Post: #1 Title: حينما قال البشير لدينق الور ياعب ما تكضب Author: عمار محمد ادم Date: 01-08-2011, 11:53 PM
رواها دينق الور بنفسه حينما كان يجلس مع المشيرالبشير وكان وقتها وزير خارجيه ايام ترشح الرئيس الامريكى اوباما وكان دينق الور يقول ان اوباما فى الاصل سودانى ومن قبيله سودانيه حدوديه هنا التفت اليه المشير البشيرقائلا :ياعب خلى الكضب.
Post: #2 Title: Re: حينما قال البشير لدينق الور ياعب ما تكضب Author: الفاتح علي التوم Date: 01-09-2011, 00:02 AM Parent: #1
المصدر يا غالي
Post: #3 Title: Re: حينما قال البشير لدينق الور ياعب ما تكضب Author: BAKTASH Date: 01-09-2011, 00:13 AM Parent: #2
Quote: المصدر يا غالي
مثل عمار لا يسأل عن مصدره او كما قالت !!
Post: #4 Title: Re: حينما قال البشير لدينق الور ياعب ما تكضب Author: abuarafa Date: 01-09-2011, 00:53 AM Parent: #3
عمار ده بجيبها من بيت الكلاوي
Post: #5 Title: Re: حينما قال البشير لدينق الور ياعب ما تكضب Author: Tragie Mustafa Date: 01-09-2011, 01:16 AM Parent: #4
Quote: رواها دينق الور بنفسه
زول يكتب لكم بالعربي الواضح انه رواها ليه دينق الور بنفسه تقولوا ليه المصدر شنو؟؟؟
اظنكم عجما يا اخوة(ههههههههه)!
Post: #6 Title: Re: حينما قال البشير لدينق الور ياعب ما تكضب Author: صديق الموج Date: 01-09-2011, 01:27 AM Parent: #5
Quote: هنا التفت اليه المشير البشيرقائلا :ياعب خلى الكضب.
لو كان البشير المتجهم طول السنه بهذا اللطف ،الجنوب ماكان انفصل ياخى!! ده زول شكله لابعرف ينكت لا يسمع نكته،،،
Post: #7 Title: Re: حينما قال البشير لدينق الور ياعب ما تكضب Author: Abdlaziz Eisa Date: 01-09-2011, 01:51 AM Parent: #6
سلام
قال نفس الكلام عن كبير مساعديه بمبنى السفارة في كوالالمبور في جلسة خاصة...
Post: #8 Title: Re: حينما قال البشير لدينق الور ياعب ما تكضب Author: محمد على حسن Date: 01-09-2011, 04:18 AM Parent: #7
ولذلك فشل البشير في الاحتفاظ بجغرافية والسودان وسيفشل في الاحتفاظ ببقية السودان وامس قال خاله في قناة النيل يوم فصل الجنوب اسعد يوم ومثل يوم خروج اليهود من المدينة واحتدم نقاشه مع ضيف لا يتفق معه في الراي للدرجة التي اضطر معها مقدم البرنامج انهاء برنامجه
الاستاذ عمار انت من اكثر الناس البتعرف هولاء الناس سؤالي لو سمحت لماذا كل هذه الكراهية للاخر في وسط الاسلامويين السلطويين
Post: #9 Title: Re: حينما قال البشير لدينق الور ياعب ما تكضب Author: عمار محمد ادم Date: 01-09-2011, 04:20 AM Parent: #7
Quote: لو كان البشير المتجهم طول السنه بهذا اللطف ،الجنوب ماكان انفصل ياخى!! ده زول شكله لابعرف ينكت لا يسمع نكته،،،
بى صراحه عمك ده ظريف ما ضابط مظلات وود كوبر انتو قايلنو كوز جد جد.
Post: #10 Title: Re: حينما قال البشير لدينق الور ياعب ما تكضب Author: عزام حسن فرح Date: 01-09-2011, 04:46 AM Parent: #9
Quote: حينما قال البشير لدينق الور ياعب ما تكضب
"يا عب" ما أسوأ مِن حديث "الجعلي/الغرباوِية"؟!
"يا عب" مرت زي ما حديث "الجعلي/الغرباوِية" مر، لإنو: - البشير ما أنكر شمشره التُرابي. - التُرابي ما نكر شمْشرتو. - الغربا بِسكْتتُم، أظنو أولو حديث التُرابي إنو قاصِد "بِالغرباوِية" واحدة مُنْتسِبة لِلغرب الأمريكي .
Post: #11 Title: Re: حينما قال البشير لدينق الور ياعب ما تكضب Author: حسن حماد محمد Date: 01-09-2011, 05:46 AM Parent: #1
الأخ عمار سلامات
Quote: زول يكتب لكم بالعربي الواضح انه رواها ليه دينق الور بنفسه تقولوا ليه المصدر شنو؟؟؟
اظنكم عجما يا اخوة(ههههههههه)!
رواها ليهو دينق وين ومتين وبحضور منو يا أختى تراجى
ما هسع ممكن أقوليك كلام كتير قالوا لى فلان وله علان بالعربى والانجليزى والفرنسى هل يعنى هذا أننى مصدر وصادق فيما أقول
وله قصدك عمار لا يسأل عن مصدر لأنو كفاية انو عمار والكلام انتهى
ما زال السؤال قائم المصدر ؟
هذا لا يعنى أن البشير لا يمكن ان يقول أسوأ من ذلك وعلى الهواء الطلق
ولكن المصداقية تستدعى من عمار أن يخبرنا متى وأين وبحضور من قال له دينق مثل هذا الكلام وكيف يمكن أن نصدقه لمجرد السرد
Post: #12 Title: Re: حينما قال البشير لدينق الور ياعب ما تكضب Author: أبوالقاسم مضوي أحمد Date: 01-09-2011, 05:52 AM Parent: #11