خمس الي سبع دول افريقيه كانت تسمى بالسودان !، لماذا نصر وحدنا على هذا الاسم !!..

وداع مليون ميل هو بمثابه جمره في كبدي ،
و الاسوء اننا ننفصل ثمنا للهويه ، وننفصل لاسباب عنصريه ودينيه ،
في شعب متعدد الأعراق ...

تعليقي اليوم موضوع طرح في اكثر من مكان وزمان ،
فجر جديد اجباري علي حد الألم ، 
وداعا يا سودان ، هذه فرصه لتغيير الاسم أيضاً !! يوجد اكثر من خمس دول
من قبل في افريقيا سميت سودان وغيرت الي اسم اخر ، اشهرها السودان الفرنسي والسودان البلجيكي

.. لماذا الإصرار على الاحتفاظ بهذا الاسم الغير جميل إذن ؟!.
هل لديك مقترح اسم للدوله الوليده تشاركنا به؟!.. 

د شهاب الفاتح ..

Quote: لماذا الإصرار على الاحتفاظ بهذا الاسم الغير جميل إذن ؟!.

ما الذي جعله غير جميل لديك ؟؟؟!!!

وداع مليون ميل هو بمثابه جمره في كبدي ،
و الاسوء اننا ننفصل ثمنا للهويه ، وننفصل لاسباب عنصريه ودينيه ،
في شعب متعدد الأعراق ...

تعليقي اليوم موضوع طرح في اكثر من مكان وزمان ،
فجر جديد اجباري علي حد الألم ،
وداعا يا سودان ، هذه فرصه لتغيير الاسم أيضاً !! يوجد اكثر من خمس دول
من قبل في افريقيا سميت سودان وغيرت الي اسم اخر ، اشهرها السودان الفرنسي والسودان البلجيكي

.. لماذا الإصرار على الاحتفاظ بهذا الاسم الغير جميل إذن ؟!.
هل لديك مقترح اسم للدوله الوليده تشاركنا به؟!..

د شهاب الفاتح ..

Quote: ما الذي جعله غير جميل لديك ؟؟؟!!!

اخي اسماعيل عمر ابراهيم

اعلم ان راي صادم , لكن لماذا الاصرار على اسم كان يوما من نصيب دول اخرى
زائير و جيبوتي و ربما الصومال غيرت هذا الاسم ,

ما الميزه فيه لنستمر فيه ,
نحن في طريقنا ان نفقد التراب الغالي الما ليه ثمن ,
لماذا الاصرار على الاحتفاظ بالاسم ,
عل نحتفظ به فقط استجابه للمزاج العام للشعب الذي لا يعشق
طل ما هو جديد ..

السوال هو لماذا تراه جميلا انت اخي اسماعيل ؟!..

شهاب الفاتح عثمان
كيف حالك؟ علك طَيِب

Quote: خمس الي سبع دول افريقيه كانت تسمى بالسودان !، لماذا نصر وحدنا على هذا الاسم !!..

نحنا شعب ما مُبْدِع في حكاية الأسماء دي
هلال الخرطوم
هلال مدني
هلال القضارف
هلال كادقلي
هلال
هلال
هلال
وبرضو المريخ مُسْتنسخ، والأسماء مُسْتنسخة: قاقرين.. الدحيش.. وردي...إلخ

ويقول ليك: هلال الخرطوم × هلال مدني

البلد الوحيدة الفي الكَوكب ده الإسمها بِلَون بشرة.. إسم السودان في رقبتو فيهو "تمييز" ياخ.. والإسم ده -أي السودان- ترجمة عربية لذوو الجُلود المحروقة ونحنا ناس "الصمغ العربي" ما صدقنا..

الآباء المؤسِسين سابو بِقفاهُم أسماء تاريخِية عظيمة وقديمة وكنكشو ليك في ترجمة العرب، ياخ لو ما عندنا تاريخ مُمْكِن مثلاً نقبل بِإسم السودان البِوضِح لون البشر الساكنين في ها الرقعة الجغرافية، ولا عزاء "للبيضان" و"الصفران" و"السُمر الميامين" لكِن العِندنا مو هَين.. قريت كُتُيِب بدري شوية بتكلم فيهو كاتبو على إنو إسم السودان خطأ، برر فيهو ليه خطأ والمفروض شنو

Quote: نحنا شعب ما مُبْدِع في حكاية الأسماء دي هلال الخرطوم هلال مدني هلال القضارف هلال كادقلي هلال هلال هلال وبرضو المريخ مُسْتنسخ، والأسماء مُسْتنسخة: قاقرين.. الدحيش.. وردي...إلخ ويقول ليك: هلال الخرطوم × هلال مدني البلد الوحيدة الفي الكَوكب ده الإسمها بِلَون بشرة.. إسم السودان في رقبتو فيهو "تمييز" ياخ والإسم ده -أي السودان- ترجمة عربية لذوو الجُلود المحروقة ونحنا ناس "الصمغ العربي" ما صدقنا..

ستاذعزام حسن فرح
انا بخير صحيا , متزعزع نفسيا بسبب خيانه تراب الوطن هذه من جميع الاطراف المسماه زورا تقرير مصير,

صدقت نحن شعب ما مُبْدِع في حكاية الأسماء دي
واجدد مطالبتي بان يكون الهلال و المريخ و المورده حكرا على الفرق الثلاث فقط
وتغيير اسماء الباقيين بداهه ,

الصمغ العربي يحتاج تغيير ايضا و قد اثار كثيرون ذلك ..

حبابك

Quote: فجر جديد اجباري علي حد الألم ، وداعا يا سودان ، هذه فرصه لتغيير الاسم أيضاً !!

عبر الفيس بوك اقترح باشمهندس مرضي اسم دوله وادي النيل كاول اقتراح
يطل علينا حتى الان شكرًا يا غالي

بيت رمز الاستقلال الزعيم الراحل الازهري في حاله حداد و توشح بالاسود اليوم ,
هذا اكثر شي عبر عن مشاعري وسط هذا الجنون المسمى مجازا تقرير مصير


الصوره نقلا عن بوست للزميل عمار عوض بسودانيز اولان

كما جاء في بوست مجاور مسمى اطلقه زميل المنبر فرانكلي
وهو جمهوريه الساحل الاسلاميه..

لا اعتراض على الاسم الاول والثاني لكن أسلاميه
في شعب متعدد الأعراق و الأديان فهذا باب لانقسام
جديد ..

والاسوء هو ان يكون أسلاميه بتطبيق برغماتي كما هو حاصل
الان .. :)

Quote: البلد الوحيدة الفي الكَوكب ده الإسمها بِلَون بشرة..

لا أبدا فى ال ( ! NGER ) و فى ( ! NIGERIA ) ...
سلامات أستاذ عزام و سلام د. شهاب ..
عبدالماجد

ABDELMAGID ABDELMAGID
كيف حالك؟ علك طَيِب

Quote: لا أبدا فى ال ( ! NGER ) و فى ( ! NIGERIA ) ...

وديل فوقِن ألوانا (البَيضان/الصفران/الخُدران...) ولا كُلهُم سود(أن)

ذهب الوطن الذي نعرفه فسموا لنا هذه الارض الان

الاعزاء في البوست
شكرا علي الخيط

اطلق الاغريق ربما اسم اثيوبيا و تعني اهل البشرة المحروقة علي السودان الحالي لانه جنوب مصر و سكان شمال افريقيا لم يكن لون جلدتهم يختلف عو لون جلد بقية المتوسطيين لذلك لم يجده الاغريق غريبا بل كان الغريب ان يجدوا سودان في مصر ، العرب قاموا بالترجمة فقط الي سودان و هو جمع الجمع (سود) لا اري عيبا في ان يكون اسم بلدنا هو اسم لون جلدتنا لانني اعتز بهذا اللون و المناسبة استغرب جدا من ان يكون لون الحداد في بيت الزعم اسماعيل الازهري هذه الايام هو الاسود لان لون الحداد عندنا هو اللون الابيض و يزمز اللون الابيض الي الفناء و العدم بالاضافة الي رمزه للصفاء.
اللون الاسود عندنا لون مقدس يرمز للسلطة الزمانية و السلطة المكانية
و كانت في ارضنا دولة اسمها "السلطنة الزرقاء"
و معلوم لديكم ان اللون الازرق عندنا يعني الاسود
و الاخضر عندنا ايضا يعني الاسود خاصة اذا كنا نصف شخصا شديد السمرة
و عندنا نهر اسمه النيل الازرق و يعني النهر الاسود ايضا او نهر الظلمات
و لبست النساء السودانيات ثوبا كان اسمه توب الزراق و هو توت شديد الزرقة و اعتقد انه عبارة عن نسيج قطني مصبوغ بالنيلة
لا اجد عيبا في ان تكون بلادنا اسمها السودان
العيب هو في التفكير الاستعلائي فيما يتعلق بالعرق و الدين
كلنا سود عند اي متوسطي او اسكندنافي او جرماني او سلافي او ساكسوني
نحن سود قض الطرف عن موقع من السودان جئنا
نحن سود عند البيض و هذه هي الحقيقة فلا مشكلة من ان يكون اسم بلدنا السودان لانه اسم يصف الواقع

طه جعفر

وطن متعدد الاعراق ينفصل لاسباب عتصريه

للاسف : وطن متعدد الاعراق ينفصل لاسباب عنصريه
اخر العلاج الكي ,
لكن هذا ليس كي واعي ,
بل هذه عباره عن نار و حرائق و هدم !.

Quote: وداع مليون ميل هو بمثابه جمره في كبدي ، و الاسوء اننا ننفصل ثمنا للهويه ، وننفصل لاسباب عنصريه ودينيه ، في شعب متعدد الأعراق ...

Quote: لماذا الإصرار على الاحتفاظ بهذا الاسم الغير جميل إذن ؟!.

بالله يا دوبك أكتشفت الأسم ده غير جميل؟

رأيك شنو في جمهورية البيضان ؟