بعد أن وعدتهم الانقاذ "بالحور العين " ها هى تبشر بفصل الجنوب ! من مات فداءا للطاغوت ؟

لكم هو مثير للشفقة موقف الانقاذ ومناصيرها ..
فبعد احتطاف الدين ومحاولة أسلمة الحرب ها هى
تحتفل بانفصال الجنوب ومعها مناصرى الفساد والاستبداد.

موقف مثير للإشمئزاز أكثر من الشفقة ، ويا ليت لو أن عصابة الإنقاذ تتعلم من دروس الماضي وترك الدين ( كذريعه ) تتحجج بها لمذيد من الإستبداد وقمع الناس !!
مصيرهم الحتمي الهلاك كسائر دكتاتوري العصر
تحياتي وسلامي نزار

الأخت مها عبدالله
ليتهم يعلمون أن الوطن أكبر
من أن يختزل والتاريخ لن يرحم
وفبل ذلك هذا الشعب الأبى الصبور.
قبل قليل حمل عبدالله دينق نيال المؤتمر
الوطنى مسؤلية انفصال الجنوب لمماحكته و
مماطلته فى تنفيذ الاتفاقية وجعل الوحدة جاذبة .

سيكتب التاريخ أن نظام الفساد والاستبداد
قد دفع الجنوب للانفصال بعد أن فشل فى تطوعيه
واعادة انتاجه عسكريا عبر حملات عسكرية سماها
زورا بالاسلامية وبث كثيرا من الخرافات من محاربة
القرود معهم واقامة بدع "عرس الشهيد" والذين خانوه
من أجل الثروة والسلطة وعملوا على " فصل أرض المعركة "
بعد هزمتهم الحركة الشعبية وفككت " مشروعهم الحضارى" .

ويذبحون ثورا فى ود البشير احتفالا
بالاستفتاء !! يحاولون غسلهم أيديهم من
دماء من ساقوهم الى المحرقة فى جنوب السودان.

سيهرب مناصرى الانقاذ بكل
ما يذكرهم بالتناقض وفقدان البوصلة .
فهم فى مأزق بعد تبدل أحوالهم وهزيمة
الحركة لهم وفشلهم فى الحفاظ على الوحدة والتنوع .

و بعد أن وعدتهم الحركة بسودان جديد
فكّتُم عكس الهواء بعدما ضقّلت يهم و تقهقرت جنوباُ و تقوقعت فيه مُنْفصِلة به
من أضاع شبابه خادِماً للشّيطان؟

نزار يوسف ياصاحب

نصيحتي ليك كأخ ...فكو درب الناس ديل ...ياخ الناس ديل يكونو خجلانين يقولو ليكم أمشو لي شمالكم وجلابتكم...خففو دمكم شويه ...أرجعو لي قواعدكم وأحزابكم وأيدلوجياتكم في الأحزاب الشماليه سالمين غير غانمين ...

ودي نصيحه أكان بتقبل النصيحه

.d khs k.hv ]dg >> i, ]h hgtqg gdil lh >> lht ph[m jhkdm fhrdm gdil

فك الشفرة الفوق دي يا نزار مش في الحركة الشعبية وبتعرف حاجات كتيرة ..؟

سؤال مباشر للمجاهد السابق امير
هل انت مستعد لحمل السلاح لقتال" كفار" الحركة في قطاع الشمال
الحركة الشعبية فكرة والفكرة ليست لها حدود جغرافية
اتمنى ان لاتنسى مطلقا انكم امتداد الاسلام السياسي في مصر

اجرمو الاسلامويين في حق السودان واستغلوا الدين بصورة بشعة
لا لشي فقط لينعموا بالسلطة والثروة
عزلو كل الشعب وقسمونا الى
الناس المننا
والنا الما مننا
احتكروا كل خيرات الوطن ######روها للناس منهم
وكانت الخاتمة بتقسيم الوطن
الان يمنون انفسهم بوطن عربي اسلاموي
لكن هيهات

Quote: .d khs k.hv ]dg >> i, ]h hgtqg gdil lh >> lht ph[m jhkdm fhrdm gdil

الشفره بتقول الاتي ..

يا نزار يا بتاع النزوح من العاصمه ..اختشي او قوم لف

ـــــــــــــــــــ
** تمبس بالله سجل لينا الناس الدايرين درس عصر ديل واعملهم في كشف واحد ..بعد يوم 15 دايرين نفتح مدرسه خااسه

الأخ فيصل الرشيد
ليست هناك حوجة لتكبدهم مشاق فك ما
سماه الأخ تمبس شفرة .. ولكم أجر المحاولة .

محمد علي حسن يافرده والله مشتاقين وكيف الأقمشه معاك وشوري ...وشنو لا سلام لا تحيه ...ياراااجل

سلم على رشيد النقيب ...كلامك التاريخي دا خليهو وزي ماقلتا في مياه كتيره جرت من تحت الجسر..

الحركه الشعبيه فكره واااااااااااحده ...إنفصال الجنوب ياداقسين

إرون ديمنل ولا أودي منل

دوما نردد أن" المعارك تكسب قبل خوضها "
هذه المقولة تحمل ردنا لمن يعنيهم الأمر
ونقدر حضورهم ونتفهم زياراتهم لموضوعاتنا
البائرة ولكن لم يحدوثنا عن سبب تناقض الانقاذ
وغسلها ليدها من دماء من بشرتهم بالحور العين !!
ولنا عودة للرد بالتفصيل .

الأخ محمد على حسن
بعد أن غسل الناس أياديهم
فى هدوء يحسدون عليه لا أظنهم
على استعداد للانتحار نيابة عن
أبناء المصارين البيض والذين يدرسون
فى جامعات الغرب " الكافر المستكبر " .

الأخ تمبس
الشفرة عنوان العمل
السرى والتجسس الأمنى والصناعى
عليه سنوفرها حتى نوجهها للعدو .

الأخ أمير فتحى
اذا كنت تعنى فك الارتباط فهو
ضرورة تنظيمية لفك الارتباط بالقطاع
الجنوبى مع ارتباط جبال النوبة ، النيل
الأزرق والقطاعى الشمالى والجنوب السياسى
( فقراء المدن ، المزارعين وكل المهمشين ).

الأخ علاء الدين
أولا أراك قد تنازلت من الجزء
الذى دارت فيه رحى الحرب ودفن فيه
عدد مقدر من من دفع بهم الى المحرقة .
جنوبى الحركة الشعبية صنعوا السودان الجديد جنوبا
وشمالى الحركة سيمضون فى مشروعهم لاستدامة السلام وخلق
وطن يسع كل أبناء دون تمييز وفق رؤية السودان الجديد .
ثانيا: اختطاف الدين وجعله مطية لتنفيذ رؤية سياسة خربة تكرس
للفساد والاستبداد لن يطول أمده وسنهز السعن لفصل الماء عن الدسم .

السِّعن دة هِزُّو من برّة زييييييييييييي ما عايز
زول بسألك ماف
و عُمْرنا ما شُفْنا لينا مُعارضة واير لِس عملت حاجة
و الوكيل الكان شغّال ليكم من الدّاخل خلاص شتّت بلدو
و فكّاكم إنتو و بقِيّة الأحزاب المُتهالِكة عكس الهواء

الاخ نزار لك التحيه والتقدير

Quote: ولكن لم يحدوثنا عن سبب تناقض الانقاذ

منو الراجيهو يحدثك ؟ اوع تقول لي الفوق ديل؟


الظاهر انت حتنتظر كتيييير

دي ########ه هايصه يانزار ياخوي

انسي بس

كت اوت :

انت اكبر من انك ترد على الرجرجه والدهماء


والبعملو ليهم الساندوششششششتااات والبجوك

من يوم السبت وحدهم الاربعاء لانهم داخلين من كمبيوتر الكفيل

ربنا يعين الكفيل

Quote: السِّعن دة هِزُّو من برّة زييييييييييييي ما عايز زول بسألك ماف

تقدم ملحوظ اعترافا بحق الآخر فى هز السعن
ونتمنى أن لا نسمع أننا مرتزقة كما وصف النميرى
زيارة الجبهة الوطنية والتى كان من ضمنها غازى صلاح الدين
، مبارك الفاضل وأحمد سعد ( أمة ، اتحادى ، كيزان ) . عموما
هز السعن لا يحتاج الى استذان من أحد ومن يضحك أخيرا يضحك كثيرا .

الأخ خضر
اذا فشلنا فى الحصول
على اجابة نكون قد نجحنا فى
رتق الذاكرة والنحت فى العقل الباطن .

Quote: والبعملو ليهم الساندوششششششتااات والبجوك من يوم السبت وحدهم الاربعاء لانهم داخلين من كمبيوتر الكفيلربنا يعين الكفيل

طبعا طريقة الرد دي خاصة على الاصدقاء هنا والمعارف وشلة محددة .. لكن يا (المخــرج) خدر طبعا ماف سبب واحد بخليك تغازلني بالطريقة دي .. خاصة في بوست الكومريد نزار دا
لذلك ..
احتمال كبير ردك دك يكلفك زي خمسة لي عشرة جنيهات استرلينية رسوم اتصال .. دولي ..
يعني ندقك فتاشة واللا أحسن ليك تستفيد من الجنيهات دي لي شيتا تاني ..

كومريد نزار الزول الفوق دا معاك .. واللا نكتب ليهو في سلمو براهو ..؟


البقرا كلامك دا يا (المخرج) خدر يقول والله كنت مقيم في ناجازاكي ..
غايتو خلينا نفط ونجيكم ..

الأخ تمبس
طالما لديك وقت
للزيارة .. الا يوجد لديك
رأى فى قصة الحور العين والاحتفال
بالانفصال من قبل من سن بدعة عرس الشهيد ؟

Quote: للزيارة .. الا يوجد لديك رأى فى قصة الحور العين والاحتفال

زيارة شنو يا كومريد نزار ..؟
إنت بتسمي الاعجاب بي بوستاتك دي زيارة ..؟
ياخ انا مجرد معجب بي بوستاتك دي مرات بقراها وبمشي واجيها راجع .. راجع .. ومرات ما بفتحه .. كنت زمان بسميها زيارة .. لكن مما كتبت لي بوست النزوح .. والرقاصة بتاعت شارع المقققطططم .. عملت لي نفسيات ..
بعدين انا لو اتكلمت ليك عن الحور العين ديل .. بتزعل مني .. وانا اليومين دي امثالك ديل ما عايزم يزعلو مني ..
فبالتالي :
ما تركز في الحتة بتاعت قصة الحور العين دي انا ما خريج شريعة وقانون .. ولا كموريد زيك كدا .. انا زول بتعلم في الكتابة ساااي

Quote: والبعملو ليهم الساندوششششششتااات والبجوك من يوم السبت وحدهم الاربعاء لانهم داخلين من كمبيوتر الكفيل ربنا يعين الكفيل

والله يا خدر المخرج التلفزيوني .. كلامك بتاع الكفيل دا لو كان كتبو بشاشا يا حامد بدوي الواحد كان بلقى ليهم عذر خاصة وانهم موهومين بي مسالة العروبة والزنجاوية والحركات دي
إلا لكن إنت خبارك .. سياسي واللا خريج ..؟
بعدين الجلكسات دي قوله لي زول ما بيعرفك .. بمعنى ياخ إنت حمام دار زي ما بقول الكفلا الكنت معاهم ..
يعني حسع دي عايز تلبس ليك طاقية وتعمل فيها سياسي واي حاجة ..؟ .. واللا عايز تقولي ضربك السقط ؟؟

Quote: لك التحية الاخوة المتداخلون لكم التحية لا يأت ما يحدث في الدنمارك وفرنسا وألمانيا وإيطاليا وبريطانيا وغير ذلك من دول غرب أوروبا من إساءات إلى رسولنا الكريم صلى الله عليه وسلم اعتباطا وإنما جاء نتيجة حتمية للحملة الغربية والصهيونية المستمرة على الإسلام ووصمه زورا بالإرهاب، وما أظن أن رسولنا الكريم صلى الله عليه وسلم هو المقصود شخصيا بهذه الإساءات؛ لأنهم لم يسمعوا عنه من إعلامهم الضال إلا أكاذيب وافتراءات، وإنما يُقصد بها الاعتداء على الإسلام والإساءة لكل العرب والمسلمين في وقت أصبح فيه الإسلام مطلبا إنسانيا لتخليص البشر من طغيان الحضارة الغربية وشرورها وترميم كل ما دمرته من المعاني والقيم والأخلاق الإنسانية التي أصبح كثير من البشر في المجتمعات الغربية يفتقرون إليها.إنها الحملة الصليبية التي أعلن عنها جورج بوش الصغير عقب أحداث سبتمبر 2001م والتي تشترك فيها تلك الدول بأشكال متنوعة ويوزعون الأدوار فيما بينهم؛ فمنهم من يغزو البلاد ويعيث فيها فسادا وقتلا وتدميرا ونهبا، وآخرون يقمعون حرية مسلمي تلك البلاد الغربية في إقامة الشعائر الإسلامية ويصدونهم عن الالتزام بالإسلام، وآخرون يزعزعون الاستقرار في بلادنا ويخلقون مبررات التدخل في شؤونها تمهيدا لاستباحتها وتفتيتها،

غايتو كلما اقرا كلامك دا .. بترجعني لذكريات جميلة جدا في رياض الخير ..
دا طبعا جزو من الخطبه العصماء حقتك ..
Re: دعوة لمقاطعة المنتجات الدنماركية! وَخُذُوهُمْ وَاْح...واْ لَهُمْ كُلَّ مَر
غايتو ما عارف يا خدر الطيب .. يا اما حسع دي إنت قاعد في الحضارة الغربية دي ومستمتع بي خيراته سااي .. يا اما كمان حنكك العاضي دا بتمتع بيهو في نفسك وفي ناس كمورد نزار دا ..
امووووت كدا دا واجيك يا الله .. بس اقنعني .. علشان لو عايز يمتعوك .. نحن جاهزين للمتعة ..
بس ما تقوم تتصل علي .. لانو تلفوني عند الكفيل شايلو مني

الأخ تمبس
الحفل الراقص لوداع كادر أمنى
يجب أن لا يسبب لك نفسبات .. فقد جاء ردا على
كاتبهم اسحق والذى كتب " أنا أرقص اذا لا أفكر "
ولأنه اختار عمل كاتب مصرى كبير وأقحم القاهرة فى
صراع أمنى مزعوم رددنا له بضاعته فى رسالة فحواها
أن خليط التسريبات الأمنية وبعض الهطرقة لا يجب أن لا يمر .
و أخيرا مناصرى الفساد والاستبداد وصلتهم الرسالة الملغومة .

Quote: يجب أن لا يسبب لك نفسبات

ليييه ما يسبب لي نفسيات .. إنت قايلني ما بشعر واحس ؟؟
طيب الرقاصة ديك جبتوهـا من وووين ..؟
كانت لابسة اخــدر واللا تركوازي ما عارف ..

الاخ نذار ...

Quote: بعد هزمتهم الحركة الشعبية وفككت " مشروعهم الحضارى" .

اذا كنت تعني هزيمة عسكرية ...فحتى توقيع اتفاقية نفاشا لم تكن الحركة الشعبية تحتل اي مدينة
رئيسة في الجنوب ...اما هزيمة سياسية , فدي كل زول ممكن بعد ده يفسرها على ما يريد ...

Quote: لا أظنهم على استعداد للانتحار نيابة عن أبناء المصارين البيض والذين يدرسون فى جامعات الغرب " الكافر المستكبر " .

المعلوم للجميع ان الطيب مصطفي لديه ابن قتل في الجنوب و كذلك اخ عمر البشير و عدد من قيادات الحكومة
المهم انوا مفروض بعد ده ناس الحركة الشعبية يلتفتوا لشعب الجنوب و يعملوا على نجاح فكرتهم ..و ما يكون في مهمشين
في جنوب السودان , و تكون في عدالة اجتماعية وبعد ده يحالوا تصدير افكارهم .....

الأخ مدثر صديق
" توازن الضعف " مع الضغط الأمريكى
أفرزا نيفاشا ولقد سبقت نيفاشا مؤتمرات
و ورش فى أمريكا وبريطانيا وهذا ليس سرا .
وفى هذا الايطار يمكنك فهم نوع الهزيمة التى
أعنيها . رحم الله من فقدوا حياتهم من الجنوبيين
والشماليين من .. وقصدى من البوست تسليط الضوء
على مكافيللية الانقاذ وقادتها وفقدانهم للبوصلة السياسية.