدد المساجد التي تم بنتها هذه الحكومة؟ كم عدد المساجد التي تم بناؤها من أشخاص وجمعيات خاصة داخل وخارج السودان منذ أن جاءت هذه الحكومة؟!

الابن المحترم عارف الركابي السلام عليكم
الغريب ان يتشدق الوالي بعدد الجوامع التي شيدت في ولايته
خاصه ان كان تمويل معظمها من جهات غير حكوميه كما فهمت من مداخلاتك اعلاه .
هل اراد نسب الفضل لغير اهله ؟؟ اما انها حقا من ميزانيه الولايه ؟؟؟
وعشان ما في زول يجئ يقولني الما قلتو
بقول يجب الموازنه بين المساجد والمدارس والمستشفيات وكل متطلبات الحياه الضروريه من آبار للمياه او مشاريع تكفل للسكان ضمان قوتهم اليومي حتي وان كانت الجهات المموله غير حكوميه كما راينا فيما قمت انت يا ابني عارف بعرضه علينا بمنطقه العفاض.

Quote: الابن المحترم عارف الركابي السلام عليكم الغريب ان يتشدق الوالي بعدد الجوامع التي شيدت في ولايته خاصه ان كان تمويل معظمها من جهات غير حكوميه كما فهمت من مداخلاتك اعلاه . هل اراد نسب الفضل لغير اهله ؟؟ اما انها حقا من ميزانيه الولايه ؟؟؟ وعشان ما في زول يجئ يقولني الما قلتو بقول يجب الموازنه بين المساجد والمدارس والمستشفيات وكل متطلبات الحياه الضروريه من آبار للمياه او مشاريع تكفل للسكان ضمان قوتهم اليومي حتي وان كانت الجهات المموله غير حكوميه كما راينا فيما قمت انت يا ابني عارف بعرضه علينا بمنطقه العفاض

الخالة المحترمة دوما وعليكم السلام ورحمة الله
لا توجد مقارنة بين ما تم بناؤه من مساجد من قبل الحكومة وبين ما تم بناؤه بالجهد الخاص سواء لأشخاص أو جمعيات
وربما كلام الوالي أو الوزير قصد به العموم
وأما بالنسبة لاختيار المحسنين لما يريدون من مشروعات وما يتبرعون به فقد وضحته في مداخلة رد على الأخ خالد

عارف الركابى سلام

Quote: كم عدد المساجد التي تم بنتها هذه الحكومة؟

الشى المهم
بغض النظر عن تكفل الحكومه بتلك المبالغ او ببعض منها ، من يدفع او يتصدق ليست بمهمه .
اعلم ان هنالك الكثير من اهل الخير يقدمون اموالهم لوجه الله .
لكن الحكومه اذا كانت مركزيه او ولائيه هى البتمنح التراخيص لبناء هذا العدد المهمول من الجوامع .
وهى التى تعطى الاراضى وبقيه التسهيلات لهذا المانح او المتبرع ، فاولى بها ان توجهه الوجهه الصحيحه
والتى مفادها ان البلاد والعباد فى حوجه ماسه الى خدمات اخرى ،يمكن لكم توجيهه اموالكم وصدقاتكم تجاهها ،
وتلك الخدمات هى التى تعين العباد لممارسه صحيحه وسويه .
وعلى حسب ارتباطك بهذه الجمعيات والروابط الخيريه
ارجو ان تلفت نظرهم وتعكس لهم الحال فى قاع المدينه وتخبرهم ان هنالك حوائج اكثر الحاح من حاجه الناس الى
الصلاه فى جامع مكندش والنجف يتدلى من فوق .
وكامثله لتلك الحالات ارجو ان تزور خيط الاخ خضر وجنابو عمر كاقرب امثله

Quote: لا يجوز أن يحكم الإنسان في أمر وهو لم يتصوره ويدرك ما يحيط به.

الاخ عارف ارجو ان تحيطنا قليلا من ما لديك فى هذا الشان
شكرا جزيلا

Quote: وتدفع الولايه شهرياً مليون جنيه لكهرباء المساجد

الاخوه الكرام والاخ عارف
هل توجد مدرسه بولايه الخرطوم او اى ولايه داخل السودان تستلم هذا المبلغ شهريا من الولايه او المحافظه

الأخ خالد وعليك السلام ورحمة الله

Quote: الشى المهم بغض النظر عن تكفل الحكومه بتلك المبالغ او ببعض منها ، من يدفع او يتصدق ليست بمهمه . اعلم ان هنالك الكثير من اهل الخير يقدمون اموالهم لوجه الله . لكن الحكومه اذا كانت مركزيه او ولائيه هى البتمنح التراخيص لبناء هذا العدد المهمول من الجوامع . وهى التى تعطى الاراضى وبقيه التسهيلات لهذا المانح او المتبرع ، فاولى بها ان توجهه الوجهه الصحيحه والتى مفادها ان البلاد والعباد فى حوجه ماسه الى خدمات اخرى ،يمكن لكم توجيهه اموالكم وصدقاتكم تجاهها ، وتلك الخدمات هى التى تعين العباد لممارسه صحيحه وسويه .

الأخ خالد إذا كان أهل حي أو بلد كان لهم احتياج لمسجد ليصلون فيه ، وكتبوا لبعض المحسنين بالداخل والخارج
وجاءهم من يبني لهم هذا المسجد ويريد به بيتاً في الجنة وأجرا وثوابا ومساعدة لخلق الله
هل تستطيع الحكومة أن تقول لهم : لا نصدق لكم هذا المسجد والواجب أن تبنوا مكانه أو بماله مدرسة أو غير ذلك؟!
والعدد ليس مهولاً لأن هناك العشرات من الأحياء لا يوجد بها مساجد كافية!!!
شوف عدد السكان بالعاصمة مثلاً وقس عليه عدد المساجد الموجودة سترى الفرق ، وبالإمكان ان تسأل عن الأحياء التي هي بحاجة
لمساجد وفي قلب العاصمة فضلا عن الأطراف لتعلم تماماً أن الإنكار العمومي في هذا الصدد لا يسوغ
وبالإمكان ان يقال للشخص المدرسة هنا الحاجة إليها ماسة فإن قبل وإلا فليس من العقل أن نرده أو نرفض ما يريد
والمساجد بفضل الله دورها توعوي وتدريسي وتعليمي ولا يخفى دورها في نشر الخير

Quote: وعلى حسب ارتباطك بهذه الجمعيات والروابط الخيريه ارجو ان تلفت نظرهم وتعكس لهم الحال فى قاع المدينه وتخبرهم ان هنالك حوائج اكثر الحاح من حاجه الناس الى الصلاه فى جامع مكندش والنجف يتدلى من فوق .

من يعمل في هذا المجال يعرف أن أهل الخير والمحسنين اهتماماتهم تتفاوت
منهم من يريد كفالة الأيتام
ومنهم من يعتني بحفر الآبار
ومنهم من تخصص في إخراج السجناء المحكوم عليهم بمبالغ قليلة
ومنهم المهتم بكفالة الدعاة والمدرسين
ومنهم من يبني المساجد
وهكذا ...
اهتماماتهم مختلفة
وكلها ثغرات بحاجة إليها البلاد والعباد
وأغلب المساجد التي تبنى بواسطة الخيرين هي للضروري فقط

Quote: لا يجوز أن يحكم الإنسان في أمر وهو لم يتصوره ويدرك ما يحيط به. الاخ عارف ارجو ان تحيطنا قليلا من ما لديك فى هذا الشان شكرا جزيلا

الأخ خالد هذه قاعدة في علم أصول الفقه أن من يحكم على شيء لابد أن يتصوره ويعرف ما يحيط به وواقعه حتى يكون الحكم صحيحا
وحقيقة البوست تكلم عن قضية كان ينبغي معرفتها قبل الحديث بهذه العجلة والعمومية
لك مودتي

طبعآ خلف الكيبورد يمكن تقول أي كلام , لكن لن تجرؤ علي هذا القول في السودان كدي أمشي المساجد البدخلوها الملايين في السودان (وهم أغلبية) وقول ليهم ما عايز مساجد لا حا تعرف تشاكل منو ولا تخلي منو, هنا في المنبر يمكنك سب الدين بكل ارتياح وتلقي عشرات من الناس يساندوك لكن دي بسموها مساندة مؤقتة ستنتهي سريعاو لكنك ستجد نفسك وقد خلقت عداء مع رب الكون وبعدين لمن تدخل القبر حا تلقي نفسك براك لا في سودانيز اون لاين ولا يحزنون حا تكون وحيد لا قيمة لك في القبر الا عملك ,بعدين انتو قايلين السودان ده حقكم بركم؟؟؟ اذا انتوا فعلا بتدعوا لبلد ديمقراطي مفروض يكون في تقبل للاخرين واحترام شعائرهم والا فالتبقي الانقاذ اذا لم يكن البديل سيكون افضل منها ويحترم الجميع وشعائرهم ومقدساتهم والتكيف للتعايش معهم, هذا هو فهمي لاي معارضة تفكر في حكم البلاد والا ستخلق عداءآ أكثر من العداء الذي خلقته الانقاذ وستسقط اي حكومة بسرعة لان اهل السودان معظمهم مسلمين ومؤمنين ولا يقبلوا في شعائرهم ومقدساتهم ومعتقداتهم فمثل هذه الاستفزازات ليست سوى إفرازات لشخص مفلس ليس لديه حجة.

دقيقه يا شباب

اشرف دا شكلو داخل البوست دا غلط

البوست دا ما عندو علاقة بي سب الدين او التطاول عليه او الاستهزاء به

Quote: اولا اعتقد ان المساجد وبنائها اصبحت فى كثير من الاحيان مشاريع استثماريه للبعض اكثر من كونها عمل يرجى به الجزاء والثواب فى الدار الاخره . علما بان جميع مدخلات البناء تدخل عبر بوابه الجمارك من دونها ، فتجد المستثمر لديه الف طن اسمنت لبناء زاويه ( ايعقل هذا ) .

الأخ خالد أرجو توضيحاً لهذا الكلام ، لأني أول مرة أسمع به

ما في زول قا ليكم ما تعارضوا الحكومة, لكن ما صاح التطاول علي الدين الذي يعتنقه معظم الشعب السوداني, أنا شخصيآ أحترم كل الأديان والأعراق في السودان, بل أعتقد أن التنوع العرقي في السودان شيئ عظيم لا بد من المحافظة عليه, والسودانيين معروفين بتسامحهم وإندماجهم مع بعضهم البعض, فما تأسسوا للتفرقة بيننا, الحكومات تتغير ولكن لا يجب أن يتغير الشعب, ويجب المحافظة علي عاداتنا وتقاليدنا السمحة بل ندعوا الي الوحدة فيما بيننا وعدم استفزاز بعضنا البعض والتعايش سويا في جو من الحب والاخاء والمودة والرحمة والتفهم والتكيف علي ذلك مهما تغير الزمان من حولنا ومهما تغيرت الحكومات في السودان, هذا هو التأسيس الحقيقي لمجتمع يحترم بعضه البعض ليعيش في أمن وسلام وطمأنينة وسيحترمنا العالم كثيرآ إن لم نسعي للتفرقة فيما بيننا.

اشرف سلام

Quote: ما صاح التطاول علي الدين الذي يعتنقه معظم الشعب السوداني

ياخى جيب لى مداخله واحده فيها تطاول او سب ، الناس مختلفه انو فى وفره فى المساجد ،انما تجد فى المقابل ندره فى الخدمات
فسلاح التكفير والاقصاء دا ارحمنا منو .
اصدق التحايا

Quote: ياخى جيب لى مداخله واحده فيها تطاول او سب ، الناس مختلفه انو فى وفره فى المساجد ،انما تجد فى المقابل ندره فى الخدمات فسلاح التكفير والاقصاء دا ارحمنا منو .

ياخالد انت كنت معانا في البورد دا وما شايفك

والله دا تقصير ما طبيعي مني

ياخي انا متكيف منك جدا جدا

بعدين يا شباب إنتو فاكرين سب الدين والتطاول عليه والإستهزاء بالمعقتدات و خلق العداء مع الله هو قمة الوعي والرقي والتطور؟؟؟ والله إني لأستغرب لإنسان مسلم سوي يعادي الله! والله لن يجني سوي الحسرة والندامة لنفسه, فهذه الدنيا علمتني انها تمر بسرعة ويموت فيها الانسان بسرعة, والأدهي من ذلك انه يمرض بسرعة تفوق الخيال وتتوالي عليه المصائب والمحن الواحدة تلو الاخري وبعضها يتأني لفترة ثم تنقض عليه المصائب مجتمعة لا يستطيع مجابهتها, ولكن العظيم في الامر ان الله موجود ييسر علينا هذه المصائب والالام التي نمر بها, فكيف تسيئ لإله خلقك من العدم وكيف تلجأ اليه عند الشدائد وانت تتطاول عليه وعلي نبيه (عليه افضل الصلاة والسلام) وماذا اذا جاءت اللحظة الحاسمة لنهاية عمر الانسان ووجد نفسه بين يدي الله (عز وجل) ضعيفا واهيا لا يقوي علي شيئ, ووجد نفسه وقد ضيع شبابه وقوته ومروته في سب الدين والاستعلاء عليه ولم يدع فرصة لتعنيف وتجريم هذا الدين الا واستغلها تحت نصرة البعض من اعوانه فرحآ معهم بانتصار موهوم واقتصاص من شيئ لا يفهمه حق الفهم؟؟ كيف بنا ونحن نحتضر ونرجوا رحمة الله ونحن لا نقيم ادني احترام للدين الذي انزله؟؟؟ والله الذي لا اله الا هو لنعمة الهواء وحدها تسوي الدنيا وما فيها ولو كان الله لم يخلق الا الهواء لكفانا ولكن بعد ذلك النعيم الذي اترفنا الله به ونحن نسبه ونسب دينه ونبيه ونحقر الشعائر الدينية في كل مناسبة صغيرة وكبيرة بدلا من شكره وحمده علي جزيل كرمه وعطائه ونعمائه والله لهو الخسران المبين, فينما تجد اناسآ سباقين لعمل الخير والصلاة والعبادة والحج والعمل لصدقة جارية تنفعهم بعد الموت ولا يسرفون في اوقات اللهو ويستثمرون اوقاتهم في المفيد بدلا ان نبكي علي حالنا نفعل ما هو عكس ذلك تماما؟؟؟!! ماذا اذا ادخل احدنا القبر وصحيفته (والعياذ بالله) مليئة بمثل هذه المعادات لله؟؟؟ ومن يتحدث عن تحريف القرآن ومن يدعوا ويروج بأن هذا الدين العظيم ليس سوي كذب وبهتان ويجاهر بذلك ويحرض الاخرين علي زرع الشك في نفوسهم, كيف يقابل شخص مثل هذا الله؟؟؟ كيف لشخص ان يعادي ملك الملوك الله وهو جالس في ملكه؟؟؟ فاليذهب خارج ملكه (ان استطاع) وليقول ما يحلوا له. يوميا نري الناس تموت وتمرض من حولنا ولا نتدبر ذلك ولا يحرك ذلك في نفسنا ساكنا فشأننا شأن من قيلت فيه هذه الكلمات:

Quote: لكين بالجد بتكلم عن جدوى وجود خمس مآذن علي رميه حجر من بعض في منطقه فقيره تحتاح المدارس والمستشفيات . نحن متين نفكر بعقولنا دون العاطفه الدينيه .الجامع لن يعالج المريض الجامع لن يعلم الجاهل العلوم التي تعلم في المدارس والتي نحتاجها لمجابهه الحياه العصريه .

يا صوت العقل

دومه ازيك

Quote: لكين لما تكثر من بناء الجوامع يتزايد وعي اطاعه الحاكم المسلم ولو كان ظالما .

علي ما اعتقد دا هو التنوير القاصداهو صاحبتنا نجاة

Quote: ممكن يا امين توضح لي ماهي ضروره بناء اربعه مساجد في حي واحد بينما تكون هناك مدرسه واحده فقيره بمعني الكلمه للطلبه الصغار بنفس الحي ؟؟؟

دا هو لُب البوست يا دومه والغريبه انو اغلب الدخلو هنا عارفين الفكره شنو

بس ماخدنها مسالة عاطفيه ما اكتر

يبقي الكلام الموضوعي انو نتحاور حول فكرة

هل نحنا محتاجين نفتتح 5 مساجد كل اسبوع فعلا؟

ولا في حاجات تانيه اهم ممكن نديها اولويه

والله انت المُصر علي حاجات زي اصرارك بتاع حُب مصر داك

كدي انت جاوب علي سؤالي الفوق داك اول

Quote: مثلا حضرب ليك مثال بي واقع حلتي في الكلاكله في اربع مساجد مسافة ابعد مسجد مني 5 دقائق مشي لكن مافي صرف صحي في مدارس ومافي اساس مافي مستشفي مافي مستوصف حكومي مافي نادي بتدعمو الدوله ومع كدا لو جا رجل بر قال حيتبرع لي بناء مسجد حيكسرو النادي وحيصادروا الميدان الفضل قدامو وحيبنو مسجد تاني انت دا يا امين لو ادوك كم الف دولار هل حتكون اولويتك في انك تبني مسجد؟ ولا انك تبني مستشفي او تحفر بير للمويه اوتشتري دوا واكل للنازحين تشبعهم من جوعهم وتغطيهم من بردهم او تبني مدرسه او تعمل صرف صحي ؟

..........
بالنسبه لي كلامك التحت عن العضم
بحب اوضح ليك انو البوست دا ما للعضم ذاتو
لوووول
لو فتحنا بوست تاني عن العضم
ساعتها ممكن نشوف حكاية العضم
بس اسع ما تخلط اللحم بالعضم لو سمحت

نجاة ازيك

ما اظن انو المقارنه بين ماليزيا والسودان موفقه

ومن ما ربيت ما شفت لي جامع بيلعب دور تنويري يا نجاة

الا تكوني قاصده مناصرة النظام كنوع من انواع التنوير في فترة الانقاذ دي

كمان يا نجاة انا كلامي ما انو نحن ما دايرين مساجد

كلامي انو نحن ما ناقصين مساجد












........
انتي ولدي دي بتقوليها عشان تصغريني

ولا عشان تكبري روحك

لوووول

اسامه ورضوان شكرا للاضافه القيمه

Quote: هل توجد مدرسه بولايه الخرطوم او اى ولايه داخل السودان تستلم هذا المبلغ شهريا من الولايه او المحافظه

الاخ عارف الخير
السلام
ياخى دى النقطه الجوهريه على الاقل من وجهه نظرى ، التى دعتنى الى دخول البوست والمشاركه فيه .
ان لدى الحكومه اموال متوفره ، ولكن يعوزها التوزيع والتقسيم الصحيح .
اذ ليس من المقبول او المنطقى ان تصرف مبلغ قدره مليون جنيه على كهربا لمسجد واحد ، حينما نفس الولايه
مستشفياتها تنقصها الادويه ، الاسره والكادر المؤهل ،، والمدارس ايضا ينقصها الكثير .
لك ودى

Quote: الاخ عارف الخير السلام ياخى دى النقطه الجوهريه على الاقل من وجهه نظرى ، التى دعتنى الى دخول البوست والمشاركه فيه . ان لدى الحكومه اموال متوفره ، ولكن يعوزها التوزيع والتقسيم الصحيح . اذ ليس من المقبول او المنطقى ان تصرف مبلغ قدره مليون جنيه على كهربا لمسجد واحد ، حينما نفس الولايه مستشفياتها تنقصها الادويه ، الاسره والكادر المؤهل ،، والمدارس ايضا ينقصها الكثير . لك ودى

الأخ خالد ، وعليكم السلام
الذي أعرفه في هذه النقطة أنه في أكثر المساجد تدفع لها الحكومة جزءاً من رسوم الكهرباء ، ويدفع الجزء الباقي أصحاب المساجد
والمصلون ، ولا أعلم أن مبالغ الكهرباء قد تصل إلى هذا المبلغ .

Quote: دايرين لو لقينا شغل مرتباتنا تاكلنا وتشربنا لي يوم 30 دايرين زول يعدل بينا لو اختلفنا دايرين زول نختارو يحكمنا دايرين بلد بدون حرب دايرين نتساوي نحلم ونقرا ونتداوي دايرين الفاسد والظالم والقاتل يتحاكمو قدامنا دايرين بلد متسامح دايرين عدل وقبل ما تبنوا مساجد دايرنكم تخافو من ربكم ودايرنكم تعرفوا انو لو البصلي بتغشي البصلو ليهو ما بتغشي

دا شعر يا مرسي

الظاهر إنه العنوان شاعري جداً

تم تررم تم تررم

نحن ما ناقصين مساجد

آي هو فعلاً

نحن ما ناقصين مساجد

لأنه لو كانت المساجد كانت كتيرة زمان

ما كنا نحن طلعنا كدا

ننقد بس الحاجة اللي فيها دين وننتقدا

تقول هي بي عدد مساجد السعودية مثلاً


لو كانت كتيرة

لكان المتدينون كثيرين

لكن قلتها هو الذي أحدث

تكالب العلمانية الذي أدى إلى تقسيم البلد

ولسا طمعانين

في مزيد من الخزي

الممزوج بالضلال

مش كدا برضو؟


ارحموا عقولنا يا ناس


وارحموا من في الأرض يرحمكم من في السماء


تعرف يا عاطف البوست دا وحده مدعاة إلى زيادة المساجد

وتسهيل أداء الصلاة لمن هم أصلاً يصلّون!

ابو شميمه

انت لسع زعلان عشان قلت ليك

شعرك بيشبه شعر ذو اليد

وعشان كدا جاي تتسدي

برضو دا اسمو كلام يا راجل؟

ياخي شعرك بيشبه شعر ادونيس ومحمود درويش عديك كدا ياخي

بس ما تزعل

Quote: لأنه لو كانت المساجد كانت كتيرة زمان ما كنا نحن طلعنا كدا ننقد بس الحاجة اللي فيها دين وننتقدا تقول هي بي عدد مساجد السعودية مثلاً لو كانت كتيرة لكان المتدينون كثيرين لكن قلتها هو الذي أحدث تكالب العلمانية الذي أدى إلى تقسيم البلد

العضو المحترم عبد الفتاح ابو شيمه السلام عليكم
لو سمنحت ارد علي كلامك دا
اولا ليس هناك وجه مقارنه بين السودان كبلد فقير مع اغني الدول العربيه كالسعوديه . لو بني كل فرد جامع في بيته حلال عليهم لانهم يمتلكون الموارد وليس لديهم نقص في عدد المستشفيات او المدارس
وبمقارنه بسيطه كم يبلغ متوسط دخل المواطن السعودي في المملكه العربيه السعوديه ومتوسط دخل الفرد في موطنك السودان ؟؟؟؟

بعدين قصه تكالب العلمانيه التي ادت لتقسيم البلد دي كو ووووووووووووم براه


تقول لو كانت الجوامع كثيره لكثر عدد المتدينين ( استيتمنت لا اعتراض كبير عليها )


لكن قل لي كيف استطعت ان تربط في بين قلتهم ووتقسيم البلد؟؟؟ ان كنت تعني انفصال الجنوب .

خالد سلام
أنا كلامي ليس كله موجه لهذا البوست ولكن ذكرت فيه تعميم للكثير من البوستات التي تفتح لتسيأ للدين وأصحابها يعرفون جيدآ ان الكثيرين سيتضامنون معهم وسيأتي من يأتي لتبرير الباطل الذي ساقوه وكذلك اخذهم في الاعتبار انهم will definately get away with it كما ان عضويتهم بالمنبر لن تتأثر مع انهم يعلمون ان مثل هذه البوستات تجرح مشاعر الكثيرون هنا وتفقدهم احترامهم لمعظم الشعب السوداني الذي لا يقبل في دينه وعقيدته ولكن دائما ما اقول ان الخير موجود اكثر من الباطل ولكن صوت الباطل دائما يعلوا ولكن كما سلف واوضحت اننا نعيش في هذه الدنيا للحظات سرعان ما تتلاشى ونتلاشى بعدها وياتي قوم اخرين من بعدنا كما حدث في السابق علما بان الكثيرين منا لم ولن يتعظوا باي زمان او مكان ونبقي داخل القبور الي ما شاء الله اما رابحين او خاسرين وسينسانا الزمان ويطوي صفحاتنا كما فعل بالاخرين الذي مضوا من هذه الديا بسرعة البرق وكل انسان معلق من وزره ومن شاء فاليؤمن ومن شاء فاليكفر ولكن فاليظل الاحترام هو ديدننا حتي نغادر هذه الدنيا التي تاخذنا واحدا تلو الاخر دون التفاتة او تردد, فنحن فيها ليس سوى غرباء, واهديك هذا الفيديو يا صديقي.

Re: نبش قبر إمرأة متوفية منذ سنوات (في الخرطوم) ووجود الجسد في كامل هيئته

الاخ اشرف شكرا للرد والتوضيح
لك ودى

ديل لسه من زمن الجواب بعنوانو؟

وين ما بين السطور ؟؟؟؟؟؟؟؟؟؟؟؟؟؟؟؟

Quote: أنا كلامي ليس كله موجه لهذا البوست

يعني انت كمان جاي البوست بي اثر رجعي ؟؟

طيب من بدري ما تقول كدا بدل ما تخلينا ننبهك انو انت داخل غلط

تعرف يا اشرف مصطفي رغم اختلافي معاك كتير جدا وفي اكتر من بوست

لكن الحق يقال انك انسان مهذب جدا

فاكتب زي ما داير

واعرف انو كل زول حر في رايو

حتي لو من رايو انو

يقطع الماذنه ويحول المسجد لي فرن

ياخي ناس الاثر الرجعي ديل ذاتو ما ادوني طريقه ارد علي صاحبتي دومه

آتف ابدون
مسكاقمي اننينفا

ياخي والله مبالغة البعملوا فيهو الناس ديل

هو وينو المصلين عشان يبنوا جوامع زيادة

احد المعارف جاء من البلد ويحمل معه دفتر تبرعات لبناء مسجد

سألته بالله مين الناس باقي في البلد

الناس الكبار الكانوا بيصلوا ماتو

الشباب الموجودين جلهم من طلاب الابتدائية والثانوية

وهؤلاء لا يصلون فس المساجد الا صلاة الجمعة

وسألته هل كنت ستأتي لحمع التبرعات للمستشقى التي

لا حولا ولا قوة حيث يكابد مدبرها الدكنور الايام والليالي

لاكمال مدته في منطقة الشدة.

فقال ان الحكومة رفعت يدها عن البلد فقلت له ان الله رفع

عنكم القلم وهو العلي العظيم غفار الذنوب وهو يعلم ان

منطقتنا بحاجة الى حقنة للاطفال في المستشفى الى طباشير

وكرسي في المدرسة، فقلت له ان يغير دفتر التبرعات الى

من المسجد الى هذه المتطلبات فقال لي انه خرج للتبرع للمسجد

فلم يجد من يتبرع للمسجد رغم اني قمت معه بالزيارات الى رجال

البر فلم نجد من يتبرع.

فالناس في بلادي يا اخي عاطف احوج للغذاء والدواء.

هذا مسجد ومثله وأسوأ من كثر

وهذا مسجد


وهذا مسجد
هذه وغيرها يجيب أهلها ويقولون :
نحن ناقصين مساجد
وهذا واقعنا
وليقل من يشاء نحن ناقصين وناقصين وناقصين
لكن لا يقل : ما ناقصين مساجد!!!
لأن المسجد ينقصنا ونحن بحاجة ماسة إليه
ما أفضل الواقعية!!!

سلام يا عارف

Quote: وعلى استعداد لأن أضرب الأمثلة سواء داخل العاصمة أو الولايات. وبالصور...

يعني دايرني اجيب ليك صور لي المدارس والمستشفيات في السودان؟

بعيدن انت ما شفت مستشفي ناس ود الباوقه ؟

يا عزيزي البلد ومواطنيها محتاجين لي حاجات اهم من بناء 5 مساجد كل اسبوع

دا هو كلامنا

Quote: يعني دايرني اجيب ليك صور لي المدارس والمستشفيات في السودان؟ بعيدن انت ما شفت مستشفي ناس ود الباوقه ؟ يا عزيزي البلد ومواطنيها محتاجين لي حاجات اهم من بناء 5 مساجد كل اسبوع دا هو كلامنا

وعليكم السلام يا أخ عاطف
أنا لم أنفي الحاجة للمستشفيات والمدارس وغير ذلك بل لي شريط بهذا الصدد :
أمنياتنالأهلنا الجنوبيين بمستقبل أفضل،وللتأريخ نوثق صبر... نموذجا(تقرير وصور)

لكني لا أنكر الواقع وأقول نحن لسنا بحاجة إلى مساجد كما في هذا العنوان المستفز الذي افتتحت به خيطك هذا
ولو أخطأ شخص وقال كل أسبوع بنفتتح خمسة مساجد ممكن يكون أخطأ في تعبير أو أراد مجرد كثرة وهكذا
هذا لا يبيح لنا أن نمسك في كلمته ونقول بناء عليها البلد بحاجة لكذا وكذا وكذا وأنتم تفتحوا في المساجد نحن ما محتاجين ....الخ
المثل يقول : أثبت العرش ثم أنقش
كنا نتمنى إثبات العرش أولاً ثم النقش ثانياً
والواقع يقول لا عرش ومن ثم لا نقش
والغريبة ممكن المسؤول هذا أو غيره يقول كلام فيقول عنه كثيرون : هذا كذب
وفي نفس الوقت يمكن يصدق إذا كان كلامه بيخدم أهداف ومصالح لنفس الشخص الذي يكذبه في ذلك الأمر دون أدنى تثبت من كلامه
والخلاصة يا أخي مثلما هناك حاجة لمدارس هناك حاجة لمساجد وهناك حاجة لمستشفيات وإحقاق الحق أن لا ننكر هذه الحقيقة
ولو عاوز أعطيك قائمة بجهات تريد مساجد في العاصمة ولم تجد حتى الآن لوضعتها لك هنا
هناك أحياء درجة أولى الناس تصلي الأوقات في بيوتها !!! وأقرب مسجد منهم لحوالي اثنين وثلاثة كيلو!!!
فضلاً عن الأحياء الطرفية ، وأما القرى والأقاليم فبها من الآلام بهذا الصدد ما يعرفه من سخروا أنفسهم لهذا الأمر

..
.

Quote: ياخي نحن ما ناقصين مساجد

قال تعالى
{فِي بُيُوتٍ أَذِنَ اللهُ أن تُرْفَعَ وَيُذْكَرَ فِيـهَا اسْمُهُ يُسَبِّـحُ لَهُ فِيهَـا ‏بِالْغُـدُوِّ وَالآَصَـالِ*
رِجَـالٌ لاَ تُلْهِيهِـمْ تِجَـارَةٌ وَلاَ بَيْـعٌ عَـنْ ‏ذِكْرِ اللهِ وَإِقَـامِ الصَّـلاةِ وَإِيـتَـاء ِالـزَّكَـاةِ
يَخَافُونَ يَوْماً تَتَقَلَّبُ ‏فِيهِ الْقُلُوبُ وَالأبْصَارُ} ‏سورة النور 36 ـ 37‏
والله منطق غريب ..
منو القال ما دايرين .. ياخى علاقة دا بدا شنو ؟؟
خلافنا مع الطغمة الحاكمة نرجو ان لا تجعلنا نقف امام تيار بناء
وتشيد المساجد التى تشيد للعبادة والايمان حتى وان كثرت ..
والله اكبر ... كانت تزلزل كل قوى الاستكبار والطغيان حتى وان كانوا
يحكمون الارض ..
والله اذكر اننى عشت فى مدينة الرياض وهى مكتظة بالسيارات والعمران
وحقيقة عندما تصادف احج الاوقات وانت فى الهاى ووى والله رغم اصوات
ابواق السيارات والضجيج ولكن عندما يصدح الاذان تسمع كل البلد وهى تكبر
الله اكبر .. الله اكبر .. اشهد ان لا اله الا الله ..الخ
بالله ما تخلطوا الكيمان ..!!

Quote: آتف ابدون مسكاقمي اننينفا ياخي والله مبالغة البعملوا فيهو الناس ديل هو وينو المصلين عشان يبنوا جوامع زيادة احد المعارف جاء من البلد ويحمل معه دفتر تبرعات لبناء مسجد سألته بالله مين الناس باقي في البلد الناس الكبار الكانوا بيصلوا ماتو الشباب الموجودين جلهم من طلاب الابتدائية والثانوية وهؤلاء لا يصلون فس المساجد الا صلاة الجمعة وسألته هل كنت ستأتي لحمع التبرعات للمستشقى التي لا حولا ولا قوة حيث يكابد مدبرها الدكنور الايام والليالي لاكمال مدته في منطقة الشدة.

غايتو يا زمراوى اهلك ديل حلفاويين وزولكم دا ما وديتو
لناس يبحثون عن الاجر للاخرة .. حاول تانى ..

وهذا لايعنى ان البلد لا تحتاج لمستشفيات ومدارس
بس خليكم منطقيين ..

-------

عموما فى توجه بعد شهر يوليو واكتمال الانفصال
ان تصبح كل الكنائس الكاثوليكية _ فى شمال السودان _
مساجد ومستشفيات .. مع استثناء
كنائس الارثوذكس والبروستانت اللهم الاقباط ..

اها كلامكم شنو ؟؟
لاننا نحن دعاة التيار دا ..

Quote: خلافنا مع الطغمة الحاكمة نرجو ان لا تجعلنا نقف امام تيار بناء وتشيد المساجد التى تشيد للعبادة والايمان حتى وان كثرت ..

احب أأكد انو موقفي من المسالة مش معارضه لي سياسات النظام

ولو بكره جات انتفاضه وجا عرمان ولا نقد ولا الصادق

رئيس وقال انو حيزيد مسجد لي مساجد حلتي حعارض الفكره

و حقول ليهو تعال وشوف بي عينك نحنا محتاجين لي شنو

اما حكاية

Quote: والله اكبر ... كانت تزلزل كل قوى الاستكبار والطغيان حتى وان كانوا يحكمون الارض ..

دي جد ما فهمتها

يعني عشان نزلزل قوي الاستكبار نقوم نبني 5 سماجد كل اسبوع

وبعدين اصلو الجاب سيرتهم هنا شنو؟

ولا ديل نحن ذاتنا قوي الاستكبار انا وخالد ودومه وزمراوي والمعانا

والله حيرتني بالجد

Quote: يعني عشان نزلزل قوي الاستكبار نقوم نبني 5 سماجد كل اسبوع

يا عاطف شوف ، كلامهم بتاع إنهم ببنو خمسه مساجد في الأسبوع ده ضحدنا ليك من عصرا بدري و إنت عارفهم كضابيين لكن عشان الكلام ده بخدم فكرتك لسه شايلو و حايم بيه !
كنت مستعد لحوار طويل احقاقا للحق و عشان نصل فيه لنتيجه : لقيت حواركم بقي حوار طرشان !!

Quote: التناقض في انو تبني مسجد لي الله وانت اصلا ما شغال بي الله ولا شرعو ولا حكمو ولا خايف منو ولا شغال بيهو

حسبنا الله و نعم الوكيل
هذا ما يحدث بالبلد ...

لكننى ادعم بناء المساجد
رغم موافقتى لرايك المذكور اعلاه

غلطان ونص وخمسه يا امين

وكويس انك نبهتني للحته دي

بس تعال راجع نتحاور

ونتفق انهم كذابين

يلا ارجع لي اخر مداخله كتبتها ليك ورد علي








..............

وكان ما داير ترجع
تاني بدوس الابنص علي
ال 5 مساجد دي
لووووول

الاخ الـحـبيـب الـحـبـوب،
عاطف عبدون،
تحياتي ومـودتي ياقريبي،

***- انا عاوز من الوالي ده يرجع الاملاك والعقارات والاراضي المصادرة، ويرجع بصورة خاصة الكنيسة.
***- ويرجع كمان الاموال المنهوبة من الاسر التي تضررت من اعدامات صلاح كرار وهـمبتته لفلوس الضحايا!!

***- الحاجات دي اهم من اي شيئ تاني!!

***_ لك مودتي عاطف.

Quote: ياخي نحن ما ناقصين مساجد

أبَداً ...

قبل 14 سنة، درسته سنة دراسية في السودان.. سنة ثانية عالي، كنت مسجلة في مدرسة بحري النموذجية وساكنه المغتربين... المشوار الكنت بقطعه ومعاي زميلاتي كان مشوار مهلك... طوال 14 سنة ما حصل سعته بانه في مدرسة جديدة حكومية اتبنت... ومتأكده انه الطالبة الساكنه جارتنا، وفي نفس مدرستي بتمر بنفس المأساة يومياً...

الحكومة حتى لو ما كانت بتبني المساجد دي، هي بتمنح الارض لبناءها، في حين كان ممكن تخصص الارض دي لمدرسة او مستوصف يقرب المسافة على الناس بدل يطقوا مشوار للمستشفيات البعيدة... أما لو كانت بتبنيها في دي مشكلة في حد ذاتها... زمان كان في الزوايا .. بتذكر كان في واحده في الشعبيه.. معمول ليها نجيلة جميلة... والناس بجتمعوا فيها للصلاة وفطور رمضان ولعب كوتشينه.. كانت عاملة زي النادي.. وفيها مقاعد ونظيفة.. وفي نفس الوقت مشكلة منفذ للحي.. وين المشكلة لو الزوايا دي اتطورت، ولا المسجد زمن النبي عليه الصلاة والسلام كان بشكله الحالي دي؟


تحياتي لصاحب البوست وزوّاره

قال رسول الله الاعظم ( جعلت لي الارض مسجدا وطهورا )

يعني اي زول ممكن يصلي في اي حتة ، لكن ماممكن يتعالج في اي حتة ؟ وما ممكن يتعلم في اي حتة ؟

وروني زول ماصلي عشان ما لقي مسجدى يصلي فيهو !!1

وبوريكم الآف ماتت عشان مالقت حتة تتعالج فيها

Quote: ابو شميمه انت لسع زعلان عشان قلت ليك شعرك بيشبه شعر ذو اليد وعشان كدا جاي تتسدي برضو دا اسمو كلام يا راجل؟ ياخي شعرك بيشبه شعر ادونيس ومحمود درويش عديك كدا ياخي بس ما تزعل

ياخي نحن ناس ما بنعرف
لي حكايات الزعل
مشكلتنا مافي الشعر
المشكلة بقت الفكر
البرتب أولوية
أولاً لابد من يصصحا هي نية
لي مشاريعو الأبية
يا تو أولى لي
يا ربي ديني
وللا قلمي اللي ما عاد بيزيل حتى البلم
وتجاوزا دريبات الحكم
هي الحكومة قاعدة تبني في المساجد
هي بتشجع اللي ببنيها المساجد
لو نظرت المساجد اللي بتقوم
عن طريق هدي الحكومة نسبتا
ما بتذكر
يبقى إثارة القضية من أساسا
هي بس قصة سياسة
هي الحكومة البتسويه ما شوية
والمدارس شوف رقمها
كانت كم وبقت كم؟

والله كيف ناقصين مساجد
ما بتعرف
كم هو واحد هنا ما بصلي
من غير ما يتوضى يولي
ديمة راكب بس محلي
ما بفكر فيه بكرة لي يوم تجلي
لي الله فيه بيعلي البعلي
ويخت في أسفل سافلين من قال مجلّي

وبجيك تاني
لو كنت قاصد أو مجلّي


وبعدين الشعرا اللي قلتهم

ديل ياهن المفضلين عندك


ليه إنت علماني وللا شنو؟


محمود مبلوع شوية عشان بلده

لكن التاني هؤأُ

سمح يا قريبي؟

ينصر وطنك يا التلب

Quote: وروني زول ماصلي عشان ما لقي مسجدى يصلي فيهو !!1 وبوريكم الآف ماتت عشان مالقت حتة تتعالج فيها