Post: #1 Title: يمين بالغتو فينا قُلنا نمشي نفلِق لينا حجر حجرين نلقى التّكتح ماف (صور طاااااازة) Author: علاء الدين يوسف علي محمد Date: 01-19-2011, 09:31 PM Parent: #0
فتحت سودانيز لقيتا ليك قالبة البلد قلِب تنْشتا ليك تنشنة ما عادِيّة قُلتا النّمشي نلحق نفلِق لينا حجر حجرين لصالح الثّورة الجّديدة بعدين نلقا لينا معاهم فرقة
Post: #2 Title: Re: يمين بالغتو فينا قُلنا نمشي نفلِق لينا حجر حجرين نلقى التّكتح ماف (صور طاااااازة) Author: علاء الدين يوسف علي محمد Date: 01-19-2011, 09:33 PM Parent: #1
أها شِلتا كاميرتي المُو خمج و بديتا ليك مِن عِند سيدة سنهور "الجّامع" لقيت ليك ماف الحبّة دي أخدّتا صورة و قُلتا يا ولد أمشي اللّبِع قِدّام
Post: #3 Title: Re: يمين بالغتو فينا قُلنا نمشي نفلِق لينا حجر حجرين نلقى التّكتح ماف (صور طاااااازة) Author: علاء الدين يوسف علي محمد Date: 01-19-2011, 09:34 PM Parent: #2
وصلتا ليك تقاطُع السّتين مع أوماك و دة على مرمى حجر من مقر الشّعبي قُلتا يا ولد هسي تكشحك ريحة البُمبان و تشعر بنشوة الخروج على القانون و ترفع ليك قالب طوبة و تكورك: ديل أنِحنا القالوا فُتنا و قالوا مُتنا و قالو شِنو كِدا ما عارف "ما حافظ ياخ"
Post: #4 Title: Re: يمين بالغتو فينا قُلنا نمشي نفلِق لينا حجر حجرين نلقى التّكتح ماف (صور طاااااازة) Author: علاء الدين يوسف علي محمد Date: 01-19-2011, 09:36 PM Parent: #3
ألقى ليك الشّارع ماشي عاااااااااااادي زي الزّبادي و التّقاطع إشارتو مولِّعة أححححححححححححححمر وقفت جمبي ركشة و أمجاد و شاحنة كبييييييييييييييييرة قُلتا يا ود أُخد ليك صورة تذكارية ليهم "جاياكم في السِّكة"
Post: #5 Title: Re: يمين بالغتو فينا قُلنا نمشي نفلِق لينا حجر حجرين نلقى التّكتح ماف (صور طاااااازة) Author: علاء الدين يوسف علي محمد Date: 01-19-2011, 09:38 PM Parent: #4
قُلتا يا ود الغريق بكون قِدّام أها مشيت ليك في شارع أوماك تِجاه الغرب ماشين في السِّكة نمِد دُغري تِجاه دار المُؤْتمر الشّعبي و قُلتا الليلة يا غِرِق يا جيت حازِمة أها لحدي ما وصلتا ليك بداية شارع الجّزار مع أوماك و هِنا صراحة بديت أضرب أخماس في أسداس
Post: #6 Title: Re: يمين بالغتو فينا قُلنا نمشي نفلِق لينا حجر حجرين نلقى التّكتح ماف (صور طاااااازة) Author: علاء الدين يوسف علي محمد Date: 01-19-2011, 09:39 PM Parent: #5
معقولا بس مُظاهرات و دة الشّارع البودي لي شيخ علي نائب الرّئيس وماف ولا سِجارة مولِّعة؟ خلِّيك من سرينات عربات شُرطة و ذخيرة حيّة و طيخ طاخ طراخ دة شِنو دة أصلو دي مُظاهرة شِنو دي؟
Post: #7 Title: Re: يمين بالغتو فينا قُلنا نمشي نفلِق لينا حجر حجرين نلقى التّكتح ماف (صور طاااااازة) Author: علاء الدين يوسف علي محمد Date: 01-19-2011, 09:42 PM Parent: #6
نفسي حدّثتني بأن بالأمر حاجة ما عادِيّة أرمي قِدّام يا زول وتوكّل على الحي الذي لا يموت أها دار المُؤتمر بقى على بعد خطوات قليلة لس ذان 15 سيكوند درايفنِق
أها أخدّتا لقطة لي لفّة شارع الجّزار مع أوماك محل نائب الرّئيس بجي و رميت قِدّام و أنا بِتشهّد
Post: #9 Title: Re: يمين بالغتو فينا قُلنا نمشي نفلِق لينا حجر حجرين نلقى التّكتح ماف (صور طاااااازة) Author: علاء الدين يوسف علي محمد Date: 01-19-2011, 09:43 PM Parent: #7
و نفسي بدا يقوم و شعر جلدي وِقِف و بديت أفكِّر إتراجع أو أقيف أضرب تلفون أحدِّد موقعي لخاصّتي من المعارف ليتفقّدوني إن لم أعُد و قبل أن أفيق من سرحاني لقيت ليك نفسي أمام دار الشّعبي أي والله العظيم
Post: #10 Title: Re: يمين بالغتو فينا قُلنا نمشي نفلِق لينا حجر حجرين نلقى التّكتح ماف (صور طاااااازة) Author: علاء الدين يوسف علي محمد Date: 01-19-2011, 09:46 PM Parent: #9
أنوار الباب مولِّعة و في بوكس واقف مع الباب تماماً بتاع صيوانات أفراح ما البوكس داك
ملان كراسي بلاستيك حمراء كمان بالمارة يعني و في جمبو إتنين بالعدد و الشّارع حركتو أكتر من عادِيّة قُصاد الدّار في مغلق مقفِّل و أنوارو مولِّعة و سيدو ملفلف من البرد و راقِد قِدّامو في عنقريب أها برررررررررررررررضو أخدّتا لقطة لُقْطة و أنا أتوجّس خيفة
أي والله
Post: #11 Title: Re: يمين بالغتو فينا قُلنا نمشي نفلِق لينا حجر حجرين نلقى التّكتح ماف (صور طاااااازة) Author: علاء الدين يوسف علي محمد Date: 01-19-2011, 09:48 PM Parent: #10
قلتا يا ولد ما تاخد في بالك يكون المُتظاهين زكّوهم و رموا قِدّام و من خلفهم فلول الأمن و النِّظان الغاشِم
أها تتبّع هذه الفلول و بحكم إنِّي جاي من الشّرق تجاه السّتين و الشِّرق طبيعي و الحبة ما فيهو قُلتا الفلول بتكون فلفلت قِدّام تجاه أوماك غرباً أها وصلت ليك أوماك فرأيت العجب العُجاب أي والله
Post: #12 Title: Re: يمين بالغتو فينا قُلنا نمشي نفلِق لينا حجر حجرين نلقى التّكتح ماف (صور طاااااازة) Author: علاء الدين يوسف علي محمد Date: 01-19-2011, 09:50 PM Parent: #11
وصلت أوماك لأرى جموعاً تنقض على أُخرى و تسْحقها سحقاً ضرِب شديد طيخ طخ طراخ موت عديييييييييييييييل ودم شوف عيني أي والله
Post: #13 Title: Re: يمين بالغتو فينا قُلنا نمشي نفلِق لينا حجر حجرين نلقى التّكتح ماف (صور طاااااازة) Author: علاء الدين يوسف علي محمد Date: 01-19-2011, 09:51 PM Parent: #12
لقيت ليك ناس الرّكشات و الحافلات و التّكاسي و الرّاجلين فُرادى و أزواج و جماعات واقعين دق صاح و ضرب مُو ضرِب نُصاح أي والله
Post: #14 Title: Re: يمين بالغتو فينا قُلنا نمشي نفلِق لينا حجر حجرين نلقى التّكتح ماف (صور طاااااازة) Author: علاء الدين يوسف علي محمد Date: 01-19-2011, 09:52 PM Parent: #13
لقيتُم ليك في أوماك سِت الإسم واقعين ليك في التشيكن و السّمك جلِد بالطّريقة الصّاح عضّة نضيفة و في البرد دة شلِخ جد و صوّرتهم ليكم أي والله
Post: #28 Title: Re: يمين بالغتو فينا قُلنا نمشي نفلِق لينا حجر حجرين نلقى التّكتح ماف (صور طاااااازة) Author: احمد محمد بشير Date: 01-19-2011, 10:14 PM Parent: #14
دة شغال دعاية مضادة .. ومحاولة إخراج كأنه لم يحصل أو يكن هنالك شئ...
ولكن تأكد إنها البداية... و الثورة حتقوم جوة عينكم يا امنجية.
وبعدين يا ابو خلية المسترزق إنت بتحاول تعمل شغل دعاية , هل إستلمت وقبضت الاجر؟ ولا حيدفعوا ليك في نهاية الشهر؟؟؟.
..
Post: #30 Title: Re: يمين بالغتو فينا قُلنا نمشي نفلِق لينا حجر حجرين نلقى التّكتح ماف (صور طاااااازة) Author: علاء الدين يوسف علي محمد Date: 01-19-2011, 10:21 PM Parent: #28
يا غُلام يا خيخة أمشي إتخمِد و نوم و رفِّس في المرتبة بالليل باقي مُظاهرات نوعك دة دعفسة في الفُراش ما أكتر تفخِّم و تشخِّر و تقوم الصّباح عيونك مورّمة و شلاليفك ناشفة من مُظاهرات بالليل السريريّة قوم لِف لفّاك بلا يخُمّك قال مُناضِل قال
Post: #15 Title: Re: يمين بالغتو فينا قُلنا نمشي نفلِق لينا حجر حجرين نلقى التّكتح ماف (صور طاااااازة) Author: احمد محمد بشير Date: 01-19-2011, 09:57 PM Parent: #5
الكضاب المسترزق قولت لي ماشي تلفق عشان تلقي فرقة مع الحكومة الجديد؟؟ يازول انت وحكومتك دي عبارة عن اهداف عسكرية وخليك جاهز.
الضابط القعد يكتب من مكتب الشهيد ولا من بيتم قولت لي طلعت الشارع؟؟ قول واعترف القاعد يرسل ليك الصور اللسع ما وصلت دة منو من الامنجية بتاعنكم.
Post: #17 Title: Re: يمين بالغتو فينا قُلنا نمشي نفلِق لينا حجر حجرين نلقى التّكتح ماف (صور طاااااازة) Author: احمد محمد بشير Date: 01-19-2011, 09:59 PM Parent: #5
الكضاب ... قال طلعت قال ... عامل فيها بتاع تغطية ومراسل يعني؟؟
Post: #18 Title: Re: يمين بالغتو فينا قُلنا نمشي نفلِق لينا حجر حجرين نلقى التّكتح ماف (صور طاااااازة) Author: علاء الدين يوسف علي محمد Date: 01-19-2011, 10:02 PM Parent: #17
يا غُلام يا خيخة إنتا بدل بتدفِّر في الناس للشّارع ما تبقى راجل و تجي بي رقيبتك دي
قُلتا لي قاعد في بيتنا يا بليد
Post: #8 Title: Re: يمين بالغتو فينا قُلنا نمشي نفلِق لينا حجر حجرين نلقى التّكتح ماف (صور طاااااازة) Author: Ahmed musa Date: 01-19-2011, 09:42 PM Parent: #4
والله ياعلاء انا قاااااااااااااااعد في البيت ضرب واحد صاحبي منفعل يا أُستاذ أنت وين والشارع مقلوب مرقت على المطر حفيان على قول عاطف خيري لقيت فعلا في زي اكتر من مئة واقل من متين وكانت هتافاتهم حلابة سلام وعدالة لا يقطعهم الا صوت أحد مسئولي إستفتاء الجنوب يقول الوحدة ماخيار الشعب الجنوبي اها فعلا البوليس كبس وفك ما اقول ليك بمبان او اتنين او تلاتة ووحاتك الحرية جرت في شارع والسلام في الشارع والعدالة في شارع والوحدة دي أتعثرت في صندوق ــــــــــــــــــــــــ كان تغشاني ياخ تصورني عشان ماترجع حيبان
Post: #16 Title: Re: يمين بالغتو فينا قُلنا نمشي نفلِق لينا حجر حجرين نلقى التّكتح ماف (صور طاااااازة) Author: علاء الدين يوسف علي محمد Date: 01-19-2011, 09:57 PM Parent: #8
لحقوني ليك يا أُستاذ أحمد إتين في امجاد أقيف يا زول أقيف أقيف أقيف والله جد جد قُلتا الليلة أنا ضِعتا ناس الأمن مُتنكرين في شخصية أُمّة الأمجاد
مالكم يا شباب في شِنو؟ قالوا لي بتصوِّر في شِنو؟ قُلتا ليهم بصوِّر فيييييييييييييييي شارع الله دة حد عندو إعتراض و الشّمطة دوّرت صوّرتنا ما صوّرتكم و إنتو شنو ذاااااااااااااتُكم شان أصوِّركم و جووووووووووطة ما بوريك إنتهت كيف مُش على كيفي
أها دقيقة نرفع الصُّور بتاعت الخرطوم الجّايطة و عايزة تقلِب البلد بالليل دة
Post: #19 Title: Re: يمين بالغتو فينا قُلنا نمشي نفلِق لينا حجر حجرين نلقى التّكتح ماف (صور طاااااازة) Author: علاء الدين يوسف علي محمد Date: 01-19-2011, 10:06 PM Parent: #16
البداية بسيدة سنهوري
Post: #20 Title: Re: يمين بالغتو فينا قُلنا نمشي نفلِق لينا حجر حجرين نلقى التّكتح ماف (صور طاااااازة) Author: علاء الدين يوسف علي محمد Date: 01-19-2011, 10:07 PM Parent: #19
تقاطع أوماك مع السّتين
Post: #21 Title: Re: يمين بالغتو فينا قُلنا نمشي نفلِق لينا حجر حجرين نلقى التّكتح ماف (صور طاااااازة) Author: علاء الدين يوسف علي محمد Date: 01-19-2011, 10:08 PM Parent: #20
تقاطع الجّزار مع أوماك
Post: #23 Title: Re: يمين بالغتو فينا قُلنا نمشي نفلِق لينا حجر حجرين نلقى التّكتح ماف (صور طاااااازة) Author: علاء الدين يوسف علي محمد Date: 01-19-2011, 10:09 PM Parent: #21
دار المُؤْتمر الشّعبي و أنا واقف مقطع الشّارع مِنُّو شمالو تحديداً و عربية صالون مارّة من أمامو عادي زي الزّبادي
Post: #25 Title: Re: يمين بالغتو فينا قُلنا نمشي نفلِق لينا حجر حجرين نلقى التّكتح ماف (صور طاااااازة) Author: علاء الدين يوسف علي محمد Date: 01-19-2011, 10:11 PM Parent: #23
أها دي بقى المُظاهرات الجّد الشّعب مع التشيكن و السّمك أوماك أكبر مطاعِم للعضّة في الحتّة دي
Post: #32 Title: Re: يمين بالغتو فينا قُلنا نمشي نفلِق لينا حجر حجرين نلقى التّكتح ماف (صور طاااااازة) Author: علاء الدين يوسف علي محمد Date: 01-19-2011, 10:23 PM Parent: #27
ود الباوقة يا حبيب نوم مِلء عينيك البلد رااااااااااايقة روقة جد و تمنّى لهم أحلام سعيدة بدل الكوابيس الحتجهْجِهُم الليلة
Post: #22 Title: Re: يمين بالغتو فينا قُلنا نمشي نفلِق لينا حجر حجرين نلقى التّكتح ماف (صور طاااااازة) Author: Ahmed musa Date: 01-19-2011, 10:09 PM Parent: #16
تعرف يا علاء الدين أنا واقف أتفرج قام واحد كورك ليك فيني بتتفرج يا جبااااااااااااان ؟؟! جباااااااااااااااااااااااان لمان إقشعر بدني أها فجأة كدة إنطلق ليك بمبان وألقى ليك واحد دقشني وجري شدييييييييييييييد أعاين ليك في الزول الدقشني وما إعتذر ده إلا ألقاه ليك زولي بتاع جباااااااااااااااااااااان وكان لحظتها جاري شديييييييييييييييييد!!!!
Quote: قام واحد كورك ليك فيني بتتفرج يا جبااااااااااااان ؟؟! جباااااااااااااااااااااااان لمان إقشعر بدني أها فجأة كدة إنطلق ليك بمبان وألقى ليك واحد دقشني وجري شدييييييييييييييد أعاين ليك في الزول الدقشني وما إعتذر ده إلا ألقاه ليك زولي بتاع جباااااااااااااااااااااان وكان لحظتها جاري شديييييييييييييييييد!!!!
ههههههههههههههه
انت شفت حاقة
راجيهم جري الوحوش ..........
Post: #34 Title: Re: يمين بالغتو فينا قُلنا نمشي نفلِق لينا حجر حجرين نلقى التّكتح ماف (صور طاااااازة) Author: علاء الدين يوسف علي محمد Date: 01-19-2011, 10:27 PM Parent: #29
يا شباب ماف زول سأل نفسو البوكس الكان واقف في باب دار الشّعبي و فيه كراسي دة شِنو؟
Post: #35 Title: Re: يمين بالغتو فينا قُلنا نمشي نفلِق لينا حجر حجرين نلقى التّكتح ماف (صور طاااااازة) Author: علاء الدين يوسف علي محمد Date: 01-19-2011, 10:28 PM Parent: #34
و قُلنا ليكم كمان كراسي بلاستيك حمراااااااااااااااااااااااااااااء "والله يا ناس التُّرابي حمّرتوها في أي حاجة حتى الكراسي"
Post: #36 Title: Re: يمين بالغتو فينا قُلنا نمشي نفلِق لينا حجر حجرين نلقى التّكتح ماف (صور طاااااازة) Author: علاء الدين يوسف علي محمد Date: 01-19-2011, 10:30 PM Parent: #35
البوكس كان بشيل كراسي مُناسبات يعني كان عِندهم مثناسبة و المُناسبة دي شكلها ندوة سياسيّة تُندِّد بإعتقال التُّرابي قالوا بعد النّدوة يعملوا ليهم حركة حركتين قطّعوها ليهم فوق راسُم
بس
Post: #37 Title: Re: يمين بالغتو فينا قُلنا نمشي نفلِق لينا حجر حجرين نلقى التّكتح ماف (صور طاااااازة) Author: علاء الدين يوسف علي محمد Date: 01-19-2011, 10:34 PM Parent: #36
أها يا أخوانا قوموا إلى سرايركم يرْحمثكم الله و نوموا نومكم نتمنى ليكم أحلام سعيدة تصبحوا على خير
Quote: البلد رااااااااااايقة روقة جد و تمنّى لهم أحلام سعيدة بدل الكوابيس الحتجهْجِهُم الليلة
يعني دي وهمة نضالية اسفيرية ليس الا ....
خلاص تصبحوا على خير
لو في اي جديد مسكلونيي...
Post: #39 Title: Re: يمين بالغتو فينا قُلنا نمشي نفلِق لينا حجر حجرين نلقى التّكتح ماف (صور طاااااازة) Author: Abd Alla Elhabib Date: 01-19-2011, 10:52 PM Parent: #35
Quote: و جووووووووووطة ما بوريك إنتهت كيف مُش على كيفي
سلام يا علاء خلاص وريني أنا ده ياربي خنقـوك ? يا الله لبعــوك ? عادي ياخي .. الكـترة غــلـبت الشجاعـة كثيرا ! -------------- أنا طالبك رد مداخـلة في بوستك : أصحـي يا بريش مالك زغـت منها ?!
شاهدت قبل قليل صور فيديو عن المظاهرة فى تقرير بثته قناة الجزيره قبل قليل . ولم تكن بالشكل الذي صورته انت فى هذا البوست . ولقد شاهدت ولمست من الصور وهتافاتهم انهم من القوة والايمان بمافية الكفاية الذي يجعل الياسمين يفوح عطره فى بلاد السودان .
علاء لاتكذب على مخلوقات الله وتفترى الكذب على شعبك واهلك . فمثلك كثير وجدنا اثرهم فى حديث طاغية تونس الذى هرب من ابناء شعبة
قبل ان يعترف صدقا ام كذبا ان بعض القوم ضللوه وقال : فهمتكم جميعا البطال والسياسي واعترف بخطاه فلا تضللوا الرجل وانتم اعلم بانه ليس بمقدوره ان يستجير بحرم مكة كما فعل المخلوع بن على بعد لفظه الفرنسيون والمالطين وماخفى اعظم علاء دوام الحال من المحال وانت تعلم انه ما من سلطة سياسيه استمرت لصاحبها امد الدهر , وانت تعلم انكم من قسم هذا البلد دون ان يرمش له جفن وخرجتم تتوعدون الناس بالصلب والجلد والقطع من خلاف مع ان سيره الحياة السياسية فى السودان تنبئ ببوار هذا الطرح وهو مايظهر فى حال النميرى الذى انت تعلم والقراء مصيره الذى انتهى عليه وهو الذى رفع نفس هذه الشعارات ولم تنجه من غضبة الشعب مابين مارس وابريل. لوكنتم واثقون فى انفسكم لماذا هذا الهلع والخوف الذى يتمظهر فى اعتقالكم لاناس ليس لهم غير اقلامهم التى يكتبون بها ودونك فى هذا ابازر واشرف وجعفر السبكى ورمضان وباكاش وهم الصحفيين واهل القلم وماكانو من اهل السلاح والدوشكات ولا الراجمات ولكنكم جبنتم من صدعهم بالحق لقرائهم وشعبهم لو كنتم بمثل هذه القوه لماذا اعتقلتم النقابى على عسيلات وصحبه الذين حاولو نشر الوعى ما استطاعو بوريقات دفعوا بها الى اهل الحاج يوسف . ولكنتم خليتم بين طلاب جامعه الجزيره , والكاملين والحصاحيصا واهلهم المزارعين الذين افقرتوهم وبعتوهم (لاولاد بمبة ) بثمن بخس يرضى غرور (راجل المرتين) ليسافر فى رحلات معدودات وتستعصى عليه (طرابلس) ويكتفى بزيارات لاتغنى ولاتسمن من جوع . لوكان الشعب معكم كما تدعى فلماذا قتلتم الطلاب الذين خرجوا فى الفاشر ؟؟ لماذا لم تخلوا بينهم وشعبهم الذى تدعى انه يناصركم بالحق وبالباطل لماذا استجلبتم القوات والعد والعتاد والدوشكات لتخرسوا صوت طلاب جامعه وادى النيل يوم ان خرجوا فى ديار من سمته امه (نافع) وماهو الا بضارظلام لشعبه . والان قمتم على كبيركم الذى علمكم السحر , واعتقلتم مايذيد عن العشره من قيادات حزبه , وخرجتم علينا بكذباتكم التى حفظنا عن سيانريوهات الاغتيالات وقصص لم نسمع بها فى ابائنا الاولين , مع انكم والحق يقال تحوم حولكم الشبهات و(بعضهم يحلف بالطلاق)انكم اهل الاغتيالات بعضها بالطائرات (الزبير) الذى قالو انه كان يمقت (الاعور) وبعضها عبر انفجار اطارات السيارات التى طالت ابن طيبة الخواض (الغيرطيب) بالمره وقيل ايضا انه (الاعور) , وقال بعض اهلى الذين اكتوا بصلفه وغروره (الهم لاشماته) ويجعل كيدهم فى نحرهم .
وكثير وكثير وكثير
صدقنى ياعلاء انا اعلم ان كل نظام شمولى قامع متجبر يوجد بين جنباته من هم فى مثل حالتك هذه لكن ما اعلمه علم اليقين ان هذا الشعب الطيب الذى استحليتم الحكم باسمه سينهض ويملاء الطرقات فدوام الحال من المحال يمكن ان يكون هذا اليوم غدا وربما بعد غد لكنه وايم الله انه لن يصبر علي عنترياتكم هذه كثيرا فى كجبار التى روعتم امنها وقتلت ابنائها ويحمل اهلها من الغبن عليكم مالو لمسته لوليت منه رعبا فى نيرتتي وسرف عمره وكتم وقوز بيضا ياعلاء ان اهلنا فى ديم عرب ماذالت الغصة فى حلوقهم وبعضهم رفض ان يتقبل العذاء فى اهله الذين قتلتم بدم بارد واتي قومك يتقدمهم مجزوب الخليفة وهم يحملون دينارات يريدون ان يمحوا به جريمتهم , ورفضت الكثير من العائلات هذا الصلف والغرور ليذهب مجزوب ويبقى هولاء ينتظرون يوما كيوم (الياسمين) الذى ما تنسم ريحه بن على وما ابن حوش بانقا عن هذا اليوم ببعيد . علاء الظلم ظلمات ومتى استعبدتم الناس ولدتهم امهاتهم احرارا...
الشعب السوداني على حد وصف الرئيس البشير (الشعب المُعلم) خَبر احزاب المعارضة في ازمان غابرة وعرف انها لا تملك ما تقدمه للمواطن ولن تعير المعارضة ادنى تجاوب او اهتمام بما تريد ان تخرج به للشارع
Post: #44 Title: Re: يمين بالغتو فينا قُلنا نمشي نفلِق لينا حجر حجرين نلقى التّكتح ماف (صور طاااااازة) Author: Ahmed musa Date: 01-20-2011, 06:29 AM Parent: #42
Quote: يا أحمد موسى يا خى معقولة بس ناس جارين من البنمبان فى مظاهره واحد ادقشك وانت منتظر اعتذر ليك؟ يا أخوى انت متأكد دقشوك فى مظاهرة ما فى رقيص فى حفلة؟
والله يا حبيب الكُل هو بمبان الليلة ده م زي بمبان زمان زي الخشاه الفساد ويمكن يكونوا منتهي مدته اها زولي ده والكان بكورك فيني جبااااااااااااااااان الزول ده الله وامان الله جرى جري رصاص ما بُمبان والشارع كان فيه كم واحد واقف ومنهم بنات واقفات بعاينو في المشهد بهدوء !!!
Post: #46 Title: Re: يمين بالغتو فينا قُلنا نمشي نفلِق لينا حجر حجرين نلقى التّكتح ماف (صور طاااااازة) Author: Alshafea Ibrahim Date: 01-20-2011, 06:49 AM Parent: #44
تحياتي ياعلاء ما قادر أفهم الأخ أحمد موسى يتحدث عن مظاهرة ومسيل دموع وشرطة وجري وكمان (دقشو) واحد جاري وأنت تتحدث عن لا شيء يعني صفر كبير .. نصدق منو ياجماعة .. عندنا بواقي أهل بالخرطوم خايفين عليهم ... خاصة بعد تصريحات نافع الأخيرة .. ود الباوقة يبشر المواطنين بجري شديد... خلونا نفهم الحاصل شنو؟ الشفيع
Post: #49 Title: Re: يمين بالغتو فينا قُلنا نمشي نفلِق لينا حجر حجرين نلقى التّكتح ماف (صور طاااااازة) Author: علاء الدين يوسف علي محمد Date: 01-20-2011, 07:08 AM Parent: #46
مرحب بالأخ الشّفيع لو قريت آخر مُداخلات لي لما وجدت هذا التّضارب الذي تعني المسألة لم تكُن حشد للتّظاهر ولا تجمّع النّاس صُدْفة أو مغبونين لقعل ذلك كان في ندوة أو ما شابهها بدلالة الكراسي البلاستيك اللي في بوكس بيرفع فيها من دار الحِزب و دي شفتها بي عيني ديل لاحظ بوكس ما دفّار يعني عدد قليل أصلاً الكان موجود أها بعد طلعوا و شايلاهُم حماسة الخِطاب السِّياي الكان داير جُوّة مرقو و بنوع من النّشوة قالوا البلد بتكون فاكّة بالليل بعد شوية فكُّو البيرك بس
Post: #52 Title: Re: يمين بالغتو فينا قُلنا نمشي نفلِق لينا حجر حجرين نلقى التّكتح ماف (صور طاااااازة) Author: Ahmed musa Date: 01-20-2011, 07:15 AM Parent: #46
Quote: تحياتي ياعلاء ما قادر أفهم الأخ أحمد موسى يتحدث عن مظاهرة ومسيل دموع وشرطة وجري وكمان (دقشو) واحد جاري وأنت تتحدث عن لا شيء يعني صفر كبير .. نصدق منو ياجماعة ..
أستاذ الشفيع الموضوع ببساطة أنا كنت حاضر لحظة التظاهر و علاء الدين جه بعده بشوية بحسب كتابته والقصة كلها تحرك بعد ندوة الشعبي بدارهم بالرياض وكانو مية او ميتين بحسب حسابي وعشرات بحسب حساب قناة الجزيرة الجماعة الكُبار حمسوا النيران وركبوا عرباتهم ومشوا بيوتهم والجماعة الإتحمسوا و(إتحرشو) ما كاتلوا كتير اها كلها دقايق وفرتقت أخونا بعد الندوعلاء لمن جاب كميرته لا ستي ولا عيوناتها بح بلغة بعضهم وكميرتوا رصدت جزء منهم مع الاسماك والفراخ بأوماك بفشون فيها غلهم ده كوووووول الحاصل
ــــــــــــــــــ وين زول تفاصيل لاحقاً ؟؟!
Post: #50 Title: Re: يمين بالغتو فينا قُلنا نمشي نفلِق لينا حجر حجرين نلقى التّكتح ماف (صور طاااااازة) Author: علاء الدين يوسف علي محمد Date: 01-20-2011, 07:10 AM Parent: #41
Post: #71 Title: Re: يمين بالغتو فينا قُلنا نمشي نفلِق لينا حجر حجرين نلقى التّكتح ماف (صور طاااااازة) Author: هشام عباس Date: 01-20-2011, 11:10 AM Parent: #41
Quote: علاء الدين
صدقنى ياعلاء انا اعلم ان كل نظام شمولى قامع متجبر يوجد بين جنباته من هم فى مثل حالتك هذه لكن ما اعلمه علم اليقين ان هذا الشعب الطيب الذى استحليتم الحكم باسمه سينهض ويملاء الطرقات فدوام الحال من المحال يمكن ان يكون هذا اليوم غدا وربما بعد غد لكنه وايم الله انه لن يصبر علي عنترياتكم هذه كثيرا فى كجبار التى روعتم امنها وقتلت ابنائها ويحمل اهلها من الغبن عليكم مالو لمسته لوليت منه رعبا فى نيرتتي وسرف عمره وكتم وقوز بيضا ياعلاء ان اهلنا فى ديم عرب ماذالت الغصة فى حلوقهم وبعضهم رفض ان يتقبل العذاء فى اهله الذين قتلتم بدم بارد واتي قومك يتقدمهم مجزوب الخليفة وهم يحملون دينارات يريدون ان يمحوا به جريمتهم , ورفضت الكثير من العائلات هذا الصلف والغرور ليذهب مجزوب ويبقى هولاء ينتظرون يوما كيوم (الياسمين) الذى ما تنسم ريحه بن على وما ابن حوش بانقا عن هذا اليوم ببعيد . علاء الظلم ظلمات ومتى استعبدتم الناس ولدتهم امهاتهم احرارا...
الاخ عمار حديثك هذا لو وجهته لشخص يعقل القول لفهمنا وقدرنا لكنك تخاطب من يحركه بطنه ونداء البطن لا يعرف المنطق
Post: #75 Title: Re: يمين بالغتو فينا قُلنا نمشي نفلِق لينا حجر حجرين نلقى التّكتح ماف (صور طاااااازة) Author: علاء الدين يوسف علي محمد Date: 01-20-2011, 01:03 PM Parent: #71
هِشام عبّاس يا عُرّة المُتْنوضلين أها نوعك الفي فاخورتو فردّة تموت تخلِّي دة عمرو ما يقْلِب ليهو مجلِس أولياء أُمور لمدرسة أساس في زقلونا
Post: #47 Title: Re: يمين بالغتو فينا قُلنا نمشي نفلِق لينا حجر حجرين نلقى التّكتح ماف (صور طاااااازة) Author: علاء الدين يوسف علي محمد Date: 01-20-2011, 07:02 AM Parent: #39
Quote: أنا طالبك رد مداخـلة في بوستك : أصحـي يا بريش مالك زغـت منها ?!
الحبيب يا حبيب سلامات يمين إلا تكون كتبته في حِتّة أنا ما شُفتها لكن أذكر رديت ليك لحدي آخر حد تابعت فيهو البوست عموماً ولا تزعل و لك العُتبى حتى مبلغ الرِّضى من نفسك هسي بفتِّشو و أشوف مُداخلتك و أرد عليك ليس من طبعي عد الرّد على أحد أرى فيه موضوعيّة و خير
Post: #48 Title: Re: يمين بالغتو فينا قُلنا نمشي نفلِق لينا حجر حجرين نلقى التّكتح ماف (صور طاااااازة) Author: Wasil Ali Date: 01-20-2011, 07:06 AM Parent: #47
Post: #51 Title: Re: يمين بالغتو فينا قُلنا نمشي نفلِق لينا حجر حجرين نلقى التّكتح ماف (صور طاااااازة) Author: علاء الدين يوسف علي محمد Date: 01-20-2011, 07:13 AM Parent: #48
واصل دي المجموعة الكانت بدار الحِزْب طلعت و حاولت تعمل جوطة و تستغل الليل كستار و ظنّت غياب القانون ليلاً فكانت فاجعتهم شديدة المنظر الشُّفتو دة لم يسْتمر لأكثر من دقائق معدودة بعدها وحاتك يا غالي ياها صُوري الشُّتها فوق ديك شوارع خالية و كأنُّو ما كان فيها شيء ولا حتّى ريحة بُمبان ماف
Post: #54 Title: Re: يمين بالغتو فينا قُلنا نمشي نفلِق لينا حجر حجرين نلقى التّكتح ماف (صور طاااااازة) Author: علاء الدين يوسف علي محمد Date: 01-20-2011, 07:37 AM Parent: #51
Quote: الموضوع ببساطة أنا كنت حاضر لحظة التظاهر و علاء الدين جه بعده بشوية بحسب كتابته والقصة كلها تحرك بعد ندوة الشعبي بدارهم بالرياض وكانو مية او ميتين بحسب حسابي وعشرات بحسب حساب قناة الجزيرة الجماعة الكُبار حمسوا النيران وركبوا عرباتهم ومشوا بيوتهم والجماعة الإتحمسوا و(إتحرشو) ما كاتلوا كتير اها كلها دقايق وفرتقت أخونا بعد الندوعلاء لمن جاب كميرته لا ستي ولا عيوناتها بح بلغة بعضهم وكميرتوا رصدت جزء منهم مع الاسماك والفراخ بأوماك بفشون فيها غلهم ده كوووووول الحاصل
مولانا أحمد موسى ديل بعد تجيب ليهم البقرة الصفراء ما بِقْتنعوا
Post: #55 Title: Re: يمين بالغتو فينا قُلنا نمشي نفلِق لينا حجر حجرين نلقى التّكتح ماف (صور طاااااازة) Author: عبد الخالق امن الله Date: 01-20-2011, 07:39 AM Parent: #54
هسي كاميرتو دي بعد دا والله إلا يتصور جمبها ويعلقا هي والصورة في البرندا حقتم.
Post: #60 Title: Re: يمين بالغتو فينا قُلنا نمشي نفلِق لينا حجر حجرين نلقى التّكتح ماف (صور طاااااازة) Author: علاء الدين يوسف علي محمد Date: 01-20-2011, 08:12 AM Parent: #57
.. . والله يا علاء انت طلعت بكاميرتك دى متأخر على ما يبدو وبعد ما الجماعة شتتوا.. واضايروا فعلاً كانت فى مظاهرة .. دى ما عايزة نقاش لكن بالتأكيد مظاهرة _ فقط_ من اعضاء المؤتمر الشعبي متحركه من مسجد سيدة سنهورى لبيت الترابي لمده ما اتجاوزت ال 45 دقيقة .. وتم تفريقها بقوات الشرطة طبعا كالعادة المؤتمر الشعبي هو التنظيم الذى يسير المظاهرات ولا حزب تانى قادر يطلع مافى ..!! وهذا ما حدث اثناء اللقاء حيث تحدث الجمع عن ضعف الاحزاب واوضحوا انهم هم من يحركون الشارع وكل التنظيمات هى دمى ويفتقدون للشجاعة والقدرة على تحريك الشارع ..
-------
كلامى دا شوف عين ما ونسه بعد الحدث
تحياتى؛
Post: #58 Title: Re: يمين بالغتو فينا قُلنا نمشي نفلِق لينا حجر حجرين نلقى التّكتح ماف (صور طاااااازة) Author: محمد يوسف الزين Date: 01-20-2011, 07:54 AM Parent: #51
يا حبيب.. شهادتك براها ما بتنفع في صور للمظاهرة وفي تقرير في الجزيرة عن المظاهرة والجماهير الهادرة عدييل جابوهو من الدغش
ياخي دايرين لينا مظاهرة اقسم بالله، لو لقيتها هسي تحت مكتبي هسي دي بجدع ليك الكيبورد دا وبطلع، ما ممكن يفصلو الجنوب نسكت، يزيدو البنزين نسكت، يزيدو اي حاجة في الدكان نسكت، يزيدو سندوتش الطعمية نسكت، يوقفو تراخيص التمباك نسكت، بتاع الحركة يوقفك ويمشي بص الوالي ونسكت، 77 وزارة ونسكت، الصحة والتعليم ونسكت، مشروع الجزيرة ونسكت، العطالة ونسكت، الحقارة ونسكت، اي حاجة ونسكت! سكتنا كتير ياخخ! الناس بتولع في روحها ياخ!
أمس زي الساعة 9 غشيت نفر كريم من اصحابي في سودانيز أون لاين كانو ملمومين وكان عندهم نية تظاهر على كوارع الموناليزا
ركبنا عربية واحدة سوا واتحركنا وشقينا شوارع الرياض، وطلعنا على الجزار وامتداد ناصر واوماك وشارع الكوبري وجينا راجعين على الموناليزا، ضربنا الكوارع والاقاشي والفول وجينا قالبين زي الساعة 10 كدا بشارع الستين وبعداك خشينا بعبيد ختم، انت المظاهرة دي كانت وين؟ نحن زاتو استغربنا من البوكسي بتاع النجدة والعمليات الكان واقف في شارع امتداد ناصر داك في محطة 7 دا مالو!
Post: #59 Title: Re: يمين بالغتو فينا قُلنا نمشي نفلِق لينا حجر حجرين نلقى التّكتح ماف (صور طاااااازة) Author: علاء الدين يوسف علي محمد Date: 01-20-2011, 08:11 AM Parent: #58
Quote: أمس زي الساعة 9 غشيت نفر كريم من اصحابي في سودانيز أون لاين كانو ملمومين وكان عندهم نية تظاهر على كوارع الموناليزا
ركبنا عربية واحدة سوا واتحركنا وشقينا شوارع الرياض، وطلعنا على الجزار وامتداد ناصر واوماك وشارع الكوبري وجينا راجعين على الموناليزا، ضربنا الكوارع والاقاشي والفول وجينا قالبين زي الساعة 10 كدا بشارع الستين وبعداك خشينا بعبيد ختم، انت المظاهرة دي كانت وين؟ نحن زاتو استغربنا من البوكسي بتاع النجدة والعمليات الكان واقف في شارع امتداد ناصر داك في محطة 7 دا مالو!
قطِع شك بتكونو ديل إنتو الإتظاهرتو مع الجِّداد و السّمك حرام عليكم تدُقُّوهم قدُر دة و تريقوا منهم كل هذه الدِّماء
Post: #61 Title: Re: يمين بالغتو فينا قُلنا نمشي نفلِق لينا حجر حجرين نلقى التّكتح ماف (صور طاااااازة) Author: داليا حافظ Date: 01-20-2011, 08:34 AM Parent: #59
علاء الدين
سلامات
جابتني الدوائر الفي صورك الفاضية ..قريت في بوست أمبارح ..انو دي شيطايين ..كر علي يا علاء البلد
بقت مسكونة ..وشياطينا أكتر من إنسها ..
ـــــــــــــ
ما تعصر شديد على النفي لأنك كما لحقت (الصحاف ) بتلحق جنابو ..
Post: #63 Title: Re: يمين بالغتو فينا قُلنا نمشي نفلِق لينا حجر حجرين نلقى التّكتح ماف (صور طاااااازة) Author: علاء الدين يوسف علي محمد Date: 01-20-2011, 08:47 AM Parent: #61
داليا حافظ سلامات الدّواير الفاضية دي من كاميرتي المُتواضعة هسي لو عملتو لي شيرنق كااااااااااااارِب كِدا و إشتريتو لي كاميرا شان أغطِّي ليكم المُناسبات السّعيدة دي ما كويس معاكم بدل الجذماعة القاموا جارين ديل على قول الزّلمة فرفطوهم في ثانيتين
أعوذ بالله من الشياطين وأعوذ بك ربي أن يحضرون يا زول صورك دي انت أخدتها من غير ما تسمي ؟؟؟ ما شايف كرات الطاقة المضيئة الفوق دي البلد دي بقت كلها شياطين ولا شنو نسأل الله السلامة
Post: #64 Title: Re: يمين بالغتو فينا قُلنا نمشي نفلِق لينا حجر حجرين نلقى التّكتح ماف (صور طاااااازة) Author: علاء الدين يوسف علي محمد Date: 01-20-2011, 08:52 AM Parent: #62
يا هميم ظاهِر دي الشّايطين الجّات تِتظاهر مع الجّماعة ديل ديل جروا بالشّوارع الجّانبية و ديل فلسعوا لي فوق شُفتا ناسنا ديل سِرّهم باتِع لي ياتو درجة
Post: #66 Title: Re: يمين بالغتو فينا قُلنا نمشي نفلِق لينا حجر حجرين نلقى التّكتح ماف (صور طاااااازة) Author: Mohammed Awad Date: 01-20-2011, 08:56 AM Parent: #62
أعضاء المنبر الأمنجية
• في إطار التعتيم الذي يسعى نظام البشير بشتى السبل إلى فرضه على مماراساته في البلاد فقد تمكّن من دس بعض عناصره بالمنبر العام لسودانيزاون لاين! • مهمة هؤلاء هو مراقبة الموضوعات التي يكتبها أفراداً بعينهم وخاصةً من الناشطين في إبراز قضية دارفور او اي قضية ، والسعي لحرف مسار النقاش بأي شكل من الأشكال. • لا تناقش تعليقاتهم في الغالب أي فكرة من الأفكار التي ترد في الموضوعات، وينصرفون الى التهكم والإستهزاء والتخوين، فيطلقون عبارات مثل ( آكلي الويلفير)، (العملاء)، (الرجرجة)، (الدهماء)، (الطابور الخامس).........الخ!. ويصل الإفلاس ببعضهم أحياناً الى إطلاق بعض الصفات والنعوت العنصرية على زملائهم بالمنبر! كما يجنحون في بعض الأحيان الى التعريض بأعمار مناقشيهم ظناً منهم بأن هذا يستفزهم فيتركون موضوعهم الأساسي، وهنا تجدهم يستخدمون عبارات مثل حبوبة فلانة أو الخال فلان......الخ. • كما قلنا فإن هؤلاء (مستنفرين) تجاه أعضاء محددين، فما إن يظهر بوست لأحد هؤلاء الأعضاء حتى يبدأ الأمنجية في لعب دورهم المرسوم. • بعضهم يحاول إخفاء تهمة الدفاع عن النظام عن نفسه ليلعب دوره الخبيث، وهؤلاء يمثلون الإمتداد الفعلي لجمهور المنافقين الذين تحفل بهم كتب التاريخ. • ما يقوم به هؤلاء لا يقل إجراماً وخطورة عما يقوم به النظام داخل البلاد. • هم العدو فاحذرهم.
Post: #68 Title: Re: يمين بالغتو فينا قُلنا نمشي نفلِق لينا حجر حجرين نلقى التّكتح ماف (صور طاااااازة) Author: علاء الدين يوسف علي محمد Date: 01-20-2011, 10:47 AM Parent: #66
يا طبنجة التّجاهُل التّجاهل التّجاهل أنت ما أتيت لحوار
Post: #67 Title: Re: يمين بالغتو فينا قُلنا نمشي نفلِق لينا حجر حجرين نلقى التّكتح ماف (صور طاااااازة) Author: عمر صديق Date: 01-20-2011, 09:11 AM Parent: #62
يباش مهنس سلام زماااااااان قالو وزعتوا احهزة كمبيوتر ونت علي مدار الساعة وماشفنا التكتح اسي ادونا حقنا في الكاميرات عشان مانلحق ناس المظاهرات
Post: #69 Title: Re: يمين بالغتو فينا قُلنا نمشي نفلِق لينا حجر حجرين نلقى التّكتح ماف (صور طاااااازة) Author: علاء الدين يوسف علي محمد Date: 01-20-2011, 10:49 AM Parent: #67
يا أُستاذ عُمر نحن ما بنفاوض إلا البحملو الطّوب شيل طوبة و أطلع ظاهر يا مُتظاهر باكر نفاوضك و نديك كاميرا
إنت هسه لاعب جناح يمين ولا لفت ولا وسط ولا فوق????
حا تحتاج تصور كتير فى مقبل الأيام,, الشغلة جاية جاية,,,
ياخ يرضيك المعلم الكبير قاعد فى الرج!! دا وضع ما سليم ابدا وينذر بالفوضى غير الخلاقة رغم ثبوت نظرية الControl Damage
تحياتى وخلى الكاميرا صاحية..
Post: #70 Title: Re: يمين بالغتو فينا قُلنا نمشي نفلِق لينا حجر حجرين نلقى التّكتح ماف (صور طاااااازة) Author: علاء الدين يوسف علي محمد Date: 01-20-2011, 10:59 AM Parent: #65
أبو اليُمْن يا حبيب يا زول ما يغُشُّوك الجّماعة غشيتك الطّمأنينة كُل حين
ورا مُؤمّن و قِدّام رامين ألزم الجّابرة يا حبيب
Post: #73 Title: Re: يمين بالغتو فينا قُلنا نمشي نفلِق لينا حجر حجرين نلقى التّكتح ماف (صور طاااااازة) Author: لدن جعفر Date: 01-20-2011, 11:33 AM Parent: #70
علاء سلامات
اها رسيتو على شنو ..؟؟ الجماعه ديل انس ولا جن
غايتو الترابى دا سرو باتع ..اللهم اجعل كلامنا خفيف عليهم
تحاياى يا صديق
Post: #74 Title: Re: يمين بالغتو فينا قُلنا نمشي نفلِق لينا حجر حجرين نلقى التّكتح ماف (صور طاااااازة) Author: علاء الدين يوسف علي محمد Date: 01-20-2011, 12:57 PM Parent: #73
لدُن يا غالية سلامات رسينا على إنُّو ديل كانوا خليط من شياطين الإنْس و الجِّنْ
شياطين الإنس "فرفطوهم" في الشّوارع و شياطين الإنس "فرفطوهم" في السّماوات
اشتبكت الشرطة السودانية الأربعاء مع محتجين يطالبون بإطلاق سراح الزعيم المعارض حسن الترابي الذي اعتقل بعد أن دعا إلى "ثورة شعبية" بسبب تزايد الأسعار ومطالب سياسية.
وهاجمت شرطة مكافحة الشغب حوالي 150 متظاهرا في طريق رئيسي بإحدى ضواحي الخرطوم مستخدمة الغاز المسيل للدموع والهراوات.
يشار إلى أن الشرطة السودانية كانت قد ألقت القبض هذا الأسبوع على 10 من أعضاء الحزب الذي يتزعمه الترابي
