Post: #1
Title: أكتشاف تاريخى جديد...الزبير باشا كان تاجر ( شنطة)
Author: حاتم الياس
Date: 01-10-2011, 11:47 AM
قد تمنيت ساعتها حينما كان السيد باقان أموم يخطب فى جموع جماهير الجنوب ويقول (باى باى للعبودية) أن نتحايل على سياقات التاريخ ووقائعه حتى من قبل يظهر أبرهام لنكولن ل ونحقق اكتشاف ما للشخصية الأكثر جدلاً وكراهية بحس المعاصرة وأنفاس الحداثة والإنسانية ..الزبير باشا ودرحمة ونثبت بكل ما أوتينا بأنه كان تاجر شنطة يكافح بين المطارات لتمرير بضاعته النوعية من عطور وثياب ومستحضرات تجميل وموبايلات وأسبيرات يابانية من عيون الجمارك ..
-- أحدهم جادلني في هذا الأمر مرجحاً بأن الزبير باشا كان تاجر (لاب توبات)
---- بينما الآنسة (م.ن) قالت بأن لديها وثائق أخرى تؤكد بأنه عمل بالتشاشة
|
Post: #2
Title: Re: أكتشاف تاريخى جديد...الزبير باشا كان تاجر ( شنطة)
Author: حاتم الياس
Date: 01-10-2011, 03:11 PM
Parent: #1
لا يعنى شنو يعنى....الشباب حزين وكدا
|
Post: #3
Title: Re: أكتشاف تاريخى جديد...الزبير باشا كان تاجر ( شنطة)
Author: سجيمان
Date: 01-10-2011, 04:09 PM
Parent: #2
حاتم
عليك الله انت داير تقول شنو؟
نضم الفلهمة دا وحدو..ما بنقدر عليهو... وخصوصا الايام دي الناس روحا مكركرا...و زهجانة
|
Post: #4
Title: Re: أكتشاف تاريخى جديد...الزبير باشا كان تاجر ( شنطة)
Author: حاتم الياس
Date: 01-10-2011, 06:57 PM
Parent: #3
باقيلك شنو عاد..يادكتور
زمان فى رباطبابى ابوه داير يحنسو ويحنن قلبو عليهو قام قال ليهو ياولدى بعد ربنا تانى عندك منو
قال ليهو ..حمارى
أها أنا فلهمتى ونضمى دا
|
Post: #5
Title: Re: أكتشاف تاريخى جديد...الزبير باشا كان تاجر ( شنطة)
Author: سجيمان
Date: 01-10-2011, 09:41 PM
Parent: #4
هههههههههههههههه
ههههههههههه
ههههههههه
والله يا حاتم اخير الزول العندو حمار دا..... نحن حمار ما عندنا..... ترنا نصوط في الدنيا دي لحدي ما سيد الوداعة ياخد وداعتو!!!
يا حاتم ....دحين بي تطرا حمار الهدوم.....؟؟
نحن زمان كان عندنا واحد اخدر....وحات الله صُح
علا ما كان عندنا هدوم نتخهن فوقو.... نملص الابسنهن نتختهن فوقو شوية... عشان ما يكون قاعد ساكت بلا شغلة
|
|