Post: #1
Title: عزيزي وزير الثروة الحيوانية .... انت قايلنا هنود؟!!!!!!!!!!!
Author: د.محمد حسن
Date: 01-17-2011, 12:51 PM
Parent: #0
شلاقتي خلتني افتح التلفزيون ( الناطق باسم الحكومة كما تفضل اخونا الشفيع بتوضيحه) وقلتت اقرا شريط الاخبار اشوف الحاصل في بلدنا شنو
يمر علي الخبر التالي
" وكيل وزارة الثروة الحيوانية يبحث مع مستثمر هندي سبل تنطوير الثروة الحيوانية)"
والله الوكيل ده فايق
يعني الهند واحدة من الدول التي ننافسها في السوق الخليجي فيما يختص باللحوم والحي يقوم يجي مستثمر هندي عشان ينافس بلده
بالله قول كلام غير ده
وبعدين المستثمر الهندي ده عينو للدهب البهبروا فيه كل الناس يجي عشان يسك الضان؟
يا عزيزي وكيل الوزراة ويا عزيزي د. فيصل بحكم زمالة واحترام لشخصك
انظرلماذا عزف المستثمر الخليجي بوجه عام والمستثمر السعودي على الاخص على الرغم من كل التسهيلات التي قدمتها حكومة خادم الحرمين ورجال الاعمال السعوديين لتطوير قطاع الثروة الحيوانية بالسودان
العلة يا عزيزي د. فيصل تكمن في ترهل الجهاز التنفيذي المركزي والولائي
وعدم خبرة من يتولون العمل الاداري
والفسااااااااااااااااااااااااااااااااااااااااااد
قال هندي قال
|
Post: #2
Title: Re: عزيزي وزير الثروة الحيوانية .... انت قايلنا هنود؟!!!!!!!!!!!
Author: Hisham Ibrahim
Date: 01-17-2011, 01:01 PM
Parent: #1
والله يا دكتور
واحد قربينا هنا بقى وكيل لي مستثمر سعودي ..
يعمل الله الكلام دا ليهو سنه ...!
معداتهم حقت الزراعه واقفه في بورســودان ليها سنه
آخر ما قيل حولها
دفع ضريبة القيمة المُضــافه ....
بالله عليك الله مصدقني ...!؟؟
ومن أفعالهم ( تدفع ليـ ناس الأرض الحا تزرع فيها ... ( تراضيهم )
حكاية إستثمار دي ما تجيب سيرتها هنا ...
بترفع لينا الضغط .... والبولينا ذاتو
|
Post: #3
Title: Re: عزيزي وزير الثروة الحيوانية .... انت قايلنا هنود؟!!!!!!!!!!!
Author: د.محمد حسن
Date: 01-17-2011, 01:11 PM
Parent: #2
هشام
بالله انت عندك بولينا وكمان نممكن تترفع
ياخ انت والله محظوظ كونك من غير المؤلفة قلوبهم ومازلت محتفظ ببولينتك
ديل نشفو البحر خلي بولينة الشعب المسكين ده
يازول احمد الله وقش خشمك واسكت
|
Post: #4
Title: Re: عزيزي وزير الثروة الحيوانية .... انت قايلنا هنود؟!!!!!!!!!!!
Author: د.محمد حسن
Date: 01-18-2011, 12:52 PM
المستثمر الهندي
اخو
عز الدين الهندي ؟!!!
ام تشابه اباء؟
|
Post: #5
Title: Re: عزيزي وزير الثروة الحيوانية .... انت قايلنا هنود؟!!!!!!!!!!!
Author: د.محمد حسن
Date: 01-18-2011, 05:15 PM
Parent: #4
وحتما سيقول الخروف السواكني
للتيس الهندي
يا رفيق
|
|