Post: #1
Title: المواجهة الشريفة ...!! توجد ( حيرة) !!
Author: نادية عثمان
Date: 01-14-2011, 09:41 AM
Parent: #0
يكون الحاصل شنو ياربي ؟!
طبعا ( الفضول) الصحفي كاتلني عديل !!
المواجهة الشريفة ؟!!
يكون حصل ليهو شنو الزول ده يا ربي !!
وأحد يسمي ( الصيدلية) بتاعتو ( المواجهة الشريفة) معقولة مايكون وراء القصة قصة مثيرة ؟!!
المواجهة الشريفة صيدلية في منطقة بري غايتو !!
وحيرني إسمها ده وقلت أشرككم في التخمين معاي .. سيد أو ست الصيدلية ده بكون مالو ؟!!
وممكن تكتبوا أسماء المحلات ( الغريبة) والبعرف قصتها بيكون كويس سمح؟
ويابكري دي صيدلية يعني دواء وما كعب لو بقى البوست ده إعلان ليها ويكفي أنها ( مواجهة شريفة) !
وعجبي !!
|
Post: #2
Title: Re: المواجهة الشريفة ...!! توجد ( حيرة) !!
Author: saif massad ali
Date: 01-14-2011, 10:09 AM
Parent: #1
نادية عثمان
صباحك خير
ياريتك تواجهيني مواجه شريفة
وش ضاحك
|
Post: #3
Title: Re: المواجهة الشريفة ...!! توجد ( حيرة) !!
Author: دينا خالد
Date: 01-14-2011, 10:33 AM
Parent: #2
الصحفية !!! نادية .
صباحك نور
انتى اتخلعتى قايلاها اسم معركة ؟
يا ستى قبل ما فضول الصحفيين يكتلك
المواجهه الشريفة
دى فى المدينة المنورة
معالم المسجد النبوي الشريف عبر التاريخ ..
• المقصورة الشريفة
• قبر الرسول صلى الله عليه وسلم وصاحبيه
• القبة الخضـــراء
• مهبط الوحي
• المواجهة الشريفة•
الروضة الشريفة
• الحجرة النبوية الشريفة
• بيت السيدة فاطمة الزهراء
• المنابر والمحاريب
• أهل الصفة
• المكبرية
• قباب المسجد النبوي الشريف
• المآذن والمنارات
• المطمار
• الأبواب والمداخل
• الحصوات والبئر والشجرة
• الإسطوانات أو الأعمدة
• المظلات المتحركة
ــــــــــــــــــــ
ندويه يا صحفييين اخر زمن ياخ ..
وعادى بسموا عليها ذى ما تلقى صيدلية مكة
صيدلية بثرب ،، عرفه ، جبل احد ، المدينة المنورة وهكذا
خجلتونا مع الصحابة ياخ
|
Post: #16
Title: Re: المواجهة الشريفة ...!! توجد ( حيرة) !!
Author: نادية عثمان
Date: 01-14-2011, 07:23 PM
Parent: #3
دينا سلام
مافهمت يعني علامات التعجب التلاتة قبل (مهنتي ) ديل وبعدهم معناها شنو والله !!
صباحك نور وزوهور يادندون ياخ
| Quote: انتى اتخلعتى قايلاها اسم معركة ؟ |
إيمكن تكون معركة وإيمكن رسالة وإيمكن وإيمكن شن عرفنا ( سيدها) كان قاصد بيها شنو ؟
| Quote: يا ستى قبل ما فضول الصحفيين يكتلك |
والله رغم المعلومات الوفيرة والجميلة الجبتيها عن ( المواجهة الشريفة) الفي المدينة لكن مازلت محتارة !!
لأنو أنا ما بعرف ( سيد) الصيدلية كان فهمو شنو والاسم غريب بالنسبة لي كونه تتسمى بيهو ( صيدلية) سمح؟
|
Post: #17
Title: Re: المواجهة الشريفة ...!! توجد ( حيرة) !!
Author: نادية عثمان
Date: 01-14-2011, 07:39 PM
Parent: #3
دينا
ندويه يا صحفييين اخر زمن ياخ ..
وعادى بسموا عليها ذى ما تلقى صيدلية مكة
صيدلية بثرب ،، عرفه ، جبل احد ، المدينة المنورة وهكذا
خجلتونا مع الصحابة ياخ
دندونة ياعسل
كل الصيدليات القلتيهم ديل بتاعين يثرب ومكة ووووالخ سمعت بيهم وشفتهم وماحيروني أها لكن ( المواجهة الشريفة ) حيرتني ومازالت !!
المعلومات الجيدة الجبتيها مشكورة شديد عن ( المواجهة الشريفة) متوفرة في قوقل وممكن أطلع عليها .. لكن أنا كلامي عن
الأسماء البتكون غريبة لمن يسموا بيها المحلات التجارية وأول مرة يلاقيني اسم ( المواجهة الشريفة) كأسم محل المشكلة وين ؟
عايني:
مرة زوجة أخوي قالت دايرة تسمي بتها ( نمارق) وهو اسم من سورة في الكتاب
يلا قلنا ليها فتشي معنى الاسم شنو في الأول .. لقت معاناه ( الوسائد) الفي الجنة !
قامت أختها قالت ليها وسائد موش يعني ( مخدات) يعني تسمي بتك ( مخدة) !!
يا حبيبة
البوست كلو بتكلم عن الأسماء الغريبة البتوقفك لمن تقرأها على واجهات المحلات التجارية ليس إلا !!
وجد سعيدة بموفور معلوماتك وأثريتي البوست بمعلومات مفيدة وصور ترد الروح شديد جزاك الله خير يا حبيبة ..
تسلمي
|
Post: #4
Title: Re: المواجهة الشريفة ...!! توجد ( حيرة) !!
Author: imad hassan
Date: 01-14-2011, 10:41 AM
Parent: #2
الحمد لله ان واحد من ناس المنبر تطرق للموضوع لنتشارك الحيرة والربكة . تعرفي وقفت امام الصيدلية لارتباكي وحيرتي ونظرت ببلاهة واضحة مقابل الصيدلية لارى ما تواجهة من مواجهة شريفة كانت ام لم تكن و لم ارى اي شيئ عندها قلت في نفسي ربما انا لست بناقش و ان هناك مواجهة حقيقية لا يراها الا اولي الالباب لكن يبدو ان الامر فعلا محير.
|
Post: #5
Title: Re: المواجهة الشريفة ...!! توجد ( حيرة) !!
Author: دينا خالد
Date: 01-14-2011, 11:22 AM
Parent: #4
لنادية وعماد حسن ولكل من شاركهم الحيرة والارتباك
ولكل من يسال
هنا ( على ما اعتقد)
المواجهه الشريفة
ــــــــــــــــــــــ
يا ندوية الصيدلى بعلن عن ادوية
رجلك والقبر .. لووووب والله اعلم .
|
Post: #6
Title: Re: المواجهة الشريفة ...!! توجد ( حيرة) !!
Author: دينا خالد
Date: 01-14-2011, 12:18 PM
Parent: #4
وفى رواية ان
المواجهة الشريفة قبر الرسول صلى الله عليه وسلم
وصاحبيه أبو بكر الصديق وعمر بن الخطاب رضي الله عنهما
جوانب هذه المواجهة تكسى بالستائر كل عام
من الملوك والحكام حول العالم !
ــــــــــــــــــ
خلاص ولا نسترسل ؟
|
Post: #7
Title: Re: المواجهة الشريفة ...!! توجد ( حيرة) !!
Author: محمد عبدالرحمن محمد
Date: 01-14-2011, 12:52 PM
Parent: #6
نسترسل !
|
Post: #8
Title: Re: المواجهة الشريفة ...!! توجد ( حيرة) !!
Author: محمد عبدالرحمن محمد
Date: 01-14-2011, 12:52 PM
Parent: #6
تكرار!
|
Post: #9
Title: Re: المواجهة الشريفة ...!! توجد ( حيرة) !!
Author: دينا خالد
Date: 01-14-2011, 02:12 PM
Parent: #8
حاضريين يا محمد عبد الرحمن اهو استرسلنا
حسن الحازمي:
بعد أن صلينا الفجر تسابق الناس للمرور أمام الواجهة الشريفة...
وما هي إلا لحظات حتى أصبح الممر مزدحما بالناس من كل لون وشكل...
قلت انتظر قليلا فالجلوس في الروضة لا يمل وإن كان الشوق للسلام على رسول الله لا يقاوم...
كثر الناس وزاد الزحام وزادت الحركة في الروضة بشكل افقدها السكينة...
فقمت ودخلت في ذلك البحر المتلاطم من البشر (اليوم هو اليوم ما قبل الأخير لمغادرة حملات الحج) ...
في وسط ذلك الزحام نظرت لنفسي بين هذه الحشود باختلاف لغاتها وألوانها بل والتفاوت الكبير في اشياء كثيرة...
تذكرت قول الله عز وجل:
(لقد كان لكم في رسول الله أسوة حسنة)...
|
Post: #10
Title: Re: المواجهة الشريفة ...!! توجد ( حيرة) !!
Author: دينا خالد
Date: 01-14-2011, 03:09 PM
Parent: #9
هل زالت الحيرة !!!
ام نسترسل ...
ــــــــــــــــــــ
فى انتظار الشكر
لاننى وحدى من ازلت الحيرة ..
كاو ولا حيرة الصحافيين دى
|
Post: #11
Title: Re: المواجهة الشريفة ...!! توجد ( حيرة) !!
Author: دينا خالد
Date: 01-14-2011, 06:22 PM
Parent: #10
حيرتونا معاكم ..
|
Post: #12
Title: Re: المواجهة الشريفة ...!! توجد ( حيرة) !!
Author: محمد عبد الماجد الصايم
Date: 01-14-2011, 06:25 PM
Parent: #11
حالة بلع نسائية .. بقيادة دينا خالد!!
|
Post: #13
Title: Re: المواجهة الشريفة ...!! توجد ( حيرة) !!
Author: تبارك شيخ الدين جبريل
Date: 01-14-2011, 07:08 PM
Parent: #12
حبوباتنا زمان بسمّوهن "الشبّاك" ... أها "الشباك" دا قلب "المواجهة الشريفة" ظاطو ...
تشكرى يا دينا خالد على الصور ... تشفى الغليل والله ...
انا لمن قريت العنوان دخلت على اساس انو "الحيرة" من "الإنجذاب" أو من "الحيران" ... قلت حتكون بى جاى فى كيتة علالتا فى السما ...
(بى غادى فى زول كاتب لى "انت بتكتب الرسول ما بتكتب صلى الله عليه وسلم" ... أححححح ... يا اخواننا البيقرى الكلام دا يستغفر ويصلّى على الحبيب ... الغفلة هينة)
... المهم ....
|
Post: #24
Title: Re: المواجهة الشريفة ...!! توجد ( حيرة) !!
Author: نادية عثمان
Date: 01-14-2011, 11:21 PM
Parent: #13
أستاذ تبارك
سلامات وحبابك مليون
عامك سعيد وبخيت يارب
| Quote: اخواننا البيقرى الكلام دا يستغفر ويصلّى على الحبيب . |
الف الف صلاة على الحبيب المصطفى صلى الله عليه وسلم ..
|
Post: #21
Title: Re: المواجهة الشريفة ...!! توجد ( حيرة) !!
Author: نادية عثمان
Date: 01-14-2011, 08:11 PM
Parent: #12
ود الصايم ياصديق
دينا بلّعت منو شنو ؟!
أنا غايتو صاحبة بوست ( المواجهة الشريفة) ماشايفة إني بلعت حاجة بقيادة دينا !!
ولا شايفة حاجة تستدعي البلع !!
البوست ده فكرتو عن الأسماء الغريبة كونها تكون على واجهات محلات تجارية ياود الصايم ياصحبي سمح؟
ودينا قالت ليك ماتحكي النكتة لكن عليك الله تحكيها سمح؟
تسلم أبو جوان
|
Post: #14
Title: Re: المواجهة الشريفة ...!! توجد ( حيرة) !!
Author: نادية عثمان
Date: 01-14-2011, 07:12 PM
Parent: #11
دينا ؟
حولا مالك نفسك قايم كدا يازولة مابراحة على روحك وكدا !!
والله أنا ذاتي إحترت فيك كدي دقيقة أجيك من فوق من حيث ( المواجهة الشريفة) ذاتا سمح ؟
|
Post: #20
Title: Re: المواجهة الشريفة ...!! توجد ( حيرة) !!
Author: نادية عثمان
Date: 01-14-2011, 08:04 PM
Parent: #10
دينا خالد
منوووووورة
هل زالت الحيرة !!!
ام نسترسل ...
استرسلي للصباح ومنكم نستفيد ياخ ..
ــــــــــــــــــــ
فى انتظار الشكر
لاننى وحدى من ازلت الحيرة ..
شكر وتقدير من هنا للصباح والله
لكن تفتكري ( سيد) الصيدلية كان قاصد فعلا ( المواجهة الشريفة) الفي المدينة المنورة ؟!
إحتمال آه وإحتمال لا !!
وبرضو يظل اسم ( المواجهة الشريفة) على وأجهة صيدلية بالنسبة لي غريب حكمة الله عاد !!
|
Post: #75
Title: Re: المواجهة الشريفة ...!! توجد ( حيرة) !!
Author: نادية عثمان
Date: 01-21-2011, 11:16 AM
Parent: #20
مشيت صيدلية ( المواجهة الشريفة) على فكرة !
|
Post: #19
Title: Re: المواجهة الشريفة ...!! توجد ( حيرة) !!
Author: نادية عثمان
Date: 01-14-2011, 07:52 PM
Parent: #4
حبابك عماد
الحمد لله ان واحد من ناس المنبر تطرق للموضوع لنتشارك الحيرة والربكة . تعرفي وقفت امام الصيدلية لارتباكي وحيرتي ونظرت ببلاهة واضحة مقابل الصيدلية لارى ما تواجهة من مواجهة شريفة كانت ام لم تكن و لم ارى اي شيئ عندها قلت في نفسي ربما انا لست بناقش و ان هناك مواجهة حقيقية لا يراها الا اولي الالباب لكن يبدو ان الامر فعلا محير.
والله أنا زيك وكان معاي مجموعة من الناس لمن مرينا من جنب الصيدلية وكلنا علقنا على الاسم وكل زول توقع
يكون صاحب الصيدلية يكون فهمه شنو !
مرات في أسماء بتكون غريبة جدا لمن تطلق على محلات ولا على ناس مثلا هسي في زول ينفع يسمي بته ( المواجهة الشريفة) ؟!
مع انو عادي ممكن يسميها المدينة ومكة والحرم ويثرب صاح ؟!!
|
Post: #15
Title: Re: المواجهة الشريفة ...!! توجد ( حيرة) !!
Author: نادية عثمان
Date: 01-14-2011, 07:14 PM
Parent: #2
سيف مساعد
سلام كتير
وعامك سعيد يارب
المواجهة الشريفة مافي أفضل منها طبعا ( وش ضاحك )
|
Post: #18
Title: Re: المواجهة الشريفة ...!! توجد ( حيرة) !!
Author: دينا خالد
Date: 01-14-2011, 07:45 PM
Parent: #15
مرحبا نادية
كملى كلامك بجيك ..
بس انشالله اكون قدرت افك حيرتك ..
ما تشيلى هم فى قومة نفسى،، دى من اجل
الرسول ( ص) ومقامه الرفيع وروضته الشريفة
تعبكم راحة ..
ـــــــــــــــ
عارفه نكته عمرو خالد ؟؟
ود الصايم اووووع تحكيها منى ، موتك
خلينى اجى احكيها براى ..
|
Post: #22
Title: Re: المواجهة الشريفة ...!! توجد ( حيرة) !!
Author: تبارك شيخ الدين جبريل
Date: 01-14-2011, 08:55 PM
Parent: #18
وكت مافى كيتة ...
| Quote: عارفه نكته عمرو خالد ؟؟ |
دايرين نكتة "عمرو خالد" ... هو بالمناسبة ... اخوك؟ ولاّ اسم على اسم؟
... المهم ....
|
Post: #23
Title: Re: المواجهة الشريفة ...!! توجد ( حيرة) !!
Author: Ahmed musa
Date: 01-14-2011, 10:02 PM
Parent: #22
صيدلية المواجهة الشريفة
تقع في منطقة بري المحس
وهي لصيدلي دخل في منازعات طويلة مع الأجهزة الإدارية
وقد وفقه الله في كسب نزاعه مع تلك الجهات
وصلت لحدود القضاء
وبعد إنتصاره أطلق على الصيدلية إسم (المواجهة الشريفة)
هذا بحسب رواية أحدهم من المقربين لصاحبها ...والله أعلم ...
أحمد موسى من أبناء البراري !!!
ـــــــــــــــــ
نادية ما تسأليني من علامات التعجب
لأني ذاتي (متعجب) من سبب كتابتها
|
Post: #25
Title: Re: المواجهة الشريفة ...!! توجد ( حيرة) !!
Author: salah ismail
Date: 01-14-2011, 11:52 PM
Parent: #23
رايكم شنو في المدرسة دي
=================================
NATION’S NATIONAL HEADQUARTERS
ALLAH SCHOOL IN MECCA – STREET ACADEMY ALLAH YOUTH CENTER IN MECCA. Inc.
“AN OUT REACH CENTER FOR THE GROWTH AND DEVELOPMENT OF NEIGHBORHOOD YOUTH”
2122 7TH AVENUE (Adam Clayton Powell, Jr., Blvd.)
NEW YORK, NY 10027
PHONE/FAX (212) 665-4175
========================================
الترجمه
مركز الشعب القومي
مدرسة الله في مكة
اكاديمية الشارع
شركة مركز شباب الله في مكة
=====================================
المحيرني انها في هارلم
=====================================
اكتر حيرة في ناس حزب الله
تبقي مصيبه لو سقطو في اي انتخابات
====================================
|
Post: #26
Title: Re: المواجهة الشريفة ...!! توجد ( حيرة) !!
Author: Rawia
Date: 01-15-2011, 00:49 AM
Parent: #25
Quote: أنا غايتو صاحبة بوست ( المواجهة الشريفة) ماشايفة إني بلعت حاجة بقيادة دينا !!
ولا شايفة حاجة تستدعي البلع !! |
هو إنت يانادية قايلة البيبلع بيحس بالبلع ولا بيشوفو؟
إحنا (الاودينس) البنقرر ياتو بوست إنبلع
أبلعي أبلعي 
وحكاية مواصلتك للبوست بالطريقة دي ذكرتني سياسة بسمارك الخارجية
__________
يادينا أنا أول مرة أسمع بالمواجهة الشريفة
|
Post: #27
Title: Re: المواجهة الشريفة ...!! توجد ( حيرة) !!
Author: Yassir Tayfour
Date: 01-15-2011, 01:17 AM
Parent: #26
دينا ذااااااااااااااااااااتها
علاقة بالصوّر دي شنو؟
لا بل علاقتها بالدين ذاتو شنو؟
___
وما دينا إلا واحدة ناقصة عقل وعلمانية كمان، شوف بالله المسخرة دي!
|
Post: #28
Title: Re: المواجهة الشريفة ...!! توجد ( حيرة) !!
Author: نادر الفضلى
Date: 01-15-2011, 02:28 AM
Parent: #27
سلام للجميع
الأخت دينا خالد جعلت ة معرفة مصطلح (المواجهة الشريفة) المتعلق بقبر الرسول (ص) أمراً ضرورياً. وقد قامت (مشكورة) بطرح بعض المعلومات، والصور الرائعة .. وكما يقول السعوديون الله يبارك فى أولاد عبدالعزيز.
لا أعتقد أن معرفة هذا المصطلح معلومة أساسية يجب معرفتها، خاصة الأسماء العديدة التى رصدتها لقبر المصطفى، أكيد ليست من الذاكرة. ورغم أن الإنترنيت زاخر بمعلومات وصور عن قبر الرسول (ص)، ولكن يبدو دينا متفقهة فيه، فلدى بعض الإستفسارات، أرجو أن تتكرم بتوضيحها:
متى أستخدم تعبير (المواجهة الشريفة)، هل إستخدمه الصحابة بعد موته؟ وهل هو تعبير شائع ومتداول بين جميع المسلمين، أم تستخدمه مجموعات أو طوائف بعينها؟
تقول دينا أن جوانب هذه الواجهة تكسى بالستائر كل عام من الملوك والحكام حول العالم. أرجو أن تذكر لنا عدداَ منهم وبلادهم حول العالم، خاصة من قاموا بالكسوة خلال الأعوام الخمس الماضية، أكيد أخبارهم بتكون عالقة بأذهان القراء، أنا ما مرت على.
تقول دينا "عادى يسموا عليها (المواجهة الشريفة) زى ما تلقى صيدلية مكة صيدلة يثرب .. عرفة، جبل أحد، المدينة المنورة وهكذا". لا أعتقد أنه عادى أن يسموا بها، بل إستحالة، أرجو أن تعطينا دينا أمثلة لمتاجر أخرى أو أمكان سميت على قبر المصطفى وخاصة (المواجهة الشريفة)
أوضح النقطة ألأخيرة أنه ليس عادى أو مناسب التسمية عليها. هنالك مدن بها مكان مقدس أكسب المدينة قدسية، فمكة بها الكعبة الشريفة، المدينة بها مسجد الرسول وقبره، القدس بها المسجد الأقصى، أو أمكان مرتبطة بشعائر دينية، أو حدث دينى تاريخى مثل الغزوات الإسلامية. فالمتعارف عليه واللائق أن تسمى مدن أخرى أو أمكان أخرى أو أفراد أو متاجر بمكة، مدينة، عرفة، منى، بدر، .. إلخ. ولكن المكان المقدس نفسه لا يسمى عليه. مثلاً لا يسمى مكان آخر بالكعبة الشريفة، أو مقام إبراهيم، أو قبر الرسول بمسمياته المختلفة لأنه يعطى قدسية للمكان وربما يدخل فى حرمة.
لن تجد تسمية مثل :
صيدلية الكعبة
بقالة قبر الرسول
صيدلية مقام إبراهيم
فندق المواجهة الشريفة
ولكن يمكن تسمية فندق مكة، بقالة القدس، صيدلية المدينة، عرفة للمقاولات، منظمة بدر الخيرية ....
والصيدلية المذكورة ببرى (الشريف)، إذا قصد مالكها تسميتها على قبر الرسول (المواجهة الشريفة)، فقد أعطى قدسية لصيدليته ليست فيها. فالمواجهة الشريفة لا تكون ولا تسمى إلا فى الروضة الشريفة. وحتى المعنى المعنوى الذى قد يكون إستخدمه كما ذكر الأخ أحمد موسى، فى رأيى تسمية غير موفقة. يشفع له أن المصطلح نفسه (المواجهة الشريفة) ليس شائعاً ومتداولاً. ويفترض أن يتحفظ عليه من يعلمونه مثل دينا، لا لتأتى وتقول عادى!
|
Post: #29
Title: Re: المواجهة الشريفة ...!! توجد ( حيرة) !!
Author: دينا خالد
Date: 01-15-2011, 07:25 AM
Parent: #28
الاخ نادر
وقبل دخولك فى معركة من غير معترك
اختنا ناديه لم تعلم معنى الاسم نفسه وذهبت
هى ومن معها فى العربة وكمان الناس السطحوا
بى اخونا احمد موسى لووووب وحكوا لى القصة الوهمية ديك
كل الناس ديل كانوا بعتقدوا انها من مصطلحات الجهاد
والعنف وكدا ومن هنا جاء استنكارهم
اذا انا غلطانة نادية بس ممكن تقول لى غلطانة ..
اسئلتك ممكن تبحث عن اجوبة لها فى قوقل
او عند اهل العلم فانا غير معنية بالاجابة
على تساؤلاتك ...
وبرضو انا ما مسؤولة من الناس تسمى شنو ؟
وتخلى شنو ؟
هسه فى زول فوق قال ليك فى مدرسة اسمها
الله ,,, اها انا الدخلنى شنو ؟
ـــــــــــــــ
راوية خليك قريبة ندوية دى روحها رياضية
ودا سبب مشاغلتنا ليها .. لكن تعالى شوفى
ناس بن على ديل ..
ياسر طيفور تقول شنو بالله
اهو الجبر ..
|
Post: #57
Title: Re: المواجهة الشريفة ...!! توجد ( حيرة) !!
Author: نادية عثمان
Date: 01-16-2011, 05:17 PM
Parent: #29
دينا العزيزة
Quote: اختنا ناديه لم تعلم معنى الاسم نفسه وذهبت
هى ومن معها فى العربة وكمان الناس السطحوا
بى اخونا احمد موسى لووووب وحكوا لى القصة الوهمية ديك
كل الناس ديل كانوا بعتقدوا انها من مصطلحات الجهاد
والعنف وكدا ومن هنا جاء استنكارهم
اذا انا غلطانة نادية بس ممكن تقول لى غلطانة |
أيوة غلطانة ياحبيبة !!
لأنو أنا ما إعتقدت انو (المواجهة الشريفة) من مصطلحات ( الجهاد) واسم زي البسموه ( الكيزان) داك !!
أنا بس اخدت العبارة بمعناها بتاع انو الزول ده ياربي كان متشاكل مع زول وواجهو مواجهة شريفة وانتصر ولا شنو ؟!
ده كان غرضي وغرض البوست كان رصد المسميات الغريبة على واجهات المحلات التجارية وكدا !!
بس هذا ماعنيته والله ( وحده) على ما اقول شهيد !!
لكن مابكضب عليك إستفدت من معلوماتك المفيدة عن ( المواجهة الشريفة) الفي المدينة وجد بشكرك شدددديد
تسلمي
|
Post: #30
Title: Re: المواجهة الشريفة ...!! توجد ( حيرة) !!
Author: دينا خالد
Date: 01-15-2011, 07:28 AM
Parent: #28
وبعدين اهو فى زول مسمى صيدليته
المواجهه الشريفة
انت تقول لى ما ممكن زول يسمى بيها !!!
عجبى ..
ـــــــــــــــــ
ندوية حقو تغيرى المحامى دا ..
|
Post: #31
Title: Re: المواجهة الشريفة ...!! توجد ( حيرة) !!
Author: Ahmed musa
Date: 01-15-2011, 08:19 AM
Parent: #30
Quote: ندوية حقو تغيرى المحامى دا .. [/QUOTE
دينا خالد
(قيل ) قطع الأعناق ولا قطع الأرزاق ...!!!
|
Post: #32
Title: Re: المواجهة الشريفة ...!! توجد ( حيرة) !!
Author: حسن طه محمد
Date: 01-15-2011, 08:38 AM
Parent: #31
الاخت نادية
بنفس القدر استغربت من هذه التسمية عندما قراتهاوانا ماري بنفس الشارع.
وأرجعتها الي موضة التسميات التي عمت البلاد بعد عام 89
مش كل الشوارع ومعظم المدارس سميت باسماء الصحابة
علي ما اعتقد شارعنا في الشعبية في اتجاه شارع المعونة اسمه شارع علي بن ابي طالب
بس لو سالتي اي واحد في نفس الشارع .. الشارع دا اسمه شنو ؟ ما بيعرف
ومدرسة الشعبية الابتدائية المعروفة بمدرسة الخشب سميت باسم مدرسة فاطمة الزهراء
وهكذا.....
في اجازتي الماضية مريت بشارع الصيدلية المعنية وتسالت مع من كان معي في العربية عن مغزي هذا الاسم.
انا شخصيا قلت : امكن المقصود المواجهة مع الحركة الشعبية ... وسميت بذلك ايام الملائكة والقرود التي كانت تحارب ضد الحركة الشعبية في الجنوب.
بس اعتقد ان اصحاب المحلات كان في تفكيرهم بان مثل هذه التسميات سوف تجلب لهم رضا الحيكومة والزبائن وكمان تعفيهم من الضرائب والرسوم المحلية وهلم جرا.
اعتقد ان هذه الصيدلية تقع في الشارع علي يمينك بعد نهاية سور معرض الخرطوم في اتجاه شارع المنشية.
صح ولا ما غلط.
تحياتي
|
Post: #33
Title: Re: المواجهة الشريفة ...!! توجد ( حيرة) !!
Author: نادر الفضلى
Date: 01-15-2011, 12:54 PM
Parent: #32
الأخت دينا
ليس هنالك معركة أدخل فيها، وما فهمته نادية وآخرين شأن آخر. ولكن هنالك معلومات ذكرتيها أردت التأكد منها. والموضوع مرتبط بالدين، ولذلك كانت إستفسارتى .. وإنت علقتى (خجلتونا مع الصحابة ياخ)، وإستفسارتى إنحصرت فيما ذكرتيه.
تعاملتى بأنك العارف بالله إستنكرتى ساخرة على غيرك لعدم معرفتهم لمعلومة معينة. وبثقة الواثق ذكرتى معلومات وأفتيت.... ونسترسل .. وما عارف إيه من أجل الرسول (ص) ومقامه الرفيع ... عندما إستفسرت تقولى لى قوقل! وأسأل أهل العلم!
أفتيت أنه (عادى) يمكن التسمية على (المواجهة الشريفة) مثلها مثل مكة، المدينة، يثرب ... أوضحت لك أنه ليس (عادياَ) ومقارنتك غير صحيحة. وسألتك أن تذكرى متاجر (أخرى) سميت على قبر الرسول خاصة مسمى (المواجهة الشريفة). لا أعلم هو تذاكى أم تغابى منك عندما تقولى الصيدلية موضوع البوست مسمية به، وإستخدام أسلوب وتعليق إنصرافى يا نادية شوفى ليك محامى تانى!!! تقولى أنك غير مسؤولة الناس تسمى شنو وتخلى شنو، ‘كلامك دا صاح لعموم الناس، لكن عندما تتعاملى بأنك العارف بالله ، وخجلتونا مع الصحابة، والإفتاء عادى التسمية .. ممكن ناس تعمل بفتوتك. إستتفسارى لك والمقرون بوجهة نظر مخالفة لفتوتك، هو لتبينى لى ولغيرى صحة فتوتك أو الرجوع عنها. فالموضوع ما موضوع قوقلة.
أتيتى بمعلومة كسوة سنوية للروضة الشريفة من ملوك وحكام (العالم) .. إستفسارى لك للتأكد من المعلومة أو إن أمكن أن تصححيها. لأنه حسب معلوماتى الكعبة المشرفة وقبر الرسول تقوم بكسوته المملكة السعودية منذ سنوات طويلة. وولى زمن الكسوة التى تأتى من خارج المملكة، وحتى فى الماضى لم تكن الكسوة تأتى بذلك التعميم (من ملوك وحكام العالم)، بل من دول بعينها. أها قوقلتة ما لقيت معلومة تأيد كلامك، فأرجو شاكراَ تزويدنا بما لديك من معلومات أو التصحيح.
سؤالى لك عن متى أستخدم تعبير (المواجهة الشريفة) وهل إستخدمه الصحابة بعد موته. ليس مبنى فقط على تعاملك أنك العارف بالله فى الأمر، ولكن أيضاَ تعليقك (خجلتونا مع الصحابة ياخ) مما بفهم منه أن المصطلح متداول من زمن الصحابة. ولذلك كان إستفسارى للتأكد. أرجو شاكراَ أن تمدينا بالمفيد.
|
Post: #34
Title: Re: المواجهة الشريفة ...!! توجد ( حيرة) !!
Author: دينا خالد
Date: 01-15-2011, 03:32 PM
Parent: #33
نادر !!! ( توجد حيرة !! )
ياخ هسه انا محتاره فيك انت دا ..
لماذا تسود كل تلك الصفحات بالكتابة ؟
بعدين ياخى انا دايرا اشاغل نادية بمعلومات كاذبة
بالكذذذب .. اها انت مالك ؟ ما تدخل بين التفاحة وقشرتها
انا العارف بالله
وانت ابو العريف ؟؟؟
وانا حافظة اسماء البقالات والصيدليات والدكاكين
عشان امدك بى ناس تانيين مسميين ؟؟
وامدك ذاتو لييه ؟ الزول دا مسمى على المواجهة
الشريفة امشى اتجدعن معاه هناك ، فارقنى ..
ـــــــــــــ
ياسر طيفور انت بدل تتعولق فينى
كان تعزز القوات ،، شفت تعزيز القوات المضاد
دا جا سريع كيف ؟
|
Post: #35
Title: Re: المواجهة الشريفة ...!! توجد ( حيرة) !!
Author: نادر الفضلى
Date: 01-15-2011, 05:43 PM
Parent: #34
Quote:
وانا حافظة اسماء البقالات والصيدليات والدكاكين
عشان امدك بى ناس تانيين مسميين ؟؟
وامدك ذاتو لييه ؟ الزول دا مسمى على المواجهة
الشريفة امشى اتجدعن معاه هناك ، فارقنى .. |
يا دينا إنت قلت: (عادى) بسمو عليها
Quote:
ندويه يا صحفييين اخر زمن ياخ ..
وعادى بسموا عليها ذى ما تلقى صيدلية مكة
صيدلية بثرب ،، عرفه ، جبل احد ، المدينة المنورة وهكذا
خجلتونا مع الصحابة ياخ
|
(عادى بسمو عليها) .. فالعادى دا مطبق وين؟
صيدلية برى دى موضوع النقاش حول تسميتها، المسألة ما محتاجة لحفظ أسماء
هو إسم واحد (المواجهة الشريفة) .. من لفك ودورانك المحصلة لم يمر
عليك بمحل أخر .. طيب ما تسحبى فتوتك بتاعة (عادى بسمو عليها) ..
Quote:
بعدين ياخى انا دايرا اشاغل نادية بمعلومات كاذبة
بالكذذذب .. اها انت مالك ؟ ما تدخل بين التفاحة وقشرتها
انا العارف بالله
وانت ابو العريف ؟؟؟ |
لم أدعى المعرفة ، ولم أسخر من أحد لمعرفتى بشئ لا يعرفه
وياليتها معلومة فيها الفصل فى الحكم على معرفة إنسان إلى
حد الطعن والإساءة إليه فى مهنته!!!
طريقتك فى التهرب .. وبهزر .. وبكذذذب وإنت مالك
وحل عنى .. وشغل .. محامى وتعزيز قوات .. فوق كم!
بتتناقضى مالك .. ما قلتى من أجل الرسول (ص) ..
بقى كضب وهزار!
إنتى قوقلتى وجبتى المعلومة ولم تشيرى للمصدار وعملتى العارف بالله
وسرحتى ..لو إلتزمتى بالنقل من المصدر يضبانته، ما كنت سألتك هذه الأسئلة ..
أها نسينا حتة محلات أخرى بتحمل نفس الإسم .. وعادى بسمو عليها نجرتيها بدون معرفة
كسوة ملوك وحكام العالم .. كيف؟ زودتى المحلبية فى معلومة شيخ قوقل؟
والصحابة الخجلوك قدامهم .. لو سألناهم وقالوا يطرشهم ما سمعوا بالمواجهة الشريفة،
بتكفريهم .. وتقولى ليهم يا مسلمين أول زمن !!! أم حتقولى بيحاموا لنادية وقوات صديقة لها
أقوليك أحسن شى تقولى حلوا عنى إدعيت المعرفة معتمدة على قوقل ..
ما تقولى هزززرت أو كذذذبت .. الصحابة ديل من أجل الرسول بتاعتهم
ما زى حقتك ملاوعة وذبذبة .. بلحقوك ....
|
Post: #36
Title: Re: المواجهة الشريفة ...!! توجد ( حيرة) !!
Author: دينا خالد
Date: 01-15-2011, 06:46 PM
Parent: #35
نادر الفضلى
طبعا اوول هام انا مصصرة جدا ما اولدك !
تلت وتعجن لى يوم القيامة
هو هسه كان ما قوقلتى دى
انت كنت عارف المواجهه الشريفة ؟
اشكر العارف بالله وتوكل على اعمالك ..
ــــــــــــــــ
يا جماعة نسترسل ؟
|
Post: #37
Title: Re: المواجهة الشريفة ...!! توجد ( حيرة) !!
Author: Rawia
Date: 01-15-2011, 07:26 PM
Parent: #36
أسترسلي
|
Post: #38
Title: Re: المواجهة الشريفة ...!! توجد ( حيرة) !!
Author: دينا خالد
Date: 01-15-2011, 07:58 PM
Parent: #37
راوية او فاتن حمامة ..
بطططلى ..
ــــــــــــــــــ
ضحكتا بصوت عااالى فى مداخلتك دى
والله ما عارفة لى
|
Post: #39
Title: Re: المواجهة الشريفة ...!! توجد ( حيرة) !!
Author: Rawia
Date: 01-15-2011, 08:08 PM
Parent: #38
أسوي ليك شنو؟
لقيتك واقف براك والهم عصف
_________
بعدينك أنا مالية إيدي من نادية
الزول الوحيد الفي البورد دا ماممكن يفهمني غلط
|
Post: #40
Title: Re: المواجهة الشريفة ...!! توجد ( حيرة) !!
Author: دينا خالد
Date: 01-15-2011, 08:22 PM
Parent: #39
فعلا يا رايوة
ندوية حربية
روحها رياضية وما مكابرة
وقالوا الحسنة بتمعط شارب الاسد !
الحسنة فى انها ما تجاريك فى اللؤم ..
يا ندوية احرجتينا انا والكاشف اخوى
ــــــــــــــــــــ
لكن الدور والباقى على الناس الجايين
يكابروا بالوكالة ديل .. منظرهم باااااييييخ
بوخ شديد .. قال معلومات قال
وقال عشان الدين قال
....... طلعت دينا من طورها والله ..
|
Post: #41
Title: Re: المواجهة الشريفة ...!! توجد ( حيرة) !!
Author: محمد عبد الماجد الصايم
Date: 01-15-2011, 08:56 PM
Parent: #40
أحييكـ يا نادر الفضلي .. وأرجو أن تسترسل!!
|
Post: #42
Title: Re: المواجهة الشريفة ...!! توجد ( حيرة) !!
Author: نادية عثمان
Date: 01-15-2011, 10:44 PM
Parent: #41
حولااااااااااااااا
ياجماعة الحاصل شنو ؟!
الزول مايمشي يشوف أكل عيشو ويجيكم يقوم يلاقيكم في مثل هكذا ( مواجهات شريفة) !!
كدي دقيقة قبل ما أرد ليكم من فووووق وأنزل تحت أشوف الحاصل شنو عايزة بس أقول !!
دينا
ونادر
وحاة الله الكريم البوست ده مابتاع ( مواجهات) يعني ( شكلات) !!
وممكن تواصلوا النقاش فيهو بنفس هااادئ وجميل ياخ !
ومن نقاشكم نستفيد ومالو ؟!
غايتو ( المواجهة الشريفة) لسة محيراني مابكضب عليكم !!
وجاياكم سمح؟
|
Post: #43
Title: Re: المواجهة الشريفة ...!! توجد ( حيرة) !!
Author: حبيب نورة
Date: 01-16-2011, 00:05 AM
Parent: #42
جديد البورد
الإسترسال في فنون الإستهبال
|
Post: #44
Title: Re: المواجهة الشريفة ...!! توجد ( حيرة) !!
Author: محمد عبدالرحمن محمد
Date: 01-16-2011, 00:23 AM
Parent: #43
دينا خالد..
(نسترسل)!
.
.
(كيتاً في ودالصايم)!
|
Post: #76
Title: Re: المواجهة الشريفة ...!! توجد ( حيرة) !!
Author: نادية عثمان
Date: 01-21-2011, 11:31 AM
Parent: #44
محمد عبد الرحمن
حبابك
تسلم على المرور
|
Post: #71
Title: Re: المواجهة الشريفة ...!! توجد ( حيرة) !!
Author: نادية عثمان
Date: 01-17-2011, 01:10 AM
Parent: #43
حبيب نورة
Quote: جديد البورد
الإسترسال في فنون الإستهبال
|
وماهو المعيار للاستهبال ؟!
|
Post: #73
Title: Re: المواجهة الشريفة ...!! توجد ( حيرة) !!
Author: نادية عثمان
Date: 01-20-2011, 11:40 AM
Parent: #43
حبيب نورة
Quote: جديد البورد
الإسترسال في فنون الإستهبال |
وماتنسى
تحديد الزوايا في ( كاشف النوايا) !!
لقيتني كيف .. قول انت بس .. لقيتني كييييييييف .. أو كما قال فنان ذات يوم !
|
Post: #69
Title: Re: المواجهة الشريفة ...!! توجد ( حيرة) !!
Author: نادية عثمان
Date: 01-17-2011, 00:50 AM
Parent: #40
دينا
Quote: ندوية حربية
روحها رياضية وما مكابرة
وقالوا الحسنة بتمعط شارب الاسد !
الحسنة فى انها ما تجاريك فى اللؤم ..
يا ندوية احرجتينا انا والكاشف اخوى |
أنا روحي رياضية ومامكابرة لمن أشعر إني غلطت في حاجة !!
وده هنا ماحاصل نهااااااائي !!
ومازلت محتارة في أسماء المحلات التجارية تحت عناوين غريبة زي ( المواجهة الشريفة) وماشابه !
|
Post: #72
Title: Re: المواجهة الشريفة ...!! توجد ( حيرة) !!
Author: نادية عثمان
Date: 01-20-2011, 11:30 AM
Parent: #69
مازالت الحيرة قائمة !
|
Post: #68
Title: Re: المواجهة الشريفة ...!! توجد ( حيرة) !!
Author: نادية عثمان
Date: 01-17-2011, 00:42 AM
Parent: #39
Quote: بعدينك أنا مالية إيدي من نادية
الزول الوحيد الفي البورد دا ماممكن يفهمني غلط |
طبعا ودي دايرة كلام ياراوية ياخ !
إنداحي وإسترسلي زي ماعاوزة سمح ؟
|
Post: #63
Title: Re: المواجهة الشريفة ...!! توجد ( حيرة) !!
Author: نادية عثمان
Date: 01-16-2011, 09:07 PM
Parent: #32
أخوي العزيز وود العم النبيل حسن طه
تحية وعام سعيد وبركة الشفناك طيب ياغالي
Quote: بنفس القدر استغربت من هذه التسمية عندما قراتهاوانا ماري بنفس الشارع.
وأرجعتها الي موضة التسميات التي عمت البلاد بعد عام 89 |
والله كتااااار وقفوا واستغربوا وإحتاروا من المواجهة الشريفة دي !
وزيها أسماء كتااااااار !
البركة فيكم وفينا في الغالية إنعام النور نوارة الشعبية .. ماشفت يا مولانا وماسمعت موش إنعام ماتت ؟!
|
Post: #61
Title: Re: المواجهة الشريفة ...!! توجد ( حيرة) !!
Author: نادية عثمان
Date: 01-16-2011, 08:24 PM
Parent: #30
دينا
| Quote: ندوية حقو تغيرى المحامى دا .. |
الله يسامحك !!
|
Post: #56
Title: Re: المواجهة الشريفة ...!! توجد ( حيرة) !!
Author: نادية عثمان
Date: 01-16-2011, 04:28 PM
Parent: #28
نادر الفضلي
حبابك
والله ماعارفة أقول ليك شنو لكن لو مادينا (ظنتك) جيت تدافع عني و(بعض الظن إثم ) كان بيكون طعم البوست مختلف !!
ولو دينا أخدت الكلام بروح رياضية وتبادلتوا الحوار كان ممكن نكون نحنا المستفيد الأول والله !!
تسلم وماتزعل من دندون وماتحرد البوست وتعال إسترسل زي استرسال دينا وخلونا نستفيد من وأفر معلوماتكم عن ( المواجهة الشريفة) سمح؟
تسلم وكن بألف خير
|
Post: #48
Title: Re: المواجهة الشريفة ...!! توجد ( حيرة) !!
Author: نادية عثمان
Date: 01-16-2011, 01:53 AM
Parent: #27
ياسر طيفور
نورت البوست والبوستات المجاورة
تسلم يارب
|
Post: #47
Title: Re: المواجهة الشريفة ...!! توجد ( حيرة) !!
Author: نادية عثمان
Date: 01-16-2011, 01:48 AM
Parent: #26
راوية بت خالتي علوية السمحة
كيفنك كدا وعساك وأولاد وبنات العباسي كووولهم بخير يارب
عايني
بلع ماببلع والله علا كان يبلع ( بسمارك) !!
ياراوية عاد أكضب يابت أمي ؟!
وحاة الله لي الليلة ولي بكرة ( المواجهة الشريفة ) محيراني !!
غايتو بحاول أجيب ليك خبرها سمح ؟
|
Post: #46
Title: Re: المواجهة الشريفة ...!! توجد ( حيرة) !!
Author: نادية عثمان
Date: 01-16-2011, 01:27 AM
Parent: #25
صلاح اسماعيل حبابك
Quote: مركز الشعب القومي
مدرسة الله في مكة
اكاديمية الشارع
شركة مركز شباب الله في مكة |
تسلم شددددديد
أها ده هدف البوست الأساااااسي !
الأسماء ( العجيبة) للمحلات التجارية والمؤسسات وكدا !
ياريت تمدنا بالمزيد خلينا نحتار زيادة سمح؟
|
Post: #45
Title: Re: المواجهة الشريفة ...!! توجد ( حيرة) !!
Author: نادية عثمان
Date: 01-16-2011, 00:34 AM
Parent: #23
مولانا أحمد موسى
Quote: صيدلية المواجهة الشريفة
تقع في منطقة بري المحس
وهي لصيدلي دخل في منازعات طويلة مع الأجهزة الإدارية
وقد وفقه الله في كسب نزاعه مع تلك الجهات
وصلت لحدود القضاء
وبعد إنتصاره أطلق على الصيدلية إسم (المواجهة الشريفة)
هذا بحسب رواية أحدهم من المقربين لصاحبها ...والله أعلم ... |
والله قصة أقرب للتصديق غايتو يا مولانا والله أعلم !!
أحد المقربين لصاحب ( المواجهة الشريفة) ده يامولانا ممكن يجيب لي تلفون صاحب الصيدلية ضروووري ؟!!
تلفونك ضايع منى على فكرة !
|
Post: #49
Title: Re: المواجهة الشريفة ...!! توجد ( حيرة) !!
Author: صديق الموج
Date: 01-16-2011, 02:29 AM
Parent: #45
اها وما طالبنى حليفه
اول ماجيت السعوديه فى نهاية السبعينات
كان فى ملحمة،جزارة الله والرسول العديله دى..
اسمها ملحمة الاناقه
كان عندنا زميلنا طلب عوض شمت مشهور بالنكتة
وانا مستغرب من الاسم واحكى لى زول زول عن تعجبى الزى حق نادية
فى المواحهة الشريفه ده..
وكتبت خطاب لاحد اصدقائى فى السودان عن ملحمة الاناقه..
طلب قلت ليه كيف ملحمة الاناقه يعنى؟
قال لى:
قالو لانو فى الملحممة دى الجزار بعد ما يقطع اللحمه
بعمل ليك فيها فيونكة بالمصران وبناولك ليها..
عشان كده سموها الاناقه،،،
|
Post: #50
Title: Re: المواجهة الشريفة ...!! توجد ( حيرة) !!
Author: حبيب نورة
Date: 01-16-2011, 02:40 AM
Parent: #49
لووووووولز
بالله عليك يا موج بطِّل إسترسال
|
Post: #51
Title: Re: المواجهة الشريفة ...!! توجد ( حيرة) !!
Author: صديق الموج
Date: 01-16-2011, 02:53 AM
Parent: #50
| Quote: بالله عليك يا موج بطِّل إسترسال |
حبيب يا حبيب
مش قالو فى المثل:
الاسترسال ولا الاسهال؟؟
ويقول علماء اللغة ان الاسترسال نوع من الاسهال اللفظى,,
لووووووووووووووول،،،
|
Post: #52
Title: Re: المواجهة الشريفة ...!! توجد ( حيرة) !!
Author: حبيب نورة
Date: 01-16-2011, 04:11 AM
Parent: #51
يا موووووووج
نداةي بكرة بتدُقنا عديل كده
اها نرجي الراجينا
|
Post: #77
Title: Re: المواجهة الشريفة ...!! توجد ( حيرة) !!
Author: نادية عثمان
Date: 01-21-2011, 01:18 PM
Parent: #49
ود الموج ياكوميديا
Quote: وكتبت خطاب لاحد اصدقائى فى السودان عن ملحمة الاناقه..
طلب قلت ليه كيف ملحمة الاناقه يعنى؟
قال لى:
قالو لانو فى الملحممة دى الجزار بعد ما يقطع اللحمه
بعمل ليك فيها فيونكة بالمصران وبناولك ليها..
عشان كده سموها الاناقه،،، |
فيونكة بالمصران ؟!
ههههههههههههه
منتهى الأناقة والله ياصديق إتخيل منظر الضلعة والفيونكة المصرانية مجملاها موش حاجة تهبل ؟!
سمعت بمحلات ( كبداكي) بتاعة الكبدة على وزن كنتاكي ؟!
|
Post: #62
Title: Re: المواجهة الشريفة ...!! توجد ( حيرة) !!
Author: Ahmed musa
Date: 01-16-2011, 08:57 PM
Parent: #45
Quote:
والله قصة أقرب للتصديق غايتو يا مولانا والله أعلم !!
أحد المقربين لصاحب ( المواجهة الشريفة) ده يامولانا ممكن يجيب لي تلفون صاحب الصيدلية ضروووري ؟!!
تلفونك ضايع منى على فكرة ! |
جداً يا نادية
أجيب ليك تلفونه من الصيديلة نفسها فهي في طريقي
بس في الفترة دي ياريت لو حسمتي لي دينا خالد دي
خصوصاً في موضوعات تغيير المحامين دي !!!
ـــــــــــــ
تلفوني بالمسنجر
|
Post: #53
Title: Re: المواجهة الشريفة ...!! توجد ( حيرة) !!
Author: نادية عثمان
Date: 01-16-2011, 03:08 PM
Parent: #18
دينا حبابك
Quote: ما تشيلى هم فى قومة نفسى،، دى من اجل
الرسول ( ص) ومقامه الرفيع وروضته الشريفة
تعبكم راحة .. |
طبعا كلامك ده حيرني أكتر من ( المواجهة الشريفة) بمررررررررراحل !!
حسيت كدا وكاني الزول بتاع الرسوم ( الوحشة) الرسمها للرسول داك والعياذ بالله !!
يادندون بالغتي والله في العبارة دي غايتو !!
يا حبيبة أنا ماسبيت رسولنا الحبيب ياخ وكلللللللل القلتو إنو ( المواجهة الشريفة) كاسم صيدلية غريب وأول مرة يلاقيني !!
هسي كان في أجهزة ( كاشف نوايا) في صيدلية ( المواجهة الشريفة) دي ماكنتي عرفتي نيتي الحقيقية من البوست بالله ؟!
تسلمي يارب
|
Post: #54
Title: Re: المواجهة الشريفة ...!! توجد ( حيرة) !!
Author: نادية عثمان
Date: 01-16-2011, 03:08 PM
Parent: #18
دينا حبابك
Quote: ما تشيلى هم فى قومة نفسى،، دى من اجل
الرسول ( ص) ومقامه الرفيع وروضته الشريفة
تعبكم راحة .. |
طبعا كلامك ده حيرني أكتر من ( المواجهة الشريفة) بمررررررررراحل !!
حسيت كدا وكاني الزول بتاع الرسوم ( الوحشة) الرسمها للرسول داك والعياذ بالله !!
يادندون بالغتي والله في العبارة دي غايتو !!
يا حبيبة أنا ماسبيت رسولنا الحبيب ياخ وكلللللللل القلتو إنو ( المواجهة الشريفة) كاسم صيدلية غريب وأول مرة يلاقيني !!
هسي كان في أجهزة ( كاشف نوايا) في صيدلية ( المواجهة الشريفة) دي ماكنتي عرفتي نيتي الحقيقية من البوست بالله ؟!
تسلمي يارب
|
Post: #55
Title: Re: المواجهة الشريفة ...!! توجد ( حيرة) !!
Author: Rawia
Date: 01-16-2011, 03:59 PM
Parent: #54
نادية سلامات
السمحة دي خالتك علوية ولا أنا لوووووووول
يازولة البباري ود الصايم بمشي وين كدا ماعارفة
أنا كان مالي
يفتح بوست يبشع بي زول جاب إسنا أنا وراهو زي ...
يبلع بوست لي نادية أنا وراهو برضو زي ...
لكن من هسة تاني ماخساني بيهو
وإن شاء الله تتفك حيرتك من المواجهة الشريفة
ودينا حقو تاني توقف طريقتها دي
لانه ظاهر والله أعلم البيفهموا الهزار قلوا في الدنيا دي
_______________
نفسي أقرا مداخلات الاستاذ نادر كلها
عشان أفهم وجهة نظرو بس
|
Post: #58
Title: Re: المواجهة الشريفة ...!! توجد ( حيرة) !!
Author: نادر الفضلى
Date: 01-16-2011, 05:20 PM
Parent: #55
| Quote: أحييكـ يا نادر الفضلي .. وأرجو أن تسترسل!! |
أخونا محمد عبدالماجد الصايم
سلام
طبعا يا ود الصايم إنتو صوفية حبكم للنبى معلوم ألف صلاة على الحبيب المصطفى .. أكيد البوست بيعنيك
إسترسالى دا يعنى إستمرار البوست وأن ود الصايم يراجع ولا يتراجع
يا خوى أسترسل وين مع المداخلات أم موجتين دى .. كلام بى فوق وجر خط وكلام تانى بى تحت ... شغل ما بعرفه
خلينى أسترسل فى موضوع البوست المواجهة الشريفة .. أخد معنى العبارة وليس غرابة التسمية .. لو تسمح صاحبة البوست ..
فصورة بروفايلك (مواجهة شريفة) .. دون التعريف بالألف واللام عشان ما نقع فى شبهة حرمة.
إبتسامات صافية من القلب فى (مواجهة شريفة)
____________________________________
وفى رواية أخرى ... ضرب تحت الحزام !!!
|
Post: #59
Title: Re: المواجهة الشريفة ...!! توجد ( حيرة) !!
Author: نادر الفضلى
Date: 01-16-2011, 06:22 PM
Parent: #58
Quote:
نادر الفضلي
حبابك
والله ماعارفة أقول ليك شنو لكن لو مادينا (ظنتك) جيت تدافع عني و(بعض الظن إثم ) كان بيكون طعم البوست مختلف !!
ولو دينا أخدت الكلام بروح رياضية وتبادلتوا الحوار كان ممكن نكون نحنا المستفيد الأول والله !!
تسلم وماتزعل من دندون وماتحرد البوست وتعال إسترسل زي استرسال دينا وخلونا نستفيد من وأفر معلوماتكم عن ( المواجهة الشريفة) سمح؟
تسلم وكن بألف خير |
نادية
تحياتى
عذراَ لو الحوار مع دينا تحول لمناكفة .. وكما قلت أن بعض الظن إثم . خاصة فى رحاب الرسول (ص) ..
فيما يخص موضوع البوست فى مداخلتى الأولى بينت وجهة نظرى أن التسمية على قبر الرسول أو أى مكان مقدس
تسمية غير موفقة وربما تكون فيها حرمة (إتقوا الشبهات) ..
وأكيد العبارة فى معناها اللغوى غريب أن يسمى بها متجر أو صيدلية تحديداً.
لو لقيت فرصة بشارك .. لكن دندونتك صرفت لى كرت أصفر (فارقنى) وأعقبته بأحمر (وتوكل على اعمالك) !
والكرت الأخير وقع لى فى جرح .. دينا دى باين دينا قوى وفيها شى لله! .. عندى تقرير نصف سنوى خاص بعملى
لازم أسلمه اليوم ... بالمناسبة لدى أخت إسمها دينا ما من الساهل أزعل منها أو أختو قرض معاها ..
ونحن فى رحاب المصطفى عليه أفضل الصلاة والسلام .. أتمنى ليكم دوماً مزيداً من الندونة والدندنة .. وكمان الروننة !!!!
_____________________________________
لزوم تمارين وكده ...
|
Post: #60
Title: Re: المواجهة الشريفة ...!! توجد ( حيرة) !!
Author: حبيب نورة
Date: 01-16-2011, 07:18 PM
Parent: #59
ما تخجلي يا راوية قومي أسترسلي
عطشتي قلبي وكل يوم تستهبلي
أديني كلمة وسامحيني وبطّلي
|
Post: #64
Title: Re: المواجهة الشريفة ...!! توجد ( حيرة) !!
Author: حذيفه ابراهيم الكباشي
Date: 01-16-2011, 09:34 PM
Parent: #60
شكرا نادية
وشكر خاص لي دينا خالد
لأهل السودان محبة للمدينة المنورة على ساكنها افضل الصلاة والسلام ولهم في ذلك الكثير من القصص
وبي صراحة انا بصنف نفسي واحد من اهم الخبراء في السودان في هذا المجال
وانا وليس فخرا اعرف الكثير من دقائق تفاصيل المديح الذي يعتمد في اغلب الاحيان على منهج القصة الشعرية
يقول حاج العاقب المتوفى سنة 1711م تقريبا في احدى مدائحة يحكى فيها قصة زيارته لروضة جناب سيدنا رسول الله:
خشينا بي باب السلام
بي خشعةٍ وبإحترام
في روضتو الفيها الكلام
صليت ركعات بي تمام
قُت ليها يا خاتم الرسل الكرام
....
وسأقوم انشالله اذا ربنا سهل بعمل بوست توثيقي لروائع المديح (الحقيقي) ولذكر عجائب اقاصيص المحبين من اهل السودان لجناب سيدنا رسول الله صلى الله عليه وسلم
...
|
Post: #70
Title: Re: المواجهة الشريفة ...!! توجد ( حيرة) !!
Author: نادية عثمان
Date: 01-17-2011, 00:54 AM
Parent: #64
حذيفة ود شيخ الكباشي
حبابك ملايين أخوي
واللهم صلي وسلم على سيدنا النبي الكريم حبيب الله
ونورت البوست والله
|
Post: #65
Title: Re: المواجهة الشريفة ...!! توجد ( حيرة) !!
Author: Zomrawi Alweli
Date: 01-16-2011, 10:15 PM
Parent: #60
يبا نادية يا اختي العزيزة
هل العنوان او اليافطة مكتوبة
المواجهة الشريفة
ولا الواجهة الشريفة
وشتان ما بين المعنيين
وحسب الصورة فاعتقد ان الاسم الواجهة الشريفة
ولا اعتقد ان المكان الروحي فيه ما يشير الى المواجهة
والله اعلم
|
Post: #66
Title: Re: المواجهة الشريفة ...!! توجد ( حيرة) !!
Author: نادية عثمان
Date: 01-16-2011, 10:26 PM
زمراوي أخوي الغالي
سلامات
Quote: هل العنوان او اليافطة مكتوبة
المواجهة الشريفة
ولا الواجهة الشريفة
وشتان ما بين المعنيين
وحسب الصورة فاعتقد ان الاسم الواجهة الشريفة
ولا اعتقد ان المكان الروحي فيه ما يشير الى المواجهة
والله اعلم |
مافاهمة يعني البتقصدها دينا في المدينة المنورة ( المواجهة الشريفة) ولا ( الواجهة الشريفة) ؟
الصيدلية اسمها عدددددديل ( المواجهة الشريفة) غايتو !!
اها ؟
|
Post: #67
Title: Re: المواجهة الشريفة ...!! توجد ( حيرة) !!
Author: نادية عثمان
Date: 01-17-2011, 00:33 AM
Parent: #60
حبيب نورة
Quote: ما تخجلي يا راوية قومي أسترسلي
عطشتي قلبي وكل يوم تستهبلي
أديني كلمة وسامحيني وبطّلي |
لقيتك ختري لكن !
بس ورينا رأيك شنو في ( المواجهة الشريفة) كأسم صيدلية هل يجوز ياابن العم يسن ؟!
قالوا القاهرة برد يقطع النخرة صحي ؟!
|
Post: #74
Title: Re: المواجهة الشريفة ...!! توجد ( حيرة) !!
Author: ALGARADABI
Date: 01-20-2011, 03:13 PM
Parent: #67
نادر الفضلي
والله بالغتا فوكا
أول مرة في تاريخ البورد دينا مززرة وفي حالة( زون ديفنس)
كلو كاونتر اتاك كاونتر اتاك
|
Post: #78
Title: Re: المواجهة الشريفة ...!! توجد ( حيرة) !!
Author: نادر الفضلى
Date: 01-21-2011, 01:40 PM
Parent: #74
Quote: نادر الفضلي
والله بالغتا فوكا
أول مرة في تاريخ البورد دينا مززرة وفي حالة( زون ديفنس)
كلو كاونتر اتاك كاونتر اتاك |
الأخ القرضابى
سلام
أو إن شئت تمشياً مع عنوان البوست : (توجد حيرة) !!
فى إغترابكم دا أكان ما مرة بيكم محل مسمى على قبر الرسول (ص)،
أكيد مرة بيكم أسماء محلات أو أماكن غريبة أو مستغربة لأول وهلة وبالتعود
أصبحت عادية ..
|
Post: #79
Title: Re: المواجهة الشريفة ...!! توجد ( حيرة) !!
Author: دينا خالد
Date: 03-12-2011, 07:58 PM
Parent: #78
يااا زمراوى الولى ويا نادية
المكان دا اسمو المواجهة الشريفة
وليس الواجهة الشريفة .. تمام ؟
قرضاوى !
لو شايفنى مزرزره تبقى حوصتا عديييل كدا
ــــــــــــــ
ولا حولك دا موسمى ؟ اى مرات مرات
لوووووووووب غيتو يا الغرادابى
بلم فيك اصبر ..
|
|
|