بورداب مسقط يحتفلون بزيارة وكيليكس سودانيز اونلاين (ماضي ابو العزائم) - صور

كانت بحق وحقيقة لحظة رائعة وسعيدة جدا جمعت بورداب مسقط مع الاخ ماضي ابو العزائم

حضر هذه الاحتفالية كل من :

الاستاذ المخضرم محمد احمد الخضر - مربي الاجيال
الاستاذ عبد المنعم خليفة
الاستاذ الزاكي عبد الحميد
الدكتور عمار زكي
الاستاذ محمد المرتضى حامد
الاستاذ ابو بكر ابو القاسم
الاستاذ حيدر امين عبد اللطيف
الاستاذ ابو بكر قسومة - بوردابي برلوم ومسنوح شدييييييييد
الاستاذ السني ابو العزائم - شقيق المحتفى به

نواصل

اهلا بالاستاذ ماضي ابو العزائم في سلطنة عمان


يا ود شيقوق ما كان تعملوا الاحتفال نهاية الاسبوع عشان ناس الاقاليم تجئ تشارك معاكم

مش براكم تبتهجوا بالرائع ماضي

لك وله التحية والود

Quote: يا ود شيقوق ما كان تعملوا الاحتفال نهاية الاسبوع عشان ناس الاقاليم تجئ تشارك معاكم

ناس ضهاري مسقط ما معانا يا احمد اخوي

مرحبا بالكريم ماضي ابوالعزائم الرجل الجميل في مسقط،

نتمنى له إقامة طيبة بين الأهل والأهل فأهل مسقط جميعهم أهل.

شكرا يا شيقوق على جمع البورداب في زمن وجيز للغاية ،

بس عصرت على ودالقرشي شديد يا المسنوح.

المسنوح .....

كويس سميتو "ويكيليكس" ..... لو لحقت سميتو "جوليان أسانغي" ..... كان جبت ليهو الهوا.


_________
رسلناهو ليكم أسبوع بس ......... كنكشتو مالكم.

سلام يا الطيب
وتحياتي لك ولك بورداب مسقط
اعجبني جدا اطلاق لقب وكيليكس على ماضينا!
وماضينا دي نسبة الى انو انا من بري
وبري المحس بالذات عندي معاها قصص !
واجمل ابناء دفعتي من المحس :
مختار حسن ، ناصر البداني ، محمد فريد الباقر
ده غير لمن يتلمو باقي الصعاليك امثال :
هاشم سليمان ، شمس الدين ، حمدي جيلي ، ابراهيم موسى ..
ومن لف لفهم
فقد كنا نلتقي يوميا في حوش ناس سري
قبل غزوة النوادي او سينما النيل الازرق
فقد كانت لنا ايام ياصاحب لن تتكرر او تعود !
وماضي انسان بمعنى الكلمة ..
صادق ومهذب وسكوت وعوان ..
تنادي يجيك ملفح من حتات قصية
كان والدي رحمه الله لا يضوق العافية الا على يديه
ولا يستمع الا له
كنا في بيتنا نتعجب من قدرته المدهشة في اقناع والدي العنيد
ليتناول وجبة او يتدرج للسير خطوات حتى لا تيبس عظامه وهو في آخر ايامه
كذلك فهو حكااااي
انت اديه طرف الخيط او الرواية
سلامي ليه .. زمن طويل لم نلتقي
قرابة العشرين عاما
وبالله الصور سريع يا الطيب
مع قناعتي انو الزمن ما بيهبش ماضي كتير
لانه رياضي اضافة الى ان تخصصه يجعله محافظ !

السني ابوالعزائم التقيته في بري الاميرية
الدفعة الورانا..
تعرف يا السني
مرة مشيت مدني
وطبعا لمن امشي مدني لازم ازور صديقي وجاري في ناصر
كمال عبدالعاطي
احتفى بنا يومين في منزلهم الجميل
وانا في الغرفة داخل منزلهم اشوف صورة الزول المابغباني
وكمان معاهو عروسة جميلة وهي اخت كمال
كانت مفاجأة عظيمة لي ان اعرف انك تزوجت شقيقة كمال عبدالعاطي
ربنا يسعدك فقد اخترت والله
لانهم اجمل وانبل ناس
وعلمت من كمال ان خاله احرف لاعب في تاريخ مدني .. عباس ركس
ولم احظى بمشاهدته
لسه بتذكر والدتهم الانيقة " نسيت اسمها" وهي استاذة ومربية عظيمة
تحياتي لزوجتك يا السني ولكمال
وكيف اخبارو .. وتلفون ليه لو امكن

وشكرا يا الطيب

يا خوانا السودان دا جميل بشكل
لما ناس حلوين زيكم يتلمو..


كانت جلسة رائعة بحق وحقيقة..
فالشكر لك أخي الطيب..
ليته طال بقاء ماضي معنا لبعض
الوقت لكي تتألق مسقط أكثر بوجوده بيننا..

شكراً لكل من جعل هذا اللقاء ممكناًوجميلاً
بحلو حديث الذكريات عن بلد جميل يسكننا..

ماضي زول راقي الحديث ويستحق أن يلتقي من أجله
الناس أينما كان..فهنيئاً لبورداب قطر بوجوده بينهم..

شكراً الطيب مرة تانية وكتر من الحاجات دي طوالي..

البرلوم قسومة زول رائع وإضافة قيّمة للمنبر ولمجموعة مسقط فمرحبا به بيننا ..

لقد كانت جلسة رائعة بالفعل فلك الشكر الجزيل أخي شيقوق
طبعا نحن أولاد أبو العزائم ديل كلهم عندهم نسب وصهر وأراضي في توتي الخضراء فبري المحس هي العمق التاريخي والجغرافي لتوتي
مرة آخرى شكرا ليك كتير يا شيقوق وألف تحية ليك يا ماضي أبو العزائم على الأيام الجميلة التي قضيتها بيننا وبالله كتر من الزيارات دي لأن البورداب ديل ما قاعدين يتلاقوا إلا في مناسبة زي دي

أضم صوتي لود القرشي وأطالب بأن تكون اللقاءات القادمة في نهاية الإسبوع ليلتحق بها أبناء الريف المهمش والضهاري

أستاذ المرتضى

Quote: شكرا يا شيقوق على جمع البورداب في زمن وجيز للغاية ، بس عصرت على ودالقرشي شديد يا المسنوح.

شكرا يا ابا اكرم فما كان لهذا النجاح ان يتحقق لولا تشجيعكم انتم والاستاذ عبد المنعم خليفة ( ابو عمار)

ود القرشي - يا المرتضى - كان متابع لحظة بلحظة ووالله تمنينا مشاركته هذه اللحظات الطيبة

لم يكن لدينا ثمة خيار غير هذا اليوم ( الثلاثاء)

الشكر لاخينا ماضي (ويكليكس) ولجميع الاخوة الكرام الذين شاركونا الفرحة

وينك يا حيدر امين؟

محمد ابو العزائم

Quote: كويس سميتو "ويكيليكس" ..... لو لحقت سميتو "جوليان أسانغي" ..... كان جبت ليهو الهوا.

ههههههههههههههههها

مسنوح

Quote: رسلناهو ليكم أسبوع بس ......... كنكشتو مالكم.

قلنا نشبعو في عنكوليب مسقط ونبعثوا ليكم . والله السنى كرهنا فيهو ذاتو متابعو زى الياور . قلنا نطرف بيهو عشان نعرف مويتو لكن السنى المسنوح كرهنا متابعنا بالطوالة .

الاخ خالد ود العبيد

الله يخليك يا طيّب

Quote: وتحياتي لك ولك بورداب مسقط اعجبني جدا اطلاق لقب وكيليكس على ماضينا! وماضينا دي نسبة الى انو انا من بري وبري المحس بالذات عندي معاها قصص ! واجمل ابناء دفعتي من المحس : مختار حسن ، ناصر البداني ، محمد فريد الباقر ده غير لمن يتلمو باقي الصعاليك امثال : هاشم سليمان ، شمس الدين ، حمدي جيلي ، ابراهيم موسى .. ومن لف لفهم فقد كنا نلتقي يوميا في حوش ناس سري قبل غزوة النوادي او سينما النيل الازرق فقد كانت لنا ايام ياصاحب لن تتكرر او تعود ! وماضي انسان بمعنى الكلمة .. صادق ومهذب وسكوت وعوان .. تنادي يجيك ملفح من حتات قصية كان والدي رحمه الله لا يضوق العافية الا على يديه ولا يستمع الا له كنا في بيتنا نتعجب من قدرته المدهشة في اقناع والدي العنيد ليتناول وجبة او يتدرج للسير خطوات حتى لا تيبس عظامه وهو في آخر ايامه كذلك فهو حكااااي انت اديه طرف الخيط او الرواية سلامي ليه .. زمن طويل لم نلتقي قرابة العشرين عاما وبالله الصور سريع يا الطيب مع قناعتي انو الزمن ما بيهبش ماضي كتير لانه رياضي اضافة الى ان تخصصه يجعله محافظ !

غايتو كانت لمة سمحة يا اخي سلالة ابو الريش ديل معدنهم غير هم الفزع وقت الضيق وهم البهجة والفرحة الواحد فيهم كان مشى قدامك ساى علا تنقز وراهو عشان تلحقو . الواحد تقول كراعو لاحساها ركشة !!!.

مرحب بالاخ الكريم ماضى ابو العزائم ضيف عزيز وغال

اخي الزاكي

يا خوانا السودان دا جميل بشكل
لما ناس حلوين زيكم يتلمو..

Quote: كانت جلسة رائعة بحق وحقيقة.. فالشكر لك أخي الطيب.. ليته طال بقاء ماضي معنا لبعض الوقت لكي تتألق مسقط أكثر بوجوده بيننا..

ازدانت بكم يا صديقي فأنّي لحفل لا ينجح وانتم رعاته يا عشانا

Quote: ماضي زول راقي الحديث ويستحق أن يلتقي من أجله

كلامو براااااااااحة وهادئي بندراوي لآلآلآ؟ (لآلآلآ عمانية)

Quote: البرلوم قسومة زول رائع وإضافة قيّمة للمنبر ولمجموعة مسقط فمرحبا به بيننا ..

دا مسنوح ومسلط امبارح همس لي في اضاني قال لي ادونى سحبة في ماضي دا قلت ليهو هوي يا وليد ابعد الزول دا سبحتو تكشكش في جيبو .

دكتور عمار الشكري

Quote: لقد كانت جلسة رائعة بالفعل فلك الشكر الجزيل أخي شيقوق

تسلم يا زعيم فلولاكم لما كانت بهذا الطعم الدسم

Quote: أضم صوتي لود القرشي وأطالب بأن تكون اللقاءات القادمة في نهاية الإسبوع ليلتحق بها أبناء الريف المهمش والضهاري

ههههههههههههههها فعلا امبارح كانت ملحمة مهجنة بناس البندر والضهاري .

تجملت تلك اللحظة بحضور استاذنا العظيم عبد المنعم خليفة

Quote: مرحب بالاخ الكريم ماضى ابو العزائم ضيف عزيز وغال

لقد سعيت للاتصال بكم ولكن للاسف لم احصل على رقمك وكلفت الاخوة الكرام الاتصال بك بل كنت متوقع حضورك في اى لحظة

خالص ودي

الاخ الطيب

تحياتي

نرحب بالأخ ماضي أبو العزائم ونتمني له إقامة طيبة بين أهله وأصدقائه.

Quote: وكيليكس سودانيز اونلاين (ماضي ابو العزائم)

نجضتو نجاض لكن يا قريبي ..

نتمنى لكم أيام سعيدة برفقة أستاذنا أبو العزائم

تخريمة:
الصور وين

شكرا اخوتي

عادل عبد الرحمن

نادر النور

Quote: وين الصور؟

حيدر امين -

انت حالف تشحتف روح الناس ما تنزل الصور يا اخي .

اخي ود شيقوق

انت قايل دي الحوش ولا ود المعاك ولا الدوحه او تباخه ولا فارس الكتاب

دي بري وفي بري بري المحس

رغم اني بحراوي تقيل الا ني افتخر بان والدي رحمة الله عليه ولد وتربي في بري المحس

بعدين الجماعه ديل اختهم باشمهندس نجوي ابو العزائم صديقتنا ودفعتنا

اتمني لهم ولها كل خير

ديل اسياد الخرطوم يا مسنوح

يا طارق

ازيك

Quote: ديل اسياد الخرطوم يا مسنوح

وحاة الله اكان شفتهم:

بتكلمو ما بتسمع ليهم صوت وسوسة بس
لما جبنا الاكل انا بخمج بيدى ساااى وهم الواحد ماسك الشوكة والسكين زى البخيّط ليهو في شوال فحم تفويمة ( التفويمة يعني الشوال المتروس نامن مبوز بره)
انا بخمش مناديل الورق خمش وهم بتناولوا المناديل واحد واحد بالانامل بس زى البعوسوا ليهم في كسرة في الدوكة او الصاج
انا لابس رباط العنق مقنطر زى القعونجة في الحلق هم الربطة عندهم صغيرة في الحلق زى المثلت المتساوي الاضلاع
انا بحكي ليهم بندى القلعة وشموس وود اللمين ووردي هم بيحكوا بنانسي عجرم وكاظم وفيروز وايهاب توفيق

بجيك صاد انتظرني يا النقادي

Quote: ديل اسياد الخرطوم يا مسنوح

ما عندنا مانع أهل بري أسياد الخرطوم .. برضو ما مشيت بعيد يا طارق بري توتي شمبات كلو محس......

الامسية كانت جميلة لكن ود شيقوق كلفتنا سريع سريع
والبلد كانت مليانه مناسبات

الصور جايه فى الطريق ومافى طريقه الا المساء

مع طيب الاقامه لابن الخالة ماضى فى مسقط

بحق ,كانت جلسة رائعة برغم ضيق الوقت الذي تم فيه الترتيب لهذا اللقاء ,عمنا ود الخضر بقفشاته وذكرياته ومداعبات أعمامنا ود الزاكي وعمار زكي له,ومناكفات حيدر امين للمسنوح بضهاريته والاساتذة ودالمرتضي وابوبكر ابو القاسم بهدؤهم المعتاد ورصانتهم في الحديث ,,,كل هذا كان احتفالا بزيارة أخونا ماضي أبو العزائم بمسقط وهو أهل لاكثر مما قمنا به,,فعذرا ان قصرنا بحقك أيها الرجل الرائع ...شكرا لاخونا السني أبو العزائم الذي أتاح لنا فرصة لقاءك بمسقط وشكرا للمسنوح ود شيقوق مهندس (القعدة) (الذي قال شكرا بكري ابوبكر أن جعلت هذا ممكنا).

حيدر

Quote: الامسية كانت جميلة لكن ود شيقوق كلفتنا سريع سريع والبلد كانت مليانه مناسبات

من حينك داير تكب اللوم في ود شيقوق؟ براااكم قلتوا عندكم حفلة تانية يا مسنوح

قسووووووومة المشوطن

Quote: شيقوق مهندس (القعدة) (الذي قال شكرا بكري ابوبكر أن جعلت هذا ممكنا).

يطول عمرك وعمر بكري يا قسومة والله انجاز انساني عظيم

Quote: يطول عمرك وعمر بكري يا قسومة والله انجاز انساني عظيم

كسير تلج في البرد دا

Quote: : يطول عمرك وعمر بكري يا قسومة والله انجاز انساني عظيم كسير تلج في البرد دا

يمينا بالله ...ده القلتو ليهو..... أمس!!!

Quote: ومداعبات أعمامنا ود الزاكي وعمار زكي

يا قسومة لو نحن أعمامك يبقى ود الخضر جدك ولا كيف؟؟

Quote: يا قسومة لو نحن أعمامك يبقى ود الخضر جدك ولا كيف؟؟

ههههههه
عمو... أنت زعلت ولا شنو؟ برضو لازم نديكم مقامكم كمان ..ولا دايرني اناديك متل ما بنادي المسينيح داك؟

رسلناهو ليكم أسبوع بس ......... كنكشتو مالكم

الشكر للظرف الجميل الذي أتاح لنا اللقاء بالأخ العزيز ماضي أبو العزائم الذي أتانا في زيارة خاطفة لنتعرف عليه عن قرب، والتحية للزملاء الأعزاء بورداب مسقط الذين تحلقوا حول الرجل في جلسة ممتعة كم كنت أتمنى أن تطول أكثر. وتعليقا على ملاحظة الأخ محمد أبو العزائم أعلاه أقول له: هي داب الكنكشة؟! يمين شيقوق كان داير ياكلو عديل!!

نعلك طيب يا الطيب...

والله جيت أتفرج على الصور والمستندات طالما الموضوع فيهو وكيليكس!
أها لقيتكم فترانين من سهر الشباب وليالي الأنس والريش... هنيالكم

وصيتي ليك أولاد أبوالريش ديل أختاهم.. ديل أولاد الشيخ ابوالعزايم
كان عزمو ليك واطاتك أصبحت... عشان كده سلم ليا عليهم وأختاهم

والله يا السني وحيدر وماضي... مشتاقين! كم دي.. 40 سنة؟

Quote: والله يا السني وحيدر وماضي... مشتاقين! كم دي.. 40 سنة؟

وحاتك تشوفهم ما تدي الواحد فيهم أكتر من 20 سنة بس.
عينا باردة عليهم.

.

Quote: وحاتك تشوفهم ما تدي الواحد فيهم أكتر من 20 سنة بس. عينا باردة عليهم.

ما ياهو... عشرين + عشرين = تلاتين
ولا شنو؟

Quote: والله يا السني وحيدر وماضي... مشتاقين! كم دي.. 40 سنة؟

تقول لي عمو عمار وعمو ود الخضر وما عارف جدو ود شيقوق

ياخي ديل ديناصورات عديييييييل كدا ....

Quote: تقول لي عمو عمار وعمو ود الخضر وما عارف جدو ود شيقوق ياخي ديل ديناصورات عديييييييل كدا ....

أفو يا طارق . . . لازمة الخطا شنو؟؟
قال ديناصورات .. أنت لسه شفتا حاجة.
تعال مسقط تاني عشان نوريك كيف وتشوف بي عيونك؟!!

معليش يا الطيب الطيب... نسيت أسلم على قسومة




...................

موش ياكا قسومة الواحد ده البيتم آخر المحس فاتح قدام بيتنا أول الدرايسة؟
لا حول الله... يا زول إنتا جيت متين ومن وين؟
نحنا بهنا ما إرتحنا من صبري النملة نلقاك سارح مع أولاد أبوالريش؟

كيفنك يا زول الزمن السمح...وكيفنهم الأهل؟

طارق يا ميرعني يا حبيب... سلامات

Quote: ياخي ديل ديناصورات عديييييييل كدا ....

شوف يا سيدي.. السني ده زولي بالحيل
بس ماضي ده سموهو على ناس أبو ماضي الزمان داك
قايتو هو دفعة جدي صابر أحمد الزبير... لا أقصد خالي!

يانا زاااتنا...بس البيت البتقصدوا ده بيت عمي الريح قسومة نحنابيتنا مواجه ليهم في المربوع التاني...والبيت اللي كان فيهو مطعم المرحوم عبد الرؤؤف أحمدالزبير(الله يرحمو)....أعتقد انو بيبقي ليك في الحسبة خال.
النملة ده دحين ما اسم أخو صبري الكبير عادل؟؟ لصقتوهو لي صبري برضو عندكم هناك؟

ود الخدر

Quote: يمين شيقوق كان داير ياكلو عديل!!

يا اخوانا على بالليمين انا من جلسة امبارح دي عرفت فرق ناس البندر من ناس الضهاري

يا ناس الضهاري انتو امبارك تلعلعوا ساى بصوت عالي و فاكرين البيت التركي دا حقكم براكم وما عارفين الناس المجكسيــن في الجامبرس (Chambers ) المجاوراكم. مالكم ما شفتوا ناس ابو العزائم بتكلمو همسا حضاريا كيف ؟ لا يغلط عليك ولا ب###### يديك .

هيييييييييييع ناس البندر بلاكم خربانة طاااب

Quote: يا اخوانا على بالليمين انا من جلسة امبارح دي عرفت فرق ناس البندر من ناس الضهاري يا ناس الضهاري انتو امبارك تلعلعوا ساى بصوت عالي و فاكرين البيت التركي دا حقكم براكم وما عارفين الناس المجكسيــن في الجامبرس (Chambers ) المجاوراكم. مالكم ما شفتوا ناس ابو العزائم بتكلمو همسا حضاريا كيف ؟ لا يغلط عليك ولا ب###### يديك . هيييييييييييع ناس البندر بلاكم خربانة

والله عرفتها... أها عجبني ليكم

تعرف ذكرتني صاحبي وصاحبك الفاضلابي
يوم قال ليا نحنا ناس الضهاري ما بناكل عيش معاكم
ده حالتو مطرف شوية من أتبرة!

ود يس

Quote: تعرف ذكرتني صاحبي وصاحبك الفاضلابي يوم قال ليا نحنا ناس الضهاري ما بناكل عيش معاكم ده حالتو مطرف شوية من أتبرة!

مطرف شنو يا أمحمد اخوى دا مشى امريكا والله زاد ضهارية كمان .

دا اصلو جنس الجعلي الجاء يحلب غنمايتو ونطحتو وقام لصّق ليها كف تاااااااح وبعد حلبها طااب كبّ ليها اللبن في راسها قال ليها شوفي المحتاج لحليبك.

ود شيقوق و الزملاء الاعزاء

سلامي من خلالكم لود جدي ماضي

فهو رجل بالجد يستحق الاحتفاء به و ما قصرتو يا ناس مسقط





وكيليكس عليكم و رحمة الله وبركاتو

اخي ناصر

شكرا شكرا شكرا

Quote: ود شيقوق و الزملاء الاعزاء سلامي من خلالكم لود جدي ماضي فهو رجل بالجد يستحق الاحتفاء به و ما قصرتو يا ناس مسقط

غايتو البفتح ليهو بوست باسم ابو العزائم علا يبطل شغلتو ويقابلهم للردود - اهلهم كووولهم بيعرفوا النت من البرضعوا لغاية الشياب .

هههههههههههههههههههها

Quote: دي بري وفي بري بري المحس رغم اني بحراوي تقيل الا ني افتخر بان والدي رحمة الله عليه ولد وتربي في بري المحس بعدين الجماعه ديل اختهم باشمهندس نجوي ابو العزائم صديقتنا ودفعتنا اتمني لهم ولها كل خير ديل اسياد الخرطوم يا مسنوح

عاد البقول كلام غير دا غلطان

شرفت برى ياطارق

ياالمسنوح ابعد عن ود قسومة الود قدرك ولا قدرك

نجاة المسنوووووحة

Quote: ياالمسنوح ابعد عن ود قسومة الود قدرك ولا قدرك

هوى يا ناس بري انا من قبيل اشيل واكسر ليكم في التلج

وحاة الله تقوموا تهبشوني عيييييييييييييك الله كشف حالكم

Quote: دا اصلو جنس الجعلي الجاء يحلب غنمايتو ونطحتو وقام لصّق ليها كف تاااااااح وبعد حلبها طااب كبّ ليها اللبن في راسها قال ليها شوفي المحتاج لحليبك.

هه، زولي ده أنا بعرفو أكيد يكون عملا...

تراهو حسع وكت نايم والوطة عندنا ليل النقول لك دي:

"يمين يوم قال ليا عند ود عماً ليهو إشترالو عجلة (رالي) وهو كان تعلمجي لسه. ركب العجلة قام وقع وإتظلط!
تاني يوم الفاضلابي حلف قال ليا لقاهو خانق العجلة... كيف ترميهو وتظلطو؟"

(أها الكلام ده ما سمعتو مني) باقي الزول صاحبي ده جعلتي وحقار بأولاد البندر


...............

بالمناسبة عليكم الله عجلو بالصور...

مشكوره اختنا نجاة وشرف الله مقدارك

اما اخونا المسنوح شايفو طبظا

بعد ما شكر ناس بري جا يخربا ويهددم

ود الخليفة

Quote: "يمين يوم قال ليا عند ود عماً ليهو إشترالو عجلة (رالي) وهو كان تعلمجي لسه. ركب العجلة قام وقع وإتظلط! تاني يوم الفاضلابي حلف قال ليا لقاهو خانق العجلة... كيف ترميهو وتظلطو؟" (أها الكلام ده ما سمعتو مني) باقي الزول صاحبي ده جعلتي وحقار بأولاد البندر

اديهو هبشة خليهو يلتفت بجاى المسنوح




الطارق

مالك شايل عطر منشمك وحايم بيهو ؟ - الناس ديل اهلي وانا منهم وليهم عشان ابو امي محسي صررررررررر

يا عمكـ .. الصور ح تكون في صفحة كم؟

لا يا اخوي

البيناتنا عامره

وخاصة بقيت محسي زينا

كانت الفكرة أن أعرج علي أخي السني ابوالعزائم و إبن خالتي و صديقي حيدر أمين عبداللطيف بسلطنة عمان وصولا لوطن لا أدري ما حدوده الجغرافية او تركيبته السكانية أحمل شوقا عميقا لاهلي و أصدقاء ربما بوصولي يصبح بعضهم من الاجانب. هي الزيارة الثالثة للسلطنة لكن الاخيرة كانت سنة 1998 و الفرق كبير فى التقدم العمراني .. لكن دعوني اقول لكم ... السودانين بمسقط شئ مختلف ... طفت بحمدالله الكثير من دول العالم لكن (ناس) مسقط (أولاد حي واحد) معرفتك بالشخص تتمدد لاسرته كاملة زوجة و أبناء و زائرين .. كنت محظوظا بحضوري إحتفال الاستقلال و مناسبة زواج بكل تشعباتها من قيدومة و حنة و دخلة وشاهدتهم كيف يتعاملون بعيدا عن الزيارات البرتكولية..... كنت محظوظ أيضا بأن سجلت زيارات لبعض الشخصيات تعتبر من بعض عصب الحياة الاجتماعية في (حي مسقط) مع آخرين

الاستاذ عبدالمنعم خليفة (للحق كان هو المبادر و أحسبه تقصيرا من جانبي)
الاستاذ أنور أدهم المحامي
الاستاذ بابكر النور

سأعود لهذه الشخصيات بشئ من التفصيل فهي تعني الوطن .. كل الوطن وليس (حي مسقط) فقط. لا أستطيع أن أعقب على كل المتداخلين و إن إستحقوا ذلك لكن عندما إنتبهت للبوست كان العدد قد بلغ 50 مداخلة و هذا يحسب لاخونا شيقوق من جانب و من الجانب الآخر لعنوانه الجاذب ( و الشكية لي أب إيدا قوية) ... لكن هناك ما يستحق أن يكتب عنه:

مسقط الطبيعة
مسقط الجالية

مسقط شخوص تركت بصمات في تاريخنا الحديث جزء منه معلوم و الآخر يجب ان يكون معلوما

حفاوة ابناء حي مسقط . . . . أحسن اسكت

ألف مرحب بالأخ والزميل العزيز ماضي أبو العزائم الذي يسعدنا هذه الأيام بنشر أريج الصداقة واللطف والمودة على مسقط (وعلى قبيلة سودانيزأونلاين بوجه خاص)، ويمتعنا بحديثه العذب عن الذكريات الموثقة (وهو ملك التوثيق للأعلام والأماكن والصور النادرة!).

وبمناسبة هذه الزيارة التاريخية، يسرنا أن نهدي ضيفنا الغالي هذه الصورة النادرة لعله يقر عينا بها وهو يرى حفيده (أحمد) يرتقي قمة المجد في ميدان الطب!

بهذه الوثيقة يكون قد حسم الجدل الدائر لفترة حول من هو أكبر الأعضاء سناً في المنبر!!

محبتي
عبد المنعم خليفة

ود الصائم

Quote: يا عمكـ .. الصور ح تكون في صفحة كم؟

قربت بس خليك في المقاعد الامامية


طارق

الله يرضى عليك طيبت خاطرنا

اها ان شاء الله اديتوه طلح

اخي ابو العزائم

شكرا ليك على هذه الكلمات الطيبة يازعيم

Quote: الاستاذ عبدالمنعم خليفة (للحق كان هو المبادر و أحسبه تقصيرا من جانبي) الاستاذ أنور أدهم المحامي الاستاذ بابكر النور سأعود لهذه الشخصيات بشئ من التفصيل فهي تعني الوطن .. كل الوطن وليس (حي مسقط) فقط

نحن في انتظار ان نسمع منك عن هولاء الرجال القامات - اطال الله في عمرهم ومتعهم بالصحة والعافية

استاذنا عبد المنعم خليفة

Quote: وبمناسبة هذه الزيارة التاريخية، يسرنا أن نهدي ضيفنا الغالي هذه الصورة النادرة لعله يقر عينا بها وهو يرى حفيده (أحمد) يرتقي قمة المجد في ميدان الطب!

انها لصورة مثيرة للدهشة حقا

اهي من قبيل الصدفة ؟

ام اننا موعودون بويكيلكس آخر

عفوا للتكرار

ود جبريل المسنوح

Quote: اها ان شاء الله اديتوه طلح

لا عنكوليب

مسنوووووووووووووح

الأخ الطيب شيقوق تحياتي،

قبل شهر ونصف كنت في زيارة للدوحة وكان بصحبتي الدكتور جمال الماحي
دخلنا على سوبر ماركت أعتقد إسمه Lulu أو لولو بالقرب من منطقة الغرافة
وبمجرد دخلونا السوبر ماركت إلتقينا بأسرة سودانية بسم الله ما شاء الله
رجل ومعه زوجته وأولاده ووالدة كبيرة أم زوجته كانت تحمل سبحة طويلة في يدها..
الدكتور جمال قال لي والله إلا نمشي نسلم على الحاجة الشايلة السبحة دي
لأنها ذكرتني بأمي.. قلت ليه والله برضو بتذكرني بحبوبتي وأنحنا في الغربة
فاقدين مقالدة الأمهات والحبوبات.
تقدمنا ناحيتهم وسلمنا على الرجل وزوجته وبعدها أخذنا لينا مقالدة
طويلة وعميقة من الحاجة دون أن تعرفنا وكانت تدعو لنا بإستمرار بأن
يستر علينا الله ويوفقنا أشعرتنا بأننا فعلا وسط أهلنا.
وبعد السؤال عن الحال والأحوال سألنا الرجل عن أسماءنا والتعارف بيننا.
قال الرجل لي إسمك هذا ليس بغريب عليً..
ولما سألته عن إسمه قال لي: أنا إسمي ماضي أبوالعزائم!
قلت له برضو إسمك ما غريب علي..
إنت ماضي أبو العزائم بتاع سودانيزأونلاين؟
قال لي: أيوه ياهو أنا ذاتي.
تقالدنا من جديد والراجل سلم علي سلام حار شديد جدا.
وكان أول عضو في سودانيز أونلاين إلتقي به صدفة في الدوحة.

تحياتي الى الأخ ماضي أبوالعزائم وسعيد جدا باللقاء بكم
على الواقع والتعرف عليكم..
وأرجو أن تبلغ تحياتي لأسرتكم الكريمة والى الحاجة أم زوجتك
ربنا يطول في عمرها وكذلك على إبنها.

اخي عزيز عيسى

تحياتي وعميق امتناني على هذه المداخلة الرائعة

Quote: قبل شهر ونصف كنت في زيارة للدوحة وكان بصحبتي الدكتور جمال الماحي دخلنا على سوبر ماركت أعتقد إسمه Lulu أو لولو بالقرب من منطقة الغرافة وبمجرد دخلونا السوبر ماركت إلتقينا بأسرة سودانية بسم الله ما شاء الله رجل ومعه زوجته وأولاده ووالدة كبيرة أم زوجته كانت تحمل سبحة طويلة في يدها.. الدكتور جمال قال لي والله إلا نمشي نسلم على الحاجة الشايلة السبحة دي لأنها ذكرتني بأمي.. قلت ليه والله برضو بتذكرني بحبوبتي وأنحنا في الغربة فاقدين مقالدة الأمهات والحبوبات. تقدمنا ناحيتهم وسلمنا على الرجل وزوجته وبعدها أخذنا لينا مقالدة طويلة وعميقة من الحاجة دون أن تعرفنا وكانت تدعو لنا بإستمرار بأن يستر علينا الله ويوفقنا أشعرتنا بأننا فعلا وسط أهلنا. وبعد السؤال عن الحال والأحوال سألنا الرجل عن أسماءنا والتعارف بيننا. قال الرجل لي إسمك هذا ليس بغريب عليً.. ولما سألته عن إسمه قال لي: أنا إسمي ماضي أبوالعزائم! قلت له برضو إسمك ما غريب علي.. إنت ماضي أبو العزائم بتاع سودانيزأونلاين؟ قال لي: أيوه ياهو أنا ذاتي. تقالدنا من جديد والراجل سلم علي سلام حار شديد جدا. وكان أول عضو في سودانيز أونلاين إلتقي به صدفة في الدوحة. تحياتي الى الأخ ماضي أبوالعزائم وسعيد جدا باللقاء بكم على الواقع والتعرف عليكم.. وأرجو أن تبلغ تحياتي لأسرتكم الكريمة والى الحاجة أم زوجتك

في انتظار الاخ ماضي للتعليق

مودتي

ود شيقوق مساك الله بالخير,,,
أخونا عبد العزيز عيسي مساك الله بالخير,,
ياخوي عبد العزيز الناس اللي كانو حاضرين استقبال أخونا ماضي ذكرهم ود شيقوق في بداية البوست وهم هؤلاء:-
(الاستاذ المخضرم محمد احمد الخضر - مربي الاجيال
الاستاذ عبد المنعم خليفة
الاستاذ الزاكي عبد الحميد
الدكتور عمار زكي
الاستاذ محمد المرتضى حامد
الاستاذ ابو بكر ابو القاسم
الاستاذ حيدر امين عبد اللطيف
الاستاذ ابو بكر قسومة - بوردابي برلوم ومسنوح شدييييييييد
الاستاذ السني ابو العزائم - شقيق المحتفى به)
وأكاد أجزم بأن كل من ذكر أعلاه ليس لديه أي ولاء حزبي أو طائفي أو عقائدي (وذلك حسب معرفتي بهم) فهل تقصد أيا منهم؟
وحتي بفرض أن لديهم خلافات سياسية فان مبدانا (اختلاف الرأي لا يفسد للود قضية).

طيب يا شيقه بعد مداخلات الاخوة البورداب داخل وخارج مسقط ومن بحرى (طارق ميرغنى طالما مابعرف نجوى ودفعته ) وبرى ( نجاة )

ممكن ننزل الصور بعد الشحتفه

المشكله لقطة السمكه البقت زى صورة الاشعه فى يد الاخصائى شيقا ما لاقيها

من اليمين الاساتذه ابوبكر ابوالقاسم , محمد احمد الخضر د. عمار زكى ,الاستاذ عبدالمنعم خليفة ,الاستاذ الزاكى عبدالحميد , المحتفى به ماضى , الاستاذ شيق, الاستاذ البرلومه قسومه





وفى دى حيدر امين مكان قسومه والمره الوحيده الممكن اظهر فيها ( من تصوير قسومه )

قسومه , ماضى , شيقا

الزاكى عبدالحميد , ود الخضر

عبدالمنعم خليفة , الطيب شيقوق , الزاكى عبدالحميد و ماضى

الطيب شيقوق ود عمار زكى

ماضى والاستاذ ابوبكر ابوالقاسم

من بورداب مسقط قدمها الزاكى وشيقا

مع السنى ابوالعزائم

كل واحد عمل حركة وقال عايز صورة بروفايل زى حقت فهمى هويدى

طيب هاكم

















د عمار بقول عشان حسع يجينا واحد يقول لينا جايبين لينا صور صحون فاضيه

الاخ حيدر امين صاحب الكاميرا السحرية

يا اخي سلمت يداك وما قصرت ابدا


العزيز قسومة

Quote: وأكاد أجزم بأن كل من ذكر أعلاه ليس لديه أي ولاء حزبي أو طائفي أو عقائدي (وذلك حسب معرفتي بهم) فهل تقصد أيا منهم؟ وحتي بفرض أن لديهم خلافات سياسية فان مبدانا (اختلاف الرأي لا يفسد للود قضية).

يا اخي عبد العزيز عيسى دا اخي وصديقي واكاد اجزم ان هذه المداخلة ليست منه وانما تهكير لاسمه
ارجو ان اكون صادقا في ظنى اخي عبد العزيز

الاخ بكري ابو بكر

بالله الحق شوف لينا دا فعلا عزو ولا هكر .

يا حيدر

انت ناس ود شيقوق لحسو الصحانه الصيني الفوق دي

ولا لسه ما بدو

فوووووووووق

سلام
شكرا للصور الانيقة
وصدق توقعي ياهو ماضي زااااتو !
لكن الشعر اتحتحت حتة حتة !!

Quote: موش ياكا قسومة الواحد ده البيتم آخر المحس فاتح قدام بيتنا أول الدرايسة؟

في بري الاميرية درسني ابن عمك الاستاذ بشير الريح قسومة
درسنا اللغة الانجليزية
وله شقيق اسمو حيدر
بيتهم في ناصر مربع اربعة ناصية
وهم اسرة فنانة ومبدعة لان سور بيتهم في ذاك الوقت
مخالف اسوار البيوت النمطية
سلك شائك ومزروع بصورة جميلة وملفتة

وين استاذ بشير ؟

Quote: يا ود شيقوق ما كان تعملوا الاحتفال نهاية الاسبوع عشان ناس الاقاليم تجئ تشارك معاكم

حقك على يا دكتور اجيك بالدرب عديييييل

الاستاذ المخضرم محمد احمد الخضر
الاستاذ عبد المنعم خليفة
الاستاذ الزاكي عبد الحميد
الدكتور عمار زكي
الاستاذ محمد المرتضى حامد
الاستاذ ابو بكر ابو القاسم
الاستاذ حيدر امين عبد اللطيف
الاستاذ ابو بكر قسومة
الاستاذ شيقوق
وكل من لم يستطع الحضور لسبب او آخر

نعم لا زال الانسان السوداني جميلا

ود العبيد يا صديق
راجع الماسنجر تلقي تلفون كمال عبدالعاطي
أما الشعر ده لزوم الموضة و كده هههههههه

Quote: ديل اسياد الخرطوم يا مسنوح

ياطارق تزعل مننا ناس توتي لكن ....... برضو اهلنا

حبابك الف

Quote: بهذه الوثيقة يكون قد حسم الجدل الدائر لفترة حول من هو أكبر الأعضاء سناً في المنبر!!

تعرف يا استاذ اصغر اولادي إسمو أحمد ماضي ابوالعزائم

Quote: الدكتور جمال قال لي والله إلا نمشي نسلم على الحاجة الشايلة السبحة دي

عزيز كيف حالك؟؟

أعتقد ان عزيز بتمتع بذاكرة يحسد عليها

نعم حصلت اتصالات بيني و د.جمال

لكننا لم نلتقي و تاتي الرياح بمالا تشتهي السفن

بجيكم راجع بصور من مسقط هذه المدينة الجميلة

بس العمدة (عماد الشبلي) إعمل حسابو من المنافسة القوية

بنيت هذه القلعة بواسطة البرتفالين لحماية سال مدينة مسقط القديمة






السني ابوالعزائم و زوجته و يظهر في الخلفية اليخت السلطاني






مشرع بوستر . . . مش؟؟

مش منافسة للعمدة عديييل كده

بوابة القصر السلطاني





جزء من حديقة القصر السلطاني و ملحقاته

نشوف مسجد السلطان قابوس








باحة المسجد مغطاة بقطعة واحدة من السجات فقط

الاخ ماضي حللت أهلا ونزلت سهلا,,,باين علي السني ما قصر وراك كل المعالم الرئيسية للبلد

Quote: في بري الاميرية درسني ابن عمك الاستاذ بشير الريح قسومة درسنا اللغة الانجليزية وله شقيق اسمو حيدر بيتهم في ناصر مربع اربعة ناصية وهم اسرة فنانة ومبدعة لان سور بيتهم في ذاك الوقت مخالف اسوار البيوت النمطية سلك شائك ومزروع بصورة جميلة وملفتة وين استاذ بشير ؟

الاخ خالد,,,
حيدر انتقل الي رحمة مولاه منذ التسعينات(عليه الرحمة).
الاستاذ بشير الريح ترك التدريس منذ مدة طويلة وعمل بعده في الحكومات المحلية(سابقا) ضابطا اداريا لمدة ليست بالقصيرة وانتقل بعدها للعمل بالمملكة العربية السعودية وأعتقد أنه لازال بها.
تسلم يا الحبيب,,,

الصور جميلة يا ماضي
والكاميرا سنينة

السني اتغيرت شوية مش كتير!
اميرة ياها زااته تشبه كمال شبه العيش .. وكمان اخوها محمد
ما اعتقد انها بتذكرني او تعرفني حتى
انا كنت بجي بيتكم كتير لكمال
تسلمو يا رب


ابوبكر
احزنني رحيل حيدر لم اسمع به الا الان
ربنا يرحمو
وشكرا لاخبار استاذنا بشير

الاستاذ ماضي

كتر خيرك وانت تزين البوست بهذه اللقطات الجميلة

الاخ السني

وديهو محلات الحمام خليهو ينزل لينا منها لقطات !

Quote: الاخ السني وديهو محلات الحمام خليهو ينزل لينا منها لقطات !

يا المسنوح فرز ياتو نوع من الحمام انت قاصد؟

Quote: يا المسنوح فرز ياتو نوع من الحمام انت قاصد؟

هههههههههههههها اقصد الحمام البقول غورررررررر وبجر ضنبو في التراب وبحرك حلقومو المنفوخ يمين وشمال

ما تجي تفاصح تاني يا مسنووووووووووووووح

اجندتك مكشوفة يا ود البندر

كان كدي معليش...... أنا كنت قاصد خير, كنت قايلك قاصد حماما تاني..باقي أولاد أبو العزايم ديل ما ليهم في جنس البتسوي فوقو أنت ده....قلت النساعد علشان يلبو ليك طلبك.

ما بتعرف لي علاج للتايكوندو العند ولدي ده؟

Quote: الواحد تقول كراعو لاحساها ركشة !!!.

الله أكبر عليك .....

وانا أقول مالي لي يومين بمشي زي الزول العندو (قاوت)

قسومة

Quote: ...... أنا كنت قاصد خير

انت ؟ انت ؟




محمد ابو العزائم

Quote: مالي بمشي زى الزول العندو قاوت

عندكم بخور التيمان كتييييييير امشي عليهو بنفعك او شوف الحاجات القالها ليك طارق جبريل فوق

مرحبا بالدكتور ماضي ابوالعزائم.......

Quote: ود شيقوق مساك الله بالخير,,, أخونا عبد العزيز عيسي مساك الله بالخير,, ياخوي عبد العزيز الناس اللي كانو حاضرين استقبال أخونا ماضي ذكرهم ود شيقوق في بداية البوست وهم هؤلاء:- (الاستاذ المخضرم محمد احمد الخضر - مربي الاجيال الاستاذ عبد المنعم خليفة الاستاذ الزاكي عبد الحميد الدكتور عمار زكي الاستاذ محمد المرتضى حامد الاستاذ ابو بكر ابو القاسم الاستاذ حيدر امين عبد اللطيف الاستاذ ابو بكر قسومة - بوردابي برلوم ومسنوح شدييييييييد الاستاذ السني ابو العزائم - شقيق المحتفى به) وأكاد أجزم بأن كل من ذكر أعلاه ليس لديه أي ولاء حزبي أو طائفي أو عقائدي (وذلك حسب معرفتي بهم) فهل تقصد أيا منهم؟ وحتي بفرض أن لديهم خلافات سياسية فان مبدانا (اختلاف الرأي لا يفسد للود قضية).

العزيز/ ابوبكر قسومة


سلام

ياخوي المنبر ده فيهو اتنين عزاز أولاد عيسى كمان..

فصاحب المداخلة هو الأخ/ عزيز عيسى...
بدون التعريف بـ عبدالـ..
فكتابتها: عبدالعزيز عيسى.. تعنيني..

مع جزيل الشكر والتقدير..



تحياتي

عزيزي/ شيقا

الإخوة الإعزاء المتداخلون

سلام


بلغني قبل قليل بأن هنالك مداخلة باسمي أمس في هذا البوست,
وبها ما بها من الكلام الغير جميل... فرغم انها كُتبت باسمي دون علمي
إلا أنها لا تمثلني ..
إنني هنا ومن كل قلبي أقول المعذرة والأسف لكل من قرأ حرفا سيئا او كلاما لايعجبه,
فعهدي بهذا المنبر لسنوات بها آلالاف المداخلات لم أتعرض فيها
بصورة شخصية لأي كان ولو كان شاتما لي..

فلكم مني خالص التحايا والشكر..

عبدالعزيز

اخي عبد العزيز عيسى

Quote: بلغني قبل قليل بأن هنالك مداخلة باسمي أمس في هذا البوست, وبها ما بها من الكلام الغير جميل... فرغم انها كُتبت باسمي دون علمي إلا أنها لا تمثلني .. إنني هنا ومن كل قلبي أقول المعذرة والأسف لكل من قرأ حرفا سيئا او كلاما لايعجبه, فعهدي بهذا المنبر لسنوات بها آلالاف المداخلات لم أتعرض فيها بصورة شخصية لأي كان ولو كان شاتما لي..

يا اخي كتر خيرك وشكرا ليك واطمئن انا على يقين بان تلك المداخلة لم تكن خاصتك واكدت ذلك كتابة على هذا المنبر

المداخلة التي تم سحبها باسمك انت عبد العزيز عيسى (بالانجليزي) فان هكرا فكفانا الله شره وان كانت من اى شخص غيرك فحاسب يا الحبيب على جهازك.

للمتر الثاني

Quote: .العزيز/ ابوبكر قسومة سلام ياخوي المنبر ده فيهو اتنين عزاز أولاد عيسى كمان.. فصاحب المداخلة هو الأخ/ عزيز عيسى... بدون التعريف بـ عبدالـ.. فكتابتها: عبدالعزيز عيسى.. تعنيني.. مع جزيل الشكر والتقدير..

أخوي عبد العزيز أنا لما كتبت المداخلة التي أشرت لها كنت أفترض حسن النية فيك وقد أكد لي أخونا ود شيقوق ( لاحقا) سلامة طويتك,,,لذا فان لهجتي قد كانت بصورة أخوية ,, مع العلم بأن صاحب المداخلة هو أنت شخصيا وليس الاخ عزيز عيسي مثلما ذكرت(وقدأعقبتها بمداخلة أخري)...وقد أكد لك الاخ ود شيقوق ذلك لاحقا ....
عموما نحمد لك استدراكك لهذا الامر عقب التوضيح من قبل ود شيقوق وامسك في نصيحتو بيديك وسنونك و خلي بالك من جهازك..

عزو

اسمع كلام قسومة ونصيحة قسومة وراي قسومة وفكر قسومة قال ليك

Quote: و خلي بالك من جهازك..

هسع عليك الله منو فينا العندو أجندة خفية؟

Quote: قسومة Quote: ...... أنا كنت قاصد خير انت ؟ انت ؟

مالي؟ ....بعضي؟(بتشديد الضاد).

Quote: أخوي عبد العزيز أنا لما كتبت المداخلة التي أشرت لها كنت أفترض حسن النية فيك وقد أكد لي أخونا ود شيقوق ( لاحقا) سلامة طويتك,,,لذا فان لهجتي قد كانت بصورة أخوية ,, مع العلم بأن صاحب المداخلة هو أنت شخصيا وليس الاخ عزيز عيسي مثلما ذكرت(وقدأعقبتها بمداخلة أخري)...وقد أكد لك الاخ ود شيقوق ذلك لاحقا .... عموما نحمد لك استدراكك لهذا الامر عقب التوضيح من قبل ود شيقوق وامسك في نصيحتو بيديك وسنونك و خلي بالك من جهازك..

العزيز قسومي


سلام



ياخوي لما رديت عليك في الأول كان لسة ما عندي خبر بالمداخلة الغريبة ديك..
لكن ود شيقوق صحاني وجيت بألم شديد عليها..
والله يا صاحبي الزمن تغير والناس تغيرت أكثر..
وتاني الزول ما يأتمن زول إلا............

حتى الحكاية صعبة في الإستثناء..

لكن البركة في المسنوح..




تحياتي

Quote: ياخوي لما رديت عليك في الأول كان لسة ما عندي خبر بالمداخلة الغريبة ديك.. لكن ود شيقوق صحاني وجيت بألم شديد عليها.. والله يا صاحبي الزمن تغير والناس تغيرت أكثر.. وتاني الزول ما يأتمن زول إلا............

إلا ..... شنو؟


عليك بنصيحة قسووووووووووومة

تسلم علي التوضيح يا عبد العزيز...وده كان عشمنا برضو...
وشنو (قسومي) دي أنت قايلو أسم دلع ولا شنو؟..أنا اسمي (قسومة)..

Quote: وشنو (قسومي) دي أنت قايلو أسم دلع ولا شنو؟..أنا اسمي (قسومة)..

ياخوي بكوري القسومي


الله يرحم حبوباتنا والكلام الحنين داك!!
ياخوي إت لقيت الدلع في الكبر وين!!!

ياخي لي سنين أحلم بي زول يقول لي يا عزو... (الله يخلي قريبتي عواطف ادريس)



تحياتس

عزو السجم

هسع منو الجاب ليك سيرة طوفي ؟

مسنوووووووووووووووح

شيقااااا المكمل السناحه

ونحنا والله بنحسدكم على لقاء القامه
الاستاذ ماضى ابو العزائم له التجله
وعاطر التحيات

تخريمه :ـ يا خى الصوره دى عجبتنى شديد
اقترح عليك تختها فى البروفايل طبعا
بعد الاذن من ام عبد الله

القومه ليكم

عمك كمــال

Quote: يا خى الصوره دى عجبتنى شديد اقترح عليك تختها فى البروفايل طبعا بعد الاذن من ام عبد الله

عمو كمال

سلام

الرجل ده صار ملك عام..
يجوز نشر صوره بما لا يعطيه الفرصة مع
ناس زمان...
هو الآن بيلعن في الشهرة!!


تحياتي

عمو كماااااااااااال

Quote: تخريمه :ـ يا خى الصوره دى عجبتنى شديد اقترح عليك تختها فى البروفايل طبعا بعد الاذن من ام عبد الله

بعد مسكت شباك الرسول تاني جيت راجع لسناحتك

احسن ليك تختا دروب المجرابي والسنغافوري ديل

اقوم اقبل ليكم عليهم بالعنكوليبة دى هسع يشوفوا النجم بالنهار

Quote: شيقااااا المكمل السناحه ونحنا والله بنحسدكم على لقاء القامه الاستاذ ماضى ابو العزائم له التجله وعاطر التحيات تخريمه :ـ يا خى الصوره دى عجبتنى شديد اقترح عليك تختها فى البروفايل طبعا بعد الاذن من ام عبد الله

فيسل هليلل

أكان الصورة فنانه وعجبتك ما تقول حاجة للمصوراتى ياخى !!!

ولا قايلو نصرالدين فارتى

ماضى والسنى وزوجته أميره عبدالعاطى
قاموا امس لابوظبى فى زيارة سريعة
وهم الان مع الاخ محمد امين وزوجته ريم ضياء الدين ابوالعزائم
ومكملين الونسه فى وجود والدة زوجته الاخت الشفاء المبشر

Quote: ماضى والسنى وزوجته أميره عبدالعاطى قاموا امس لابوظبى فى زيارة سريعة وهم الان مع الاخ محمد امين وزوجته ريم ضياء الدين ابوالعزائم ومكملين الونسه فى وجود والدة زوجته الاخت الشفاء المبشر

العزيز/ حيدر امين




سلام


ياخي بالغت...

يعني الحكاية في الأول والآخر فنيات ورتوش وكدا.. والمسألة كلها شغل تصوير وليس موضوع الصورة!!!!!!!!!!!

المسنوح لسة فرحان شديد وقايل نفسه هو الساس والراس في الصورة دي...

صحي والله.. الخيل تجقلب والشكر لي شيقا..




تحياتي ومودتي

د محمد جمال ماضى ابوالعزائم

لووووووووووووووووووول ياماضى
تصدق انا كنت عارفاك مدكن ليك احفاد من ورانا


حيدر امين منتدى برى تانى برجع ما اشتغل الحكاية شنو يعنى ناس السودان بقت عندهم نفس المشكلة

إلتقيت بعدد من الاصدقاء القدامي و الجدد
بعضهم لم ألتقية منذ زمن طويل و البعض
الآخر لم التقية إلا عبر الاسفير لكن للقاء
(الحي) طعم آخر







محمد سامي صديق الطفولة و زميل الدراسة في المرحلة الإبتدائية أو الكتاب إن شئت

آخر عهدي به تلك الايام الخوالي

الجميل الفاتح الجنيد و محمد سامي في منزل السني






الفاتح الجنيد - محمد سامي - ماضي

حيدر أمين عبداللطيف . . . رجل لا تجده إلا و كمرة في يدة

ألتقيت بهذا الرجل السباق دائما في اليوم الثاني من وصولي لمدينة مسقط
في منزل شقيقي السني وهو يحمل نسخة من كتابة الرائع (الاناشيد القديمة)
ممهور باهداء اكثر روعة .. كان اول لقاء لي (حي) مع الاستاذ عبدالمنعم خليفة

وفى طريقهم من أبوظبى الى مسقط كان لهم موعد مع د. أحمد القرشى بمنزل الاخ عادل يسن الشافعى

السنى , د. أحمد القرشى , ماضى و عادل يسن

Quote: كانت بحق وحقيقة لحظة رائعة وسعيدة جدا جمعت بورداب مسقط مع الاخ ماضي ابو العزائم حضر هذه الاحتفالية كل من : الاستاذ المخضرم محمد احمد الخضر - مربي الاجيال الاستاذ عبد المنعم خليفة الاستاذ الزاكي عبد الحميد الدكتور عمار زكي الاستاذ محمد المرتضى حامد الاستاذ ابو بكر ابو القاسم الاستاذ حيدر امين عبد اللطيف الاستاذ ابو بكر قسومة - بوردابي برلوم ومسنوح شدييييييييد الاستاذ السني ابو العزائم - شقيق المحتفى به

يامولانا ،
المحتفى به (كان) تلمذنا ،
من الذين لا ننساهم
كان نجيباً ورائعاً وكان مشاغباً بوعي
أتحفني في إحدى حصص التعبير الحر
بحديث رائع وواع عن التعليم في السودان.
أهلاً به بين ظهرانينا
نأمل رؤيته ومرحباً به .

تحياتي

الاخ عادل يس ابو يس

مبروووك شركك قبض طاااااااااب - والله من كلام حيدر امين معاى امبارح قطعت الشك الناس ديل فاتوووووووك طب لكنك بقيت فالح ونجيض وقد احكمت السيناريو عند وقوفك في محطة ود القرشي ( شدرة يني البغشاها كلو يغني )

مولانا الدرديري ساتي

Quote: المحتفى به (كان) تلمذنا ، من الذين لا ننساهم كان نجيباً ورائعاً وكان مشاغباً بوعي

بوعي ؟؟؟؟؟؟؟؟؟؟؟ دى دبلوماسية الكبار ولا شنو ؟

يا زعيم How can we reconcile between الشغب والوعي؟

مسنوووووووووووووووووووووح

متجدع


يا بختك

Quote: الاخ محمد امين وزوجته ريم ضياء الدين ابوالعزائم ومكملين الونسه فى وجود والدة زوجته الاخت الشفاء المبشر

المشكلة مش انو ضياء الدين بقى جدو
المشكلة انو المدام بقيت حبوبة!
بل راسك يا ماضي
وجميل انو ذكرتني اسم ضياء
لمن عايز اعلق على صديقنا السني
كنت عايز اقول ليه شبهك مشى لي ضياء
لكن اسم ضياء راح
ضياء مش عندو علاقة بي التشكيل والمطابع
واولاد ابوالعزائم فنانين ربنا يغطيهم
محمد عازف ساكس
السني كذلك عازف ساكس
وكمال ايضا
مش كده؟
صححوني !!

Quote: حيدر أمين عبداللطيف . . . رجل لا تجده إلا و كمرة في يده

خليهو يقدل ومحل رهيفة تنقد

يا ماضي
أحسنت الاختيار والتصوير ونافست عماد الشبلي بجدارة
لكن يبدو أنو اخونا السني اداغل عليك وما وداك الحتات التانية.
يبقى تعال تاني بس احذر من قسومة والمسنوح وسيبك من السني وخليك
معانا نحن

Quote: يبدو أنو اخونا السني اداغل عليك وما وداك الحتات التانية.

أفصح يا ود الخدر عن هذه (التانية)

أهل مسقط السودانيون

لا شك أنكم رائعون

أيهاغ المسقطيون

وعلى الرغم من ذلك

لاشك أن بينكم وفيكم مسنوحون

شيقا إزيّك

البوست أكثر من رائع

داسيه مالك يا مولانا

لكم جميعا الود والتحايا

أكرمكم الله كما أكرمتم

عيوننا بهذا الفيض الحاتمي

Quote: كانت بحق وحقيقة لحظة رائعة وسعيدة جدا جمعت بورداب مسقط مع الاخ ماضي ابو العزائم حضر هذه الاحتفالية كل من : الاستاذ المخضرم محمد احمد الخضر - مربي الاجيال الاستاذ عبد المنعم خليفة الاستاذ الزاكي عبد الحميد الدكتور عمار زكي الاستاذ محمد المرتضى حامد الاستاذ ابو بكر ابو القاسم الاستاذ حيدر امين عبد اللطيف الاستاذ ابو بكر قسومة - بوردابي برلوم ومسنوح شدييييييييد الاستاذ السني ابو العزائم - شقيق المحتفى به

الحبيب شيقا المامسنوح

ما شاء الله لمة ولا في الاحلام

تحيات خاصة للمحتفي به

ولجميع المحتفين

وان شاء الله لمة في جرف توتي مع النسيم العليل ورائحة الفل والياسمين علي ضوء القمر

وتحيات خاصة جدا للحبيب الدكتور عمار زكي

بس اللمة الجايةلازم شخصي الضعيف مع الحبيب ابو الفياصل نكون موجودين مع هذا الجمع الجميل

وتحيات خاصة جدا جدا جدا للعزيز الاستاذ ود الخضر
وقول ليه ياخي مالك قاطع كهرباء وموية حتي من الاسفيريات.

دمتم جميعا

ود البوب

Quote: متجدع يا بختك

هو جنس تجدع ,,,, فى بوست شيقا

Quote: يبقى تعال تاني بس احذر من قسومة والمسنوح وسيبك من السني وخليك معانا نحن

نحن مالنا عنكوليبنا ركب التونسية؟

الخال ود البوب

Quote: الحبيب شيقا المامسنوح ما شاء الله لمة ولا في الاحلام تحيات خاصة للمحتفي به ولجميع المحتفين وان شاء الله لمة في جرف توتي مع النسيم العليل ورائحة الفل والياسمين علي ضوء القمر وتحيات خاصة جدا للحبيب الدكتور عمار زكي بس اللمة الجايةلازم شخصي الضعيف مع الحبيب ابو الفياصل نكون موجودين مع هذا الجمع الجميل وتحيات خاصة جدا جدا جدا للعزيز الاستاذ ود الخضر وقول ليه ياخي مالك قاطع كهرباء وموية حتي من الاسفيريات.

يطول عمرك والله افتقدناك بالحيل باقي لي الايام دي انت عندك مذاكرة ولا كيف؟

انتظر بس ناس عمار زكي وود الخدر والقوم كووووووووووولهم جايينك

Quote: هو جنس تجدع ,,,, فى بوست شيقا

يبخروووووووووووووووووووووك بمقلام طلح قول آمييييييييييييين

الاستاذ شوقي حمزة رقم لا يمكن تجاوزه في النادي السوداني بمسقط

يفاخر بانه أكبر البورداب سنا ولكن ....... منذ 8 أشهر لا يستطيع

الدخول للموفع رغم أنه لم يفقد كلمة السر كتب لبكري ابوبكر

وطال إنتظاره

في الطريق لابوظبي الدكاترة عملوا لينا كماشة في مدينة صحار

د.جمال بابكر النور أقصي اليمين و شيخ العرب د.احمد القرشي أقصي اليسار

كان أول لقاء لي بهذا الرجل الجميل و المرجع في أغاني الحقيبة و التراث

أستاذي في المرحلة الثانوية . . . الدرديري ساتي

آخر عهدي به في ذلك الزمان . . ثم . . . . الآن في مسقط

تكرم علي بزيارة في منزل شقيقي السني و كان إجترار الذكريات

بخــــتك يا درديرى لقيت صورة للبروفايل

Quote: انتظر بس ناس عمار زكي وود الخدر والقوم كووووووووووولهم جايينك

مـــــرحبتيــــــــــــن حبابكم واليوم السعيد يجيبكم

التحية ليكم يابني معشري الجميليين في السلطنة الجميلة المضيافة
والتحية من عبركم لصديق الصباء والجمال ابن بري الجميلة ماضي ابو العزائم
والتحية لاستاذ الاجيال الذي رسم صورة السوداني الجميلة لدي الاشقاء العمانين
والذي كان يضمنا بصدراُ دافئ عندما كنا نكانفهو في نادي الجالية بمسقط الجميلة
والتحية للاستاذ الجميل عبدالمنعم خليفة الذي كان يعلمنا الادب وخلق المعاملة واحترام
الذات وتقدير الاخرين وقد تعلمت منة الادب واحترام الاخرين وتوقيرهم
والتحية للاستاذ الجميل ابن الامتداد الاصيل الزاكي عبدالحميد
والتحية لابن توتي الجميل عمار زكي الذي اعرفة منذ دائرة الدكتور عزالدين علي عامر
والتحية الاستاذ المحامي الجميل محمد المرتضي حامد
والتحية الاستاذ محمد المرتضى حامد
والتحيةالاستاذ ابو بكر ابو القاسم
والتحيةالاستاذ حيدر امين عبد اللطيف
والتحيةالاستاذ ابو بكر قسومة
والتحيةالاستاذ السني ابو العزائم
والتحية للزملاء والاصدقاء في مسقط وعموم السلطنة
والتحية الكبيرة لك ياستاذ ياخفيف الروح والدم الطيب

الخال ود البوب

تسلم تسلم ياها المحرية فيك يا العشاء

Quote: التحية ليكم يابني معشري الجميليين في السلطنة الجميلة المضيافة والتحية من عبركم لصديق الصباء والجمال ابن بري الجميلة ماضي ابو العزائم والتحية لاستاذ الاجيال الذي رسم صورة السوداني الجميلة لدي الاشقاء العمانين والذي كان يضمنا بصدراُ دافئ عندما كنا نكانفهو في نادي الجالية بمسقط الجميلة والتحية للاستاذ الجميل عبدالمنعم خليفة الذي كان يعلمنا الادب وخلق المعاملة واحترام الذات وتقدير الاخرين وقد تعلمت منة الادب واحترام الاخرين وتوقيرهم والتحية للاستاذ الجميل ابن الامتداد الاصيل الزاكي عبدالحميد والتحية لابن توتي الجميل عمار زكي الذي اعرفة منذ دائرة الدكتور عزالدين علي عامر والتحية الاستاذ المحامي الجميل محمد المرتضي حامد والتحية الاستاذ محمد المرتضى حامد والتحيةالاستاذ ابو بكر ابو القاسم والتحيةالاستاذ حيدر امين عبد اللطيف والتحيةالاستاذ ابو بكر قسومة والتحيةالاستاذ السني ابو العزائم والتحية للزملاء والاصدقاء في مسقط وعموم السلطنة والتحية الكبيرة لك ياستاذ ياخفيف الروح والدم الطيب

شكرا اخي العزيز خضر لهذه الومضات الطيبة التي تكشف عن عمق وفائك واخلاصك لهذه الكوكبة من الاخوة الاكارم

عشمى ان يعود اي منهم ليعبر لك عن مشاعره لكل حرف سطرته باسمه

صديق و زميل أخي الاكبر ضياء الدين ابو العزائم

رجل تهرفه و يعرف كل الاسرة

التشكيلي عبدالملك عبدالسلام

وهو إبن اخت العم رابح عليه رحمة الله

إسم يعني الكثير لخرجي مدرسة الخرطوم القديمة

عليها رحمة الله و كل العارفين بدعامات سلاح الموسيقي.

يعني من اسرة توارثت الفن بكل ضروبة

Quote: والتحية من عبركم لصديق الصباء والجمال ابن بري الجميلة ماضي ابو العزائم

خضر حبابك ألف . . . بس الذاكرة الخربة محتاجة لانعاش

ود بارا

رجل لا يعرف المستحيل

محمد عثمان محمود (جنابو مع وقف التنفيذ)

الضاحك أبدا (عدا في هذه الصورة) عبدالوهاب عيسي و الشيخ ود الخضر

في اليسار عبدالرحمن الحاج يوسف و في اليمين البوردابي الزاكي عبدالحميد

أمين سر (سكرتير) النادي السوداني بمسقط

إبراهيم السيد

الوجهاء فرح محمد فرح و محمود يعقوب

الاستاذ سيد عيسي المحامي في حفل وداع استاذ السني

حيران الخلوة اسامة حسين و السني ابوالعزائم

أيهما (ربع) يديه بالشكل المعتاد ؟؟؟

واصل يا زعيم فنحن متابعون

شيقا

حملتك رسالة

علي شاطئ النيل الجميل وجرف توتي العزيزة

المشاوي كووووووووووووووولها علي ...

وعليك تكلم استاذنا الجليل ود الخضر وابن توتي البار د. عمار زكي وحبيب الكل المجننك ود الخليل ابو الفياصل وبقية الرهط الكرام

بالله يا شيقا اتخيل المنظر مع هذا الجمع الجميل

ان شاء الله نحليها حقيقة

Quote: علي شاطئ النيل الجميل وجرف توتي العزيزة المشاوي كووووووووووووووولها علي ... وعليك تكلم استاذنا الجليل ود الخضر وابن توتي البار د. عمار زكي وحبيب الكل المجننك ود الخليل ابو الفياصل وبقية الرهط الكرام بالله يا شيقا اتخيل المنظر مع هذا الجمع الجميل ان شاء الله نحليها حقيقة

الخال ود البوب

يطول عمرك ويجبر خاطرك

بس الناس ديل مافي بجمعهم علا الوادي الاخضر

يبنوا هناك ويمشوا المعاش ويعلوا الطاولات للكتشينة - تسمع قولة خمسسسسسسسسسسسسسسسسسسسسين في كافوري

وكليكس فوق لانزال الصور

د.تاطيب محمد آدم الزاكي (الطيب الزاكي)

مؤلف كتاب (العرش و المحراب ...... الدور الاجتماعي و الاقتصادي

للامام عبدالرحمن المهدي)

Quote: وكليكس فوق لانزال الصور

إنت حقاتك الصورتهن وين يا ود شيقوق؟؟؟؟؟؟؟؟

شارك في تاسيس و عضو أول اتحاد طلاب لكلية غردون التذكارية
شارك في الاعمال الفنية التي جابت اغلب مدن السودان لدعم مؤتمر الخريجين
شاهد عيان من موقع المسئولية على إنطلاق شرارة التمرد في جنوب السودان 1955م
شاهد عيان من موقع المسئولية علي مادار خلف كواليس مؤتمر القمة العربي بالخرطوم (مؤتمر الآت الثلاثة)
و الرجل يحمل الكثير من الذكريات
العم بابكر النور أمد الله في عمره

من موقعة كمحامي

دافع عن مجموعة على حامد و عبد البديع كرار و كبيدة

قادة اول محاولة انقلابية على نظام 17 نوفمبر 1958 (عبود)

دافع عن الانصار في محاكمتهم بعد احداث ود نوباوي

و الكثير من الاحداث المفصلية في تاريخ السودان الحديث

للاستاذ انور ادهم التحية و لزوجة الاستاذة

كمالا إبراهيم إسحاق التشكيلية السودانية المعروفة التحية

أعضاء النادي السوداني بمسقط

بورداب مسقط

الاصدقاء الجدد و القدامي بذلك البلد الجميل

يكفي القول ان زيارتي كان مخطط لها 10 ايام و تمددت الي 26 يوما

ولم استطع تلبية دعوات الكل .... رغم كماشة اميرة عبدالعاطي و د. الطيب الزاكي

فلكم الود
أطفال
نساء
رجال
و عذرا على العجالة فبعد وصولي للسودان يكاد المنزل لا يخلو من الزوار

د. أحمد القرشي

اليوم قابلت الخالة اسماء بت البدري صاحبة قصيدة (حقولي قولي) ...

((الباقي في الخاص))