يا شباب دى ما طريقة إنتفاضـة!

إنتفاضة بمناسبة إنفصال الجنوب واللا بمناسبة ثورة التونسيين، واللا بمناسبـة الهلاوين.. دى أقنعوا من خيرا فيها.

تانى إنتفاضـة مافى بالمنسابة..

وإنتفاضة لمنو وعشـان شنو؟

لا حكومة وحدة وطنية لا حكومـة قوميـة.. الموضوع أكبر من كل الجارى دا.

حكم فدرالى حقيقى للأقاليم تكون فيه سيدة قرارها السياسى فى حدود إقليمها وسيـدة مواردها الطبيعيـة.

إن لم يعترف المركز، ايا كان من يحكمه، بإستقلال الأقاليم فى الحكم الفدرالى، فإن الأقاليم سوف تطالب
بحق تقرير المصيـر وتجاهد فى سبيلـة..

أى كلام تانى عن إسقاط حكومة فى الخرطوم واللا إقامتها لا يعنى الأقاليم فى شئ.

تعالوا غشغشونا بإنتفاضة وجبهة عريضة وطويلة وموش عارف شنو تانى.. أهم شايفنهم.. الترابى والصادق والبشير
والميرغنى، كل واحد يلعب فى دور مخصص ليه، حيتامروا تانى عشان يطولوا عمر نظامهم الطائفى وإستمرار
حكم النخبة الفاشلـة..

اللعبة إنتهت.. مافى إنتفاضـة تانى ، دى بقت قديمة وبايخة.