هجوم على ركن نقاش التحالف ومؤتمر الطلاب المستقلين بجامعة الخرطوم _من قبل الامن

فى اثناء انعقاد ركن نقاش التحالف الطلابى السودانى ( الفصيل الطلابى لحزب التحالف الوطنى السودانى ) وركن اخر كان لمؤتمر الطلاب

المستقلين فصيل ( حزب المؤتمر السودانى ) بجامعة الخرطوم

هجم طلاب وامنجية المؤتمر الوطنى على طلاب الجامعة بسيخ وتم ضرب عدد من الطلاب

ومن بين المصابين رئيس التحالف الطلابى

على اكد

واخرين

ساوافيكم بتفاصيلهم متى ماتوفر ذلك

مريم انتي بتكتبي وجاكة ولا شنو ؟!! تلاتة بوستات ماشاء الله


هم ديل عادتهم ما بخلوها بطلجية وصعاليك وفاقد تربوي
وعلى الطلاب توخي الحذر والاحتياط في جميع الظروف

منتظرين التفاصيل

تحياتي مريم

Quote: مريم انتي بتكتبي وجاكة ولا شنو ؟!! تلاتة بوستات ماشاء الله

ود العمدة لك التحية

عليك الله المابيخلينى اجك شنو ؟؟

اظنى ضغطت الزر كم مرة وسارحة !!!!!!!!!!!!

Quote: هم ديل عادتهم ما بخلوها بطلجية وصعاليك وفاقد تربوي وعلى الطلاب توخي الحذر والاحتياط في جميع الظروف

فى تصريحاتهم المتعدده يتحدثون القبضة الامنية والرجوع لعهدهم الاول

ولكن ان الاوان لان نكون او نكون

اليوم فى بيت الزعيم الازهرى هجمت علينا الشرطة فى اثناء توشيح السور باللون الاسود

مع ان الجميع التزم الصمت دلاله على الحزن

Quote: منتظرين التفاصيل تحياتي مريم

الاخ سعدتحياتى

حسب ماورد لى من معلومات انه كان ركن نقاش عادى زى ما بيحصل كل مره وبدون اى مقدمات جاء بوكس وفيه الامنجية وشايلين سيخ وهجموا على

الطلاب ضربوهم واساوا اليهم بالفاظ غير محترمة

وقالوا ليهم العائز يحب ويخلط يقعد والعائز يتكلم فى السياسية نحن بنوريهو

الى الان ماعارفه عدد المضروبين لكن ما كبير وضربات خفيفة لان الطلاب اتفرقوا

الناس ديل يا مريم ما عندهم طريقة ولا قدرة يخوفو بيها زول ومافي زول بخاف منهم اصلا

لكن هم في هذه الايام في موقف لا يحسد عليه ابدا ولذلك يسعون الى اشغال كادرهم بالعنف والتصريحات النارية والملتهبة حتى يجعلوه في مود معين يستيطعو به السيطرة عليهم

فلتستعد كتائبهم ان كانت فعلا مقتدرة ( للجهاد ) من جديد في ابيي وجبال النوبة والنيل الازرق وجنوب دارفور فالمرحلة الثانية قد بدات ...

Quote: وقالوا ليهم العائز يحب ويخلط يقعد والعائز يتكلم فى السياسية نحن بنوريهو

الحكومة هذه الايام كال###### المسعور تريد من تحمله ثمن خطاياها التي اضاعت الجنوب

م على اكد رئيس التحالف الطلابى الذى ضرب فى راسه الان بالمستشفى

والمقاتل امين عوض صديق لم نتمكن من معرفة مكانه الى الان

وفى الانتظار

لا لدولة البلطجة

لا لتكميم الأفواه

لا لمصادرة الحريات



الباقر موسى

سكوت المعارضة و طلابها طوال الفترات السابقة
لا يعني انها ضعيفة و انها لا يمكن ان تحمل السيخ او السلاح ايضا
كان الجميع يراعي لاتفاقية السلام و يتخذ حذره من اثارة الاضطرابات
اما الان فان اي عنف سوف يقابل بعنف مقابل بل و اقوي
الحكومة و امنها و طلابها خائفين من المعارضة و تدخلهم في اي موضوع الآن
بالعنف و القوة، حتي في اركان النقاش السلمية، يعرف الجميع
بمدي الذعر الذي يعيشه هذا النظام في ايامه الاخيرة.