مصدر لقناة الجزيرة: طائرة الرئيس التونسي تتوجه لدولة خليجية!!!

مصدر لقناة الجزيرة: طائرة الرئيس التونسي تتوجه لدولة خليجية!!!
حسب ماورد في الجزيرة الآن.
الانباء متضاربة.


فرنسا لمحت بأنها ستستضيف الرئيس التونسي الهارب.

قبلها قالوا مالطا و بعدها باريس
غايتو الخوف الطيارة كيروسينها
يخلص تقع تريح الجمل و الجمالي
الطغاة جميعهم لا يتعظون و لا يتحوطون
لمثل هذا المصير الا بعد فوات الاوان

سلام احمد

الاخ/ نصار لك التحية
نفس المصدر "قناة الجزيرة" ذكر ان الطائرة متوجه الي مالطا.... وبحسابات زمنية استنتجت استحالة وصوله الي مالطا نسبة, لان المسافة بين تونس و "فاليتا" ساعة واحدة فقط. باريس لمحت بقبولها لاستضافة بن علي. والان نفس المصدر" قناة الجزيرة" تقول ان الطائرة متجه الي الخليج!!

كل الطغاة سيتم القبض عليهم و علي رأسهم المجرميين الفاريين من العدالة في بلادنا.

عمليات القبضة علي اقارب الرئيس مستمرة. تم القبض علي صهر الرئيس ويعتبر من اصحاب الثروة و الاموال.

احمد تحياتى
متوجهة الخليج يعنى الدوحة او دبى
ما افتكر انو يكون ماشى يعمر ولا حاجة

اهلا يا ناصر.... نعم صحيح , الزول دة ما زول صلاة ولا زول عمرة لذلك اعتقد انه لن يتجه إلي المملكة العربية السعودية.... بن علي دة كان بيقلع الحجاب من رؤوس المحجاب.

الخبر ادناه من قناة العربية قبل قليل.

بن علي علي الرحج الي قطر

شكرا اكرام الصادق.... قبل قليل جاء في قناة العربية انه ربما سيواجه بثورة شعبية في فرنسا من قبل الجالية الكبيرة التي احدشدت امام السفارة التونسية وطالبت بعدم استقبال بن علي بفرنسا.

يا أحمد ، الزول دا قالوا ماشي قطر ،
أرجو من البورداب عمل اللازم
محمد سني وكمال سالم وابوالعزائم وأميره الشيخ وضحيه ، عارفكم ما بتقصروا،
ماتنسونا من الصور..

قطر متوقعة يا اخوي محمد المرتضي ... علي العموم بعد شوية حنعرف.
يا جماعة البورداب من الدوحة والمراسلين هناك..... نطالب بذهاب رئيسكم البوردابي "ابوساندره وكيكي و صاحب العدسة السحرية (الشبلي) و الصفوة ود دياب و عبد الإله ووو ..." واركان حربهم للتغطية المباشرة من مطار الدوحة.

و إن لم يقمو بالتغطية فسنكون لجنة ونسحب منهم لقب نجوم البورد .

ربما يجاور معاوية ولد الطايع في الدوحة

لكن ما تنسوا السيلية قريب وربما يكون هناك مجموعة من الفلل لإستقبال رؤساء كثيرين حيث الصف طويل

بحيراوي

شكله كدة الجزيرة دي ماسورة
لأنه قبليها قالت إنه الجيش استلم السلطة

أحمد محمد عمر ... لك التحية.
قناة الجزيرة مشكلتها تعتمد علي مصادر متعددة. لذلك حدث التضارب في الانباء.

الآن وفي خبر عاجل:
طائرة بن علي فوق الاجواء الخليجية وفي انتظار السماح له بالهبوط في احداها.
المصدر: العربية.

شكرا البحيراوي علي المعلومة أكيد قاعدة السيلية العسكرية الأمريكية بالمرصاد لكل الطغاة الهاربيين و الذين يخالفون السياسة الامريكية, يعني أي رئيس يخالف امريكا من الصعب له التوجه الي قطر.... لذلك رئيسنا المطارد دوليا زعيم الانبراشة و الانبطاحة في العالم (والان ناس الانقاذ منبطحين لامريكا تماما) ويمكنهم الذهاب الي الدوحة.

أخر الاخبار:
الرئيس التونسي حتي الآن ليس في مالطا ولا فرنسا.... ويقال أنه في طريقه الي قطر.
ذكر في قناة تيلي TELE- 1 الفرنسية وحسب ما جاء عبر شاشة العربية أن الرئيس نيكولاس ساركوزي رفض رسميا استقبال "بن علي"

غادر بن علي في الساعة الخامسة بتوقيت تونس المحلي ولايعرف الي اين وصل حتي الآن.
تم تأكيد أن صهر الرئيس الذي ذكر أنه اعتقل سابقا بالمطار, أنه وصل الي دبي.

Quote: يا أحمد ، الزول دا قالوا ماشي قطر ، أرجو من البورداب عمل اللازم محمد سني وكمال سالم وابوالعزائم وأميره الشيخ وضحيه ، عارفكم ما بتقصروا، ماتنسونا من الصور..

ياسر طيفور ..... كيف الامور.
اها الامريكان و الكنديين بي طرفكم قالو شنو في الحكاية دي وتحليلاتهم السياسية للوضع؟!

الزول دة ما هبب عليكم بي غادي؟..

احمد سلامات
البحيرني الرجال الما بخجلوا ديل
جرية ساااااااااي كدة عينك يا تاجر؟
ما بخجلوا من الرؤساء الماشين يلبدوا عندهم ديل؟؟
ما بتذكروا زياراتهم ليهم قبال كده والاستقبال والحفاوة ؟ يجوها هسة عاضيين جلاليبهم حفاة عراة ؟
ما دوامة والله

نحن غايتو يا احمد اخوي بشيرنا تب ما بجري افو افو
بركز تب جلد جلد غرامة غرامة موت موت
هيع على قول ود الباوقة

مشاققة
انا لو منو بقول ليهم كده ماني جاري تب
النعمنو مافي طيارة بتمرقوا ولا بلدا بتلموا لا مالطا لا مليط

http://www.kolalwatn.net/videos/variety/7778.html
اعلاه في الرابط فيديو للطائرة الرئاسية التي قيل انه غادر بها "بن علي" مطار تونس.
تم تصوير الفيديو من احد المواطنيين. وتم بثه من الانترنت الي القنوات الفضائية.



شكرا يا اسماء.... حكام الدول العربية كلهم في الهواء سوا
وما بيخلجو في مثل هذه المواقف يعني عادي جدا
إنو البشير بتاعنا دة بعد ما تنقلب حكومتوا قريبا انشاء الله
حيحاول وبدون خجل يفر للخليجيين أو الحبش جيراننا ويطلب منهم
النجدة من مصائبه علي الشعب.
* حسب ما قيل الان, ومن داخل تونس انه في السنوات الاخيرة
ظهرت مجموعة الطرابلسي ومجموعة من الشباب و اقرباء الوزراء
يقودون افخم العربات في تونس و اليوم تم نهب هذه السيارات و الاموال منهم

فعلا زي ما كتبتِ انتِ يا بت الجنيد
الدنيا ما دوامة وما اتي بالحرام لابد ان يذهب منك بالحرام.

و الله يا بت الجنيد بشيرنا العاق دة
يوم نهايتو يجري جري ما عادي.
و الحمد لله البلد ضيقة وحينقبض قبل ما يمشي المطار.

واظنكم متذكرين كويس عندما دخلت
قوات حركة العدل امدرمان انو البشير
واسرته كانو فاريين للسعودية بدعاوي العمرة!!

ديل يا بت الجنيد عالم بتخاف وما بتختشي.

بن على هرب الى فرنسـا
؟؟؟؟؟؟!!!!!!!!!

الان علي قناة العربية ورد خبر عاجل عن:
أنباء عن وصول طائرة" بن علي" مطار جــدة.

الحكومة السعودية اعلنت رسميا عن وقوفها مع الشعب التونسي و استضافة بن علي ..... في اي وقت واعلنت عن قبول لجوءه اليها , والي الان لم يتاكد اين وصل الرئيس الهارب "بن علي".

صور الوصول بكرة لو ربنا سهل.
ولاكمان لو في زول عاوز يتبرع ويتابع البوست يكون ما قصر.