Post: #1
Title: أشهر صورة فى سودانيزاونلاين... هل من متفق؟
Author: محمد النيل
Date: 01-16-2011, 03:01 AM
Parent: #0
مستشفى الباوقة
والتى خرج منها احد ابناءها يدافع بإستماتة عن الحكومة
وينظم لها الشعر ونفخ الابواق ليل ونهار
|
Post: #2
Title: Re: أشهر صورة فى سودانيزاونلاين... هل من متفق؟
Author: احمد محمد بشير
Date: 01-16-2011, 03:08 AM
Parent: #1
العار للمدعو:
إبن الباوقة العاق.
سلامات ود النيل كيفنك.
|
Post: #3
Title: Re: أشهر صورة فى سودانيزاونلاين... هل من متفق؟
Author: صديق الموج
Date: 01-16-2011, 03:09 AM
Parent: #1
Quote: مستشفى الباوقة
والتى خرج منها احد ابناءها يدافع بإستماتة عن الحكومة
وينظم لها الشعر ونفخ الابواق ليل ونهار |
محمد النيل.. سلام
عرفتو ليك..
الرسول ما السمكه؟؟
|
Post: #4
Title: Re: أشهر صورة فى سودانيزاونلاين... هل من متفق؟
Author: محمد النيل
Date: 01-16-2011, 03:13 AM
Parent: #3
| Quote: سلامات ود النيل كيفنك. |
اهلا ود بشير
لك الود
|
Post: #6
Title: Re: أشهر صورة فى سودانيزاونلاين... هل من متفق؟
Author: محمد النيل
Date: 01-16-2011, 03:21 AM
Parent: #4
| Quote: الرسول ما السمكه؟؟ |
صديق الموج
مرحب
بمناسبة الموج
هل شفت ليك سمكة تطلع من بلدها
اقصد من مويتها وبدل ما تموت يصبح عندها المقدرة
انها تغنى وتنفخ وتنافح عن اللى بقى مويتها مالحة؟
سمكة برمائية غواصة
|
Post: #5
Title: Re: أشهر صورة فى سودانيزاونلاين... هل من متفق؟
Author: بريمة محمد
Date: 01-16-2011, 03:16 AM
Parent: #3
يا أخى محمد النيل
والله كأنى أصاب بالغثيان .. معقولة هذه الصورة من الشمالية ناهيك هى مستشفى عدييل كده ..!!
يا أخى أخير لينا نحن البقارة نشربوا لبن بقرنا ونتداووا بالأعشان بدل الدخول فى هذه الخرابة التى تشبه مقيلة الشياطين ..
لا حولة ولا قوة إلا بالله العلى العظيم ..
بريمة
|
Post: #7
Title: Re: أشهر صورة فى سودانيزاونلاين... هل من متفق؟
Author: محمد النيل
Date: 01-16-2011, 03:26 AM
Parent: #5
بريمة
سلاماتQuote: معقولة هذه الصورة من الشمالية ناهيك هى مستشفى عدييل كده ..!!
|
تخيل!
دى مصنع تركين ماتنفع
|
Post: #8
Title: Re: أشهر صورة فى سودانيزاونلاين... هل من متفق؟
Author: saadeldin abdelrahman
Date: 01-16-2011, 03:34 AM
Parent: #5
ياود الباوقة
ما لجرح بميت إيلام؟
|
Post: #9
Title: Re: أشهر صورة فى سودانيزاونلاين... هل من متفق؟
Author: محمد النيل
Date: 01-16-2011, 03:44 AM
Parent: #8
| Quote: ما لجرح بميت إيلام |
ولا يهم الشاة سلخها بعد ذبحها
=======
|
Post: #10
Title: Re: أشهر صورة فى سودانيزاونلاين... هل من متفق؟
Author: المعز ادريس
Date: 01-16-2011, 03:59 AM
Parent: #9
Quote: مستشفى الباوقة
والتى خرج منها احد ابناءها يدافع بإستماتة عن الحكومة
وينظم لها الشعر ونفخ الابواق ليل ونهار |
أظنه رافع شعار: يا كبرياء الجرح لو متنا لحاربت المقابر!
|
Post: #11
Title: Re: أشهر صورة فى سودانيزاونلاين... هل من متفق؟
Author: محمد النيل
Date: 01-16-2011, 04:14 AM
Parent: #10
| Quote: أظنه رافع شعار: يا كبرياء الجرح لو متنا لحاربت المقابر! |
ديل ناس المقابر ذاتهم ما ريحوهم
|
Post: #12
Title: Re: أشهر صورة فى سودانيزاونلاين... هل من متفق؟
Author: الشفيع وراق عبد الرحمن
Date: 01-16-2011, 06:07 AM
Parent: #11
شكراً أخونا محمد النيل
الصورة معبرة جدا جدا وتحكي قصص كتيرة
الصورة (يجب) إهدائها لـ(محمد سليمان) وتراجي
الصورة مهداة ايضا لكل من يظن ان اهل الشمالية منعمين وبياكلو (باسطة)
الصورة بتقول انو الانقاذ (ساوت) بين اجزاء السودان المختلفة في الظلم والتهميش
|
Post: #13
Title: Re: أشهر صورة فى سودانيزاونلاين... هل من متفق؟
Author: haroon diyab
Date: 01-16-2011, 06:14 AM
Parent: #12
من المسئول.....؟
|
Post: #15
Title: Re: أشهر صورة فى سودانيزاونلاين... هل من متفق؟
Author: عبد المنعم ابراهيم الحاج
Date: 01-16-2011, 06:28 AM
Parent: #13
| Quote: الصورة بتقول انو الانقاذ (ساوت) بين اجزاء السودان المختلفة في الظلم والتهميش |
دي قلبت فيها الهوبة ياالشفيع .. قلت لي
ساوت في إيه وفي إيه ..
إعتراف بائن بظلم الإنقاذ للعباد في مشارق الأرض ومغاربها .
كدا تمام خليك علي هذه النغمة بحق مريحة شديد .
لك التحية
فعلا دي أشهر صورة في سودانيزأونلاين
لك التحية يا م. النيل
|
Post: #14
Title: Re: أشهر صورة فى سودانيزاونلاين... هل من متفق؟
Author: Zomrawi Alweli
Date: 01-16-2011, 06:20 AM
Parent: #12
والله نفسي اعرف مين النجر الباب دا
من فوق 45 سم ومن تحت 30 سم
ود الباوقة والصقرية مع البشير
|
Post: #16
Title: Re: أشهر صورة فى سودانيزاونلاين... هل من متفق؟
Author: الطيب رحمه قريمان
Date: 01-16-2011, 06:36 AM
Parent: #12
يا الشفيع يا وراق
من قال لك ان الشمالية ليس بهامش ؟؟؟
و لا انت لو ما جبت طارى ناس الهامش ما بترتاح .
الكيزان لصوص و ارزقية , و خير مثال انت .
Quote: شكراً أخونا محمد النيل
الصورة معبرة جدا جدا وتحكي قصص كتيرة
الصورة (يجب) إهدائها لـ(محمد سليمان) وتراجي
الصورة مهداة ايضا لكل من يظن ان اهل الشمالية منعمين وبياكلو (باسطة)
الصورة بتقول انو الانقاذ (ساوت) بين اجزاء السودان المختلفة في الظلم والتهميش
|
|
Post: #17
Title: Re: أشهر صورة فى سودانيزاونلاين... هل من متفق؟
Author: محمد النيل
Date: 01-16-2011, 06:57 AM
Parent: #16
Quote: الصورة (يجب) إهدائها لـ(محمد سليمان) وتراجي
الصورة مهداة ايضا لكل من يظن ان اهل الشمالية منعمين وبياكلو (باسطة)
الصورة بتقول انو الانقاذ (ساوت) بين اجزاء السودان المختلفة في الظلم والتهميش
|
الاخ الشفيع
الاقاليم كلها مهمشة
السودان فى نظر الكيزان هى الخرطوم وبس
بل الطائف والمنشة وكوبر بس
لكن الاشخاص اللى ذكرتهم فى الكوت اعلاه يرفعون صوت الاحتجاج لما اصابهم من تهميش بكل شجاعة
لكن هل احتج من يتبع لمنطقة للباوقة هنا؟
لا
بل يشجع ويرفع عقيرته مساندا من حطم صحة وسلامة اهله
|
Post: #18
Title: Re: أشهر صورة فى سودانيزاونلاين... هل من متفق؟
Author: معتصم الطاهر
Date: 01-16-2011, 07:10 AM
Parent: #17
المقاييس أعلاه ليست صحيحة
فالمقاييس تضرب × 2 ..
ثم هناك زاوية التصوير .. فقد تم التصوير من زاوية ( BIV)
والصورة ليست لمستشفى
فهى لمركز صحي ..
وهذا لا يعفى الانقاذ ولا المسئولين ولا ود الباوقة لو صحت أن الصورة من الباوقة ..
|
Post: #19
Title: Re: أشهر صورة فى سودانيزاونلاين... هل من متفق؟
Author: المسافر
Date: 01-16-2011, 07:20 AM
Parent: #17
Quote:
والله نفسي اعرف مين النجر الباب دا
من فوق 45 سم ومن تحت 30 سم
|
زمراوي
يا أبو عين حمرا
الباب نجروه قبل نصف قرن
وقبل نيف وأربعون سنة حظي بركلات الطلاب وهم يلتهمون أبا عديس فاهم من مطعم الدبان
بس الصورة دي مقلوبه
وعشان كده قلبتك هوبة
التوبة للنار اوبة
يا جماعة ما تذنبو ود الباوقة بكل ما ليس منه بد فهو رجل مكافح ولا يجد وقت ينفقه في الشأن العام في كل كبيرة وصغيرة وهو وأخوانه الكرام عملوا ما في وسعهم ووفرو إمكانيات لكن العين بصيرة والإيد قصيرة، والظروف أكبر من أن يقابلها فرد يعاونه أفراد... الظروف ظروف شدة ... وشدة شديدة... ولا يمكن تغييرها شخص أو أفراد وهي أمر يتطلب مقدرات بلد تحقق العدالة بين مواطنيها ، وليس التشريد للبعض والمحاباة للسدنة والهدنة والكمنة
|
Post: #20
Title: Re: أشهر صورة فى سودانيزاونلاين... هل من متفق؟
Author: محمد النيل
Date: 01-16-2011, 04:59 PM
Parent: #19
Quote: والصورة ليست لمستشفى
فهى لمركز صحي
وهذا لا يعفى الانقاذ ولا المسئولين ولا ود الباوقة لو صحت أن الصورة من الباوقة . |
معتصم سلام
انت بتقول (لو صحت)
كيف تاكدت انو مركز صحى؟
تحياتى
|
Post: #21
Title: Re: أشهر صورة فى سودانيزاونلاين... هل من متفق؟
Author: Mustafa Mahmoud
Date: 01-16-2011, 05:04 PM
Parent: #20
التحية لعيال قوش من الباوقة كانو ام من ................................
|
Post: #22
Title: Re: أشهر صورة فى سودانيزاونلاين... هل من متفق؟
Author: محمد النيل
Date: 01-16-2011, 05:18 PM
Parent: #21
| Quote: يا جماعة ما تذنبو ود الباوقة بكل ما ليس منه بد فهو رجل مكافح ولا يجد وقت ينفقه في الشأن العام في كل كبيرة وصغيرة وهو وأخوانه الكرام عملوا ما في وسعهم ووفرو إمكانيات لكن العين بصيرة والإيد قصيرة، والظروف أكبر من أن يقابلها فرد يعاونه أفراد.. |
نحن لم نطالب ود الباوقة لصيانة المستشفى
بل الحكم الذى له يغنى و يعرض ود الباوقة
وزير اعلام الدولة بالمنبر
|
Post: #23
Title: Re: أشهر صورة فى سودانيزاونلاين... هل من متفق؟
Author: معتصم الطاهر
Date: 01-16-2011, 05:29 PM
Parent: #20
Quote: Quote: والصورة ليست لمستشفى
فهى لمركز صحي
وهذا لا يعفى الانقاذ ولا المسئولين ولا ود الباوقة لو صحت أن الصورة من الباوقة . |
Quote: معتصم سلام
انت بتقول (لو صحت)
كيف تاكدت انو مركز صحى؟
تحياتى |
وعليك السلام والرحمة..اخي محمد النيل ..
الصورة لمركز صحي ..
فالمراكزالصحية تبنى فيها مثل هذه الجلسات للانتظار قبل الدخول للحكيم باشى ..
أما المستشفيات ولو صغرت او كانت طينية ..فتصميمها يكون مختلفا ..اذا تكون فيها صالة والجلوس أما مواجها الباب أو عكسه ..
وتكون من الطوب الأحمر ..حتى فى ( دار مالى قعر الصعيد) ..
|
Post: #24
Title: Re: أشهر صورة فى سودانيزاونلاين... هل من متفق؟
Author: محمد النيل
Date: 01-16-2011, 08:14 PM
Parent: #23
يا معتصم
عشان تآمن
هذه بقية صور المستشفى
اهن كدا كيف؟
|
Post: #25
Title: Re: أشهر صورة فى سودانيزاونلاين... هل من متفق؟
Author: محمد النيل
Date: 01-16-2011, 08:16 PM
Parent: #24
لا طوب احمر لا يحزنون
|
Post: #26
Title: Re: أشهر صورة فى سودانيزاونلاين... هل من متفق؟
Author: اشرف السر
Date: 01-16-2011, 08:32 PM
Parent: #25
الصور محزنة بحق
وجل مستشفيات الاقاليم على هذه الشاكلة...
ود الباوقة ما عليهو لوم
كلامو واضح وما فيه دغمسه
الشريعة قبل القوت
فما بالكم بالعلاج؟
---
حلوه يصوقر هو والمشير في ساحة المستشفى
وليصفق اعضاء البرلمان المنتخب في عهد الانقاذ
|
Post: #27
Title: Re: أشهر صورة فى سودانيزاونلاين... هل من متفق؟
Author: جمال الباقر
Date: 01-16-2011, 08:35 PM
Parent: #25
Quote: محمد النيل.. سلام
عرفتو ليك..
الرسول ما السمكه؟؟ |
كاااااااااااااااااااك وكااااااااااااااااك تاني
يا ود الموج ياخي كتلتنا من الضحك وتاني توبة اشوف ليك مداخلة وانا في الشغل
|
Post: #28
Title: Re: أشهر صورة فى سودانيزاونلاين... هل من متفق؟
Author: الطيب عبد الرحيم خلف الله
Date: 01-16-2011, 09:25 PM
Parent: #25
Quote: الصورة مهداة ايضا لكل من يظن ان اهل الشمالية منعمين وبياكلو (باسطة)
الصورة بتقول انو الانقاذ (ساوت) بين اجزاء السودان المختلفة في الظلم والتهميش
|
يقيني يا وراق أن أهل الشمالية رويانين لي (حلوقم) من خيرات الأرض،
ويقيني أن جذور شجرة القريب فروت هذه موجودة قبل أن تأتـي الإنقاذ،
والمفارقة أن الباوقة جنة النخيل تخلو مستشفاها من النخيل والنجيل
المصدر: http://www.albawga.com/forums
ويقيني يا محمد النيل أن الحال من بعضه سواء في الباوقة ام كادقلي أم الجزيرة ابا أم أم كدادة..
وكان الله في عون المرضى والمراجعين الغلابة حتى في مستشفيات مثل مدني وبورتسودان والخرطوم.
تحية للجميع،،
|
Post: #29
Title: Re: أشهر صورة فى سودانيزاونلاين... هل من متفق؟
Author: محمد النيل
Date: 01-16-2011, 10:06 PM
Parent: #28
Quote:
ويقيني يا محمد النيل أن الحال من بعضه سواء في الباوقة ام كادقلي أم الجزيرة ابا أم أم كدادة..
وكان الله في عون المرضى والمراجعين الغلابة حتى في مستشفيات مثل مدني وبورتسودان والخرطوم.
تحية للجميع،، |
شكرا الطيب
|
Post: #30
Title: Re: أشهر صورة فى سودانيزاونلاين... هل من متفق؟
Author: حسن حماد محمد
Date: 01-16-2011, 10:14 PM
Parent: #1
الأخ محمد سلامات
| Quote: الصورة بتقول انو الانقاذ (ساوت) بين اجزاء السودان المختلفة في الظلم والتهميش |
قرط على كدا
|
Post: #31
Title: Re: أشهر صورة فى سودانيزاونلاين... هل من متفق؟
Author: حبيب نورة
Date: 01-16-2011, 10:51 PM
Parent: #30
قصة غرررييييبة
أين ود الباوقة
|
Post: #32
Title: Re: أشهر صورة فى سودانيزاونلاين... هل من متفق؟
Author: محمد النيل
Date: 01-16-2011, 11:09 PM
Parent: #31
حسن حماد
وماذا بعد التقريط؟
تحايا مقرطة جدا
|
Post: #33
Title: Re: أشهر صورة فى سودانيزاونلاين... هل من متفق؟
Author: Mustafa Mahmoud
Date: 01-16-2011, 11:13 PM
Parent: #32
Quote:
مناهل ابراهيم
تاريخ التسجيل: 10-08-2009
مجموع المشاركات: 150
انثي ولادسته رجال ذيك ياود الباوقه
ياود الباوقه جرعة النضال الزايده عندي دي علي حد وصفك لو ادوك منها سيسي كان بطلت مباراة من خانو الوطن وانا بت سودانيه ابسط من بسيطه لكن بساوي عشر رجال ذيك وميه ذي نافع والف راجل ذي البشير |
|
Post: #37
Title: Re: أشهر صورة فى سودانيزاونلاين... هل من متفق؟
Author: مها عبد الله
Date: 01-16-2011, 11:25 PM
Parent: #33
حكومة الفساد لا يهمها غير التمسك بكرسي الحكم ، والمنتفعون هم أقرباء العصابة أما البقيه من مطبلي النظام فهم ( المغفلون ) ، و ( كافوري بانقا ) خير دليل .
ود الباوقه والله بالغت عدييييييييل ،
تحياتي محمد النيل
|
Post: #34
Title: Re: أشهر صورة فى سودانيزاونلاين... هل من متفق؟
Author: محمد النيل
Date: 01-16-2011, 11:15 PM
Parent: #32
حبيب نورة الزول الكتاب
كب الزوغة
|
Post: #38
Title: Re: أشهر صورة فى سودانيزاونلاين... هل من متفق؟
Author: elsawi
Date: 01-16-2011, 11:29 PM
Parent: #34
Quote:
شكراً أخونا محمد النيل
الصورة معبرة جدا جدا وتحكي قصص كتيرة
الصورة (يجب) إهدائها لـ(محمد سليمان) وتراجي
الصورة مهداة ايضا لكل من يظن ان اهل الشمالية منعمين وبياكلو (باسطة)
الصورة بتقول انو الانقاذ (ساوت) بين اجزاء السودان المختلفة في الظلم والتهميش |
لا حول ولا قوة إلا بالله
اللهم لا نسالك رد القضاء
ولكنا نسألك اللطف فيه
|
Post: #35
Title: Re: أشهر صورة فى سودانيزاونلاين... هل من متفق؟
Author: حسن حماد محمد
Date: 01-16-2011, 11:20 PM
Parent: #1
أخى محمد
| Quote: وماذا بعد التقريط؟ |
مخطئ من يظن أن الانقاذ جاءت للانقاذ
ماهى الا واحد وعشرون عام من الدغمسة ليس الا
|
Post: #36
Title: Re: أشهر صورة فى سودانيزاونلاين... هل من متفق؟
Author: Mustafa Mahmoud
Date: 01-16-2011, 11:22 PM
Parent: #35
Quote: كتب احد الاصدقاء :
والله لم أرى في حياتي أتفه من هؤلاء الإسلاميين الظلاميين..
كل ما إنفضح أمر واحد توارى وإنزوى..
هم قطط سمان لا تعرف سوى الغدر.. السيخ والمطاوي المتخفية..
هم عديمي الرأي والحجة..
تحياتي |
|
Post: #39
Title: Re: أشهر صورة فى سودانيزاونلاين... هل من متفق؟
Author: محمد النيل
Date: 01-16-2011, 11:36 PM
Parent: #36
| Quote: مخطئ من يظن أن الانقاذ جاءت للانقاذ |
صدقت اخى حسن حماد
شوية اللى كان فى
غتسو حجرو
تحايا مغتسة بالعسل
|
Post: #40
Title: Re: أشهر صورة فى سودانيزاونلاين... هل من متفق؟
Author: محمد النيل
Date: 01-16-2011, 11:40 PM
Parent: #39
Quote: لا حول ولا قوة إلا بالله
اللهم لا نسالك رد القضاء
ولكنا نسألك اللطف فيه |
بالحيل يا اخوى الصاوىتسلم
|
Post: #41
Title: Re: أشهر صورة فى سودانيزاونلاين... هل من متفق؟
Author: محمد النيل
Date: 01-16-2011, 11:51 PM
Parent: #40
Quote: حكومة الفساد لا يهمها غير التمسك بكرسي الحكم ، والمنتفعون هم أقرباء العصابة أما البقيه من مطبلي النظام فهم ( المغفلون ) ، و ( كافوري بانقا ) خير دليل .
ود الباوقه والله بالغت عدييييييييل |
مها عبد الله
والله ما قلتى الا الحق
وود الباوقة لو ما لاقى ليهو فيها قرمة
ما كان ح يفنجط كدا
هؤلاء من يسمون بالبطانة
طلعوا بطان
مالين بطونهم
وقافلين اضانهم من صراخ الشعب ببطانية
لك
تحية مبطنة بالحرير
|
Post: #42
Title: Re: أشهر صورة فى سودانيزاونلاين... هل من متفق؟
Author: محمد النيل
Date: 01-17-2011, 00:30 AM
Parent: #41
Breaking news
لقد سمعت فى بيان الاستاذ على محمود حسنين المنشور بالمنبر الان
ان مدينة الباوقة خرجت ايضا فى مظاهرات
اذن
الباوقة تنتفض
|
Post: #43
Title: Re: أشهر صورة فى سودانيزاونلاين... هل من متفق؟
Author: عامر باضاوي
Date: 01-17-2011, 00:35 AM
Parent: #42
|
Post: #44
Title: Re: أشهر صورة فى سودانيزاونلاين... هل من متفق؟
Author: محمد النيل
Date: 01-17-2011, 01:02 AM
Parent: #43
لاحظ باب الصيدلية
بعدما كان كبير وواسع
انكمش وركبوا واحد صغيرووونى بدلو
وكان بداية نهاية المستشفى
|
Post: #45
Title: Re: أشهر صورة فى سودانيزاونلاين... هل من متفق؟
Author: Abdlaziz Eisa
Date: 01-17-2011, 04:11 AM
Parent: #44
العزيز ود النيل
سلام
الباوقة مش قالوا حلو تفاحها...!!!
ودالباوقة هو مع نعيم التفاح ده..
باقي الدنيا عرض زايل..
وهي هي لله..
سير سير كداري وما تركب طيارة... وفي رواية اخري ما تركب التونسية!!
تحياتي
|
Post: #46
Title: Re: أشهر صورة فى سودانيزاونلاين... هل من متفق؟
Author: معاوية المدير
Date: 01-17-2011, 04:26 AM
Parent: #45
Quote:
الصورة لمركز صحي ..
فالمراكزالصحية تبنى فيها مثل هذه الجلسات للانتظار قبل الدخول للحكيم باشى ..
أما المستشفيات ولو صغرت او كانت طينية ..فتصميمها يكون مختلفا ..اذا تكون فيها صالة والجلوس أما مواجها الباب أو عكسه ..
وتكون من الطوب الأحمر ..حتى فى ( دار مالى قعر الصعيد) .. |
سلآم وتحايا للجميع.
الصورة لمستشفى الباوقة، وكانت قد نُشرت ضمن صور كثيرة
إلتُقطت من مستشفى الباوقة في بوست نُشر هنا، وهي ضمن
حملآت تهميشية قامت بها الحكومة وما زالت ضد الباوقة وأهلها
في محاولة للضغط علي أهل الباوقة ليتخلوا للحكومة عن البلد
حتي تقيم سد الشريق.
من خلآل منتدى الباوقة هبّ أبناء وبنات الباوقة بحملة للنهوض
بالمستشفى، وبالمناسبة ود الباوقة عمر من ضمن المتبرعين.
ود الباوقة/ معاوية المدير...
|
Post: #47
Title: Re: أشهر صورة فى سودانيزاونلاين... هل من متفق؟
Author: الطيب رحمه قريمان
Date: 01-17-2011, 04:47 AM
Parent: #46
الاخ الاستاذ محمد النيل
لك التحية الطيبة و التقدير
كان لابد ان احييك قبل ان اخاطب الغير
فعذرا يا اخى .
|
Post: #48
Title: Re: أشهر صورة فى سودانيزاونلاين... هل من متفق؟
Author: سيف النصر محي الدين محمد أحمد
Date: 01-17-2011, 05:00 AM
Parent: #45
| Quote: الباوقة مش قالوا حلو تفاحها |
اللذيذ تفاحا يا عبد العزيز .
منطقة المستشفى هذه يا محمد النيل في الباوقة تسمى"العمارة"
تخيل! و هو اسم اطلق عليها دلالة على تميزها فهي كانت المنطقة
الوحيدة التي بها كهرباء و مياه بالحنفيات اضافة للبيوت الحكومية
بمنظرها المختلف عن البيوت الطينية التي يسكنها غالبية الاهالي.
هذه المستشفى أنا اذكرها زمان ايام "نميري" كانت نظيفة و مرتبة
و تقدم خدمات معقولة بمقاييس ذلك الزمان، هذا الانهيار الظاهر في
هذه الصور حدث خلال عهد الانقاذ بالتأكيد و للأمانة قد يكون الانهيار
قد بدأ في اواخر عهد مايو و لكنه حتما بلغ القمة خلال عهد الانقاذ.
المهم للضمان و قبل ما ود الباوقة يشرف البوست هاك واحد"هييييع"
على الحساب.
|
Post: #49
Title: Re: أشهر صورة فى سودانيزاونلاين... هل من متفق؟
Author: محمد النيل
Date: 01-17-2011, 05:14 AM
Parent: #48
Quote: ود الباوقة عمر من ضمن المتبرعين.
|
يا معاوية المدير
سلام كتير
والبشير البيغنى ليهو ود الباوقة ما اتبرع؟
وليه اصلا مستشفى زى دى تنشأ بتبرعات المواطنين الفقراء المهمشين؟
اين دور وزارة الصحة؟ وميزانية الصحة وقروش البترول؟
ود الباوقة قارش حسو فوق كم؟
وكمان جيبو؟
الاسد النتر دا ما بحس؟
ان شاء الله كيتا لمناضلى البورد كان يصلحها لحبيبو وشاعره الوفى ود الباوقة
ول شن القول؟
|
Post: #50
Title: Re: أشهر صورة فى سودانيزاونلاين... هل من متفق؟
Author: محمد النيل
Date: 01-17-2011, 05:20 AM
Parent: #49
Quote: لك التحية الطيبة و التقدير
كان لابد ان احييك قبل ان اخاطب الغير
فعذرا يا اخى . |
اخوى الطيب رحمة
مرحب بيك اى وقت
وما تشيل هم التحايا
الكلفة مرفوعة
بس اسكت وادخل بوستاتى ونية سلامك واصلة تب
الف شكر
|
Post: #51
Title: Re: أشهر صورة فى سودانيزاونلاين... هل من متفق؟
Author: محمد النيل
Date: 01-17-2011, 05:33 AM
Parent: #50
Quote: وهي هي لله..
سير سير كداري وما تركب طيارة.. |
عبد العزيز
سلام عليكم
هى لله
الجماعة ديل ما عارفين المستشفى برضو لله؟
ياخى قول ليهم عيادة المريض لله
وعلاج المريض لله
الظاهر عليهم دايرين يطبقوا معنى الاية دى (انا لله وانا اليه راجعون)
بطريقة مستعجلة ويخلوا الناس يموتوا ويرجعوا لله بسرعة
وذلك بإلغاء المستشفيات واهمالها.
تحية
|
Post: #52
Title: Re: أشهر صورة فى سودانيزاونلاين... هل من متفق؟
Author: خالد العبيد
Date: 01-17-2011, 05:43 AM
Parent: #51
الاستاذ محمد النيل
تحياتي
نعم اتفق معك جدا ان الصورة اشهر
بل اخطر صورة في تاريخ هذا المنبر
لانها تتعلق بصحة انسان بسيط ضائع
انسان مخدوع من حكومة اسلامية ظالمة
لك احترامي
|
Post: #53
Title: Re: أشهر صورة فى سودانيزاونلاين... هل من متفق؟
Author: محمد النيل
Date: 01-17-2011, 05:46 AM
Parent: #51
Quote: اللذيذ تفاحا يا عبد العزيز .
منطقة المستشفى هذه يا محمد النيل في الباوقة تسمى"العمارة"
تخيل! |
والله ياسيف النصر الباوقة دى كلها احلام وخيال الظاهر عليها
لانووما فيها تفاحوما شايف لى عمارةومستشفاهم اتهردمت
وود الباوقة بيشكر الحيكومة
وما عندنا حكومة تتشكر
مستشفاهم وعمارتهم وحكومة ود الباوقة زى غناهم فى التفاح المافى
سلام
|
Post: #54
Title: Re: أشهر صورة فى سودانيزاونلاين... هل من متفق؟
Author: محمد النيل
Date: 01-17-2011, 06:10 AM
Parent: #53
Quote: نعم اتفق معك جدا ان الصورة اشهر
بل اخطر صورة في تاريخ هذا المنبر
لانها تتعلق بصحة انسان بسيط ضائع
انسان مخدوع من حكومة اسلامية ظالمة |
الاخ خالد العبيد
تحية محملة بعبق برى العتيقة
انت لمست لب القصد وزبدة الموضوع
والاسلام بريئ من الحكومة
زى براءة الباوقة من لذيذ تفاحا وعمارتها ومستشفاها المافيشين
لك الود
|
Post: #55
Title: Re: أشهر صورة فى سودانيزاونلاين... هل من متفق؟
Author: Sami Talab
Date: 01-17-2011, 06:54 AM
Parent: #1
الاخ محمد
كنت اتمني ان اري واحدة من اشهر صور المنبر
وهي صورة شهيرة لمزبحة معسكر كلمة الشهيرة
لتضاف لصورة مستشفي الباوقة الذي لايصلح حتي للاقتراب منه ناهيك عن البحث
للشفاء فيه
|
Post: #56
Title: Re: أشهر صورة فى سودانيزاونلاين... هل من متفق؟
Author: هيثم التوم
Date: 01-17-2011, 07:01 AM
Parent: #1
((يخسي)) والله ثم ((يخسي))
قاتل الله الجهل!
شكرا محمد النيل
لكن هناك آلاف الصور اكثر منها بشاعة
تنتظر من يصورها فقط!
|
Post: #58
Title: Re: أشهر صورة فى سودانيزاونلاين... هل من متفق؟
Author: محمد النيل
Date: 01-17-2011, 07:14 AM
Parent: #56
Quote: لتضاف لصورة مستشفي الباوقة الذي لايصلح حتي للاقتراب منه ناهيك عن البحث
للشفاء فيه |
الاخ سامى
مستشفى الباوقة هى ذاتها عايزة ليها دكتور يعالجها
هى ذاتها ماتت خلاس
دى مقابر مابتنفع
لانها ح تمرض الناس اللى ح يجوا يدفنوا موتاهم فيها
سلام صحى
|
Post: #57
Title: Re: أشهر صورة فى سودانيزاونلاين... هل من متفق؟
Author: صالح عبده
Date: 01-17-2011, 07:12 AM
Parent: #1
اخي/ محمد النيل
مع احترامي لك ولطرحك
يجب الابتعاد عن السب
والتجريح وحل الامور
بالمنطق العقلاني
|
Post: #59
Title: Re: أشهر صورة فى سودانيزاونلاين... هل من متفق؟
Author: محمد النيل
Date: 01-17-2011, 07:20 AM
Parent: #57
الاخ هيثم التوم
تحايا طيبةQuote:
لكن هناك آلاف الصور اكثر منها بشاعة
تنتظر من يصورها فقط! |
يلا يدك معانا
مدنا بالصور
تشكر للمشاركة
|
Post: #60
Title: Re: أشهر صورة فى سودانيزاونلاين... هل من متفق؟
Author: محمد النيل
Date: 01-17-2011, 07:33 AM
Parent: #59
الاخ صالح عبده سلام Quote: اخي/ محمد النيل
مع احترامي لك ولطرحك
يجب الابتغاد عن السب
والتجريح وحل الامور
بالمنطق العقلاني |
بدون تردد اشر لى على مكان الاساءة لشخص
تكون اساءة شخصية على شرط
واوعدك بتعديل المداخلة او مسحها
ولو تقصد اساءة لمدينة الباوقة تكون غلطان
نحنا بندافع عنها وعلى مثيلاتها فى الوطن المهمش
بس لو بتقصد اساءة للحكومة ماتتعب نفسك
وبرضو عايزين حلك العقلانى المنطقى
تحايا عطرة
واحترام متبادل
|
Post: #61
Title: Re: أشهر صورة فى سودانيزاونلاين... هل من متفق؟
Author: معاوية المدير
Date: 01-17-2011, 08:07 AM
Parent: #60
Quote: والبشير البيغنى ليهو ود الباوقة ما اتبرع؟
وليه اصلا مستشفى زى دى تنشأ بتبرعات المواطنين الفقراء المهمشين؟
اين دور وزارة الصحة؟ وميزانية الصحة وقروش البترول؟
ود الباوقة قارش حسو فوق كم؟
وكمان جيبو؟ |
سلآم يا ود النيل.
يا أخي ود الباوقة ده ذكرنا تبرعوا، عشان ما دايرين نهضم حقو،
علماً بأنني أنا شخصياً ما تبرعت. بس يا أخي نحن مع مطالبتنا
بحقنا قررنا نعمل بمجهودنا الفردي، وما ننتظر حيكومة السجم
دي، لأنوا لو إنتظرناها أهلنا كلهم بيروحوا المقابر، ووحاتك
موتهم ما يحرك في حكومة النفاق دي شعرة.
وزارة صحة شنو؟!، وميزانية شنو؟! يا نيل؟؟؟ يا أخي هل
تصدق الباوقة بعد الضغوط المفروضة عليها، وتعطيش
حواشاتها فيها مالآ يقل عن 600 ألف نخلة دي سنوياً الحكومة
بتأخد عليها ضرائب غير باقي المحاصيل، وتقول لي حكومة
إسلآمية!!!؟؟؟ أهو ده حال المستشفى قدآمكم، وممكن أمدك
بصور المدارس لو عايز، وغير الضرائب كمان ما أنسى
الذهب والشركات القاعدة تخم من غرب الباوقة بالأطنان.
تخيل عندما قررنا نعمل بمجهود أبناء المنطقة إنبرى وآحد
من المثتثمرين في الدهب وتصدى لمشروع المستشفى
معلناً بأنه سيقوم بتكلفة بناء مستشفى كآمل مُتكآمل. تخيل
ده بكون ناهب قدر شنو؟؟؟، الراجل عطلنا من العمل لمدة
سنة كاملة، وعندما حانت ساعة الصفر إنسحب بحجة أنّ
الحكومة قامت بتجميد جميع أرصدته في البنوك!!!
طبعاً عمل المناورة البايخة دي حتي لا يلفت نظر الناس
للنهب الحاصل في غرب الباوقة. طبعاً انا ما بتكلم عن
الذهب البمشوا يلقطوهو الناس بالحبة والحبتين، انا
بتكلم عن شركات ما زالت تمص في دم المنطقة...
ود الباوقة ده من يوم ما راح يرقص مع البشير، وقطع
مواصلة ارحاموا، نحن هادي طرفنا منو...
|
Post: #62
Title: Re: أشهر صورة فى سودانيزاونلاين... هل من متفق؟
Author: Zomrawi Alweli
Date: 01-17-2011, 10:01 AM
Parent: #61
Quote: المقاييس أعلاه ليست صحيحة
فالمقاييس تضرب × 2 ..
ثم هناك زاوية التصوير .. فقد تم التصوير من زاوية ( BIV)
والصورة ليست لمستشفى
فهى لمركز صحي ..
وهذا لا يعفى الانقاذ ولا المسئولين ولا ود الباوقة لو صحت أن الصورة من الباوقة .. |
شكرا يا معتصم
انا لست بمهندس ولا استاذ جبر وهندسة
فقط نقشت المقايسة لتوضيح ان الباب ليس بمستطيل
يعني بادراجي كدا مكعوج ودا حالنا في جميع قرى الهامش
فوالله لو نقلت ليك صورة مستشفى يعمل حاليا وبه اطباء
وممرضين يتقاضون رواتب عالية مع (البيرديم) وامور اخرى
لحزنت على حال المرضى وتنميت لهم الموت لان الشفاء غير وارد
وشكرا
شكرا يا المسافر
يا ابو عيون كحيلة
|
Post: #63
Title: Re: أشهر صورة فى سودانيزاونلاين... هل من متفق؟
Author: المسافر
Date: 01-17-2011, 10:24 AM
Parent: #61
Quote:
والله ياسيف النصر الباوقة دى كلها احلام وخيال الظاهر عليها
لانو
Quote: للذيذ تفاحا
وما فيها تفاح
Quote: تسمى"العمارة"
وما شايف لى عمارة
Quote: المستشفى هذه
ومستشفاهم اتهردمت
وود الباوقة بيشكر الحيكومة
وما عندنا حكومة تتشكر
مستشفاهم وعمارتهم وحكومة ود الباوقة زى غناهم فى التفاح المافى
|
لو ما بتقصد إساءة هنا للقرويين الذين يعيشون في تلك المناطق يمكنني توضيح التالي:
أغنية " نسد الساحة ونشيل مفتاحة وعليك يالباوقة اللذيذ تفاحة" جاءت من خارج الباوقة وفنانها ود السافل وأصبحت أغنية شعبية متداولة في السودان لأسباب لا تتعلق بأهل الباوقة وهي ليست من أغانيهم ، ولكن من أغانيهم ما يصف الباوقة " جنة العشاق السكانها حور"" ولما عرضت عليهم التعويضات قالو نحن عوضنا بس " الجنة "
أما عن العمارة فقد أطلق الاسم عند حفر الأساسات في المنطقة الخلوية قصد بها التعمير الجديد ومنطقة العمار والعمارة وليس أبراج وطوابق
أما الهرمدة فوكيلك الله حتى قراقيبنا اتهرمدت وأديناها الخلا ولا الرفيق الفسل... يعني بعد الفسالة والهقالة العمت عموم أهل السافل والصعيد ... الببقى علينا هين ... بس انشاء الله لي زمنكم يقومن لكم عروق...
|
Post: #64
Title: Re: أشهر صورة فى سودانيزاونلاين... هل من متفق؟
Author: محمد النيل
Date: 01-18-2011, 01:40 AM
Parent: #63
يا المسافر اخوى
ما تسافر بخيالك بعيد
| Quote: لو ما بتقصد إساءة هنا للقرويين الذين يعيشون في تلك المناطق يمكنني توضيح التالي: |
البوست هذا دفاع عن الباوقة بما يشبه الذم
وليس اساءة
حاشا لله
دى بلاغة
وانتو اهل البلاغة وبديع الكلام
بس ود الباوقة استعملها لمصلحة اعداء مستشفى الباوقة
تحية غاتسة فى عسل اصلى
|
Post: #65
Title: Re: أشهر صورة فى سودانيزاونلاين... هل من متفق؟
Author: محمد النيل
Date: 01-18-2011, 01:46 AM
Parent: #61
Quote: سلآم يا ود النيل.
يا أخي ود الباوقة ده ذكرنا تبرعوا، عشان ما دايرين نهضم حقو،
علماً بأنني أنا شخصياً ما تبرعت. بس يا أخي نحن مع مطالبتنا
بحقنا قررنا نعمل بمجهودنا الفردي، وما ننتظر حيكومة السجم
دي، لأنوا لو إنتظرناها أهلنا كلهم بيروحوا المقابر، ووحاتك
موتهم ما يحرك في حكومة النفاق دي شعرة.
وزارة صحة شنو؟!، وميزانية شنو؟! يا نيل؟؟؟ يا أخي هل
تصدق الباوقة بعد الضغوط المفروضة عليها، وتعطيش
حواشاتها فيها مالآ يقل عن 600 ألف نخلة دي سنوياً الحكومة
بتأخد عليها ضرائب غير باقي المحاصيل، وتقول لي حكومة
إسلآمية!!!؟؟؟ أهو ده حال المستشفى قدآمكم، وممكن أمدك
بصور المدارس لو عايز، وغير الضرائب كمان ما أنسى
الذهب والشركات القاعدة تخم من غرب الباوقة بالأطنان.
تخيل عندما قررنا نعمل بمجهود أبناء المنطقة إنبرى وآحد
من المثتثمرين في الدهب وتصدى لمشروع المستشفى
معلناً بأنه سيقوم بتكلفة بناء مستشفى كآمل مُتكآمل. تخيل
ده بكون ناهب قدر شنو؟؟؟، الراجل عطلنا من العمل لمدة
سنة كاملة، وعندما حانت ساعة الصفر إنسحب بحجة أنّ
الحكومة قامت بتجميد جميع أرصدته في البنوك!!!
طبعاً عمل المناورة البايخة دي حتي لا يلفت نظر الناس
للنهب الحاصل في غرب الباوقة. طبعاً انا ما بتكلم عن
الذهب البمشوا يلقطوهو الناس بالحبة والحبتين، انا
بتكلم عن شركات ما زالت تمص في دم المنطقة...
ود الباوقة ده من يوم ما راح يرقص مع البشير، وقطع
مواصلة ارحاموا، نحن هادي طرفنا منو...
|
كلام ختير
يا معاوية المدير
تسلم
|
Post: #66
Title: Re: أشهر صورة فى سودانيزاونلاين... هل من متفق؟
Author: محمد النيل
Date: 01-18-2011, 02:41 AM
Parent: #65
يلا
عشان ود الباوقة ما ياخد فى خاترو مننا
نهدى لية دعاء
مها عبد الله هنا
Quote:
اللهم يا رحمن يا رحيم أنعم علي عبدك ود الباوقه بالبصيرة وأزل عنه الغشاوه ، اللهم أنعم عليه بالهدايه للحق وأهديه للطريق القويم ، اللهم أكشف كذب من كذبوا عليه وأوهموه أننا سنصير كاليابان ، اللهم أوهبه عيونا من نورك ليري حالة مستشفي الباوقه التي يتعالج فيها أهله !
أنت القادر الكبير يا الله |
|
Post: #67
Title: Re: أشهر صورة فى سودانيزاونلاين... هل من متفق؟
Author: MOHAMMED ELSHEIKH
Date: 01-18-2011, 12:50 PM
Parent: #66
معدية الباوقة-العبيدية
(اسم الدلع للبنطون)
|
Post: #68
Title: Re: أشهر صورة فى سودانيزاونلاين... هل من متفق؟
Author: محمد النيل
Date: 01-19-2011, 02:31 PM
Parent: #67
شكرا محمد الشيخ للصورة
بعد شكر ود الباوقة الكتير للحكومة
المفروض يعملوا ليه كبرى بدل البنطون
بعد تعمير المستشفى طبعا
الصحة اولا
تحايا
|
|