حوار أمبو و بمبو - Ambo and Bimbo

بمبو: ماشى وين يا امبو؟

امبو: ماشى لندن

بمبو: و تعمل شنو هناك؟

امبو: ماشى أسقط الحكومـة

بمبو: دى حكومة ديمقراطية، ليه ما تمشى السودان تسقط الحكومة الدكتاتورية هناك؟

امبو: ما انا ماشى لندن عشـان اسقط الحكومة الســودانية!

بمبو: ومتين الحكومة السودانية إحتلت بريطانيا؟

ابمبو: هه.. تحتل بريطانيا؟!! هم قادرين يحتلوا الســودان عشان يحتلوا بريطانيا؟

بمبو: طيب.. لو هم ما محتلين بريطانيا ولا الســودان، حتسقطهم من وين؟

ابمبو: من راس بيتنا ياخ.. انتى زولة لايووقة بشكل..

بمبو: طيب معليش ياخ.. بس بالهداوة كدا.. ليه ما تمشى السودان لأنو الحكومة الحتسقطها قاعدة هناك.

امبو: ياخ إنتى غبية.. البلد كلها امن وبوليس ومليشيات كاتمة انفاس الناس، من داخل السودان ما
تقدرى تعملى أى شئ.

بمبو: فهمت فهمت.. يعنى حتسقطها بالريموت كنترول.

بمبو: يرميك من التاكـا قولى يامين..