لماذا يكره السودانيين النجاح للآخرين؟ - توجد نماذج

عجبت لأمر السودانيين ، فهم يتعجلون فى كره الشخصيات الناجحة ، ويقذفون الأحكام جزافا دون التريث أو التفكير ، وتكون عواطفهم دائماً مضادة للنجاح وللأشخاص الناجحين ، وأسوق إليكم بعض النماذج التى عايشتها شخصياً ودققت فيها الملاحظة ،

مثلاً ، أستاذنا الناجح حسين خوجلى ، ما أن يطل على شاشة التلفزيون إلا وتجد الأفأفة والنقة والسب الخفى للرجل دونما سبب واضح ، أو يطل عمر الجزلى الإعلامى الموثق والرجل الناجح فتجد من يلعن سلسبيل الرجل ، أو يغنى مجذوب أونسة فتجد اللاعنين أكثر من المادحين ، وياليلتكم تستمعون لتعليقات المشاهدين وهم يشاهدون مقدم البرامج الرياضية كمال حامد فتسمع العجب العجاب ، فهل هم إنطباعيين أم يحكمون على الشخص من مظهره أم ماذا؟؟؟؟

بالمناسبة توجد الكثير من الأمثلة ويمكن للسادة القراء والأعضاء إضافة ما يشاؤون.

هل هو التبخيس يا عزيزي؟؟؟ .. نرجو ألا يكون قد أصبح ثقافة سودانية أصيلة.
لك تحيتي الأخ هشام

والله فعلاً دا الواقع البقى منتشر في المجتمع والإسلوب الغير لائق
وزي ما قال الأخ أيمن ثقافة تبخيس وأصبحت لعنة تُقيّد شريحة كبيرة
والمشكلة لو كان نقد بنّاء كان الواحد بتقبلو بس ممكن تلقى الشخص البنقد
زول مابرقى لدرجة المنقود من كل النواحي وبرضو بصّر على رايو
ماعارف شايف إنو تبخيس الآخر والتمسكـ بالأراء هي وجهة نظر مكفولة ليو؟


تقديري

محمد الجيلى

تقديرى لك أكبر

لعله ذلك يا أيمن.

وإليكم نماذج أخرى:

أمين حسن عمر
الطيب مصطفى
شروق أبو الناس
سلفاكير
الصافى جعفر
أحمد البلال الطيب

وهلم جر

Quote: أستاذنا الناجح حسين خوجلى أو يطل عمر الجزلى أو يغنى مجذوب أونسة مقدم البرامج الرياضية كمال حامد أمين حسن عمر الطيب مصطفى شروق أبو الناس سلفاكير الصافى جعفر أحمد البلال الطيب

هشام
سلامات

كدي من ناحية تانية
لاحظ إنّك إخترت مـجموعة من الأسـماء
كأنّـما فـي إجـماع عليها
وبالـمقابل عشان نصل للسّبب وراء الإجـماع علـى الـمجموعة دي
تساؤل :-
1- حسيـن خوجلـي - هل النّاس بتلعن سلسفيل علـي شـمّو مثلاً ؟
2- عمر الـجُّزلـي - هل النّاس بتلعن سلسفيل الطّيّب عبد الـماجد مثلاً ؟
3- مـجذوب أونسة - هل النّاس بتلعن سلسفيل عركـي مثلاً ؟
4- كمال حامد - هل النّاس بتلعن سلسفيل الرّشيد الـمهديّة مثلاً ؟
5- أميـن حسن عمر - هل النّاس بتلعن سلسفيل كمال علـي مثلاً ؟
6- الطّيّب مصطفـى - هل النّاس بتلعن سلسفيل دكتور فرانسيس دينق مثلاً ؟
7- شروق أبو النّاس - هل النّاس بتلعن سلسفيل حنان النّيل أو فهيـمة مثلاً ؟
8- سلفاكيـر - هل النّاس بتلعن سلسفيل جون قرنق مثلاً ؟
9- الصّافـي جعفر - هل النّاس بتلعن سلسفيل دكتور يوسف الكودة مثلاً ؟
10- أحـمد البلاّل الطّيّب - هل النّاس بتلعن سلسفيل مـحجوب مـحمّد صالـح مثلاً ؟

جبته الرايحه يا لؤي
القائمة المختاره في اجماع بين الناس عليها... والقائمة المضاده برضه في اجماع عليها...

تحياتي لصاحب البوست

مريم بت الحسين

لماذا نحب مريم بت الحسين رغم أننا لم نرها؟؟؟؟


لووووووووووووووووول

Quote: جبته الرايحه يا لؤي القائمة المختاره في اجماع بين الناس عليها... والقائمة المضاده برضه في اجماع عليها...

يا مريـم إزّيّك
وكيف مـحمود ونادر ؟

حُبّ النّاس موفور للبعض
والعكس صحيـح





تـحاياي

سلسفتو روحنا لكن يا هشام و لؤي

غايتو لستتك التانية دي يا هشام صعب الدفاع عنها

الطيب مصطفى ناجح بي وين بس؟

اللهم الا في النعيق على أطلال السودان
و القعاد على تلته

اللستة التانية يا سعد منتقاة من أفئدة الشعب السودانى

لووووووووووووووووووووول

Quote: سلسفتو روحنا لكن يا هشام و لؤي

سعد الدّيـن عبد الرّحـمن - هل النّاس بتلعن سلسفيل إنعام عبد الـحفيظ مثلاً ؟





مشتاقيـن يا رجل

آمنت بالله أنك عبقرى يا لؤى

تصدق كان هذا مطروحاً فى عقلى الباطنى

لماذا هذا يا لؤى؟؟؟؟

لماذا نحب ود الأمين والعطبراوى وخضر بشير رغم شناتم ولا نحب صلاح مصطفى رغم حلاتو؟؟؟؟ مع إنهم كلهم فنانين

لماذا هذا يا هذا؟؟؟؟

لماذا نحب مبارك الفاضل وبشرى الفاضل ولا نطيق آخرين هم مثلهم ضليعين فى السياسة والأدب بل ربما يفوقونهم سياسة وأدب؟؟؟

لماذا نحن هكذا نعمل بحسابات الأرواح جنود مجندة فتجدنا مثل ما ذكرت نجمع على حب قرنق ولا نطيق سلفاكير

لماذا؟؟؟؟

مصطفى عثمان محبوب رغم أنه يحمل نفس أيدولوجية عثمان محمد طه ،

الترابى الترابى لماذا نقول الروب من الترابى رغم أن الساحة الفكرية والسياسية لم تنجب مثله؟؟؟؟

والكثير الكثير من الأمثلة ، فقط أجيبونى لماذا؟؟؟؟؟

Quote: آمنت بالله أنك عبقرى يا لؤى تصدق كان هذا مطروحاً فى عقلى الباطنى لماذا هذا يا لؤى؟؟؟؟ لماذا نحب ود الأمين والعطبراوى وخضر بشير رغم شناتم ولا نحب صلاح مصطفى رغم حلاتو؟؟؟؟ مع إنهم كلهم فنانين لماذا هذا يا هذا؟؟؟؟ لماذا نحب مبارك الفاضل وبشرى الفاضل ولا نطيق آخرين هم مثلهم ضليعين فى السياسة والأدب بل ربما يفوقونهم سياسة وأدب؟؟؟ لماذا نحن هكذا نعمل بحسابات الأرواح جنود مجندة فتجدنا مثل ما ذكرت نجمع على حب قرنق ولا نطيق سلفاكير لماذا؟؟؟؟ مصطفى عثمان محبوب رغم أنه يحمل نفس أيدولوجية عثمان محمد طه ، الترابى الترابى لماذا نقول الروب من الترابى رغم أن الساحة الفكرية والسياسية لم تنجب مثله؟؟؟؟ والكثير الكثير من الأمثلة ، فقط أجيبونى لماذا؟؟؟؟؟

يا يا زول

عشان كيـمياء الإلفة والـمحبّة
القاعدة تـجذب بعض النّاس لبعض
وتفاصيـل تركيبة الشّخصيّة عند البشر
إضافة للتّصرُّفات والتّعامل
يا خلّتك فـي نظر النّاس نيلسون مانديلاّ
يا جورج دبليو بوش

Quote: سعد الدّيـن عبد الرّحـمن - هل النّاس بتلعن سلسفيل إنعام عبد الـحفيظ مثلاً ؟ مشتاقيـن يا رجل

والله لكن..
هسة البنية دي كربتا في الدنيا دي شنو يا الله
يا إنعام
لؤي دا بحدر ليك و الشمس فوق

-----
بالأكتر يا بتاع السمك

Quote: والله لكن.. هسة البنية دي كربتا في الدنيا دي شنو يا الله يا إنعام لؤي دا بحدر ليك و الشمس فوق

يا صديقـي
اللبيب بالإشارة يفهـم
كدي قارن بيـن :-

Quote: 1- حسيـن خوجلـي - هل النّاس بتلعن سلسفيل علـي شـمّو مثلاً ؟ 2- عمر الـجُّزلـي - هل النّاس بتلعن سلسفيل الطّيّب عبد الـماجد مثلاً ؟ 3- مـجذوب أونسة - هل النّاس بتلعن سلسفيل عركـي مثلاً ؟

وبيـن :-

Quote: سعد الدّيـن عبد الرّحـمن - هل النّاس بتلعن سلسفيل إنعام عبد الـحفيظ مثلاً ؟

وشتّان ما بيـن الأحـمر والأخضر





وعُذراً هشام
الزّول دا واحشنا بس

يا حبيب مش كتبتني بالأحمر
حلوين شديد
إن شاء أطلع قدقدو أب سنينات زاتو

أخي هشام
تحياتي

لا أعتقد أن السودانيين يكرهون النجاح للآخرين

و لكن معظم السودانيين يجنحون غالبا إلى ( شخصنة الأمور )
يكيلون الأمور بمكيال المزاج المتقلب و مزاجنا يتحكم فيه مناخنا الفريد و حياتنا الأعجب ، و أحيانا يتحكم فيهم الإنطباع الأوّلي
في قرارة نفوسهم يقتنعون بأن فلان ناجح ، و لكن عدة عوامل أخرى تطغى على الحكم بالنجاح.
كثيرا ما يكون رأي البعض في شخص ما رأيا سلبيا بل و بشكل متطرف أحيانا ، و لكن عند محك معين و موقف معين تجد هؤلاء البعض نفسهم يقفون مع الحق بقوة و إنصاف الشخص نفسه الذي كالوا له الذم.
نحن أكثر شعب يتعامل مع جزئية البلاغة ( الذم بما يشبه المدح و المدح بما يشبه الذم ).

نحن شعب فريد و متفرد في أشياء كثيرة ، لنا عيوبنا ، و لكن لا أعتقد أن كراهية النجاح تقبع في جيناتنا.

دمتم
مع تحياتي للأسرة و ناس برة

أخى أبوجهينة

أصبت عين الحقيقة يا أخى وقديما قالوا وعند جهينة الخبر اليقين

تحياتى يا رجل وتحياتك واصلة بإذن الله

Quote: اللستة التانية يا سعد منتقاة من أفئدة الشعب السودانى

دحين متأكد يا هشام إنها من الأفئدة؟

الأخ سعدالدين

نعم يا حبيب فهى لغة القلوب

تحياتى

وحٌب الناس مذاهب. يااخي

بالاضافه لي كلام لؤي

داير اقول انو العنوان ما عاجبني

كمان هل انت داير الناس تحب اي زول نجح في الشئ البيعمل فيهو؟

مثلا نحب الطيب مصطفي عشان نجح في انو يجعل من الانفصال خيارا جاذبا فهو انسان ناجح

وكذلك ممكن نحب الرسام الدنماركي لانو نجح في انو يزعل ملايين البشر

ونحب بوش لانو نجح في عزو العراق

وصدام لانو نجح في عزو الكويت وإبادة قريه من الاعداء الاكراد

والبشير لانو نجح في قيادة انقلاب والبقاء 21 سنه غصبا علي شعبو


وهولاكو وهتلر

وهلمجره

يازول سلام،
في 17/8/2006 كتبت البوست أدناه ( وهو أول مشاركة لي في سودانيزأونلاين) كرد على أحد الزملاء الأفاضل كان يرى ، ضمن ما يرى، ما جاء في (بوستك) هذا ورأيت أن أقتطع منه الجزئية التالية والتي ربما تتصل بموضوعك.
مودتي..
إن النعوت التي أوردتها في حديثك ذاك من ( حسد وغل ومحاربة المبدعين) ربما تتوفر في قلة منبتّة الصلة بعموم أهل السودان, فأهلي يكرّمون المبدعين الأصائل أحياءا وأمواتا ويوسعون لهم في المجالس والقلوب ماظل هؤلاء على تواضعهم ، كشرط واقف!!! . ليس لديهم المادة مجلبة للحسد ، وعلام يَحسدون كما تقول؟ أنت منهم وإن أبدعت شالوك في حدقاتهم وإلا فراجع خارطة طريقك لأن الذي لايقيس نبض الجماهير حتما (ضاهب) ، فالجماهيرهي الصادقة دوما ولها أجهزة اِستقبال واِرسال عالية الحساسية ما سمِعَت بها هيوليت باكارد ومزوّدة برادارات فطرية، وهي كالبحر ( لايتبع بوصلة ولكن تتبعه البوصلات). أهلي ، ياسيدي ، لايحسدون بل ينفرون خفافا وثقالا ليبنوا (قطاطي ودرادر) بعضهم ، ويعدّون ( الكشف) لزواج معسرهم وموسرهم ، ويشيعون موتاهم ويتقبلون العزاء في الجار كالقريب والنسيب على حد سواء ؛ ومحتسي الدنان منهم في ليله يستغفر رب الجنان في صباحه، يسارعون بـ (الحشّاشات والكدنكات) ليزرعوا (بلدان) بعضهم البعض قبل أن يفتينا البلاشفة والمناشفة بنظرياتهم عن سالفة الكوميونات والكولخوزات

لا يا د. معز بخيت .. الشعب السوداني ليس ملوثا ولا حاسدا... بل نقيا ومحبا صادقا

اللستـة دى ناقصـة يا زول

وين اسماء الرئيس البشير والأستاذ على عثمان والدكتور نافع؟

موش برضو ناجحين وحكموا السودان 20 سنـة؟

يازول

يازول


وأزيدك شويتين

أنا من كنت صغير ما عا########ي حكاية "" جحا حج حجتين ""

جحا ما غيرو
يحج حجتين اثنين
وأنا جيبي فضيان
ولا ملين
جحا ياحاج ما حاج

إنعام عبد الـحفيظ مثلاً ؟

يا لؤي
مثل من وجدان الشعب البوردابي

القرضابى

ياخ إنت زاتك مثل من وجدان الشعب السودانى

تسلم يا أستاذ

المسافر

جحا حج حجتين

وكمية سخافات زى طبق طبقنا طبق طبق طبقكم يقدر إلخ

أو دخل القش وما قال كش

يعنى قصدك فى أمثال برضو زى باقى الخلق فيهم المحبوب وفيهم المكروه؟؟؟

مثلا طه القرشى مريض ، رغم المرض لكن السودانيين يحبون ذلك

لوووووووووووووووول

الأخ أبوريش

إنت شايف كده؟؟؟؟

لوووووووووووول

الأخ محمد المرتضى

إضافة ثرية بحق وحقيقة

تشكر يا ملك

الأخ عاطف عبدون

إنت مشيت بعيد كده مالك؟؟؟؟

المر

صدقت يا أخى فحب الناس مذاهب

والسؤال ، لماذا هنالك إجماع على هذا المذهب؟؟؟؟

والإجابة صعبة أنا عارف

الحبوب هشام .

عارف يا صديقى ... حسب تجربتى المتواضعة .. فإن الشعب السودانى يتميز بفراسة غير عادية فى التصنيف !!

يعنى لو اتنين سودانين قالوا ليك : فلان دا نحنا بنكرهه .. اكد تماما أن هذا الشخص بنكره .. بنكره !

اما الاسماء التى ذكرتها اعلاه انا متأكد ان .. 99,999 % من الشعب السودانى مش بكرهوهم فقط .. مكجننهم عديل كدا !!

اما الـ 0,001 ... فديل اكيد ما بعرفوا الناس ديل !

عليك الله يا هشام ورينا حاجة واحدة تخلينا نحب الناس ديل ؟؟

ديل لو ناجحين فى حاجة هى .. عكننت الشعب السودانى !!

تصدق يا هشام انا بس قرأت الاسماء .. اتعكننت .. و ماشى افتش لى فول و فحل بصل !

ان شاء الله نقدر ننوم !

الزول سلام

شوف الحكمة دي
الزيط من الله

صدقت يا عمار

تحياتى

العميد يوسف

ولماذا نحبك كل هذا الحب؟؟؟؟

لووووووووووووول

هل عندك جلب؟؟؟؟؟

أم عندهم سخف؟؟؟؟