Post: #1
Title: هاشم صديق .. كشاف حال
Author: محمد مصطفي مجذوب
Date: 01-19-2011, 08:58 AM
هاشم صديق ...
كشاف حال
وحات الله ..
ورسول الله
اتجزم ...وحلف حرم
قال كلاما
عمرو ما انقال
في شرعة الانقاذ
وسيل الدم
في بيوت اشباح
مصوهو ناس
عقيد وعميد
وعساكر الجن والخوبال...
كلام هاشم صديق
كشف العورة ...
زي زلزال
للماحسو جوع اطفال
ولا شافو فجيعة الناس
الطفحت هم ..
شقت الكبده والطوحال
من شريعة كروش وقروش
والدقون القاشه زي غربال
ظنوها دايمة ام بناين قش
في شان بتوارثوها عروش
اتفاصلوها علي ناساتم
زي العراقي والسروال
هاشم صديق
كلامو المر..
طال الما بنطال
اتسدر الكلاشنكوف
واتدرع قيدا
تلت متلوت
ركز للسوط
وكي النار..
وسحل العسكرالمخلوف
ركوز الجعلي للشبال
وحات الله ..
ورسول الله
هاشم صديق بغازل الموت
وكره العيشه
ام زغاريدا
بقت ثكلي
خشم البيت فاتح
ليل ونهار
بناتو ..اخواتو ..
اماتو
اولاد اهلو ..
وجيرانو
ينوحوا ...نوح السواقي
العمرو يوم
ما سكت ثانيه
المويتو كاسرة ترعة التربال [/B
للما سمع الخبر وللداير الشمار يزور الخبر الاكيد في
يا جماعة اللعب فكاّ في السودان ولا هاشم صديق ده قايم قنع؟
|
Post: #2
Title: Re: هاشم صديق .. كشاف حال
Author: يوسف السماني يوسف
Date: 01-19-2011, 11:21 AM
Parent: #1
محمد مصطفي
سلام
دا زول دغري عديل بكشف المستور ما بكلاش بقلم وطبشور .
Quote: هو ديل ما لهم
و مال الدين
وكت قولهم
كلام الله
و فعالهم
ما فعال صالحين
كتير فيهم
عديل حقار
و بالقرآن
كمان تجار
و كضابين
أكان بنزين
عدم .. أو جاز
وتعبوُ الناس
و ضاقو خلاص
صفوف واقفين
يقولولك
إرادة الله
وكان عدم الرخيص
و الغالى
في التموين
يقولولك
ده . غضب الله
و كان الموية
صبحت طين
يقولولك
ده من امريكا
والعملا
حمونا الشب
ولاد الكـــــــــــلب
عشان الشعب
يحرن تب
يقبّل
من صراط الدين
دحين يا وليد
هو ديل
ما لهم
و مال الدين
أكان كنزو
الدهب و المال
بلايينهم
تسوى جبال
وعرباتهم تخطف
العين
و بناياتم قصور
في قصور
وحاة الله
و كتاب الله |
|
|