لماذا لم يُشارِك الصّاِق المهدي في المُؤْتمر الصُّحُفي المُنْعقِد الآن بدار المُؤْتمر الشّعبي

بعد إعْتِقال التُّرابي

و تُشارِك فيه مريم
و قد إعْتلت المِنصّة قبل دقائق

و معها:
محمّد ضياء الدّين

عبد الله حسن أحمد

كمال المُحامي

يمكن يكون هو ذاتو معتقل ,,,






سلام ياعلاء ,,

وحاتك برّة


ــ
مرحب أبو كمال

يكون بفاوض في النظام

center>

إكرام
في فضيحة أكتر من لبس راجل لي نِقاب



كدي أسمعي راي التُّرابي في الصّادق و المُعارضة

و انت مالك يشارك و لا لم يشارك .

و بالمناسبة هذه المرحلة القادمة انتو

بلو رؤؤسكم ساي فالطوفان قادم ؟

Quote: و تُشارِك فيه مريم و قد إعْتلت المِنصّة قبل دقائق

يعني حزب الامة عندو ممثل ومتواجد



ــــــ
مالك يا علاء اخوي
الحصل ليك شنو

يا علاء يا سجم الرماد

انا مش قلت ليك ما تتدخل فى شئون الغير

انت ولد عاق ما بتسمع الكلام .

بالمناسبة كلمت الرجل .

عارفو منو ؟

ابعد من شئوننا يا علاء

المأزوم المُعقّد من روحو
كارِه ذاتو المسكون بعُقْدة الدُّونِيّة قريمان الحيران
حلوة شئوننا دي

يا طريطير إنت نوعك دة مِطْية للأسياد الفوق
لو مُتّا تِحْت القُبّة ما بِدْفنوك
من هسي أحْجِز ليك شِبير في البنداري
يا مأزوم أفندي

دوماً ما نجِد مريم رديفة للتُّرابي في مُؤْتمراته و ندواته
و لا نجد الصّادق
فهل لعدم ثِقة التُّرابي في الصّادق و التي صرّح بها كثيراً لخاصّتِه
و سبق أن أوردنا مِنْها عينةً في شكل تسْجيل صوتي!!
و معروف انّ التُّرابي دوماً ما يُسِر لخاصّته أنّ الصادق لا يُمْكن الوثوق فيه
بل يُقال أنّ رأيه الواضح و الصّريح أنّه لن يبني أيِّ تحالف مع الأُمّة في وجود الصّادق على رأسه
فهل لذلك يُحاول تلميع مريم؟

علاء سلامات
الأجتماع المهم فيه حضور القوي وممثليها ولا حضور الأشخاص ؟؟؟

يا علاء يا سجم الرماد

نصيحة

سيبك من امر السياسة و امشى شوف ليك بيعة و لا شروة

خاصة انو الدولار مرتفع

السمسرة افضل ليك

أما السيد الصادق و غيره من الناس الما قدرك ديل خلى دربهم

يا ولد يا سجم الرماد

شوف ليك شغلو تاثية افضل و انفع ليك

علاء ازيك...

مريم تتحضر فى هذة الفترة لقيادة حزب الامه

على ما اعتقد ...لانو الصادق المهدى شكلو حيعتزل

السياسه كما صرح اخيرا..

تحياتى ووافر الاحترام

العزيزة جِدا لُدن
سلامات يا غالية
يبدو أنّ ذلك ما سيحْدُث

أحزاب مُتوارثة
و قيادات البيت الواحد
ويقول ليك ديموقراطيّة
ودي الكثيف

محاولة هزيلة ومكشوفة لشق صفوف المعارضة
هسع بالله ما بتخجل من حكومتك الضعيفة دي ورئسيك المجرم المطارد دوليا

كان بياكل في باسطة

ما تحاول تخفِّف دمّك يا لتْخ

**

Quote: ما تحاول تخفِّف دمّك يا لتْخ

ههههههههههههه

دمو عثل بث

رغم زياراتي النادرة

أقول المشكلة ليست في رموز الديكتاتوريات لأن مثال نميري سابقا وبن على حاليا تدل على الخواتيم ونهايات المطاف
ولكن المشكلة في بتاعين الورنيش ولماعين احذية الدكتاتورية بشقيها المدني اوالعسكري أو التراش السياسي الذي يفسد الجو الصحي لأي مجتمع .

و حمير و مطايا و كِـلاب السّادة برضو
ما تنساهم عليك الله
المُقْعيين الأذِلاّء

ال



قاعد؟؟

التّكْتحو ما عِنْدو

علاء التحايا النواضر.........
حزب الامة في رأيي يجهز لنقلة كبيرة على نطاق قمة الهرم ... هو حزب كبير والاحزاب الكبيرة ( الديمقراطية ) لا تقوم باي عمل - اعتباطاً- ولكن تحسب حساب لكل صغيرة وكبيرة بعد التشاور مع القيادات ، من هذا المنطلق اجزم بان مريم الصادق سوف تكون قيادية كبيرة بالحزب هذا لما لم تصبح رئيسة الحزب بالفعل وفي النهاية اعضاء الحزب هم من سيقررون ولكني ارى مريم على راس الحزب في الفترة القادمة او المرحلة القادمة ان جاز التعبير .

اسامة

مرحبتين يا أُسامة
كيف أحوالك
إنت قايلنا نِحنا عِنْدنا مليون راي في الأحزاب دي ليه؟
لأنُّو بيتِم توارثها زيّها زي البيوت و الأملاك واحد
البجي بعد أبوهو بيرِث الحِزْب بي قاعِدّتو
يعني معقول ماف "مع إحترامي لمريم"
ماف من هو مُؤهّل أكثر مِنْها لقيادة الحِزْب ؟
وين الديموقراطيّة
دة ما نِظام ملكي عدييييييييييييييل

علاء ( لكن ما ابو السريع زاتو )

تعرف يا علاء في النهاية الصادق ما بفرض رايو واعضاء الحزب موافقين واي زول عندو اعتراض بقدمو لو بي كلام رسالة او انقل قلق من البحصل .. بعد كدة الناس بتقعد معاهو وبتحاول تقنعو اقتنع كان بها ( ماهو حزب ديمقراطي ) ما اقتنع بحاول يقنع الناس دي بنظريتو حس انو نظريتو دي ما جايبة همها بخلي الحزب ... ولو لاحظت معاي مافي زول (اجبروهو ) انو يوافق الموضوع بالتراضي والاقناع لانو فكرة الاحزاب اقناع في الاول ....

احترامي مجددا

اسامة

المرّة دي إتأخّرتا ليك مخصوص شان ما تسْحرني

ـــ
برضو راي يا أُسامة
و أسمعو نعم
و إحْترمو نعم
لكن أوافقك فيهو
صعبة شويّة
في ظِل ما أمامي مِنْ مُعْطيات
لأحزاب تُحْكم من قِبل أُسرة واحدة مُنْذ نشأتها

ان كانت للانقاذ حسنة واحدة فهي كنسها للطائفية الانتهازية مصاصي الدماء الى مزبلة التاريخ

و بعد ذلك ان شاء الله الانقاذ تلحقها في قاع الجُحر غير مأسوف عليها

___________________________

Quote: ما تحاول تخفِّف دمّك يا لتْخ

رفقاً باحفاد الناظر الدبكة

Quote: ان كانت للانقاذ حسنة واحدة فهي كنسها للطائفية الانتهازية مصاصي الدماء الى مزبلة التاريخ

ضِرار يا حبيب
سلِّم ياخ السّلام بي قروش
غايتو أن نتّفق في شيء أحسن من أن نخْتلِف في كُل شيء
خطوة لي قِدّام برضو

Quote: ان كانت للانقاذ حسنة واحدة فهي كنسها للطائفية الانتهازية مصاصي الدماء الى مزبلة التاريخ

والله يا جماعة كلام اخونا الصادق دا ما تدوه

ال و اط ة

كلام مليان وفي الصميم

Quote: إكرام في فضيحة أكتر من لبس راجل لي نِقاب كدي أسمعي راي التُّرابي في الصّادق و المُعارضة

سلام يا علاء

هل فعلاً الترابى عيـر الصادق بأنه إتنكـر فى نقاب أيام الإنقلاب؟

اشك فى الكلام دا، لما بينهم من علائق خاصـة.

بالمناسبة الموقع بتا يوتيوب محظور فى منطقتنا.

Quote: سلام يا علاء هل فعلاً الترابى عيـر الصادق بأنه إتنكـر فى نقاب أيام الإنقلاب؟

هلا يا أبو الرِّيش
سمِعت بقوله لذلك
و لم أسْمعه مُباشرة

المؤتمر بخصوص شنو؟

Quote: المؤتمر بخصوص شنو؟

إعْتِقال التُّرابي

علاء شكرا على الرد( الما سريع)

Quote: في ظِل ما أمامي مِنْ مُعْطيات لأحزاب تُحْكم من قِبل أُسرة واحدة مُنْذ نشأتها

بس لكن يا علاء معطياتك دي ناقصة (ولا مو) انت نسيت اهم حاجة وهي افراد واعضاء هذه الاحزاب الاحزاب دي لسه عندها اعضاء واحتمال يكون بينضم ليها شباب برضو وارد يلا هنا نحن ممكن نقول اي زول ما عاجبو الحال (سشيل كورتو ويفرتق). او بالعربي الفصحيح كل الاعضاء موافقين على رئاسة هذه الاسر ولو سألنا اي واحد من الاعضاء ممكن يقول انو شايفهم احسن من يقود هذه الاحزاب على حسب الاجندة بتاعت الحزب وبي كدة لو اي زول ما عجبو الحال ممكن بنفس السهولة بتاعت الاقتناع يترك الحزب .... حاجات زي دي يا علا بالرغم من انها بسيطة لكنها بتوفر للفرد التفكير بدون ضغوط وتخليهو يحترم اي قرار بتخذو في حياتو وبتفعل الديمقراطية بودن اي شروط....

اتمنا انو كلامي يكون واضح لأنو مرات بحس اني (بنطط) من نقطة لي نقطة ..

اسامة

مرحب تاني يا أُسامة
و مادام نِحْنا بنتْكلّم عن حِزْب بعينه
وهو حِزْب الأُمّة
و بخصوص كلامك دة

Quote: ولو سألنا اي واحد من الاعضاء ممكن يقول انو شايفهم احسن من يقود هذه الاحزاب على حسب الاجندة بتاعت الحزب

كدي نسْأل ود العُمْدة اللي كان ليهو أجر المُحاولة إنُّو يغيِّر القاعدة دي و ينافِس الإمام
لكن لم يُمهّد له الطّريق بل وُضعت أمامه المتاريس

و إنت قايل إنشقاقات الأُمّة الكتيييييييييييييييرة دي ليه؟

معليش يا علاء سلام عليك
الانقاذ شر و الطائفية شر آخر فلتأكل بعضها بعضاً و بذلك نضرب عصفورين بحجر واحد .

يا علاء انت تحارب الطائفية كرهاً فيها ام خوفاً من خلافتها للمؤتمر الوطني ؟


ود الباوقة
ربنا ما قال لا تقربوا الصلاة و كفى

Quote: يا علاء انت تحارب الطائفية كرهاً فيها ام خوفاً من خلافتها للمؤتمر الوطني ؟

مرحب يا صادق
بل كُرْهاً فيها و في مُمارساتها و سياساتها و سيطرة أُسر و أفراد بعينهم على حِزْب يدّعي الديموقراطية
و فاقد الشّيئ لا يُعْطيه


خِلافتها للمُؤتمر الوطني أراها مُسْتحيلة
مُش لأنّها كما قال د, نافع لا تملك العدد و لا العتاد فقط
لكن لأن الشّعب "الشّارِع"
كفر بها تماماً
و الجّيل الجّديد دة لن يقبل يوماً بسيادة و سيطرة أفراد أو أُسر

Quote: علاء سلامات الأجتماع المهم فيه حضور القوي وممثليها ولا حضور الأشخاص ؟؟؟

علاء سلامات تاني

Quote: علاء سلامات الأجتماع المهم فيه حضور القوي وممثليها ولا حضور الأشخاص ؟؟؟

مرحبتين أخي الكريم
عُمر مُحمّد إبْراهيم
بالطّبع المُهِم حُضور مُمثِّلين
فحِزْب الأُمة بقياداته و مُمثِّليه من دِقْنو و أفْتِلُّو
فنِعْم التّمثيل

Quote: مرحب يا صادق بل كُرْهاً فيها و في مُمارساتها و سياساتها و سيطرة أُسر و أفراد بعينهم على حِزْب يدّعي الديموقراطية و فاقد الشّيئ لا يُعْطيه

اذن دمروهم شر تدمير و حينئذ ستجدون الشارع جاهزاً للقيام بالواجب .

ضِرار
مَا لِجُرْحٍ بِمَيِّتٍ إيلامُ

Quote: محاولة هزيلة ومكشوفة لشق صفوف المعارضة

هههههههههههههههههههههههههههههههه
صفوف شنو ؟؟!!!
ييحو إنت طوّلت من البلد ؟؟!!

حبيبنا أحمد موسى
بيجو دة عليك الله ما تشْغِلو لينا
الزّول دة مُحرِّر جريدة مشهورة