الوعي الذكوري

الوعي الذكوري مشكله كبيره لانو حتي لو اداويت منو بشكل سطحي يظل راسخا في اللاوعي ويظهر في شكل العبارات التقليديه التي هزمها نضال النساء في العالم كعبارة ‏‎)‎الزمي بيتك ) التي ساقها عضو المنبر في بوست انثي ولادسته رجال ذيك فليعلم عضو المنبر اننا في السودان شاركنا في الثورات والانتفاضات والبرلمان وحق العمل والاجر المتساوي و و و منذ زمن بعيد اصحي ياهذا نحن مافي بلد سواقة العربيه تبقي انجاز نحن ذهبنا الي اكثر من ذلك بكثير ولسنا نحن النساء اللاتي نحس بالدونيه ونعتبرك رجل اتيت لتقهرنا بعبارة الزمي البيت نحن نعي تماما ان قضية المراه ليست قضية نوع اجتماعي ضد نوع اجتماعي اخر نحن نفهم انها قضية مجتمع ذكوري يمكن ان يكونوا نساء يتماهون بالمتسلط او رجال تربوا علي قهر الاخر حفاظا علي سياده وهميه رسمها المجتمع الذكوري لهم بمجموع من الاعراف والمعتقدات والقوانين الذكوريه ضد نشطاء وناشطين يريدون ازالة التميز علي اساس النوع الاجتماعي ولتفهم تماما اننا لانلزم البيت بارحامنا فقد تلزم البيت انت لكي لاتهدم ماظل ينادي به الاسوياء من عدم التمييز علي اساس نوعي بمثل هذه العبارات القديمه المتخلفه . اما عن المطالبه بالحياء والخجل فهم نوعين يختزولوا نون النسوه اما ان يعتبروها شيطان او رياحين فيا شوقي نحن نساء شربنا من ثدي حواء السودانية واظنك لاتعرف حواء السودانية . فمثلك يزيدني قوة وحماس قالها الاستاذ مكي علي ادريس للاستاذه سعاد ابراهيم احمد في رائعته كجبار (واهقي اورنجي اسي تجوبن اوركناني) بمعني احذري ياسليلة الملوك ان يفتر حماسك فلن يفتر حماس حواء السودانيه بهذا التخزيل الضعيف وعيا ذكوريا او بنية وعي تناسليه .

لم ارحب بكـ في بوست الترحيب
ولم اشارك في بوست ود الباوقة
( ليس استصغاراً لكن لم يترك القائلون لي ما اقوله بحقك)

لكن الآن اقول لك مرحباً بك
موضوع ثر ما فتحتيه
ويستحق الوقوف والاشادة بك وبطرحك

ـــــــــ
ياريت لو تمسحي الاسماء حتي لا يصبغ بوستك بصبغة شخصية فولك ينطبق على كثير ممن شاركو في البوست السابق
وحقيقة اضعف حلقة ممن شاركو هو عضو البورد هذا .. فياريت تبعديه من خطابك حتي يكون معمم فالرجل حمارٌ وقف عن عقبة شيخه قبل ان يدركها

تقديري واحترامي لك يا عظيمة

التعديل الثاني تقديرا بتقدير وحذف اسم عضو بحذف

** لي عودة يا اختي مع امنياتي ان يكون الموضوع جوهرياً كما هو الآن في طرحه
تقديري مرة اخري وشكرا للاستجابة المقدرة

Quote: اصحي ياشوقي نحن مافي السعوديه سواقة العربيه تبقي انجاز

واريت كمان تشيلي لينا مسالة السعودية دي من خطابك لانو السعودية دي حاجة تانية وبلد قايمه بي زاته ما ليها دخل بالمعارك القايمه بيناتنا مؤخرا كتار جدا بيدخلو مسالة السعودية دي في حتات ما مفترض تدخل فيها ..

ثم ألا تتفقين معي يا مناهل أن {الوعي الذكوري} موجود وبقوة في العبارة دي:
{ انثي ولادسته رجال ذيك يا }
وهوما يثبت كلامك الذي افتتحت به البوست:

Quote: الوعي الذكوري مشكله كبيره لانو حتي لو اداويت منو بشكل سطحي يظل راسخا في اللاوعي ويظهر في شكل العبارات التقليديه

---------------------------------------------------------------
مرحب بيك في البورد
بس
ابعدي من اخونا ود الباوقة

شكرا حيدر وتمبس والشفيع علي المرور حيدر وتمبس ايد علي ايد نجدع بعيد . الشفيع قراية هذا النص يمكن ان تكون من عين الدونية وهنا يبقي وقعنا في فخ الوعي الذكوري ويمكن ان تكون بعين النديه بل والتجاوز بدسته كما يراها الاستاذ محجوب شريف واراها انا وهنا يبقي عاين ليها بالوعي الطبيعي او المتعافي .

سلامات يا مناهل يا عزيزة وشكراً ( اقين ) لاستجابة

قلتي :

Quote: ونعتبرك رجل اتيت لتقهرنا بعبارة الزمي البيت نحن نعي تماما ان قضية المراه ليست قضية نوع اجتماعي ضد نوع اجتماعي اخر نحن نفهم انها قضية مجتمع ذكوري يمكن ان يكونوا نساء يتماهون بالمتسلط او رجال تربوا علي قهر الاخر حفاظا علي سياده وهميه رسمها المجتمع الذكوري لهم بمجموع من الاعراف والمعتقدات والقوانين الذكوريه ضد نشطاء وناشطين يريدون ازالة التميز علي اساس النوع الاجتماعي ولتفهم تماما اننا لانلزم البيت بارحامنا

هنا عاوز اسألك سؤال بسيط ( قد يكون خارج نطاق قولك لكن محرقص لي في بطني ليهو زمن باعتبار بعد نفسي سوداني وكل الناس اهلي ) انتي بتتكلمي عن نساء منو؟ وياتو بيئة؟
ففي الغرب مثلاً وجبال النوبة - حسب ما قريت - الخروج من المنزل والعمل والكد والاجتهاد في المزرعة او الاعمال اليومية من نصيب المرأة والزوج عملوا هامشي
جنوب النيل الازرق نفس الحكاية... بعض حواشات اقصي الشمال ما بتلقي فيها راجل واحد وحلة كاملة ممكن تلقي فيها صبي صبيين بس بعد هاجر واغترب الرجال عشان العملة الحرة
وفي كل الاحوال المرة هي العاملة .. المرة هي المنتجة.. المرة من تعيل وتكفل البيت..
فما هي المرة البتتكلمي عنها انتي؟؟؟
هل المتخيلة والمقهورة في نمط عصر الطهطاوي وقاسم امين؟ ام هي مرة المدن المفروض بعد وفرت حقها في القيادة يكون ليها حقوق تانية في العمل نحن ما عارفنها تكون غير حق بت الارياف والقري
الاكتسبتها بحقها وبعامل البيئة القاهر الاجبرها تنزل للحواشة وعمل اليومية؟؟؟

شكرا ياشباب علي المرور حيدر انا اعني كل نساء العالم بالنسبه لنساء جبال النوبه والنيل الازرق ذكرني بحال النساء في كينيا العمل وكفالة الاسره علي المراه نحن نطالب بالمساواه والشراكه ذي مابنرفض في ترتيبات الزواج انو يقوم بيها الراجل لوحده لانهم شركاء فاذا في ادارة وكفالة الاسره هم شركاء لاتقع المسؤليه علي نوع دون الاخر .

مناهـل الشجاعـة
مـراحـب وأهـلا بيك
مقدمـك إضافة إيجابية لهذا المنبر
من قال لك " إلزمي بيتك " يستحق
الرثاء والشفقة أكثر مـن أي شئ آخـر !
---------------

Quote: بس ابعدي من اخونا ودالباوقة

يالشفـيع : ليه تبعـد من أخوكم ود الباوقة??
----------------
يا مناهـل : إيدك والبركـة
والله يخــدر ضــراعــك

مناهل البت النجيضة سلام

مناهل سلام

النظرة للمرأه وكأنها خادمة بيت فقط ,,, حاله رسخها وعى ذكورى متوارث

تداخلت فى تشكيله عوامل عده’’’ هذا قد يذهب بنا بعيدا فى دهاليز طويله ( وملولوه جدا )

لكن المهم فى الموضوع ان البعض يلوذ بهذا الوعى الذكورى عندما يتبين له ضعف

حجته وضحالة فهمه فيحاول قهر المرأه وتحجيمها بهذا النوع من الحيَل ,,, وهو

ماذهب اليه ود الباوقه ومن لف لفه ,,,, اتمنى ان لاتلين لك قناه فى ادخال هؤلاء فى

( علبهم ) حتى يتبين لهم الخيط الابيض من الاسود


ولك تقديرى واحترامى

مناهل سلام

اي صوت زار بالامس خيالي>>
يمكن تلقي فيهو إجابة لأخونا حيد..
حفظك الله.

Quote: ي صوت زار بالامس خيالي>> يمكن تلقي فيهو إجابة لأخونا حيد..

ر

Quote: ي صوت زار بالامس خيالي>> يمكن تلقي فيهو إجابة لأخونا حيد..

ر

مكرر ..


ــــــ
ما بتاع وهبة :)

عبدالله ، ياسر ، ايمن ، حبيب نوره ، محمد شكرا ليكم علي المرور

.
.
.


أي صـوت زار بالأمـس خيالـي
طـاف بالقلـب وغنـي للكمـال
واذاع الطهـر فـي دنيـا الجمـال
واشاع النور فـي جـوف الليالـي
...
إنه صوتـي إنـا زاده العلـم سنـا
إنه صوتـي انـا إبنـة النـور أنـا
اوتــدري مـــن أنـــا ؟

أنـا أم اليـوم أسـبـاب الهـنـا
أنـا مـن دنياكمـو أحلـى المنـا
...
كل حب في الورى رجـع حنانـي
كـل نبـع دافـق بالخيـر دانـي
مـن ينابيـع يغذيـهـا كيـانـي
أنا نصـف قدحـوي كـل المعانـي
من يدانينـي أنـا ابنـة النـور أنـا
...
يا شبـاب الغـد اسمعنـي جوابـا
يقتنيه الجيـل فـي الدنيـا كتابـا
...
إن عـزمـي مـــن فـتـاتـي
مسـتـمـد فـهــي ذاتـــي
ومرآة لصفاتـي فأطمئنـي يافتاتـي
...
كل ما فات يرتجى قد سلمنا من الزلل
فلنعد ولتعد لنا فرحة العيد والأمـل
فلنعد ولتعد بنا سنة الله فـي الأزل
...
سوف نرقـي سلـم المجـد رقيـا
ونفيـض العلـم ينبوعـا رويــا
ونـنـادي بتلاقيـنـا سـويــا
لنشيـد المجـد صـرحـا أبـديـا
نـحـو ســـودان جـديــد

.
.

مرحب بيك يا مناهل إبراهيم
.
.
..

ياسلام شكرا ليك يااستاذ بشير

سلامات يا بت يا نيل

ابنتنا العزيزة مناهل

اولا ارحب بك ترحيبا حارا فانت تذكريني بفاطمه احمد ابراهيم في شبابها وتصديها لنظام جعفر نميري

موضوع حيوي وهام كما قال اخي حيدر الزين واتمني ان يكون الطرح عاما وموضوعيا دون التطرق لاسماء

لان شخصنة الموضوع ربما تضعف هذا الطرح ولك ودي وتقديري

Quote: اولا ارحب بك ترحيبا حارا فانت تذكريني بفاطمه احمد ابراهيم في شبابها وتصديها لنظام جعفر نميري

الأخ طارق تحياتي وجهة نظرك نحترمها كثيرا

بس صدقني لقد ظلمت المناضلة فاطمة أحمد إبراهيم ظلم تاريخي.

يأم شوايل قودي الرسن

الثورة آتية لا مناص
بين كل الثورات التي شهدها السودان كانت المراة في مقدمتها
تحمل الحجر وتداوي الجرح .







يامناهل يابت ابراهيم قليل من الرجال يتوافق مع ما تحتاجه النساء..

والباقي طوافون في عالم التخبط والهذيان..
سيري وعين الله ترعاك

شكرا لدن وشكرا استاذ طارق لك كماتريد وشكرا خضر علي المرور

الاخت الفاضلة مناهل

لك التحية الطيبة

حبابك عشرة يا اميرة مرة اخرى


_______________________________________

الله الله الامنجية فى مقدمة الحضور

خايفين و لا شنو ؟ .

سلامات حبيبنا يا قريمان ..

البوست جميل وموضوعي وما عايزنو يخرب بمهاترة
لكن ...

Quote: الله الله الامنجية فى مقدمة الحضور خايفين و لا شنو ؟ .

مقدمة الحضور تمثل في شخصي اولاً HAIDER ALZAIN

ثم تلاها تمبس .. الشفيع وراق .. عبد الله الحبيب .. ياسر طيفور .. حبيب نورا

والبعد كدة كانو مافي مقدمة الحضور ..
فياريت يا الطيب قريمان يا صديق تجينا هنا وتورينا مقدمة الحضور قاصد بيها شنو ؟
والامنجية عرفتهم كيف وامارتهم شنو ؟؟
لانه كلامك دا بيمسني انا دا (HAIDER ALZAIN ) شخصيا لانه مقدمة المقدمة في الحضور

شاكر لك حسن تجاوبك

الاخ الفاضل حيدر الزين

لك التحية و التقدير

تعرف يا حيدر ...

أنا اعرفك جيدا و سبق ان التقينا.

و الله لو كنت انت المقصود لما كتبت حرفا عنك و لكن لكنت اتصلت عليك


و قلت يا حيدر انت امنجى ... و فيك و فيك ... دون مجاملة .

و انا زول كلامى برة و لا فيه دس و لا خجل و لا مجاملة

المقصود هو ليس انت يا حيدر . شوية و يجيك ناطى براه .

Quote: مقدمة الحضور تمثل في شخصي اولاً HAIDER ALZAIN ثم تلاها تمبس .. الشفيع وراق .. عبد الله الحبيب .. ياسر طيفور .. حبيب نورا والبعد كدة كانو مافي مقدمة الحضور .. فياريت يا الطيب قريمان يا صديق تجينا هنا وتورينا مقدمة الحضور قاصد بيها شنو ؟ والامنجية عرفتهم كيف وامارتهم شنو ؟؟ لانه كلامك دا بيمسني انا دا (HAIDER ALZAIN ) شخصيا لانه مقدمة المقدمة في الحضور شاكر لك حسن تجاوبك

شكرا يا الطيب رحمة قريمان .. ولك التحية

وفي انتظارو لمن يجي ناطي وقت ما وريتنا ليهو نعمل حسابنا منو في المقدمة دي

لك التحية ..

ـــــــ
ومعك اردد امنجي .. ارنب نط

Quote: تعرف يا حيدر الايام أنا اعرفك جيدا و سبق ان التقينا. والله لو كنت انت المقصود لما كتبت حرفا عنك و لكن لكنت اتصلت عليك وقلت يا حيدر انت امنجى ... و فيك و فيك ... دون مجاملة . وانا زول كلامى برة و لا فيه دس و لا خجل و لا مجاملة المقصود هو ليس انت يا حيدر . شوية ويجيك ناطى براه .

ارنب نط تراني بنط ..
كلامكم دا بجيب ليكم الشفوت بتاعين الانترنت والامنجية الزينا ديل ..
يا قريمان ياخ انت لو دغري كدا ولا بتخجل ولا بتدس .. انا تاني زول مباشرة بعد حيدر دا .. ما تقول ليهو تمبس البعديك دا مالك جايب لينا النطيط والطيران ..
تفتكر لو قلت تمبس الامنجي .. او اي اكليشيه من اكليشيهاتكم المضحكة دي بزعل منك
بالعكس ..
انت زاتو لو ما قلته كدا انا ما عافي منك ..
حسع دي تعال اظهر نوع من الشجاعة وعدم الدس دس وقول ليهو دا تمبس .. يعني بي صورة اوضح
قدر لي نطتي دي ..
..
انت فرقك شنو عليك الله من مصطفى التجاهل .. تدخلو عشان تقدو البوستات وبعداك يجو يردو ليكم يقومو يرهبو الناس انتو قطاعين طرق وانتو امنجية وانتو الله الخلقني ..

اشكرك يا قريمان ان اتحت لي هزه الفرصة ... عشان اتشفتن وانفش عضلاتي في البوست الحساس دا ...


..

يا مناهل عندي معاك كلام خاص لحدت ما اجي راجع تاني .. بس عليك الله اعتمدي لي نوعية قريمان دا كنموزج ..

الاخت مناهل ابراهيم
تحياتي
مرحبا بك في الوطن الاسفيري الذي يعكس ازمة الوطن المغتصب بجنود مشورع لم يكتمل بعد .

Quote: الوعي الذكوري مشكله كبيره لانو حتي لو اداويت منو بشكل سطحي يظل راسخا في اللاوعي ويظهر في شكل العبارات التقليديه

تكمن اشكالية الوعي الذكوري بانه متجزر داخل اوردة القيم المجتمعية الموروثة فمهما نضجت مدارك وعي الانسان وفكرة تخرج بدون ارادته الهيمنة الذكورية من مكنونات النفس .

ان قضية المراءة ليست قضية نوع اجتماعي ضد نوع اجتماعي اخر نحن نفهم انها قضية مجتمع

المرأة أسهمت في الحياة الإنسانية منذ القدم وكانت لها دور فاعل وكل الرسالات السماوية كرمت المرأة وأشركتها في الحياة العامة ولكن القيود الاجتماعية هي التي كبلت المرأة وإلباس ثوب الدين علي العرف هوا لأخطر في النظرة الذكورية للمرأة ولتوضيح التربية الأسرية التي تربينا عليها ومازالت هي تقليل من شأن النساء مثلا يابت اسمعي كلام اخوك او يابيت ماتلعبي مع الأولاد وما ترفعي صوتك علي اخوك وكثير من الموروثات المجتمعية التي تكرس للهيمنة الذكورية.

الاخت مناهل
تحياتي

هذه العبارات

Quote: الوعي الذكوري

Quote: نضال النساء

Quote: انثي ولادسته رجال

انتي قلبتي الموضوع هلال مريخ
وهذه اشكالية....فقد أردت أن تظهري لنا أسلوبا جديدا في الفهم والفكر
وقد يأخذ البعد الفلسفي
لكن نفس العقدة التي تتهمين بها الآخر تربط لحواء
وقد نتهم حديثك عن ( نحن ) بأنه وعي أنثوي
فهل في هذا قضاضة
!!!!

شكرا استاذ الطيب ويوسف وعلي المرور استاذ الطيب اي كوز واي امنجي حندي حقو من التاديب وزياده ولن نتهاون استاذ علي ذكرت ان اي محاوله لطرح القضيه كقضية نوع ضد نوع هنا يبقي احنا وقعنا في الفخ نحن (اكس او واي) ضد الوعي الذكوري

Quote: الوعي الذكوري مشكله كبيره لانو حتي لو اداويت منو بشكل سطحي يظل راسخا في اللاوعي ويظهر في شكل العبارات التقليديه التي هزمها نضال النساء في العالم كعبارة ‏‎)‎الزمي بيتك ) التي ساقها عضو المنبر في بوست انثي ولادسته رجال ذيك فليعلم عضو المنبر اننا في السودان شاركنا في الثورات والانتفاضات والبرلمان وحق العمل والاجر المتساوي و و و منذ زمن بعيد اصحي ياهذا نحن

إنتي بالذات مفروض تلزمي بيتك وما شايفك حا تضيفي اي شئ أنتي إنسانة متهورة ومندفعة أكثر من اللازم اي ثورات هذه التي شاركتي فيها واي إنتفاضة (في السودان ده حصلت إنتفاضة واحدة في الثمانينات وقبلها) الشاركن في الثورات والإنتفاضات كلهن أعرفهن وبصورة جيدة جدا ما كانوا ذيك كده يردحن بسبب ودون سبب

Quote: إنتي بالذات مفروض تلزمي بيتك وما شايفك حا تضيفي اي شئ أنتي إنسانة متهورة ومندفعة أكثر من اللازم اي ثورات هذه التي شاركتي فيها واي إنتفاضة (في السودان ده حصلت إنتفاضة واحدة في الثمانينات وقبلها) الشاركن في الثورات والإنتفاضات كلهن أعرفهن وبصورة جيدة جدا ما كانوا ذيك كده يردحن بسبب ودون سبب

926

الشافك قفلتها ال 1000 الليله ما كضب



البت دي حا توديك التوج يا شوقي

شكرا شوقي علي المرور شفت اللغه البتفوح بالوعي الذكوري ياها حقتك دي الزمي البيت منو الاداك الحق ده والثورات والانتفاضات ما الا اكون شاركت فيها حواء السودانيه مامناهل وتاريخ الحركه النسويه لن اجهضه في شخصي اوه علي فهمك انا ماقلت ليك امشي اقراء سيكولوجية الانسان المقهور وبعد داك تعال باريني في البوستات

مرحب بالمناضلة مناهل .
أُنثي بمليون مناضل خلف الكيبورد .

Quote: الوعي الذكوري

أدين الوعي اعلاه إدانة كاملة
وأطالب باللاوعي الذكوري

Quote: يا نهال اي انسانة لا تعرف تدير ازمة يجب أن تلزم بيتها وفعلا مناهل بتردح دي حقيقة ، هسع عليك الله الجماعة الإغتصبوا زميل ناس مناهل دي لو إغتصبوها تقول شنوا والله أول من يتخلى عنها الجماعة البطبلوا ليها ديل عشان كده قلت احسن تلزم بيتها ليس إهانة ليها بس اكرم لها

اهلا مناهل

بت دغرية ولفتاتك غزال


لن يستحملك العقل الذكوري ؟؟؟

جميل ان تتخذين المواجهة وهي معركتك ومعركتي ضد العقل الذكوري والقيم الباليه

التي سوف تظهر اليك بعد شويه واستخدام الفاظ تحاول تبعدك بحجة انك امراة

هيا للعمل هيا للعمل

يا ريت ان اعرف النساء انهن اولي بالتواجد هنا لنصرة المراة والرجل ؟؟؟؟؟؟؟؟

Quote: شكرا استاذ الطيب ويوسف وعلي المرور استاذ الطيب اي كوز واي امنجي حندي حقو من التاديب وزياده ولن نتهاون استاذ علي ذكرت ان اي محاوله لطرح القضيه

شكلك صدقتي كلام الاخ طارق . انا بهناك وريتك طريقة لتسويق قضيتك بصورة سليمة لكن شكلك إستيعابك ما سريع تاني فتحتي بوست للردحي طبعا دائما نضالكم يشوبه هوس بأن كل متداخل هو كوز وأمنجي وعايزين تأدبوا ولن تتهاونوا . ياخ إنتوا عندكم زميل قلتوا إغتصبوا عديييييل كده أها عملتوا شنو وطبعا انا لا استبعد تلفيق قصة الإغتصاب دي لجلب العطف لكن دي أشياء اكل عليها الدهر.

مناهل إنتي بت صغيرة و شكلك عودك مالسع طري والدليل إنك تقومي من حفرة تقعي في حفرة النضال ما كدي يا بتي النضال فن وذوق وأدب حتى تضمني إلتفاف الناس حولك فهمتي يا مناضلة.

شوقي سليمان أحيِّ فيك صلادة جهلك يا رجل!

Quote: مرحب بالمناضلة مناهل . أُنثي بمليون مناضل خلف الكيبورد .

أجدد الترحيب بك أختي مناهل
وأهديك هذا النص:



أمقتُ النساءَ


أمقتُ النساءَ..
لأنهنَ يدوخنني،
يفحتنَ أنهراً بقلبي،
يَشرعنَ في احتساءِ الوقارِ،
يُشرِعنَ أبوابَ عُزلتي،
يجعلنني أُبرطمُ بالكلام..

أمقتُ النساءَ..
لأنهنَ يدلِفنَ بي لبحرِ روحي،
يسبحنَ في تؤدةٍ،
ينبُذنني بالقاعِ،
كالحُطام..

أمقتُ النساءَ..
لأنهنَ كُلّ فخاري،
مبعثَ انبهاري،
وفتنةَ انتصاري،
في الحربِ والسلام..

أمقتُ النساءَ..
لأنهنَ تلملمنَ جميعهنَ،
بحُسنهِنَ الهدارِ،
بفتنتِهنَ،
ويأسِهنَ،
بشغفِهنَ،
ودموعِهنَ...الخ
تلملمنَ بواحِدةٍ،
أرجحتني في الغمام..

21/10/2008م

Quote: شوقي سليمان أحيِّ فيك صلادة جهلك يا رجل!

الأخ طيفور تحياتي

وأنا احي فيك عبقريتك يا رجل

Quote: 926 الشافك قفلتها ال 1000 الليله ما كضب البت دي حا توديك التوج يا شوقي

شكلها كده

Quote: شكرا شوقي علي المرور شفت اللغه البتفوح بالوعي الذكوري ياها حقتك دي الزمي البيت منو الاداك الحق ده والثورات والانتفاضات ما الا اكون شاركت فيها حواء السودانيه مامناهل وتاريخ الحركه النسويه لن اجهضه في شخصي اوه علي فهمك انا ماقلت ليك امشي اقراء سيكولوجية الانسان المقهور وبعد داك تعال باريني في البوستات

انا لا اباريك انا بحاول أديك راسك اما القراية إنتي والله إنتي احوج ليها مني لأنك لسع بت صغيرة وخبرتك ما كفاية محتاجة تقري كتير بالذات لازم تاخدي كورسات بتاعت تسويق ولازم تاخدي كورسات بتاعت ردحي لأنوا الردحي بتاعك بالطريقة دي ما بجيب نتيجة والحاجة التانية برضوا ما تنسي تاخدي كورسات بتاعت واقعية لأنك بعيدة شديد عن الواقع. طيب بعد ده كلوا خليني اساعدك عشان نخلي البوست ده بوست مفيد ونربحك جميلة بالجد.

ياخ أنا عايز اعرف ما هي فكرتكم من خلال قرفنا؟
الحاجة التانية انا عايز أعرف |إنتوا قرفتوا من شنو؟
الحاجة التالتة الحاجات القرفتوا منها دي طريقة علاجها شنو؟
وما هي خططكم المستقبلية؟
وما هو الهدف من تنظيمكم هذا ؟ هل هو إسقاط النظام ؟ تصحيح النظام والوضع؟
وما هي تصوراتكم للفترة القادمة ؟
وما هي النتائج الإيجابية الحققتوها من فكرة قرفنا في الفترة الماضية.
الجوانب السلبية أنا عارفها أهو سجنوكم كم ساعة كدة وقعدوكم في الواطة وكتبتوا إقرارات وزميلكم إغتصبوا غيرو؟؟

Quote: الحاجة التانية انا عايز أعرف |إنتوا قرفتوا من شنو؟

أكيد قرفانين من عقلياتكم المحدودة دي!
_____
يا شوقي في أي كهف تعيش؟

يا شوقي أخوي سلام
بالجد الزمن اتغير و حصلت حاجات سلبية و إيجابية
منها إنك لو أصريت على معاداة النساء هنا ستكتسب عداوات لا تحتاجها
وجهة نظرك على عين و رأس أتخن تخين/ة
لكن الإحتكاك يولد الشرر و بجيب ليك المسبة التي لا تحب و لاتتوقع
حسب فهمك الحالي للمرأة السودانية- التي عرفتها - و لن يغير شيئ!
طرحت وجهة نظر هذا يكفي ,, لا داعي للإصرار و التربص
أرجو أن تتفهم مقصدي.

Quote: واهقي اورنجي اسي تجوبن اوركناني

الكنداكه

مناهل

سلام من الراحله المقيمه الكنداكه

المحسيه الجنوبيه السودانيه

امال كنه تبلغك تحاياها

كونى الشمعه







انتى فى مقام وطن شامخ

Quote: Quote: بالاذن من صاحبة البوست مع التقدير نـــــــــــــــــــــــــــــــــــــــــــــــداء سلام وتحية اتمني من الجميع وخصوصا ........3معروفين............ العودة لاخوة المنبر والاحترام ووقف المهاترات فورا ارجوكم اخوتي هذا الغبن لن يسقط النظام ولن يعطي ملكاً لاحد وسيعدم المودة بالتاكيد

الاخت مناهل
هل التجاهل سببه الجندرة ام نوع من الجهجههة !!! والشكر للاسلوب والطرح الراقي في هذا البوست

الفاضله مناهل ابراهيم
صباحك ورد بتقويتنا.

يا بت يا سمحه.
وسمحه دي طبعا ليست شكلا
فقد سمعت نضميك السمح في فيدهوات قرفنا
واقتنعت بحق انك انسانه سمحه جدا.


اسمح حتى من اليسار السوداني الذي انجبك.
لانك تناولتي العرقيه بشكل واضح وجريء اجرأ من تناول يسارنا التقليدي لها.
عشان كده انا بحي وعيك العظيم.

يا مناهل يا غاليه
الوعي الذكوري ليس خطرفة امثال شوقي سليمان هذا
المباري بوستاتك بسخف واضح. الاخطر منه وعي اليسار المنفصم.
وده كلام كبير بنجيه بعدين برانا في الايميلات لو عندك رغبه.




على مستوى البورد ستجدي دعما
فلا تخافي فالدفاع صار عرقي!
عشان كده ما تفرحي بناس كثار جوك هنا مدافعين ومهللين
وبيشتموا في نساء آخريات للاشيء فقط لانهم تصدوا لضحالتهم وخوائهم السياسي.





الاخلاق لا تتجرأ يا مناهل
ومن يرفض ان تحقر النساء بناء على الفروق النوعيه
يفترض ان يرفض تحقير اي انسان بناء على الفروق العرقيه ايضا ولا ما كده؟؟!!




عشان كده حركات مناصرة الاناث في الغرب
ربطوا نضالهن بكل قضايا المظلومين من اقليات وغيره.

ولنا لقاء.....في الايميلي لو رغبتي....
[email protected]

سلام وتحيه يا مناهل
وانتى تقفى امام عقليه الرجل الرجعى الذى
يتخذ من نوعه الذكورى امتيازا ، لفرض وصاياه

مناهل ازيكـ ,,‏
‏ نعلك طيبه انشالله ,,‏

‏ عشان اليوست ما يتحول الي بوست ترحيبي أو هتافي زي البوستات الفاتت,‏
‏ تعالي نتناقش نقاش ظرريف كدا ,‏
‏ منو نستفيد من المساحه المطروحه لينا هنا , ومنو نطلع من الجو بتاع (أيتها النخله السامقه في الشنو كدا ما عارفه),‏
‏ واتاكدي أني ما حرصت على النقاش معك , الا لما لمسته من تراكم خبرات وقراءات متعدده , عرفتها عنك من ‏خلال حديث
‏ الزملاء هنا , خاصه أخي العزيز عمر عشاري ,,‏

‏ وأكيد أنا ما من حقي أحدد لي أي كان يكتب شنو او ما يكتب شنو في المكان دا (بما انو كل زول معلق من ‏باسويردو)‏
‏ لكن ياريت الناس البتجي تتداخل تخلي لينا البوست مكان لاداره الحوار الهادىء والمفيد بعيدا عن التعصب واطلاق الاحكام ومنح صكوك الوطنيه ,‏
‏ الداير يرحب في بوست ترحيب مفتووح , والداير يهتف في بوست هتافات قاعد بررضـو ,,‏

عزيزتي مناهـل ,,
أعتقد ان البوست السابق تمت جرجرته -بقصد أو بدونه- الى هاويه (ذكوره وأنوثه) ,
وتم تحوير الصراع فيه الى صراع على النوع , والسن ..الخ

من وجهه نظري أؤمن بأن الحوار هنا يجب ان يتسم بالاحترام المتبادل بين الطرفين
بغض النظر عن نـوع , جنس , سن , المخاطب ,,
بمعنى , ان علينا أن نناقش الكتابه(زات نفسها) بغض النظر عن كاتبها,
ما دايره افتح موضوع البوست الفات تانـي , لكن أعتقد انك فتحتي البوست بي رؤيه انو الزميل ود الباوقه
اساء اليكي عشان انتي بـت !!
وهو ما لا اوافق عليه ابدا ,, الزميل له حوارات عده مع زملاء (رجال) لنا في المنبر ,
استخدم فيها نفس الخطاب الساخر , وربما تواصلت الملاسنات بينهم امدا طويـلا ,
ولم يعترض هذا الكـم من الناس على لغته وانما تواصلت المراسلات والملاسنات بينه وبين كم عضو من المنبر - ولا زاالت- كما غاص
بعضها الاخر في غياهب النسيان دون ان يجـرؤ الكثيرون على السعي الى ضبط لغته او تنبيهه او تقريعـه ,,

للأسف يا مناهل , لقد استخدم البوست خاصتك كمخبر لفحص هرمونات الداخل والطالع من البوست ,
وكنت اتمنى ان يرفض الجميع الاهانه من جانبيكما جمله وتفصيـلا ,
دون الاشاره الى الذكوره والانوثه وحقوق المرأه المهضومه القادمه من ضهـ .... الخ

مناهل يا أختي العزيزه .. واسمحي لي ان ادعوكي أختي لما لمسته من شفافيه ونقاء في لغتك ,
لا تنجرفي بعواطفك (التي اثق جدا في صدقها) الى هاويه من يهتفون حولك , ويشيدون بك عندما تسيئين الى كائنا من كان ,
أعلم جيدا ان الزميل هو من بدأ بالاستعداء , ولكن كان من باب أولى ان تستخدمي أسلحتك الفاعله في الخطاب, وخبراتك المتراكمه , والمحاوره
لتظهري ضعـف حجته , لا أن تجرجري نفسك الى مقارنه معه ومع عشره من امثاله !! (وهي مقارنه تظلمك انت أولا)

المرأه والرجل كائنان مختلفان تماما , بيولوجيا , وظيفيا , وعاطفيا,
خلق كل منهما لوظائف محدده , لا يقدر أي منهما على اداء وظائف الاخر ,
كما ولا يتمكن اي منهما من الاستغناء عن الاخر ,,
بالعربي يا مناهل , المرأه والرجل مكملان لبعضهما ,
لم ولن يخلقـوا أعداء , أو منافسين لبعضهما البعض ,,
لا يهين المرأه ان تنسب الى رجل , ولا يهين الرجل ان ينسب الى امرأه ,
ومن غير المقبول أبدا استخدام المرأه للحط من قدر الرجال كما في جملتك (امرأه ولا دسته رجال زيك)
(وما تقولي لي دي قصيده .. أنا بطالب الشاعر-مع الاحترام- بالاعتذار لنا وسحب البيت .. وما ممكن نكون نحن امعات البيكتبوهو لينا كوولو نشيلو)

وأخيرا تقبلي تحياتي وعودتي الى البوست لمزيد من الحوار ,, تحياتـي ,,

Quote: على مستوى البورد ستجدي دعما فلا تخافي فالدفاع صار عرقي! عشان كده ما تفرحي بناس كثار جوك هنا مدافعين ومهللين وبيشتموا في نساء آخريات للاشيء فقط لانهم تصدوا لضحالتهم وخوائهم السياسي.

أها خالتو فرنصا صاطت البوست

يا فرنصاوية .. افهمي - لو ليك ذرة عقل - الموضوع هنا ما ليهو علاقة بالعرق
ووقت سألت سؤالي للاخت مناهل ابراهيم الفوق كنت قااصد اخرجها من دائرة انها خرطومية وبنات المدن البيشتغلن في اي حتة وبيمتلكن امتياز قيادة السيارة الهي بتشوفوا امتياز تحقق ليها
وما اتحقق في السعودية وعاوزة تتكلم فيهو مع الزول الاسمو شوقي دا - وحسب ظني مقيم في امريكا - يعني ما في السعودية
والحمد لله هي زولة واعية وعاقلة وبتفهم كيف الناس ولا تستثير عداوتهم الفجة - برواشتها وطلاشتها زيك - عدلت قولها وبقي موضوعها عام
جاب كلام موضوعي جداً ما خربو غير مشاركتك دي اعلاهو - بطلاشتك - المعهودة
ووقت ردت على فهمت انها ماسكة فكرتها كويس جداً ومدافعة عنها .. فقلت لا يكون ون تو بيننا التطرح المناسب الانا بوافقها في معظمو ودعيت انه ربنا يبعدها من شغلة الرواشة
والطُلش

ــــــــ
فدحين نصيحة مناهل ابراهيم انثي بدستة رجال ومية مرة زيك فابعدي منها ما تغطصي حجرها

ارجوك .. بلييييييز يا خالتو فرنصا

طبعا يا مناهل هذا نموذج للمتأزمين اخلاقين
الممكن يجي يعمل في بوستاتك عشى بايات ومقنع كاشفات ومدافع عن الجندريات
وهو من اذى زميلو لك هنا باكثر مما فعل ود الباوقه...هذا الرجل وزميله
هشام آدم انتحلوا شخصيات وهميه وتهجموا على الاخت الشاعره روزمن عثمان
في مسرحيه سيئة الاخلاق ولوا لطف الله و الانقياء من اخوتنا الرجال لتعقدت روزمن عثمان ربما للابد
لذلك يطادرني مطادرته الفجه هذه التي تشهب مطاردات شوقي سليمان لك وعام لفيها بتاع اخلاق.

Quote: أها خالتو فرنصا صاطت البوست يا فرنصاوية .. افهمي - لو ليك ذرة عقل - الموضوع هنا ما ليهو علاقة بالعرق ووقت سألت سؤالي للاخت مناهل ابراهيم الفوق كنت قااصد اخرجها من دائرة انها خرطومية وبنات المدن البيشتغلن في اي حتة وبيمتلكن امتياز قيادة السيارة الهي بتشوفوا امتياز تحقق ليها وما اتحقق في السعودية وعاوزة تتكلم فيهو مع الزول الاسمو شوقي دا - وحسب ظني مقيم في امريكا - يعني ما في السعودية والحمد لله هي زولة واعية وعاقلة وبتفهم كيف الناس ولا تستثير عداوتهم الفجة - برواشتها وطلاشتها زيك - عدلت قولها وبقي موضوعها عام جاب كلام موضوعي جداً ما خربو غير مشاركتك دي اعلاهو - بطلاشتك - المعهودة ووقت ردت على فهمت انها ماسكة فكرتها كويس جداً ومدافعة عنها .. فقلت لا يكون ون تو بيننا التطرح المناسب الانا بوافقها في معظمو ودعيت انه ربنا يبعدها من شغلة الرواشة والطُلش ــــــــ فدحين نصيحة مناهل ابراهيم انثي بدستة رجال ومية مرة زيك فابعدي منها ما تغطصي حجرها ارجوك .. بلييييييز يا خالتو فرنصا

Quote: (واهقي اورنجي اسي تجوبن اوركناني)

با سلام عليكي يا مناهل

Quote: (وما تقولي لي دي قصيده .. أنا بطالب الشاعر-مع الاحترام- بالاعتذار لنا وسحب البيت .. وما ممكن نكون نحن امعات البيكتبوهو لينا كوولو نشيلو)

الشاعر يعتذر ليك عن شنو يا دلوش العروش ؟
تكون دي سابقة ما حصلت قبل كدا كلو كلو ؟
اسي انت دي مسئولة عن قرايتي لجملتك الفوق دي ؟
ابداً و حتماً لا ...
يا فردة هو ذاتو ( الفن ) ما فيو اعتذر لي و اعتذر ليك ... مافي اعتذار آآآآآآآآآتوول !
اي فنان يكب فنو بس ... و يعمل زي ي ي ( المتنبي ) بالضبط كدا ...

أنام ملئ جفوني عن شواردها ويسهر الخلق جرّاها ويختصمون !!!



-----------------

الزميلة مناهل

تعرفي متمني انك تسمعي لاخونا شوقي دا - رغم انو هو مزودا حبتين يعني - لكن في نقدو الجارح دا قاعد يرمي ليهو كلام صاح ... تصدقي ؟
الشكر الدهين دا بصبح عليهو الصباح بشمس حارقة و بذوب كلو !

بعدين لو تابعتي دونكيشاويات المنبر دا ياهو الخربت ... هنا كلو كلام × كلام ... مافي غير الكلام
واصلي في الدرب البديتيهو ... بعيد عن شكرات الشاكرين و تسفيه الحاقدين

غايتو ...
امشي في الدرب البطابق فيهو خطوك صوت حوافرك
يا فرس كل القبيلة تلجّموا ... يكسر قناعاتا ويفر ..
... حتى :
مايرضى غير الريح تجادلهُ وتقنعهُ

شفتي كيف ؟


---------

Quote: تعرفي متمني انك تسمعي لاخونا شوقي دا - رغم انو هو مزودا حبتين يعني - لكن في نقدو الجارح دا قاعد يرمي ليهو كلام صاح ... تصدقي ؟ الشكر الدهين دا بصبح عليهو الصباح بشمس حارقة و بذوب كلو

قيقراوي لك تحياتي

احيك على رجاحتك وفهمك لما يدور اصلوا الفهم الزمن ده بقى محدود والناس مندفعة للنزعات العدوانية اكثر من اي شئ

اشكرك على تنوير مناهل لنقطة مهمة شديد

Quote: مناهل يا أختي العزيزه .. واسمحي لي ان ادعوكي أختي لما لمسته من شفافيه ونقاء في لغتك , لا تنجرفي بعواطفك (التي اثق جدا في صدقها) الى هاويه من يهتفون حولك , ويشيدون بك عندما تسيئين الى كائنا من كان , أعلم جيدا ان الزميل هو من بدأ بالاستعداء , ولكن كان من باب أولى ان تستخدمي أسلحتك الفاعله في الخطاب, وخبراتك المتراكمه , والمحاوره لتظهري ضعـف حجته , لا أن تجرجري نفسك الى مقارنه معه ومع عشره من امثاله !! (وهي مقارنه تظلمك انت أولا

الاخت داليا

والله لك كل التجل والإحترام والله ده اكثر كلام موزون ومنطقي اتمنى مناهل تفهموا

والله ارفع الفبعة تحية واحتراما لما كتبت هذا هو النضوج وهذه هي العقلية المفقودة دي نصيحة غالية لمناهل اتمنى ان تستفيد منها

لك كل الاحترام داليا

Quote: يا شوقي أخوي سلام بالجد الزمن اتغير و حصلت حاجات سلبية و إيجابية منها إنك لو أصريت على معاداة النساء هنا ستكتسب عداوات لا تحتاجها وجهة نظرك على عين و رأس أتخن تخين/ة لكن الإحتكاك يولد الشرر و بجيب ليك المسبة التي لا تحب و لاتتوقع حسب فهمك الحالي للمرأة السودانية- التي عرفتها - و لن يغير شيئ! طرحت وجهة نظر هذا يكفي ,, لا داعي للإصرار و التربص أرجو أن تتفهم مقصدي.

الاخ سعد الدين لك تحياتي

الله يعلم انا لا اعادي النساء إطلاقا ممكن تراجع مداخلاتي كلها ويقن تماما ان للمرأة دور مهم ومهم جدا في المجتمع ورقم اساسي لا يمكن تجاوزه وانا فقط اتكلم عن مناهل فقط مناهل ولا زلت ضد ردة الفعل العنيفة واحترام النفس واجب قبل احترام الناس وده كل الموضوع.

Quote: أكيد قرفانين من عقلياتكم المحدودة دي! _____ يا شوقي في أي كهف تعيش؟

الاخ طيفور لك تحياتي رغم تعمدك الشتم

عموما انا ما عايش في كهف ولا حاجة انا شايف سؤالي مشروع وشايف مناهل مفروض تجيب عليه. وطالما عقليتي محدودة اخدونا على قدرها واكون شاكر ومقدر

خليكـــ واضح يا جميل...

سلامات يا داليا و مناهل
لا أشعر بأن هناك فائدة ترجى من الحوارات في المنبر في هذه الفترة، ولكن ما أتى بي هو قلته أدناه

Quote: ما دايره افتح موضوع البوست الفات تانـي , لكن أعتقد انك فتحتي البوست بي رؤيه انو الزميل ود الباوقه اساء اليكي عشان انتي بـت !!

الاستاذ ود الباوقة خلافه مع مناهل قائم على النوع، وهو ليس بالأمر الجديد، وحدث لي شخصيا معه من قبل فقد وصفني بالمسترجلة
في معتركنا أيام مؤتمر الاعلاميين. أعتذر الاستاذ ود الباوقة عن ما قاله، ولكن الفعل نفسه كان قائم على التمييز النوع
بوصفها بالمسترجلة و سحب "الانوثة" لسببين: أما محاولة رد الحجة بالحط من قدر من يخالفه الرأي (امرأة)
أو لتبرير نديتها له ...

مهرجان (بنت) (ولد) ما جديد و أزلي، وبيلاقينا في كل ملف في الحياة ناهيك عن منبر يعكس وجهة نظر مجتمع عاد للمربع الأول فيما يخص المرأة
رؤية مناهل فيما قاله لها ود الباوقة مبررة جدا... قول ود الباوقة فيه تقليل من نضالها
كونها (بنت) و (صغيرة) يعني اتلمن عليها صغرة العقل و السن؟!
، و زاد عليها وصفه لها بأنها صغيرة وهو ما استغربه تماما ... و يبدو أننا عالقات هنا بين تهمتي (صغيرة) و (قواعد من النساء)
وكأن الفكرة تفقد جوهرها بعمر قائلها. لا أقلل من تأثير العمر على نضج الفكرة، ولكن مناهل ليست طفلة ليقال لها ذلك ....

أرجو ان يدوم بينكن الحوار لتش عين الظلام،

مودتي لكن
___________

البوست ادناه من الأرشيف وفيه قول ابن الباوقة واعتذاره وذلك للتاريخ

Re: ود الباوقة بعد هزيمته يفقد المنطق ويصف الاخت / عزاز شامي بالمسترجلة

مكرر

ـــــ
او الخالة لا تستحق

Quote: شوقي سليمان أحيِّ فيك صلادة جهلك يا رجل!

Quote: Quote: شوقي سليمان أحيِّ فيك صلادة جهلك يا رجل!

عفراء سند احي فيك مساندتك لطيفور واشكرك على الإطراء

يا مناهل يا بتنا ليكي كل التحيات النديات اسمحيلي اعلق علي الاقتباس ادناه ...

Quote: والحاجة التانية برضوا ما تنسي تاخدي كورسات بتاعت واقعية لأنك بعيدة شديد عن الواقع.

من المقتبس اعلاه يتم تعريف الواقعية بانها السكات واتاحة الفرص للجهلة ليقدلو ....
من النصيحة اعلاه نجد انه فعلا ان معرفة الانترنت واخد باسويردات في منابر ذات صيت ومباراة الاخرين ما ازالت (بلم).

Quote: هنا عاوز اسألك سؤال بسيط ( قد يكون خارج نطاق قولك لكن محرقص لي في بطني ليهو زمن باعتبار بعد نفسي سوداني وكل الناس اهلي ) انتي بتتكلمي عن نساء منو؟ وياتو بيئة؟ ففي الغرب مثلاً وجبال النوبة - حسب ما قريت - الخروج من المنزل والعمل والكد والاجتهاد في المزرعة او الاعمال اليومية من نصيب المرأة والزوج عملوا هامشي جنوب النيل الازرق نفس الحكاية... بعض حواشات اقصي الشمال ما بتلقي فيها راجل واحد وحلة كاملة ممكن تلقي فيها صبي صبيين بس بعد هاجر واغترب الرجال عشان العملة الحرة وفي كل الاحوال المرة هي العاملة .. المرة هي المنتجة.. المرة من تعيل وتكفل البيت.. فما هي المرة البتتكلمي عنها انتي؟؟؟ هل المتخيلة والمقهورة في نمط عصر الطهطاوي وقاسم امين؟ ام هي مرة المدن المفروض بعد وفرت حقها في القيادة يكون ليها حقوق تانية في العمل نحن ما عارفنها تكون غير حق بت الارياف والقري الاكتسبتها بحقها وبعامل البيئة القاهر الاجبرها تنزل للحواشة وعمل اليومية؟؟؟

يا مناهل

مداخلة حيدر دي هي فيها اعادة البوست الى مساره.لانو فيها اشارات لارتباطات الوعي بالبئية والتأثير المتبادل

لكم التحية

Quote: من المقتبس اعلاه يتم تعريف الواقعية بانها السكات واتاحة الفرص للجهلة ليقدلو .... من النصيحة اعلاه نجد انه فعلا ان معرفة الانترنت واخد باسويردات في منابر ذات صيت ومباراة الاخرين ما ازالت (بلم).

ريهان الشاذلي لك تحياتي

معليش اخدونا على قدر عقولنا وطالما المنابر زالت بلمكم هذا يكفينا.

اشكرك

دعوة جــاده ..لبورد خالي من النساء ...

Quote: مرحب بيك في البورد بس ابعدي من اخونا ود الباوقة

الروب الروب عبر وسيط...

يا مناهل تحياتي
شخصيا تعبت من المتابعة من كترة البوستات المفتوحة عشانك دي
لو كان عندي ليك رقم تلفون ولا وسيلة اتصال تانية غير مسنجر البورد البتهكر ده كنت قلت الكلام ده..فخليني اديك نصيحتي الأخوية علي بلاطة واطلب الله..لإنو في ناس الزول بكن ليهم احترام لله في لله وبتمني ليهم يكونوا علي مواقفهم مثلك وحجوب شريف مثلا.
يا مناهل الناس دي كلها عندها حاجات بسيطة ما محسومة..معني الكبير ما محسوم..معني انو تأخدي حريتك في الرأي ما محسوم..مسألة عقل ذكوري وما اليه قلتا في البوست الرئيسي ده ما تخصصي..
بالمنطق كدة كم التساؤلات الانتي المفروض تجيبي عليها من الشعب السوداني الفي البورد يلزمك لاب كمبيوتر وسكرتاريا..وقبل تتحولي لشخصية تانية متوترة ساي بردود الناس وفكرتهم..أنصحك بالتعاطي مع الامر بشكل من التأني ..وما تكتبي كتير ..لأنو أقل دقسة حتي لو كانت خطأ في الطباعة حياخد من زمنك كتير
شوفي مثلا شوقي البدي نفسه فرصة انو يستجوبك وبخت ليك اسئلة زي دي؟؟

Quote: ياخ أنا عايز اعرف ما هي فكرتكم من خلال قرفنا؟ الحاجة التانية انا عايز أعرف |إنتوا قرفتوا من شنو؟ الحاجة التالتة الحاجات القرفتوا منها دي طريقة علاجها شنو؟ وما هي خططكم المستقبلية؟ وما هو الهدف من تنظيمكم هذا ؟ هل هو إسقاط النظام ؟ تصحيح النظام والوضع؟ وما هي تصوراتكم للفترة القادمة ؟ وما هي النتائج الإيجابية الحققتوها من فكرة قرفنا في الفترة الماضية. الجوانب السلبية أنا عارفها أهو سجنوكم كم ساعة كدة وقعدوكم في الواطة وكتبتوا إقرارات وزميلكم إغتصبوا غيرو؟؟

يعني انتي لو جاوبتي علي الاسئلة اعلاه بتطلعي بنقالة من البورد...ممكن بكل ذكاء تقولي ليه لحركة قرفنا موقع الكتروني يجاوب علي الاسئلة وعليك بقوقل برضو حيطاردك..وممكن تقولي ليه انتا منو انت ذاتك عشان تقعد تسألني وأنا أجاوب ليك..برضو حتبقي في حتة انك عاجزة عن الرد
خلاصته يا مناهل
لانو انتي اخترتي درب براك ...ما تشتغلي بعجاج الاسافير .. لا باليسار ولا باليمين..وصدقيني لو قعدتي تشرحي ياداب حيلقوا فيك فرصة...خليك في فكرتك وبشكل يقنع ضميرك وأمشي عليها
نقة الاسفير دي لو واصلتي فيها حتلقي نفسك في محرقة ما بنتمناها ليك
رسالتك وصلت يا مناهل..أكتر من كدة حيكون خصم علي شخصيتك...وقدامك الصراعات الاسفيرية ليس الا....لحدي كدة كل الناس متكيفة منك ...أعملي نقطة سطر جديد واقلبي صفحتين.
فود الباوقة هو ود الباوقة ومناهل هي مناهل والكل يعرف ذلك


والسلام



_
الكلام ده انتي ما مطالبة بالرد عليه...لو ازعجك برضو بسحبو

مرحب يا مناهل ...... المرأة تقود المجتمعات الغربية وفي بعض دول العالم المتحضر كما الرجل ولها نفس الحقوق ونفس الراتب وحق التوظيف و المشاركة في الحكومات وتمنح فترات للاجازة عن العمل اكثر من الرجل لظروف الوضاعة و الاعتناء بالاطفال, أما في سوداننا المتخلف بمصائب الإنقاذ ما يزال حق المرأة منهوب, ومازالت مجتمعنا ينظر للمرأة ويتعامل مهعا بالنظرة التقليدية و المحاولات لان تظل المرأة ربة منزل فقط و الترويج لان مكانها الطبيعي و الازلي هو البيت, وللأسف مع ثورة التعليم العالي و الخطط العشوائية للحكومة السودانية في إفتتاح هذا الكم الهائل من الجامعات الخاصة و الحكومة , خرجت المرأة الجامعة و إستغلها البعض نتيجة للحالة الإقتصادية وحتي بعد التخرج معظم النساء يظلن عاطلات عن العمل ولا يستفاد منهم ويتم ارجاعهم للمنزل مرة اخري, حتي في مواقع الإنترنت لاحظ لهذه التصرفات و النظرة التقليدية من بعض الرجال للمرأة .

اتفضلي يا اصيلة, وكوني علي الدوام نقطة ضوء: من أقـوال شاعر الشعب.................. ( محجوب شريف )

Shawgi Sulaiman

لقد لاحظنا لتداخلك المريب وتزايد نشاطك في بوستات الاخوات المناضلات لمحاولة الإنتقاص من شأنهم , تداخلك حسب ما مثبت في الروابط أداه مقصود في بوستات اخواتنا النساء المناضلات, ونذكرك بتداخلك مع د. ناهد محمد الحسن
في هذا البوست: قصة مطاردة الأمس والأمم المتحدة
ماذا تريد من هؤلاء المناضلات؟؟ هل تريد هدم الهمم و بث العجز للأخوات المناضلات؟؟ هل أنت مرسل من جهه معينة لممارسة هذا الدور؟

كل الروابط: لمداخلات
Re: قصة مطاردة الأمس والأمم المتحدة
Re: قصة مطاردة الأمس والأمم المتحدة
Re: قصة مطاردة الأمس والأمم المتحدة
Re: قصة مطاردة الأمس والأمم المتحدة
Re: قصة مطاردة الأمس والأمم المتحدة
Re: قصة مطاردة الأمس والأمم المتحدة
Re: قصة مطاردة الأمس والأمم المتحدة
Re: قصة مطاردة الأمس والأمم المتحدة
Re: قصة مطاردة الأمس والأمم المتحدة
Re: قصة مطاردة الأمس والأمم المتحدة
Re: قصة مطاردة الأمس والأمم المتحدة
وغيرها من البوستات و الروابط.....
إنت هدفك شنو من وراء بوستات الاخوات المناضلات "الحيقيات"؟

Quote: لقد لاحظنا لتداخلك المريب وتزايد نشاطك في بوستات الاخوات المناضلات لمحاولة الإنتقاص من شأنهم , تداخلك حسب ما مثبت في الروابط أداه مقصود في بوستات اخواتنا النساء المناضلات, ونذكرك بتداخلك مع د. ناهد محمد الحسن

الاخ احمد البشير لك تحياتي

المسألة ما متعمدة جات صدفة وما عندي إعتراض على اي نضال نزيه وشريف ، بعدين المناضلات ديل الإثنين عندهن مقدرة على الشتم ما طبيعية والزول المناضل بكون واسع الافق ويمتص اشياء كثيرة لكي يوصل فكرته وفضيته ، انا هسع من الصباح بسأل في المناضلة مناهلة دي عن برنامج نضالها ما عايز توريني وفاتحة بوستات للشتم ونست قضيتها خالص.

شكرا علي المرور وياشوقي هذه محاولة اغبي من غبيه لحرف البوست اكتب في الفيس بوك ولاقوقل قرفنا ولو ماقدرت نوعدك اننا حنوريك وانا تاني ماحرد عليك الا تقراء سيكولجية الانسان المقهور .

Quote: المرأه والرجل كائنان مختلفان تماما , بيولوجيا , وظيفيا , وعاطفيا, خلق كل منهما لوظائف محدده , لا يقدر أي منهما على اداء وظائف الاخر , كما ولا يتمكن اي منهما من الاستغناء عن الاخر ,, بالعربي يا مناهل , المرأه والرجل مكملان لبعضهما , لم ولن يخلقـوا أعداء , أو منافسين لبعضهما البعض ,, لا يهين المرأه ان تنسب الى رجل , ولا يهين الرجل ان ينسب الى امرأه ,

كم أحترمك أختي د. داليا كباشي
هما ليسوا بأعداء بل إن الجهل عدوهما معاً

_____________

مرحباً بالأخت مناهل في رحاب سودانيزأونلاين

منا هل يا بتي والله يا مره دي حتباريك لحدي ما تمسكي العكاز يعني ما تركزي عليها كتير و شوقي دة في الجامعة الدرس فيها أكيد كان من أحسن اساتذته نساء بس تقولي شنو نحن قدرنا أنه نحارب مع الرجال في معارك ألهم العام بجانب معركتنا النو عيه و دايما حتلقي واحد يستخدم نوعك كمسبة و أظن أنك لي حسي بتكون اكتسبت حصانة ضد النو ع ده من ألاستفزاز فعليك الله ركزي لينا على المهم أما نوع ود الباوقة و شوقي و حتى بعض النساء في المكان ده لاسف هم قايمين بمهمة القضاء على أنفسهم بجداره و حتى با الفهم بتاع راجل و مرة أنا ما شفت لي راجل في السودان ده مباري ليه راجل زيه و يشكر فيه الريس أكل، الريس شرب الريس استحمه الريس مشي بيت وداد الريس حلق دقنه و لكن لا نقول ألا ما يرضي قناعتنا وحسبك الشعب و هو نعم الوكيل بعد الله يا بتي

العبيط حيدر الزين

انا مناهل حيتها تحديدا وتحدثت عن سماحتها الفكريه لانها تحدثت بوضوح في فيدهوات قرفنا
وهي الوحيده التي رايتها تناولت مسالة العرق بشفافيه....لذا احيها....,على فكره هي توزن
مائات من نوع اليسارين و اليسارايت المتجدعين هنا ومنكرين لهذا التحدي السوداني!!(مسالة العرق)!

Quote: الموضوع هنا ما ليهو علاقة بالعرق

!!
اما حكاية مناهل تساوي مائة من نوعي اما لا فهذه لا احتاج شهادتك حولها
واعرف كيف تقيمين مناهل ومثيلاتها ايها الذكوري المتعفن.


قال بيدافع قال!!
مش كفايه العملته في روزمن عثمان؟؟!!

مكرر

ـــــــــ
او الخالة لا تستحق

الأخت العزيزة مناهل

أرحب بيك كما يليق الترحيب بمن هن في مقامك

وأقول ليك إنت دليل حي على فشل مشروع الإنقاذ على تدجين الشعب وقهره...
مجرد رؤيتك تجعل الغصة في حلق كل ظالم
وتفتح للصابرين شرفة أمل.

أنا لمن شفت الفيديو في حركة قرفنا لأول مرة
ما بقدر أوصف كل الحسيتو
لكن حسيت بيك شايلة روحك في ايدك وبتطاردي في الموت في الشوارع والميادين والحواري
وحسيت بالكفن في ايدك منحك ثقة وحياة وتحول لي وشاح بلون الصباح الجديد
صباح نكون فيهو أحياء بي شموخ أو لا نكون
وشفت رؤيتك.... سقطت سقطت يا كيزان.... بتنتقل بي عفوية لأفواه الحزاني والمقهورين الحولينك...
لأنها كانت جواهم من زمان. بس غضبك الجميل أحياها.

احضني شعلة الغضب الجميل لأنها هي رسالتك في الحياة.

وأفتحي الكلمات هنا

وأشعلي الصمت اللي طال

ما بنوصيك بالكيزان لأنك خبيرة في التعامل معهم

لكن أعملي حسابك من ديل

أسوأ من الكيزان - من هم؟

الأخت مناهل

الوعى الذكورى عند المساء أكثر منه عند الرجال.. والأدلة كثيرة..

هسى الرجال اهن ديلك فى الصالون، والنسوان قاعدين جوة... النسوان الكبار بالذات هن البينقلن

الوعى الذكورى لكل جيل جديد. واكثر مثال صارخ هو موضوع الخفاض... الرجال ما عندهم يد فى الموضوع دا أبداً.

ممكن اتفق معاك لو تقصدى بعض القبائل النيلية من الحاج عبدالله حتى عبرى... ديل فعلا الرجال يضطهدون المساء

بصـورة لا يخطئها المراقب.

Quote: ممكن اتفق معاك لو تقصدى بعض القبائل النيلية من الحاج عبدالله حتى عبرى... ديل فعلا الرجال يضطهدون المساء بصـورة لا يخطئها المراقب.

قلت لي من وين لي وين يا أبا الريش؟
___
أصحى ياخ!

أستاذة مناهل مرحب بيك في سودانيز أونلاين . وهذا المكان يحتاج لأمثالك لمعادلة الركاكة السائدة ، ومنافحة العقول الذكورية حتكون عملية وليست حدثاًًًً ، وجهزي نفسك لعشرات الباوقات والامضبيبينات والذي منو....فالواقع مشين كما تعرفين جيدا بس الحاجات دي صعب تبقي أولوية في القرن الواحد والعشرين.

مرحب بالبت الكلسة
أعفصي هنا:
ومعانا - الله يكرمك - نسوان !

Quote: لانو انتي اخترتي درب براك ...ما تشتغلي بعجاج الاسافير .. لا باليسار ولا باليمين..وصدقيني لو قعدتي تشرحي ياداب حيلقوا فيك فرصة...خليك في فكرتك وبشكل يقنع ضميرك وأمشي عليها نقة الاسفير دي لو واصلتي فيها حتلقي نفسك في محرقة ما بنتمناها ليك رسالتك وصلت يا مناهل..أكتر من كدة حيكون خصم علي شخصيتك...وقدامك الصراعات الاسفيرية ليس الا....لحدي كدة كل الناس متكيفة منك ...أعملي نقطة سطر جديد واقلبي صفحتين. فود الباوقة هو ود الباوقة ومناهل هي مناهل والكل يعرف ذلك

شكراً يا قمر بوبا . كلام موزون يا صاحب كالعادة..
تسلم ياخ.



___
أختي ..مناهل
سلامات عوّافي و كيفنك..؟
مرحب بيك يا بت دوغرية.. والمكان نوّر بوجودك.
ركزي يا مناهل في الهدف ...الهدف , وأجدعي..بعيـــــد,
ودربك لسه طويل...
الهم واحد...والبلد واحدة والقضية واحدة
خلي غربالك نــــاعم, وكل شئ بشغلك عن همك و مثابرتك ومسيرتك..,خليه و ما تلتفتي ليهو.
لي قدام ....لي قدام يا مناهل
عشان إنت ,أنا ,هم ,نحن.... وكل الناس تصــــل للغاية والهدف
وتسلمي يا أختاً نتشرف بيها ونعتز

Quote: النسوان الكبار بالذات هن البينقلن الوعى الذكورى لكل جيل جديد. واكثر مثال صارخ هو موضوع الخفاض... الرجال ما عندهم يد فى الموضوع دا أبداً.

من اجمل ما قرأت بالبوست دا.. فهيئة علماء المسلمين عندما قالت عن الخفاض ووجوبه كانت تضم في عضويتها حبوبات

هذا جميل بالاضافة للقبائل النيلية من الحاج عبد الله لغاية عبري soooo nice

Quote: الأخت مناهل الوعى الذكورى عند المساء أكثر منه عند الرجال.. والأدلة كثيرة.. هسى الرجال اهن ديلك فى الصالون، والنسوان قاعدين جوة... النسوان الكبار بالذات هن البينقلن الوعى الذكورى لكل جيل جديد. واكثر مثال صارخ هو موضوع الخفاض... الرجال ما عندهم يد فى الموضوع دا أبداً. ممكن اتفق معاك لو تقصدى بعض القبائل النيلية من الحاج عبدالله حتى عبرى... ديل فعلا الرجال يضطهدونالمساء بصـورة لا يخطئها المراقب.

دي صُدفة و لا مخرج...؟؟؟؟

قطع شك شوقي سليمان هو خال مناهل ابراهيم شقيق أمها


المغالطني يوريني شاف وصاية وملاحقة زي دي غير في حالة الخال وبت أخته وين؟

Quote: ممكن اتفق معاك لو تقصدى بعض القبائل النيلية من الحاج عبدالله حتى عبرى... ديل فعلا الرجال يضطهدون المساء بصـورة لا يخطئها المراقب

ياأبوالريش أظن أنك لا تعرف عن الحاج عبدالله إلا إسمها !
القال ليك منو فيها وعي زكوري .. أمشي شوف مصنع الحاج عبدالله للنسيج ( علي سبيل المثال فقط ) .. النساء يعملن فيه حتي الصباح ..
الوردية ممكن تبدأ من منتصف الليل .. يعني عادي يجي الترحيل بعد إتناشر ليلاً ويشيل العمال من الحلة رجالاً ونساء ..
ماحصل سمعت بي واحدة عندها مشكلة زي الإنت بتتكلم عنها دي ..
بإختصار لوفي منطقة واحدة في السودان فيها تعايش نموذجي بين الرجال والنساء لقلت لك هي الحاج عبدالله ..
فياخي ما تكتب كلام والسلام ( وما تلفظ من قول ..الخ )

السيد المسلمي..

جمعة مباركة وتحياتي للاسرة


ــــــــــــ
لو مرة جاك وهبة قول ليهو جمعة مباركة برضو.. وانا خلفو هذا الوغد الرعديد

تحياتي لسوداني مهمش .. ( بالله وين الأخ دا) تباً له

اهلا وسهلا الابنه مناهل انا احترم فيك شجاعتك من زمان قبل الوصول الى المنبر
قولى قولك بس عشان ما تضيعى حاجاتك الجميله دى ابعدى من المهاترات . احييييييييك
ودى فرصه الواحد يرحب بيك فى المنبر العام حبابك الف

Quote: لقد لاحظنا لتداخلك المريب وتزايد نشاطك في بوستات الاخوات المناضلات لمحاولة الإنتقاص من شأنهم , تداخلك حسب ما مثبت في الروابط أداه مقصود في بوستات اخواتنا النساء المناضلات, ونذكرك بتداخلك مع د. ناهد محمد الحسن

مداخلتي مع الدكتور ناهد كان عن اضراب الاطباء انا ذكرت ان حقوقهم مشروعة وأن رئيس الجمهورية اقرها اختلفت معاها في الحتة بأن الاضراب بهذه الصورة غير اخلاقي اي بمعني ان لا يكون الاضراب شامل يعني على الاقل الطواري تكون شغالة وذكرت ولا زلت أن هذا الإضراب كان مسيس لم يكن الغرض منه مطالب الأطباء انما الغرض خلق نوع من الفوضى حتى يزول الحكم وفعلا كان بالتنسيق مع مع احزاب مؤتمر جوبا . ولا زلت واصر ما كان الهدف منوا مطالب الاطباء . تها طوالي جاتني الدكتورة وهاك يا نبذ وقالت انا امنجي وانا من سكان المراحيض وبعد كده بدت تقول انا مطاردة واحتمي بالمم المتحدة وناس الامن كسروا بيتي وما قادرة اشوف اطفالي وحاتك ما شفنا ولا صورة واحدة للبيت المكسر وكان كلوا كلام فارغ ولعب على الدقون طبعا ده من وجهة نظري وشوية يقولوا ليك توفي الأبوابي برضوا عشان الشارع يطلع والمساكين نسوا ان الشارع بقي مفتح ولا تنطلي عليه مثل هذا الالاعيب الواهي.

أما بالنسبة للمقرر بها مناهل أنا اعترضت على اسلوبها في الرد على ود الباوقة نضالها وغيروا انا لا بعرفوا ولا شفتوا ولا بعرفها اها طوالي استعملت الاسلوب اياه في الردح، وطوالي جن اخوات مهيرة ديل وحولوا الموضوع ذكورية وأنثوية وبقى موضوع لكن في النهاية أنا بالنسبة لي ده كلوا كلام فارغ ساكت انا كنت اتحدث عن بنت واحدة الاسمها مناهل دي طوالي الجماعة ديل راحو داخلين شمال وطلعوني مجرم حرب.

Quote: شكرا علي المرور وياشوقي هذه محاولة اغبي من غبيه لحرف البوست اكتب في الفيس بوك ولاقوقل قرفنا ولو ماقدرت نوعدك اننا حنوريك وانا تاني ماحرد عليك الا تقراء سيكولجية الانسان المقهور .

المناضلة مناهل اشكرك على الإطراء

بعدين انا هنا قرفانا من اسلوبك البوديني امشي الفيس بوك شنو عشان اقرف زيادة وكيف توريني وإنتي اصلا ما عارفة حاجة اختاروك كوجه جميل لتمرير اجندة معينة وجذب شريحة معينة ما اكثر من كده . اما حتت ما تردي علي دي كويسة جدا اهو برضوا ربنا كفاني شرك.

في سودانيز أو لاين هناك تجارب كثيرة جدا شفناه وعلي سبيل بنات الشيخ خوجلي مني ومنال وماجدة الناس ديل لهم شقيق تمت تصفيته من ضمن ال28 ضابط كن يعارضن النظام وكن لهن قضية معروفة وملموسة لكنهن كنا في قمة الادب والذوق والأخلاق لم نراهين يشتمن او يتطالون على اي حد ولمن في شخص غلط في احداهن لجأت للقانون حتىى تأخذ حقها كان ممكن يقولوا كلام كثير لكنهن تذكرن أصلهن وتربيتهن . أتمنى أن يكن غدوة لك يا قرفنا.

Quote: في سودانيز أو لاين هناك تجارب كثيرة جدا شفناه وعلي سبيل بنات الشيخ خوجلي مني ومنال وماجدة الناس ديل لهم شقيق تمت تصفيته من ضمن ال28 ضابط كن يعارضن النظام وكن لهن قضية معروفة وملموسة لكنهن كنا في قمة الادب والذوق والأخلاق لم نراهين يشتمن او يتطالون على اي حد ولمن في شخص غلط في احداهن لجأت للقانون حتىى تأخذ حقها كان ممكن يقولوا كلام كثير لكنهن تذكرن أصلهن وتربيتهن . أتمنى أن يكن غدوة لك يا قرفنا.

يا شوقي سليمان
لقد تعديت حدودك يا محدود العقل، فتأدب، أنت لا تعرف عنها شيئاً حتى تتحدث عن أخلاقها وأدبها، ولو كنت حقاً تحترم نساءك، لما ولغت في الحديث عن نساء الآخرين.

الاخ شوقى
طاب يومك

Quote: بعدين انا هنا قرفانا من اسلوبك البوديني امشي الفيس بوك شنو عشان اقرف زيادة وكيف توريني وإنتي اصلا ما عارفة حاجة اختاروك كوجه جميل لتمرير اجندة معينة وجذب شريحة معينة ما اكثر من كده . اما حتت ما تردي علي دي كويسة جدا اهو برضوا ربنا كفاني شرك

ما شايف انك حا تسحب البوست للدرك الاسفل بجنس الكلام دا؟!!
ياخى النضال ما كان فى بوم من الايام واحدة من ادواتة السماحة
ولا سمعنا (يطرشنا)...طيب المناضلين والمناضلات الشينين ديلاك.. تم اختيارهم
بأى فهم ؟؟

موضوع البوست جميل جدا ممكن الناس تتناولة بشفافية وموضوعية
بعيد عن المهاترات وكدا... ولا شنو يا شوقى ؟؟؟

احترامى

** أمشي شوف مصنع الحاج عبدالله للنسيج ( علي سبيل المثال فقط ) .. النساء يعملن فيه حتي الصباح ..**


عشان كدا قلنا يضطدون المساء

بالمناسبة العاملات والعاملين عندهم تامين صحى مع القطن البعمل امراض صدرية وقاك الله

بالمناسبة التانية انا زرت الحاج عبد الله

Quote: قطع شك شوقي سليمان هو خال مناهل ابراهيم شقيق أمها المغالطني يوريني شاف وصاية وملاحقة زي دي غير في حالة الخال وبت أخته وين؟

احمد عمر لك التحايا

مالك عايز تجيب لي الهواء هسع الزولة دي تجي ناطة وتقول ليك زول متخلف ذي ده لا اتشرف ان يكون خالي وطبعا هي ولا بتخجل بتشوت ضفاري طوالي . اها كده كويس

Quote: يا شوقي سليمان لقد تعديت حدودك يا محدود العقل، فتأدب، أنت لا تعرف عنها شيئاً حتى تتحدث عن أخلاقها وأدبها، ولو كنت حقاً تحترم نساءك، لما ولغت في الحديث عن نساء الآخرين.

يا ياسر الزول ده فكرته واضحة جدا
عايز يستفزها لامن تجي تشتمه ..عشان يلقي فرصته..والبمارسه شوقي هنا ودخوله وملاحقته لمناهل عشان يحرق شخصيتها والتلميحات الهو بتكلم عنها استفزاز ساي...عامل فيها زول بارد....خت فكرته بكل وضوح والموضوع انتهي يبقي الداعي شنو للملاحقة وطريقة الكتابة الاقرب للإستجواب والوصاية عليها انها تلزم بيتها.

السايقة واصلة يا شوقي مهما تكون ذكي ما أظن تبلغ حتتك العايز تصلها

شكرا ياسر شكرا قمربوبا

شكرا ياسر شكرا قمربوبا

Quote: يا شوقي سليمان لقد تعديت حدودك يا محدود العقل، فتأدب، أنت لا تعرف عنها شيئاً حتى تتحدث عن أخلاقها وأدبها، ولو كنت حقاً تحترم نساءك، لما ولغت في الحديث عن نساء الآخرين.

الاخ طيفور لك تحياتي

اشكرك للمرة الثالثة على ردوردك

انا تحدثت عن شخصيات معينة وفي طريقة تعاطيهن مع مثل هذه قضايا . اما بالنسبة عن الاخت مناهل فعلا انا لا اعرف عنها شيئا ولا عايز اعرف لكن ذكرت لها أمثلة حتى يكن غدوة لها . على العموم يا باشا إنت ما تنفعل عشان ما يطق فيك عرق ولا حاجة أهداء وتعامل بإيجابية.

Quote: شكرا ياسر شكرا قمربوبا

الاخت دومة
اضم صوتي لك في شكر ياسر وقمر بوبا ومعاهم مناهل كمان

يسلم فوهك

Quote: يا ياسر الزول ده فكرته واضحة جدا عايز يستفزها لامن تجي تشتمه ..عشان يلقي فرصته..والبمارسه شوقي هنا ودخوله وملاحقته لمناهل عشان يحرق شخصيتها والتلميحات الهو بتكلم عنها استفزاز ساي...عامل فيها زول بارد....خت فكرته بكل وضوح والموضوع انتهي يبقي الداعي شنو للملاحقة وطريقة الكتابة الاقرب للإستجواب والوصاية عليها انها تلزم بيتها. السايقة واصلة يا شوقي مهما تكون ذكي ما أظن تبلغ حتتك العايز تصلها

قمر بوبا لك تحياتي

يعني استنتاجك غير صحيح انا اصلا مت شتيف شئ يستحق الحرق ولا اعرف مناهل ولا اعرف نضالها ولو ما شتمها لود الباوقة ما كان عرفتها ابد ابدا . يشهد الله ما عندي اي حتة عايز اصل ليها ده استنتاج منك . ولن يصح الا الصحيح.

Quote: يا مناهل يا غاليه الوعي الذكوري ليس خطرفة امثال شوقي سليمان هذا المباري بوستاتك بسخف واضح. الاخطر منه وعي اليسار المنفصم. وده كلام كبير بنجيه بعدين برانا في الايميلات لو عندك رغبه.

للامانة , البوست دة ( الوعى الذكورى) اتفتح بسبب محاورة مع الاخ شوقى
فى بوست سابق فالطبيعى ان ياتى شوقى ويواصل الحوار او ايا كان اسمه
ولا اى زميل بيحاول مواصلة حواره ونقاشه مع زميلة طوالى تعتبروها ملاحقة
والله الفهم دة هو قمة الوعى الذكورى , كل واحد او واحدة شايلين امواسكم
باتجاه شوقى ولم تبخلوا عليه بتذكيره بتخلفه وبرغم ذلك يظل شوقى من ارقى
الاعضاء فى سودانيزاونلاين لالتزامه بالبعد عن المهاترات وساقط القول
والردود الهادئة الخالية من الشتائم حتى لمن اغدق عليه بسخاء
ليذكرنى احدكم باى عضوا فعل ذلك قبله

Quote: احمد عمر لك التحايا مالك عايز تجيب لي الهواء هسع الزولة دي تجي ناطة وتقول ليك زول متخلف ذي ده لا اتشرف ان يكون خالي وطبعا هي ولا بتخجل بتشوت ضفاري طوالي . اها كده كويس

شوقي يا رايق

طيب انت وقت عارف رأيها فيك إنك متخلف وما بتتشرف بيك متشربك فيها بالشكل دة مالك؟

Quote: لامانة , البوست دة ( الوعى الذكورى) اتفتح بسبب محاورة مع الاخ شوقى فى بوست سابق فالطبيعى ان ياتى شوقى ويواصل الحوار او ايا كان اسمه ولا اى زميل بيحاول مواصلة حواره ونقاشه مع زميلة طوالى تعتبروها ملاحقة والله الفهم دة هو قمة الوعى الذكورى , كل واحد او واحدة شايلين امواسكم باتجاه شوقى ولم تبخلوا عليه بتذكيره بتخلفه وبرغم ذلك يظل شوقى من ارقى الاعضاء فى سودانيزاونلاين لالتزامه بالبعد عن المهاترات وساقط القول والردود الهادئة الخالية من الشتائم حتى لمن اغدق عليه بسخاء ليذكرنى احدكم باى عضوا فعل ذلك قبله

احمد التيجاني سلامات
حتي الآن لم أدخل في مهاترة مع شوقي وان شاء الله ما يحصل ...
يا أحمد سألتك بالله ماهو ساقط القول أكثر من

Quote: وطبعا هي ولا بتخجل بتشوت ضفاري طوالي

Quote: كان ممكن يقولوا كلام كثير لكنهن تذكرن أصلهن وتربيتهن . أتمنى أن يكن غدوة لك يا قرفنا

Quote: ما تنسي تاخدي كورسات بتاعت واقعية لأنك بعيدة شديد عن الواقع

ديل من أقرب تلاتة مداخلات يا أحمد...مافي زول برضي يتقال لي أخته انها ما بتخجل...يا أحمد. شوقي ده لو بتكلم كلام منطقي وغير مستفز ما في زول بجي جنبه...ولا مناهل غير ما بنتمي التوفيق في طريقها ما عندها معاها حاجة.
والبسوي فيه شوقي ده لياقة وملاحقة ومحاولة استفزاز في نظري ليس الا..وتسلم يا أحمد

Quote: والبسوي فيه شوقي ده لياقة وملاحقة ومحاولة استفزاز في نظري ليس الا..

Full point

غايتو يا مناهل لو قاصدة زي ام الجيش حقة (داليا) دي، ممكن:

Quote: ولو ما شتمها لود الباوقة ما كان عرفتها ابد ابدا

الشتم التاني منو وفي ألأول كمان...كدي خليك أمين مع نفسك
هو الكلام ده انت بطلقوه كدة ساي؟؟دايرني اصدقك مثلا في كلامك انو مناهل شتمت ود الباوقة؟؟شتمته قالت ليه شنو يعني..؟؟
والبتسوي فيه انت ده هسة يسموه شنو؟؟انت يا شوقي كدي بدل سكة الردمية اركب الزلط عديل ...بتشم في البنية وعامل فيها اسلوبك راقي ولا ما تعرف شنو..
هسة انت بترضي انو زول يجي ماري يقول ليك اختك ما بتخجل..بترضي واحد يديك فيهم رأي سالب وممكن يكون شخصي في موضوع عام..
انت وكت مقتنع انو ناس بيتكم ما بمرقوا ولا حيمرقوا مظاهرات ولا يعملوا جوطة جايط مالك؟؟في زول قال ليك تعال صلح المجتمع ده بفكرتك؟؟
يازول ود الباوقة غلط عديييل وانت لو بينك وبينه عمار خليه يحفظ احترامه قدام الناس انو دخل بطريقة مخزية في بوست مع وحدة من دور بناته
البتعمل فيه يا شوقي تشتيت كورة..دور قذر ..أي مسمي انت عايز تسميه سميه
الكلام الناعم بتاعك ما بقي عنده معني عندنا...يا تركب مكنة زول شاتم يا تبقي كمان بتحترم النساء عشان الناس يحترموا الحولينك.
رجاء يا شوقي تاني لا تتحدث عن مناهل في شخصها وأسرتها...لو عندك فكره عامة عايز تناقشها ناقشها معاها قشة ما تعتر ليك
رجاء

Quote: الكلام الناعم بتاعك ما بقي عنده معني عندنا...يا تركب مكنة زول شاتم يا تبقي كمان بتحترم النساء عشان الناس يحترموا الحولينك. رجاء يا شوقي تاني لا تتحدث عن مناهل في شخصها وأسرتها...لو عندك فكره عامة عايز تناقشها ناقشها معاها قشة ما تعتر ليك رجاء

قمر بوبا

شتم ما بشتم ابدا انا لم اتحدث عن مناهل في شخصها او اهلها إنت قلت احسن تولع النار شوية عموما مقبولة منك وكل ما نناقشه هنا عاااااام الخصوصية ما لينا بيها اي دعوة وقع ليك يا كبير

Quote: المناضلة مناهل اشكرك على الإطراء بعدين انا هنا قرفانا من اسلوبك البوديني امشي الفيس بوك شنو عشان اقرف زيادة وكيف توريني وإنتي اصلا ما عارفة حاجة اختاروك كوجه جميل لتمرير اجندة معينة وجذب شريحة معينة ما اكثر من كده . اما حتت ما تردي علي دي كويسة جدا اهو برضوا ربنا كفاني شرك.

انا لو منك يا شوقي اسكت بعد ده و امشي اقرأ سايكلوجية الانسان المقهور طوالي
انت كل ما تتكلم بتتورط اكتر.



كلامك الفوق ده يا شوقي عيب في حق مناهل او حق المنضمين لحركة قرفنا , ما حا اقول ليك زي ما قالوا الزملاء هنا انك بتحاول تكسر مقاديف مناهل عشان تحجمها او ما اليه من الكلام المكرر. انت طعنت في اخلاق مناهل و في مبادئ حركة قرفنا. لانو مناهل بت جميلة ما بديك الحق ياشوقي انك توصفها بأنو تم إختيارها بعناية عشان جمالها لجذب شرائح معينة لحركة قرفنا!! ده شنو عدم الحساسية و إنعدام ادب الاختلاف الانت فيهو ده يا شوقي ؟ و ليه ده كلو ؟ لانو مناهل هزمتك و رفضت تناقشك لتدني مستوي حوارك و تواضع قدراتك قدامها ؟ انا متأكد انو مناهل دي لو عندها اخوها و عارف يصلك كيف انت ما كان كتبت كلامك ده و كان إتأدبت في خلافك معاها. لانو عقليتك البتحاور بيها دي بتقبل الطريقة دي بس من التفكير. اتمني انك تراجع موقفك تاني و زي ما قالوا ليك الزملاء انت قلت رأيك و شكرا جزيلا دع الاخرين يقولوا رايهم , مناهل هزمتك , خليك فارس مرة واحدة و اقبل الهزيمة او امشي حضر كويس و تعال ناقش مناهل نقاش تاني غير نقاشك بتاع انتو منو و عاوزين شنو ؟

من يريد أن يقرأ كتاب سيكلوجية الإنسان المقهور يجده هنا:

http://www.4shared.com/file/32919477/f9a108f5/saykoloje...lansan-almakhor.html

Quote: انا لو منك يا شوقي اسكت بعد ده و امشي اقرأ سايكلوجية الانسان المقهور طوالي انت كل ما تتكلم بتتورط اكتر. كلامك الفوق ده يا شوقي عيب في حق مناهل او حق المنضمين لحركة قرفنا , ما حا اقول ليك زي ما قالوا الزملاء هنا انك بتحاول تكسر مقاديف مناهل عشان تحجمها او ما اليه من الكلام المكرر. انت طعنت في اخلاق مناهل و في مبادئ حركة قرفنا. لانو مناهل بت جميلة ما بديك الحق ياشوقي انك توصفها بأنو تم إختيارها بعناية عشان جمالها لجذب شرائح معينة لحركة قرفنا!! ده شنو عدم الحساسية و إنعدام ادب الاختلاف الانت فيهو ده يا شوقي ؟ و ليه ده كلو ؟ لانو مناهل هزمتك و رفضت تناقشك لتدني مستوي حوارك و تواضع قدراتك قدامها ؟ انا متأكد انو مناهل دي لو عندها اخوها و عارف يصلك كيف انت ما كان كتبت كلامك ده و كان إتأدبت في خلافك معاها. لانو عقليتك البتحاور بيها دي بتقبل الطريقة دي بس من التفكير. اتمني انك تراجع موقفك تاني و زي ما قالوا ليك الزملاء انت قلت رأيك و شكرا جزيلا دع الاخرين يقولوا رايهم , مناهل هزمتك , خليك فارس مرة واحدة و اقبل الهزيمة او امشي حضر كويس و تعال ناقش مناهل نقاش تاني غير نقاشك بتاع انتو منو و عاوزين شنو

خدر دي وجهة نظرك
هي اصلا قالت حاجة عشان تهزمني بيها يا ها الشتيمة دي ولا حاجة تانية

لا زالت اكرر هم منو وعايزين شنو لانوا حقيقة لا اعرف عنهم شئ . هو ما طعن في اخلاق مناهل بل هو استنكار لإسلوب معين . قرفنا دي مش حركة عامة انا من حقي ارفض وانتقد كل مهجهم ذي ما الناس بتنتقد حزب الامة اوالاتحادي او الانقاذ او اي حركة سياسية ، ده حق مشروع يا باشا . أن تنضم لحركة كفاية شئ يخصهم أن انتقدها شئ يخصني.

سايكلوجية الانسان المقهور حا اقراها إن شاء الله لكن نأكد تماما حا اقراها بصورة ايجابية.

.

Quote: شوقي يا رايق طيب انت وقت عارف رأيها فيك إنك متخلف وما بتتشرف بيك متشربك فيها بالشكل دة مالك؟

الاخ احمد عمر تحياتي

سودانيس اون لاين منبر عام لتبادل وجهات النظر وشئ طبيعي تختلف وجهات النظر وبما انها طرحت وجهة نظرها في مكان عام فمن حقي اتشربك واقول وجهة نظري اما على الصعيد الشخصي والحياة الخاص ما تعودت ابدا اتدخل في خصوصيات اي شخص لكن للاسف طرحت موضوعها في منبر عام.

Quote: للامانة , البوست دة ( الوعى الذكورى) اتفتح بسبب محاورة مع الاخ شوقى فى بوست سابق فالطبيعى ان ياتى شوقى ويواصل الحوار او ايا كان اسمه ولا اى زميل بيحاول مواصلة حواره ونقاشه مع زميلة طوالى تعتبروها ملاحقة والله الفهم دة هو قمة الوعى الذكورى , كل واحد او واحدة شايلين امواسكم باتجاه شوقى ولم تبخلوا عليه بتذكيره بتخلفه وبرغم ذلك يظل شوقى من ارقى الاعضاء فى سودانيزاونلاين لالتزامه بالبعد عن المهاترات وساقط القول والردود الهادئة الخالية من الشتائم حتى لمن اغدق عليه بسخاء ليذكرنى احدكم باى عضوا فعل ذلك قبله

الاخ احمد التيجاني لك تحياتي

واشكرك على كلامك الراقي والمنطقي وإن دل على شئ انما يدل على افق واسع وتفهم لما يدور . دعهم يشتمون ويسبون والله لا ولن اشتم اي انسان مهما شتم وبعتبر شتمهم ده وجهة نظر ممكن اخد بيها ولي الحق في إهمالها. تسلم اخي احمد

يا الشفيع وراق
مناهل ما بتشبة البنات الفي الصورة الجبتها لينا دي , لكن الله يعلم منو بشبه دجانقو النافش ريشو و عامل فيها شفت و هو لسانو مقطوع و حجتو ضعيفة



___
زي كلام شوقي لي مناهل اعلاه يا الشفيع كان شلتوهو و فتحتوا بيهو مليون بوست لو إتقال من مناهل , ما قلت لينا رأيك فيهو شنو بالمناسبة ؟

Quote: ما قلت لينا رأيك فيهو شنو بالمناسبة ؟

طارق يا اخوي مالك عايز تعقد المسائل
انا والله العظيم لم (أقرأ) هذا البوست، والبوست والبوست الاصلي وبوست ود الباوقة، (قراءة) جادة
حتى في البوست ده، رميت مداخلتي أمس ولامن رجعت اليوم لقيتو وصل الصفحة التانيةوطوالي مشيت ليها بس عشان ارفع صورة (داليا) المعبرة

عودة لموضوعك:
أخونا شوقي رجل معروف بالتهذيب، ولا أظنه يلمح الى ما ذهبت اليه، وان كان يقصد فإعتذاره واااجب
أظن انه عايز يقول ليها انها (جميلة، لكن راسها فاضي)، ودي ممكن اقرأها (كإساءة في حدود المعقول) نسبة لما بينهم من مناكفات
يعني زي ما قناة تلفزيونية تجيب ليها مذيعة (حااارة) وما بتعرف تقدم، فقط للفت الانظار

تبريري ده يا طارق لا يعني (إني) متفق معاهو
وعدم اتفاقي معاهو (لا) يعني انها (ليست جميلة)

يا خدر، ياخي (عذبتنا)، الله يعذبك

Quote: وبما انها طرحت وجهة نظرها في مكان عام فمن حقي اتشربك واقول وجهة نظري

أيوااااااااااااا
اتخيل لي زي البديت أفهمك
يعني انت شايف إنه الشربكة وملاحقة بنات الناس حاجة طبيعية ما فيها مشكلة !
ودي ميزة من ميزات منابر الحوار !


يا شوقي كدي أعمل تسجيل خروج وأرجع أقرأ مداخلاتك مع الأخت دي تاني
عاين لي شكلك يا شوقي وانت جاري وراها من حتة لي حتة وماسك في طرف توبها

وكلام قمرنا الفوق دة ما تهمله
لو انت فعلاً قاصدها لي نصيحة أقرأ كلامك دة واتخيل واحد غريب قاعد يقول فيه لي أختك

Quote: لانو مناهل بت جميلة ما بديك الحق ياشوقي انك توصفها بأنو تم إختيارها بعناية عشان جمالها لجذب شرائح معينة لحركة قرفنا!! ده شنو عدم الحساسية و إنعدام ادب الاختلاف الانت فيهو ده يا شوقي ؟

يا فنان
خليه بنفس الفهم يمش شركات الاتصالات والشركات الكبيرة ويمش يشيل ليه لافته انو بناتكم العينتوهم عينتوهم لإنهم سمحات ما لأنهم مؤهلات
خليه يتصل علي مذيعات النيل الازرق ويقول ليهم انتو بستغلوا في جمالكم عشان يسوقوا لقنواتكم
خليه يمنع بنات الشركات انهم يأدوا في وظائفهم ويقول ليهم انتو لو ما سمحات ما كان عينوكم...هو قايل السماحة دي في حسابات الليلة ما مطلوبة...للأسف مطلوبة
بقت علي مناهل يعني؟؟ما يناقش الفكرة بشكل عام لو عايز...؟؟

المسألة ما مسألة انعدام ادب اختلاف بقدر ما الزول ده بدقدق في حتات عشان يلقي منها فرقة في مناهل.


الشفيع وراق تحياتي
ولينا زمن منك...شخصيا خشيت معاك في حوارات اختلفنا فيها كتير وظل الاحترام
وحياة الله موضوع المذيعات ده انا بعد كتبته عملت رفرش قبل الارسال لقيت مداخلتك فما تفهمها انو في نقل لفكرة

Quote: ودي ممكن اقرأها (كإساءة في حدود المعقول)

دي اعتبرتها في حدود باقي التلميحات الخارجة عن إطار الادب ممكن تتفهم كيف..وليه هو طوالي ماشي للخاص بدل ما يناقش موضوع عام؟؟
ثم حدود المعقول حددتها انت..هل أهلها ممكن يشوفوا الموضوع ده في حدود المعقول؟؟

Quote: قمر بوبا شتم ما بشتم ابدا انا لم اتحدث عن مناهل في شخصها او اهلها إنت قلت احسن تولع النار شوية عموما مقبولة منك وكل ما نناقشه هنا عاااااام الخصوصية ما لينا بيها اي دعوة وقع ليك يا كبير

يا شوقي النار أنا عايز اطفيها ...انت الما بتعرف النار بتتولع كيف...ياخينا عليك الله افرز

انت شتمت عديل وعامل فيها رايح...راجع اقتباساتي للمحترم احمد التيجاني ...دي نماذج يا شوقي
ويا شوقي انا لا كبير لا صغير..انا وسط حسابي عديل في البوست ده

للمرة التانية بنبهك وانت عامل فيها رايح وبتكتب لي كلام من اجل الكلام..البت دي زح من تتناول حاجاتها الشخصية..نوع ناس ما بتخجل وسمحة وبستغلوا فيها وما الي ذلك
داير فكرة قرفنا أمش عندهم موقع الكتروني تفاعلي يعني رأيك ورأي غيرك يصل مجموعة قرفنا زي الترتيب.ده موقعهم يا سيد ..http://www.girifna.com
افتح اي موضوع وعندهم الخاصية التفاعلية...أمرضهم مرض بهناك في اي موضوع يقولوه...لوما نشروا ليك تعال افتح بوست بعد داك انا بشجب وبدين معاك قرفنا دي ذاتا

البتعمل فيه حتي الآن لولوة واستهداف شخصي....ابقي نابل..فكرتي وضحت تقريبا..وتاني بقول ليك السايقة واصلة

مرحبتين أخونا الزمان قمر
انا مصدقك يا قمربوبا، ودهـ المفهوم البتبادر لأي قارئ، وهو ما يثبت إنو شوقي قصد يوصل الرسالة دي، ونجح في توصيلها لحدٍ ما
انا ما عارف (الأهل) و(الأخ) الدخلهم هنا شنو؟

أقترح وقف النقاش هنا وانتظار مناهل، لسماع ما فهمته هي من الموضوع/B]

Quote: مرحبتين أخونا الزمان قمر انا مصدقك يا قمربوبا، ودهـ المفهوم البتبادر لأي قارئ، وهو ما يثبت إنو شوقي قصد يوصل الرسالة دي، ونجح في توصيلها لحدٍ ما انا ما عارف (الأهل) و(الأخ) الدخلهم هنا شنو؟ أقترح وقف النقاش هنا وانتظار مناهل، لسماع ما فهمته هي من الموضوع/B]

الشفيع يا ذوق يا فهم لك تحياتي الناس ديل شكلهم مشوا بعيد على العموم انا مطمئن طالما ما في ناس له مقدرة على التحليل الصحيح مثلك لك تحياتي.

Quote: مرحبتين أخونا الزمان قمر انا مصدقك يا قمربوبا، ودهـ المفهوم البتبادر لأي قارئ، وهو ما يثبت إنو شوقي قصد يوصل الرسالة دي، ونجح في توصيلها لحدٍ ما انا ما عارف (الأهل) و(الأخ) الدخلهم هنا شنو؟ أقترح وقف النقاش هنا وانتظار مناهل، لسماع ما فهمته هي من الموضوع/B]

الشفيع يا ذوق يا فهم لك تحياتي الناس ديل شكلهم مشوا بعيد على العموم انا مطمئن طالما ما في ناس له مقدرة على التحليل الصحيح مثلك لك تحياتي.

يا الشفيع
خليك من مناهل ياخ...
الرسالة دي نجح في توصيلها في اطارها العام ولا في إطار مناهل؟؟يعني قالها كموضوع عام ولا قصد يروق مناهل ويسكتها؟؟
ياخي شوقي في مداخلة موجهة لمنو ما بتذكر هو الجاب الاب والاخت وغيرهم..ما بقدر افتش لكن لو لزم بتتلقي...انو ياخي انا اصلا ما بسمح لناس بيتنا انهم يتظاهروا وبمعني انو البت دي تمرق مظاهرات ليه ذاتو...مش ده رأييه واحترمناه ولحدي هنا كويس..؟؟طيب ياخ انت مش حدك في الدنيا ناس بيتك؟؟؟ماشي علي تصرفات الناس التانية ليه؟؟
الجاب سيرة الأخ والوالد واصلا مافي داعي فكرة شوقي عن مناهل ليس الا..خليك من مناهل تجي ولا ما تجي ..انت أقرا منو الجاب السيرة دي.
يا الشفيع وديني انا ما زول تنظير كتير لكن البعمل فيه شوقي كتير عديل ...ينبذ يقول ليك انا ما بنبذ...تقول شنو يقول ليك ما تعرف شنو.. انت ممكن تسميه شنو يعني؟؟
تحياتي يالشفيع ...كبرنا وكبرت سنين عمرنا في البورد وما دايرين نغلط علي زول بعد العمر ده لانو ما حصل لكن في حاجات ممكن ترجع الزول يبقي طالب ثانوي يفلق في الناس ساي...خلونا نتوكل مبدئيا قبل نصل المرحلة دي


_
تحياتي للجميع وحتي لشوقي الماعارف يقول كلمتين علي بعضهم وكل شوية شابك الناس انا محترم وفلان يا أيها المحترم التقول البورد ده خشيناه أول امبارح
اتمني من نفسي انو شوقي لو ما قادر يراجع كلامنا ليه بس يزح من الشخصنة...وانا مارق والله..ولو شخصن الامور مع الزولة دي بجي تاني..والسلام للجميع ونأسف للنقة

Quote: خدر دي وجهة نظرك هي اصلا قالت حاجة عشان تهزمني بيها يا ها الشتيمة دي ولا حاجة تانية لا زالت اكرر هم منو وعايزين شنو لانوا حقيقة لا اعرف عنهم شئ . هو ما طعن في اخلاق مناهل بل هو استنكار لإسلوب معين . قرفنا دي مش حركة عامة انا من حقي ارفض وانتقد كل مهجهم ذي ما الناس بتنتقد حزب الامة اوالاتحادي او الانقاذ او اي حركة سياسية ، ده حق مشروع يا باشا . أن تنضم لحركة كفاية شئ يخصهم أن انتقدها شئ يخصني.

يا راااااااااااجل !! انت قايلنا الاستنكار ده ما بنعرفوا ؟؟؟ انتقد قرفنا و إستنكر زي ما عاوز و ممكن تشتمها كمان , الكلام ده انا كتبتوا في منبرنا ده كتير انو من حق اي مواطن انو ينتقد او يشتم اي فصيل سياسي لكن الما من حقك انك تتعرض لافراد التنظيم ده في اخلاقهم او سلوكهم مهما بلغت درجة الخلاف بيناتكم و حتي يا شوقي لو تجاوزنا و قلنا ممكن شتم الافراد بإعتبارهم عاكس رئيس لتنظيماتهم , شتمهم ما بكون في شرفهم او اخلاقهم , شتمهم بكون في تواضع قدراتهم و جهلهم بأبسط قواعد الإختلاف السياسي. انت شتمت مناهل عدييل في روحها بي كلامك ده

Quote: المناضلة مناهل اشكرك على الإطراء بعدين انا هنا قرفانا من اسلوبك البوديني امشي الفيس بوك شنو عشان اقرف زيادة وكيف توريني وإنتي اصلا ما عارفة حاجة اختاروك كوجه جميل لتمرير اجندة معينة وجذب شريحة معينة ما اكثر من كده . اما حتت ما تردي علي دي كويسة جدا اهو برضوا ربنا كفاني شرك.

و بي شتيمتك دي وصلت القارئ لنتائج مهمة جدا حولك
- اكدت لي مناهل قرايتها ليك انها كانت صاح , وانك صاحب عقلية زكورية عظيمة عدوة للمرأة البتختلف معاك.
- شككت في اخلاق و طرائق تفكير و خيارات شريحة من السودانيين بأنهم بنضموا لاحزاب او تنظيمات بسبب البنات الجميلات.
- إتهمت مناهل بأنها من خلال وجهها الجميل بتمرر في اجندة محددة لعشاق الوجوه الجميلة.
انت مطالب اسه يا شوقي توضح للقارئ الاجندة المناهل بتمررها للجمهور عاشق الوجوه الجميلة شنو ؟
انت مطالب بإعتذار للقطاع الانت عنيتو بي كلامك لانك نمطوا ساي طلقيت و من طرف .

آخر كلامي ليك يا شوقي , ربنا ما كفاك شر مناهل بالمناسبة , بعقليتك دي حا تلقي مليون مناهل و مناهل قدامك كل يوم , في بيتك و في شغلك و في علاقاتك الجتماعية .. السؤال المهم هل حا تفضل تقصي اي مناهل تختلف معاك من حياتك ام ستقبل التحدي و تحاورها و تقبلها كإنسان كامل الاهلية ؟

Quote: يا فنان خليه بنفس الفهم يمش شركات الاتصالات والشركات الكبيرة ويمش يشيل ليه لافته انو بناتكم العينتوهم عينتوهم لإنهم سمحات ما لأنهم مؤهلات خليه يتصل علي مذيعات النيل الازرق ويقول ليهم انتو بستغلوا في جمالكم عشان يسوقوا لقنواتكم خليه يمنع بنات الشركات انهم يأدوا في وظائفهم ويقول ليهم انتو لو ما سمحات ما كان عينوكم...هو قايل السماحة دي في حسابات الليلة ما مطلوبة...للأسف مطلوبة بقت علي مناهل يعني؟؟ما يناقش الفكرة بشكل عام لو عايز...؟؟ المسألة ما مسألة انعدام ادب اختلاف بقدر ما الزول ده بدقدق في حتات عشان يلقي منها فرقة في مناهل.

سلام

صحيتي القول يا قمربوبا

فالتحية لك

ما دوما
محمد عبدالرحمن
أحمد محمد عمر
عبد العزيز عيسي
تحياتي وشكرا ليكم

Quote: صحيتي القول يا قمربوبا

أخونا Abdlaziz Eisa

قمر بوبا دا رجل و الرجال قليل

و كثيرين أخطأو زيك يعني عادي

تحياتي للجميع

Quote: عودة لموضوعك: أخونا شوقي رجل معروف بالتهذيب، ولا أظنه يلمح الى ما ذهبت اليه، وان كان يقصد فإعتذاره واااجب أظن انه عايز يقول ليها انها (جميلة، لكن راسها فاضي)، ودي ممكن اقرأها (كإساءة في حدود المعقول) نسبة لما بينهم من مناكفات يعني زي ما قناة تلفزيونية تجيب ليها مذيعة (حااارة) وما بتعرف تقدم، فقط للفت الانظار تبريري ده يا طارق لا يعني (إني) متفق معاهو وعدم اتفاقي معاهو (لا) يعني انها (ليست جميلة) يا خدر، ياخي (عذبتنا)، الله يعذبك

ههههههههههههههههههههههههه
ضحكتني يا الشفيع , كلامك بقي لي عليك الله يا طارق ما تنشبك فيني
فيا الشفيع ماني منشبك فيك انا تب و اساسا البوست ده ما داير ليهو شارحين للغثاء الفيهو قدرما داير ليهو متضامنين مع اخونا شوقي في خرمجتو السواها دي , انا مقدر انك ما قريت البوستات دي و انا ذاتي قريتها متأخر جدا لكن في ذمتك قول لي شوقي ده ما لازمو إعتذار لشريحة المواطنين العناها في كلامو ده ؟ و دحين ما لازمو برضو إعتذار لي مناهل دي لانو تجاوز حدود الخلاف و دخل في الشخصي بي كلامو ده ؟

Quote: وإنتي اصلا ما عارفة حاجة اختاروك كوجه جميل لتمرير اجندة معينة وجذب شريحة معينة ما اكثر من كده

انا في العموم شايف انو عيب اشرح ليك انو توظيف الجمال لخدمة فعل او غرض سياسي يحيلنا طوالي لمراجعة منظومة الاخلاق , اهاشن الرأئ ؟ انا ما بفسر و انت ما بتقصر.
في إنتظار ردك

الاخت مناهل لكي تحياتي

شايف الموضوع وبفضل بعض الأخوة ارادو له أن يأخذ منحي آخر هنا ساتوقف . وارجوا المعذرة إن كان الإنفعال نال منا ما نال لم اقصد شخصك بهذه الصورة واعتذر منك مثنى وثلاث ورباع وكل ما دار هنا لا يتجاوز وجهات النظر أنتي كان لك وجهة نظر وأنا كان لي وجهة واختلاف وجهات النظر ليس بالضرورة أن تكون هناك خصومة تتجاوز الحدود.
لذا اختي سامحيني ومن كل قلبي أتمنى لك التوفيق وأسال الله أن يريك الحق حق ويرزقك إتباعه ويريك الباطل باطل ويرزقك إجتنابه وأسأل الله ان يحفظك من كل شر وبلاء .

الإخوة المتداخلين أرجوا المعذرة إن كان هناك فهم خاطئ او سوء فهم لبعض النقاط ، وإلى كل من شتمني بكلمة اقول لهم سامحكم الله وانا عافي لكم لله والرسول واتمنى التوفيق والتقدم للجميع.

Quote: الاخت مناهل لكي تحياتي شايف الموضوع وبفضل بعض الأخوة ارادو له أن يأخذ منحي آخر هنا ساتوقف . وارجوا المعذرة إن كان الإنفعال نال منا ما نال لم اقصد شخصك بهذه الصورة واعتذر منك مثنى وثلاث ورباع وكل ما دار هنا لا يتجاوز وجهات النظر أنتي كان لك وجهة نظر وأنا كان لي وجهة واختلاف وجهات النظر ليس بالضرورة أن تكون هناك خصومة تتجاوز الحدود. لذا اختي سامحيني ومن كل قلبي أتمنى لك التوفيق وأسال الله أن يريك الحق حق ويرزقك إتباعه ويريك الباطل باطل ويرزقك إجتنابه وأسأل الله ان يحفظك من كل شر وبلاء . الإخوة المتداخلين أرجوا المعذرة إن كان هناك فهم خاطئ او سوء فهم لبعض النقاط ، وإلى كل من شتمني بكلمة اقول لهم سامحكم الله وانا عافي لكم لله والرسول واتمنى التوفيق والتقدم للجميع.

شكرا شوقي سليمان

Quote: الاخت مناهل لكي تحياتي شايف الموضوع وبفضل بعض الأخوة ارادو له أن يأخذ منحي آخر هنا ساتوقف . وارجوا المعذرة إن كان الإنفعال نال منا ما نال لم اقصد شخصك بهذه الصورة واعتذر منك مثنى وثلاث ورباع وكل ما دار هنا لا يتجاوز وجهات النظر أنتي كان لك وجهة نظر وأنا كان لي وجهة واختلاف وجهات النظر ليس بالضرورة أن تكون هناك خصومة تتجاوز الحدود. لذا اختي سامحيني ومن كل قلبي أتمنى لك التوفيق وأسال الله أن يريك الحق حق ويرزقك إتباعه ويريك الباطل باطل ويرزقك إجتنابه وأسأل الله ان يحفظك من كل شر وبلاء . الإخوة المتداخلين أرجوا المعذرة إن كان هناك فهم خاطئ او سوء فهم لبعض النقاط ، وإلى كل من شتمني بكلمة اقول لهم سامحكم الله وانا عافي لكم لله والرسول واتمنى التوفيق والتقدم للجميع.

تفاجأت تماما بالمداخلة بعد إرسال مداخلتي الأخيرة
عموما تحياتي يا مان ونحن برضو أعفي لينا لو ضايقناك في أي حاجة ...وربنا يصلح النفوس ويدينا خير الدنيا وابقي طيب والسلام عليكم

_
ياسر طيفور علي الطلاق بالتسعة بغم ما تقول تاني..خدر فكرتك وصلت...مناهل ابقي طيبة....الشفيع بالله اقنور كبير لمداخلتي الأخيرة...ونفسح المجال لنقاش يحمل عنوان البوست ومضامينه دون شخصنة
دمتم ولكم الود والسلام عليكم ورحمة الله وبركاته

Quote: توظيف الجمال

خدر يا اخوي، شكلك ناوي تتشعلق فيني
انا ما بختلف معاك، ولكني بتحفظ، والبوست اصبح(حساس) و(ملوث) و لا يصلح للنقاش المفتوح، ربما لاحقاً، فاعذرني
لاحظ انا قلت:

Quote: إساءة في حدود المعقول

تحياتي

يا دكتور بلة
المشكلة الإنسان المقهور ما بيعرف نفسو إنو مقهور..


عودة لشوقي:
تعرف يا شوقيك أنا حقيقة أجهل بك تمام الجهل، إلا من بعض مواقفك الداعمة لهذا النظام، وحتى هذا الموقف الذي نحن بين يديه هو موقف داعِم للنظام، ولا ينتطح في ذلك شوقيان، لو إفترضنا أن موقف مناهل كان مؤيداً للسلطة، لما قلت لها "ألزمي بيتك".. وجهلي بك يا شوقيك قد قادني لبروفايك عسى أن أجد شياً آخر لكي أتعرف عليك أكثر من كتاباتك القليلة ومسيخة هذه، فوجدت ببروفايلك فنانك المفضل: كل من يمدح المصطفى -ص-، وكذلك وجدت لونك السياسي: ديموقراطي حُر، ضحكت، وقلت لنفسي: يكون قال هيييع بعد ما كتب ديمقراطي حر، فتوصلت إلى أنك من فصيلة المكاشفي، عليه يا شوقيك الحوار معك حرام شرعا لأنه ضياع للوقت، شفت كيف؟
___
والوقت كاسيف إن لم تقطعه "يُمحِقه" ناس شوقي..

المحترمة عفراء

Quote: منا هل يا بتي والله يا مره دي حتباريك لحدي ما تمسكي العكاز يعني ما تركزي عليها كتير و شوقي دة في الجامعة الدرس فيها أكيد كان من أحسن اساتذته نساء بس تقولي شنو نحن قدرنا أنه نحارب مع الرجال في معارك ألهم العام بجانب معركتنا النو عيه و

دا الكلام السمح

والله يا ابو حسين عمرك ما بتجي لحوار...ده وعي ذكوري مبكر منك ليس الا
ياخي انا قاعد من بعد صلاة الجمعة في البوست ده ما تجي الا تمرق ياء التأنيث ولا ما تعرف شنو
صدق أصلو ما انتبهت...التحية عبرك لعبد العزيز عيسي...غايتو لو في زول جا كبا لي حنان في المسنجر صدقني بفته ليكم هنا
حبوباتنا بنادوا احفادهم المابعرفوا لغتنا وبتكلموا عربي كدة يا ولد تعالي هنا...نحن ما عندنا مسألة التأنيث والتذكير في اللغة...
فلو أخوك ما انتبه فليه العذز...تصدق كلما اخاطب ابو حتوت بفتش في الياء البدون نقاط تحت...قال المسألة بتزهجه
غايتو بسيطة يا ابوحسين تعال نعمل لينا انا وانت شكلة يرفدونا تأكد انو بكري حيرجعني بإسمي الحقيقي...مش حل برضو

تحياتي يا حبيب

_
يا ياسر...رجلك من الابنص ..يبدو انك كنت بترسل اثناء ما برسل..أبقي طيب يا حبيب

شكراً شوقي للإعتذار وأنا بدوري إعتذر لك عن الغِلظة..
ــ
يا قمرنا أنا في الشغل، كتبت قبل ان أطلع على إعتذار شوقي وردك!

مناهل
الف مرحب بك في هذه النافذة من نوافذ النضال
وانت انسانة عندك طاقات نضالية نحتاجها فلا تبدديها في حوارت مع الانصرافيين



تنهدات: الكلام للطيب صالح ( الحضارة عندى انثى وكل ما هو حضارى فهو انثوى)

الأخ حيدر الزين،
مررت ظهر اليوم وجدت ردا منك موجه لي وبدأت في الرد عليك فداهمتني جحافل الجمعة
يعلم الله اني زاهدة في المنبر ولكني وجدت في كلامك ما هو جدير بالتفاكر
فأعذرني على التأخر في الرد و سنكمل حوارنا في زمن أرحب
احترامي

Quote: مررت ظهر اليوم وجدت ردا منك موجه لي وبدأت في الرد عليك فداهمتني جحافل الجمعة يعلم الله اني زاهدة في المنبر ولكني وجدت في كلامك ما هو جدير بالتفاكر فأعذرني على التأخر في الرد و سنكمل حوارنا في زمن أرحب

الاستاذة عزاز شامي

مرحبتين

اتمني - واظن - انك قريتي ردي قبل سحبي ليها ..
آسف هي راي او نظرة خاصة على الامور حسب ما اري ..كنت احب - اتفاكر - فيها معاك بحكم اني بشوفك نموذج مفروض يُحتذي مثلك ومناهل وآخريات كُثر
لكن تجارب سابقة بالمنبر دا خلتني اقول انه البوست دا ممكن يكون مثله ومثل بوست المعيار الشهير واحسن الزول يتفكفك منو ما خلا بعض المشاغبة والمهاترة هنا وهناك
بعتذر ليك عن سحب كلامي
وكما قريتي مداخلتي فهي نظرتي للامر ... غلط صاح .. كما قلتي لنا متسع - باذن الله قادم - في مناقشتها والتفاكر حتي يستبين الامر او اطور فهمي معاك في موضع آخر او بوست يكون غير معجج بعجاجة زي دي

احترامي وتقديري

اقرا كتاب "الأغانى لأبى الفرج الأصفهانى" ...

انتو يا اخواننا رايحة ليكم شكلة ولاّ شنو؟











... المهم ....

طيب ...

انحنا - بالإضافة للهوس الدينى - عندنا مشكلة وعى ذكورى فى الطبقة المهيمنة ... الله يكرم د. عزان ....


بداية ما بطالة للحوار ...








... المهم ....

يا تبارك شيخ الدين

يآخي ما تجي نتشاكل !!
حاسي انه شكلتنا ممكن تكون مفيدة
خاصة وانه ود خالتي امين الطيب حمرور قال لي شاكل لي تبارك دا نيابة عني

ممغوص منك من زمن قصة صاحب بتاع اللبن الختاهو في عتبة الباب واتخارج

ــــــــــ
المهم ... داير شكلة قول لي تباً لك واني عايش على المعونة من البورداب بجيييك في محلك

امين الطيب حمرور دا كان سغيّر لاكين راسو ملان كلام كتير ... انا سافرت قبال افهم اتجاهو شنو ... افتكر اهل والدتو بين ابروف وكسلا ... بالله بلّغو التحايا ...

بس مافى داعى نجيب سيرة والدتو .. وودخالتى ... انت عارف القرابة بالنسوان ما قرابة محترمة ولا معترف بيها ...

يعنى هسة لو كان ود عمك ... تهز فوقو وتبشّر .... وتقول "يا ود اعمّى" على طريقة سوق ليبيا ولفة الكلاكلة ... بى منتهى الفخر والتباهى ...

لاكين ود خالتى دى (خصوصاً لو انت متّهمو بى انو "ود خالة") ما بتطلع ملياااانة كدا ...








... المهم ...

Quote: بس مافى داعى نجيب سيرة والدتو .. وودخالتى ... انت عارف القرابة بالنسوان ما قرابة محترمة ولا معترف بيها ... يعنى هسة لو كان ود عمك ... تهز فوقو وتبشّر .... وتقول "يا ود اعمّى" على طريقة سوق ليبيا ولفة الكلاكلة ... بى منتهى الفخر والتباهى ...

يا عفن انا عااارفك .. وشركت ليك كدا..
شوف ربنا يوم القيامة بينادي باسمك كدة موصول لامك
يعني ما بيقول تبارك شيخ الدين
وانا بيقول لي بامي ويجي يكووس كدة بين الخلق يلقي امين الطيب دا غرقان في عرقو لي حلقو يقول ليهو
انتا منو ؟؟
يقول ليهو انا ود خالة حيدر..
يقوم الرب يفكو..
تجي انتا دا يا تابارك الله يقول ليك انتا تبع منو
تقول ليهو والله بعرف حيدر الزين!!! ( وش متجرس )
يقوم الله يسألني :
بتعرفوا
انكرك حطب
يشيلك من كرعيك الرقاق ديل ويرميك في نار جهنم
وانا وامين نضحك فيك

Quote: تجي انتا دا يا تابارك الله يقول ليك انتا تبع منو تقول ليهو والله بعرف حيدر الزين!!! ( وش متجرس )

لكن يا حيدر انت ما معاي انو تبارك الوكت داك لو قدر يتزكر بكري ابوبكر يكون ما قصر

امرقي مرق جلدك .. تعالي جااي

قلتي لي ياوليد البركة البقيت طيب وامي افتح بوست تلقي الشمار من سودانييز هنا
كاااااااااااااااك
امرقي تعالي .... ماسنجراك مع وليد الخير بتاع نيو سودان بطرفي الان.. مصورة ومكبشرة وانتي بتحرشيهو على بت الصياد

وكمان كريمة جداً بتديهو روابط من سودانيز اونلاين عشان يفت النضم

امرقي مرق جلدك .. مرة منافقة كضاابة
لامة شوية شفع ومطبلاتية وقاعدة تحك فيهم حك

لا وكمان حسب ما عندي انتي الوزيتيهو على هشام ادم

امرقي مرق جلدك
كضابة منافقة

ــــــــــــــــــــ
الله يريحك ويسر بالك في اولادك كما سريتني الليلة يا الرسلت لي الايميل ههههههههههه

حيدر الزين ...

Quote: الله يريحك ويسر بالك في اولادك كما سريتني الليلة يا الرسلت لي الايميل ههههههههههه

انت بتطبّظ ... والله بيغتغت فيك زى جناهو ... هسّى الناس بيتخيّلوا انو دى مكنة منّك ... لاكين انا لو محل "وليد الخير" المضروب (أيّاً من كان) برسّل ليك المسنجرات المكبشرة فى يوم مفترج زى دا ...

بس "المرأة" دى ... ما تمارس عليها "وعى ذكورى" قدر دا ... قلنا ليكم دى استاذة مؤثرة فى "الهامش" وواجب التعامل معاها بى احترام شوية ...

عشان حركاتكم دى ... انا كان سألونى يوم القيامة ... بقول ليهم انا تبع "قرفنا"

بدل تشمّتوا فينا ناس "خدر" ديل ... غايتو يا طارق انا خايف ناس سودانيزاونلاين ديل اسماؤم ما تطلع يوم القيامة زاتو ... يكون بكرى باعا لى بتاعين الأمن ولاّ الـ FBI ولاّ هكرو شيطان جهجه انتيفايرسو زاتو ....



... المهم ....