الى مدرب الفريق القومى محمد عبدالله مازدا مع الاحترام.

هكذا بدا الامر رغم تكرارة

تعيين محمد عبد الله مازدا مديرا فنيا للمنتخب الوطني الأول
أعلن الاتحاد السوداني لكرة القدم تعيين محمد عبد الله مازدا مديرا فنيا للمنتخب الوطني الأول بصفة رسمية بعقد لمدة عامين.

وعقد اتحاد الكرة السوداني مؤتمرا صحفيا مساء الاثنين اعلن خلاله معتصم جعفر رئيس الاتحاد التعاقد الرسمي مع مازدا.

وقال جعفر إن مازدا ظل يعمل متطوعا طيلة المرات التي كان يشرف فيها على المنتخب وجميع الإنجازات التي حققها المنتخب الوطني كانت تحت قيادته بما فيها إنجاز العودة لنهائيات كأس أمم أفريقيا في غانا 2008 بعد غياب طويل.

وأضاف جعفر "هذه الخطوة (التعاقد الرسمي) تأخرت كثيرا"، مشيرا إلى أن الاتحاد سيوفر لمازدا الأجواء المناسبة كي يؤدي مهمته على أكمل وجه وينجح في قيادة المنتخب السوداني لنهائيات كأس أمم أفريقيا المقبلة التي ستقام في الغابون وغينيا الاستوائية عام 2012، إلى جانب قيادة المنتخب في بطولة أمم أفريقيا للاعبين المحليين والتي يستضيفها السودان في مارس/اذار المقبل.

من جهته أكد مازدا أن التعاقد ضاعف من مسؤولياته وأن همه الكبير هو قيادة المنتخب لنهائيات أمم أفريقيا المقبلة علما بأن الفريق يتصدر حاليا المجموعة التاسعة للتصفيات بالمشاركة مع منتخب غانا برصيد أربع نقاط لكل منهما
المصدر: منتديات نجوم - من قسم: منتدى الاخبار والاحداث العربية والدولية والعالمية

الأخ هشام امين ,
(اكتب هذا الكلام بعيدا عن نتائج منتخبنا الهزيلة فى دورة وادى النيل).
بغض النظر عن رأينا فى كابتن مازدا الا وانه وطالما تم تعيينه رسميا مديرا للمنتخب وصار امرا واقعا وطالما ان حواء السودانية لم تلد مديرا فنيا غيره, فعليه الأبتعاد عن موازنات هلال مريخ وان يركن كل العجزة وكبار السن كما عليه ان يركن جانبا كل اولئك اللاعبين المغرورين والمدلعين والذين يعتقدون انهم عباقرة الكرة فى السودان جانبا ويعتمد على الدماء الحارة التى اثبتت وجودها حتى الآن, واخيرا يجب ان يفرض عليهم سياسة الأنضباط التى انتهجها المدير الفنى السابق مستر قسطنطين ذلك المدير الذى حاربته الصحافة الرخيصة والمأجورة وانصاف المتعلمين من الأداريين وطلاب الشهرة والفشخرة الفارغة .

الاخ قلقو


مازدا خشا ليى فى عضمى


وعمل ليى نفسيات وجاب ليى العصبى


ما مرة ولا مرتين ولا تلات مرات ولا 1000 مرة


مازدا بقى ملازمنى وملازمنا ولازم نشوف لينا حل


عليك الله شوف لينا حل

Quote: عليك الله شوف لينا حل

ياهشام انا ماقلت ليك قبل كدة :

Quote: ان حواء السودانية لم تلد مديرا فنيا غيره

يعنى : (نو واى ).

طيب رائيك شنو

نشوف حواء زاتا؟؟




يا رب انت القوى على كل قوى

من جهته أكد مازدا أن التعاقد ضاعف من مسؤولياته وأن همه الكبير هو قيادة المنتخب لنهائيات أمم أفريقيا المقبلة علما بأن الفريق يتصدر حاليا المجموعة التاسعة للتصفيات بالمشاركة مع منتخب غانا برصيد أربع نقاط لكل منهما
المصدر: منتديات نجوم - من قسم: منتدى الاخبار والاحداث العربية والدولية والعالمية

قيادتة للنهائيات فقط ؟؟؟

اتحفظ على هذا التعليق واقول كنت احب ان اسمعك تصرح وتقول ساعمل على

قيادة المنتخب للفوز بكأس امم افريقيا القادمة ولكن طموحاتك دونية مؤلمة

المدرب الفز والقدير مازدا

بغض النظر عن نتائج الفريق القومى السودانى

فى دورة حوض النيل وبغض النظر عن نتائج الفريق القومى

فى دورة امم افريفيا وبغض النظر عن الحالى والمستقبل

ارجو منك سيدى العزيز النظر الى ماضيك مع فريقنا القومى

وفريق المريخ وحاسب نفسك ؟

وتذكر ان التاريخ يحفظ فى سجلات من ذهب من اثبت وجودة وارتقى

بفريقة واسعد جماهيرة وابناء بلدة كحسن شحاتة مدرب فريق مصر

كزجالو البرازيلى ومورينهو , ويبصق على وجوة الاخرون ويرمى بهم شر رمية فى زبالة التاريخ.

راجع تاريخك وهزائمك الكبيرة التى شقت قلوبنا وفضلا لا تحلم بالمزيد فنحن نتطلع لمستقبل

باهر يشار فية بالبيان لصقور الجديان ومستقبل لا نرغب فى ان يلطخة ماضى اليم وسقيم

وتذكر يضا يا مازدا ان التاريخ يحمد للرجال مواقفهم الشجاعة عندما يقرون بالفشل ويتوارو عن

الانظار تاركين الفرصة للاخرين.

المدرب القدير مازدا

اطلب منك بل ارجوك ان تسعى مع الاتحاد الجديد الى ايجاد مدرب جديد

قوى مؤهل لقيادة الفريق القومى مدرب يسعى خلف الفوز ويذهب وياتى بة

اطلب منك بل ارجوك ان تضع احلام السودانيين امام اعينك وان لا تضع احلامك انت امامك

اطلب منك بل ارجوك ان تعمل على ايجاد فرص لتدريب المدربين السودانيين وفق اسس علمية حديثة

فى بعثات خارجية يكون لك الفضل فى ابتدارها وتحمد لك وتنسب الى تاريخك

هشام امين... سلامات
حال المنتخب لايسر
المسؤول عنه ليس المدرب مازدا فقط
بل فشل المنتخب تقع مسؤوليته من وزير الشباب والرياضة الى اللاعبين ...
غايتو ... ربنا يصلح الحال

أخونا هشام

سلام

يمشى وين يا زول هو ما صدق انه جاء راجع تانى لانه عنده باقى بهدله لينا لسه ما تماها تجى تقول ليه خلاص كفاك

اسع هو منتظر امم افريقيا للمحليين عشان تكونوا شهود على التلاتات و السبعات مش يجيبوها ليكم بى قواله

و لك مودتى

Quote: أخونا هشام سلام يمشى وين يا زول هو ما صدق انه جاء راجع تانى لانه عنده باقى بهدله لينا لسه ما تماها تجى تقول ليه خلاص كفاك اسع هو منتظر امم افريقيا للمحليين عشان تكونوا شهود على التلاتات و السبعات مش يجيبوها ليكم بى قواله و لك مودتى

والله يا حيدر هردتة الكبد والزيادة فى ضربات القلب ووجع الراس البيجى بعد الهزيمة

والتشكيلة الغلط والتغيير المشاتر والدبرسة البتمسكك اسبوع بعد المبارة والله خلتنا نلعن

حظنا ونبكى زمن فية ناس ما بتؤمن بالخطاء ولا بالفشل ولا بتتعظ من النتائج المخجلة

وبعد دة كلة لسة قاعدين .

الناس البتموت فى الاستادات قايل سببها شنو يا حيدر ؟

Quote: هشام امين... سلامات حال المنتخب لايسر المسؤول عنه ليس المدرب مازدا فقط بل فشل المنتخب تقع مسؤوليته من وزير الشباب والرياضة الى اللاعبين ... غايتو ... ربنا يصلح الحال

اعلم عزيزى ولكنة المسؤل الاول امامنا وان فشل من هم وراء الكواليس

يدل على فشل المدرب لانة لم يقف وراء مطالبة التى تؤهلة للنجاح وان لم يقف

وراء مطالبة التى تؤهلة للنجاح فهذا دليل على انة لا يعرف اين طرق النجاح

وان كان لا يعرف طرق النجاح فلا حوجة لنا بة.


المدرب القدير مازدا هل تعرف طريق النجاح ؟؟؟

تاريخك يخبرنا قصة اخرى !!!!

الأخ هشام امين
بالمناسبة انت عندك مرض اسمو:
Mazda Syndrome
وأنا كمان[ كذلك , بس اخوك فايتك بالصبر والأحتساب الذى اتمنى ان يوضع فى ميزان حسناتى يوم الحشر الأكبر الذى سنتقابل فيها انت وانا....ومازدا ويومئذ ممكن تخلص حقك ناشف /B] .

Quote: الأخ هشام امين بالمناسبة انت عندك مرض اسمو: Mazda Syndrome وأنا كمان[ كذلك , بس اخوك فايتك بالصبر والأحتساب الذى اتمنى ان يوضع فى ميزان حسناتى يوم الحشر الأكبر الذى سنتقابل فيها انت وانا....ومازدا ويومئذ ممكن تخلص حقك ناشف /B] .

ههههههههههها ضحكتنى فى محنتى يا قلقو


اقول ليك قول ياخ انا دة يومئذن زاتوا ما عاوز اقابلة


ياخ دة مرض عضال ياخ


حمدنا الله على انة شداد غار


وحانقعد نسال فى الله انة دة يغور كمان