نحن أعضاء وعضوات سودانيزأونلاين نطالب بأستفتاء بشأن الفصل المقترح للمنبر !!!!!

سحبتو ليه يا بكري ؟؟؟؟؟؟؟

لمن فاتهم حسن الآستماع
الريس عامل بوست بشأن منبر جديد
بأسم جنوب سودانيزأونلاين

ــــــــــــــــــــــــــــــ
فتأمل !!!!

تسجيل حالة بلع للريس بكري أبوبكر

الحمدلله السحبوا ...

سلام يا معروف
كلامك ده صحي؟؟؟؟

والله صحي !!
تعرف يا أشرف سعادتو قال حيكون مفتوح لغير السودانين للمشاركة أيضاً
بالآضافة لمن يرغب من الأعضاء هنا !!
تخيل حتي المنابر عاوزين يفصلوها كمان جنوبي وشمالي ؟؟؟
لك السىلام وللجنوب كل الحب .....

احمد موسي سلام
شايف مشاركتكــ وما عجبك الموضوع بس زي ماقلت ....

الحمدلله السحبو

هذا المبــــــدأ مرفوض

الأخ معروف
تحية طيبة

كنت أول المشاركين في ذلك البوست
والحمد لله إنو بكري حذفو
ويا ريت لو يقوم بكري بحذف الموقع نفسه
فـ "سودانيز أون لاين" وطنا لنا كلنا

ودمتم في حفظ الله

عبدالخالق سلام
مرفوض ونص كمان

الأخ معتز
تحياتي
ماقدرت أهضم فكرة بكري صراحة
يكفينا البيحصل لينا الآن فى السودان يعني لو أخوتنا فى المنبر من جنوبنا الحبيب
عملو ليهم منبر أنا أول من يسجل حباً فيهم ,,
لكن أن يتم فصل أونلاين لجنوب وشمال
ما حلوة عديل كدا
يا بكري أبوبكر
شكرا يا معتز يا حبيب

الأخ الأستاذ معروف حمدين والاخوة المحتجين

يا جماعة كدي قولوا بسم الله

لا أعتقد إنو بكري يقصد تقسيم المنبر لمنبرين.

الشي الفهمتو بكري عمل منبر جديد للجنوبيين (أي منبر جنوبي صرف)
لكل أحزاب الجنوب ومستقليه، بما فيها ناس الحركة الشعبية مؤيديها ومعارضيها
بغض النظر عن نتيجة الإستفتاء أيآ كانت، فبكري لا يعلم بالغيب ..

وقال ليكم لمن أراد الإنضمام والتسجيل فمرحب بيهو، لكن المنبر الجديد
سيكونو غالبية أعضاؤه من الجنوبيين (حسب فهمي)!.

والله أعتقد إنها فكرة ممتازة للغاية .. ووالله خطرت لي الفكرة
وقلتا أقترحها في المنبر لكن غيرت رأيي .. لأجد بكري قد فعلها!

لوووول .. غايتو إنتو!
بكري فيييي بيته تشاكلوهو، عشان كدا سحب البوست !


يا جماعة كان غلطانة في فهمي قولوا لي غلطانة!


___________
يخوانا المنبر دا بطئ عندكم برضو
ولا بس عندي؟

Quote: يا جماعة كان غلطانة في فهمي قولوا لي غلطانة!

غلطانة ...!!!

الأخت هدير
تحايا وسلام
بكري سمي المنبر الجديد جنوب سودانيز أونلاين
يعني نبقي نحنا شمال سودانيز أونلاين
ونمشي نحنا لمن يرغب من الشمال بالتسجيل بالجنوب شوفي المشوار دا قدر شنو .؟؟؟
وكمان قال جنوب أونلاين دا حق كل الناس غير السودانيين كمان ممكن يسجلوا فيه أنترناشونال كمان ...
يعني ناسنا وحبايبنا البكتبو معانا من جنوبنا الحبيب يفصلوا عيشتهم معانا هنا !!!
عشان كدا فكرة البوست حق تقرير مصير عديل وعاوزين نعمل أستفتاء
أنتي ممكن تكوني ما غلطانة ونحن برضو ممكن فهمنا غلط
نطالب بكري بأعادة البوست أو التكرم بالشرح هنا
شكراً يا هدير اصلوا الواحد زعلان وبكري رفع لينا الضغط زيادة

Quote: بكري سمي المنبر الجديد جنوب سودانيز أونلاين يعني نبقي نحنا شمال سودانيز أونلاين ونمشي نحنا لمن يرغب من الشمال بالتسجيل بالجنوب شوفي المشوار دا قدر شنو .؟؟؟ وكمان قال جنوب أونلاين دا حق كل الناس غير السودانيين كمان ممكن يسجلوا فيه أنترناشونال كمان ... يعني ناسنا وحبايبنا البكتبو معانا من جنوبنا الحبيب يفصلوا عيشتهم معانا هنا !!! عشان كدا فكرة البوست حق تقرير مصير عديل وعاوزين نعمل أستفتاء أنتي ممكن تكوني ما غلطانة ونحن برضو ممكن فهمنا غلط

الأخ العزيز معروف
الفكرة كما فهمتها أنا واقعية وجميلة ولا تؤجج لإنفصال، ولم تعني لي إنفصال المنبر
بل العكس حتى لو حصل إنفصال للجنوب من خلال النقاش والمصارحة ستقرب بين الناس
وبين وجهات النظر، فالجنوب الحبيب ليس دينق ودوت وجوك وأكوي فقط،
سيكون المنبر الجديد ملئ بكل ألوان الطيف السياسي الجنوبي


وكمان فكرة جميلة في إنو بعد نخلص العكات والشكل بجاي نمشي نتمو بيغادي
بين أحزاب الجنوب المختلفة فيما بينها. ودينق تعب معانا تاني بجاي وبيغادي!

ما زال رأيي قابل للخطأ أو الصواب!

Quote: نطالب بكري بأعادة البوست أو التكرم بالشرح هنا

أهو بكري رجع ليك البوست ..
مرحبا بالكل السودانيين و غير السودانيين فى منتديات سودا... جنوب سودانيزاونلاين

Quote: شكراً يا هدير اصلوا الواحد زعلان وبكري رفع لينا الضغط زيادة

الليلة يوم الحزن الأكبر في تاريخ السودان يا أخي !
غايتو عزائي الوحيد إنو إخوتنا الجنوبيين في قمة الفرح والسرور!


تحياتي وتقديري

Quote: غلطانة ...!!!

سمح !
نقول واحد

شكرا يا هدير
تابعي الأستفتاء بدأ فى بوست بكري
نشوف الفهم شنو ؟؟؟

كويس انه سحبو

الى بكرى ابوبكر مع فائق الاحترام والتقدير

لا لفصل المنبر جنوب وشمال ،،،


الشفقة شنو يا ريس ؟؟ ما تنتظر نتيجة الإستفتاء !!!

لا لتقسـيم المنبر العـام إلى شمال وجنوب .. توقيعات



_
البوسط قاعد يا عمكـ!!

حبيبنا معروف حمدين ..

أنا في رأي إنه بكري بدل ما يفتح منبر جديد لحبايبنا من جنوب السودان .. يوجِّه ليهم دعوة صريحة وترحيب في منبر سودانيزاونلاين ده زاتو .. ويقبل عضوية أيِّ واحد يجي منهم وعنده الرغبة للإنضمام لينا هنا .. وأهو العدد يزيد وتتعدد الآراء وأخوانا الموجودين معانا يزيد عددهم بدل ما يتفتح منبر جديد ويبدأ من الصفر .. شنو المشكلة في إنه الإخوة من جنوب السودان يجوا وينضموا لينا هنا .. والله العظيم فكرة إنه جنوب السودان بقى دولة منفصلة دي نهائي ما داخلة لي في راسي (وأتمنى إنها ما تحصل) .. وما قادر أستوعبها .. وحاسي زي القطعوا حته من جسمي .. معقولة كل الشعوب في كل العالم تناضل وتقاتل من أجل أوطانها ووحدتها وقوميتها .. ونحن ببساطة كده نقسم السودان أكبر قطر في أفريقيا.. وحتى الخريطة الجديدة للسودان إذا إنفصل الجنوب .. شكلها قبيح جداً ..

كفاية علينا جداً أعمال الساسة في بلدنا .. والخراب الإتسببوا فيهو .. أرحمنا يا بكري وخلي لينا وطنا ده بديل عن الوطن الضاع داك ..

ومرحبتين حباب أيِّ واحد من جنوب سودانا الحبيب .. إخوة أعزة كرام يعيشوا معانا هنا زي ما كانوا عايشين معانا في الوطن الحقيقي .. نتفق ونختلف .. نتشاكل ونتصالح .. لكن ما نتفارق هنا على الأقل ..

متابعين ..