برافوو الهندى عز الدين ممتاز فيصل صالح مقبول ضياء بلال ضعيف (كالعادة) يا فانوس !

دا حسب حضورى لحلقة حتى تكتمل الصورة
التى بثت مباشرة على الهواء مساء اليوم
من قناة النيل الازرق .
وللدقة اقول حضورى لنصفها الاخير ..
لكن عليكم لى بكرة بجضمها كلها فى الاعادة ..







ــــــــــــــ
الهندى برافو بنسبة انو الهندى
مش بالنسبة لصحيح الاراء
يعنى الاول فيصل بجدارة ..

Quote: الهندى برافو بنسبة انو الهندى مش بالنسبة لصحيح الاراء

وحتى يستقيم أمر العنوان عندي دخلت " مُسرعاً " ، ثم حمدت الله .
ياخي ده يحيًر
عجبتني بدلتو وكرافتته المرافقة !!
غالية عديل كده .

الحممد لله انك حضرت معاى يا عمران
كدا اطمنت انو فى زول ح يدينى راسى ..

لكن بالله شفت ضياء انزعج كيف من فكرة انو
الاحزاب تتقوى بدخولها للحكومة ؟؟؟
قال ليه ليه تمشى تتقوى بره براها مش على حساب
الحكومة ..

وكانما الحكومة دى ذاتها ما حزب !!!








ـــــــــــــــــ
برضو انزعجوا من فكرة فيصل بتاعة
انو الجماهير ممكن تتخطى احزابها لما تقنع منها
كما حدث بتونس الدولة البوليسية !

بالطبع فيصل رجل مضئ وعارف بيقول في شنو وبينه وبين ضياء فانوس الهندي مليون واط.
لأول مره أسمع وأرى الهندي بعد أن قرأت ما يكتب عنه هنا وكان يتحدث بحماس عن تذمر
الشارع وتململه بل قال إن الإنتفاضة قادمة ، إن لم تفرط أذني في التفاؤل.

صدق ضياء الدين بوصفه للحكومة بأنها تتعامل باستهتار بالغ مع كل من يخالفها.

فانوس كان يسخر من الصادق ونقد والميرغني بشكل واضح وشبّه الأحزاب بالقبائل والطرق الصوفية
باعتبار أن الحزب هو الرئيس ولم يتم تغيير رئيس لحزب أبدا ( طبعا المؤتمر الوطني لما الأمين
العام قال سلطاته أكبر من الرئيس أصيب بالحالة الأميبية وأنتجت الخلية قصر ومنشيه، دكاتره ومحاميّه..
يا بلال علياّ..




-

عمران ، الهندي لِبيس والله ، بس الحلو ما يكملش ،

الشراب أبيض.

ياتضى صباح الخير ..
فيصل دا ممتاااز وان كان اتحفظ على بعض الالفاظ ,,,
الهندى ما قال الانتفاضة جاية انت كمان ,,
قال الاجسام الحركت الانتفاضة فى مارس واكتوبر
من نقابات وسكة حديد وموية وكهرباء هسه مافى
فى واحد من الحضور اظنه فيصل قال لى مشت ويييين ؟؟
لوووووب بس برضو كان واضح فى التشخيص








ـــــــــــــــــ
فانوس بسخر قلت لى من (القبايل) ؟؟
حد يصححححى الرئيييييس !!!
يفحص لينا الزول دا يشوفوا عنده قبيلة
ولا نهىىىىى !!

الانتفاضة الجاية حقو تحركها اجسام (القبايل)
اصلو ما فضل غيرها


تحليل الهندي بصعوبة الانتفاضة على الحكومة لأن الاجسام المحركة لها غير موجودة الان خاطئ تماماً. فالظرف الموضوعي لا تنتجه هذه الاجسام انما هي تساهم في تنظيمه فحسب.
و بالمثل فان شروط الانتفاضة الموضوعية كلها موجودة الان لكنها ستكون اكثر صعوبة و بخسائر اكبر من اكتوبر و ماريل ...

يا امجد ياخ انت حلاااااال
لذلك ادعوك لمشاهدة اعادة الحلقة اليوم
دا طبعا لو ما حضرتها
عشان ح نجى هنا نناقش كلام الناس ديل ..









ــــــــــــــــــ
مافى زول يورينا زمن اعادة الحلقة دى ؟

انا مافي البلد اليومين ديل يا دينا

ارفعو لينا في اليوتيوب ياخ
و لا اعملو اي حركة زي دي

___________________

اسمعي : حلال دي فيها شدة ولا ساي
:)

كلمة حق لابد منها
الاداء المهنى للهندى عز الدين ينم عن تمكنه من مهنة الصحافة
فهو من الصحفيين القلايل الذين يجمعون بين جودة الكتابة و جودة الحديث و جودة ادارة المؤسسة الاعلامية
و يمكنكم احكم من خلال متابعة حلقة الخميس من كل اسبوع فى برنامج قبل الطبع فى النيل الازرق
فقط لو تخلى عن دور السياسى الذى لا يضيف له شيئا
اما صبحى فانوس فهو فى الاساس استضيف كاكاديمى و هذا هو طابع حديث الاكاديميين الذى يخلو من بهار و ابهار احاديث اهل الصحافة. علاوة على ان قبطيته ربما تعيقه من الانطلاق

يا عوض
فانوس اكاديمى دى كانت زمان
قبطية فانوس لم تعيقه من الانضمام للمؤتمر الوطنى
ولا للبرلمان
ولا لدوائر السياسة والمثقفين ..
بس الزول لما يخالف اتساقه الطبيعى مع القضايا
منطقه بضععف !
تعبيرو ببقى عاجز .








ــــــــــــــ
امجد يا مبهدل ! انت من زمن القناة بشوفوها فى البلد ؟
حولاااااااا صحى شيوعى ..
هسه انت قايل دينق وكوستاوى وتراجى ديل فى الخرطوم ؟
اقول ليك كلام انا لولا وجودى خارج الخرطوم
لما شاهدت هذه الحلقة ولا فى الاحلام ..
بالضبط كدا لى زمممن من مشاهدة التلفزيون ودا بسبب
وجودى كان فى الخرطوم ..
هسه بطل التنظير وورينا بيعيدوها متين .. اتصرف
فى اختراع اسمو تلفون . واكب التكنلوجيا ياخ

Quote: هسه بطل التنظير وورينا بيعيدوها متين

غالبا يا دينا الاعادة بتكون بين الساعة الثالثة و الخامسة من عصر اليوم الجمعة

دينا.


الهندي عز الدين لن يتغير أبدا والغريبة أمس كان يقاطع ويجادل الشخص الذي وصفه من قبل "بالقلم الهرم" ضياء الدين بلال.

ضياء الدين بلال يجب أن يعلم بأنه لا يمكن أبدا أن يكون ديمقراطيا وأن يكون مؤتمر وطني ويعمل وفق أجندته في نفس الوقت.

فيصل هو فيصل مواقفه لم تتغير أبدا وهو كان فاكهة الحلقة.

صبحي فانوس منافق من الدرجة الاولى. الرجل مؤتمر وطني وتتم أستضافته على أساس أنه أستاذ علوم سياسية بجامعة الخرطوم.

ده تضليل واضح.


نفسي أعرف الهندي عز الدين ده جاب الكرفته اللابسه دي من وين؟ تحفة بس.

حاولت ألتقط ليها صورة لكني فشلت والحلقة أنتهت.

أما موضوع الشرابات البيض مع البدل ده والله حاجة شينة جدا.

شكرا يا عوض
ارجو ممن تمكنه ظروفه،، متابعة ذلك النقاش
عشان يكون مفيد معانا هنا ,,
الناس ديل قالوا كلامات كتيرة خلاص










ـــــــــــــــــ
دعوة الحضور باستثناء ود الصايم وياسر طيفور
وود الباوقة واساسى دا اصلو بكون حضرا حضرا ..

كلهم ارزقية

Quote: الهندي لِبيس والله ، بس الحلو ما يكملش، الشراب أبيض

ليس أفدح من شراب الهندي الأبيض إلا قميص
فانوس الذي اعتاد أن يخصصه للقاءات التلفزيونية!

صدق الهندي حين قال أن قدرة المعارضة
لا تتجاوز عقد لقاء في دار حزب الأمة بشارع الموردة.

الطاهر حسن التوم جيد؛ و لو أتاح للمتحدثين فرصة أكبر في كل مرة؛
بدلاً عن مقاطعتهم - لما يظنه تسريع لإيقاع الحلقة – لأصبح ممتازاً.

الليلة لوووووووووب حسين حضر الحلقة!!
يرجو الراجياهم ..
اذن لا جدوى من حضور الاعادة يا جماعة ..
فتابعوا معنا ,,












ـــــــــــــــــ
والله يا حسين كلامو بتاع لاتتعدى ندوة فى دار
حزب الامه دى .. شافيها منك ! لكن انت ساى مستهين بقدراتك
خلى فانوس يديك شدة فى القميص دا وصور ليك حلقه ياخ. اتلحلح

بالله يا جماعة خليكم عميقين شوية
غوصوا فى الاعماق ...
خليكم من قصة الكرافتاالمصاحبة والشراب
والحسادة ,,
ما تبقوا حسيين لوووووب
(احسن حاجة انو دى مافى زول ح يقدر يقراها )

هسه لو البرنامج دا كان اذاعى !
كنتوا ح تعملوا شنو ؟؟










ــــــــــــــــــ
عمران وحسين ودينق امنعوا الفوضى
وجيبوا من الغريق !

ياجماعة الحلقة دى ما عادوها ولا حاجة ..
اها الموضوع المهم السمعتو اناهو القدرة على التغيير
فى غياب الاحزاب السياسية !!
هل يمكن للجماهير تخطى تلك الجثث المسماة احزابا
وماذا يمكنها ان تفعل ؟
وماهى النتيجة التى يمكن ان تصل اليها الجماهير ؟
هل تغيير قيادات هذه الاحزاب هو الاولوية الان ؟









ـــــــــــــــــ
غايتو الهندى وفانوس وضياء اتجدعوووا
وضروا عيشهم فى الحته دى ..

الهندى عز الدين قال انو القوى السياسية والحركات المفاوضة تنتظر ان تكون
الحكومة فى اضعف حالاتها للتفاوض معها عقب نتيجة الاستفتاء ولا اعرف لماذا اعتبر ذلك
انتهازية ؟؟ وامر تلام عليه تلك القوى ؟؟
على العموم هو نفس كلامه الذى ورد بجريدته
(بديهي أن تتباطأ حركة (التحرير والعدالة) في التوقيع على اتفاق سلام مع الحكومة، فجميع القوى السياسية والحركات المتمرِّدة تنتظر مآلات تقرير مصير جنوب السودان.. وهل ستبقى (الإنقاذ) قويَّةً وراسخةً.. أم ستحملها ريح الاستفتاء إلى المجهول؟!
الانتهازيَّة السياسيَّة تجعل (المعارضين) في خانات الترقُّب والترصُّد والتآمر، و(الشماتة)..! ولهذا كان أوْلى أن يقرأ الدكتور «غازي صلاح الدين»، مسؤول ملف دارفور، وكبير المفاوضين الدكتور «أمين حسن عمر»، هذا المشهد، وهما من أذكى رجال (الإنقاذ)، فيعلمان أن حركة التحرير والعدالة أو غيرها من الحركات، لن توقِّع على أي اتفاق انتظاراً للقادم!!
الوساطة القطريَّة والأفريقيَّة والأمميَّة أيضاً كان ينبغي أن تعلم أنها لا تتعامل مع (حركات) تحرِّكها أجندة (وطنيَّة)، بل تدفعها عقليَّات صغيرة، محدودة الخبرة، ضعيفة التجربة، حديثة عهد بالسياسة، واستناداً إلى ذلك فلا أمل في توقيع اتِّفاق سلام قبل أن يتيقَّن (المتمرِّدون) من أنَّ الحكومة باقية.. وراسخة.. وقويَّة، حتى بعد انفصال الجنوب.)







ــــــــــــــ
ما عارفه اصرارهم على تخيل ضعف هؤلاء القادة
وقلة خبرتهم وضعف تجربتهم وحداثة عهدهم بالسياسة !!
دى مبنية على شنو ؟؟ هل لصغر سنهم ؟ مفروض يكونوا اشتغلوا
بالرئاسة قبل كدا؟ .. هم ماعارفين مرات خبرة يومين ممكن تساوى سنين؟
كم كان عمر بلير لما حكم ؟
وكم هو عمر اوباما ؟؟

والعديل راى
والاعوج راى يا ود الصايم









ــــــــــــ

بالمناسبة وين الراجل البقول الكلام دا ؟
حتى اشمو نسيناهو !

الهندى يقول ان نتيجة الاستفتاء
اذا جاءت انفصال
فستضعف من الحكومة جدا ..









ـــــــــــــــــــــ
ودا اكتر اقتراع فى الدنيا نتيجته معروفة
لحد الوثوق قبل ما تظهر وقبل ما يجرى ذاتو
ببساطة مافى حاجة ينتظرو نتيجتها !!

Quote: وكانما الحكومة دى ذاتها ما حزب

ـــــــــــــــــــــ

Quote: !!!

الاخت دينا خالد
سلام

Quote: الهندى برافو بنسبة انو الهندى

الرجل يتسربل ثوب اسحق فضل الله والطيب مصطفي فيفرد اطراف عنجهيته ليسخر من الاخرين .

Quote: يعنى الاول فيصل بجدارة

فيصل يدافع عن الحق ان ضعفت ادوات دفوعاتة .

Quote: ضياء بلال ضعيف

اطروحاتة واقواله تسير في مجري المؤتمر الوطني وان لم يشرب من معينة .

1- لا اتفق مع ما ورد في إفادة ودالصائم.



2- يا دندن ، ما جرى في أبريل 1985 وفي تونس مؤخرا أثبت أن الجماهير تجاوزت
ما يسمى بالأحزاب السياسية ، صدقيني ، الموضوع دا لما يدوِّر فلا سبيل لإيقافه أو
التنظير حوله.






_

كلام حسين عن قميص فانوس في محله.

يااااا تضى
انا مقتنعة بكل الكلام القلتو دا
لكن منو البقنع الديووووك









ــــــــــــــــــــ
غايتو لما اكثرتو الحديث عن قميص فانوس
هو ذاتو ولااااا حلو

Quote: الوساطة القطريَّة والأفريقيَّة والأمميَّة أيضاً كان ينبغي أن تعلم أنها لا تتعامل مع (حركات) تحرِّكها أجندة (وطنيَّة)، بل تدفعها عقليَّات صغيرة، محدودة الخبرة، ضعيفة التجربة، حديثة عهد بالسياسة، واستناداً إلى ذلك فلا أمل في توقيع اتِّفاق سلام قبل أن يتيقَّن (المتمرِّدون) من أنَّ الحكومة باقية.. وراسخة.. وقويَّة، حتى بعد انفصال الجنوب.)

غايتو يالهندى بمنطقك ده المفروض اوباما يكون شغال كاشير فى سوبرماركت


اخبار اعادة الحلقة شنو ؟

عصام على
انت كنت وين ؟
فى البلد دى لو ما كنت عمرك 70 سنة
ما بعاينو ليك .. ما عارفين الحاجات
الشافوها الناس ديل فى ايام معدودة تصلح
ان تكون عمر ناس ..










ــــــــــــــــ
غايتو هم كلللهم اكبر منو بى قلاصتو دى ..

شكرا يا دينا وكل الlتداخلين
بالله انتوا حتى الشرابات ملاحظين ليها؟ لا حولا والله نحن بنلبس أي حاجة ونجي جاريين
على العموم لم أحب أن اتداخل فأفسد النقاشات
لكن هذا لنك الحلقتين لمن يرغب في مشاهدتهما




http://www.tahertoum.net/index.php?option=com_content&v...27-09-56-49&Itemid=6



http://www.tahertoum.net/index.php?option=com_content&v...27-09-56-49&Itemid=6

عفوا شايف الارقام الانجليزية اتقلبت عربي
عموما رابط الحلقات موجود هنا في موقع الطاهر التوم، حلقتي الاربعاء والخميس

Quote: بالله انتوا حتى الشرابات ملاحظين ليها؟ لا حولا والله نحن بنلبس أي حاجة ونجي جاريين

فيصل أعمل حسابك،
أي زول بيدخل التلفزيون بيدخل بيوتنا بدون إذن عشان كده بنحفظ شكلو وكلامو عشان
نبلغ عنو ، مدحا أو قدحا،

بالله قدرت تصبر على كلام الجماعه ديل كيف؟
بتبالغ..

تحايا للأحباب طرفك.

صديقي مرتضى
سلام
الحال ياهو نفس الحال
هذا هو عنوان صفحة الطاهر حسن التوم
http://www.tahertoum.net

فيصل صالح
الراجل الاوبوها
بجلاالة قدره بيننا ؟ شكرا كتير على الرابط
وح نجيكم انا ومرتضى دا لنقاش تفصيلى
قال ليك صبرت عليهم كيف ؟؟
لوووووووووب يا فيصل
التضى دا ما عارف حاجه ساى
واللى ما يعرف الفول يقول عدس !!








ـــــــــــــــ
اها على الطلاق شرابك انت مافى زول شافو !
بتتمعن فى لبس الزول لما كلامو يكون ما بتسمع ..
اتحدى ملاسى ذاتو لو يكون عارف لون قميصك حتى ,,
ياخ الكلام على الحوار ..
ملاسى اوع تشوف الرابط وتجى ترد ..

شنو يا فيصل ازيك يا مرتضى دى ؟
البوست دا بتاعى انا والله ..ّّ!!









ــــــــــــــ
دينا تجقلب والشكر لى التضى ..
ياهو حالكم يا الصحفيين ..

Quote: شنو يا فيصل ازيك يا مرتضى دى ؟ البوست دا بتاعى انا والله ..ّّ!! ــــــــــــــ دينا تجقلب والشكر لى التضى .. ياهو حالكم يا الصحفيين ..

دونادوني،
على رسلك يا هذه،
كنا وفيصل بن محمد بين قبائل غضفان وكليب وجرهم ونحن من نصبنا مضارب بني هلال أيام عكرمة والحارث،
وحين أصاب نجد القحط والمحل وأجدبت الكلاكلات والصحافة بالظلط أنخنا الرواحل وشددنا الفرامل ، فرامل اليد
يا ست ابوك، وكان ذلك في العاشر من محرم وسافر بعدها فيصل إلى بلاد توم جونز حيث حصل على درجة الماجستير
في الإعلام وجاورت النفط والريال ولكن لم يفرق بيننا قوقل إيرث يا بنت خالد فظل حبل الود الممتد لثلاث
عقود إنشاءات متصلا ، فلا تنسبي له جهلا إن ناداني هنا ب (تروتسكي)..
فيصل أخ قديم وصديق معتَّق وعارف البي والعلي ، الله لاجاب يوم هذيانه ، وما بلبس شراب أبيض حتى مع الأديداس..

يلا يا فيصل ،
قَوّمت نَفَسنا..

أنكُت.

حرَّم ما تقول حاجه..

الشكر لك اخت دينا موضوع حيوي حضرت البرنامج وما يؤسف ما الت اليه الطبقة المثقفة وعلى راسها هولاء الصحيفيون .انا لا اقلل من الشأن ولكن الطرح واعطاء الشرعية للمؤتمر
الوطني ,الان انا اطلب ان يكون تناولنا للموضوع والازمة بشكل اكثر دقة ومنهجية لتعرية وكسر شوكة هذا النظام المتهالك.ما اقوله للهندي حسب قراءة السياسة ,عالميا وداخليا لقد خانت الانقاذ
مكتسبات الشعب في ابريل التي كنت يافعا تغرد في رحاب اركان نقاشها,لقد اجرمت الانقاذ في حقنا باسم الدين نهبت رسرقت رشردت وقتلت وباعت الوطن بابخث الاثمان وافسدت في الارض و
العرض ما لم يفسده نظام على وجه البسيطة.لك الحق ان تقول انك لا تتوقع انتفاضة لانك تراهن على ما عمد عليه الانقاذ من تدمير الشباب صانع الثورات والجولات من جعله مدمن للمخدرات و
وسهولة دخولها للبلد وعبر المطارات 40%من طلبة الجامعات متعاطون ,هذا حديثهم في اليوم العالمي لمكافحة المخدرات,ولكن رهانكم فاشل كما في كل رهانكم السياسي ,لقد اثبت شبابنا وشعبنا
قادر على التغير وبداءت الشرارة في الكاملين وعليكم الا تنسوا عظمة هذا الشعب الذي في هذه المرة لا تسامح بل حساب عسير والاجدر على المؤتمر الوطني كان ان يؤسس شركة لانهم اثبتوا براعة
في السرقة ونهب ثروات البلد ,ولن يغمض لهم جفن ولا نامت اعين الجبناء والانتهازين وقطط المؤتمر اللاوطني السمان.

الهندى قال
البلاد المحترمة ذى امريكا فيها حزبين بس
جمهورى وديمقراطى سمعتو ليكم بى احزاب كتيرة وجغمسة؟؟؟
او فى مامعناه
لكن ياالهندى اخوى
البلاد ديك ما ولدت كبيرة كدا وراقية وبى حزبين
ادغمسوا دغمسه حقتنا دى جنبها حفلة شاى
ومروا بى كل المراحل اللى صنعت منهم دول كبيرة وحزبين وكدا !
والممارسات ما بتبقى بيرفكت هووبا كدا
لازم تمر بتجارب ومحكات
ما تقلقوا ادونا فرصة والجغمسة دى فى اطار الوصول
للنهايات الجميلة والوحدانية ذاتها
مافى حاجة بتتم بالقفز على الواقع
نتجغممممس ولابد من صنعاؤ وان طال السفر






ـــــــــــــ
ياخ ناس الحزبين ذاتهم حاسدينكم فى الحزب الواحد دا!!
ولسان حالهم بقول ليكم دى عملتوها كيييف يا فرد ؟؟

نعم ، فيها حزبين بس يا دينا، لكن الرئيس لو (لحس كوعو) ما يزيد عن دورتين جغمسه (8 سنوات) كحد أقصى.

لوووووووب يا تضى
اهم حاجة فى المؤسسات التى تتشدق
بالديمقراطية والمحترمة ان يتم تحديد
حد اقصى لعدد دورات الرئيس لا يتجاوزها
بموجب الدستور
كدا هو ذاتو بعمل حسايو انو جغمستو
دى براحه بتتكشف لو جاء زول غيرو
لكن طول ما هو مطمن انو القصة دى تبعو
ذى ما بقولوا السوريين اى بتاعتو
فلن يتوقف من العواسة فسادا ابدا






ـــــــــــــــ
شفت التسجيل ياخ فيصل صالح صاحبك
دا محترم كيف ! حولاااااا
ما اتجغمس كلو كلو .. لكن بجيهو ضغط صدق ..