Post: #1 Title: لا بعرفك ولا بتعرفنى فى البورد؟ Author: ناصر فراج Date: 01-21-2011, 10:43 AM
مسالة شايعة فى البورد كثيرا فى كثير من المواضيع ان كانت جادة او عكس ذلك ملاحظ ان النقاش يبداء بصورة هادئة وفى نص الموضوع تلقى الجملة جات واقعة ررررررررررررب
Post: #2 Title: Re: لا بعرفك ولا بتعرفنى فى البورد؟ Author: ناصر فراج Date: 01-21-2011, 10:47 AM Parent: #1
هل الناس فى حاجة الى معرفة شخصية حين يضع اى الاخوة موضوع فى منبر عام وهل ان علقت بماء لايرضيك او يقنعك فى اى موضوع يعنى هذا بانى تبادرنى ررررررررررررررررب لا بعرفك ولا بتعرفنى
Post: #3 Title: Re: لا بعرفك ولا بتعرفنى فى البورد؟ Author: ناصر فراج Date: 01-21-2011, 10:53 AM Parent: #2
طيب ياخى لو ماداير تعرفى او اعرفك ما تكتب شى فى بورد عام امشى اضع موضوعك فى مكان لايمكن ان اضع فية لك راى او رد كلامى هذا اتمنى ان لا يجرح انسان لكن نحن سمحنا لنفسنا ان نتفاكر مع بعضنا البعض عبر هذة المساحة الاسفيرية واحب بان اوكد والله على ما اقول شهيد بانى لا اقصد شخصا بعينة ولكن من خلال متابعتى الى البورد فى كثير من المواضيع اجد هذة الجملة
Post: #4 Title: Re: لا بعرفك ولا بتعرفنى فى البورد؟ Author: ناصر فراج Date: 01-21-2011, 11:00 AM Parent: #3
وهذة الجملة موجدة بكثرة لدينا نحن السودانين هل هذا نابع عن افق ضيق ام عدم اخترام الراى الاخر احتمال هذا يكون سب فى عدم تحمل بعضنا البعض فى السودان وفى نفس الوقت حملنا معا الصفات السيئة برغم ان الجميع هنا لم يلتقوء او يتعارفو شخصيا من قبل ولكن صار الشى الذى يميز الناس عبر البورد هو اسلوبهم فى الكتابة وطرح المواضيع والموضوع مامشاركة فقط لكن اضافة جديدة
Post: #6 Title: Re: لا بعرفك ولا بتعرفنى فى البورد؟ Author: ناصر فراج Date: 01-21-2011, 11:05 AM Parent: #4
انا لا اود ان اعرفك شخصيا وان كان هذا شرفا لى بان تعرفت الى اخ اوخت عبر النت من بنى جلدتى وما احتاج الية ايضاء خبرتك وفهمك للحياة وهذا فى حد زاتة يثبت احترامى ومعرفتى بك
Post: #5 Title: Re: لا بعرفك ولا بتعرفنى فى البورد؟ Author: Abdlaziz Eisa Date: 01-21-2011, 11:03 AM Parent: #3
العزيز/ ناصر
ممكن استخدمها هنا لأول مرة؟!!!!!!!!!!!!!1 لا بعرفك......ولا............
Post: #7 Title: Re: لا بعرفك ولا بتعرفنى فى البورد؟ Author: Abdlaziz Eisa Date: 01-21-2011, 11:10 AM Parent: #5
يا عاصم مرة تانية الزهور لزوم التلج...
الناس لو بتحاكم اي زول على قلمه دون المساس الشخصي....... نجد المنبر جميل وخالي من المناكفات.. لكن هي علتنا.. مشكلتنا المزمنة.. طبع...
تحياتي
Post: #13 Title: Re: لا بعرفك ولا بتعرفنى فى البورد؟ Author: ناصر فراج Date: 01-23-2011, 02:19 AM Parent: #7
فى الاول تسلم يافنان على الذوق الجميل تعرف كلامك دة بذكرنى دوما بعقد الجلاد فى لاتحلمو باعلم سعيد و ورغم كل ذلك العلم السعيد موجود ولكن بطيب المعشر وحسن الخلق وتهذيب النفس فى كل شى حتى فى القلم حيث ما يحدث فى المنبر من البعض عبارة تسرع فى الكى بورد بحسم النقاش بكلمتى لا بعرفك ولا بتعرفنى
Post: #19 Title: Re: لا بعرفك ولا بتعرفنى فى البورد؟ Author: رانيه محمد الشيخ Date: 01-23-2011, 02:04 PM Parent: #7
Quote:
الناس لو بتحاكم اي زول على قلمه دون المساس الشخصي....... نجد المنبر جميل وخالي من المناكفات.. لكن هي علتنا.. مشكلتنا المزمنة.. طبع...
فعلا اخى عبد العزيز
الطبع يغلب التطبع
Post: #8 Title: Re: لا بعرفك ولا بتعرفنى فى البورد؟ Author: ناصر فراج Date: 01-21-2011, 11:28 AM Parent: #5
الاخ/الكريم عبد العزيز اهة انا كمان بقول ليك ان عرفتك من اسلوبك واعنى بة هنا انك تتفق معى فى الموضوع والدليل اطلاعك على التوبك وكمان انا بقول ليك لى الشرف بمعرفتك من خلال ردك 1 ويديك العافية
Post: #9 Title: Re: لا بعرفك ولا بتعرفنى فى البورد؟ Author: Abdlaziz Eisa Date: 01-21-2011, 11:59 AM Parent: #8
العزيز/ نــــــــــاصر
نحن كثيرا وفي لحظات انفعال تجد كلماتك عبرت ما هو مسموح به.. لكن الأجمل دائما أن يتدارك الزول هذه الهنات بالإعتذار.. وكلمة الإعتذار هذه عندنا كسودانيين نراها كلمة كبيرة... وده سبب الإعتزاز بالنفس .. حاجة كدا في الفارغة ساي.. وهي التي تسبب مزيدا من الضغط.. وتسمم الجو الأخوي..
ياخي لك من الشكر أجزله على ترحيبك الجميل.. وتشرفت بمعرفتك, وقلمك ان شاء الله اضافة ثرة للمنبر..
تحياتي
Post: #14 Title: Re: لا بعرفك ولا بتعرفنى فى البورد؟ Author: ناصر فراج Date: 01-23-2011, 02:33 AM Parent: #9
الاخ/ العزيز عبد العزيز الاعتداز فى حد زاتة شجاعة وادب الاعتذار ليس معدوم لدى السودانين فقط ,بل لدى كل من هو من الشرق الاوسط او الشرق الادنى كما يحب ان ينادية الغربين ولكن ما يحدث عبر ما يدور فى الاوطروحات التى يدلى بها لاخوة تهم السودانين بدليل ان الغالبية توجد خارج السودان والجميع يتحدثت بلغات اخرى ويمكنهم ان ينضموء الى عدة منابر اخرى وهذا البودر تحديا يهم السودانين فى ثقافتهم وسياستهم واجتماعيتهم ولا اود ان اخوض فى عقليتا التى تحمل معها السيئ قبل الجميل فى كل ترحلها وساظل اسئل الى متى نهرب ومن الحوار والراى عبر كلمة يازول انتة / يازولة انتى مالك لا بعرفك ولا بتعرفنى الا تتفق معى بان هذة الجملة عبارة عن هروب من شيئاء ماء
Post: #10 Title: Re: لا بعرفك ولا بتعرفنى فى البورد؟ Author: Maawya Hussein Date: 01-21-2011, 12:03 PM Parent: #8
سلام يا ناصر
اسوأ حاجه في المنابر السودانيه دي مسالة التعارف دي ..لانها هي البتخلق الشلليات والتكتلات والقيل والقال والراي المبني علي الشخصية (سلبي او ايجابي )دون الموضوع . ..الناس حاليا (هنا) في الموقع بترد علي الكاتب ونادرا ماتلقي شخص بيرد او بناقش الموضوع كموضوع مطروح للنقاش العام .
Post: #11 Title: Re: لا بعرفك ولا بتعرفنى فى البورد؟ Author: Abdlaziz Eisa Date: 01-21-2011, 01:15 PM Parent: #10
Quote: .الناس حاليا (هنا) في الموقع بترد علي الكاتب ونادرا ماتلقي شخص بيرد او بناقش الموضوع كموضوع مطروح للنقاش العام
شوف يا معاوية خلي تعمل لي فيها ناصح... انا هسي ما بعرفك... بس انتظر الدوري يبدأ.... عندي باقي مداخلة من الموسم الماضي.... بس راجيك.............
شفت الصفوة كيف!!!!!!
Post: #12 Title: Re: لا بعرفك ولا بتعرفنى فى البورد؟ Author: saif massad ali Date: 01-21-2011, 01:23 PM Parent: #11
سلام
كيف البرد عندكم
Post: #16 Title: Re: لا بعرفك ولا بتعرفنى فى البورد؟ Author: ناصر فراج Date: 01-23-2011, 03:01 AM Parent: #12
ود عوج الدب كيف اخبارك يا عزيز وعسى الامور كلها كاربة معاك البرد مقدور علية عندنا لكن البقعنع الناس شنوء فى انهم يتقبلو الراى الاخر او عدم ادراج مواضيع تودى الى لابعرفك اوبتعرفنى لك الود
Post: #15 Title: Re: لا بعرفك ولا بتعرفنى فى البورد؟ Author: ناصر فراج Date: 01-23-2011, 02:54 AM Parent: #10
معاوية سلام يا عزيز تسلم ياعزيز على الطلة ومنور دائما كيف الاسرة والحال بصفة عامة تعرف يا معاوية هذة ليست مشكلة المنابر السودانية تحديدا ولكن انظر فى منابر الخليج مثلا تجد نفس المشكلة والتكتلات ما جديدة علينا نحن السودانين ولكن فى احيانا السودانية تجد هناك من هم فى شلة او تكتل الجزء الفلانى اوشلة الانس اوشلة الكرة والشلة السنتر ناس شلة المزاج وهولا يعرفهم الطرفان , تعرف حين دخلت هذا البورد فى 2003 تحت اسم nazrya1 وتم هذا حين وجدت المرحوم الخال سمندولاوى يقضى زمن طويل امام الكى بورد وحديثة الدائم عنة وجدت الامر كذلك ايضاء عبارة عن شلة وتكتل ولكن الشى الذى اذكرة بانة منذ ذالك الوقت هناك كثيرين تنجذب الى اقلامهم على الرغم من ان المرء لا يعلق على ما ابدوء ولكن اهم ما تعلمت بان هذا البورد مثل السوق الذى يعرض فية كل شى وعليك ان تختار من انواع البضائع التى تعرض وفى احيان كثيرة تجد اكثر من بضاعة ممتازة ولا تسطيع ان تعبر عن رايك فى هذا اوذك ولكن اكثر شى محير فية هو كثرة التكرار حيثت ان الموضوع الواحد يفتح بعدة اسماء وهنا يحدث تشابه البقر على الجميع . واتفق معا ايضاء فى ان القيل والقال ياخذ اكبر حيز ولكن الامور الحقيقة التى تحتاج الى نقاش وراى حقيقى لا تجد ادنى حق وان القيل والقال هو من اتى بثقافة لابعرفك ولا بتعرفنى لك الود عزيزى دوما
Post: #17 Title: Re: لا بعرفك ولا بتعرفنى فى البورد؟ Author: Abdlaziz Eisa Date: 01-23-2011, 06:29 AM Parent: #15
العزيز/ نــــاصر
سلام
هذا المنبر وكغيره من المنابر تدخله وربما لا تعرف أحدا فيه.. وتقتصر المعرفة على نوعية المداد المسكوب.. والتفاعل مع الطرح بغض النظر عن من كاتبه, يجد الإنسان نفسه في قرب من كتابات هذا القلم فيقرأ ويتابع معظم المقالات أو المداخلات للقم المعين... وتنبني المعرفة على أساس القلم وبعيدا عن شخصية الزول البيكتب.. وهذه من أفضل أنواع المعرفة المنبرية والشلة القلمية.. وهناك معرفة أو تقارب ينبني على التوجه سواء أكان سياسيا, ثقافيا, جهويا أو رياضيا... فهذه المعرفة يحدث فيها الإنحياز وتتطور الى تكتلات أو الشللية.. وأسوأ ما فيها أن تكون هذه الشللية على مبدأ: أنصر أخاك ظالما أو كان ظالما... يعني يكون فيها التعاضد بكل السبل حتى في الخطأ... وهي أسوأ ما عندنا في هذا المنبر.. مثلا تكتب مداخلات أو ردود مع شخصا ما لا تعرفه.. مجرد أنك قرأت ما كتب.. تجد واحد يجي ناطي فيك لطم وسب من غير سبب غير انه ينافح واحد من شلته...
تحياتي
Post: #18 Title: Re: لا بعرفك ولا بتعرفنى فى البورد؟ Author: ناصر فراج Date: 01-23-2011, 01:54 PM Parent: #17
الزول السمح/عبد العزيز معاك فى كل ما قلتة ,واتمنى من بقية الاخوة برضوء بان يشاركونا فى الامر ولك كل الود
Post: #20 Title: Re: لا بعرفك ولا بتعرفنى فى البورد؟ Author: ناصر فراج Date: 01-23-2011, 03:44 PM Parent: #18
من اجمل مافى حوش بكرى الكبير هذا ,ان هناك متسع من الحرية والكل يدلى براية اويضع بوست يمكن يكون فية كثير من التعابير التى قد تهين كثير من ولكن كدى حاولو فى بعض الحيشان الاخرى تلقى نفسك حايم فى السوفت وير ما عارف الخاصل شنوء. وهذا نوع من انواع التعايش وحتى ان كان اسفيرى فهل يعنى التعايش الاسفيرى ايضاء لابعرفك ولا بتعرفنى لكم الود كلة
Post: #21 Title: Re: لا بعرفك ولا بتعرفنى فى البورد؟ Author: ناصر فراج Date: 01-24-2011, 01:37 AM Parent: #20
من الاشياء العجيبة يعتقد كثير من البورداين بانهم من خلال اطروحاتهم بانهم كتاب بمتابة الصحفين المرموقين او المخصرمين او من اصحاب المدونات المشهورة اى ان اراهم او بوستاتهم اما ان تتفق معهم او تشاركهم الراى بمبدا المجاملة يعنى لو قلتة لا انسان هذا البوست فية خدش لعرض انسان اوفكرتك هذة مكررة حيث انها عرضت فى بوست اخر تجيك كلمة يازل اتنة مالك انتة لا بتعرفى ولا انا بعرفك وفوق البيعة تجيك كلمة يازول انتة ناطى من وين ولكم الود جميعا بالمناسبة الزعل ممنوع يا احبة جميعا ودى على وزن الدين ممنوع
Post: #22 Title: Re: لا بعرفك ولا بتعرفنى فى البورد؟ Author: Abdlaziz Eisa Date: 01-24-2011, 04:24 AM Parent: #21
Quote: الزول السمح/عبد العزيز معاك فى كل ما قلتة ,واتمنى من بقية الاخوة برضوء بان يشاركونا فى الامر ولك كل الود
الأخ العزيز/ ناصر
نقول معك ياريت لو الناس تجي وتقرا وتشارك.... بس!!! طبعا عامل الشلة وشئ تاني مهم.. حكاية شيلني أشيلك.. أرفع بوستي أرفع بوستك
وسياسة ما بنمشي لي ناس ما بيجونا دي شغالة قوي هنا..
يعني تمشي لبوست زول تقرا.. أو بس تدخل ولو ما لقيت أي شئ تكتبه تروح تكتب فوق.. فوق.. وكدا تكون طالبه زيارة أو عتيلة زي ماهو عتّل ليك..
تحياتي
Post: #23 Title: Re: لا بعرفك ولا بتعرفنى فى البورد؟ Author: ناصر فراج Date: 01-24-2011, 10:17 AM Parent: #22
الاخ الكريم/عبد العزيز صباحك نور تعرف بالطريقة فى ناس كثيرة ما اتلومت لوم السواد ,الموضوع اكبر من الشلة والتكتلات تعرف نحن السودانين برغم التطور فى الحياة لكن لسة واقفين عند محطة العربية التايوتا والماركة ناشونال يعنى الانسان الكاتب لو ما من القبيلتين ديل البضاعة تكون كاسدة . ومبدا البرالمة لازل يسيطر على عقليتنا خاصة ان الغالبية بتشجع السناير وانا معم ولكن ان البوست ذو فائدة . لك كل الود
Post: #24 Title: Re: لا بعرفك ولا بتعرفنى فى البورد؟ Author: Nazik Eltayeb Date: 01-24-2011, 04:16 PM Parent: #23
شكرا ناصر لفتح الموضوع و اضيف كمان لعبارة لا بعرفك ولا بتعرفني عبارات من شاكلة: -اطلع من البوست حقي - ماعايز اشوفك - لو جيتني تاني في بوست حقي حأعمل ليك كيت و كيت كأن البوست مكان خاص به طالما قام هو بفتحه زد على ذلك الشكر على المرور اذا لم تقم بتحية صاحب البوست يا ويلك ويا سواد ليلك او رد على زول رد مفحم مبا ستجد هذا الشخص يتجنب بوستاتك لانت ظل الهزيمة الاخير لا يغادره ابدا رغم تغير الموضوع
----- ربما عبارة حوش بكري خلت الناس تفتكر انو البوستات غرف خاصة جوه الحوش (وش ضاحك او بحاول يضحك)
Post: #25 Title: Re: لا بعرفك ولا بتعرفنى فى البورد؟ Author: Abdlaziz Eisa Date: 01-24-2011, 05:48 PM Parent: #24
Post: #26 Title: Re: لا بعرفك ولا بتعرفنى فى البورد؟ Author: ناصر فراج Date: 01-24-2011, 11:32 PM Parent: #25
الاخت الكريمة/نازك لكى منى كل التقدير على المرور والمشاركة بالراى فى مشكلة حقيقة بيننا نحن بورادب السودان ,على الرغم من الغالبية العظمى من المدونين هنا اشخاص على مستوى جيد جدا من التعليم والانارة الفكرية . فى كل مرة افكر فى ان امر العادات السوداينة والتى نحن بصدد واحدة منها وهى جملة لا بعرفك ولا بتعرفنى والتى هى فى نفس الوقت هروب من ابداء راى او الاعراض عنة برغم ان من اراد ان يبدى راية خالفة التعبير وقد يكون ناصح فى موضوع ماء اوراى ماء , انا متاكد من كثيرا الان يقولون بان كاتب هذا البوست عايز يعمل لنفسة موضوع وانا اوكد نعم اود ان اعمل موضوع لكن ليس لنفسى ولكن لحالنا نحن سودانين فى بعضنا وفى داخل حوش بكرى اكبر الحيشان السوداينة اسفيريا , والذى توفر فية نوع من الحريات التى لم نراة فى الحوش الكبيير قبل 9/ 01 وربنا يحفظ الباقى . فى مرات كثيرة اسئل نفسى هل الذين فى لحظة انفعال بعد ان احجموء راى اخر عبر جملة يازول انتة مالك انا لا بعرفك ولا بتعرفنى و عملو ليهم زيارة صغيرة لدار العم قوقال وفتشوء فى البوسات التى ادرجوها وفى نص الاطلا ع ظهر ليهم يا...................... لاب..................... ولا ب...................! لكى كل التقدير اختى
Post: #27 Title: Re: لا بعرفك ولا بتعرفنى فى البورد؟ Author: ناصر فراج Date: 01-25-2011, 00:37 AM Parent: #26
الاخ/عبيد العزيز كيف امورك ياحبيب لكن حالتك صعبة والحال من بعضة ياعزيز الله غالب
Post: #28 Title: Re: لا بعرفك ولا بتعرفنى فى البورد؟ Author: ناصر فراج Date: 01-25-2011, 01:23 AM Parent: #27
