نعم.. لوضع منبر باسم جنوبسودانيزاونلاين .. توقيعات

الريس بكري ابوبكر ..
سلام وتحية ..

انا الموقع ادناه اعتقد ان فكرتك في المقام الاول ابداعية..
وقصب سبق في الدولة الجارة الوليدة حتي يكون لسودانيز اونلاين امتداد في الدولة الحديثة..

وبما انه الجلابة الهنا ديل من زمان شابكين الاخوة الجنوبيين بعد كدة ما تناقشونا ودا دولة وانتو دولة

ثم بما انه حاتكون اكيد في قضايا تهم اهل دولة جنوب السودان وحدهم ..
كما لينا مشاكلنا المتلتة البتهمنا وحدنا..
وطالما انه الاعضاء سيكون لهم بنفس الاسم والباسوورد المشاركة هنا وهناك في القضايا المشتركة
ويمكنك تفتح ليك ( لبكة ) بين المنبرين ..
ففكرتك في السلك .. ووضع لبنات اساس منبر الجنوب فكرة تستحق الاشادة

فسير وعين الله ترعاك

حيدر الزين

اساسي

الامين البشاري
الريس يكون فكر في حجز النطاق (Domain) بـــدري
ودا من حقو أظن !!
..
..

__
سلام

omer osman

محمد عبدالرحمن محمد

محمد قرشي عباس

برضو اب

Quote: omer osman

ياحيد الزين الزول ده عميل
اخترس منه
موقع بي هناك مع ود الصايم
وانا زاتي عميل موقع بي هناك
احترس مني برضه

Quote: Quote: omer osman ياحيد الزين الزول ده عميل اخترس منه موقع بي هناك مع ود الصايم وانا زاتي عميل موقع بي هناك احترس مني برضه

يا مولانا

الزول دا حسمنا امرو من بوست حيطة المنفة وبقى وااضح

اها انت خبرك شنو ؟؟

ودالزين
تحياتي

Quote: وقصب سبق في الدولة الجارة الوليدة حتي يكون لسودانيز اونلاين امتداد في الدولة الحديثة

اعتقد انه قرار غير صائب يرسخ ماسعي له الانقاذيين ويكرس اسس الانفصال وكتاب سودانيز هم سودانيين جنوبيين وشمالين والدولة الوليدة جزء من السودان ولها برنامج السودان الجديد الذي يدعو للوحدة وان اجلا . والمنبر ليس اداة حكومية بين دولتي الشمال والجنوب .

Quote: ففكرتك في السلك .. ووضع لبنات اساس منبر الجنوب فكرة تستحق الاشادة

اخالفك الراي اهديك جزء من مقال لكاتبة جنوبية اسمها استيلا قياتنو بعوان وطن الكتروني

Quote: في تلاتة قعدات في المدعو فيس بوك عملت خمسين صاحب كما قالت صديقتي لانهم اصلا ناسي من زمان بس فرقتنا الايام وافاعيل القدر ومجرد ما اقعد في الكمبيوتر اكون شغالة حي يا فلان وكليك في كلمة ( كونفيرم) يعني خلاص قبلتك صاحب وكمية من الكونفيرمات دي لقيتم ايييييك شعب كامل من الاصحاب البتحبهم والبحبوك كدا ساكت لله في لله ، بيناتكم قواسم مشتركة من الاصحاب والاحباب والميول والاهتمامات اخر الامر قلت لنفسي : الله يجازيك يا استيلا بتعرفي الناس ديل كلهم .. ولسه هناك الكثير في الانتظار هذا (الكونفيرم) واكيد بتعريفيهم ، كيف لم اجري تعدادا لاصدقائي من قبل؟ اذا لم يسطتع وطن بمليون ميل مربع ان يسع كل هؤلاء ، كيف لقلبك الواجف من الفقد ؟ تستاهلين خمسين جلدة في ميدان عام انت واصدقائك بتهمة اللمة الفاضحة على اعتاب فرقة الاوطان وانتم تفتحون بيوت للصداقة في غرف القلب الاربعة بعيدا عن اعين عسس العنصرية ومتوهمي نقاء الهوية الذين يجيدون النعيق في الديار الخالية . هنيئا لكم وطنكم الالكتروني وانتم تثبتون لهم ان لاحدود بين الانسان وانسان كي ترسم وان الوطن الالكتروني يخفف علينا فواجع وطن من تراب وماء وشجر يذوب مثل البسكويت بحجة فشل جعل وطن بمليون ميل مربع جاذبا واطول انهار العالم لا يجد كل من يركع فوقه وجهه معكوسا فيه، ويشكك فيه او ترتاب في وجود وجهك، اما انه لا يصلح كمرآة او ان ليس لك وجه من اساسه.

انفصلت الكوريتان ...فنتج كوريان (شمالي وجنوبي ) ...لم ينقص ذلك من كوريتهما شيئا

أنفصل اليمن شطرين ...ثم عادا فتوحدا ...وفي الحالتين لم ينقص من يمانية الإثنين شيئاً

خلو الأمور زي ماهي ...على الأقل الوحده في الوطن الإسفيري تكون موجوده كما قالت

لا لإنفصال سودانيز أونلاين

وحدوي إسفيري

الاخوان يوسف السماني وامير فتحي .. سلامات

ما عارف من وين جاتكم فكرة انه دا انفصال في المنبر

الاخ بكري ابوبكر بيؤسس منبر جديد حسب ما جاء:

Quote: الزملاء و الزميلات الكرام نعلن لجمعكم الكريم باننا سوف نفتتح قريبا منتديات جنوب سودانيزاونلاين دوت كم

وبيرحب بالاعضاء هنا العاوزين يشاركو
يبقي نقول ليهو لا كلامك دا ما صاح وما تؤسس في الجنوب عشان ما نتشتت

اذا كان علي كرتي قال ليكم حا نفتتح اول سفارة بدولة الجنوب القادمة يبقي غلطانيين ناس
بكري يفتحو منتدي

ثم الجنوبيين ماهم الاعضاء الهنا ديل بس .. شول ودينق ومجوك ودوت
الجنوبيين اكتر ومن حقهم يمارسو نقاش قضاياه بعيداً عن الوصايا
وانو تعالوا هنا ابقو معانا ونفكر معاكم .. خلينا في مناقشة قضايا
وهم يناقشوا قضاياهم
ونتلم في الهم المشترك بالعضوية المشتركة الوفرها بكري

تحياتي

up

ولا قرار الا لسيد الحوش ..

خلفه ومعه من اجل منبر آخر للدولة الجديدة

كيتاًً في ابراهيم قناوي ورابطة كسلا

معاوية عبيد الصائم


شكرا المواطن حيدر


كيف معاك مواطن دى

خالد فهمي

ياسر بيناوي

توقيعي







ــــــــــ
لو الدَولة الجديدة (جنوب السودان) كان عِندها معانا علائِق محسوسة ما كان حصل البيحصل ده، ده أولاً، ثانِيًا: برضو تشاد ومِصر والسعودِية والحبشة عِندنا فيها علائِق ومحسوسة، لِذا أرجو النظر بِعَين الإعْتِبار، لإنْشاء مِنْبر لِكُلٍ.

شكراً لكل الاخوة السجلوا اساميهم

حبيبنا عزام :

Quote: لو الدَولة الجديدة (جنوب السودان) كان عِندها معانا علائِق محسوسة ما كان حصل البيحصل ده، ده أولاً، ثانِيًا: برضو تشاد ومِصر والسعودِية والحبشة عِندنا فيها علائِق ومحسوسة، لِذا أرجو النظر بِعَين الإعْتِبار، لإنْشاء مِنْبر لِكُلٍ.

انت ماك شايف وضع الجنوب بيختلف عن تشاد والسعودية وغيرهم شوية
مش شوية بل كتير جداً .. عارفك شايف الفرق الا داير تغالطني ساكت

السيد المسلمي

الشفيع وراق عبد الرحمن

طالما ح تكون لهم دولتهم ورئيسهم وعلمهم
فما المانع من ان يكون لهم منبرهم الخاص لمناقشة قضاياهم الخاصة



--------------------------
نرحب بهم هنا (كضيوف) فقط وفقط كضيوف، حيث لا علاقة لهم بقضايانا الخاصة



شكرا بكري
وشكرا ود الزين

سلامات يا الشفيع وراق

بكري قال حايفتح مجال بين المنبرين
فهل تقترح انه نحن نمشي ليهم ضيوف برضو ؟

والا ما نمشي ليهم نهائي وكل زول في حدو؟!

امير عبدالدائم

(كنارى متلك ووداهلك)

مرحبتين يا امير عبد الدائم

راجع الخاص

يحلك الحلا بلة

كان عندنا بوست في الصفحة الاولي بعنوان قريب من دا ..

بس زيادة فوقوا عبارات زي عنصرية وما عارف جلابة ونوبة وكلام زي دا

عندنا فوقو عدة وشغل وعربي انصرف كتير .. ما لقيتو

بالله لو في زول مرّ من هنا وعارفو مشي وين يدينا خبر ..




ههييييييه ما دايم الا وجهه او كما قال المرحوم وهبة ذات يوم

ناصر البطل