Post: #1
Title: اخوك كان حلقو ليهو يا البشير بل راسسسسسسسسسك...!!
Author: عبدالكريم الامين احمد
Date: 01-14-2011, 08:45 PM
الكلام ليك البشير يا المنطط عينيك
وهاهي القنوات تنقل هبات الشعوب عندما تقرر ان تركل الطغاة الجبابرة الي الجحيم...
والمجد والخلود للشعب التونسي البطل الذي رسم لوحة حتما سيرتجف منها كل الطغاة في العالم
واول الراجفين سيكون ذلك الرئيس السوداني عمر البشير...
فقد قيل في المثل
اخوك كان حلقو بل راسك
|
Post: #2
Title: Re: اخوك كان حلقو ليهو يا البشير بل راسسسسسسسسسك...!!
Author: عبدالكريم الامين احمد
Date: 01-14-2011, 09:13 PM
Parent: #1
ومثل اخر الي بني كوز ومن لف لفهم
كتلوك ولا جوووك جوووك
|
Post: #3
Title: Re: اخوك كان حلقو ليهو يا البشير بل راسسسسسسسسسك...!!
Author: احمد خليل
Date: 01-14-2011, 09:38 PM
Parent: #2
الاخ عبد الكرىم سلام
الظاهر بيشه بحب الحلاقة علي الناشف زي وشه الناشف
مظاهرات تونس ذكرتني انتفاضة ابريل وكيف مشينا من شارع القصر جنوب لغاية القصر الجمهوري
ومن هناك لغاية القيادة العامة والله ما حسينا بالمشوار يا لها من ايام وىا ليت الشباب يعود يوما
تعرف بيشه ده لا عظة لا عبرة شيء غريب لدرجة الاستغراب والذهول
سيبك من زين العابدين الحاصل في اجنوب ده ما بخليهو بيل راسه
ده اذا افترضنا جدلا انه تحت القبة فكي
|
Post: #4
Title: Re: اخوك كان حلقو ليهو يا البشير بل راسسسسسسسسسك...!!
Author: عبدالكريم الامين احمد
Date: 01-14-2011, 09:45 PM
Parent: #3
| Quote: ده اذا افترضنا جدلا انه تحت القبة فكي |
دي بس ياها يا ابو حميد
وانت جبتها من اخرها..
فالقبة البشية ماتحتها اي فكي او يحزنون وكل مافي الامر هو اعلام مضلل وقبضة بوليسية رعديدية وبقليل من الضغط الشعب كلو قرد منهم حيطلع شجرتو وسيهرب مثلما هرب بن علي اليوم... وما كان في تونس هو سيم سيم بالكربون لما يجري في السودان اليوم...
حكومة احادية واقصائية ومحمرة عيونها ضد المعارضين بالامن ...ولكن عندما فتشها الشعب وفي اقل من شهر ظهر بانهاا سلطة قاعدة في السهلة ودفاعها اخير منو دفاع الاهلي بفريق زنقو
|
Post: #5
Title: Re: اخوك كان حلقو ليهو يا البشير بل راسسسسسسسسسك...!!
Author: احمد خليل
Date: 01-14-2011, 10:02 PM
Parent: #4
بالله شفت الجماهير الكانت مؤيدة لعلي قدر شنو؟
وبعد ده كله الشعب قال لاااااااااااااا
والعارضين بقو اكتر من المؤيدين وحسي حاج علي ما عارف يتخارج وين ؟
غايتو الاخوة الجنوبيين الله حلاهم نحن البحلنا شنو ؟
لينا رب اسمه الكريم يا عبد الكريم
|
Post: #6
Title: Re: اخوك كان حلقو ليهو يا البشير بل راسسسسسسسسسك...!!
Author: عبدالكريم الامين احمد
Date: 01-14-2011, 10:20 PM
Parent: #5
Quote: بالله شفت الجماهير الكانت مؤيدة لعلي قدر شنو؟
وبعد ده كله الشعب قال لاااااااااااااا
والعارضين بقو اكتر من المؤيدين وحسي حاج علي ما عارف يتخارج وين ؟
غايتو الاخوة الجنوبيين الله حلاهم نحن البحلنا شنو ؟
لينا رب اسمه الكريم يا عبد الكريم |
هلا يا احمد
بن علي ده جاء الحكم قبل زولنا ده بسنتين بس ده 87 وزولنا 89
وقبضتو كانت رهيبة لدرجة لو قلت لتونسي بن علي احتمال يقوووم جاري منك...
وقع ليك في البشرية التونسية دي جزر وسلخ وضرب تقيل...
وعمل ليهو ايضا زي ناس البشير ديل زي كم اوضة وبرندة كده وقال ليهم دي تنمية
واعلام ليهو ضل نفلللللللل ليك بن علي ده وقفو ليك زمبارة كرئيس اسطوري وخالد وكان هو الوطن..
مويدين ياتون للتجمعات الحزبية بالالوف والدفوف ونفس حركات البشير دي
بس الفرق البشير كان برقص وبجبجب وبن علي ما كان بجبجب وبرقص...
والجنوبيون ربنا هم السابقون ونحن اللاحقون وقريبا
وحسع الجبهجية بكونو مع حكاية تونس دي بتراجفو زي صحن الكاسترد
|
Post: #7
Title: Re: اخوك كان حلقو ليهو يا البشير بل راسسسسسسسسسك...!!
Author: عبدالكريم الامين احمد
Date: 01-14-2011, 10:54 PM
Parent: #6
ثورة ابريل انطلقت قبل ان تغادر شاشة التلفاز الثورة التي ركلت الطاغية شاوسيسكو
وايضا كا قبلها الثورة في الفلبين...
فالشعوب تتاثر ويتم التخاطر العابر للقارات
ولكن هذه المرة الدرس والنموذج اتي من مدارات ليس ببعيدة من الخرطوم وعلي مرمي حجر من نواحي طرابلس...
فعلي اسادة بني كوز التسخين فورا للمخارجة والهروب ان وجدوا اليه سبيلا..
|
Post: #8
Title: Re: اخوك كان حلقو ليهو يا البشير بل راسسسسسسسسسك...!!
Author: معاوية عبيد الصائم
Date: 01-14-2011, 11:00 PM
Parent: #7
Quote: فعلي اسادة بني كوز التسخين فورا للمخارجة والهروب ان وجدوا اليه سبيلا..
|
ما قلنا الزقاق ضاق
الجو...اوكامبو
شرقا جوعى طوكر
غربا حدث ولا حرج
شمالا ناس كجبار
جنوبا ..جوبا مالك على
حوش بانقا صقيعة ساااااى
اها يقبل وووووين ويشكى الزنقة
|
Post: #9
Title: Re: اخوك كان حلقو ليهو يا البشير بل راسسسسسسسسسك...!!
Author: عبدالكريم الامين احمد
Date: 01-14-2011, 11:05 PM
Parent: #8
Quote: ما قلنا الزقاق ضاق
الجو...اوكامبو
شرقا جوعى طوكر
غربا حدث ولا حرج
شمالا ناس كجبار
جنوبا ..جوبا مالك على
|
هلا يا معاوية
وبني كوز وبحكم عمايلهم وجرائمهم مقفلة عليهم القبل الاربعة
ومقفلة ايضا برا وجوا وبحرا..
واصلا احنا عاوزينهم جووووووه في الكراكير والجخانين دي..تلك الكراكير التي عاثو فيها فساد
حتي يتم مباصرتهم والتعامل معهم بما يليق بهم كحرامية وتلب شعوب
|
Post: #10
Title: Re: اخوك كان حلقو ليهو يا البشير بل راسسسسسسسسسك...!!
Author: عبدالكريم الامين احمد
Date: 01-15-2011, 07:12 AM
Parent: #9
الحالة البشيرية سيم سيم بالكربون لحالة بني
1-حكم حزب واااحد وقبضة حديدية
2-اقصائية
3- سيادة ايدلوجية واااحدة
4-جماهير ظلت وحتي قبل شهور تتوافد بالكوم والردوم في القااءت الجماهيرية التي كان يكضب فيها بن علي
5- الاثنين عسكرين
6-وتعذيب وقمع رهيب للحريات ومسك ابن لذين لرقاب البلاد والعباد
7- جوقة من الفاسدين والحرامية واللصوص حول الرئيس واصحاب حظوة من الحزب
8- والاهم هي التنمية التي كان بن علي يراهن عليها ولكن ان تقارن ذلك مع امر (الرد الرد السد الرد)
9-اعلام مضلل ومغبش للوعي المحلي والاقليمي والدولي....
وختاما هكذا فر بن علي بجلده وهنا نقرع الاجراس حتي يفر ويهرب البشير بجلده ان وجده الي ذلك سبيلا
حيث الفرق الوحيد هو ان البشير لا يستطيع التحليق في الاجواء الدولية مثلما حلقت تونسية بن علي...
|
Post: #11
Title: Re: اخوك كان حلقو ليهو يا البشير بل راسسسسسسسسسك...!!
Author: عبدالكريم الامين احمد
Date: 01-15-2011, 02:46 PM
Parent: #10
مع التقدير للاخ عادل عثمان
|
|