قرار خطير جداً .. جدن

Post: #1
Title: قرار خطير جداً .. جدن
Author: قيقراوي
Date: 01-20-2011, 01:56 PM
Parent: #0

هو ما خطير خالص ...

--------------

لكن قلنا نجرب عنوان يجيب الناس بس

Post: #2
Title: Re: قرار خطير جداً .. جدن
Author: ود الباوقة
Date: 01-20-2011, 02:03 PM
Parent: #1

واصل .........

Post: #4
Title: Re: قرار خطير جداً .. جدن
Author: Rihab Khalifa
Date: 01-20-2011, 02:09 PM
Parent: #2

ده كلام ممتاز موز شديد يا فتحي
واحد ناس جا
ننتظر كم ناس كده عشان تقول لينا :)

Post: #8
Title: Re: قرار خطير جداً .. جدن
Author: قيقراوي
Date: 01-20-2011, 02:39 PM
Parent: #4

رحوبة ياااا !!؟
كدي اولن مشتاغون ؤ كدا
و سانين : برضو
و سالسن .... و اييييييييك الى ما لا نهاية ذاتو ...

اما قبل ...

Quote: ده كلام ممتاز موز شديد يا فتحي
واحد ناس جا
ننتظر كم ناس كده عشان تقول لينا

تعرفي الميزة الفيك انك بتفهميا و هي طايرة !!

اما ما دار محور سؤالكم عنه ؟ .. فدا سؤال فلسفي عميغ جدن ... جدن ... حتى آدم همسلف ..
انت مستعجلة ولّ حاجة ؟
لسة ياخ منتظرين ناسات ... و ناس وناسة، .. و ناس وكالة ناسا ذاتم ... شفت كيف
ما زال البوست طفلون يحبو ياخ !؟

خليك بالجوار ... اوع تمشي بعيد ... سمح ؟

-------

عليك لوم ... ما عزيتيني ليه في مسقط رأسي انقطع !! .. تبدأ مراسم الدفن يوم 9 يناير .. و لا عزاء !!
ياخ مسقط رأسي يؤلمني شديد ... انت قايلة قطعة الراس دي هينة ؟

Post: #6
Title: Re: قرار خطير جداً .. جدن
Author: قيقراوي
Date: 01-20-2011, 02:10 PM
Parent: #2

ود الباوقة سلامات يا اخا الذي هو بالرياض

اما بعد

Quote:
واصل .........

في ي ي ي ذمتك دي توريني كنت قايلو شنو !؟

------------

ذممتك اوعك تنسى .... سمح ؟

Post: #3
Title: Re: قرار خطير جداً .. جدن
Author: قيقراوي
Date: 01-20-2011, 02:06 PM
Parent: #1

و الخطاب كان لسيدي البدوي ...
Quote:
تعرف انا قررت قرار خطييييييير جداً
انا دا ذاتي بدور اسعى لي " مكتبة " هنا دا ... شفت كيف !؟
المافي شنو !؟

و ما هو الباندويث !؟

سألت :

Quote:
بس الدرب بوين ؟

زول عبرني مافي !!!؟

فقلت [ المافي شنو !؟ * ] .. نسأل تاني :

بس الدرب بوين ؟

-------------

* قمت كف نف فتحت الكنتين دا .. هو انا دافع حاقة من جيبي ؟ ... و لا عزاء للباندويث

Post: #5
Title: Re: قرار خطير جداً .. جدن
Author: جمال الباقر
Date: 01-20-2011, 02:10 PM
Parent: #3

Quote: لكن قلنا نجرب عنوان يجيب الناس بس

حتى أنت يابروتس

Post: #7
Title: Re: قرار خطير جداً .. جدن
Author: ياسر بيناوي
Date: 01-20-2011, 02:19 PM
Parent: #5

سلامات ياقيقا

اولن نحييك علي هذا القرار الصعب
سم سانيا
الدرب ياخوي تمشي منبر ( بوستات لمكتبتي )
وفنترن تعمل بوست تطالب فيهو بي مكتبة كدر الضربة
وتقعد ترجي بكري معانا بهناك لحدي ما ربنا يسهل

خالص الود
بالمناسبة تحياتي لذلك الزول الا سمو وجن وامو اخوهو اوختو

Post: #10
Title: Re: قرار خطير جداً .. جدن
Author: قيقراوي
Date: 01-20-2011, 03:01 PM
Parent: #7

يا سر بيناوي .. او بين اتنين و ما بنقولوا لي تالت
ما صعبتها شديد ياخ ؟
Quote: سلامات ياقيقا

اولن نحييك علي هذا القرار الصعب
سم سانيا
الدرب ياخوي تمشي منبر ( بوستات لمكتبتي )
وفنترن تعمل بوست تطالب فيهو بي مكتبة كدر الضربة
وتقعد ترجي بكري معانا بهناك لحدي ما ربنا يسهل

الشغلة فيها تقديم و انتظار و انتو قاعدين جايبين ليكم جرايد و تسالي و قاعدين في الصف كما !؟
يا للهول !
سوم سانين النسألك ( مسئول من الخير .. الخير بس سامع ؟ ) :
لازم بكري يعني ؟ ... ما في خيارات ؟
كان كدا بي موية و كملت ... راحت احلامك سودن يا قيقا ...
تاني العشم المافي يتبدل من ابليس في الجنة الما لاقيها لي " عشم قيقراوي - في الاخرتا كوم تراب دي ما في الجنة !؟ - في مكتبة في الاخرتا ضوط كوم !!

كدا يا بيناوي تنسف احلامي في [ مكتبة كدر الضربة ] !؟
مفيش حظ *

------------

البتسال منهم ديل يا حليلم .. انت اقرب ليهم ... سلم لي عليهم بالله عليك ؟
* حكاية مفيش حظ دي شابكنا بيها واحد اسمو " الـchــيو " زول كيشة كياشة في الشطرنج !؟ لدرجة قف و ما تتامل تأمل ملاسي كلو كلو !
المهم الزول دا تقول ليهو الحصان دا طار يا عمك ؟ .. يقوليك : هو الشغال بالحصين منو ؟ الرخ ضنبو رقّ يا " الـchــيو " تجيك البرودة : شيييييييييل . الطابية اتحلسن يا قريبك !؟ ... اه ! ( بابتسامة مخاتلة كمان ! ) ... " الـchــيو " الوزير في غضب الله !! .. ما مشكلة و الله بجندي بس بغلبك ... " الـchــيو " الملك دا الا تختو في جيبك بعد دا ( كش ملك ) يا كيشة ! ... تجيك ( مفيش حظ ) بأسى و حزن يليقن بأي مسكيييييييييين !! مع انو حفر ايديهو براااااااااااهو ... اها اسي اخوك ما بقت على " الـchــيو " بي ذااااتا ؟

Post: #9
Title: Re: قرار خطير جداً .. جدن
Author: قيقراوي
Date: 01-20-2011, 02:45 PM
Parent: #5

Quote:
حتى أنت يابروتس

بروتس دا منو كمان ؟

ما شفت مداخلتو ... لكن ليك علي ما تمر بالساهل

شنو يا دكترة ؟ ... فقدناك يومداك ياخ !! ... يومداخ الجميع
كان انت او دكتور سيف يجي ياخ ... ما تبالغوا كمان !
الناس حتتو حت شديد ... لازم يكون في دكتور قريب ... الناس ديل كلهم عجايز و النطيط دا ما نطيط نصاح !؟
تان اتفقوا و انت و سيف النصر ... اعملوا شفتات كان ما قدرتو تجوا اللتنين ... خلاص ؟

سلامات يا مان

قلنا نجرب ... المافي شنو ؟

Post: #11
Title: Re: قرار خطير جداً .. جدن
Author: قيقراوي
Date: 01-20-2011, 05:10 PM
Parent: #9

اها يا ود الباوقة

Quote:
واصل .........

ما واصلنا ياخ !؟

تعال ياخ !؟

وكت اصلو قنعنا من المكتبة كبيرة و صغيرها ؟
تعال نسغفك في الكورة
المافي شنو !؟

Post: #12
Title: Re: قرار خطير جداً .. جدن
Author: ود الباوقة
Date: 01-20-2011, 05:18 PM
Parent: #11

Quote: تعال نسغفك في الكورة

قيقراوي

انت مشيت مع الجماعة موريتانيا ؟

Post: #16
Title: Re: قرار خطير جداً .. جدن
Author: محمد حسن العمدة
Date: 01-20-2011, 05:46 PM
Parent: #12

ياخوي موزك دا ياخ ما كسرنا عدييييييييييييل

دحن الحاصل شنو ...

بقيتو جنوب ولا شمال ولا الفي النص يطوطح

Post: #17
Title: Re: قرار خطير جداً .. جدن
Author: محمد حسن العمدة
Date: 01-20-2011, 05:46 PM
Parent: #12

ياخوي موزك دا ياخ ما كسرنا عدييييييييييييل

دحن الحاصل شنو ...

بقيتو جنوب ولا شمال ولا الفي النص يطوطح

Post: #40
Title: Re: قرار خطير جداً .. جدن
Author: قيقراوي
Date: 01-22-2011, 03:30 PM
Parent: #17

ود العمدة
ما عذبتا الباندويث ياخ
تكرر سااااي .. آي عسان ما دافع !؟

Quote:
بقيتو جنوب ولا شمال

لا هذا و لا ذاك ..
ب منزلة بين المنزلتين ...
قيقراوي بس

Post: #39
Title: Re: قرار خطير جداً .. جدن
Author: قيقراوي
Date: 01-22-2011, 02:51 PM
Parent: #12

ود الباوقة

Quote:
انت مشيت مع الجماعة موريتانيا ؟

بطّل زمزغة ياخ !؟

مورتانيا و لّ موزمبيق هي؟! ..

Post: #13
Title: Re: قرار خطير جداً .. جدن
Author: محمد البشرى الخضر
Date: 01-20-2011, 05:20 PM
Parent: #9

قيقرا قيقرا قيقرا
السلام والذي منه

في أمر المكتبة كلام بيناوي دا جلّيه, إراقة ماء كيبورد ما أكتر
كنت محتار زيّكم كدا في موضوع المكتبة و كيفية الحصول عليها
وفعلا كنت فاكرها للشعراء و الأدباء و العلماء .. إلخ - كما كتب يوما سيد الباسطة إثر زهجة المّت به من جنس إلحاح ناس بيناوي دا زاتو
فقنعت من خيرا فيها ظاهر و باطن وقلت موعدنا معها يوم تعود الأمانة لصاحبها و يسوّد وجه المنبر لنا ثلاثا و تُرفع البوستات التي تمجّدنا و تمدحنا وتعدّد ما لم نعهده فينا من مآثر و محاسن
وفجأة كدا وأنا في عز قناعتي أعلاه بلا يجيني ليك مسنجر من صديق يبارك لي المكتبة في صمة خشمي فانخلعت يا ربي متّ ولاّ شنو؟
واعتبرتها غلطة مطبعية أو هامش خطأ مقبول لا يفسد النسق المعياري - دي ليك يا قيقرا - أو الإستثناء الضروري لتأكيد القاعدة أو رزق من الله ساي
المهم في شي ما ياهو
و تكرر الأمر مع آخرين ليسوا من الفعلاء المذكورين أعلاه و لا يزالون على ظهر البسيطة يتنفسون و يأكلون و يمشون في الأسواق و يهرقون الباندودث كيفما اتفق
هنا قلبي اكلني , لا يمكن تكرار نفس الخطأ مرتين أو أكثر وارجاعه للصدفة المحضة
حتى أتى حبيب ألبي حموودي يقدل و يختال بمكتبته فقطع قول كل خطيب و فضح خطل نظرية الفعلاء
فرجعت للعامل المشترك بين المذكورين فكان بعد إجادة الفارغة و المقدودة بل وقدّها زيادة هو عدد المشاركات الكبير المعدود بالآلاف
فيا قيقرا و يا سيدي البدوي وبيناوي و ذو اليد و سائر الساعين للمكتبة
زيدوا العداد .. وبس

هذا و الله ثم سيد الباسطة أعلم

___________________

ألاّ قلت لي البوست دا عن شنو ابوي ؟

Post: #14
Title: Re: قرار خطير جداً .. جدن
Author: تاج السر محمد حامد
Date: 01-20-2011, 05:27 PM
Parent: #13

قيقراوى أخوى .. كيفنك ياغالى ..

تاج

Post: #15
Title: Re: قرار خطير جداً .. جدن
Author: تاج السر محمد حامد
Date: 01-20-2011, 05:30 PM
Parent: #13

قيقراوى أخوى .. كيفنك ياغالى ..

تاج

Post: #42
Title: Re: قرار خطير جداً .. جدن
Author: قيقراوي
Date: 01-22-2011, 05:12 PM
Parent: #15

استاذنا تاج السر
Quote:
قيقراوى أخوى .. كيفنك ياغالى ..

تاج

انا بخير و الله
اريتك انت طيب بس
ياخ مبروك للوليد
شفت البوست بطرف عيني بس و الله
و انت عارف شغلة مباصرة النت من الشغل دي مرات مرات بتبقى صعبة عديل

فالف مبروك ربنا يهنيهم . . و لك العتبى

Post: #18
Title: Re: قرار خطير جداً .. جدن
Author: جعفر محي الدين
Date: 01-20-2011, 05:49 PM
Parent: #13

أنا قلت القرار دا أكيد إنو قيقا قرر يفتح مكتبة في القيقر
وعلى قولك المافي شنو ؟
الكتب على قفا من يشيل والقيقر لوقت قريب كانت في الخريطة
وإنت طبعا عندك جواز سفر

ود البشرى جاب الأكيدة خيارين اتنين اتنين فقط
تبقى ملتي مشارك أو تموت
ولا عزاء للأدباء وبقية الفعلاء كما قال ود البشرى

Post: #43
Title: Re: قرار خطير جداً .. جدن
Author: قيقراوي
Date: 01-22-2011, 05:22 PM
Parent: #18

جعفرنا ... الما نميري

Quote:
تبقى ملتي مشارك أو تموت

مافي خيارات يعني ؟
و ملتي مشارك دي اسهل منها الزول يبقى أديب عدييييييييل و الله

الله في

لكن ان مت المكتبة فايدتا شنو !؟
بالله هو الما شكّرني و انا حي، مشكرني بعد موتي لشنو ؟
انا دا كدا استفدت شنو !؟
حنجلة بس

Post: #19
Title: Re: قرار خطير جداً .. جدن
Author: ياسر بيناوي
Date: 01-20-2011, 06:12 PM
Parent: #13

Quote: هنا قلبي اكلني , لا يمكن تكرار نفس الخطأ مرتين أو أكثر وارجاعه للصدفة المحضة
حتى أتى حبيب ألبي حموودي يقدل و يختال بمكتبته فقطع قول كل خطيب و فضح خطل نظرية الفعلاء
فرجعت للعامل المشترك بين المذكورين فكان بعد إجادة الفارغة و المقدودة بل وقدّها زيادة هو عدد المشاركات الكبير المعدود بالآلاف

نان اكان الشغلة

الباندويث ماوقع معاي

مع اني واحمد سيدي من الفعلاء ديل لكن نسوي شنو عاد ....؟

خالص الود

Post: #20
Title: Re: قرار خطير جداً .. جدن
Author: محمد البشرى الخضر
Date: 01-20-2011, 06:42 PM
Parent: #19

Quote: مع اني واحمد سيدي من الفعلاء ديل لكن نسوي شنو عاد ....؟
يا راااااااااااجل
_____________

Post: #21
Title: Re: قرار خطير جداً .. جدن
Author: ياسر بيناوي
Date: 01-20-2011, 06:47 PM
Parent: #20

Quote: يا راااااااااااجل
_____________

صدق يا ود البشري
انا شاعر لايشق له غبار
وجيت المنبر دا عشان الشعر

لكن لقيتكم انت وود الصائم جايطنها
دمست الشعر
وقبلت علي الكاااااااااااااااااااااااااكات

غايتو

خالص الود

Post: #22
Title: Re: قرار خطير جداً .. جدن
Author: محمد البشرى الخضر
Date: 01-20-2011, 06:55 PM
Parent: #21

Quote: انا شاعر
بشنو؟

_____________

بيناوي ياخ الله يهديك ما تحرف على الراجل البوست
الداير يقولو ما قالو لسة

Post: #23
Title: Re: قرار خطير جداً .. جدن
Author: أمين محمد سليمان
Date: 01-20-2011, 07:35 PM
Parent: #22

والله لكن قصه !!!
ياخي أنا ما عندي مكتبه !! إنت داير ليك واحده ؟!!!

--------
إن منبرا لا يؤسس لمفكريه و مبدعيه من أمثالنا مكتبات ، فهو إلي زوال و إن طال الزمن !!

Post: #46
Title: Re: قرار خطير جداً .. جدن
Author: قيقراوي
Date: 01-22-2011, 05:49 PM
Parent: #23

Quote:
إن منبرا لا يؤسس لمفكريه و مبدعيه من أمثالنا مكتبات ، فهو إلي زوال و إن طال الزمن !!

في رواية تانية جات هكذا :
إن منبرا لا يؤسس لمفكريه و مبدعيه من أمثالهم مكتبات ، فهو بنبر ساي !!

لا بالجد ...
و ما هو المعيار !؟
هي على الفلاحة و كشفة الوش ... و لّ الشغلة إحسان و إنصاف !؟

-------------

يا عمك شايفك توز و تؤلب في حبيبنا بكري ساي !
حتمن محاولاتك ( البائسة ) الى فشل .. فشلين ذريع بدو نإن

بكري ما تسمع قول العوازل ... اللخ اللخ
انت عارف آي لف يو سوووو مطش

Post: #44
Title: Re: قرار خطير جداً .. جدن
Author: قيقراوي
Date: 01-22-2011, 05:38 PM
Parent: #22

ود البشرى

Quote: بيناوي ياخ الله يهديك ما تحرف على الراجل البوست
الداير يقولو ما قالو لسة

اسمع فكك من ( الشاعر ) ياسر بيناوي ...
دا ما صفك ياخ !؟
انت اقيف لي في طابور ود الباوقة بهناك
يا زولة هو شنو اللسه دا !؟
ذكرتني قصة الشافع القالوا ليهو القهوة بترميك داك ...
مكتبة ... مكتبة ... مكتبة
كررها ثلاثاً و اردفها بـ ...
و الله العظيم ثلاثاً
المافي شنو ؟

لكن انت هدمت أملي .. لا للا لا لا .. تي تريرا تي تريرارا ... تا ترا را را ... اللخ ... اللخ
الظاهر انو : مفيش حظ بس !!

---------

خليك من ذائقتي انا - و شهادتي مجروحة في فردتي - اها الموسيقار الموصلي فيهو كلام ؟
اها ..

Quote: العزيز زميل البورد ياسر بيناوي
اذا نكرمت بقبول الكولاج العملتو انا في
نصك الرائع ده حيكون مشروع اغتية رائعة
واكون ممنون
=================================
للشوق حدود
شيل من خيالك
فكرة اننا
تاني زي ايام زمان
ممكن نعود
======
برضي زيك مشتهيك
والفرق بين احساسنانحن
اني حالف ما أجيك
او اسيبك تاني تحلم
بي رجوع ايامنا ديك
دا اللي فات ... ما اظنو برجع
والمسافة البينا اوسع
من خيال لحظة حنين
يوم مر بيك
--
قايلني هاني سعيد بلاك
انا برضي شقيان بي هواك
وبرضي زيك مشتهيك
لكن محال الرجعة ليك
وأصلي حالف ما أجيك
دا اللي فات ... ما اظنو برجع
ياضنين
والمسافة البينا اوسع
من خيال لحظة حنين
والحنين لو مر بيك
أحياني زي ما برضي عايشك
زكري في الماضي البعيد
للشوق حدود
شيل من خيالك
فكرة اننا
تاني زي ايام زمان
ممكن نعود

لكن محال الرجعة ليك ( نص جديد )

Post: #41
Title: Re: قرار خطير جداً .. جدن
Author: قيقراوي
Date: 01-22-2011, 04:27 PM
Parent: #13

ابو حتحوت

Quote: وفعلا كنت فاكرها للشعراء و الأدباء و العلماء

حتّ ني

Quote: فيا قيقرا و يا سيدي البدوي وبيناوي و ذو اليد و سائر الساعين للمكتبة

و الله ظلمت سيد البدوي و بيناوي ساي
حبيبنا ذو اليد، و انا ذو اليدين دا لا ايدنا لا كراعنا معاهم ....

احبطني يا ود البشرى
اهبطني شديد ...
اريتا كان بقت على الافتكار بتاعك القديم ... و بتاعي لحد ما فتحت البوست دا ...

بالمناسبة :

Quote:
ألاّ قلت لي البوست دا عن شنو ابوي ؟

للشهرة ساي ... للشهرة ما اكتر

--------

لكن انت هدمت املي ياااااا .... اللخ ... اللخ

Post: #24
Title: Re: قرار خطير جداً .. جدن
Author: عاطف عمر
Date: 01-20-2011, 08:00 PM
Parent: #1

يا أخوانا ما في زول يصحي لينا بكري دا ؟؟؟

الله عالم وشاهد مرة كدا اتشالقت
وعملت نظام أنو الولد مهم ومن محاربي البورد القدامى وعندو ( دلال عند بكري )
قمت كدا فتحت لى بوست أطالب فيه بمنح مكتبة لأحد الأعضاء ممن أعتقد أنه من ( الفعلاء ) جداً جداً
إضافة لكونه من ( كبارنا ) الذين يمنعهم وقار السن أن يطلب شيئاً ( قيقا ما تتحسس إنت زاااتك وقور )
وقمت برضو نظام أنو الولد محضر مادة البوست جهزت روابط بوستات ومداخلات عمنا
كتبت المداخلة الأولى
وذيلتها بعبارة أنني سوف أنزل روابط البوستات ( تسهيلاً لمهمة ) السيد بكري قدس الله سره
عملت رفرش
وحياتكم عيونكم ما تشوف إلا النور
البوست راح في حق الله
عملت كل أدوات البحث التي أعرفها فلم أعثر عليه

أها الكضب كعب

وحياتكم بقيت خايف على روحي
قلت بكري يكون أداني كرت أحمر

نزلت ليك في البوستات تداخل من طرف
كلام كدا زى كلام عمر أومو داك
بس المهم أتأكد إنني لا أزال إقسست

_____________

سلام قيقا
سلام ود البشرى
سلام لجميع المتداخلين

سلام عالمنا الجليل بروف أمين
شهد الله كم حاولت أن أقابلك في السودان فقد سمعت رواية غير مؤكدة أنك كنت هناك عندما كنت أنا أيضاً هناك

Post: #25
Title: Re: قرار خطير جداً .. جدن
Author: أمين محمد سليمان
Date: 01-20-2011, 08:31 PM
Parent: #24

سلام يا عاطف و إن شاء الله طيب ياخي
سئيلي الله ما سمعت ساي انك في السودان أيام أنا هناك ، و نتلاقي في ساعة خير إن شاء الله !!

نجي لصحبك قيقروي ده : الزول ده أخر اربعه خمسه بوستات : فتحها كلها انتقادات لبكري - بعضها معلنه و بعضها مخفيه - و كل مره عندو طلب أزفت و أضل من القبالو : مره عايز يسجلو ليه وحده صحبتو و مره عايز يرفدو ليه زول و مره عايز مكتبه : مراتو ما بتنتهي و كلامو كلو دغمسه و طعين في بكري : و بكري ده يا عاطف خط أحمر من الدم ما بنستحمل فوقو كلمه : و ما بنستحمل فيه الطعين و الأنتقادات كان بالحق كان بالباطل !!
فدحن يا عاطف يا أخوي اتكلم مع أستاذ فتحي ده يخلي بوستو ده يغتس أو كمان يكتب الدايرو لكن ما ينتقد لينا بكري عشان ما يزعلنا و يوترنا : هسي أنا بكتب و بغالب في دموعي من الزعل !!

Post: #26
Title: Re: قرار خطير جداً .. جدن
Author: عاطف عمر
Date: 01-20-2011, 09:24 PM
Parent: #25

سلامات يا بروف
قيقراوي وود البشرى ومن لف لفهم
خليهم
ملحوقين وبنجيهم راجعين
Quote: و بكري ده يا عاطف خط أحمر من الدم ما بنستحمل فوقو كلمه : و ما بنستحمل فيه الطعين و الأنتقادات كان بالحق كان بالباطل !!
فدحن يا عاطف يا أخوي اتكلم مع أستاذ فتحي ده يخلي بوستو ده يغتس أو كمان يكتب الدايرو لكن ما ينتقد لينا بكري عشان ما يزعلنا و يوترنا : هسي أنا بكتب و بغالب في دموعي من الزعل !!

إنت زات نفسك وكت بتعرف كلام قدر دا المطلعك من السودان شنو ؟؟
سئيلي الله أكان قمت كدا غيرت اسم قيقا الوارد في كلامك دا بأسماء أخرى من الـ ( بالي بالك )
باااكر القريييييييبة دي نسمع بيك حاجة تانية
ونقعد نشيل ونقول الزوول دا صاحبنا
الوكت داك البيحسن بينا الظن حيقول علينا إننا ناس لبط
والما بيحسن بينا الظن ح يشكك في مقدراتنا الذهنية

Post: #27
Title: Re: قرار خطير جداً .. جدن
Author: أمين محمد سليمان
Date: 01-21-2011, 05:46 AM
Parent: #26

Quote: إنت زات نفسك وكت بتعرف كلام قدر دا المطلعك من السودان شنو ؟؟
سئيلي الله أكان قمت كدا غيرت اسم قيقا الوارد في كلامك دا بأسماء أخرى من الـ ( بالي بالك )
باااكر القريييييييبة دي نسمع بيك حاجة تانية
ونقعد نشيل ونقول الزوول دا صاحبنا
الوكت داك البيحسن بينا الظن حيقول علينا إننا ناس لبط
والما بيحسن بينا الظن ح يشكك في مقدراتنا الذهنية

ياخي عشان تعرف إنو الحكومه دي وهم كيف !!!
الموهبه بتاعت الدجل و الشكر البكضب ده ما أي زول بعرفها : أسمع دي باللغه العربيه يا عاطف :

إن بكري فخرنا و عزنا و شمسنا التي لا تغيب : و أيم الله لو خاض بنا بكري اسافير الله كلها لخضناها معه :

الله الله في بكري يا قيقا !!
الله الله في قائدنا يا قيقراوي
الله الله في ريسنا يا قيقا !!
ثم أنشد قائلا :
وَ بكري خَيرَ النّاسِ كُلّهِمِ * جَاراً وَأوْفَاهُمْ أبَا حَنْبَلْ
أقْرَبُهُمْ خَيراً وَأبْعَدُهُمْ * شَرّاً وأسْخَاهُمْ فَلا يَبْخَلْ *

-------------
* الشعر ده أنا مجازفو من قوقل ، لكن كدي خلي يجي زول يقول أنا مجازفو !!

Post: #28
Title: Re: قرار خطير جداً .. جدن
Author: HAIDER ALZAIN
Date: 01-21-2011, 06:13 AM
Parent: #27

اعترض وبشدة كماان ..

مكتبة شنو لقيقراوي كمان في البرد دا

ـــــــــــــــــــــ
بروف امين محمد سليمان .. تتجرس يا رجل وتقول لبكري يحذف بوست اقتراحي بحظرك.. شوية بس اخلص من خالتو فرنصا واشكل فالترون مع المستنير وهبة ونرشك

Post: #29
Title: Re: قرار خطير جداً .. جدن
Author: Rihab Khalifa
Date: 01-21-2011, 08:00 AM
Parent: #28

قيقراوي

اللوم حاااصل ما بكضب عليك
و طمعانين كالعادة في طولة بالكم علينا و مقدرين سؤالكم عننا
دائما بالجوار، ان شاء الله
__________

انت يا حيدر الزين، ما شاء الله غايتو، قالو الناس بعد العرس بتنشغل في ام رويحتها دي، انت شكلك يادووووبك لقيت ايدك، لوووووول
من اين لك هذا الوقت؟
__________

Quote: سلام قيقا
سلام ود البشرى
سلام لجميع المتداخلين

سلام عالمنا الجليل بروف أمين
Atif

عاطف ياخ اصلو الليلة ما بخليك الا تقول لي البخليك تخص ديل بالسلام و تست###### الباقين شنو؟

عالمكم الجليل يا عاطف؟ الجليييل؟
لووووووووول
انا غايتو مع قيقراوي انه يدوهو مكتبة في عضمة، و كان بكري داير تحنيس، ممكن نبدا بمكتبة من اقوالهم، اصلها مفتوحة للتحديث، مع اني ما فاهمة دي يعني شنو، لكن شكلها مكتبة للاحياء

اما عالمكم الجليل ده و اعمالة التخريبية الا رف طويل عريض في مكتبة الفساد بس :)

Post: #30
Title: Re: قرار خطير جداً .. جدن
Author: الطيب رحمه قريمان
Date: 01-21-2011, 08:10 AM
Parent: #29

أنا عارف القرار ... !!!!

Post: #55
Title: Re: قرار خطير جداً .. جدن
Author: قيقراوي
Date: 01-23-2011, 12:47 PM
Parent: #30

اخوي الطيب رحمة

Quote: أنا عارف القرار ... !!!!

قرّض على كدا ... ما تكلم زول يا قيقراوي يا اصلي ... سمح ؟

بس كلم ود العمدة دا انو نحن " منزلة بين المنزلتين " ... "الشماجنوبية"

و في بعض الروايات - منها رواية قيقا راوي ( المتصلبط ) ( الآخر ) - ورد التصنيف تحت كاتوقوري ( other ) ... و الله اعلم

Post: #31
Title: Re: قرار خطير جداً .. جدن
Author: عاطف عمر
Date: 01-21-2011, 12:46 PM
Parent: #29

Quote: عاطف ياخ اصلو الليلة ما بخليك الا تقول لي البخليك تخص ديل بالسلام و تست###### الباقين شنو؟

سلاماااات رحاب
خليني أحكي ليك طرفة أستاذنا المرحوم بروف ( ح أ الـ ) أو هى من طرف الرئيس الأسبق جعفر نميري
كان البروف أٍستاذنا في كلية الهندسة ، وكان مايوياً مقتنعاً بكل أطروحات مايو وكان مقتنعاً أيضاً أنه أصلح من يتولى حقيبة وزير الأشغال أو وزير الري أو وزير الإسكان وعزز من هذا الإعتقاد وجود شقيقه الأصغر في مجلس وزراء نميري .
لسبب ما لم يحقق له النميري هذه الرغبة .
في مرة من ( المرارات ) أصدرت نقابة أساتذة جامعة الخرطوم بياناً قوياً تدين فيه بعض قرارات مايو الإقتصادية ووقع جميع الأساتذة ومن ضمنهم بالطبع أستاذنا .
بسرعة فائقة أمر نميري مدير مكتبه بأن يجهز له قرار جمهوري ( بأثر رجعي ) بتعيين أستاذنا البروف وزيراً للأشغال وأمر باستدعاء البروف
عندما دخل البروف المكتب قابله نميري بحزن ( مصطنع ) ولوح له بالقرار الجمهوري
" ما عيب عليك يا بروف أنا أعينك وزير للأشغال وأجي ألقاك بتشتمني مع ( الأولاد ) الشيوعيين ديل ؟؟ "
ورمى لى بالقرار
فلما قرأ أستاذنا القرار رد بطرفته

" عاد يا ريس أقول ليك ما إتلومت ؟؟؟ "

إنتهت الطرفة

حقك علينا يا رحاب
إتلومنا شديد
لكن برضو

( عالمنا الجليل بروف أمين ) خط أحمر من الدم زاتو......

الجلييييييييل أيوا
( كية للمابينا )

Post: #32
Title: Re: قرار خطير جداً .. جدن
Author: محمد البشرى الخضر
Date: 01-21-2011, 01:23 PM
Parent: #31

Quote: إنتهت الطرفة
هههههههههههههههههههه
بالغت يا هندسة

Post: #33
Title: Re: قرار خطير جداً .. جدن
Author: أمين محمد سليمان
Date: 01-21-2011, 05:04 PM
Parent: #32

Quote: بروف امين محمد سليمان .. تتجرس يا رجل وتقول لبكري يحذف بوست اقتراحي بحظرك.. شوية بس اخلص من خالتو فرنصا واشكل فالترون مع المستنير وهبة ونرشك
يا حيدر ، شفت بوستك الفتحتو مطالب بحظري !!
و شفت كيف حادي الركب و ربان السفينه رماهو في سلة المهملات و لسان حاله يقول : الله الله في مفكرينا ، الله الله في علمائنا !!!

Post: #34
Title: Re: قرار خطير جداً .. جدن
Author: أمين محمد سليمان
Date: 01-21-2011, 05:36 PM
Parent: #33

إلي المتنمره في عليائها ؛ رحاب : حيث لا رحاب هناك !!
Quote: عالمكم الجليل يا عاطف؟ الجليييل؟
لووووووووول
انا غايتو مع قيقراوي انه يدوهو مكتبة في عضمة، و كان بكري داير تحنيس، ممكن نبدا بمكتبة من اقوالهم، اصلها مفتوحة للتحديث، مع اني ما فاهمة دي يعني شنو، لكن شكلها مكتبة للاحياء
اما عالمكم الجليل ده و اعمالة التخريبية الا رف طويل عريض في مكتبة الفساد بس :)
سجلك الطويل في التنمر و إستوساخ الناس ده الخلي عاطف يست######ك و سلام الله ذاتو يستكترو عليك !!
بالنسبه لمكتبة قيقا : أري إنو ده شان بيخص بكري إن شاء أعطاه و إن شاء منعه : فان أعطاه شكرنا و إن منعه صبرنا لكن زول يعمل لبكري كركبه في صلعتو و كل يوم طلب و كل يوم بوست بتاع بل و مطاعنه فدا الما ممكن نسمح بيهو و لو قيقا قايل إنو امورو البسوي فيها دي فايته علي بكري يبقي غلطان : الريس صاحي و واعي و شايف قيقا بعمل في شنو ، و سايبو يسرح و يمرح لحدي ما تغلبو القرايه ، عشان لمن يكتب ليهو وداعا : قيقا ينزف في الدوايه !!!!

---------
سئيلي الله مشتاقين !!

Post: #35
Title: Re: قرار خطير جداً .. جدن
Author: قيقراوي
Date: 01-22-2011, 09:03 AM
Parent: #34

حيرتونا و الله يا شباب
البيت محروس و ستو تكوس !!؟

لكن مبدئياً كدا : السلام عليكم و رحمة الله و بركاتهو

اما بعد ...

لكل من دار - او ( لف ) ساي ان شاء الله - محور سؤالهم عن ( مضمون ) البوست ؟
النصيحة كدي خلوني فجأتن كدا، افاجعكم ... انا ذاتي ما عارفو !!
لكن البضمنوا ليكم تب انو سيد الفنايل احتمال كبيييييييييير يقعل فنايلو من كل من سولت لهو نفسهو الدخول لعتبات هذا البوست ( المقدسة )

مع ذلك و برغمه .. بالله عليكم تأملوا معاي :

1120 مشاهدة !!؟
اسي كان فاجأتكم بباكورة انتاجي ( الادبي ) زول بشتغل بي مافي !؟
واخد بال سعادتك يا امين يا حبيب ألبي ؟ السوق كعب شديد ياخ !؟ خاصة سوق ( الفكر ) بتاعكم دا ... دا باير كلو كلو .. الثقافة برضز كساد شديد !!
بالمناسبة يا ابو حتحوت - بعد السلامات و الشكرات و الذي منو لمن نجيك ليهل بالدرب و نجيّها تمام - انا - قدر قدرتي دي - اشهد انو ياسر بيناوي شاعر بالدرب العديل داك
و الله العظيم ثلاثاً
مسؤلين من الخير :
" انتو سمعتوا حكاية البت الصارت وردة " ... او نحو ذلك
فتش في ي ي بوردي من لا بورد لهو دا ذاااااااتو ...

-------------

يا شباب حساسية ما معانا
شوتوا ساي - إلا ود الباوقة، إلى حين اجتياز فترة التدريب الح نعملا ليهو هنا، فقد اثبتت التجارب إنه اشتر، و فكرتو في الكورة ما على قدر كدا - شوتوا ساي ... او اقول ليك قولة
حتى انت ذاتو شوت ضفاري ... المافي شنو ؟
البوست دا بدأ زي الدبيب ... أي فتلة بتسعدل فيهو شوية
احتمال يتصلح ذاتو ياخ

اخوكم مزنوق و مكروب على الآآآآآآخر ... لكن وعد برجع ليكم فردن فردن فردن
و للضمان كدا
مشتاقين شديد
و يا امين و الله و سعيد بشوفتك ... ياخ فقدتك بالجد و تلفونك العندي ما عارف البت الشغالة معاك ( اوبريتر ) في تلفونك دي دي بتتكلم معاي انقليزي تقيل خلاس
ياخ كلما ياخ ... ياخ قول ليها في ( أجانب ) - غير ناطقين بها - بضربوا لي ياخ !؟
عقدتني عديل كدا عالم الله و شاهد...
غايتو الفهمتو منها انك مافي ... لكن كيف ؟ الله اعلم
ياخ نحن حدنا انقليزي اليمنى و الهنود دا ... شي قلبنة و شئ تتمو وصف بيدك سااااااااي !

Post: #36
Title: Re: قرار خطير جداً .. جدن
Author: Rihab Khalifa
Date: 01-22-2011, 09:10 AM
Parent: #34

غايتو يا عاطف ما تعرف هامان منو و فرعون منو في قصة اخو صاحبكم و نميري دي، لوووووووول
اما شكرك فوق بروفك الجليل ده بقي لي زي قصة العميانة تكحلها مجنونة و تقولها حواجبك سود و مقرونة
عوجة مافي يا عاطف من صحبتك للبروف لكن المضرة حاصلة
و لك من السلام اضعاف، و ما شاغلتك الا لمودة

________________
يا بروف امين
بكري عطيتة دي عطية مزين
و عطيتنا لبكري عطية مزين :)
غايتو سئيلكم الله، دي وصية و الوصية في الزمة كان مت و انتو حيين، ما دايرا لي اي مكتبة في سودانيز، لووول، خلو كلامنا كده تذروة الرياح
يا قيقراوي انت داير مكتبة لشنو النبي

Quote: سئيلي الله مشتاقين !!
Amin

ايوة، اوحشك و اوحش عشرة زيك
النوريك عليائها الجد جد

Post: #37
Title: Re: قرار خطير جداً .. جدن
Author: HAIDER ALZAIN
Date: 01-22-2011, 09:19 AM
Parent: #36

Quote: انت يا حيدر الزين، ما شاء الله غايتو، قالو الناس بعد العرس بتنشغل في ام رويحتها دي، انت شكلك يادووووبك لقيت ايدك، لوووووول
من اين لك هذا الوقت؟

والله يا رحاب خليفة عقدتيني اكتر من عقد قيقراوي دا

هسسع انا شغال اسوط واكضب على المرة ومضغوط وما عارف شنو الشغل كتير.. تجي ترميها ببب كدة؟؟
بالله برري سريع الزولة دي مرات بتقرأ الموقع

لكن ما ظنيتها تقرأ ليها بوست للمتفلسف الاممي قيقراوي - او المنتحل امين محمد سليمان - فبرري تحسباً انه فراغها زايد وقرت ليهم

Post: #38
Title: Re: قرار خطير جداً .. جدن
Author: ياسر بيناوي
Date: 01-22-2011, 01:19 PM
Parent: #37

Quote: انا - قدر قدرتي دي - اشهد انو ياسر بيناوي شاعر بالدرب العديل داك
و الله العظيم ثلاثاً
مسؤلين من الخير :
" انتو سمعتوا حكاية البت الصارت وردة " ... او نحو ذلك
فتش في ي ي بوردي من لا بورد لهو دا ذاااااااتو ...

اها يا ابو حتوت
شهادة صاحب البوست
احسن من شهادة اتنين عدول

انت قايلني قاعد ساكن زيكم انت وحيدر الزين كاااااااااااااااااااااااااااك

خالص الود

Post: #45
Title: Re: قرار خطير جداً .. جدن
Author: ممدوح أبارو
Date: 01-22-2011, 05:41 PM
Parent: #38

واللهي؟

Post: #62
Title: Re: قرار خطير جداً .. جدن
Author: قيقراوي
Date: 01-24-2011, 10:43 AM
Parent: #45

ممدوحنا .. يا ممدوح
كان فتشنا كلمات لي مدحك ما نلقى ذاتو
كملت مديحنا كلو كلو
عشان كدا نشوف العكس ...

Quote: واللهي؟

انتو لي ما بتصدقوني ياخ !؟
يعوضنا الله في ( مصداقيتنا ) غايتو !!
وصلنا ( الاربعين ) دي سلفقة ساي غايتو ... و ما جاتنا رسالة ( ذاتو )* ! .. لا لوتري و لا حتى SMS ساي !!
الله في

لكن - انظر للجزء المليان من الكوب - ذاتو فقدان المصداقية دا كويس ...
قول لي كيف ؟ ... قلت لي كيف ؟ ... ربنا يقدرك على الاجابة طيب ...

عشان لما النمر يهجم جد جد و اجيكم اكورك :
هجم النمر ... هجم النمر ... هجم النمر !!؟
زول فيكم يصدقني مافي ...
و النمر - الجد جد الجهجم دا - يأكلكم كلكم !!
و ما يفضّل فيكم الا الناس البصدقوني

سلامات يا مان
و الشوق الوااااااحد داك

------------

عضو البورض ( الزول ذاتو ) قبل سنتين كان فاتح ليهو بوست زي دا " انو وصلنا الاربعين و ما جاتني الرسالة " او نحو ذلك
و كان يتحدث عن " رسالة " من الخارجية الامريكية

Post: #61
Title: Re: قرار خطير جداً .. جدن
Author: قيقراوي
Date: 01-24-2011, 08:51 AM
Parent: #29

يا دكترة

Quote:
اما عالمكم الجليل ده و اعمالة التخريبية الا رف طويل عريض في مكتبة الفساد بس

لوووووووول

و الله االبلحمر دي قريتا لبك هكذا [ الارف ] ...

لخير كدا اقترح - للحفاظ على الباندويث بس ما اكتر - اقترح انك تعيدي صياغة الاستتمنت ( بدون مسافات كتير بين الكلمات ) - توفير ياخ ! ليصبح هاكذا :

[ اما عالمكم الجليل ده و اعماله التخريبية الارف ... ] ... .اللخ اللخ حتى الاستتمنت يقول [ بس. ]
كدا اظبط مش يا الركاب ؟
ايه الأرف دا يا خال ؟ ...

خال دسم

----------

انا فتحت البوست دا بمطلب واحد ...
اسي بقن اتنين ...
ادعموا حق اخوكم في مكتبة ... ( اذكركم انتو عارفين اخوكم " يتيم " مش ؟
و ناضلوا من اجل استئصال ( الارف ) من البورد و تحويلو الى ( ارفف ) مكتبة الفساد
( و هوادة ساي فوق البيعة ) :
ادعموا اقتراحي لحبيب ألبي بكري - قدس الله سره - برفد الـ ( خال كدّة ) دا من البورد فوراً

التعديل الاول فلهمة ساي !
اما التاني فعشان نرقق قلبكم و تدعموا زي الناس

Post: #56
Title: Re: قرار خطير جداً .. جدن
Author: قيقراوي
Date: 01-23-2011, 03:43 PM
Parent: #28

العريس

Quote:
اعترض وبشدة كماان ..

مكتبة شنو لقيقراوي كمان في البرد دا

طيب بعد البرد ما يفوت ... بتوافق بـ " تموت تخلي " طيب !؟

--------------

لاول مرة من جيت جدة أم جداد دي - منذ 5 اعوامٍ خلون - يجي برد زي دا
متعة عديييييييل و الله
الحر و الرطوبة كتلونا ياخ !

Post: #53
Title: Re: قرار خطير جداً .. جدن
Author: قيقراوي
Date: 01-23-2011, 09:09 AM
Parent: #25

حبيب ألبي

عارف الصورة دي ناقصا شنو ؟
سجارة بس
بالغت غايتو !!
في واحد بوردابي هنا - كان ما اخاف الكضب اقول ابو حتحوت دا ذاتو - كتب مرة عن الناس البتصوروا مع الكمبوترات و يجوا يغزوها لينا في بروفايلاتم ديل !
انت بالغت مبالغة راسية ذاتو مع التكنولجيا دي ... إشئ كمبيوتر و شئ موبايل ... الشئ شنو !؟ ... ما كان تجيب تلاجتكم و البتوجاز برضو تدخلم معاك في الصورة دي
( علماء ) اخر زمن ... عالم بيض !
انقر لكن الابيض من الصورة دي شنو ؟

ياهو جنس الكلامات دي :

Quote: نجي لصحبك قيقروي ده : الزول ده أخر اربعه خمسه بوستات : فتحها كلها انتقادات لبكري - بعضها معلنه و بعضها مخفيه - و كل مره عندو طلب أزفت و أضل من القبالو : مره عايز يسجلو ليه وحده صحبتو و مره عايز يرفدو ليه زول و مره عايز مكتبه : مراتو ما بتنتهي و كلامو كلو دغمسه و طعين في بكري : و بكري ده يا عاطف خط أحمر من الدم ما بنستحمل فوقو كلمه : و ما بنستحمل فيه الطعين و الأنتقادات كان بالحق كان بالباطل !!
فدحن يا عاطف يا أخوي اتكلم مع أستاذ فتحي ده يخلي بوستو ده يغتس أو كمان يكتب الدايرو لكن ما ينتقد لينا بكري عشان ما يزعلنا و يوترنا : هسي أنا بكتب و بغالب في دموعي من الزعل !!

قل إنّا تواعدنا ليالي الظّلم أن نبقى هجائيين حتى يستفيق الحرف من حمى التآكل *

و كان داير " الوِرِد " في نصو الكامل نجيبو ليك ... المافي شنو ؟

قل إنّ المساء مساحة البوح الوحيدة
و قل إنّ الظّلام يقودنا نحو الصّباح متى يشاء
و قل إنا تواعدنا ليالي الظّلم أن نبقى هجائيين حتى يستفيق الحرف من حمى التآكل
و قل إن الذين يعرقلون مسيرة الأشياء نحو ختامها-يتسابقون على رقاب الصابرين- ليقتلوا طفل الطبيعة
و قل إن الطبيعة مسرح الأحياء لا مسرح الموتى و لا مشروع مقبرة النكاية
قل إنا بدائيون إذا ..
و إنا هالكون و إن قطعنا بالسيوف بحار تسويف القضية
أصمت إذا و دعني أستبيح الآن مهزلة التواتر و التوقع

-----------

دا القسم بتاعنا .... قسم د. تاج السر جعفر :
و ما ادراك انت دا بتاج السر؟ ... لفايدتك و الفايدة العامة. في الادارةعموما، و في التراتبية الصوفية، ( العوام ) ما بندهوا الاقطاب مباشرة .. دا بسموهو تخطي مراجع رساو عديل ... شفت كيف
فنتوسل لذلك بصديقنا محمد حيدر المشرف ينده لينا القطب الغوث تاج السر
Quote:
اى مشارق تغازل فى شموسها الان ايها التاج .. السر .. جعفر .. الخليفه .. طه .. الريفى , يا لصوفيه هذا الاسم

Post: #47
Title: Re: قرار خطير جداً .. جدن
Author: قيقراوي
Date: 01-22-2011, 06:03 PM
Parent: #24

عاطف عمر يا حبيب
Quote: قمت كدا فتحت لى بوست أطالب فيه بمنح مكتبة لأحد الأعضاء ممن أعتقد أنه من ( الفعلاء ) جداً جداً
إضافة لكونه من ( كبارنا ) الذين يمنعهم وقار السن أن يطلب شيئاً ( قيقا ما تتحسس إنت زاااتك وقور )
وقمت برضو نظام أنو الولد محضر مادة البوست جهزت روابط بوستات ومداخلات عمنا
كتبت المداخلة الأولى
وذيلتها بعبارة أنني سوف أنزل روابط البوستات ( تسهيلاً لمهمة ) السيد بكري قدس الله سره
عملت رفرش
وحياتكم عيونكم ما تشوف إلا النور
البوست راح في حق الله

عارفك ابوي قلبك ابيض ... ابيض عارفو قلبك ... و بالعكس
و الله عارفك بتصدقني برا حليفة ...
انت سرقت فكرتي بالضبط فوق و اتشالقت سبقتني عليها ...
و الله العظيم ثلاثاً هو دا بالضبط كان هدفي من البوست دا - عليكم الله واحد يلكز ود الباوقة و ود البشرى مشترك و لّ كمان واحد/ة يساعدنا بطلاق تلاتة - و طبعاً عقديتي بتكون وضحت لحدي اسي و فضحت من اعتقد بانه من الفعلاء جدن جدن ... حتى آدم همسلف ... و هي - العقيدة - اريتا تقيف على الفعلنة ساي ! ... غايتو لا ازكيه على الله لكني احسبه من خيار اخيار الفعلاء و الناشطين و من تبعهم بإحسان إلى يوم الدين

قوموا الى حاجاتكم يرحمكم الله

----

و الفاضي ما عندو حاجة يعملا، يقوم يلف و يرجع تاني هنا
نحن هاهنا قاعدون

تحياتي يا عاطف
و كن بخير

Post: #48
Title: Re: قرار خطير جداً .. جدن
Author: Adam Mousa
Date: 01-22-2011, 06:53 PM
Parent: #47

Quote: حتى أتى حبيب ألبي حموودي يقدل و يختال بمكتبته فقطع قول كل خطيب و فضح خطل نظرية الفعلاء

مبالغه لكن ..!!!

قيقراوى تحياتى والذى منو.. تصدق انا برضو حسرتى على الكويك(الجنوبيه) لى فيها ذكريات ..

Post: #49
Title: Re: قرار خطير جداً .. جدن
Author: محمد البشرى الخضر
Date: 01-22-2011, 08:50 PM
Parent: #48

Quote: اها يا ابو حتوت
شهادة صاحب البوست
احسن من شهادة اتنين عدول
بيناوي ياخوي الـ بتثبتوا شهادة العدول دا شعر ولاّ قضية ورثة أصلو؟
دا ما يمنع تعبيري عن سعادتي اليوم لمعرفتي بشاعريتك التي لا يشق لها غبار - يا قولك
و اسفي في نفس الوقت على تركك ليها لما لقيتنا بنكاكي أنا و حموودي - يا قولك برضو -
وإن كانت ما وقعت لي الحكمة شنو بالضبط في تركك الشعر بسبب كاكات الناس

Post: #50
Title: Re: قرار خطير جداً .. جدن
Author: نورالدين الفحل
Date: 01-22-2011, 09:16 PM
Parent: #49

قيقا كيفنكك
بعد البيك والرمرمة
ان شاء اللة الحمى رخت شوية
يازول اركز بتزازى مالك
شايفك كراع جوة وكراع برة
وقالوا صاحب بالين كضاب
انت معانا ولامع الخيانة
ومحل دفن الصرة تنساة
وان عزت البدائل تلزمكم فتوى
افرز كومك واختار سريع يافردة.

Post: #51
Title: Re: قرار خطير جداً .. جدن
Author: أمين محمد سليمان
Date: 01-22-2011, 10:59 PM
Parent: #50

قيقا و عاطف و رحاب و حيدر الذي كان الطريفي !!
عايزين تعملو مكتبات ، ما عايزين تعملو مكتبات علي كيفكم ؛ البلد ديمقراطيه و نحن ضد حجر أراء الناس فيما يودون فعله : لكن سيرة بكري تجي بالخير و لا بالشر ، بالواضح ولا بالمخفي فلا تلومن إلا أنفسكم !!!
اللهم اني قد بلغت ، اللهم فاشهد !!!

Post: #52
Title: Re: قرار خطير جداً .. جدن
Author: يوسف محمد يوسف
Date: 01-22-2011, 11:24 PM
Parent: #50

قيقا .. يا حنين .. كيف انكا ؟

كلو هين .. بس يا حبيب صورة البروفايل دى مالها " مدغمسة " ؟؟

كدى اديها فوطة خلينا نشوف .. the old-look !!

شايف رهاب رهاب .. شعر مموج .. و .. تى شيرت ماركة !!

غايتو ..

بطريقتك دى يوم ح تعمل ليك .. تونسة فى المنبر !

Post: #54
Title: Re: قرار خطير جداً .. جدن
Author: أبو ساندرا
Date: 01-23-2011, 09:27 AM
Parent: #52

Quote: و ما هو الباندويث

وماهو القليد البوص

Post: #57
Title: Re: قرار خطير جداً .. جدن
Author: أمين محمد سليمان
Date: 01-23-2011, 04:43 PM
Parent: #54

Quote: عارف الصورة دي ناقصا شنو ؟
سجارة بس
بالغت غايتو !!
في واحد بوردابي هنا - كان ما اخاف الكضب اقول ابو حتحوت دا ذاتو - كتب مرة عن الناس البتصوروا مع الكمبوترات و يجوا يغزوها لينا في بروفايلاتم ديل !

و إنت لمن كنت (غازي ) صورتك دي في بروفايلك ، كنت متصور جمب صحن باسطه ؟!!!

ياخي أنا جاتني أوامر عليا - أعلي مما أقدر أناقش أو أسال ليه ذاتو - إنو أغير صورتي الفي البروفايل : ما لقيت غير الصوره النزلها لي حمور دي :
عموما يا قيقا ياخي أنا هين و نحن فرد كان ضبحتني و علقتني في أستار المنبر البينا عامره : لكن تواصل في نقدك و مطاعنتك لبكري : بخسرك عديل !!!!!

Post: #58
Title: Re: قرار خطير جداً .. جدن
Author: قيقراوي
Date: 01-23-2011, 05:19 PM
Parent: #57

Quote: و إنت لمن كنت (غازي ) صورتك دي في بروفايلك ، كنت متصور جمب صحن باسطه ؟!!!

لووووووووول

قليك واحد صعيدي مشا محل الاجهزة الكهربائية، وشبك ليك سيد المحل التلاجة بي دي بكام ؟
سيد المحل : امش يا عم ما بنعش لصعايدة.
صاحبنا مشا غير و جا - يتكلم بلكنة اولاد القاهرة - و برضو سأل من التلاجة بكم ؟
اتنكر خواجة و بانقليزية ( لبلب ) ... برضو ما حصل على غير
امش يا عم ما بنعش لصعايدة.
استسلم بعد كمين محاولة . رفع الراية البيضاء بشرط واحد انو سيد الباسطة - اووووووووبس - اقصد سيد اللبن ... سيد العدة ياخ، انو سيد المحل يوريهو انو هو كيف عرف انو ( صعيدي ) هل اللغة ما كانت مية مية !؟
فاجاو ليك : لا .. اللغة مية مية يا عم ... بس دي مش تلاقة !!؟

ما تحرجنا مع سيد الباسطة ياخ
الظاهر معاك دا مش تلاقة و لا كمبيوتر يا عم !!؟

--------------

عندي ليك صورة ح تعجبك خالص ...
stay tuned

لقيتني كيف ؟ ...

التكنولجيا خليها ... اها اللغة كيف ?

Post: #59
Title: Re: قرار خطير جداً .. جدن
Author: أمين محمد سليمان
Date: 01-23-2011, 07:04 PM
Parent: #58

Quote: عندي ليك صورة ح تعجبك خالص ...
stay tuned

بالله الحقني بيها لانو قالو المعلقه دي ذاتها ما نافعه !!
بقت علي حكاية ود عمتي اللي إعترض علي صورتو الشينه لبتاع الأستديو في القاهره ، بتاع الأستديو قال ليه (حضرتك ، أنا بصور بس ، تحطلي ورد يطلع ورد ، تحطلي إرد يطلع إرد !!! ) !!!
فبالله لو عندك لي صوره ما ( إرد ) ، برني بيها الله يرضي عليك !!

Post: #64
Title: Re: قرار خطير جداً .. جدن
Author: قيقراوي
Date: 01-24-2011, 02:43 PM
Parent: #54

Quote:
و ما هو الباندويث !؟

Quote:
وماهو القليد البوص

قيل ..

Quote: ماهو القليد البوص

Re: و ما هو الباندويث !؟

كيفك يا كبير
وينكم انتو ياخ !؟*

-------------

* بصفتي صاحبك انصحك ما تتعامل مع السؤال ( الملغوم ) دا ببراءة ...

Post: #63
Title: Re: قرار خطير جداً .. جدن
Author: قيقراوي
Date: 01-24-2011, 12:14 PM
Parent: #52

سعاااااادتك
Quote: كلو هين .. بس يا حبيب صورة البروفايل دى مالها " مدغمسة " ؟؟

كدى اديها فوطة خلينا نشوف .. the old-look !!
!

جايب سيرة " الدغمسة " مالك يا سعادتك ؟ ...
كدا بتجيب لينا اللوم مع سعادتو ياخ ! .. و انت عارف كلو ولا زعل سعادة المشير مننا ياخ !!
قال ما داير " دغمسة " يعني نحن - الشعب ديل - طوالي نبطل دغمسة ...
لا بد للشعب من " حكومة " تشكمه " ... و مال ايه ؟

Quote:
شايف رهاب رهاب .. شعر مموج .. و .. تى شيرت ماركة !!

آي كدا ياخ ... الكلام الزي دا بعمل ماتشنغ مع البرستيدج - العادي - بتاع حناني ذاتو ياخ !
كلم الخال دا بس
الى ثم بعدينك المرحلة الكمبيوترية
يا امين شيل البناسب ( شعرك ) و غزها في بروفايلك ...

Quote: بالله الحقني بيها لانو قالو المعلقه دي ذاتها ما نافعه !!
....
فبالله لو عندك لي صوره ما ( إرد ) ، برني بيها الله يرضي عليك !!

انت كمان ما تبالغ ياخي !!؟
ما تقول ما حاولت - انت عارف معزتك عندي - لكن قارئة فنجاني ما قارئ بشاشا العزيز على ألبو شابكاني ليك :
طريقوك مسدودون ... مسدودون ... مسدودون يا وليدي !! ... لا يصلح الحلاق ما افسده الدهرو !
و ركز لي على ولدي دي يا ( خال )
فقلت ما في حل غير القلتو ليك فوق دا ... و لّ شنو ؟
Quote:
بقت علي حكاية ود عمتي اللي إعترض علي صورتو الشينه لبتاع الأستديو في القاهره ، بتاع الأستديو قال ليه (حضرتك ، أنا بصور بس ، تحطلي ورد يطلع ورد ، تحطلي إرد يطلع إرد !!! ) !!!

في رواية - غير روايات غزاتنا و مستلبيهم المعلوفين بامبازم - الحالق ، و هو اجارك الله و من يسمع، إرد لمّن غلط ذات !! لدرجة قف تأمل و اعمل ليك نظرية زي دارون ... المافي شنو ؟ قام ( اتشالق ) و قال لـ ( الحلاق ) : ما تقول بسم الله يا عمنا ياخ !؟
الحلاق - ( صدمو ) ليك بالحقيقة المرة : يا ولدي اقول بسم الله عشان القاك مافي !؟
اكيد اختلفوا في النتيجة النهائية ... اردف الحلاق : يا ولدي خلقة الله، الحلاق ما بغير فيها شئ
دحين ، دايرني ابقى احرف من الحلاق !؟

----------------

يا عمك الصورة ما انت الصبجكت بتاعا ... لا ياخ !؟
لكن الصبجكت، بخصك شديد و بفيدك ذاتو في طليع عين باندويث بكري حبيبنا دا

* رواية قيقا عن حلاقو ...
في اعدادنا القادمة

Post: #76
Title: Re: قرار خطير جداً .. جدن
Author: قيقراوي
Date: 01-26-2011, 10:02 AM
Parent: #48

Quote:
مبالغه لكن ..!!!

في مبالغات اكتر من البسوي فيها بكري دي !؟
مكتبة لي أمين لشنو اسي ... دا ما بذار ساي !؟
يدي الحلق للماعندو اضان !!
حنجلة بس !!!

Quote:
قيقراوى تحياتى والذى منو.. تصدق انا برضو حسرتى على الكويك(الجنوبيه) لى فيها ذكريات ..

لو سالوك عن الشمس في بلد العناكب .. فقل ان بي رغبة في البكاء ...
او كما قال ...
لنا الله ... و طيوف الذكريات
نسوي شنو عاد !؟

-----------

آسف جداً يا آدم على تاخير الرد
شغلة السرقة - اخوك سارق الخط من الشغل - دي ، اها تسرق و تتلفت وراك !؟
و اللوم بحصل تب
لك العتبى حتى ترضى

Post: #60
Title: Re: قرار خطير جداً .. جدن
Author: عاطف عمر
Date: 01-23-2011, 08:09 PM
Parent: #1

Quote: قيقا و عاطف و رحاب و حيدر الذي كان الطريفي !!
عايزين تعملو مكتبات ، ما عايزين تعملو مكتبات علي كيفكم ؛ البلد ديمقراطيه و نحن ضد حجر أراء الناس فيما يودون فعله

يا عالمنا الجليل ما تشمت فينا رحاب خليفة ورهطها
عاطف الـ ( انت مستهونو دا ) عندوا مكتبة من زمااااااان
وحكمة الله جاتني في صمة خشمي
وأخوك كونو مسكين ويتيم زول كلموا بيها ولا رسل ليهو ماسنجر مافي
مرة كدا جاني مزاج أعرف ( فعلاء ) سودانيزأونلاين القاعدين معانا ديل
قلت أشوف أصحاب المكتبات منو فيهم
بلا ألقى نفسي ( منجعص ) في نصهم
ناديت بصوت أيقظ الجيران السيدة المبجلة ( بعلتنا) أن
" تعالي شوفي مكتبة زوجك العامرة "
فردت دون أن تكلف نفسها مشقة الحضور
" مكتبة شنو كمان البيدوك ليها إنت ؟؟ تلقاهو إسم على إسم "
رديت عليها
" يا بت الناس ، بكري لو ما بيعرف اسمي وغلط فيهو إنت كمان بتغلطي في صورة ولدك المنورة المكتبة ؟؟؟ "
فبرطمت بكلمات كثيرة لم أفهم منها سوى " قلة الشغلة "

Post: #65
Title: Re: قرار خطير جداً .. جدن
Author: قيقراوي
Date: 01-24-2011, 05:15 PM
Parent: #60

Quote:
يا قيقراوي انت داير مكتبة لشنو النبي

النبي عزيز و غالي

كدي صلوا على النبي باللول و بعدين المكتبة هينة

دي واحدة من الصور الوعدتك بيها ...
سي سي : لعاطف عمر
بي سي سي : لامين ياسمين

دا شباك ابو فاطنة ( المواجهة ) - المدينة المنورة 10 سبتمبر 2010 م

Post: #66
Title: Re: قرار خطير جداً .. جدن
Author: قيقراوي
Date: 01-25-2011, 08:26 AM
Parent: #60

Quote:
فبرطمت بكلمات كثيرة لم أفهم منها سوى " قلة الشغلة "

Post: #67
Title: Re: قرار خطير جداً .. جدن
Author: بابكر عثمان مكي
Date: 01-25-2011, 09:42 AM
Parent: #66

فتحر الرحمن (مشتاغون قدر البنتاغون ورفاعة بالبنطون )

انت الزول ابصلعة ده اخوك ولاقريبك .. بشبهك شديد

ياحليل زماااان .. زمن الزول يحتار يسف ولا ينفخ سبايب شعرو المهدلة في جبهتو

زيكو

Post: #68
Title: Re: قرار خطير جداً .. جدن
Author: قيقراوي
Date: 01-25-2011, 03:46 PM
Parent: #67

زيكو يا زيكو

Quote: (مشتاغون قدر البنتاغون ورفاعة بالبنطون )

و الله بحررررررررررر عديل
كيف انك يا جميل ؟
بمناسبة البنطون دي .. مبروك الكبري ياخ !
و لّ رايك شنو فيهو ؟

Quote: فتحر الرحمن

بل هي :
فتحر الرحمان

Quote: ياحليل زماااان .. زمن الزول يحتار يسف ولا ينفخ سبايب شعرو المهدلة في جبهتو

ما دا البخلينا نكابس في ي ي المكتبات ذاتو !

Post: #69
Title: Re: قرار خطير جداً .. جدن
Author: أمين محمد سليمان
Date: 01-25-2011, 06:03 PM
Parent: #68

يا عاطف ؛ انقر ما بقت علي البقت عليك ؟!!
امبارح في التلفون أخونا و حبيبنا حسين محي الدين (نوباتيا ) طلب مني أرسل ليه اللنك بتاع بوست قديم كتبتو عن الجنوب ، فتشك فتشك سماء أرض ما لقيتو : قلت أب صلعه ده قبل علي بوستاتنا - فلذات أكبادنا التي تمشي علي الأرض - برمت شنبي و قلت في سري ( انها الحرب إذن ) !!
اها إتذكرت كلامك و كلام ود البشري و قلت إحتمال الزول ده يكون (إنطس) في عقلو و عمل لي مكتبه ، أرجعت كل السيوف إلي أغمادها و مشيت المكتبات ، لقيت ليك مكتبة أمين محمد سليمان ( للاسف بدون دكتور او مفكر او اي من القابي العلميه التانيه ) لكنها تزين المكتبات ( كالشمس إذا طلعت لم يبد منهن كوكب !! )
و كان ما مصدقني أفجخ هنا زي ما بقول أبورزقه :
http://www.sudaneseonline.com/cgi-bin/sdb/2bb.cgi?board=468

شوف يا قيقا ، أنا أبصلعه ده دافعت عنو و قلت ليك إنو خط احمر من الدم قبل ما أعرف إنو عمل لي مكتبه ، هسي طلع إنو عمل لي مكتبه زيها و زي حقت الكونجرس فدحن يا أستاذ فتحي إرعوي و لملم صورك التعيسه دي و شيل معاك رحاب خليفه و إتخارجو لينا لانو البوست ده قلبناهو إحتفال بمكتبتي الجديده و تلج لبكري و الفريق العامل في الأداره !!

Post: #70
Title: Re: قرار خطير جداً .. جدن
Author: حافظ حسن ابراهيم
Date: 01-25-2011, 06:48 PM
Parent: #69

قيقا بدون سلام

ذكرتني نكتة .... قالوا ليك في مرة جات لزول بفرش محفضات و في رواية حديثة محفظات وأكثر حداثة مطابق ...

أها جات لعمك دا قالت ليه يا فلان عليك الله ما تديني مطبقة لحد الدرت ( الدنيا كانت رشاش)

قال ليها أها قول أديتك ليها ساي تختي فوقا شنو؟

هسي إنت قول بكري دا أداك المكتبة دي حتخت فيها شنو؟

Post: #71
Title: Re: قرار خطير جداً .. جدن
Author: أمين محمد سليمان
Date: 01-25-2011, 07:12 PM
Parent: #70

Quote: هسي إنت قول بكري دا أداك المكتبة دي حتخت فيها شنو؟

--------------

Post: #75
Title: Re: قرار خطير جداً .. جدن
Author: قيقراوي
Date: 01-26-2011, 09:39 AM
Parent: #70

ود امي ...

Quote: قيقا بدون سلام

ذكرتني نكتة .... قالوا ليك في مرة جات لزول بفرش محفضات و في رواية حديثة محفظات وأكثر حداثة مطابق ...

أها جات لعمك دا قالت ليه يا فلان عليك الله ما تديني مطبقة لحد الدرت ( الدنيا كانت رشاش)

قال ليها أها قول أديتك ليها ساي تختي فوقا شنو؟

هسي إنت قول بكري دا أداك المكتبة دي حتخت فيها شنو؟

ليه بدون سلام ...
سلام و بالاحضان كمان ! ... المافي شنو !؟

اما قبل
ياخ قبل دا ما قلت ليك انت مقري لقطاع واااااااسع ... اسافير الله دي واسعة ياخ ... و لامة

اسي ( درت ) ... و ( رشاش ) دي عيال البنادر ديل بفرزوها ليك !؟
في ي ي ذمتك دي - عارفة واسعة - اسي ( أمين ) دا مش مفكر و اديب و ناشط حقوقي و فاعل خير و صاحب مكتبة كبيرة اوضتين و صالة و صالون في المستقبل و و و لحدي واو ذاتو !!
اتحداك كان فرز شئ منهن ...

ما شايفو بس جاري لدي [ هسي إنت قول بكري دا أداك المكتبة دي حتخت فيها شنو؟ ]

اما بعد
هسي إنت قول بكري دا أداك المكتبة دي حتخت فيها شنو؟

مع انو دا سؤال تعسفي و من جنس اسئلة ليست للإجابة ... لكن نحاول ... المافي شنو !؟

بس هو خليهو يديني المكتبة !؟

تعرف في اللول ما كنت جادي ذاتو في الموضوع دا شديد ( موضوع مكتبة لي انا دا مايسلف ) ... و الله العظيم ثلاثاً
المكتبة بدورا لزولن آخر ... فاعل و اجمل الفعلاء [ في رأيي المتواضع ] ... قلت اجرب اطلبا انا دا - انت عارف اخوك وشو مكشوف و ما بستحي - لانو ابداً ما ح يجي يوم يطلبا براهو لتواضعو و عفته البعرفا انا دا كويس ...
اتوكلت و قلت " الحي الله و الكاتل الله " ... يا غرق يا جيت حازما

اهو برضو البوست جاب نتيجة - و إن كانت خبرية - بالجد خبر مكتبة أمين دا مما اثلج صدري و و الله لو ما اتفجات بيهو الصباح دا - قاتل الله الفاقة و نشافة الراس ! الخلتني اقطع النت من البيت - فو الله لو عرفت بيهو مسبقاً لاثلجت صدوركم بزراز التلج الكان كسرتو ليهو ( رايت هيا ) ... او كما قال ابكرونا

-----------

تعرف يا خال - الزول بعد دا يتعامل معاك بادب، كمان بقيت من اصحاب المكتبات ؤ كدا - تعرف كنت بفتش في نفس البوست الكنت بتفتش فيهو دا

Quote: امبارح في التلفون أخونا و حبيبنا حسين محي الدين (نوباتيا ) طلب مني أرسل ليه اللنك بتاع بوست قديم كتبتو عن الجنوب

اولن : ولد دا ... ايو كدا فكا فينا ما بقيت من اصحاب المكتبات كمان !؟ http://www.sudaneseonline.com/db/attention/010_Smile.gif
ياخ هو بوست وااااااحد و الله واحد كتبتو عن الجنوب انت لماذا لا يخرس الشمال ؟!!
ايوة كدا اقدل .. اقدل ... مين أدك !؟

كنت بفتش في البوست دا سما ارض ما لقيتو برضو
لكن ابداً ما كنت قايل بكري قلبو طيب قدر دا ... و ممكن يدقس

Post: #72
Title: Re: قرار خطير جداً .. جدن
Author: عاطف عمر
Date: 01-25-2011, 07:23 PM
Parent: #69

Quote: يا عاطف ؛ انقر ما بقت علي البقت عليك ؟!!

عشان تأمن أن ( سوفات ) أخوك الفقير لله عاطف لا تقع الأرض أبداً
قطع شك عمنا بكري قرأ ( بلبصتك ) الفي البوست دا وقام لصق ليك مكتبة
المكتبة دي جديدة لنج يا بروف
وحكمة ربنا بكري شدة ما مبسوط منك ،المكتبة دي عملها ليك بمزاج رايق جد جد
قام لصق ليك بوستاتك البي اسمك الإنجليزي واسمك العربي وبوستات الآخرين ناس حمور وحنين للبلد والبدري وجمال المنصوري والعوض المسلمي والسيد المسلمي
وما خلى حاجة
ياعم استخدم مواهبك دي في الداخل بتريح نفسك وبتريحنا معاك
برنامج نسميهو كدا ( البلبصة من الداخل ) على وزن طيب الذكر ( السلام من الداخل )

_________________

حبيبنا وبروف وعالم جليل ومفكر وأديب
ما قلنا حاجة وعلى عينا وراسنا
لكن تاكل بعقلنا حلاوة ، هذا ما دونه خرط القتاد

___________________

قيقا ورحاب
خموا وصروا

_______________

وللضماااااان كدا

ألف مبروك يا بروف
إزدانت المكتبات بوجود إسمك البهي وسطها

Post: #73
Title: Re: قرار خطير جداً .. جدن
Author: أمين محمد سليمان
Date: 01-25-2011, 07:57 PM
Parent: #72

Quote: وحكمة ربنا بكري شدة ما مبسوط منك ،المكتبة دي عملها ليك بمزاج رايق جد جد
قام لصق ليك بوستاتك البي اسمك الإنجليزي واسمك العربي وبوستات الآخرين ناس حمور وحنين للبلد والبدري وجمال المنصوري والعوض المسلمي والسيد المسلمي
وما خلى حاجة
ياعم استخدم مواهبك دي في الداخل بتريح نفسك وبتريحنا معاك
برنامج نسميهو كدا ( البلبصة من الداخل ) على وزن طيب الذكر ( السلام من الداخل )

يا عاطف ياخي بكري عارف و مقدر قيمتنا نحن كمفكرين و علماء لهذه الأمه و عارف تماما إنو مكتبتي دي حا تكون عباره عن نبراس تهتدي به الاجيال القادمه (لو جات ... !!) !!!
لك المجد يا بكري و أنت تغرس الأشجار حتي يستظل ابناؤنا غدا !!

--------------
أين أشجارك يا قيقا أو كما قال حافظ !!

Post: #80
Title: Re: قرار خطير جداً .. جدن
Author: قيقراوي
Date: 01-29-2011, 08:48 AM
Parent: #73

امين يا سمين *

Quote:
أين أشجارك يا قيقا أو كما قال حافظ !!

كيف تصل الاشجار يومن تمامها اذا كنت تذرع و غيرك يقلعوا !!؟؟
على قول المسل ( الغير سري ) ** :

كل ما نشتل الافراح . . . تجي الاقدار تمد ييدا !!

سخف الرفاق .. و إن سرق زهير، فقد سرق قبله رفاقاً عظام !!
او نحو ذلك ... ***

----------------

وكت الناس قاعد تبذّر ... كلنا نبذّر كمان ! ... المافي شنو ؟
اسي بكري مديك مكتبة لشنو ذاتو !؟ ... بذار بس !!!
و كمان د. رحاب غازا ليها اسبيس بين ( الا ) و الـ ( رف ) !؟
الظاهر انو مافي زول قلبو على الباندويث زيي !!
كرهتونا البادويث ذاتو

** عارفا ( غنية ) ما ( مسل ) ... لكن في ( غنية ) سرية !؟
كانت قلت ( الغنية غير السرية ) إت دظنت ميك سنس ... و لّ شنو ؟
احييي ياخ ... لي زمن داير استخدم ( إت دظنت ميك سنس ) بتاعتك دي في جملة مفيدة ... و الفائدة المقصودة لي انا دا حتى لو ما افادت اي زول ذاتو
ان شاء الله بس تكون ظابطة !؟

*** وداكم التوج مش ؟ ...
ما دا الجنن بوبي ذاااااااتو ياخ

Post: #74
Title: Re: قرار خطير جداً .. جدن
Author: قيقراوي
Date: 01-26-2011, 08:45 AM
Parent: #69

لا لا لا !!!
ما قلت ليكم دا زمن استثنائي ...
انه ليومون حزين في تاريخ الفكر و الادب و السغافة و بتاعين الكارو ذاتو

Quote:
اها إتذكرت كلامك و كلام ود البشري و قلت إحتمال الزول ده يكون (إنطس) في عقلو و عمل لي مكتبه ، أرجعت كل السيوف إلي أغمادها و مشيت المكتبات ، لقيت ليك مكتبة أمين محمد سليمان ( للاسف بدون دكتور او مفكر او اي من القابي العلميه التانيه ) لكنها تزين المكتبات ( كالشمس إذا طلعت لم يبد منهن كوكب !! )

للضمان كدا ...
اختيار صادف اهلهو
مبروك يا بكري ... الف مبروك
اخيرن يا مفكرنا كلماتك لقت ( رف ) يليق ...
لبكري الياسمين و الرماد لي كان كسير تلجي راح اوانطة ساي

-------------

اها يا ابو عمر ... لقيتني كيف في مسح الجوخ !؟

Post: #77
Title: Re: قرار خطير جداً .. جدن
Author: محمد البشرى الخضر
Date: 01-26-2011, 01:36 PM
Parent: #74

مبروك دكتورنا العزيز المكتبة تقطّعها بكيبورد العافية إن شاء الله
أمّا بالنسبة للقب فدي إلاّ تدفع فيها
مرة سيد الباسطة قال المكتبات بالدور و المستعجل يدفع زي ميّة ابصلعة- تقريبا ما متذكر المبلغ بالضبط -
المكتبة البتجي بالعدّاد أو بالدولار بتجي ستاندر بدون أوبشنز
باللون الأساسي و الإسم الحقيقي مع النيك نيم
لو عايز أكسيسوريز - ألوان, صورة أو لقب - تدفع زيادة

يا أخوان اتمنى تكونوا اقتنعتوا بنظرية العدّاد, وحكاية انو صاحب المكتبة ما بجيهو نوتيفيكيشن دي تدل على إنها عملية آلية أو شبه آليه
يعني اوتوماتيكلي مما عدادك يصل الست فاليو تُخلق المكتبة من العدم و بوستاتك من الأرشيف أو البوستات الفيها اسمك بتمشي عليها

هذا والله ثم سيد الباسطة أعلم

________________________

Post: #78
Title: Re: قرار خطير جداً .. جدن
Author: قيقراوي
Date: 01-26-2011, 02:25 PM
Parent: #77

Quote: يا أخوان اتمنى تكونوا اقتنعتوا بنظرية العدّاد, وحكاية انو صاحب المكتبة ما بجيهو نوتيفيكيشن دي تدل على إنها عملية آلية أو شبه آليه
يعني اوتوماتيكلي مما عدادك يصل الست فاليو تُخلق المكتبة من العدم و بوستاتك من الأرشيف أو البوستات الفيها اسمك بتمشي عليها

هذا والله ثم سيد الباسطة أعلم

طيب الـ [ ست vـــاليو ] دي كماها !؟ عشان نخت كل جركانة في مكانا .. بدل ما هن كل ستة في حتة ؟

غايتو كان بقت 3000 بنسكها. اكتر من كدا ؟ ... ناكل باسطة بس !؟ .. و في رواية قيل " أكلنا نيم " راسو عدييييييل !

طيب عشاني و عشان الدرس - زي ما بنقول في " الرياضيات السياسية العاليا و الدقيقة " بالضبط !! - اكوردينغ تو زيس ثيوري أمين مفروض ياخدا قبل عاطف
الرجاء افدتنا من جوز اللوز دا كلو واحد فيهم حصل عليها متين ؟ لانو عدادم - رااااااامي ما شاء الله عيني بااااااردة - و هم قريبين لبعض ..
تابع في التوضيح المصور التالي :

اولن مفكرنا ( الشاب ) حتان دخلوهو ضمن الكتاب بي مكتبتو دي .. بعدي عاطف ..... سوم بعدييييييييييييييينك شخصي الضعيف !!

ليه كدا يا بكري ياخ !؟
عشان يتيم ؟

قلنا نصلحا .. و نتصلح مع الباندويث ... امكن بكري يحن ؟

Post: #79
Title: Re: قرار خطير جداً .. جدن
Author: أمين محمد سليمان
Date: 01-26-2011, 06:30 PM
Parent: #78

هسي عليك الله يا قيقا ما بتخجل ؟!!! كبير كده و ما عندك مكتبه ؟!!!

Post: #81
Title: Re: قرار خطير جداً .. جدن
Author: محمد البشرى الخضر
Date: 01-29-2011, 09:23 AM
Parent: #78

والله يا قيقرا يا خوي بما أنو الشغلانة نظرية وقائمة على افتراضات فمن الصعب اديك جواب قاطع مالم تتوفر داتا كافية و يتم تحليلها برواقة
وشي تاني حكاية عدم النوتفيكشن دي بتجعل من الصعب معرفة توقيت انشاء المكتبة وقيمة العداد حينها
وفي نظرية تانية بتفيد أن الست فاليو لها علاقة بنوعية المشاركات و بروفايل العضو
يعني لو بروفايلك مزدان باللقب دال العظيم أكيد الست بتاعك أقل بكثير من البروفايلات السادة
ولو مشاركاتك جلها ناس أب و فوق و سررت بمرورك الفاليو هنا ح تزيد
وفي عامل تاني قد يزيد الفاليو او يؤخر حصولك على المكتبة وهو الفيش و التشبيه بتاعك
يعني لو اتاخدت تحرّي قبل كدا وتم ايداعك الشيرز أو لو عندك سوابق متكررة و هابشت الصلعة العظيمة فاتأكد انو موضوع مكتبتك مستحمي إلى حين
المهم يا قيقرا انت ما عليك واصل في كتابتك و العداد رامي
بس لو قمت عملت شوية تكتيكات كدا
المداخلات الطويلة دي ممكن تطلع منها بتلاتة اربعة براحة
وما ترد على الشباب كلهم مرة واحدة كل زول خصص ليه مداخلة براه و اتنين لو امكن
التكتيك دا اتبعه مؤقتا لغاية ما ربنا يفرّجها ونجي ذات يوم نبارك ليك مكتبة المحاسب النحرير فتح الرحمن قيقراوي (قيقراوي)
بعدين ارجع للمداخلات الزي يوم السبت دي بي راحتك

ولحينها خلينا نتساءل مع الدكتور أن
Quote: هسي عليك الله يا قيقا ما بتخجل ؟!!! كبير كده و ما عندك مكتبه ؟!!!

Post: #82
Title: Re: قرار خطير جداً .. جدن
Author: قيقراوي
Date: 01-29-2011, 10:56 AM
Parent: #81

ابو حتحوت يا فردة
بغضضضضض النظر عن سؤالكم التعسفي دا
Quote: هسي عليك الله يا قيقا ما بتخجل ؟!!! كبير كده و ما عندك مكتبه ؟!!!

لكن برضو خليني اشيد بدقتك و تكمنك من اللغة و اللفتة الحاذقة في استخدام حروف العطف دون اسراف زي بعضعهم ...

Quote: هذا و الله ثم سيد الباسطة أعلم

كتيرين بستخدموا الـ ( واو ) مكان ( ثم ) البتفيد الترتيب كما يجب في تنزيه الله تعالى ، بما يليق بقدر اسم الجلالة... في فاول لغوي كبيييييييير !!
فالـ ( واو ) دي واو...عجيب! دي ما بسبر اغوارها الا فارس كلم، و عالم اديب ،ومحنك و موفه ... دي بتدور اؤلي العزم و السادة الاقطاب عديل ... فمدد يا سيدي البدوي مدد
عليك الله اقرأ المداخلة الاخيرة بس ... في ي ي ذمتك ما بتستحق ( مكتبة ) براااااااها !!؟
لو وافقتني بالايجاب في سوالي ( الما تعسفي دا ) تكون اغنيتني عن نقتي الجاية - العقد العزم عليها في كل الاحوال - لكن العفو ح يكون بس في الاطالة

مع انه، لا يفتى في الادارة في بوست فيهو د. رحاب و سيدي البدوي ...
مع ذلك و برغمه ح اقترح - كنظام برفورمنس إيـvـاليونيشن - و برضو بنفع كنظام ريوردينغ & كومبانسيشن .. المافي شنو ؟
و دا كإجابة - على قدر المعطيات المتوفرة لحدي اسي - على سؤال (قد يبدو تعسفي وفق الاصتيتص كو ) الـ ( ست vــــليو ) دي ست وفق ياتو ( قيمة ) و ما هي الـ metrics ... و هل هو معيار ( مقياس ) واااااااحد ؟
لانو شايف مداخلتك الاخيرة تحمل فال بانو الشغلة فيها معايير ( كوالتي ) و مرّكزة على ( الكيف ) ... كيقتني صدق ؟
مداخلة شحمانة يا ابو حتحوت ...
ح نجي نفككها ... و بالمرة نقترح ليكم الـ Balanced Scorecard
نحنا علينا الجوانب الادارية ... و انتو المهندسين ديل ما بتقصروا في ترجمتا بلغتكم

---------

لقيتني كيف و انا مقتّر
المداخلة دي كانت سلبة بس ... التقول الحساب بالمتر هنا ؟
عاد نبقى علي كدا !؟ ... نقعد نتنافس في ( العدد ) !!
الجوهر فوق المظهر
الكم و لّ الكيف ؟
الكوالتي و لّ الكوانتتي ؟