الطيش

طيش فصلنا فى الابتدائى
طلبت منه ان يتحرر من هذا المركز
فقال لى : يتحرر يعنى شنو ؟
فاجبته ببساطه : اجتهد ياخ
فاجابنى : اجتهد يعنى شنو ؟
فرديت عليه : المذاكره كتيرا
وحاول انك تتابع الاستاذ فى الفصل
واسال بقية الطلاب فى الفسحة حقت الفطور
لو كان فى اى حاجة غلبتك فى قرايتك ,,,
فقال لى : آه يعنى كلامك ده عشان انا ما
اكون الطيش >>> لكن كان انا ما جيت الطيش
انتو بتسيرونى لماما ............................



يتبع كما قال ود البشرى وهو لاطشا من تنظير او كما قال

ذكرتني بي طيش فصلنا في الابتدائي

ما تحرر من هذا المنصب الا بعد ان انتزعه منه طيش الدفعه القدامنا بعد ان عاد في دفعتنا

قال ليك في شافع في البحر قررررررررررب يغرق
قام الشافع التاني تلب وراهو والاتنين مابيعرفوا يعوموا
المهم الجماعة حصلوهم
لمن سألوا التاني : انت مابتعرف تعوم مالك متلب وراهو
قال ليهم ياخ دا طيش فصلنا ونحنا طوالي بنسيروا

طيب انت بتجي الكم
.... : انا بجي تاني الطيش


بالمناسبة القصة دي برضو حكيتها ايام الانتخابات لمن جيت تاني الطيش
خالص الود

Quote: ما تحرر من هذا المنصب الا بعد ان انتزعه منه طيش الدفعه القدامنا بعد ان عاد في دفعتنا

بعد ما عاد برضو الطيش > يعنى التجارب ما تعلم منها اى حاجه >> ده المخوفنا زاااااتو


ود الخليفة تسلم على الاستمتاع معانا بالمركز الطيش

Quote: طيب انت بتجي الكم .... : انا بجي تاني الطيش

مركز محترم وبذكرنى وصيف الاول
وبرضو بذكرنى وزير العريس







تحياتى ياسر

والطيش عند الله بعيش

يا الكوتش ذكرتني بواحد قريبنا
قاعدين معاهو نحن مجموعة من الشباب
في بيتو و ناوين نكتل لينا حفلة في الحلة
صاحبنا طلع قزازة الكلونيا و اتريح وعاوز
يرجع القزازة في الدولاب قمنا كلنا طلبنا منو
يدينا من ريحتو دي عشان نتريح نحن كمان
فالعملية غازتو . قام قلينا بهره كدا. لو كلنا ا تريحنا
الحيشم منو طيب !!!!.
فطيشك دا لو حررناهو من الطيشنة
موش في واحد بيحل محل الفاعل بعد حذفه ?


ماتيب

تحياتي

يا فيصل بس الطيش مفروض ما يكون فى المقدمة ،
ولو رفض بطياشتو ده التنازل عن المقدمه يجب ان يتعلم
من تجاربه عشان يكون وصيف على اقل تقدير .........

سلامات يا كوتش
ياخ منتخبكم دا وجد ليكون طيشا
يعني لو ما منتخبكم دا الجماعة ديل يجيبوا ليهم طيش من وين ؟
وقد قال شاعر :
ضيعناك وضعنا معاك يا شداد