فى النيل الازرق الان الطيب مصطفى يقول من ناحية رجاله ساكت لايليق بنا ان نتهافت على الجنوبيين؟؟؟

الان فى ندوة عن مألآت الانفصال يشارك فيه:
حسين خوجلى و طه النعمان والطيب مصطفى
عندما سال الطيب مصطفى عن موقف الشريكين من جعل الوحدة جاذبه
الطيب يقول قد تهافتنا على الجنوب كثيرا ولا يليق بنا من ناحية
رجاله ساكت ان نفعل اكثر مما فعلنا وباقان اموم يقول باى باى
العبودية وباى باى الرق وباى باى عدم الاحترام وباى باى التهميش..
والطيب يراهن انه لو تم استفتاء للشماليين لفضلو الانفصال عن الجنوب.
علما بان الافادات العشوائية التى تم استطلاعها من الشارع كلها قالت
انها حزينة للانفصال واتهم الطيب التلفزيون ان هذه عينات منتقاة.
هولاء هم من يقرر فى مصير شعب كالشعب السودانى.
اتمنى ان لايقرر المؤتمر الوطنى فى مستقبلنا كما قرر حاضرنا ورسمه
باجندته..
الى مزابل التاريخ الطيب مصطفى وكل من يؤيد انفصال السودان،،

الطيب مصطفى يقول ان سعادته تماثل سعادة الصحابة يوم ان طرد
اليهود بنو النضير وبنو القعقاع من المدينه..
ولايمكن ان تكون هنالك اى وحدة ولا اتحاد مع هولاء الجنوبيين..
ويجب البحث عن وحده مع دوله اقرب الينا من دولة الجنوب مثل مصر..
ومصطفى النعمان يشكره متهكما على الانفصال..

Quote: ولايمكن ان تكون هنالك اى وحدة ولا اتحاد مع هولاء الجنوبيين..

الاخ صديق الموج لك التحية

نسيت حتى يدخل الجمل فى سم الخياط ..!

Quote: الان فى ندوة عن مألآت الانفصال يشارك فيه: حسين خوجلى و طه النعمان والطيب مصطفى عندما سال الطيب مصطفى عن موقف الشريكين من جعل الوحدة جاذبه الطيب يقول قد تهافتنا على الجنوب كثيرا ولا يليق بنا من ناحية رجاله ساكت ان نفعل اكثر مما فعلنا وباقان اموم يقول باى باى العبودية وباى باى الرق وباى باى عدم الاحترام وباى باى التهميش.. والطيب يراهن انه لو تم استفتاء للشماليين لفضلو الانفصال عن الجنوب. علما بان الافادات العشوائية التى تم استطلاعها من الشارع كلها قالت انها حزينة للانفصال واتهم الطيب التلفزيون ان هذه عينات منتقاة. هولاء هم من يقرر فى مصير شعب كالشعب السودانى. اتمنى ان لايقرر المؤتمر الوطنى فى مستقبلنا كما قرر حاضرنا ورسمه باجندته.. الى مزابل التاريخ الطيب مصطفى وكل من يؤيد انفصال السودان،،

صديق يا صديق
واجع راسك بالتلفزيون ساي

تصدق أني قافل التلفزيون بالضبة والمفتاح
وما قاعد أعاين ليهو خير شر

عشان ما أشوف الأشكال دي...........



تحياتي لك والأسرة الكريمة...

الشايقي

http://www.youtube.com/watch?v=WjNosdjuv7s

فاوضني بلا زعل

[email protected]
http://alkatwah.com

.

سلامات يا موج

Quote: قد تهافتنا على الجنوب كثيرا ولا يليق بنا من ناحية رجاله ساكت ان نفعل اكثر مما فعلنا

الكلام ده يمشي يقولو لي ود اختو

Quote: صديق يا صديق واجع راسك بالتلفزيون ساي تصدق أني قافل التلفزيون بالضبة والمفتاح وما قاعد أعاين ليهو خير شر عشان ما أشوف الأشكال دي........... تحياتي لك والأسرة الكريمة...

الشايقى كيف حالك
وحاتك يا الشايقى الزول من شدة ما حزين على البحصل
ده اى شى سودانى الزول عاضى عليه بالنواجز،خايف ناس
المؤتمر الوطنى ديل يبيعوا تاريخنا لى شركة صينية
والا ماليزيه كمان..
عشان كده بنشاهد فى باقى السودان كان فضل شى..
شكرا على التحيات الحارات فالتحايا الباردة تهدى شتاءا،،،

Quote: الطيب مصطفى يقول ان سعادته تماثل سعادة الصحابة يوم ان طرد اليهود بنو النضير وبنو القعقاع من المدينه..

الاستاذ- صديق الموج
الطيب مصطفي قريبا سيجد نفسه في التجاني الماحي

Quote: الاخ صديق الموج لك التحية نسيت حتى يدخل الجمل فى سم الخياط ..!

ندى صالح والله بت حلال ياخى سلمتى
انا والله من الحزن اسمع سطر وافط سطر
فعلا الزول الشرير المسمى مجازا الطيب ده قال لن تحصل وحدة مع
الجنوب مستقبلا حتى يلج الجمل سم الخياط...
اللهم احفظ بلادنا من شرور من مثل الطيب مصطفى واشباهه..
لفائدة الترجمة:
على فكرة تفسير الجمل فى القران الكريم هو الحبل المتين
الذى تربط به السفن،،،

Quote: الكلام ده يمشي يقولو لي ود اختو

الصاوى العزيز سلام
تصدق عندما ابتدر مصطفى النعمان الحديث بسؤال للطيب مصطفى
عن ماذا تعنى له اسماء مثل الزين تام والراجى منو وفضل الكريم والراكز الله؟
فى اشارة الى الخطأ التاريخى الذى مارسه اهل الشمال على اهل الجنوب..
كان رد الطيب ان دينق ماجوك وهو سلطان الدينكا كان اكبر تاجر رقيق
مع ان اهل السودان يسمون السلطان دينق ماجوك حكيم الجنوب قاطبة
هذا الرجل الذى كان التعايش السلمى فى عهده ومعه طيب الذكر بابو نمر
بين دينكا نقوق والمسيرية مضرب مثل الى الان..
حدثنى الاخ فيلب شول وهو من ابناء ابييى عن حكمة دينق ماجوك
وبابو نمر فى ادارة هذه الرقعه ونحن الان لا نعرف حتى ان نسميها
بعضنا يطلق منطقة تماس والاخرون منطقة تمازج.
قال الاخ فيلب فى موسم هجرة المسيريه نحو بحر العرب كان السلطان
دينق مجوك يذهب الى المجلد وياتى الناظر بابو نمر ليجلس فى ابييى وكانت
كل قبيله تتجنب الدخول فى مشادات مع القبيله الاخرى خوفا على كبيرها
المتواجد مع الطرف الاخر حتى لايصاب بمكروه..
وياتى اخر الزمان مثل الطيب مصطفى هذا يتحكم فى مصير العباد والبلاد
متحامقا على الجغرافيا والتاريخ ويطالب ليس بالانفصال فقط بل بعدم
الوحده مستقبلا مهما كان الثمن..
هذا نوع من القرف لم ارى مثله فى حياتى..
صدق الشاعر الذى قال:
اذا جهلت من امرى اعراقه وانسابه فانظر الى ماذا يفعل..
قاتلك الله من متملق بائس منتفع حقير،،،

تحياتي صديق الموج

يا زول الطيب مصطفى دا لو عايز يمشي يزور قبر ولده في الجنوب
يعني لازم ياخد تأشيرة ويسافر عشان يزور قبر ولده ما أحسن لية يكون في جوار أخوي ما بين الدولتين تحسباً لأي ظروف مستجدة بالشمال .
غشان أهلنا قالوا الدنيا دي ما مضمونة والبتحزم بيها عريان . والدنيا أرنب ممكن تمرق في أي زمان ومكان.

بحيراوي

Quote: الاستاذ- صديق الموج الطيب مصطفي قريبا سيجد نفسه في التجاني الماحي

ابو عرفه سلام
هو نوع الطيب ده لى هسه مخلينو بره ليه؟؟

Quote: تحياتي صديق الموج يا زول الطيب مصطفى دا لو عايز يمشي يزور قبر ولده في الجنوب يعني لازم ياخد تأشيرة ويسافر عشان يزور قبر ولده ما أحسن لية يكون في جوار أخوي ما بين الدولتين تحسباً لأي ظروف مستجدة بالشمال . غشان أهلنا قالوا الدنيا دي ما مضمونة والبتحزم بيها عريان . والدنيا أرنب ممكن تمرق في أي زمان ومكان. بحيراوي

بحيراوى الطيب هذا لم يترك للصفح ولا سنتمتر واحد وافتأ بان لا
تعايش مع الكفار ولا الكتابيين وقال ان صحيفة المدينة سقطت يوم
ان طرد سيدنا عمر بن الخطاب اليهود وقال لا يجتمع دينان فى جزيرة
العرب وهاهو خال عمر الجديد يقول ذلك..
والله ما اضر بالاسلام الا نوع الطيب مصطفى ده،،،

Quote: هو نوع الطيب ده لى هسه مخلينو بره ليه؟؟

الاستاذ صديق الموج
ماهو ده الكلام المجنن الناس كلها
طبعا كنا مجموعة بنحضر البرنامج و للاسف معانا واحد فلسطيني
واخر جزائري انت عارف المجنون ده خلانا نضاير من ضيوفناواصبح
يسال الزول ده من وين انا قلتا ليهم من اهل الكهف والله الزول ده
لا يدري و لا يعلم انه لا يدري

Quote: الاستاذ صديق الموج ماهو ده الكلام المجنن الناس كلها طبعا كنا مجموعة بنحضر البرنامج و للاسف معانا واحد فلسطيني واخر جزائري انت عارف المجنون ده خلانا نضاير من ضيوفناواصبح يسال الزول ده من وين انا قلتا ليهم من اهل الكهف والله الزول ده لا يدري و لا يعلم انه لا يدري

ابو عرفه سلام

ياخى انا كنت قاعد لوحدى ومكسوف، الوداك تحضر البرنامج ده مع الاجانب شنو؟
اللهم لانسالك رد القضاء ولكن نسالك اللطف فيه،،،،

Quote: الطيب مصطفى يقول من ناحية رجاله ساكت

الرجالة تطير

مدمن قرع الابواب لابد ان يلج

صديق إزيك.
الزول دا تمثال حي لكل أوجاع الوطن.
وهو يقتات على الإثاره وغليان الدم.
وهو يجمع بين بغض العنصرية، وأسواء ما في ثقافتنا من جهل ورجعية.
لكنه قيل أن فقد المولود قاس على قلب وعقل الوالد.

الاستاذ صديق الموج

تحياتى و احترامى


احتفالات منبر السلام العادل "الظالم"

Quote: اتمنى ان لايقرر المؤتمر الوطنى فى مستقبلنا كما قرر حاضرنا ورسمه باجندته..

المؤتمر الوطني قرر وانتهي وسيبدامشروع التمكين عقب الانفصال مباشرة .

Quote: مزابل التاريخ الطيب مصطفى وكل من يؤيد انفصال السودان،،

مشكلة الطيب مصطفي انه صريح باعلان عنصريتة وحبه للانفصال ولكن هو مشروع الانقاذيين منذ الانقلاب الم تلاحظ ان المنبر مزين بافراح الانفصالين الاسلامويين التي اقاموها بالمنبر كعرس الشهيد .

Quote: الطيب مصطفي قريبا سيجد نفسه في التجاني الماحي

مكانو الطبيعى



كائن فاجر عنصرى مريض

صديق الموج

سلامات

متى ما سمعت هذا الرجل يتحدث .. هو أو إبن أُخته .. أتساءل . كيف يحكمنا هؤلاء الجهله؟؟؟

مررت على الحلقه الذكوره وبسرعه تحولت لقناة أخرى .. خوفاً على نفسى من الأرق وإرتفاع الضغط

اخي صديق الموج

صدقني انا ما كنت عارفك انت فقيه في التفسير ماشاء الله عليك اخبرنا جدول حلقات التفسير عندك
ولزم الفائدة ايضاً تفسير الاية كاملة
(( إِنَّ الَّذِينَ كَذَّبُوا بِآيَاتِنَا وَاسْتَكْبَرُوا عَنْهَا لا تُفَتَّحُ لَهُمْ أَبْوَابُ السَّمَاءِ وَلا يَدْخُلُونَ الْجَنَّةَ حَتَّى يَلِجَ
الْجَمَلُ فِي سَمِّ الْخِيَاطِ وَكَذَلِكَ نَجْزِي الْمُجْرِمِينَ ))[الأعراف:

(على ظاهرها، من كذب بآيات الله، واستكبر عن اتباع الحق هكذا شأنه لا ترفع روحه إلى السماء
بل ترد إلى الأرض، وإلى جسده حتى يمتحن ويختبر ويعاقب في قبره، ثم تنقل إلى النار نسأل الله
العافية وكذلك لا يدخلون الجنة أبداً، ولهذا بين سبحانه أن لن يدخل الجنة حتى يلج الجمل
في سم الخياط، ومعلوم أن الجمل لا يلج سم الخياط، سم الخياط يعني خرق الإبرة، والمقصود من
أن هذا مستحيلاً أن يدخل الجنة، كما أن دخول الجمل في سم الخياط مستحيل، فهكذا دخولهم الجنة
لكفرهم وضلالهم، ومستحيل دخولهم الجنة، بل هم إلى النار أبد )

الشيء الثاني انا خايف الطيب مصطفي بكره يرجع للناس دارفور والنيل الازرق وجنوب كردفان والشرق
ويبث سمومه لممارسة هوايته المضله (العنصرية) ويبدا في تقسيم البلد وانا كنت اشاهد الحلقة
وقلت يا ربي الطاهر ما وجد من السودانيين غير الطيب مصطفي لهذا البرنامج والمحيرني هو محتج علي الاستاذين الكبيرين حسين خوجلي والنعمان لانهم وحدويين وكان يجيب معه واحد انفصالي اخر لتكافو الفرص ولكن المعلومة الغائبة له انه لايوجد انفصالي غيره حتي يأتي به الاستاذ طاهر
نسأل الله ان يشفي كل مريضي بلادي

يا الغلابة تهتو في العيشة وصعابها
البلد في عز عذابها كل زول خلاها سابها

يا الغلابة.....

النضال فكينا دربو في طريق مسدود مشينا
التراب ضيعنا حقو عشنا عاد في غربة شينة
وروحنا واقفة ممحنة ويلا نبدا من هنا
الكفاح العاجبو الهنا وقبضة الثوار مهابة

يا الغلابة.....

كل واحد حالتو حالة همو فوق اهلو الحزانة
همو في بلدو وحكايتو الخلاص فقد المكانة
وبالكفاح الليلة نشقى بكرة عاد يا حلوة نلقى
المصانع النورها بقا والبلاد الفوقها سابها

يا الغلابة.....

( الساب) اهله ودياره خلّف الاحزان وراهو
الطشى من امو وابوه يمضي حول ما يشوف جناهو
الزمان اظن قصدنا في البلاد شتت عددنا
ربي عاين لبلدنا وارحم الناس التعابة

يا الغلابة.....

الخريف هجر البوادي والحزن في كل شارع
الجفاف في الوادي عما وشفتو في وجه المزارع
يا مداين يا جناين نحن اصبح حالنا باين
يا مصانع يا جناين نحن اصبح حالنا باين



يا بلدنا يا بلدنا ..يا بلدنا يا بلدنا ..يا بلدنا يا بلدنا ..يا بلدنا يا بلدنا ..يا بلدنا يا بلدنا ..


مافي داعي نقيف نعاين نرجى في مطر السحابة

Quote: الرجالة تطير مدمن قرع الابواب لابد ان يلج

حمزاوى ..ازيك

نحن اهلنا قالو لينا الراجل البستحمل اخوانه
الراجل هو المسامح
الراجل هو الذى يمشى بين الناس بالحسنى..
الراجل هو البشيل فوق الدبر ما بميل...
لكن اللؤم والسخف والكلام الشين ما داير راجل ابدا،،،

Quote: صديق إزيك. الزول دا تمثال حي لكل أوجاع الوطن. وهو يقتات على الإثاره وغليان الدم. وهو يجمع بين بغض العنصرية، وأسواء ما في ثقافتنا من جهل ورجعية. لكنه قيل أن فقد المولود قاس على قلب وعقل الوالد.

موسى احمد مروح.......سلام ياحبيب

صدقت هذا جبل من حقد وبغضاء وتخلف يمشى على رجلين.
نكرة وجد نفسه محسوب مع النخبة ومن الصعب كبح جماح
تطلعات مثل هولاء..
الله يعيننا عليه وامثاله،،،

.


في نفس الحلقة دي ..

النعمان : نحنا الجعليين ..
الطيب م : .. انت جعلي؟
النعمان: علي الطلاق جعل أكتر منك، هو انت الجعلية لقيتها وين يا الطيب م؟



يا موج هو أصلا البرنامج مطبوخ مضروب،
ومقدم البرنامج كمان؟!

.

.

الطيب قريمان
شكرا للمرور ونجاك المولى من نوع الطيب ده،،،

ود الموج...

حياك الله



ياخي انت زول طيب..
الوداك تسمع للنكرة ده منو...!!

سبحان الله
آخر زمان.. الخناث يتطاولوا.....



رحم الله أمرئ عرف قدر نفسه..


تحياتي

Quote: مشكلة الطيب مصطفي انه صريح باعلان عنصريتة وحبه للانفصال ولكن هو مشروع الانقاذيين منذ الانقلاب الم تلاحظ ان المنبر مزين بافراح الانفصالين الاسلامويين التي اقاموها بالمنبر كعرس الشهيد

يوسف السمانى...سلام
غايتو الطيب ده من اسوأ النماذج لرجل سودانى..
استعلاء على الناس بدون فهم ولا مبرر
مفتكر دى شجاعة..
ده جبل لؤم يمشى على رجلين...
كارهـ حتى لنفسه وحاقد،،،

Quote: كائن فاجر عنصرى مريض

معاوية عبيد ....حبابك

فاجر عنصرى مريض اوافقك الرأى
بس كائن دى اشك فيها،،،