Post: #1
Title: فرصة ذهبية .. الآن بالاسواق والكمية محدودة ..جهاز ( كاشف نوايا ) !!
Author: نادية عثمان
Date: 01-12-2011, 04:18 PM
Parent: #0
وصل الناس بخيالهم للقمر ثم حولوا الخيال وأقعاً !!
هي فكرة تسيطر على روحي منذ فترة ،إكتشاف وتصنيع جهاز (كاشف للنوايا) !!
تداهمني هذه الفكرة في كل فترة خاصة بعد الخروج من صدمة في أعزاء كنت أثق فيهم بلا حدود !!
أندم لانني منحتهم كامل الثقة دون نقصان وإفترضت حسن النوايا وقدمتها لهم على طبق من ذهب !!
هي طريقتي في الحياة .. أفترض حسن النوايا في الآخر ثم أرى هل كان يستحق أم لا ؟!
تقول لي صديقتي ..إفترضي سوء النية في الآخر إلا أن يثبت العكس !!
لم أستطع أن آخذ بنصيحتها يوماً !!
............ !!
نوايا الآخر تجاهك ومايكنه لك من إحساس كره كان أو حب أمر من الصعب معرفته في هذا الزمان الملوّنّ !!
تم إختراع جهاز تكشف ذبذباته (الكذب) ولكن لا أظنه نجح كامل النجاح !!
أتمنى أن يتم إكتشاف جهاز (كاشف للنوايا) حتى نستطيع تمييز من يحبنا بصدق ومن يكرهنا بصدق !!
ومايضمره لك أحدهم من شر مستطير في ثنايا روحه !!
ومن تمنحه كامل المحبة والوفاء ويضمر لك خلاف ما يبطن من بغض وخداع وتلاعب بمشاعرك !!
ليس في العلاقات العاطفية وحدها يكمن الخوف من الآخر الشرير ولكن حتى في أماكن العمل ومجمل الحياة !!
ولكل إمرئ ما نوى !!
|
Post: #2
Title: Re: فرصة ذهبية .. الآن بالاسواق والكمية محدودة ..جهاز ( كاشف نوايا ) !!
Author: Al-Shaygi
Date: 01-12-2011, 04:24 PM
Parent: #1
أختي ندوية
Quote:
فرصة ذهبية .. الآن بالاسواق والكمية محدودة ..جهاز ( كاشف نوايا ) !!
|
جيت جاري أقول ليك أحجزي لي واحد معاك...!!
Quote:
أتمنى أن يتم إكتشاف جهاز (كاشف للنوايا) حتى نستطيع تمييز من يحبنا بصدق ومن يكرهنا بصدق !!
|
أحبطيني والله....!!!!!
الشايقي
http://www.youtube.com/watch?v=WjNosdjuv7s
[email protected]
http://alkatwah.com
.
|
Post: #3
Title: Re: فرصة ذهبية .. الآن بالاسواق والكمية محدودة ..جهاز ( كاشف نوايا ) !!
Author: جمال السنوسي
Date: 01-12-2011, 04:30 PM
Parent: #2
ندوية
حبيبة الكل
والله بالجد انا بالذات محتاج لي لي دستة
استعمل واحد واخت الباقي اسبير
بالجد
الزمن ده زمن عجيب
تسلل :
وين انتي يا ندوية
|
Post: #6
Title: Re: فرصة ذهبية .. الآن بالاسواق والكمية محدودة ..جهاز ( كاشف نوايا ) !!
Author: ismeil abbas
Date: 01-12-2011, 04:40 PM
Parent: #3
ألأخت العزيزة جدآ..الزينة...
لو متوفر مجان يا أختى سوف لا أقتنيه..لآن إحساسى بمن حولى أصدق.
نعم هناك صدمات من شخصيات لايمكن ان نتوقعها..وكما خلقت صواريخ فى الحروب خلقت لها مضادات..يعنى مثل هولاء الشخوص سوف تجد وسيلة لتعطيله..مثل هؤلاء يجب أن لانعرفهم,إنهم حثالة
تقديرى وأحترامى...
|
Post: #8
Title: Re: فرصة ذهبية .. الآن بالاسواق والكمية محدودة ..جهاز ( كاشف نوايا ) !!
Author: نادية عثمان
Date: 01-12-2011, 05:05 PM
أخوي العزيز جداً غسماعيل عباس
حبابك وسمح اليوم الجابك والله
| Quote: لو متوفر مجان يا أختى سوف لا أقتنيه..لآن إحساسى بمن حولى أصدق. |
صدقني في هذه الحالة لا يسعني غلا أن اقول ليك ( بختك) !!
| Quote: نعم هناك صدمات من شخصيات لايمكن ان نتوقعها..وكما خلقت صواريخ فى الحروب خلقت لها مضادات..يعنى مثل هولاء الشخوص سوف تجد وسيلة لتعطيله..مثل هؤلاء يجب أن لانعرفهم,إنهم حثالة |
ما قلت ليك المشكلة أنا مابعرفهم ( شريرين) إلى بعد أكتوي بنار شرهم ودي المصيبة !!
أعتقد عامل الخبرة في الحياة العملية مهم والخروج للعمل العام مبكراً وبالتالي التعرف على أنواع البشر وكيفية التعامل معهم .. ولا إنت رايك شنو ؟!
إنت وأحد من الناس السعدت جداً بمعرفتهم وماندمت وإن شاء الله ما بندم ابداً باذن الله
هنا ولا هناك الأيام دي ؟!
|
Post: #7
Title: Re: فرصة ذهبية .. الآن بالاسواق والكمية محدودة ..جهاز ( كاشف نوايا ) !!
Author: نادية عثمان
Date: 01-12-2011, 04:58 PM
Parent: #3
جمال السنوسي يا ولدنا
أها في دي بالذات أنا قايلة روحي فعلاً ( حبيبة) الكل لأني يشهد الله بحب الكل لكن طلعت واهمة كبيييييرة !!
Quote: والله بالجد انا بالذات محتاج لي لي دستة
استعمل واحد واخت الباقي اسبير
بالجد
الزمن ده زمن عجيب |
صدقني حاتحتاج تستعمل كل الأجهزة لأنو وأحد مابكفيك !!
Quote: تسلل :
وين انتي يا ندوية |
أنا قاعدة ( هارموني) المافي !!
|
Post: #4
Title: Re: فرصة ذهبية .. الآن بالاسواق والكمية محدودة ..جهاز ( كاشف نوايا ) !!
Author: نادية عثمان
Date: 01-12-2011, 04:32 PM
Parent: #2
الشايقي ود أمي
سلامات يازول ياراقي
| Quote: أحبطيني والله....!!!!! |
أنا ذاتي محبطة والله عشان كدا قلت أدي الفكرة دي للمخترعين عسى ولعل !!
بعيد على الله ؟!!
|
Post: #5
Title: Re: فرصة ذهبية .. الآن بالاسواق والكمية محدودة ..جهاز ( كاشف نوايا ) !!
Author: الطيب شيقوق
Date: 01-12-2011, 04:32 PM
Parent: #2
ندو
ازيييك
اتخيلي لي زمن طويل متخيل نادية عثمان دي غير نادية عثمان مختار
اتخيلي بنوايا صافية وطيبة دون الحاجة لجهاز كشف مشيت طوالي للبروفايل ولقيت ليك اسم مختار فرحت برضو بنوايا صافية لبن
لقيتيني كيف؟
|
Post: #9
Title: Re: فرصة ذهبية .. الآن بالاسواق والكمية محدودة ..جهاز ( كاشف نوايا ) !!
Author: نادية عثمان
Date: 01-12-2011, 05:19 PM
Parent: #5
الطيب شيقوق
كيفنك أخوي عساك طيب يارب
Quote: اتخيلي لي زمن طويل متخيل نادية عثمان دي غير نادية عثمان مختار
اتخيلي بنوايا صافية وطيبة دون الحاجة لجهاز كشف مشيت طوالي للبروفايل ولقيت ليك اسم مختار فرحت برضو بنوايا صافية لبن
لقيتيني كيف؟ |
بتبالغ وإنت زمنك ده كلو قايل نادية عثمان الهنا جدها منو ؟
تسلم نيتك الصافية لكن إكتشافي ده كان محتاج بس لـ ( قوقل) وليس كاشف نوايا !!
السلطنة وحشتني موووووت !!
عندكم برد ولا حر ؟!
|
Post: #10
Title: Re: فرصة ذهبية .. الآن بالاسواق والكمية محدودة ..جهاز ( كاشف نوايا ) !!
Author: عمر صديق
Date: 01-12-2011, 05:52 PM
Parent: #9
Quote: وصل الناس بخيالهم للقمر ثم حولوا الخيال وأقعاً !!
هي فكرة تسيطر على روحي منذ فترة ،إكتشاف وتصنيع جهاز (كاشف للنوايا) !!
تداهمني هذه الفكرة في كل فترة خاصة بعد الخروج من صدمة في أعزاء كنت أثق فيهم بلا حدود !!
أندم لانني منحتهم كامل الثقة دون نقصان وإفترضت حسن النوايا وقدمتها لهم على طبق من ذهب !!
هي طريقتي في الحياة .. أفترض حسن النوايا في الآخر ثم أرى هل كان يستحق أم لا ؟!
تقول لي صديقتي ..إفترضي سوء النية في الآخر إلا أن يثبت العكس !!
لم أستطع أن آخذ بنصيحتها يوماً !!
|
الاخت نادية
تحياتي
هذه الفكرة ربما تكون ناتجة عن صدماتك في اناس كنتي تحسنين الظن بهم
ولكنها بالتاكيد لايمكن عزلها من تاثيرات العولمة التي جعلت كل شئ تدخلة الاتمتة
ولكن
لان البشر لايشبهون تلك الاجهزة الاوتماتيكية او منتجات عصر الحواسيب المتعددة
ولايمكن ان نستنشق العطر من الورود البلاستيكية كما يقول الشاعر احمد مطر
فلا تغيري الي نصيحة صديقتك
ولان الاعمال بالنيات ويقول اهلنا النية زاملة سيدها
فلا تمتطي غير نيتك فلن تخسري شيئا
مع خالص التحايا
|
Post: #11
Title: Re: فرصة ذهبية .. الآن بالاسواق والكمية محدودة ..جهاز ( كاشف نوايا ) !!
Author: SHIBKA
Date: 01-12-2011, 06:22 PM
Parent: #10
والله يانادية في 2010 كان اول احباط لي من شخص
الحمدلله انو طول عمري دا كان واحد بس وما اتمنى الزيادة ابدا
عارفة احساس الاحباط ما هين لكن هي متغيرات الحياة ما كل الناس كويسين وكمان ما كلهم كعبين
الله يعين بس
انتي وين مختفية؟
|
Post: #13
Title: Re: فرصة ذهبية .. الآن بالاسواق والكمية محدودة ..جهاز ( كاشف نوايا ) !!
Author: نادية عثمان
Date: 01-12-2011, 07:02 PM
Parent: #11
شبكة يا عسلنا
مشتاقين عددددديل يعلم الله
كل لحظة وإنتي بألف خير يارب
Quote: والله يانادية في 2010 كان اول احباط لي من شخص
الحمدلله انو طول عمري دا كان واحد بس وما اتمنى الزيادة ابدا |
واحد بس ؟!!
برضو خليني أفول ليك ( بختك) وتحمدي الله كتيييير !
| Quote: عارفة احساس الاحباط ما هين لكن هي متغيرات الحياة ما كل الناس كويسين وكمان ما كلهم كعبين |
طبعا في ناس كويسين جداً جداً جداااااااااً
وديل البنوازن بيهم الحياة ولولاهم كنا متنا ياحبيبة !!
شكراً للزمن (الكويس ) الجمعني بيك وخليك قريبة وماتغيبي سمح؟
|
Post: #12
Title: Re: فرصة ذهبية .. الآن بالاسواق والكمية محدودة ..جهاز ( كاشف نوايا ) !!
Author: نادية عثمان
Date: 01-12-2011, 06:51 PM
Parent: #10
الأخ الصديق عمر
تحية تشبه نقاء قلبك الأبيض
Quote: فلا تغيري الي نصيحة صديقتك
ولان الاعمال بالنيات ويقول اهلنا النية زاملة سيدها
فلا تمتطي غير نيتك فلن تخسري شيئا |
كيف لن أخسر شيئاً يا عمر ؟!!
تحسن الظن بزول ويخدعك معناها تعيش حالة من الألم لا يعلمها إلا الله !!
حالة من الدموع والشعور بالحسرة والوجع حد السكتة الدماغية !!
مرة دخلت المستشفى ومرات ومرات قررت ما أمشي ولو نفذ أمر الله فليكن !!
مافي خسارة تساوي خسارتك في زول حبيتو وكرهك ولا أخلصت ليهو وباعك رخيص !!
مافي أقسى من إكتشافك إنو زميلك في العمل بحفر ليك عند المدير وبدم بارد يقطع عيشك ويمشي ينوم !!
مافي أوجع من صديق يضربك في ضهرك ويمشي يضرب عشاهو ويتفرج على التلفزيون عاااادي !!
يا عمر
أنا بعترف إني ( غبية) جداً في إكتشاف خداع الآخرين بسهولة !!
لكن ثقتي في ربنا كبيرة يشفي جروحي بذات السرعة البتجرح بيها !!
عمر
ربنا يحفظك من كل شر يارب
|
Post: #14
Title: Re: فرصة ذهبية .. الآن بالاسواق والكمية محدودة ..جهاز ( كاشف نوايا ) !!
Author: الطيب شيقوق
Date: 01-12-2011, 07:08 PM
Parent: #12
| Quote: بتبالغ وإنت زمنك ده كلو قايل نادية عثمان الهنا جدها منو ؟ |
اي والله يا نادية اختي مفتكر اسم على اسم لانو اسمك زمان متلت غيرتيهو صاح؟
| Quote: السلطنة وحشتني موووووت !! |
الناس متوقعة عودتك تاني واستاذنا خلف الله عبود بلملم في اطرافه للعودة النهائية للسودان
| Quote: عندكم برد ولا حر ؟! |
اخخخخخخخخخخخخخ جو عثل بس
|
Post: #15
Title: Re: فرصة ذهبية .. الآن بالاسواق والكمية محدودة ..جهاز ( كاشف نوايا ) !!
Author: نادية عثمان
Date: 01-12-2011, 07:21 PM
Parent: #14
الطيب
| Quote: لانو اسمك زمان متلت غيرتيهو صاح؟ |
ماصاح !
بالعكس زمان متنى وبكري تلتو قبل الإستفتاء الحاصل ده !!
عايزة أجي السلطنة والله لكن الظروف معاكسة شوية !
الفنان خلف الله يا حليلو والله غايتو ماتقصروا في حفل وداعه وجيبوا لينا الصور سمح؟
|
Post: #16
Title: Re: فرصة ذهبية .. الآن بالاسواق والكمية محدودة ..جهاز ( كاشف نوايا ) !!
Author: ياسر بيناوي
Date: 01-12-2011, 07:56 PM
Parent: #15
الغالية نادية
سلامات
مشتاقين والله
ياساتر الحاصل شنو ....ياخ ...؟
غايتو انا شخصيا لو في مصنع بيصنع الجهاز دا انا ح احتكر انتاجه لمدة عام وبرضو ما بكفيني
لكن اقول ليك حاجة انا عكس زميلتك دي تماما
انا بفترض حسن النية في ايي زول وبحب كل الناس
والزول البلقاهو عكس ما ظنيتو بقول ربنا يسامحو وانتهي الموضوع
اصلا اخرا كوم تراب حارق دمي في شنو .....؟
خالص الود
|
Post: #17
Title: Re: فرصة ذهبية .. الآن بالاسواق والكمية محدودة ..جهاز ( كاشف نوايا ) !!
Author: الطيب شيقوق
Date: 01-12-2011, 08:13 PM
Parent: #16
| Quote: عايزة أجي السلطنة والله لكن الظروف معاكسة شوية ! |
يا ريييييييييييت والله الجميع هنا ذاكرنك بالخير ويتمنون عودتك ليهم
| Quote: الفنان خلف الله يا حليلو والله غايتو ماتقصروا في حفل وداعه وجيبوا لينا الصور سمح؟ |
الغريبة يا نادية خلف الله حلف لي قال ما عايز اى حفل وداع
المهم الراجل دا عالم وحاولي استضيفيهو بعد عودته باي من برامج هارموني
|
Post: #19
Title: Re: فرصة ذهبية .. الآن بالاسواق والكمية محدودة ..جهاز ( كاشف نوايا ) !!
Author: نادية عثمان
Date: 01-14-2011, 03:15 AM
Parent: #17
ود شيقوق حبابك وحباب خلف الله الفنان
| Quote: المهم الراجل دا عالم وحاولي استضيفيهو بعد عودته باي من برامج هارموني |
والله الفنان خلف الله فعلا عالم ويستاهل .. لكن للأسف هارموني قاطعة أنت مامتابع ولا شنو ؟
لازم تعملوا للراجل حفل وداع يليق بيهو وهو طبعا حايرفض لكن إنت تصر شددديد سمح؟
|
Post: #18
Title: Re: فرصة ذهبية .. الآن بالاسواق والكمية محدودة ..جهاز ( كاشف نوايا ) !!
Author: نادية عثمان
Date: 01-12-2011, 09:07 PM
Parent: #16
بيناوي
كيفك يامان ووينك كدا
عامك سعيد
| Quote: اصلا اخرا كوم تراب حارق دمي في شنو .....؟ |
المشكلة إنو آخرتها كوم تراب ورغم كدا تلاقي بعض الناس ( كعبين كعوبية ) الجن ياخ !!
الله يدينا خيرها ويحسن خاتمتنا يارب
تلفونك غيرتو ؟!
|
Post: #20
Title: Re: فرصة ذهبية .. الآن بالاسواق والكمية محدودة ..جهاز ( كاشف نوايا ) !!
Author: نادية عثمان
Date: 01-14-2011, 09:24 AM
Parent: #18
إتخيل تكون شايل الجهاز في جيبك
وتلاقي زول للمرة الأولى في حياتك
ويقوم الجهاز طوالي يلتقط ليك ذبذبات ( نواياه) تجاهك ويسجل ليك إحساسو الحقيقي كره كان أو حب ، خير أو شر !!
ترجع البيت تخت الجهاز في فيشة الكهرباء وتنور ليك شاشة الجهاز ووااااااااضحة وتقوم تطلع المعلومات منها وتعرف الحاصل !
وعلى أساس مشاعر الزول ده تجاهك تحدد هو منو وإنت بتعني ليهو شنو .. عدو ولا حبيب وتتعامل معاهو كيف !!
ياسلااااااام ياخ !!
|
Post: #21
Title: Re: فرصة ذهبية .. الآن بالاسواق والكمية محدودة ..جهاز ( كاشف نوايا ) !!
Author: نادية عثمان
Date: 01-20-2011, 11:32 AM
Parent: #18
جهاز لكل مواطن !
|
|