الاستاذ محمد الامين يوقد شموع من نغم و متعة بلا حدود - حفل المسرح الوطني بأبوظبي (صور فقط)

ابتدأها ب (بتتعلم من الايام) تخيلوا !!!

عبدالله كسلا كان قاعد جنبي .. قال شعر جلدو كلللو قام !!

علي الرغم من انو الساوند سستم كان فيهو بعض المشاكل (الفني ما قدر عليهو) لكين الاستاذ محمد الامين كان في حالة نشوة و فرح (ربنا يديمها عليهو) و استطاع انو يقود الفرقة الموسيقية بشكل رائع.

غني فاصلين، و كرم من قبل شركة كونكورد (منظم الحفل) من الرياضي الرائع معتز عبدالله حارس مرمي فريق الوحدة الاماراتي و مالك الشركة، و من الخطوط الجوية السودانية.

محمد موسي فقعنا بالضحك علي الرغم من انو قدم فاصل فكاهي واحد بس.

كان ما اخاف الكضب اقول انو عدد الحضور فاق الالف !! و الكثر من البورداب (كسلا، عبدالعزيز حسين، ابوحوه، حمزه سليمان، ادم موسي ..) و كان ضيف الشرف البوردابي ابوساندرا.

الخطوط الجوية السودانية كانت راعي اساسي للحفل، الشكر موصول للرائع ادم موسي (رجل لا يمكن ان نوفيه حقة فهو اهل للشكر و التقدير و الاحترام).


اترككم مع الصور




ملحوظة: للحفاظ علي خصوصية المكان و الناس، لم التقط الا صور الفرقة الموسيقية و الاستاذ محمد الامين.
عذرا علي نوعية الصور فلم استطع ان استخدم الفلاش و ذلك حسب رغبة المنظمين!

الاستاذ ادم موسي

والله كانت ليلية ليلاء يا ناصر .. أبدع فيها الدكتور الموسيقار أيما إبداع ..

هيَّج الشجون .. وأزاح جزء كبير من عذابات وهموم الغربة والإغتراب من نفوسنا ..

_________

بتتعلم من الأيام .. مصيرك بكرة تتعلم .. وتعرف كيف يكون الريد ..

وكيف .. كيف الناس بتتألم .. بتتعللللللم ..

ياخي في روعة أكتر من كده ..

كنت أتمنى أسمع منو "زاد الشجون" على الطبيعة .. لكن ..

شكراً ليك يا ناصر .. وشكر بلا حدود للإنسان الرائع حبيبنا آدم موسى ..

شكرا يا ناصر وشكراً لبورداب أبوظبي الحضروا وشكرا لي أبوساندرا زاته

كانت ليلة من أجمل الليالي وأجمل مافيها أنو ود اللمين كان أكتر زول مستمتع