سلفا كير...والدرس الاخير:التسامح هو اخلاق ملوك كوش العظماء

هذه الايام العلامة الفارقة ان الفضائيات العربية الجزيرة الحرة البي بي سي...اتاحت لنا ان نستمع ونرى سودانيين اذكياء(الجنوبيين) لاول مرة غير ناس احسب ان وبعتقد انو...تشاهد وتستمع دون ادنى شعور بالعار او الغثيان

مقولة سلفاالكير الاخيرة في الدعوة للتسامح وتجاوز الماضي المشين للاخرين الذين لا يردون بانفسهم مواجهته...ظلت تمر في شريط الاخبار امامي وانا استرجع مقالات النور حمد(الجمهوريين هم الاذكياء الشماليين) الاصيلة عن (الهوية السودانية) التي تعرضت لاكبر عملية مسخ واستلاب ايدولجي في التاريخ المعاصر...واستحضر معي النجاشي واركماني وخليوت بعانخي...واتحسر واقول...اذا اسمتع الناس للجنوبيين منذ 1947 باذن واعية لما وصلنا هذا الدرك

استطاع ابناء الجنوب في وقت وجيز عبر الفضائيات المذكورة اعلاه والشروق ايضا...ان يغيروا رؤية العرب والسودانيين البرود مايند broad mind من المحيط الي الخليج

إنني لا أكذ ب
ولا اعتدي على ملكية غيري
ولا ارتكب الخطيئة
وقلبي ينفطر لمعاناة الفقراء
إنني لا اقتل شخصا دون جرم يستحق القتل
ولا أقبل رشوة لأداء عمل غير شرعي
ولا أدفع بخادم استجارني إلى صاحبه
ولا أعاشر امرأة متزوجة
ولا انطق بحكم دون سند
ولا انصب الشراك للطيور المقدسة
أو اقتل حيوانا" مقدسا"
إنني لا اعتدي على ممتلكات المعبد -الدولة-
أقدم العطايا للمعبد
إنني أقدم الخبز للجياع
والماء للعطشى
والملبس للعري
افعل هذا في الحياة الدنيا
وأسير في طريق الخالق
مبتعدا عن كل ما يغضب المعبود
لكي ارسم الطريق للأحفاد الذين يأتون بعدي
في هذه الدنيا والى الذين يخلفونهم والى الأبد
خاليوت بن بعانخي - معبد البركل

وعلى الجانب الاخر
اهل المؤتمر وثمود الذين ينعبون في الفضائيات بكل ساقط القول والسفيه والعنصرية الفجة ثم يتساؤلون عن من يشوه صورة السودان في الخارج
ونحن نتساءل عن من يشوه الاصل في الداخل
والغريبة..مشروع الانقاذ(الاخوان المسلمين فرع السودان) مات وشبع موتا
وبرضه عايزين يقعدوا في راس الناس
خلاص الجنوبيين...مشو...شوفو ليكم زول تاني اقعدو في راسو حركات دارفور فهي اصلا جزء من ازمة الشمال من 1947

يجي واحد مختل الوعي والشعور يقول ليك والله ناس المؤتمر ديل اهل التقى والصلاح يصومو الاثنين والخميس ويحجو كل عام ويصلو صلاة(الحوجة)بس...دي صفاتم وما خفي اعظم
طيب
نشوف ما خفي اعظم
كذابين
فاجرين
ناكثين عهد
عنصريين
ارباب ثراء حرام
متنطعين
مثبورين
مرجفين
وده كلو بالوثائق
والان اليكم الدكاترة الاجلاء الذين اعلنو موت الانقاذ السريري ومشروع الاسلاميين في السودان
1- الدكتور حسن عبدالله الترابي
2- د.عبدالوهاب الافندي
3-د.التجاني عبدالقادر
4- د.الطيب زين العابدين
5- المحبوب عبدالسلام
ومسك الختام
6-عبدالله دينق نيال(ضيف المنتصف /فضائية الجزيرة)
....
بعد ده طالعين في الفضائيات يسوقو شنو؟؟ والله د.منصور خالد عنده وصف شين لاعلام الكيزان والاحتفال المغموم زمن عرس الشهيد فيما معناه(هذاالكلام الذى ذكرته عن عرس الشهيد والهرار اللفظي(الهرار سلح الابل) قد يثير دهشة العرب من غير السودانيين واما اهل السودان فانهم يرونه ليلا نهارا في التلفاز ويسالون الله ان يميط عنهم الاذى(مقالات منصور خالد/الشرق الاوسط)

ويبدوا ان الله استجاب للسودانيين اصحاب الذوق والشعور وانفتح العالم والسودان وصرنا نرى سودانيين اذكياء في الفضائيات الخارجية يكفونا شر قانون العقوبات السوداني /الفضائية السودانية)

والله كفيت ووفيت يا سلفا كير
ومشاويرك عديلة
عديلة
كان قصيري وكان طويلة
خلينا نتفرج في تحف الشمال المازوم دي
من بعاعيت المركز في الحكم والمعارضة
ونشوف اخرم