tech support يا شباب، المشكلة دي غلبتني بالحيل

الكومبيوتر بتاعي بفضل يقول لي low disk space.. عملته uninstall لاي برنامج ما عايزاه، وشلته ملفات فوق 2G... وبرضه مصر يقول لي نفس الكلام.. والليله كمان قال 0 disk space عديل كده...

طبعا انا قلت ده اكيد virus... لانها بتشبه حركاته...

عندي MS Security Essential وهو مُصر انه كومبيوتري نضيف....

الكومبيرتر ده لو كضم انا بكضم بي وراه... وخايفه اعمل backup الexternal يضرب هو الاخر..

ده شغل تلاته سنين في الدكتوراه.... النجدددددددددددددددده، قبل ما الكارثه تحصل...

الخطوة الحالية، عايزه انزل CCleaner كان يشيل لي حبّة ملفات temp تديني مساحه شويه..

الأخت الفاضلة مريم بنت الحسين
هل التحذير بخصوص C:\ drive ولا درايف أخر

لو درايف أخر شوفي لو في عملية باك أب اتوماتيكي غالباً هو السبب في ملئ الديسك

تحياتي

لو بخصوص ال C:\
شوفي المقال دا

http://pcsupport.about.com/od/windowsvista/ht/dislowdisk.htm

يامريم البرامج بتاعت cleaing دي كلام فاضي مابتعالج حاجة...الايام دي اوفرات شديدة علي portable hard disc اشتري واحد خزني معلوماتك فيهو... فرمتي الجهاز وبالمرة نزلي windows 7 الvista دا فيو مشاكل...بالتوفيق

Quote: لو درايف أخر شوفي لو في عملية باك أب اتوماتيكي غالباً هو السبب في ملئ الديسك

جبته طرف الخيط يا فرانكلي.. انا فعلا عندي automatic back up كل يوم أحد... اها الحل شنو؟

الحل يا مريم أننا نعمل الباك أب مانويل ويا حبّذا لو في إكسترنال ديسك

أنا شخصياً عندي إكسترنال ديك من سامسونغ فيها برامج باك أب كل ما أعمل حاجة مهمة بقوم بوصلها وهي بتعمل باك اب أتوماتيكي والباك هنا عبارة عن synch للداتا الجديدة من السي درايف

الback up ما مشكلة حسي، المشكلة الdrive المليان ده، اعمل ليه شنو؟

محمد ابراهيم/ كرهتي في الدنيا الفركته... بحس ليك كومبيوتري بقى غريب عنّي... 7 ده اصلي ما بالعاه... وvista مكرهّني... لكن عندي NetBeans وBlueJ بدرّس بيهم مواد، وفي مشاكل مع 7... ده غير اني بككككككككره الformat...

مادام كدا اذن احسن حل فرانكي وانشااللة ماتجيك عوجة...

كسرة

برد عليك وانا بتغدي ..ودا طبعا دلالة علي معزة خاصة...


تحايا لنادر......

سلامات يا مريم

ممكن تعملي صورة من الدرايفرات العندك ...

يا مريم ما الباك أب دا ذاتو مشكلة الدرايف

حاولي تعملي الباك أب في الدي درايف ودا دائماً الحل الأمثل إنّ الباك اب ما يكون في الديك الموجود بها الأوبريتينغ سيستيم
لأنّ الأوبريتينغ سيتيم لو ضرب ح يضرب معاه الباك أب طبعاً هناك طرق للحصول على الباك أب لكن أسهل أنّ الباك أب يكون في ديسك غير ديسك الاوبريتينغ سيستيم

ويفضل إكسترنال ديك كما ذكرت لك

حاليا (قبل ما الجهاز يتعطل) وطالما عندك 11 قيقا في الدي انقلي حاجاتك المهمه هناك وممكن بي رواقه تفكري في علاج المشكلة في باقي الايام

دا موقع من ميكروسوفت بفحص الجهاز اون لاين ..غير انو بينضف من الفيروسات بيمسح الملفات الغير ضروريه وبيرتب الهارديسك وبيصلح الرقيستري

لو الويندز 7 او فيستا

http://onecare.live.com/site/en-US/center/whatsnew.htm

لو اكس بي

http://onecare.live.com/site/en-US/default.htm

دي تجربه شخصيه مع الموقع (يعمل الموقع اون لاين) والموقع يعمل فقط مع متصفح الاكسبلورر..قد يستغرق الفحص من ساعتين الي 3 ساعات

الاخت مريم
اتمنى ان تنجح محاولات الحفظ ويسلم الشغل

لكن انصحك بعد ذلك ، في الشغل المهم، بنسيان اجهزه ونظام وندوز دا تماما
الا اذا كان ( بحث في شي بخص الوندوز زاتو او معداتو بس)
اتوكلي واشتري ليك جهاز لاتبوب ابل
وتشتغلي مباشرة دون الحاجة لان يكون نظام التشغيل زاتو هم
وشوفي كيف حتركزي في شغلك اكتر
دا غير غير المتعه بيه

مريومة سلامات
وربنا يعينك على مشاكل اللابتوبات التي لا نتنتهي
وشايفة خبراء الكمبيوتر ما قصروا معاك.

واجهتني نفس، نفس المشكلة لسنوات خلت.
بعد شوية الماوس ما حا يتحرك (will stuck)
ولو قفلتي وفتحتي الكمبيوتر حا تجيك إيرور كتيرة كدا مكتوبة .. ووو ..إلخ.
وحتى لو حولتي فايلاتك وبقيتي تشتغلي من درايف D حا تتكرر عليك نفس المشكلة.
معليش ما طمنتك.

نصيحة أخوية حولي الفوايل المهمة في يو إس بي ميموري. وبرضو ما تنسي
الفوايل المهمة ترسليها لروحك في إيميل (حتى لو تعملي إميل جديد فقط لذلك)
وأعملي فورمات لي اللابتوب.
النصيحة التانية الأهم: إتوكلي على الله وإشتري ليك كمبيوتر ديسك توب حتى ولو سكند هاند
وبكدا يبقوا عندك كمبيوترين بصحة جيدة، أو على الأقل واحد.

دايرة أشاغلك بوشوش ضاحكة .. لكن نفس مافي!!

تحياتي وربنا يسهل عليك ..

Please empty the DELETE folder from any items

عملته disk check للضمان كده عشان اشوف لو في errors، لقيتي صلاة النبي فوقو.. ما عنده عوجه... لكن طبعا قعدته لي ساعة ونص منتظره...

محمد ابراهيم، هنيئاً الغدا... وشكرا ليك والله أعزيتني في مشكلتي... ويبلغ سلامك لنادر ان شاء الله

فرانكلي ركّز معاي ياخ... ما خلاص انفصلنا وحنطبق الشريعة :)... الbackup البعمله اصلا بتعمل في external harddisk... على اي حال انا وقفته.. وكدي النشوف لو رجعت المشكلة تاني... انا الشي الخايفه منه يكون في virus... عشان كده حأعمل بي النقطة القلتها واعمل نسخة في الD...

معاوية.. بدأت الfull service scan... وشكلي حأخد لي تاني ساعتين.. لكن برضه هيّن.. حسي عملته نسخة في الD.. ما عايزه ادخّل الextermal HDD يقوم يضرب لي هو كمان :(... بديك النتيجة ان شاء الله لما يخلّص

مأمون.. والله انا اكتر زول ولوف في الدنيا... رغم انه تجربتي مع Apple حلوه شديد... غايته لو ده ودّع بشتريه... نادر كان ناقيني إلا يجيب لي واحد.. لكن تقول شنو بس، مصّره على العواليق دي

هدير، معليش يا يمه... انا حسي بهظر من المغصه.. حاكم لما اكون مغيوظه، بعمل العكس.. بكون عندي مزاج بتاع أغاني مزعجه، وبقعد اهظّر واخفف دمّي.. ده طبعا فيما يخص المزاج... فيما يخص المشكلة ما بشّرتيني والله.. دي ورطه وين دي.. كدي النشوف دوا معاوية ده كان ينفع..

اخونا محجوب... ما فهمته والله.. يا ريت تشرح لي النقطة دي شويه..

يا معاوية يا خبيرنا إزيك

رايك في برنامج TuneUp دا شنو؟!
http://www.tune-up.com/products/tuneup-utilities/
توجد منه نسخة مجانية لمدة إسبوعين ولكنها تفي بالغرض،
جربتها .. ووجدته مفيد للغاية.


بس يا مريم ما حا تقدري تنزليهو لأنو محتاج لي مساحة
وما عندك مساحة ليهو حاليآ، عشان كدا الأونلاين جيك أحسن ليك.
وحتى ما تنزلي CCleaner .. نضفي الكمبيوتر من CleanDisc


تحياتي ..

Mariam, salam

login as adminstrator and see if the problem persists

if it does, then copy your most important work files on USB flash disks and
it is better that you maintain at least 2 USB disks and copy your work on both of them for
redundancy.. this is what I do.. I have about 4 USB flash disks just for backup
of wirk files, and don't trust this windows thing
For th backup I use special flash USB disk that can be hardware locked by sliding
a small switch so it can be read only, you make it read/write only when you back-up or
copy new files... All these what is called automatic backup and antivirus and (mosh aarif eh tani) is
not dependable when it comes to real and important work files security

the name of the game is: use military standards of redundancy manual backup and you will be fine

Sorry I am writing from non-Arabic computer

اهلا مريم
After you delete a file / folder from your computer, it will be moved to the Recycle bin
Right-click the recycle bin folder and select (Empty Recycle Bin)0
Most likely you did this step

استاذ ابو الريش، انا عامله external harddisk.. خاته فيه ملفاتي كلها.. انا ما بثق في الكومبيوتر خالص، وكتير بعمل حركة هديل بتاعت اني ارسل لنفسي ايميل :)

محجوب، شكرا ليك، لكن انا فعلا بعمل كده اول باول...


يا معاوية، عاد الليله شكله الكومبيوتر حيشتغل صبّاحي، بعد ساعتين من بداية التشغيل للservice scan، كمّل 7% هههههههه...

ما تقلقي يا مريم ..احتمال لانك شغاله بي الجهاز عشان كدا بطيء.

انا بديت بعد كلامك دا بي ساعه في جهاز السعه بتاعت الهارديسك اكبر من العندك



وقبل ما ارد عليك حاليا لقيت الفحص انتهي ..يعني كلها ساعتين بالضبط



__________

هدير ما تشتغلي بي برامج الصيانه كتير ..ضررا اكتر من نفعا

Quote: فرانكلي ركّز معاي ياخ... ما خلاص انفصلنا وحنطبق الشريعة :)... الbackup البعمله اصلا بتعمل في external harddisk... على اي حال انا وقفته.. وكدي النشوف لو رجعت المشكلة تاني... انا الشي الخايفه منه يكون في virus... عشان كده حأعمل بي النقطة القلتها واعمل نسخة في الD...

يا مريم أنا مركز معاك بس إنتي ركزي معاي

أنا لحدي الآن مصر وملح أنّ الموضوع موضوع باك أب في السي درايف وما موضوع فايروس ولا حاجة

إنتي عندك ويندوز 7 صاح؟

لو صاح كلامي 75% صحيح

عليه تمشي للكنترول بانل ح تلقي كاتقوري اسمة باك اب أن ريستور اضغطي عليه وشوفيه مؤشّر على ياتو بارتيشن

لو لقيتي على السي درايف كلميني لو ما على السي درايف أكون غلطان 25%

الbackup بتاعي في f:/ drive إلي هو الexternal hard diskـ وده الكلام القلته انا قبيل...

غايته للحق كده، انت صاح بنسبة 20% ... لانه لما وقّفته الbackup، وقفت الmessage بتاعت low disk space..

لحدي بكره، كان اصبح طيّب، يبقى عدينا مرحلة الخطر...

معاوية والله حسي ساعة، وصل 8%.. غايته كومبيوتري ده فيه كترت كرور وانا ما عارفه!

قرّبنا

الاخت مريم
تحية طيبة

لقيت نصيحة في الانترنيت. حاوليها وشوفي النتيجة:
go to system restore
disable it or make it minimum
this will hopefully free significant disc space

good luck

عادل عثمان، فعلا ممكن الrestore يكون بياخد مساحه، بس ما قدر ده :(... بجرب وارجع

معاوية، الservice scan ما لقى شي في الكومبيوتر، بس صلّح لي مشاكل الregistery ومسح الtemp files.. لحدي حسي ما حصلت مشاكل، براقب واشوف ...

يبقي مشكلتك محصورة في الملفات الكبيرة (ما البرامج) راجعي لو عندك افلام او ملفات فيديو او بتنسخي افلام بي برنامج النيرو ..مفروض اقل حاجه يكون عندك مساحه 30 قيقا فاضيه عشان الجهاز يشتغل مرتاح ..

حاولي ابحثي في السي درايف عن أي ملف أكبر من 700 م ب

وشوفي نوعيتهم شنو والممكن تضعيه في الدي درايف شنو والممكن تضعيه في الإف درايف شنو

وما تنسي هناك ملفات البروجيكت بتاعة النت بينس ممكن تكبر لحجم كبير

النت بينس نفسه بيكبر لحدي 900 م ب

وملفات الداتا بيز عموماً مثل السي كو إل أو الإس كيو إل برضها محتاجة مراجعة

إذا بتستخدمي الجهاز لبروجيكت فالأفضل وضع الباث للبروجيكت فولدر في الدي درايف

والله يا معاوية وفرانكلي... كومبيوتري ما فيه فيديوهات ولا عندي وقت ليها... وفيه صور.. لكن ما قدر ده... والليلة مشيت مسحته قدر ما قدرته... كلها على بعضها ما جابت 500 ميجا... الشي المبشّر انه الرسالة المنحوسه تاني ما جات، مما وقّفت الauto backup، رغم اني كنت بعمله في الF... غايته الكومبيوتر ده إلا مسكون!...

NetBeans وBlueJ... عندي الsoftware بس، ما ببرمج فيهم إلا اكون عايزه اجرب حاجه لامتحان ولا شي.. والDatabas الشغاله بيها ما Local

137 جيجا... والله الحاجات العندي ما بتتمها!

غايته في 3 folders، ما مرتاحه لشكلهم ولا أسماءهم.. لكن جواهم كل واحد ما بتم 4 ميجا... دي صورة ليهم..

أخيراً!!

اكتشفته المشكلة وين.. برنامج عبيط ادوني ليه ناس الجامعة عملته بيه video conference.. لسبب ما، بخزّن snapshots من الdesktop! لقيته مخزن folder فيه 78 جيجا...

شلته... وحأشيل البرنامج نفسه...

كدا أنا صاح 100%

مُش قلت ليك عبارة عن باك أب ومش ممكن يكون فايروس؟

ح أعمل ليك تخفيض 25%

بكدا أنا صاح 75%

20% بس مافي غيرهم...... انا عيوني بققوا في الجهاز لما عرفت أصل الداء..... أصلا البرنامج كان بعمل في شي غريب، ما backup زاتو...