Post: #1
Title: 900 الف جنيه استرليني !!!!! يا ناس الفيس بوك بيوزع قروش؟
Author: محمد عمر الفكي
Date: 01-20-2011, 11:54 PM
تلقيت رسالة من احد الاشخاص بهذا المعنى وارسل كود كدا ووضع رقم تلفون وطلب الرد على الرسالة، فتشت في القوقل اشوف الحاصل مالقيت اي خبر عن الموضوع ،زول يفيدنا عشان نأجر الباسوورد دا لزول بعد كدا اصلو الواحد مااظن يفضى ليكم من القعاد مع الوليد وبيل جيتس.
عمران
من هسي الموضوع لو صاح انا اصلو ما بعرفك لكن كدا شوف لينا الحاصل شنو ومابننساك وبالمرة كلم لي سمعة يشوف لى تذكرة ذهاب فقط
|
Post: #2
Title: Re: 900 الف جنيه استرليني !!!!! يا ناس الفيس بوك بيوزع قروش؟
Author: عمران حسن صالح
Date: 01-21-2011, 00:01 AM
Parent: #1
Quote: عمران
من هسي الموضوع لو صاح انا اصلو ما بعرفك لكن كدا شوف لينا الحاصل شنو ومابننساك وبالمرة كلم لي سمعة يشوف لى تذكرة ذهاب فقط |
سبحان الله !!
قلب المؤمن دليلو ياخي " ما عارف يعني شنو بس كنت يسمع الحاجة بتكرره طوالي :) "
يعني أنصاص الليالي أنا البيدخلني شنو هنا غير إحساسي إنو ود الفكي ما بيخليني بعيد من الرقم المهول ده :)
أجي ألقاكـ بايعني ؟؟
|
Post: #3
Title: Re: 900 الف جنيه استرليني !!!!! يا ناس الفيس بوك بيوزع قروش؟
Author: محمد عمر الفكي
Date: 01-21-2011, 00:01 AM
Parent: #1
يا عالم حد يصحى غريبة
بالمناسبة اتذكرت واحد من اعضاء البوست قبل كدا قال انه فاز بمبلغ 2 مليون دولار ومسافر هولندا يستلمها، غايتو انا خليت الناس ودعوه لكن جاء راجع ولا مالقى حق الرجعة والله ما عارفو
|
Post: #4
Title: Re: 900 الف جنيه استرليني !!!!! يا ناس الفيس بوك بيوزع قروش؟
Author: محمد عمر الفكي
Date: 01-21-2011, 00:06 AM
Parent: #3
انا المصحيني انه الليلة الخميس بصلى الصبح وبنوم انت مالك؟ والمقعدني في النت انه عمر ماسك الريموت ومتقعد.
بالمناسبة ما عرفتك !!!! ات منو؟
|
|