الهم إتقســـم والى من انتمــــــى ؟

اخوانا من شعب الجنوب عرفوا البيهم و العليهم
ومهما كان وما سوف يكون
رغم الاحساس المرير بكلمة الانفصال فى النهايه
من حقهم
اقرروا مصيرهم
طيب ياجماعه ونحنا مصيرنا شنو

حكمومة البشير لو لسع قاعده شويه

الحكايه بعد الانفصال زى

ما قال البشير حتكون فيها قطيع

وبصراحه دايرين لينا مخرج

من ناس الانقاذ

يجب ان يذهبوا لم يعد احد يحتمل الوضع

فى السودان

وكم اشعر بالحسره وبالغبن واتمذق

حسره على بلدى وعلى الحاصل ده

اشوف الخوف فى عيون كل الناس

بكتب وانا شايفه السودان

بقطعوا فيه من لحمنا اودمنا

بشوف دارفور والاباده المستمره والضياع والتشتت

والشمال والشرق كل الجباه مفتوحه

وبشوف شعب مغلوب على امره

كان فى الشمال ولا كان فى الجنوب

الحال ما بطمئن

شعرته بى خيبتنا ونحنا بنتقسم

وشعرته بى حقهم لخيارهم لانو اظلمو كتير

واخيرا تماسكت لانى اعلم شئ واحد واحسه

انا سودانيه افريقيه

احب كل الالوان

ارسم بخطوط واضحه

الوانى قويه وساطعه كالشمس

ايقاعاتى زنجيه افريقيه

ولو خيرونى

لذهبت معهم

لانى احس بهم

لا اعرف الى من انتمى

لانى بحب الشمال وبحب الجنوب

والشرق والغرب

African Face
Mahasin Art
Sold 2004

ماتتخيلوا لمن شفته المنظر ده
احساسى كان كيف شعرته بى الم حقيقى
بكيت على السودان
صورته هذا المنظر بى كمرتى وكان 12-9-1010
وانا فى السودان

جدودنا زمان وصونا على الوطن على الرتراب الغالى