مناضل يحرق نفسه امام المجلس الوطني ..

لماذا لا يترك الساده المناضلين ومعارضي الحكومه في الخارج مكانهم ويركبو اول طياره الي الخرطوم ..
الذين يريدونها ثورة شعبيه كما في تونس ..
ما عليهم الا الحضور الي الخرطوم فورا ..والتظاهر امام البرلمان والقصر الجمهوري..
حبذا لو ضحي احدهم من اجل البقيه واحرق نفسه امام الجميع ونقلته الكاميرات والقنوات الفضائيه ..
لماذا لا ياتي احد الذين يجعجعون في هذا الاسفير ويقارع السلطه من داخل البلاد ..
بدلا من التحريض وفتح البوستات تعالوا الي هنا وستجدون الشارع خلفكم ..
الموضوع لا يحتاج اكثر من نصف جالون بنزين وعود ثقاب ..(ساتبرع بها لمن يأنس في نفسه الكفاءة)..
ايوه والله ..اجيب ليه البنزين من بتروناس كمان بنزين نضيف نمره واحد ..
بس تعالوا ونحن ما بنقصر ..

طيب ..اذا فرضنا انه في واحد من المناضلين والمناضلات عاوز يحرق نفسه بس شنو ؟؟ ما عندو حق التذكره بتاعت الرجعه ..
او لسع ما استلم الجواز الابيض ..او الازرق ..او اي واحد فيهم
لكن مستعد يولع في نفسه فداء للوطن والشعب ولكي يشرق النور وما عارف شنو كده ..
عندنا ليه خيارين ..
يعني ما ممكن كمان نحرم من هكذا شرف وكده ..

1- نرسل ليه حق البنزين والكبريت ويحرق نفسو قدام اقرب سفاره اجنبيه او مكتب امم متحده ..
2- نرسل ليه حق التذكره بالخطوط العاوزه وعلي الدرجه العاوزه

بس انتو كيف تجونا ..

نشكر الاخ ابو الريش علي مدنا بالفيديو اعلاه ..





ــــــــــــــــــــــــــــــــــــــ
وحبذا لو ابدي رغبته في افتداء الوطن ..ان شا الله بي تشه ساي

أخونا فيصل
ممكن نرشح؟؟؟
ولا نخلى الموضوع كل مناضل يعبر عن (دواخلو)؟؟؟؟؟

Quote: ممكن نرشح؟؟؟

يا حسن ..
بأمكانك الترشيح طوالي ..
ترشيحك يعني عشمك وثقتك فيمن ترشحه للشهاده من اجل الوطن ..
ولا اراك الا وقد اثرتها علي نفسك واحببتها لغيرك ..
فوالله هي شيم النبلاء ..
فرشح يا اخوي رشح واخد راحتك ..

Quote: وحبذا لو ابدي رغبته في افتداء الوطن ..ان شا الله بي تشه ساي

فتحتوا بيوت الأشباح تاني ...... والاّ أصلا ما قفلت؟

هسي انت بطريقة تفكيرك في الماضي

ما بتشوف هذا الزول انتحر ؟؟

هل تغيرت رؤيتك في الفهم السلفي للدين ؟؟


ما قام به بو عزيزي عملا نضاليا سيحفظه التاريخ


انت هل متصالح مع هذه الدعوة يا فيصل الرشيد

لك التحية مقدما ومؤخرا

Quote: هسي انت بطريقة تفكيرك في الماضي ما بتشوف هذا الزول انتحر ؟؟ هل تغيرت رؤيتك في الفهم السلفي للدين ؟؟

انتحر او مات شهيدا فعلمه عند الله ..


ـــــــــــــــــــــــــــــــــــــــــــ
يا صبري ..محتاجين شراره تولع الثوره ..
دعك من العجور وتعال قدم نفسك للوطن ..وكفي ..

صعبه دي ؟؟!!

Quote: فتحتوا بيوت الأشباح تاني ...... والاّ أصلا ما قفلت؟

يا ابو الريش ..
انظر للنصف الممتلئ من الموضوع ..دايرين واحد يتبرع ويولع الشغلانه ..
صعبه دي ..
سيبك من كلام بيوت الاشباح والمغامرون الخمسه وتعال قدم نفسك قربانا لهذا الوطن ..
الا يستحق ان تضحي من اجله يا ابو الريش ..؟؟
ام تراك تستكثر عليه ان تكون قربانا له ..
اعدك بمظله ومزيره تحمل اسمك ان تطوعت لهذا ..
واهو زي ما قلتو يموت واحد ويحيو ملايين ..
فلم لا تكون انت هذا الواحد يا ابو الريش

Quote: ممكن نرشح؟؟؟

غايتو أرشح ليكم

1-كمال سالم
2- سالم مين كدا سالم

الاتنين باقي عمر وثوار جد بالجد

وفضل ليهم أيام وبي كدا تكون ثورة بي أقل الخسارات خسوسا ضاقوا ترطيبة الدنيا دي

Quote: ترشيحك يعني عشمك وثقتك فيمن ترشحه للشهاده من اجل الوطن .. ولا اراك الا وقد اثرتها علي نفسك واحببتها لغيرك ..

فيصل
من ناحية آثرتها دى؟....أرقد قفا...وفى النفس خصاصة..
ولكن كلما فكرت فى واحد أو واحدة أشوف الباقين حادرين لى حدرة العدو....
زنقتنى ياخ...

من ضمن الشروط العامه للمتقدم

لواتقدم زول اسمو وليد ماتجيبنا حبوبتو تقول لينا
الوليد الضيف حرقتنو كيف
جيبو لى هدومو الراقده فوق القيف
وا سواد بنطلونا الراقد فى الجريف

شكرا ابو الريش على الفيديو


الشعب السوداني هو من علم التونيسيين وغيرهم اسقاط الطغاة

اسقاط الطغاة اصبحت هواية مفضلة تتسرب عبر الجينات


كونوا معنا (يا هؤلاء !!)

Quote: فيصل من ناحية آثرتها دى؟....أرقد قفا...وفى النفس خصاصة..

نعم اخي حسن ..
واني اراهم يتزاوغون ..فهل للامر علاقه بالايثار ام هو الخوف

كما لا بفوتني ان اهدي البوست للعزيز وهبه في منفاه الاختياري ..

Quote: الشعب السوداني هو من علم التونيسيين وغيرهم

علمنا العرب الكوره ..
وعلمنا السعوديين سواقة العربات ..
وعلمنا ناس لبنان البسبوسه ..
وعلمنا ناس الامارات البزنس
وعلمنا الخواجات سف الصعوط

مقولات لا تثمن ولا تغني من جوع ..وكلها كضب في كضب

ـــــــــــــــــــــ
الاخ بحيري احس في نبرتك رغبه في التضحيه ...توكل يا عزيزي ..وضحي لاجل الوطن

.

العالم دي زايقة من البوست ده مالها

فيصل براحة على الجماعة ياخ
ديل ناس كيبوردات ووقفات قدام البيوت (قالوا) الساعة سبعة

Quote: واني اراهم يتزاوغون ..فهل للامر علاقه بالايثار ام هو الخوف

واحد منهم صحى من نومو (مخلوع) ويصرخ...
جماعتو قالو ليهو خير
قاليهم:

رأيت فيما يرى النائم إنى

Quote: مناضل يحرق نفسه امام المجلس الوطني ..

Quote: توكل يا عزيزي ..وضحي لاجل الوطن

وعندما تندلع ...هل ستصمد انت للدفاع عنهم او عن مشروعكم الحضاري..؟
المسالة لاتحتاج تصريحات مسبقة ... بل هي لحظة ...وبعدها لاشيء وكل شيء .. لا اراها بعيدة.

Quote: علمنا العرب الكوره .. وعلمنا السعوديين سواقة العربات .. وعلمنا ناس لبنان البسبوسه .. وعلمنا ناس الامارات البزنس وعلمنا الخواجات سف الصعوط مقولات لا تثمن ولا تغني من جوع ..وكلها كضب في كضب

[][[]]!!!!!!!!!


?????????[/]]

لا تستهين بإرادة الشعب ولا تستغرب أن يخرج لكم ألف مناضل ليحرقوا أنفسهم ، وتذكرَ أن الذي أججَ ثورة تونس هذا الكي بورد ، هي كلمة تغتال الظلم وتخرج ثورة ثم يتواري بعدها الأوباش والمنهزمين وأصحاب النفوس المريضه !!

بالمعذرة

نستغل الـ(........) بتاعتك دي شوية


نعم للثورة ... لا لمثل هذه الشعارات

أو شويتين




.....

وانت قايل انو أي واحد من ملايين الافراد من الشعب السوداني
ما قاعد في اللحظةالبــتـ........ فيها دي
يحرق نفسه طوعا واختيارا
بطريقة لا يفهمها ولا يحسها مثلك أبدا
يا

يا







شاطر

يا فيصل الرشيد ،، هل تتابع الفضائيات جيداَ ؟؟

إن ثانى شخص مطلوب ( وتم القبض عليه وهو هارب إلى ليبيا ) هو أحد من كان يطبل للهارب إلى الأراضى السعودية وحزبه ونظامه ،، فأرجو أن تحفظوا لسانكم وأقلامكم وكى يورداتكم ليومٍ قريب ،، فقط تأمل بداية شرارة الثورة التونسية ،، إنها كشة بسيطة مثل ألاف الكشات التى تقوم بها المجالس والمحليات لأناس بسطاء يريدون أن يتقوتوا بحلال من عصارة عرقهم وجهدهم بدلاَ أن يكونوا فى صفوف العواطلية أو أن يكونوا فى صفوف سارقى قوت الشعب جهاراَ نهاراَ ،،

أدعوك صادقاَ أن لا تستهين بالشعب ،، فهذا الهارب لم يكن يعلم مصيره فقط قبل حوالى 12 ساعة من خطابه الأخير ، ومن محيطك أذكرك بما قاله الدكتور أبو ساق الأستاذ الجامعى الذى قال قبل يوم واحد من الأنتفاضة الباسلة أنهم ( أى الأتحاد الإشتراكى ) سيدخلون الناس ف جحورهم مثل الفئران ،، فإذا به يدخل فى ذلك الجحر هو نفسه بعد أقل من 12 ساعة .

والله سبحانه وتعالى قال فى محكم تنزيله :
(( ولكم فى قصصهم عبرة يا أولى الألباب ))

فيا ليتكم تعتبروا فقط أعتبروا وليس هنالك داعى بالإستهزاء بالناس ،، فإن حدث شىء ستجد نفسك فى وضع لا تحسد عليه ،، فلم تضع نفشك فى ذلك الموقف حتى ولو لن يحدث ؟؟

ماهر

Quote: إن ثانى شخص مطلوب ( وتم القبض عليه وهو هارب إلى ليبيا ) هو أحد من كان يطبل للهارب

يا ماهر ازيك ..
شايفك كتبته لي كلام كتير ما كان في داعي ليه ابدا لانه يا ماهر انا ما قاعد اطبل لي زول ..انا بكتب البعجبني والما بعجبني بقوله ليه في عينه
قصه انه اجي اطالب لي واحد من الناس البحرضو في الاولاد يطلعو الشارع وهو قاعد ليه في شقه تبعد الاف الكيلومترات عن السودان ومدسوس ورا كيبورد ودايره بااارده كده وهو يتابعه في التلفزيون دي ما بتنفع معاي
انا طالبته هنا اي واحد بيدعو انه الناس تطلع الشارع انه يكون هو البادي ويجي يطلع لينا الشارع وشوف انا ده القاعد في نص الخرطوم دي كان ما طلعته معاهو ..
يا ماهر لانه كتبته فوق كلام كتير وما عاوز اقول ليك مسيخ لكن حسيت انك اجتهدته شديد فحاول اقرا كلامي علي انو كشف لاقنعه قاعده هنا معانا ..
الناس البجعجعو ديل كلم كضابين واتحدي اي واحد فيهم بكره يجي يطلع الشارع وينفذ جزء من دعوته الهنا دي ..
مطالبتي هنا هي دعوه لاثبات المصداقيه بتاعت الناس ما اكتر ..
واهو براك شايف زي عمك بحيري ده ..جا طاير شايل ليه غنيه نزله لينا هنا ..يعني بحاول يشتت الكوره وده دليل علي انه ما قادر يناقش الفكره بتاعت الموضوع ..
او لانها بتكشف نوعه ده انه اساسا جبــــــان ونفـــــاخ ما اكتر ..
واهو ابو الريش جا شايل ليه فديو بتاع مظاهرات وما قدر هو يطلع في مظاهرات لانه بخـــــاف يا ماهر ..
وزيو هنا ناس كتاااااار جعجاعين وما بقدرو علي الكلام البكتبوهو هنا ..
عشان كده انا قلت وبقول كلامي ده ..
فهمتني يا ابني .؟؟

Quote: [][[]]!!!!!!!!! ?????????[/]] (عدل بواسطة محمد الواثق on 15-01-2011, 06:54 م)

عاين نوع البعدل ويهضرب براهو ده ..
اللهم لا نسالك رد القضاء ..

البوست مهدى للمناضل الكبير هباني

كان بودي ان أقول ليك نشيلك نحرقك ات, لكن ما أظنك تنفع حتى واقود

Quote: كان بودي ان أقول ليك نشيلك نحرقك ات, لكن ما أظنك تنفع حتى واقود

يا معروف انا ما طالبته بانه يتحرق زول ..
انتو عاوزين ....اذا انتو اولي بالشغلانه ..
انا مني البنزين ...لو جاهز تعال ..لو عندك ظروف بنقدره وتلقي المقترحات فوق شيل البعجبك منها ..
كان وافقته برضو بتلقي وعودنا وكان خفته عااااادي ما تتحسس ..
كلكم كده ..

فيصل الرشيد

ياخي دا كلام ما مسؤول منك!

ما كل يوم في زول بحرق نفسو في تونس,

وانما هو خيار رهيب ومحزن فرضته ظروف قبيحة في منعطف من منعطفات التاريخ,
ويمكن ان يتكرر في السودان أو في أي بقعة من هذا الكون الذي يعج بالمعذبين الضحايا والارازل الباغين!

انه فعل محزن ومحفز للضمير أكثر من كونه مدعاة للتندر

انت ساقط في الأخلاق بتطبيلك لنظام جاء بالدبابة وفرض نفسه علي الشعب وبدأ الكذب من أول يوم بوضع شيخه في السجن
ثم باع من فقدوا أرواحهم باسم الدين كما قال الترابي
لكن كمان ساقط تاريخ؟؟
سمعت بالقرشي ورفاقه
سمعت بالآلاف تهدر والآلاف الذين استشهدوا عندما إقتلعوا عسكر عبود والنمير
انت تسخر من الشعب السوداني بأن ليس هنالك من يقوي علي عطاء الروح فداء للوطن وكنساً للأوساخ الحاكمة باسم الدين
لكنك لا تعلم أن الكثيرين في هذا المنبر كانوا قاب قوسين أو أدني من الموت في بيوت الأشباح وأسأل محمد القاضي عضو المنبر ينبئك الخبر اليقين
الحقيقة إنه نظامكم لا يختلف عن نظام بن علي لكن شعبنا أقوي مما تظنون وبن علي قعد في السلطة اكتر منكم لكن كانت نهايته التي لم يصدقها حتي الأن ولن تصدقون
هل تتحمل تبعات استهزاءك بالشعب السوداني وخواره وجبنه إن اتت الثورة التي نتنسم عبيرها الآن
هل ستثبت حينها ومن جانبنا سنحفظ لك هذا البوست ولكل من تداخلوا فيه وسننظر وتنظرون
بس تذكر إنه البداية بتجي في لحظة وكل شيئ يولع

Quote: انت ساقط في الأخلاق بتطبيلك لنظام جاء بالدبابة

اخر يتهم رأينا بأنه تطبيل للنظام ..
وعملني ساقط تاريخ وكيمياء وبتاع ..
يعني الواحد ما يقول رأي ضدكم الا وكان بطبل للنظام ..؟؟

Quote: لكن كمان ساقط تاريخ؟؟ سمعت بالقرشي ورفاقه

القرشي الكان حايم في حوش الجامعه وجاتو طلقه طايشه والا واحد تاني ..؟؟
طيب ما هسه انا قاعد اقول ليكم دايرين قرشي جديد ..وعلي الهواء مباشرة ..
انت عندك رغبه يا اخوي وخايف والا خجلان تقول ما بقدر ..

Quote: انت تسخر من الشعب السوداني بأن ليس هنالك من يقوي علي عطاء الروح فداء للوطن

لا عاش من سخر من شعب السودان يا هذا ..
يكفي ان شبابنا هم من جاهدوا في الجنوب خمسة عشر سنة ..ماتو وضحوا بأرواحهم فداء ..
الم يكونوا هؤلاء من شعب السودان ؟؟
اين لك من هذا يا هذا ؟؟!!

Quote: هل تتحمل تبعات استهزاءك بالشعب السوداني وخواره وجبنه إن اتت الثورة التي نتنسم عبيرها الآن

يعني انت عشان كلامي ما عجبك مصر شديييييد كده انه تبقيني عدو الشعب السوداني ..
بطريقتك ياخ ..وكويس انه البوست ده جابك مع انك قاعد هنا من

Quote: تاريخ التسجيل: 12-12-2004

وما كتبته الا

Quote: مجموع المشاركات: 76

يا اخوي انت كنت غمران والا شنو

ان شاء الله تكونوا جهزتوا الشوك والسكاكين عشان تاكلوا الشية!

Quote: ان شاء الله تكونوا جهزتوا الشوك والسكاكين

ما بنستعمل شوك وسكاكين ..يا هذا
شكرا لمرورك ..
اقفل الباب وراك بالله ..

ليه اقفل الباب وراي?

ياخ انت عايز مناضل يجي يحرق نفسه تعبيرا عن رفضه لحكمكم.

بس قبل ما نحرق نفسنا لازم نضمن انكم حاتستمتعوا كويس!


ولا يهمك اكلوها بايديكم!

نجيب معانا مناديل عشان تقشوا الدهن ولا لا?

برضو ممكن نجيب ليكم شطة بليمون وبصل توم كمان! اها قصرنا?

حا تاكلوها كيف?

Quote: ياخ انت عايز مناضل يجي يحرق نفسه تعبيرا عن رفضه لحكمكم. بس قبل ما نحرق نفسنا لازم نضمن انكم حاتستمتعوا كويس!

حكم منو يا المبروك .؟؟
تااااااني واحد بقرا باضنينو ..!!


اسمعني يا بدر الدين ..
الصواني في الخرطوم ناس المرور كسروها وعملوها تقاطعات ..
انتظر شويه خليني ادبر ليك محل تقيف فيه ..
حالتك دي محتاجه صينيه سررريع ..

هي الصواني بلفوا حولها ولا بقيقفوا عليها?

ظاهر ناس الانقاذ بخططوا كويس

بعدين ياخ بعد دا كلو لسع ما علموك تاكل بالشوكة والسكين?!!!

طيب الشمتان ليها شنو?

برضو لن نمانع بتوفير نخاسات اسنان بعد تاكلوا الشية,

شوف احنا قلوبنا طيبة كيف?!!


-----

اخخخخ دابي فهمت!

عايز نخت ليك الشية فوق صينية?

على العين والراس.

سلام يا فيصل

شايفك بتنفي تهمة دعمك للنظام

طيب بالمقابل مفروض يكون الوضع دا مؤثر معاك

ليه ما تجرب إنت تضحي بنفسك وتحرقها؟

بالمناسبة دا ما السؤال دا تمهيد بس
نجي للسؤال:
إنت حركة إسلامية مؤتمر وطني موالي للحكومة ولا لا؟

شكراً لسعة صدرك ونقدر لك إبتعادك عن المهاترة

Quote: شايفك بتنفي تهمة دعمك للنظام طيب بالمقابل مفروض يكون الوضع دا مؤثر معاك ليه ما تجرب إنت تضحي بنفسك وتحرقها؟

يا ممدوح ..ازييك ياخ

انا ما مع النظام ..ولا بدافع عنه ..
ده رأيي الشخصي ..
ما بحرق نفسي ..الموضوع ما مقنع بالنسبه لي ..
البلد عا########ي بي حاله ده ..مرتاح انا والحمد لله ..
الناس البتدعو للحاجه دي كلها قاعده بره السودان ..مرقو زمااان لما البلد محتاجه وقفه ..ما بعرفو لينا حاجه كلهم شردو وخلو البلد ..
استمتعو بالاعانات والناس هنا كانت في صف العيش والبنزين ..

هسه انا مبسوط ..اعمل شنو ازعل غصب واجاملكم والا كيف يعني ..

ــــــــــــــــــــــــــــــــــــــــــــــــــــــــ
وما زال عرضي قائما ..اي واحد من ناس البورد ديل يتبرع يحرق نفسو حا اجيب ليه الجالون والكبريته ..
قصرته انا معاكم ؟؟

السلام عليكم فيصل الرشيد وضيوفه
منذ مايقارب عامين منصرمين وفي قرية ضرب نار (احدى قُرى الدويم) كانت أسرة لديها طفل يدرس في الصف
الرابع اساس وهو يُدعى موسى عوض الكريم طرد هذا الطفل من المدرسة بسبب رسوم دراسية تدفع كل يوم سبت
وهي 500 جنيه فأتي للبيت فسألته والدته واجابها بأنه طرد بسبب ال500 جنيه فأمرته أن يعود للمدرسة
(رفض العوده لان طرده كان يتكرر اسبوعياً) فقال لها :- انا ح اريحكم من موضوع الرسوم دي وما كان عليه
سوى ان دخل لغرفة منعزله في البيت واتي بتربيزه وصعد عليها وربض حبل بمرق البيت وعلقه على رقبته وقفز
بعيداً من التربيزه وحينما فقدته والدته وبحثت عنه وجدته جثه هامدة .
هذا الطفل هو بعزيزي السوداني وذاكرتنا لم تسقطه ولن تسقطه ولكن لكل شي شروط وسوف تتحقق .

وما قاله مغروف سند هذا :-

Quote: ما كل يوم في زول بحرق نفسو في تونس, وانما هو خيار رهيب ومحزن فرضته ظروف قبيحة في منعطف من منعطفات التاريخ, ويمكن ان يتكرر في السودان أو في أي بقعة من هذا الكون الذي يعج بالمعذبين الضحايا والارازل الباغين!

سليم وستتحقق مهما طال الزمن وما فعله الشاب الجديد في الجزائر سيصل لاماكن كثيرة .
تحياتي .

سو
ان فيهو زي الطيب مصطفى لا يستحق التضحية
خليها تتحرق براها وبناسا الكسرو راسا

يا فيصل الرشيد حرام عليك. شنو البتعمل فيهو ده؟ أما انك كوز حاقد ..

قبل شوية انا سمعت كلام داير تحت تحت بقولوا انو سالم احمد سالم التقط القفاز وقرر يحرق نفسه قدام السفارة السودانية فى باريس، حتى يكون شعلة للانتفاضة السودانية الجديدة، وذلك بين الساعة السابعة والسابعة والنصف يوم ستاشر من هذا الشهر ، والمطلوب من الجالية السودانية فى باريس تطلع فى تلك المواعيد بالضبط وتجى قدام السفارة وهى تحمل الشموع ...

اها كدة كويس يا فيصل؟ اهو نتيجة لبوستك ده اهل الحمية والرجولة والشهامة والشجاعة خرجوا ليقدموا ارواحهم فداءً للشعب .. يعنى ما كضابين زى ما انت كنت مفتكر. ونظامك حيروح باذن الله فى ستين داهية وانت حتحاول الهرب لليبيا وحيقبضوك زى الراجل القالو عنه فى مداخلة اخونا داك ...

يافيصل
وهل هناك كوزا أو إسلاميا بالسودان أو خارجه حرق نفسه وأشعل فتيل ثورة التغير ؟ هات نموذجا ...
الشفيع إبراهيم

الامنجى فيصل الرشيد ..
أختشى ..

Quote: الامنجى فيصل الرشيد .. أختشى ..

يا مزمل ..
الله يسألك وانت بتعرفني ..
انا كوز والا امنجي ؟؟..

ـــــــــــــــ
ياخ تعال اشرح للزول الفوق ده ياخ ..الناس ديل الكيزان دغمسوهم بقو بتاع الدكان كان قال عاوز حقو يقولو ده كوز ..

القرشي الكان حايم في حوش الجامعه وجاتو طلقه طايشه والا واحد تاني ..؟؟

قل ما تشاء يا اخي دون استخفاف بشهداء الشعب السوداني

او ما قدموه من تضحيات بارواحهم

Quote: يافيصل وهل هناك كوزا أو إسلاميا بالسودان أو خارجه حرق نفسه

اي انسان عاقل ومؤمن بقضاء الله وقدره لا يمكن ان ينحدر الي هذه الدرجه من القنوط من رحمة الله ..
الكوز يواجه طلقه بطلقه ودانه بدانه ولكن لا يفر ولا ينتحر ..

وقد قال جل وعلي : ( قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لَا تَقْنَطُوا مِن رَّحْمَةِ اللَّهِ )

في زول عندو اعتراض علي كلام ربنا كمان ؟؟

Quote: قبل شوية انا سمعت كلام داير تحت تحت بقولوا انو سالم احمد سالم التقط القفاز وقرر يحرق نفسه قدام السفارة السودانية فى باريس، حتى يكون شعلة للانتفاضة

يا عبد المحسن سلامات ياخي ..
وما ظنيت بيعمله ...فللرجل بعض امل في تولي شئ هنا ..
حتي لو كان رئيس لجنه شعبيه ..المهم انه يكون معاهو ناس ينهرهم ويسمعو كلامه ..
وهي اماني طال انتظارها ..
وان احترق فصدقني ما سينتجه من ثاني اكسيد الكربون يكفي لتسويد حائظ بيت الازهري ... وحي الشهدا والملازمين ..

()

Quote: دخل لغرفة منعزله في البيت واتي بتربيزه وصعد عليها وربض حبل بمرق البيت وعلقه على رقبته وقفز بعيداً من التربيزه وحينما فقدته والدته وبحثت عنه وجدته جثه هامدة . هذا الطفل هو بعزيزي السوداني وذاكرتنا لم تسقطه ولن تسقطه ولكن لكل شي شروط وسوف تتحقق .

يا سفيان ..
خلينا طيب في الشروط الواجب تحقيقها في الجزئيه دي ..
هل يجب ان يتم الحريق امام الناس ..في ميدان عام مثلا او تحت باب السلطان ؟؟
ام انكم ستقومون بثوره بأثر رجعي !!...
وهتافكم حيكون بأثر رجعي برضو ؟؟...
والا الشروط شنو تحديدا يعني عشان الموضوع يتحول لي ثوره ؟؟

Quote: http://www.sudaneseonline.com/db/attention/010_Smile.gif[/QUOTE] هذا مع كامل ودي وتقديري ..

---

Post: #52 Title: Re: مناضل يحرق نفسه امام المجلس الوطني .. Author: محمد اشرف Date: 01-16-2011, 11:21 AM Parent: #50 Quote: انت تسخر من الشعب السوداني بأن ليس هنالك من يقوي علي عطاء الروح فداء للوطن لا عاش من سخر من شعب السودان يا هذا .. القرشي الكان حايم في حوش الجامعه وجاتو طلقه طايشه والا واحد تاني ..؟؟ طيب سخرية اكتر من كدة كيف يعني؟؟؟؟؟؟؟؟؟؟؟؟؟؟؟؟؟؟؟؟؟؟؟؟ يا فيصل الرشيد معليش شكلك كدة ما بتعرف الشعب السوداني و لا بتعرف القرشي و حوش الجامعة ياما امنجية اولاد هرمة جروا في حوش الجامعة و هم بقولوا الروب و منهم من نسى نعلاته و ما بدلوا تبديلا لو ما عارف نوريك منو الجرى و هرب باسوار الجامعة .. درس مجاني لتاريخ و نضال الشعب السوداني للغافلين امثالك

---

Post: #54 Title: Re: مناضل يحرق نفسه امام المجلس الوطني .. Author: بشير أحمد Date: 01-16-2011, 11:29 AM Parent: #50 Quote: ما عليهم الا الحضور الي الخرطوم فورا ..والتظاهر امام البرلمان والقصر الجمهوري.. حبذا لو ضحي احدهم من اجل البقيه واحرق نفسه امام الجميع ونقلته الكاميرات والقنوات الفضائيه .. شنو الحاجات التعسفية دي؟ عايز الناس دي تخلي الضللة وتجي لكتاحة الخرطوم؟ _________ تحياتي يافيصل.

---

Post: #56 Title: Re: مناضل يحرق نفسه امام المجلس الوطني .. Author: Faisal Elrasheed Date: 01-16-2011, 11:58 AM Parent: #54 Quote: يا فيصل الرشيد معليش شكلك كدة ما بتعرف الشعب السوداني و لا بتعرف القرشي و حوش الجامعة اعرف الشعب السوداني معرفة لا حدود لها .. اعرف الشعب السوداني لدرجة اني اتحدي من يثبت ان القرشي كان عضوا في تنظيم سياسي او ديني حين اصابته الرصاصه .. من لديه دليل قليأتني به او ليسكت .. اختطفوه وجعلوه رمزا وهو لا يدري وذنبه معلق في رقاب الباحثين عن ضحيه .. اعرف الشعب السوداني واعرف الذين استغلو نقاء الشعب السوداني ونصبوا انفسهم متحدثين باسمه .. اعرفه واحس بمعاناته ..وانا منه لم اتركه لانعم بالراحه في بلاد الخواجات .. عانينا كل صنوف المعاناة منذ عهد النميري ولم نتململ ولم نبع انفسنا بحفنة دولارات ولم نكذب علي الخواجات بغية الحصول علي لجؤ لا نستحقه .. اين كنتم حين كنا هنا وما نزال ..

---

Post: #57 Title: Re: مناضل يحرق نفسه امام المجلس الوطني .. Author: Faisal Elrasheed Date: 01-16-2011, 12:10 PM Parent: #54 Quote: عايز الناس دي تخلي الضللة وتجي لكتاحة الخرطوم؟ يا بشير .. ما بجو ديل انا عارفهم وشايفهم .. هم ما صدقوا الجماعه هناك صدقوهم يقومو تااااني يمرقو من الجنه وسقطه

---

Post: #58 Title: Re: مناضل يحرق نفسه امام المجلس الوطني .. Author: Mohammed Awad Date: 01-16-2011, 12:34 PM Parent: #57 غايتو انا بنصحك بى جيفارا... البنزين على المكنة التيربو الرابطها الايام دى بيجيب نتيجة حتمية.. وماتنسى البرطمانية باله عشان الرماد بتاع تكشحو معاك فى ملتقى النيلين.. على حسب الوصية... منى ليهو رصاصة الرحمة اذا الموضوع دا فشل... -------- تحت تحت كدا بوست انصرافى ومخستك البنزين دا اسى كان اديتنى ليهو كبيتو فى عربيتى دى مش احسن؟