شيخ الكارورى يتحدث فى خطبة الجمعه كمن فرغ من يوم الحساب..اتقى الله فى عباده فانك كادح ملاقى ربك

استمعت الى خطبةالجمعه فى تلفزيون السودان وكان المتحدث الشيخ عبد الجليل الكارورى
وباعتبار الشيخ من اهل الحسبة ومتفقه فى الدين قلت لاستزيد واستفيد من علمه فى زمان الغفلة هذا..
وليتنى ما استمعت اليه فاسمعوا ماقال شيخنا والله ما افتريت عليه كذبا..
باعتبار الخطبة منبر يتحدث فيها الخطيب عن مشاكل الناس الاجتماعية ومعاناتهم
دلف الشيخ الى نية الحكومة عن خفض الانفاق الحكومى وتقليل مصاريف التنفيذيين
من وزراء ودستوريين، حتى ينعكس ذلك على المواطن قال الشيخ اصلحه الله:

بدل ان تخصص الحكومه ثلاثة سيارات للوزير كان عليها ان تخصص له سيارتان ويخت
لاننا لانستعمل ماحبانا به الله من انهار كوسيلة مواصلات وعندما يعطى الوزير يخت
نكون بذلك خفضنا مصاريف الوزير وايضا يمكنه ان ياخذ به عائلته فى عطلة نهاية
الاسبوع فى نزهة نيلية وبذلك نكون اصطدنا عصفورين بحجر.

وتحدث بعد ذلك ان الحكومة الان رفعت الدعم عن سلعتى السكر والبنزين
(علما بانه لا يوجد دعم على تلك السلعتين من ايام سىء الذكر عبدالرحيم حمدى فى
اوائل سنين الانقاذ)
وقال رفعتهما لكى تذهبان لمستحقيهما والحكومة تفكر فى وسيلة مواصلات جديدة كالطرماج مثلا
اوالمترو وبذلك لايتضرر المواطن البسيط من رفع سعر البنزين.

وكأن شيخنا يريد ان يوهمنا بان سعر لورى التراب سوف لايزيد وسعر الخضار واللحمه
وكل سلعه، ناسيا شيخنا ان كل تلك السلع تاتى الى المستهلك عبر السيارات التى تعمل
بالبنزين وبالطبع سوف يزيد صاحب العربه الاجرة على الخضرجى او الجزار ويعكس هولاء
الزياده على سلعهم على المواطن المسكين..
ياشيخنا هذه ضرائب جديدة على المواطن وبدل ان تفرضها هذه الحكومة عليه مباشرة
وتستقطعها من الراتب، فعلتها بهذه الطريقه الملتوية..
قد لايصدقنى البعض ان هذا كلام انسان جاهل ناهيك عن شيخ فى مقام الكارورى لكن اقسم
لكم بالذى رفع السماء بلا عمد هذا ماقاله شيخنا لم ازيد او ازايد عليه بحرف حتى
استعمال اليخت فى العطلات قالها الشيخ ويخت نفسها لم يقل مركب او قارب قال يخت..
شيخنا اتقى الله فى نفسك وانت على عتبات القبر ما بتضمن تكمل ماهية الشهر ام لا
وقل قولا جميلا....
استغفر الله لى ولكم من ما قاله شيخنا وسمعت،،،

Quote: دلف الشيخ الى نية الحكومة عن خفض الانفاق الحكومى وتقليل مصاريف التنفيذيين من وزراء ودستوريين، حتى ينعكس ذلك على المواطن قال الشيخ اصلحه الله: بدل ان تخصص الحكومه ثلاثة سيارات للوزير كان عليها ان تخصص له سيارتان ويخت لاننا لانستعمل ماحبانا به الله من انهار كوسيلة مواصلات وعندما يعطى الوزير يخت نكون بذلك خفضنا مصاريف الوزير وايضا يمكنه ان ياخذ به عائلته فى عطلة نهاية الاسبوع فى نزهة نيلية وبذلك نكون اصطدنا عصفورين بحجر.

الموج يا صديق
يا سيدي دا بيكون جابوا ليهو الخطبه دي جاهزه علشان يهدئ الشعب اللي بدأ يحس بالضيق والغلاء ، المفسدون في الأرض يعرفوا كيف يأثروا في الشعب الغلبان بخطبه عصماء من رجل دين يعتبروه بيقول كلام حق ولكنه حديث باطل فقط من أجل عيون السلطان !

طيب ما يعملوا لبقية الشعب يخوت برضو وننعم بما حبانا الله من أنهار كوسيلة مواصلات ولا اليخوت دي لحوش بانقا بس !!

يا مونج ...لك صورة طال عمرو حيا و ميتا شيخ(كارورى)
وهو من ناحية ملاقى دى ملاقى....لكن (كادح) فيها قولان.....وقر قر قر

Quote: الموج يا صديق يا سيدي دا بيكون جابوا ليهو الخطبه دي جاهزه علشان يهدئ الشعب اللي بدأ يحس بالضيق والغلاء ، المفسدون في الأرض يعرفوا كيف يأثروا في الشعب الغلبان بخطبه عصماء من رجل دين يعتبروه بيقول كلام حق ولكنه حديث باطل فقط من أجل عيون السلطان ! طيب ما يعملوا لبقية الشعب يخوت برضو وننعم بما حبانا الله من أنهار كوسيلة مواصلات ولا اليخوت دي لحوش بانقا بس !!

مها يامها......... سلام تربيع
شيخ السجم ده كان قال قارب او مركب او رفاس كان قلنا ايوه
لكن يخت يخت كامل يعنى ربان و10 مساعدين ومجهز بغرف نوم ورفاهية
غايتو مرات انا بقول الزول ده والصافى جعفر شغالين معانا وبستفزو
فى الناس عشان الناس تتحرك ضد حكومة السجم،،

سلامات عزيزى صديق , تعرف قبل فترة كنت فى ضيافة صديقى عضو هذا المنبر عماد شمت , وقد حضرت السيدة بيا قوبنشتاين لزيارة الصديق عماد وهى عضوة فى البرلمان السويسرى وتنتمى لحزب الخضر , وبعد ان عرفنى بها الصديق عماد أخذنا نتحدث عن الاوضاع فى السودان حيث سبق لها زيارة السودان ضمن وفد برلمانى سويسرى وقد التقت شيخ حسن عندما كان فى السلطة , سالتها عن مخصصاتها كبرلمانية وسؤالى كان بسبب أنى شاهدتها وهى تقود دراجة هوائية , افادتنى بأن المخصصات الوحيدة التى تقدم لهم كبرلمانيين هى تذكرة قطار سنوية فى الدرجة ليتمكن النائب من حضور جلسات البرلمان , واردفت نحن أصلا موظفون وعمال لدينا مهننا التى نعتاش منها , وعندما تكون هناك جلسة للبرلمان يتم تعويض ساعات الغياب عن العمل بعمل اضافى , وعندما اخبرتها بان نوابنا أمد الله فى ايامهم وحفظهم يتقاضون مرتبات وتخصص لهم سيارات اما الوزراء فلا أستطيع ان احصر لك عدد أمتيازاتهم , ردت على قائلة اذن السياسة عندكم مهنة ومصدر للثراء لذا سياسييكم يتصارعون حولها اما نحن فالسياسة ربما كانت مصدر للتعاسة والهم والافقار , يعنى أسع انا لو نقلت ليها كلام شيخ الكارورى القال بطالب ب يخوت (جمع يخت) للوزراء بتظن فينى خير .

Quote: يا مونج ...لك صورة طال عمرو حيا و ميتا شيخ(كارورى) وهو من ناحية ملاقى دى ملاقى....لكن (كادح) فيها قولان.....وقر قر قر

معاويه الصايم ..ســــــــــلام
بالله شفت رؤية الشيخ الماكادح ده لتقليل الانفاق كيف؟؟
قال يخوت احى منكم،،،

Quote: قد لايصدقنى البعض ان هذا كلام انسان جاهل ناهيك عن شيخ فى مقام الكارورى لكن اقسم لكم بالذى رفع السماء بلا عمد هذا ماقاله شيخنا لم ازيد او ازايد عليه بحرف حتى استعمال اليخت فى العطلات قالها الشيخ ويخت نفسها لم يقل مركب او قارب قال يخت.. شيخنا اتقى الله فى نفسك وانت على عتبات القبر ما بتضمن تكمل ماهية الشهر ام لا وقل قولا جميلا.... استغفر الله لى ولكم من ما قاله شيخنا وسمعت،،،

ود الموج سبلامات
لسة الغريق قدام دي البداية
ولكن مين يقدر يقول البغلة في ة في
الابريق

Quote: يعنى أسع انا لو نقلت ليها كلام شيخ الكارورى القال بطالب ب يخوت (جمع يخت) للوزراء بتظن فينى خير

فيصل.........سلام
والله تحكى ليها كده يودوك مستشفى امراص نفسية..
ياخى ديك ناس محترمين مش زى الكرور العندنا ديل،،،

العزيز/ صديق الموج


في حياتي لم اسمع ممن يرتقي المنبر بمثل هذا المستوى ..
بالله مثل هذا يكون اماما فما بال البقية!!!!

لله في خلقه شؤون




تحياتي

Quote: ود الموج سبلامات لسة الغريق قدام دي البداية ولكن مين يقدر يقول البغلة في ة في الابريق

باسط المكى.....سلام

اغرق من كده يا باسط اخوى ما اظن يمر علينا
ده كلام الشيوخ سبحان الله،،،

صديق الموج ..
سلامات ..
يا اخوى إنت بتفتش للمحن ماااالك !!
و داير تجيب لروحك جلطه و سكته !!
انا شخصيا جنس ( القنوات ! ) دى ! قنعت منها لى زمن !
حفاظا على الصحة ...
و بعدين ده واحد من مجلس كهنة الطاغوت !!
إخيّل لى إسمو ( عبدالجليل النذير الكارورى ! ) !!
وجه ملتحى , كريه و قمىء .. إكف الرحمة ..
عبدالماجد

Quote: العزيز/ صديق الموج في حياتي لم اسمع ممن يرتقي المنبر بمثل هذا المستوى .. بالله مثل هذا يكون اماما فما بال البقية!!!! لله في خلقه شؤون تحياتي

عبد العزيز عيسى.......ازيك

والله يا عبد العزيز انا كان ما سمعت باضانى كان قلت لى اى زول
يقول لى كده انت كضاب..
شيخ شنو؟ده زول اثبت انه يفتقر الى ادنى درجة التدين
زول تهمه رقبته ويقول مايرضى السلطان فقط،،،

Quote: سلامات عزيزى صديق , تعرف قبل فترة كنت فى ضيافة صديقى عضو هذا المنبر عماد شمت , وقد حضرت السيدة بيا قوبنشتاين لزيارة الصديق عماد وهى عضوة فى البرلمان السويسرى وتنتمى لحزب الخضر , وبعد ان عرفنى بها الصديق عماد أخذنا نتحدث عن الاوضاع فى السودان حيث سبق لها زيارة السودان ضمن وفد برلمانى سويسرى وقد التقت شيخ حسن عندما كان فى السلطة , سالتها عن مخصصاتها كبرلمانية وسؤالى كان بسبب أنى شاهدتها وهى تقود دراجة هوائية , افادتنى بأن المخصصات الوحيدة التى تقدم لهم كبرلمانيين هى تذكرة قطار سنوية فى الدرجة ليتمكن النائب من حضور جلسات البرلمان , واردفت نحن أصلا موظفون وعمال لدينا مهننا التى نعتاش منها , وعندما تكون هناك جلسة للبرلمان يتم تعويض ساعات الغياب عن العمل بعمل اضافى , وعندما اخبرتها بان نوابنا أمد الله فى ايامهم وحفظهم يتقاضون مرتبات وتخصص لهم سيارات اما الوزراء فلا أستطيع ان احصر لك عدد أمتيازاتهم , ردت على قائلة اذن السياسة عندكم مهنة ومصدر للثراء لذا سياسييكم يتصارعون حولها اما نحن فالسياسة ربما كانت مصدر للتعاسة والهم والافقار , يعنى أسع انا لو نقلت ليها كلام شيخ الكارورى القال بطالب ب يخوت (جمع يخت) للوزراء بتظن فينى خير .

الكارورى دا يدوهو عجلة الا يسب الدين مكعب للحكومة!
جنى

والله يا صديق إنت يوم بطق ليك عِرِق من إرتفاع الضغط

يا أخوى البوديك تسمع الكارورى شنو ؟؟

حافظ على صحتك وإبتعد عن الحاجات دى

Quote: صديق الموج .. سلامات .. يا اخوى إنت بتفتش للمحن ماااالك !! و داير تجيب لروحك جلطه و سكته !! انا شخصيا جنس ( القنوات ! ) دى ! قنعت منها لى زمن ! حفاظا على الصحة ... و بعدين ده واحد من مجلس كهنة الطاغوت !! إخيّل لى إسمو ( عبدالجليل النذير الكارورى ! ) !! وجه ملتحى , كريه و قمىء .. إكف الرحمة .. عبدالماجد

عبد الماجد يا اخوى ..........سلام
والله يا عبد الماجد كايس اتفقه فى الدين
جاء الزول ده فقهنى عديل
لاحولا ولاقوة من علماء السلطان ديل،،،

يكون قاصد زي حق محمد بن راشد دا والا أقل منو ؟

غايتو لو انا وزير ما برضى بي أقل من كدا يخــت ..!


الناس إستعجلت في مثل الحسانيه ساكت .. كان صبروا شويه كدا ...


مرات كتيره يا موج تقول الناس ديل عندهم قرآن تاني غير الذي اُنزل على محمد (ص)


استغفر الله العظيم ...

يا صديق انت متأكد أنو قال يخت عديل دي قوية دي لكن هسي ديل فضلو لماري أنطوانيت دي شنو؟؟؟

Quote: الكارورى دا يدوهو عجلة الا يسب الدين مكعب للحكومة! جنى

والله يا جنى نوع الوزراء ديل مفروض كلهم يدوهم كارو واحد،،،

ود الموج ... تحياتي
فعلا أدهشتني مثلك خطبة الكاروري التي أتابعها كل جمعة ... واستغربت للوزراء الذين أعرف لأول مرة أن الحكومة تخصص لكل واحد 3سيارات ... وسمعت مثلك كلمة اليخت والاستعاضة عن المواصلات بالمواصلات النهرية ... طيب أنحنا في الأبيض ياربي حنركب اليخوت كيف ؟؟؟ ولا خليك من الأبيض .. جماعتنا ناس عد حسين والأزهري وكمان ناس امبده والثورات وبهناك ناس الحاج يوسف والكدرو ديل يوصلوهم كيف ولا برضو الحكومة حتضطر تشق قنوات من النيل عشان المواصلات النهرية الرخيصة ؟؟؟


مسألة المواصلات دي هينه لكن بين السطور الكاروري قال جمله أظنها بتعني الكتير ولقد توقفت عندها طويلا ... قال ( يعني شنو ابيي وفايدتا لينا شنو ؟؟؟ ) ما الذي يمهد له الكاروري ؟؟؟؟؟؟؟!!!!!!!!
غايتو ... الاختشو ماتو !!!!

Quote: والله يا صديق إنت يوم بطق ليك عِرِق من إرتفاع الضغط يا أخوى البوديك تسمع الكارورى شنو ؟؟ حافظ على صحتك وإبتعد عن الحاجات دى

اسامه.........كيفك ليك وحشة

انت عارف انا جانى احساس انو شيخنا قال الصابئة الكفار المعارضين ديل
ما بسمعوا الخطبه النقول للناس القاعدين ديل اى كلام والسلام...
معقول زول عايز يخفض الانفاق يقول يخت لكل وزير،،،،

الاستاذ صديق تحياتي
ليس الغريب انه قال ذلك فهو قول يشبهه ولكن
الغريب انك كمثقف تبحث عن الفقه في الدين
من مثل الكاروري..........هذه مصيبة المثقفين في بلدي

Quote: الاستاذ صديق تحياتي ليس الغريب انه قال ذلك فهو قول يشبهه ولكن الغريب انك كمثقف تبحث عن الفقه في الدين من مثل الكاروري..........هذه مصيبة المثقفين في بلدي

أها يا صديق براك جبت الكلام لى روحك

ومع إنو كلام د. أحمد منطقى .. لكن حُسن ظنى بصديقى ود الموج أعتقد أنه كان يتمسك بأمل صحوة ضمير للكارورى

وأعتقد جازماً أنه ( أى صديق الموج ) متفقهاً فى الدين أكثر من فقيه السلطان الكارورى

شيخ التمكين والرفاهية



بدلا عن تعليم الأمة مفاهيم الإسلام السمحة ومكارم الأخلاق ( لو سرقت فاطمة بنت محمد لقطع محمد يدها)
قلب منبر الجمعة إلى ( إسلام سياسيى ) إنتو ياجماعة الناس ديل ما قاعدين يسمعوا خطبة الجمعة من
الحرم المكى الشريف وله شنو؟! برغم المؤامرات التى تحاك ضد العالم الاسلا مى إلا اننا ناخذ الكثير
من العبر ومكارم الأخلاق وعلى هدى الرسول صلى الله عليه وسلم والله يكفينا شر علماء السلطة والسلطان


تخريمة:
لكن لو جيت بالجد للحق
الإنقاذ فى منابر السودان
بقتهم بق ؟!

..

سلام
ياخ الناس دي ما بتختشي ولا تخاف الله..
هيئة علماء السودان وتنابلة السلطان ومن لف لفهم يتمتعون بامتيارزات تعادل مخصصات وزير اتحادي..
وهكذا تضيع أموال تعليم أبنائنا وعلاجهم .. فهولاء يعتاشون من مال الشعب بمخصصات ما أنزل الله بها من سلطان.. يعني باختصار: الراجل بقصد تخصيص عربتين ولنش لنفسه وزمرته كذلك ولا عزاء للشعب..
بمثل هولاء يحتمي الحرامية وحماة الفساد..
اختراماتي..

الصديق صديق
ياخي كل واحد بيتكلم علي حسب خلفيته الثقافية يعني الكاروري ده ثقافته كده طول عمره
ولد عز بيمشي المدرسة بالسواق والسفرجي بيكون واقف وهم بياكلوا في السفرة التي
لديها غرفة خاصة ف كلمة يخت دي عادية وفق الموروث الثقافي المنبثق من البيئة
التي تحمل كل دلالات الرفاهية .

امبارح نافع علي نافع قال في تلفزيون نحن ما اولاد ام در مان الحكومة الوزراء كلهم
من الضهاري ,
مرتزقة الضهاري وانت الصادق

Quote: يكون قاصد زي حق محمد بن راشد دا والا أقل منو ؟

هشام ابراهيم.كيف حالك

والله نحنس شيخنا ده يتواضع يرضى بى زى حق محمد بن راشد ده،،،

Quote: دحين يا وليد هو ديل ما لهم و مال الدين وكت قولهم كلام الله و فعالهم ما فعال صالحين كتير فيهم عديل حقار و بالقرآن كمان تجار و كضابين أكان بنزين عدم .. أو جاز وتعبوُ الناس و ضاقو خلاص صفوف واقفين يقولولك إرادة الله وكان عدم الرخيص و الغالى في التموين يقولولك ده . غضب الله و كان الموية صبحت طين يقولولك ده من امريكا والعملا حمونا الشب ولاد الكـــــــــــلب عشان الشعب يحرن تب يقبّل من صراط الدين دحين يا وليد هو ديل ما لهم و مال الدين أكان كنزو الدهب و المال بلايينهم تسوى جبال وعرباتهم تخطف العين و بناياتم قصور في قصور وحاة الله و كتاب الله أكان ادونا طوب فد سور كان سوينا الف أويضة لي مسكين

سلامات ياموج مالقيت كلام يشفي قليلي الا هاشم صديق .

Quote: يا صديق انت متأكد أنو قال يخت عديل دي قوية دي لكن هسي ديل فضلو لماري أنطوانيت دي شنو؟؟؟

الطيب يا اخوى اسمك ده مافى طريقه نقول ليك مصطفى الطيب؟؟
والله مارى انطوانيت تسمع زى الشيخ ده تقول ليه لكن بالغت يا كورور،،،

Quote: عبد العزيز عيسى.......ازيك والله يا عبد العزيز انا كان ما سمعت باضانى كان قلت لى اى زول يقول لى كده انت كضاب.. شيخ شنو؟ده زول اثبت انه يفتقر الى ادنى درجة التدين زول تهمه رقبته ويقول مايرضى السلطان فقط،،،

سخف في خطبة الجمعة في الخرطوم!!!


,وهذه تعليق كتبته عن خطبيته في يوم الجمعة 05/12/2008م في الرابط اعلاه

Quote: سلام تابعت قبل لحظات خطبة الجمعة التي تنقلها الإذاعة السودانية من أحد مساجد العاصمة.. خطيب المسجد تحدث عن بلادنا المطمئنة الآمنة وخيرها الوافر الكثير.. وكيف أننا نعيش في حرية غير موجودة في بلاد المسلمين الأخرى.. الحرية في أن تضحي وتذبح ضحيتك بكل حرية أمام بيتك بينما غيرنا في بلاد أخرى ليست له حرية حتى أن يضحي.. كل هذا يمكن أن يكون سفسطة ذر الرماد في العيون التي ينتهجها بحنكة ناس الإنقاذ لتوجيه الناس ولهيهم أن المآذق الحقيقية التي ادخلوا البلاد والعباد فيها.. قفز الخطيب الى ما وراء الحدود بعد أن طمأن الناس برخاء وعز العيش في السودان.. وبدأ يعدد مشاكل الإخوة الفلسطينيين.. الحصار.. وحرمان الناس من أداء فريضة الحج.. نحن في السودان قد غطينا كل عوراتنا وأشبعنا كل جوعانا فلماذا لا نجود بفيض عيشنا للغلابة في فلسطين الذين لم يستطيعوا الخروج من غزة للحج... يا سلام!!! كم من معسكر عندك في دارفور؟؟ كم من جائع يموت يوميا في دارفور.. كم من انسان مروع التعذيب والنزوح ثم القتل؟ أيها الخطيب الرعديد.. أيها الخطيب الجاهل تعلم انك لن تستطيع ان تغير الحقائق. وان الظلام الذي تجيد اللعب فيه سوف تسطع فيه شمس الحقيقة..

************

Quote: ود الموج ... تحياتي فعلا أدهشتني مثلك خطبة الكاروري التي أتابعها كل جمعة ... واستغربت للوزراء الذين أعرف لأول مرة أن الحكومة تخصص لكل واحد 3سيارات ... وسمعت مثلك كلمة اليخت والاستعاضة عن المواصلات بالمواصلات النهرية ... طيب أنحنا في الأبيض ياربي حنركب اليخوت كيف ؟؟؟ ولا خليك من الأبيض .. جماعتنا ناس عد حسين والأزهري وكمان ناس امبده والثورات وبهناك ناس الحاج يوسف والكدرو ديل يوصلوهم كيف ولا برضو الحكومة حتضطر تشق قنوات من النيل عشان المواصلات النهرية الرخيصة ؟؟؟ مسألة المواصلات دي هينه لكن بين السطور الكاروري قال جمله أظنها بتعني الكتير ولقد توقفت عندها طويلا ... قال ( يعني شنو ابيي وفايدتا لينا شنو ؟؟؟ ) ما الذي يمهد له الكاروري ؟؟؟؟؟؟؟!!!!!!!! غايتو ... الاختشو ماتو !!!!

عبد الدين سلامة....سلام
والله يا حبيب انا قلت الراجل ده قنع من الحكومة وعايز يورينا ان مخصصات الوزير ثلاثة سيارات
عشان الناس تكرهم اكتر وتثور عليهم..
وبعدين ياناس الابيض بس يدوكم اليخت ويافولة فلاته جاك يخت...ارموه فى الفوله دى وسوحو
يعنى ناس النيل اخير منكم بى شنو؟
وبعدين فعلا ابيى لاتعنى عند الاسلاميين اى شى..
غايتو يحلنا الحلا بله،،،