Post: #1 Title: ألف حكاية و حكاية مع عائلة ABUHUSSEIN Author: ABUHUSSEIN Date: 01-08-2011, 10:35 AM Parent: #0
سـلام حكايات تحدث في البيت يومياً أو كل فترة و لكنها تبقى في الذاكرة فهي تحدث من الأطفال بصورة عفويه حسين عادل حسين ( المولود في جده 1996) محمد عادل حسين (المولود بالمدينة المنورة 1999) أمنيه عادل حسين (المولودة بالمدينة المنورة 2003) أحمد عادل حسين (المولود بالرياض 2008 )
أغلب الحكايات حدثت و الناس ديل صغار
بـسـم الله نـبـدأ
Post: #2 Title: Re: ألف حكاية و حكاية مع عائلة ABUHUSSEIN Author: ABUHUSSEIN Date: 01-08-2011, 10:36 AM Parent: #1
محمد وهو مطهر الناس بتجي تدخل يدها تحت المخدة تخت ليه القروش و هو ما بقصر الزول قبل ما إمشي من جنبو إدخل يدو تحت المخدة علشان إشيل القروش و أدخلها في جيبو (كوهين). الجماعة قالو ليه الليلة العشاء عليك؟؟؟؟؟ قال ليهم عايزين تتعشو شنو..؟؟؟ بيتزا هت البيتزا بي كم؟؟؟؟ 65 ريال طلع القروش من جيبو و طلع الـ65 ريال بي جنبة و الباقي بي جنبة. سكت جيت طالع ماشي أجيب العشاء محمد جاء ماشي وراي عايز إمشي معاي. سألته أمه أها يا محمد العشاء بيتزا هت؟؟؟؟ قال ليها فـــــــووووووووول هـــت .... ( الحيوان ما بياكل الفول)
Post: #3 Title: Re: ألف حكاية و حكاية مع عائلة ABUHUSSEIN Author: ABUHUSSEIN Date: 01-08-2011, 10:39 AM Parent: #2
حسين و هو صغير في المدينة بركب معاي العربية بنمشي نجيب العيش أو السوبر ماركت المهم و أنا ماشي إقوم إجيني واحد داخل غلط بقوم أنبذو و لو بقت حارة شديد بقوم أقول ليه تُفُـو عليك السيد حسين إصور في الفلم دا كم مرة .... أها يوم و هو معاي في رمضان قبل آذان المغرب مشيت أجيب العيش و أنا جوه الصينية إجي واحد داخل لي .... و قمت أطنطن و سكت .. أتاري حسين إصور في المنظر و منتظر الباقي شوية كدا قام حسين قال : أبـوي.... أتُفُو..؟؟؟؟؟؟
Post: #4 Title: Re: ألف حكاية و حكاية مع عائلة ABUHUSSEIN Author: ABUHUSSEIN Date: 01-08-2011, 10:42 AM Parent: #3
امنية في السودان طلعت مع حبوبتها إجيبو الخضار شافت الحمار بتاع سيد الخضار لما دخلت البيت قالت لي امها امي ما شفتي الحمار رهيييييييييييييييب كلو شامات ولما رجعت الرياض شابكانا- كل يوم يا حليل الحمار مشتاقة ليه والله
Post: #5 Title: Re: ألف حكاية و حكاية مع عائلة ABUHUSSEIN Author: خضر الطيب Date: 01-08-2011, 12:02 PM Parent: #4
Quote: حسين عادل حسين ( المولود في جده 1996) محمد عادل حسين (المولود بالمدينة المنورة 1999) أمنيه عادل حسين (المولودة بالمدينة المنورة 2003) أحمد عادل حسين (المولود بالرياض 2008 )
ابوحسين ربنا يحفظم ليك ويسعدك بيهم
بالله انت قاعد من الوقت داك ؟
Post: #6 Title: Re: ألف حكاية و حكاية مع عائلة ABUHUSSEIN Author: محمد البشرى الخضر Date: 01-08-2011, 12:34 PM Parent: #5
ربنا يحفظهم و يبارك لكم فيهم يا ابو حسين
Post: #7 Title: Re: ألف حكاية و حكاية مع عائلة ABUHUSSEIN Author: SHIBKA Date: 01-08-2011, 12:46 PM Parent: #6
الله يخليهم ليكم
والاطفال احباب الله رغم الشقاوة
Post: #8 Title: Re: ألف حكاية و حكاية مع عائلة ABUHUSSEIN Author: محمد عبد الماجد الصايم Date: 01-08-2011, 12:47 PM Parent: #6
يا عمكـ .. لمن تعمل للزول (تفووو) قاعد تتذكر تفتح الشباكـ؟
_ حفظكم الله ورعاكم في حلّكم وترحالكم!
Post: #9 Title: Re: ألف حكاية و حكاية مع عائلة ABUHUSSEIN Author: ساميه حامد Date: 01-08-2011, 01:00 PM Parent: #8
محمد إتكلم عن المدرسة و تحديداً عن أستاذ في المدرسة... إنتهى محمد من كلامو دخل حسين في حكاية برضو عن المدرسة و هو بتكلم عايز إقول إسم الأستاذ شكلو كدا نسى إسم الأستاذ و قعد إقول أستاذ...أستاذ....أستاذ..... و هو بتذكر في إسم الأستاذ قام رفع المخدة و قعد إعاين تحتها... محمد ضحك و قال ليه ... حسين بتفتش للأستاذ تحت المخدة..؟؟؟؟
Post: #10 Title: Re: ألف حكاية و حكاية مع عائلة ABUHUSSEIN Author: ساميه حامد Date: 01-08-2011, 01:03 PM
حسين و محمد في المدينة و هم صغار بطلعو إمشو البقالة و في شُفع عاملين معاهم مشاكل ... عملو ليهم عصايات بمشو بيها البقالة .... اليوم داك جو طالعين ماشين البقالة لم وصلو الباب محمد قال لي حسين.. حسين عـصِـب ..!! ( عصب دي يعني صُـر وشك)
Post: #11 Title: Re: ألف حكاية و حكاية مع عائلة ABUHUSSEIN Author: معاوية عبيد الصائم Date: 01-08-2011, 01:42 PM Parent: #10
Quote: شوية كدا قام حسين قال : أبـوي.... أتُفُو..؟؟؟؟؟؟
الناس البدخلو هنا بقولو أنا مأجرك تزيد لي عدد المداخلات و بتقبض مني كمان...
بطل الحركات دي و أمشي معاي عِـدل....
تحياتي
Post: #20 Title: Re: ألف حكاية و حكاية مع عائلة ABUHUSSEIN Author: ABUHUSSEIN Date: 01-08-2011, 02:46 PM Parent: #19
أخونا معروف حمدين سلام
Quote: من الذي يكتب بأسم ( أبوحسين ) تم أجراء اللازم يا ودالصايم !!!!!!
المداخلات اللي مكتوبة بي خط و لون واحد دي....
كاتبها أبو حسين و الإسم التاني دا إسم أم حسين ......
قوم لف إنت و ودالصائم بتاعك دا....
تحياتي
Post: #21 Title: Re: ألف حكاية و حكاية مع عائلة ABUHUSSEIN Author: ABUHUSSEIN Date: 01-08-2011, 02:50 PM Parent: #20
أبو السيد سلام
Quote: للذي يكتب بإسم أبوحسين .. أختشي ! يعني مالقيت إلا الظلامي دا ؟؟؟
أبو السيد البوست دا ما على مودك ..!!!!! لا فيه شكل و لا فيه نبذ شوف ليك بوست تاني مارس فيه هوايتك المعتادة...
Quote: للضمان كدا .. ربنا يحفظكم جميعاً .
بقيت تجر واطي يا كبير..؟؟؟؟؟؟
تحياتي
Post: #22 Title: Re: ألف حكاية و حكاية مع عائلة ABUHUSSEIN Author: الامين موسى البشاري Date: 01-08-2011, 03:17 PM Parent: #21
ابو حســـين
ربنا يحفظهم ليكــ ويغــر بهم عينك وعين والدتهم
تحاياي
Post: #23 Title: Re: ألف حكاية و حكاية مع عائلة ABUHUSSEIN Author: ABUHUSSEIN Date: 01-08-2011, 03:27 PM Parent: #22
أخونا الأمين سلام
Quote: ربنا يحفظهم ليكــ ويغــر بهم عينك وعين والدتهم
تحاياي
إديك الصحة و العافية و إحفظك و إحفظ ليك كل عزيز
و عقبالك
تحياتي
Post: #24 Title: Re: ألف حكاية و حكاية مع عائلة ABUHUSSEIN Author: خدر Date: 01-08-2011, 03:35 PM Parent: #23
Quote: حسين و محمد في المدينة و هم صغار بطلعو إمشو البقالة و في شُفع عاملين معاهم مشاكل ... عملو ليهم عصايات بمشو بيها البقالة .... اليوم داك جو طالعين ماشين البقالة لم وصلو الباب محمد قال لي حسين.. حسين عـصِـب ..!! ( عصب دي يعني صُـر وشك)
ياخي دي اوسكار عديييل إتخيلتهم والله هههههههههههههههههههههههه
ربنا يحفظهم ليكم يا ابوالحسين و سامية
Post: #26 Title: Re: ألف حكاية و حكاية مع عائلة ABUHUSSEIN Author: ABUHUSSEIN Date: 01-08-2011, 03:41 PM Parent: #24
اخونا الفنان خــدر سلام
Quote: ياخي دي اوسكار عديييل إتخيلتهم والله هههههههههههههههههههههههه
ربنا يحفظهم ليكم يا ابوالحسين و سامية
و أحفظك يا راجل يا طيب
ياخي عالم الأطفال دا عالم تاني و أجمل ما فيه العفويه بتاعتهم.
بالمناسبة المداخلة الأولى شفتها و إتجاهلتها عن عمد لأنها ما موجهه لي تجي سامية حامد و ترد عليها
تحياتي
Post: #25 Title: Re: ألف حكاية و حكاية مع عائلة ABUHUSSEIN Author: السيد المسلمي Date: 01-08-2011, 03:37 PM Parent: #23
Quote: لا فيه شكل و لا فيه نبذ شوف ليك بوست تاني مارس فيه هوايتك المعتادة...
لو القطر مافيهو مفتش كان قلبتو ليك عشرة وست ! لكن بختها ليكـ قدام يامأزوم
Post: #27 Title: Re: ألف حكاية و حكاية مع عائلة ABUHUSSEIN Author: ABUHUSSEIN Date: 01-08-2011, 03:45 PM Parent: #25
Quote: لو القطر مافيهو مفتش كان قلبتو ليك عشرة وست ! لكن بختها ليكـ قدام يامأزوم
ياها ثقافتك أعلى هرمها عشرة وست..!!!!!!!!
و الله إنتو الواحد لو تاب ما تخلوهو....
ياخ أقول ليك حاجة
الله إسامحك....
.
Post: #28 Title: Re: ألف حكاية و حكاية مع عائلة ABUHUSSEIN Author: خدر Date: 01-08-2011, 04:00 PM Parent: #27
Quote: بالمناسبة المداخلة الأولى شفتها و إتجاهلتها عن عمد لأنها ما موجهه لي تجي سامية حامد و ترد عليها
فهمتك و ما إتحسست ما تخاف عا########ي حركات اولادك دي
____ الزول الفي صورتك ده منو يا عادل ؟
Post: #29 Title: Re: ألف حكاية و حكاية مع عائلة ABUHUSSEIN Author: ABUHUSSEIN Date: 01-08-2011, 04:03 PM Parent: #27
أمنية و أحمد في مقطع فيديو و أغنية من أغاني طيور الجنة
الرجاء التركيز على خشم أحمد الذي لا يحفظ من الأغنية غير القافية
Post: #30 Title: Re: ألف حكاية و حكاية مع عائلة ABUHUSSEIN Author: ABUHUSSEIN Date: 01-08-2011, 04:05 PM Parent: #29
Quote: الزول الفي صورتك ده منو يا عادل ؟
دا عادل يا خدر........
Post: #31 Title: Re: ألف حكاية و حكاية مع عائلة ABUHUSSEIN Author: بله محمد الفاضل Date: 01-08-2011, 04:08 PM Parent: #27
ربنا يغطي عليهم ويخليكم ليهم وتشوفوا جناهم
"حسين عادل حسين ( المولود في جده 1996)" دا دفعتي عديل بس ما عُمر سنين غُربة في 96م دخلت إلى جدة التي ولد بها
تحية لك يا أبا الحسين وللأسرة الكريمة جميعاً وتحية خاصة لحسين
Post: #32 Title: Re: ألف حكاية و حكاية مع عائلة ABUHUSSEIN Author: ABUHUSSEIN Date: 01-08-2011, 04:14 PM Parent: #31
اخونا بله سلام
Quote: ربنا يغطي عليهم ويخليكم ليهم وتشوفوا جناهم
"حسين عادل حسين ( المولود في جده 1996)" دا دفعتي عديل بس ما عُمر سنين غُربة في 96م دخلت إلى جدة التي ولد بها
تحية لك يا أبا الحسين وللأسرة الكريمة جميعاً وتحية خاصة لحسين
تسلم من كل شر و ربنا إديك الصحة و العافية
تحياتي
.
Post: #33 Title: Re: ألف حكاية و حكاية مع عائلة ABUHUSSEIN Author: ABUHUSSEIN Date: 01-08-2011, 04:29 PM Parent: #32
ماشين من الرياض إلى مكة و في الطريق و الدنيا ليل الأولاد عندهم علبة لبان وقعت منهم في العربية و قعدو إفتشو عليها الدنيا ضلام و ما لقوها أمنية قالت ليهم :
أعملو ليها مس كول علشان تعرفوها وين ....!!!!!!!
Post: #34 Title: Re: ألف حكاية و حكاية مع عائلة ABUHUSSEIN Author: عثمان نواي Date: 01-08-2011, 05:11 PM Parent: #33
ابو حسين ربنا يحفظهم ويحفظك ليهم عثمان نواي
Post: #35 Title: Re: ألف حكاية و حكاية مع عائلة ABUHUSSEIN Author: ABUHUSSEIN Date: 01-08-2011, 05:11 PM Parent: #33
دي حركات طفل عمرو سنتن ...؟؟؟؟؟؟؟
.
Post: #36 Title: Re: ألف حكاية و حكاية مع عائلة ABUHUSSEIN Author: ABUHUSSEIN Date: 01-08-2011, 05:14 PM Parent: #35
أخونا عثمان سلام
Quote: ابو حسين ربنا يحفظهم ويحفظك ليهم عثمان نواي
و ربنا إحفظك و إحفظ ليك كل عزيز من كل شر
تحياتي
Post: #37 Title: Re: ألف حكاية و حكاية مع عائلة ABUHUSSEIN Author: smart_ana2001 Date: 01-08-2011, 05:51 PM Parent: #36
ابو حسين و ام حسين ربنا يخليهم و يحفظهم و يفرحكم بيهم.
استمتعلوا بطفولة اطفالكم ...لانهم بيكبروا سريع.
Post: #38 Title: Re: ألف حكاية و حكاية مع عائلة ABUHUSSEIN Author: ABUHUSSEIN Date: 01-08-2011, 06:06 PM Parent: #37
أختنا سمارت سلام
Quote: ابو حسين و ام حسين ربنا يخليهم و يحفظهم و يفرحكم بيهم.
استمتعلوا بطفولة اطفالكم ...لانهم بيكبروا سريع.
و إخليك و إحفظك و تفرحي بي كل عزيز
و الله فعلاً حياة الأطفال متعة كبيرة
إن شاء الله ربنا إمتع الجميع بالأطفال و مايحرم بيت منهم
تحياتي و تسلمي
.
Post: #39 Title: Re: ألف حكاية و حكاية مع عائلة ABUHUSSEIN Author: ABUHUSSEIN Date: 01-08-2011, 06:14 PM Parent: #38
أمنية أمها حامل بي أحمد في الشهر التامن و أنا قاعد في الصالة جات أمنية ماشه قدامي و هي بتقول :- يا الله ولد .... يا الله ولد ... يا الله ولد عاينت ليها و قلت في نفسي البت دي لاعبة حريق و قافلة على ولد و لا شنو ..؟؟؟ قلت ليها : يا بت بتقولي في شنو ..؟؟ بقول يا الله ولد.. يعني شنو..؟؟؟ يعني أمي تجيب ولد ليه علشان أبقى أنا البت الوحيدة و تدلعوني... .
.
و حـصـل فعلاً.
Post: #40 Title: Re: ألف حكاية و حكاية مع عائلة ABUHUSSEIN Author: ساميه حامد Date: 01-08-2011, 11:21 PM Parent: #39
اخونا خدر تحياتي وسلامي
Quote: مبالغة يا سامية حامد بس اوع تقولي لي ديل بتاعين ابو الحسين حقنا ده ؟
ياهم زاتم بتاعين ابو حسين
ما شايفهم جن مسلط زي ...............
انا طبعا براءة من شقاوتهم دي كلها ذنوب ابو حسين مش قالوا الواحد بولد ذنوبو؟
شكرا على مرورك
Post: #41 Title: Re: ألف حكاية و حكاية مع عائلة ABUHUSSEIN Author: السيد المسلمي Date: 01-08-2011, 11:45 PM Parent: #40
Quote: ياهم زاتم بتاعين ابو حسين
ما شايفهم جن مسلط زي ...............
متابعين معاكم ومستمتعين .
ــ أبوحسين .. بالله قرط علي كدا .
Post: #42 Title: Re: ألف حكاية و حكاية مع عائلة ABUHUSSEIN Author: ساميه حامد Date: 01-09-2011, 00:17 AM Parent: #41
السيد المسلمي تحية واحترام
Quote: متابعين معاكم ومستمتعين
انا عاوزة اعرف مستمتع بي شنو بالضبط بالاولاد ولا بي زي ............................
Quote: أبوحسين .. بالله قرط علي كدا .
شكلك كده يا المسلمي يا اخوي ما أتيت لي حوار
عشان كده يا ابو حسين
التجاهل
التجاهل
التجاهل
والله مرورك اسعدني كتير يا المسلمي
Post: #43 Title: Re: ألف حكاية و حكاية مع عائلة ABUHUSSEIN Author: ABUHUSSEIN Date: 01-09-2011, 05:25 AM Parent: #42
ابو السيد
Quote: أبوحسين .. بالله قرط علي كدا .
أبو السيد أنا عارف دخولك البوست دا لي شنو ...
لكن الوليه دي ذاتها شكلها كدا بتتآمر علي
الله إدينا خيركم بس
Post: #44 Title: Re: ألف حكاية و حكاية مع عائلة ABUHUSSEIN Author: ABUHUSSEIN Date: 01-09-2011, 09:25 AM Parent: #43
راكبين العربية و سامية حامد لخبطت ليها كلمة كدا لخبطة عجيبة نطت ليها المصححه اللغوية بتاعتنا أمي إنت جنيتي..؟؟؟ يابت عيب تقولي كلام زي دا ..!!! طيب عادي يا أمي أقول ليك إنتي خرفتي...؟؟؟
Post: #45 Title: Re: ألف حكاية و حكاية مع عائلة ABUHUSSEIN Author: ABUHUSSEIN Date: 01-09-2011, 03:18 PM Parent: #44
حسين دخل الروضة و محمد لسه و الموضوع دا ما عاجبو أها محمد أي زول إجي داخل البيت إقعد إحكي ليه عن الروضة و الأساتذه و أصحابو و بالأسماء كمان و إقنع ليك أي زول إنو هو كل يوم بمشي الروضة لتخ ليه إسم أستاذ من راسو حاجة كدا الحجيلي يوم و نحن ماشين في الشارع لقينا لينا مؤسسة صاحبها مين كدا الحجيلي أمه قالت ليه يا محمد دا أخو أستاذكم ..؟؟ قال ليها لأ .... دا ود عمو ....
Post: #46 Title: Re: ألف حكاية و حكاية مع عائلة ABUHUSSEIN Author: ABUHUSSEIN Date: 01-10-2011, 05:25 AM Parent: #45
أمنيه أول أسبوع ليها في المدرسة جات زهجانة مالك يا بت يا أبوي في واحدة كرهتني ليه مالها مبارياني اليوم كلو أها عملتي معاها شنو و الله زهجتني قلت ليها و الله أنا كرهت المدرسة دي عشانك
Post: #47 Title: Re: ألف حكاية و حكاية مع عائلة ABUHUSSEIN Author: ABUHUSSEIN Date: 01-10-2011, 03:26 PM Parent: #46
أحمد أبو سنتين و شوية أمه قاعدة تتفرج في المسلسل قال ليها عايز مويه مشت تجيب ليه المويه رجعت لقتو متكي في الكرسي بتاعها و بضحك كمان
بعد شويه حا إطلع ليها لسانو
Post: #48 Title: Re: ألف حكاية و حكاية مع عائلة ABUHUSSEIN Author: ABUHUSSEIN Date: 01-11-2011, 05:45 AM Parent: #47
*
Post: #49 Title: Re: ألف حكاية و حكاية مع عائلة ABUHUSSEIN Author: haroon diyab Date: 01-11-2011, 06:11 AM Parent: #48
اجمل صباح
زاد قلبي شوق
Post: #50 Title: Re: ألف حكاية و حكاية مع عائلة ABUHUSSEIN Author: haroon diyab Date: 01-11-2011, 06:13 AM Parent: #49
بالمناسبة....
يادوب عرفته كلمة
ابو حسين تطير عيشتو سببه شنو.....؟
Post: #51 Title: Re: ألف حكاية و حكاية مع عائلة ABUHUSSEIN Author: ABUHUSSEIN Date: 01-11-2011, 09:37 AM Parent: #50
هارونا صباحك سعيد
Quote: بالمناسبة....
يادوب عرفته كلمة
ابو حسين تطير عيشتو سببه شنو.....؟
تقصد إنو السبب ساميه حامد..؟؟؟؟؟؟
غايتو هي رشاشة خليها تجي تصرف معاك....
Post: #52 Title: Re: ألف حكاية و حكاية مع عائلة ABUHUSSEIN Author: معاوية المدير Date: 01-11-2011, 09:59 AM Parent: #51
الأعزاء أبو حسين، وسامية، إن شاء الله يكبروا، وتشوفوا جديدهن يا بركة من جعل محمد نبي.
Post: #53 Title: Re: ألف حكاية و حكاية مع عائلة ABUHUSSEIN Author: اساسي Date: 01-11-2011, 10:08 AM Parent: #52
احذرك بوضوح كان تحكي قصة التحلية
Post: #54 Title: Re: ألف حكاية و حكاية مع عائلة ABUHUSSEIN Author: ABUHUSSEIN Date: 01-11-2011, 10:11 AM Parent: #53
ود المدير سلام
Quote: الأعزاء أبو حسين، وسامية، إن شاء الله يكبروا، وتشوفوا جديدهن يا بركة من جعل محمد نبي.
آمين يا رب
الله إديك العافية و إوفقك و إحفظ ليك كل عزيز
تحياتي
Post: #55 Title: Re: ألف حكاية و حكاية مع عائلة ABUHUSSEIN Author: ABUHUSSEIN Date: 01-11-2011, 10:15 AM Parent: #54
أخونا أساسي سلام
Quote: احذرك بوضوح كان تحكي قصة التحلية
و الله ذكرتني ليها .. أنا كنت ناسيها شكراً ليك
و نحن في المدينة معانا ضيفين عزيزين إتغدينا و جات التحلية ( أم علي و بسبوسة ) دخل محمد لي أمه و هو ببكي مالك يا ود الضيف (ما الإتنين) كمل التحلية.
Post: #56 Title: Re: ألف حكاية و حكاية مع عائلة ABUHUSSEIN Author: طلحة عبدالله Date: 01-11-2011, 10:26 AM Parent: #55
ربنا يحفظ ويبارك يا أبو حسين
Quote: أبـوي.... أتُفُو..؟؟؟؟؟؟
علموا أولادكم ركوب العربات والتففان وصرة الوش ..
Post: #57 Title: Re: ألف حكاية و حكاية مع عائلة ABUHUSSEIN Author: ABUHUSSEIN Date: 01-11-2011, 10:33 AM Parent: #56
اخونا طلحة سلام
Quote: ربنا يحفظ ويبارك يا أبو حسين
Quote: أبـوي.... أتُفُو..؟؟؟؟؟؟
علموا أولادكم ركوب العربات والتففان وصرة الوش ..
و إحفظك و إحفظ ليك كل عزيز نسوي شنو .... بتجي غصب عنك
تحياتي
Post: #58 Title: Re: ألف حكاية و حكاية مع عائلة ABUHUSSEIN Author: حامد محمد حامد Date: 01-11-2011, 10:49 AM Parent: #57
لا حولا ابو حسين لامى العائلة كلها بجاى ونازل يا حكى ونحن ما جايبين خبر
ربنا يحفظهم ليك ويسلمهم من كل اذى ... اها مين فيهم اللى كان بيغششك فى حل الفوازير ...؟
Post: #59 Title: Re: ألف حكاية و حكاية مع عائلة ABUHUSSEIN Author: ABUHUSSEIN Date: 01-11-2011, 10:54 AM Parent: #58
أخونا حامد سلام
Quote: لا حولا ابو حسين لامى العائلة كلها بجاى ونازل يا حكى ونحن ما جايبين خبر
ربنا يحفظهم ليك ويسلمهم من كل اذى ... اها مين فيهم اللى كان بيغششك فى حل الفوازير ...؟
و إحفظك و إديك العافية و إحفظ ليك كل عزيز
يا حامد إذا كان فيهم واحد بغشش إبقى أبوهم شنو ...؟؟؟؟
تحياتي
Post: #60 Title: Re: ألف حكاية و حكاية مع عائلة ABUHUSSEIN Author: حامد محمد حامد Date: 01-11-2011, 11:10 AM Parent: #59
Quote: يا حامد إذا كان فيهم واحد بغشش إبقى أبوهم شنو ...؟؟؟؟
ههها...انت داير توقعنى مع المدام ولا شنو ..ما يمكن طالعين عليها ولا الجينات عندكم وبس ..!!
Post: #61 Title: Re: ألف حكاية و حكاية مع عائلة ABUHUSSEIN Author: HAIDER ALZAIN Date: 01-11-2011, 11:13 AM Parent: #60
*****
Post: #62 Title: Re: ألف حكاية و حكاية مع عائلة ABUHUSSEIN Author: داليا حافظ Date: 01-11-2011, 12:10 PM Parent: #61
Quote: أمنية قالت ليهم :
أعملو ليها مس كول علشان تعرفوها وين ....!!!!!!!
عسسسسسل لكن أمنية ..
ربنا يحفظهم ليكم ..ويغطي عليهم
Post: #63 Title: Re: ألف حكاية و حكاية مع عائلة ABUHUSSEIN Author: ساميه حامد Date: 01-11-2011, 02:55 PM Parent: #62
Quote: ههها...انت داير توقعنى مع المدام ولا شنو ..ما يمكن طالعين عليها ولا الجينات عندكم وبس ..!!
تجر واطي ....؟؟؟؟؟
Post: #64 Title: Re: ألف حكاية و حكاية مع عائلة ABUHUSSEIN Author: ABUHUSSEIN Date: 01-11-2011, 02:58 PM Parent: #63
أخونا حيدر سلام
Quote: *****
****************************
تحياتي
Post: #65 Title: Re: ألف حكاية و حكاية مع عائلة ABUHUSSEIN Author: ABUHUSSEIN Date: 01-11-2011, 03:00 PM Parent: #64
العزيزة داليا سلام
Quote: عسسسسسل لكن أمنية ..
ربنا يحفظهم ليكم ..ويغطي عليهم
و إحفظك إنتي كمان و إحفظ ليك كل عزيز
تحياتي
Post: #66 Title: Re: ألف حكاية و حكاية مع عائلة ABUHUSSEIN Author: ABUHUSSEIN Date: 01-12-2011, 05:41 AM Parent: #65
أمنية جات من المدرسة زهجانة مالك يا بت أستاذة العلوم دي كرهتنا ( هي أصلاً مكجناها) مالها معاك أدتنا صفحة كاملة قالت نحفظها طيب ما طوالي بدوكم حفظ الجديد شنو ..؟؟ نحفظها في الحصة و نسمعها كمان أها و عملتي شنو ..؟؟؟ و الله حفظتها و سمعت لي ... قالت لي أمشي أحفظيها كويس و أها و حفظتيها و الله قفلت الكتاب و طنشتها....
Post: #67 Title: Re: ألف حكاية و حكاية مع عائلة ABUHUSSEIN Author: ABUHUSSEIN Date: 01-13-2011, 06:24 AM Parent: #66
أحمد أبو سنتين و شويه شال المويه دفقها و هو فرحان بضحك سألتو أحمد الدفق المويه دي منو ؟؟؟ أنا ليه كدا بـس أمنيه جيبي لي الحزام سألتو تاني أحمد الدفق المويه منو ؟؟ إتين ( حسين)
Post: #68 Title: Re: ألف حكاية و حكاية مع عائلة ABUHUSSEIN Author: ABUHUSSEIN Date: 01-14-2011, 05:04 AM Parent: #67
*
Post: #69 Title: Re: ألف حكاية و حكاية مع عائلة ABUHUSSEIN Author: ABUHUSSEIN Date: 01-19-2011, 05:58 AM Parent: #68
*
Post: #70 Title: Re: ألف حكاية و حكاية مع عائلة ABUHUSSEIN Author: ABUHUSSEIN Date: 01-23-2011, 04:41 AM Parent: #69
أمنيه عمرها 5 سنوات مشاكل مع محمد تضربو و تجري ضربتو و جرت دخلت الغرفة أمها بتصلي و قدامها مسند علشان الناس ما تجي قدامها و هي بتصلي دخلت أمنيه و محمد جاري وراها قطعت قدام أمها قبل محمد ما إصلها شالت المسند محمد وقف محتار مدت ليهو لسانها و قعدت تضحك
