البشير : جلد الفتاه لايهز شعرة فينا

؟؟؟؟؟

على قناة الجزيره الآن قال البشير ان جلد الفتاه جاء فى اطار تطبيق حدود الله ,,, والقاضى والشرطه لم يبشعوا بتلك الفتاه انما الشخص الذى صور الفيديو هو الذى بشع بها ,,, وقاااااااااااال ( نحنا ماخجلانيين نهائى من الشريط ده) !!!!!!!!!!!!!!!!!!!!!!!!!!!!!!!!!!!!!

وقاااال كمان : انا شفت الفيديو دا اكتر من مره ,,,, البت هى المخطئه لانها ما التزمت بانها تجلس وما تتحرك عشان يتم الجلد بالطريق الصحيحه







,,,,, الزول ده نصيييح؟؟؟؟؟؟؟؟

العزيز ايمن
سلام
يازول في ذمتك يا ايمن انت شفت الريس عمر حسن احمد البشير بي عينك في قناة الجزيره وسمعتو بي اضانك قال الكلام ده كلو؟
إنت متأكد يا ايمن انو ده ياهو عمر البشير بي شحمو ولحمو؟

انت عارف ... انا شاك يمكن يكون واحد متقمص شخصيتو ... واللا الحكايه تكون مؤامره عشان يلصقو ليهو تهمه ممافيش
قلبي بقول لي الفلم احتمال عملو فيهو عمله وقولو الراجل كلام ما قالو
واللا انت عارف احتمال ولاد الحلال يكونو ودو للريس فلم واحد تاني غير الشفناهو نحن

عمر البشير ده ... خليني من شريعه وفتوي .... انا ظنيتو زول ود بلد.... زي وزيك
وما اظن انو ممكن مجرد احتمال برضي في بت الناس ضرب غرائب الابل الشفناهو يومداك سيبك من يقول الحكايه دي ما هزتو

نان البهزو شنو ؟

Quote: يازول في ذمتك يا ايمن انت شفت الريس عمر حسن احمد البشير بي عينك في قناة الجزيره وسمعتو بي اضانك قال الكلام ده كلو؟ إنت متأكد يا ايمن انو ده ياهو عمر البشير بي شحمو ولحمو؟

الحبيب محمد مصطفى
وحات عيونى البياكلن الدود ديل ياود مجزوب الزول ده قال الكلام ده بالنص بكل بجاحه ,,, وكان بيقول كدا بى غيظ وزعل
زى كأنو بتكلم برد فعل لى كلام معين وعايز يغيظ بيهو ناس معينين وحتى القاضى الغلتوهو كل الكيزان هو قال ماغلطان ,,,, ومنظرو كان يحنن الكافر محبط ومشتت وكلما المذيعه تديهو سؤال يقعد يتمتم ويقول ليها ,,آه ,, أوه ,, إيه زى الماسامع ,,, الزول دا شبكتو طشت وتشابه عليهو بقر الدنيا كلها

الأخ أيمن التوم

تحياتي - يا أخي الرئيس دا بفترض أن تكون تلك الفتاة فارسة عديييييل كدا وألا تتزحزح وهي تُجلد بتلك الطريقة البشعة.

بحيراوي

عزيزنا البحيراوى

هذا كلام مخجل جدا ,,, وفيه انتصار للظلم والجهل ,,,, لله درك ياوطن ان كان هذا كلام يصدر من رئيس من المفترض ان يرعى حقوق شعبه

طيب ..
شكلو الريس ما جايب خبر..بالامس تم استدعاء القاضى الذى نفذ الحكم على الفتاة
من قبل رئيس الجهاز القضائى..يلا..احتمال عاوز يديهو جائزة..او يرفعو لى درجة اعلى
عموما الريس ما بتهزو الا دلوكة كاربة..

ريح نفسـك يا أيمـن
الزول ده عوير سـاي

قال الصدق ..
ريح الناس من مجهود كبير جدا جدا
لكى يثبتوا ما قاله هو بلسانه فى كلمات ..
دا بدل تشكروه ؟










ـــــــــــــــــــــ
جلد الفتاه لايهز شعرة فينا
وما تقلقو دى يا قول عمر الفاروق الله يطراه بالخير
نون النحل .. يعنى هم فى الحكم ..
ونحن ما معاهم .. والله نحنا
رجفتنا
من اخمص اقدامنا الى
سبيبة راسنا (حالتى ما شفتها) ..

.........................................

حبيب نورة

لك العذر فى هذا الصمت ’’’ فقد اتسع الهم والغم وضاقت العبارات

Quote: قال الصدق .. ريح الناس من مجهود كبير جدا جدا

الاخت دينا خالد
فعلا هذه من المرات القلائل التى يكشف فيها رأس هذا النظام عن وجهه الحقيقى
,, عشان تانى نشوف الصفيقه والكمبارس بتاعين السلطه ديل حيقولو شنو بعد كلام الريس دا

Quote: ريح نفسـك يا أيمـن الزول ده عوير سـاي

عوير دي كتير قول عروره سااااااااااي

Quote: ريح نفسـك يا أيمـن الزول ده عوير سـاي

الحبيب
هذا النظام المتعاور وزعيمه المطارد العوير الكبير
قريبا جدا سيذهب الى المزبله ,,, ولاعزاء

Quote: الريس ما بتهزو الا دلوكة كاربة..

وهل من قبل اهتزت مشاعره
لحريق دارفور
وحريق الجنوب

وقتل الاطفال بمعسكر العيلفون

ام اهتزت مشاعره لجرائم الاغتصاب التي تحدث فيها مع رئيس القضاء عن شرف الغرباوية لاغتصابها من جعلي

هل اهتز له رمش لمشاهدة الناس تموت من الفقر ببورتسودان

ام حالات التشريد بعشرات الالوف

ام لاطفال خارج مؤسسة الزواج المايقوما وغيرها ااهتز ت مشاعره

وهل له مشاعر هذا الك ا ذب المجرم القبيح


وما قول من اهتزت مشاعرهم \ن مع الفتاة وهم هن يدعمون المجرم البشير

هل تغيرت مشاعرهم لان المجرم البشير قال ان هذه هي الشريعة؟؟؟؟؟؟؟؟؟؟؟؟؟


سلام ايمن
من الغم والحزن نسيت ان ابد بالتحية

Quote: وهل من قبل اهتزت مشاعره لحريق دارفور وحريق الجنوب وقتل الاطفال بمعسكر العيلفون ام اهتزت مشاعره لجرائم الاغتصاب التي تحدث فيها مع رئيس القضاء عن شرف الغرباوية لاغتصابها من جعلي هل اهتز له رمش لمشاهدة الناس تموت من الفقر ببورتسودان ام حالات التشريد بعشرات الالوف ام لاطفال خارج مؤسسة الزواج المايقوما وغيرها ااهتز ت مشاعره وهل له مشاعر هذا الك ا ذب المجرم القبيح وما قول من اهتزت مشاعرهم \ن مع الفتاة وهم هن يدعمون المجرم البشير هل تغيرت مشاعرهم لان المجرم البشير قال ان هذه هي الشريعة؟؟؟؟؟؟؟؟؟؟؟؟؟ سلام ايمن من الغم والحزن نسيت ان ابد بالتحية

Sabri Elshareef
لن تهتز لهؤلاء شعره وهم الذين قتلوا الابرياء فى الشهر الحرام ’’’ وانشأوا لاول مره
فى تاريخ السودان تلك البيوت السيئة السمعه المسماه بيوت الاشباح ,,,, الان هم فى هستيريا وقلوبهم تهتز بعنف
خوفا من المصير الاسود ,,,, الذى ينظر الى البشير ليلة امس يدرك ان كل قطعه فى جسده تهتز وترنجف,,,

Quote: على قناة الجزيره الآن قال البشير ان جلد الفتاه جاء فى اطار تطبيق حدود الله ,,, والقاضى والشرطه لم يبشعوا بتلك الفتاه انما الشخص الذى صور الفيديو هو الذى بشع بها ,,, وقاااااااااااال ( نحنا ماخجلانيين نهائى من الشريط ده) !!!!!!!!!!!!!!!!!!!!!!!!!!!!!!!!!!!!!

يكاد الرئيس يقول خذوني


شكراً على نقل هذا الخبر وتأكيده، ويا ريت لو نوثقوا بالفيديو...


والله يا جماعة كل شروط التغيير وشرعيتو جاية على طبق من ذهب، الرئيس بدردق في الجيش ويستفذ في الناس ببجاحة عشان ينقلبوا قبل الإستفتاء بأي طريقة.

لكن على منو يا كيزان... ألعبوا غيرا... مافي اي عنكبة قبل ما الجنوبيين يستكملوا شروط نيفاشا... نيفاشا التي اباها الجميع لأنها لم تشملهم في توزيع السلطة وتقسيم الثروة، لكنهم في النهاية التزموا بها كسياسة أمر... واقع مرير فرضه الكيزان ومنه يبرطعون الآن. لكن بعد فوات الأوان... خلاص الفاس وقع في الراس فاثبتوا للجاييكم يا كيزان

***