الاستاذة نعمات كوكو ترسل رسالة الى منقورى زمبيرى

Quote: الاصدقاء والصديقات تمر بنا لحظات تاريخية حرجة يختلط فيها الحزن النبيل بقرار تاريخى لابناء وبنات جنوب الوطن قرارا يرون فيه حلما يجسد اشواقهم لوطن يجدون فيه انفسهم لطالما بحثوا عنها تحت ركام العسكر والدجالين وظللنا نحن نبحث عن نفاج ينقلنا الى رحاب المساواة والعدالة الاجتماعية بين ابناء الوطن الواحد وبين هذا وذاك يظل الوطن هو الوطن الذى جدودنا زمان وصونا عليهو وعلى التراب الغالى ما ليه ثمن فى طريقى من كادوقلى الى الخرطوم بتاريخ صدفت وذهلت لاعداد من الدفارات التى تنقل جمع من الاسر من جنوب الوطن فى طريقهم الى ميناء كوستى فى وضع لا يمكن وصفه باقل من ان يكون مأساوى ولا انسانى ولا احد منا يدرى ما هى مشاعرهم فى تلك اللحظات استفزنى هذا الوضع الذى يربك الاحساس ويفقدك القدرة على التفكير ووسط دموعى التى حاولت ان احبسها بين مقلتى احتراما لرغبة هؤلاء فى ممارسة جزء من حقوقهم الانسانية ومن غصة تاريخية اليمة ومن ايمانى الراسخ بوحدة القوى الوطنية والديمقراطية شمالا وجنوبا وقناعتى التى لا تلين بمستقبل ات لنا ولاطفالنا الذين عيونهم اشد بريقا جادت قريحتى بهذه الابيات والتى أمل ان تصلك يا صديقنا منقو الشمس فى توريت حتطلع يا منقو زمبيرى ود العاص قال ليك لا تجذع ليل الظلم قصير وشمس الحق فى توريت بكرة حتطلع ..................................... منقو زمبيرى لا تخاف لا تجذع فى غابات الابنوس الحب والثورة سنزرع ومن جوف الردة ورعشات الخوف الواهم مراكب بكرة القادم من نهر الغضب الصارم فى يامبيو وانزارا تتبدع ..................................... يا ميرى والزينة يا ساندرا وكرستينا أم أحمد قالت ليكم يوم أمبارح ما برجع .....ما برجع لان الحلم الجوانا وجواكم فى غابات رمبيك يتوهج ويلمع وأشواق شهيدنا (قرنق) تتوسد عيون اطفالنا الرضع قيما ومبادئ لسودان بكرة ,لشباب بكرة فى حوارينا ولجميع الشفع ويقينى ويقينكم يوم أمبارح ما برجع ........................................ يا منقو زمبيرى ود العاص قال ليك لا تجذع صوت الردة مبحوح افق الظالم مجروح من نار المجوس لا تفزع لا ميئوس .........ولا مهوس لا امبريالى ......ولا ليبرالى لصوتى وصوتك يقدر يمنع لا تخاف يا منقو لا تجذع من صوت الانفصال المهزوم لا تفزع ومن زبد الطائش المأزوم لا تجذع وصلاة يوم القيامة ما بتنفع ويوميها لا سيفى ولا درقك ما بنجدع ويوم تهتف الخرطوم وشرف الكلمة البينى وبينك من الصحراء والغابة من حلفا........ولعند نمولى هدير الوحدة حتسمع والشمس النايرة فى الخرطوم الليلة فى توريت بكرة حتطلع ونقول للدنيا ......كل الدنيا للرأسمال ما بنخضع عشان لبن اطفالنا فى المهجع وحواشات محمد احمد لا تنزع وعمال الطبقة الثائرة خطاويهم ..تب ما بترجع ويا ليل الظلم وينك مع نهر الوعى الهادر وثائر ولترباس سجنك يوما ما بيقلع ............................... يا منقو زمبيرى ود العاص قال ليك لا تفزع من يوم بكرة لا تخاف........ لا تجذع ومن شرف القسم البيناتنا ما بنرجع وعقابى وعقابك......ورفاقى ورفاقك تتشابك اياديهم ........خطاويهم دوما تتوسع لمداميك الثورة ...........لهدير الثورة لفجر الزمن القادم ......قواه الحية تتجمع وفى توريت الشمس حتطلع نعمات كوكو محمد 30 /ديسمبر/2010

يا منقو زمبيرى

ود العاص قال ليك لا تفزع

من يوم بكرة لا تخاف........ لا تجذع

ومن شرف القسم البيناتنا ما بنرجع